% Text title            : Anuttarashtika by Abhinavagupta
% File name             : anuttarAShTikA.itx
% Category              : major\_works, abhinavagupta, aShTaka, , kAshmIrashaivadarshanam
% Location              : doc\_z\_misc\_major\_works
% Author                : Abhinavagupta
% Transliterated by     : Ruma Dewan
% Proofread by          : Ruma Dewan
% Description-comments  : from Abhinavastotravali
% Latest update         : December 18, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Anuttarashtika ..}##
\itxtitle{.. anuttarAShTikA ..}##\endtitles ##
sa~NkrAmo.atra na bhAvanA na cha kathAyuktirna charchA na cha
     dhyAnaM vA na cha dhAraNA na cha japAbhyAsaprayAso na cha |
tatkiM nAma sunishchitaM vada paraM satyaM cha tachChrUyatAM
     na tyAgI na parigrahI bhaja sukhaM sarvaM yathAvasthitaH || 1||
saMsAro.asti na tattvatastanubhR^itAM bandhasya vArtaiva kA
     bandho yasya na jAtu tasya vitathA muktasya muktikriyA |
mithyAmohakR^ideSha rajjubhujagachChAyApishAchabhramo
     mA ki~nchittyaja mA gR^ihANa vilasvastho yathAvasthitaH || 2||
pUjApUjakapUjyabhedasaraNiH keyaM kathAnuttare sa~NkrAmaH
     kila kasya kena vidadhe ko vA praveshakramaH |
mAyeyaM na chidadvayAtparatayA bhinnApyaho vartate
     sarvaM svAnubhavasvabhAvavimalaM chintAM vR^ithA mA kR^ithAH || 3||
Anando.atra na vittamadhyamadavannaivA~NganAsa~Ngavat
     dIpArkendukR^itaprabhAprakaravat naiva prakAshodayaH |
harShaH sambhR^itabhedamuktisukhabhUrbhArAvatAropamaH
     sarvAdvaitapadasya vismR^itanidheH prAptiH prakAshodayaH || 4||
rAgadveShasukhAsukhodayalayAha~NkAradainyAdayo ye bhAvAH
     pravibhAnti vishvavapuSho bhinnasvabhAvA na te |
vyaktiM pashyasi yasya yasya sahasA tattattadekAtmatA\-
     saMvidrUpamavekShya kiM na ramase tadbhAvanAnirbharaH || 5||
pUrvAbhAvabhavakriyA hi sahasA bhAvAH sadA.asminbhave
     madhyAkAravikArasa.nkaravatAM teShAM kutaH satyatA |
niHsatye chapale prapa~nchanichaye svapnabhrame peshale
     sha~NkAta~Nkakala~NkayuktikalanAtItaH prabuddho bhava || 6||
bhAvAnAM na samudbhavo.asti sahajastvadbhAvitA bhAntyamI
     niHsatyA api satyatAmanubhavabhrAntyA bhajanti kShaNam |
tvatsa.nkalpaja eSha vishvamahimA nAstyasya janmAnyataH
     tasmAttvaM vibhavena bhAsi bhuvaneShvekopyanekAtmakaH || 7||
yatsatyaM yadasatyamalpabahulaM nityaM na nityaM cha yat
     yanmAyAmalinaM yadAtmavimalaM chiddarpaNe rAjate |
tatsarvaM svavimarshasaMvidudayAd rUpaprakAshAtmakaM
     j~nAtvA svAnubhavAdhirUDhamahimA vishveshvaratvaM bhaja || 8||

|| iti shrImadAchAryAbhinavaguptapAdairvirachitAnuttarAShTikA samAptA ||
##

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}