% Text title : brahmavidAshIrvAdaH % File name : brahmavidashirvada.itx % Category : major\_works, vidyAraNya % Location : doc\_z\_misc\_major\_works % Author : Sw. Vidyaranya % Transliterated by : Lakshmi Muthuswamy % Proofread by : Lakshmi Muthuswamy, Sunder Hattangadi % Latest update : Feb 4, 2009 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Brahmavid-Ashirvada ..}## \itxtitle{.. brahmavidAshIrvAdaH ..}##\endtitles ## ||shrIH|| shrImatparamaha.nsaparivrAjakAchArya shrIvidyAraNyasvAmIvirachitaH shrIbrahmavidAshIrvAdaH . hiraNyagarbhAdisthAvarAnteShu sharIreShu yadekaM chaitanyamasti\, tadevAhamasmIti dR^iDhaj~nAnaM nirantaraM bhUyAt ||1 || nirvikalpasamAdhipratibandhakalayavikShepakaShAyarasAsvAdebhyo rakShitaM me chittamavighnena brahmaNi avasthitaM bhUyAt || 2 || nityanirvikArAsa~NgAdvitIyaparipUrNasachchidAnandasvaprakAsha\- chidekarasabrahmAnubhavasiddhirbhUyAt || 3 || ahamAdidR^ishyavilakShaNAsmatpratyayAlambanabhR^itapratyak\- chinmAtrasvarUpAnubhavasiddhirbhUyAt || 4 || sajAtIyavijAtIyasvagatabhedarahitAkhaNDasachchidAnandAdvitIya\- brahmAtmAnubhavasiddhirbhUyAt || 5 || nityashuddhabuddhamuktasatyaparamAnandAdvitIya\- brahmAtmAnubhavasiddhirbhUyAt || 6 || svagatAdibhedarahitAkhaNDasachchidAnandalakShaNabrahmAbhinna\- kUTasthapratyaksvarUpaH sarvasAkShIti chidrUpAnubhavasiddhirbhUyAt ||7 || svAtmano.anyatvena pratibhAtaM sakalaM sAkShyaM jagat svAvidyAvilasitatvena svAnanyatvAt svAtmamAtramiti\, advitIyabrahmAtmAnubhavasiddhirbhUyAt || 8 || asaMbhAvanAviparItabhAvanArahitatvena karatalAmalakavat ahaM brahmAsmIti apratibaddhAparokShabrahmasAkShAtkAro dR^iDhIbhUyAt || 9 || yo brahmAdistambaparyantAnAM sarveShAM prANinAM dehamadhye\, tattaddehasAkShitvena bhAsamAnaH\, paripUrNAtmA.asti\, so.ayaM paramAtmA\, kevalaM mumukShoH puruShasya me svarUpamityevaMrUpAtmasAkShAtkAro dR^iDhIbhUyAt || 10 || vAsanAkShaya \- manonAsha \- tattvaj~nAnAbhyAsavashAt\, j~nAnarakShA\, tapaHsiddhiH\, sarvasamatvaM\, duHkhanivR^ittiH\, sukhAvirbhAvaH ityetatpa~nchaprayojanasiddhirbhUyAt || 11 || maitrI \- karuNA \- muditopekShArUpasadvAsanApATavena rAgAdi\- durvAsanAkShayaH samyagbhUyAt || 12 || nirantarasvAtmAnusandhAnavashAt manaso vR^ittirUpapariNAmatyAgena\, niruddhatAkAreNa AtmapariNAmo dR^iDhIbhUyAt || 13 || shamAdipUrvakashravaNamanananididhyAsanAbhyAsabalAt\, viShayAsaktiH\, praj~nAmAndyaM\, viparyayaH\, durAgrahashcheti vartamAnapratibandhachatuShTayanivR^ittidvArA\, apratibaddhAparokShabrahmasAkShAtkAro dR^iDhIbhUyAt || 14 || upakramAdiShaDvidhali~NgaiH\, asheShavedAntAnAm advaite brahmaNi tAtparyAvadhAraNaM dR^iDhIbhUyAt || 15 || shrIgurumukhAt shrutAdvitIyavastunaH\, vedAntAnuguNayuktibhiH anavaratamanuchintanaM bhUyAt || 16 || vijAtIyadehAdipratyayAnantarita \- sajAtIyasachchidAnandAtma\- pratyayapravAho nirantaraM bhUyAt || 17 || asa~Ngo.ahaM\, chidAtmAhamiti pratyagAtmani niveshite\, vR^ittirahite\, saMskArasheShamAtratayA sUkShmarUpeNAvasthite chitte\, AtmanaH svarUpabhUtaparamAnando nirantaraM samyagAvirbhUyAt || 18 || ahamAtmA sAkShI\, kevalaH\, chinmAtrasvarUpaH; nAj~nAnaM; nApi tatkAryaM ; kiMtu\, nityashuddhabuddhamuktasatyaparamAnandAdvayaM brahmaivAhamasmIti abhedenAvasthAnaM samAdhiH ; tatra cha antassamAdhinA dR^igdR^ishyaviveke\, bahissamAdhinA brahmasargaviveke cha dR^iDhe jAte\, tena vivekadvayenAyaM galitadehAbhimAnaH\, vij~nAtaparamAtmatattvashcha bhUyAt || 19 || dehAdbahiH sakalanAmarUpAtmakeShu vastuShvapi\, sarpadhArAdiShu rajjuriva vyAptaH\, sachchidAnandalakShaNo yaH paramAtmA\, sa eva parashabdenochyate | antaH ahamAdidR^ishyavilakShaNaH\, asmatpratyayAlambanabhUtaH\, pratyakchinmAtrasvarUpaH\, yaH sAkShyAkhyo jIvAtmA\, sa eva avarashabdenocyate | parashchAsau avarashcheti parAvaraH\, pratyagabhinnaH paramAtmA | tasmin evam antarbahishcha pararUpeNa avararUpeNa cha avasthite\, paramArthataH parAvaravibhAgarahite pratyagabhinne parAvare brahmaNi ##'## tvaM vA ahamasmi bhagavo devate \; ahaM vai tvamasi ##'## iti shrutyanusAreNa ##'## ahaM brahmAsmi\, brahmaivAhamasmi ##'## iti vyatihAreNa\, akhaNDaikarasatvena sAkShAtkR^ite sati\, tena parAvarabrahmasAkShAtkAreNa\, asya parAvarabrahma sAkShAtkR^itavato mama hR^idayagranthibheda \- sarva \- saMshayanivR^itti \- sarvakarmakShayarUpaparamapuruShArthaH samyagAvirbhUyAt || 20 || aha~NkArAtmanoH ekatvabhramanivR^ittirUpo.ayaM granthibhedaH dR^iDhIbhUyAt || 21 || AtmA dehAdivyatirikto vA na vA\, vyatiriktatve.api\, kartR^itvAdidharmayogI vA na vA\, akartR^itve.api\, tasya brahmaNA bhedo.asti vA na vA\, abhedepi\, tajj~nAnaM karmAdisahitaM va muktisAdhanaM kevalaM vA\, tathApi\, AtmA sAkShI vA kartA vA\, sAkShitvepi asya brahmastvamasti vA na vA\, brahmatve satyapi\, tadbudhyA vedituM shakyate vA na vA\, shakyatve.api\, tadvedanamAtreNa muktirasti vA na vA\, sAkShAtkR^ite.api\, itaH paraM kartavyamasti vA na vA\, kartavyAbhAve.api\, idAnIM mama jIvanmuktirasti vA na vA\, jIvanmuktve.api\, vartamAnadehapAtAntaraM videhamuktiH bhaviShyati vA na VvA\, tatprAptAvApi\, kAlAntare punarjanma bhaviShyati vA na vA\, ityAdi sarvasa.nshayanirvR^ittirbhUyAt || 22 || anArabdhAnAM AgAmijanmahetUnAM anekakoTijanmArjitAnAM prArabdhavyatiriktAnAM sa~nchitakarmaNAM nivR^ittirUpaH paramapuruShArthaH samyagAvirbhUyAt || 23 || yaH pUrNAnandaikabodhaH tadbrahmAhamasmIti brahmAtmAnubhava\- mAtraparyavasAne buddhirnirantaraM bhUyAt || 24 || yasmin kAle dvaitabhAnaM nAsti\, nidrA.api nAgachChati\, tasmin kAle upalabhyamAnaM yatsukhamasti sa brahmAnanda iti brahmAtmAnubhavasiddhiH nirantaraM bhUyAt || 25 || manovyApArAbhAvasamaye yatsukhaM bhAsate\, tat sukhamAtmasvarUpamiti AtmanishchayaH samyagbhUyAt || 26 || svapnaH svAtirekeNa yathA nAsti\, tathaiva svajAgradapi svAtirekeNa nAsti \; tena advitIyAtmAnubhavasiddhiH samyagbhUyAt || 27 || vAsanAkShayamanonAshAbhyAM nirvAsane vR^ittishUnye chitte\, saMshayaviparyayadoShadvayAbhAvena utpannaM brahmaj~nAnaM abAdhitatvena surakShitaM bhUyAt || 28 || pa~nchamyAdibhUmitrayarUpAyAM jIvanmuktau sampAdyamAnAyAM dvaitabhAnAbhAvena sa.nshayaviparyayaprasa~NgAbhAvAt utpannaM tattvaj~nAnaM abAdhitatvena surakShitaM bhUyAt || 29 || svapne sthUlasharIrAbhAve.api\, suShuptau sUkShmasharIrAbhAve.api\, samAdhau kAraNasharIrAbhAve.api\, jAgradAdyavasthAchatuShTaye.api yaH chidrUpAtmA maNiShu sUtramiva anusyUtatayA nirantaraM bhAsate\, sa chidrUpAtmaiva ahamasmIti anvayavyatirekAbhyAM sharIratrayavyAvR^ittiM tatsAkShichaitanyasyAnuvR^ittiM cha pashyato mama sharIratrayavyatiriktAtmAnubhavaH samyagbhUyAt || 30 || bhagavantaM parameshvaraM prItipUrvakaM bhajato mamopari anugrahArthaM bhagavAn vAsudevaH AtmabhAvasthaH san \, vivekapratyayarUpeNa\, bhaktiprasAdasnehayuktena\, tadbhAvanAbhiniveshavAteritena\, brahmacharyAdisAdhana\- sa.nskAravatpraj~nAvartinA\, viraktAntaHkaraNAdhAreNa\, viShayavyAvR^ittarAgadveShakaluShitachittanivAtApavarakasthena\, nityapravR^ittaikAgrayadhyAnajanitasamyagdarshanabhAsvatA j~nAnadIpena aj~nAnajaM avivekato jAtaM mithyApratyayarUpaM mohAndhakAraM tamo nAshayatvityAshIH nirantaraM bhUyAt || 31 || parameshvaraM prItipUrvakaM bhajanto bhaktA yenAnanyabuddhiyogena samyagdarshanalakShaNena bhagavantaM parameshvaraM Atmatvena upayAnti pratipadyante\, taM buddhiyogaM bhagavAn vAsudevaH me dadAtu iti AshIrnirantaraM bhUyAt || 32 || vikAramantareNa svAdhyastaM sarvaM sAkShAdavyavadhAnena svarUpabodhena IkShate pashyatIti sAkShyanubhavasiddhiH samyagbhUyAt || 33 || dehendriyAdisakalajaDAvabhAsakatvena AtmA chidrUpa iti chidAtmAnubhavasiddhiH samyagbhUyAt || 34 || Atmani kadAchidapi apriyAbhAvena\,paramapremAspadatvena cha\, AtmA paramAnandarUpa iti\, AnandAnubhavasiddhiH samyagbhUyAt || 35 || abhArUpasya vishvasya bhAnaM\, bhAsakasannidhiM vinA kadAchidapi na saMbhavatIti\, bhArUpAtmA sarvagata iti sarvagatAtmAnubhavasiddhiH samyagbhUyAt || 36 || asajjaDaduHkhAtmakAha~NkArAdibhyo vilakShaNatayA\, prAtikUlyena satyaj~nAnAnandarUpeNa a~nchati\, prakAshata iti\, pratyagAtmAnubhava\- siddhiH samyagbhUyAt || 37 || pashchAdbhAsamAnasya jaDasya\, prathamato bhAsamAnaM chaitanyameva vAstavaM svarUpamiti nishchitya\, jaDamupekShya\, chinmAtrameva chittaM nirantaraM samyagbhUyAt || 38 || ##'## sarvANyevaitAni praj~nAnasya nAmadheyAni bhavanti ##'## iti vAkyena dehendriyAdisAkShirUpaM yat praj~nAnaM tvaMpadArtharUpaM nirNItaM\, tadeva ##'## eSha brahma ##'## ityAdivAkyena jagatkAraNatayA nirNItaM paraM brahma\, na chAnayorIShadapi bhedo.asti iti\, aitareyamahAvAkyaj~nAnasiddhiH nirantaraM bhUyAt || 39 || yataH\, sarvatrAvasthitaM praj~nAnaM brahma\, ato mayi avasthitaM praj~nAnaM brahma\, praj~nAnatvAvisheShAt iti aitareyamahAvAkyotthitajIvabrahmaikyaj~nAnasiddhiH nirantaraM bhUyAt || 40 || Atmasannidhau vidyamAnatvena\, jaDarUpasyApi dehendriyAdeH chetanatvena bhAsamAnatvAt\, AtmA chidrUpa iti chidAtmAnubhavasiddhiH samyagbhUyAt ||41|| Atmasahitatvena\, duHkhAtmakasya dehAderapi priyatamatvAt\, AtmA paramAnandarUpa iti\, AnandAtmanubhavasiddhiH samyagbhUyAt || 42 || deshataH\, kAlataH\, vastutaH\, paricChedarahitAdvitIyAtmAnubhavasiddhiH samyagbhUyAt || 43 || pUrvAparaparAmarshamantareNa sahasotpadyamAnasya krodhAdivR^itti\- visheShasya hetoH chittasa.nskArasya\, vivekajanyAyAM kShAntyAdivAsanAyAM dR^iDhAyAM satyAM vinAshAt\, bAhyanimittAbhAvena krodhAdyanutpattiH samyagbhUyAt || 44 || ##"## yasya prasAdAdahameva viShNuH\, mayyeva sakalaM parikalpitaM cha ##"## iti\, AtmasvarUpaM vijAnAmi\, tasya pAdAravindayoH acha~nchalA bhaktiH nirantaraM samyagbhUyAt || 45 || achidrUpasya jagataH chitsannidhervidyamAnatvAt\, chidrUpAtmA sarvagata iti sarvagatAtmAnubhavasiddhiH samyagbhUyAt || 46 || sarvArthasAdhakatvahetunA\, sarvasaMbandhena cha AtmA paripUrNa iti paripUrNAtmAnubhavaH samyagbhUyAt || 47 || deshakAlAvyavahitatvena parokShahetorabhAvAt\, sAdhanAntaranirapekShatayA svayaMprakAshamAnaH chidAtmA sarvadA svatassiddhAparokSha iti aparokShAnubhavasiddhiH samyagbhUyAt || 48 || yatra yadvastu astIti IkShate\, tena vastunA anyatra ananvAgatatvena AtmA asa~Nga iti\, asa~NgAtmAnubhavaH samyagbhUyAt || 49 || niravayatvena asa~Ngatvena cha\, AtmanaH kenApi saMbandhAbhAvAt\, AtmA nityamukta iti\, nityamuktasvarUpAnubhavaH samyagbhUyAt || 50 || avedyatve sati aparokShavyavahArayogyatvAt\, AtmA svayaMprakAsha iti svayaMprakAshAtmAnubhavaH samyagbhUyAt || 51 || sAdhanAntaranirapekShatayA svayameva bhAsamAnatvAt\, AtmA svayaMprakAsha iti svayaMprakAshAtmAnubhavaH samyagbhUyAt || 52 || idaM sarvaM Atmani pratIyamAnaM yat rUparasAdikaM jagat mAyAmayaM\, na tvetat vastuto.astIti tattvanishchayo dR^iDhIbhUyAt || 53 || iti shrImatparamahaMsaparivrAjaka shrIvidyAraNyasvAmirachitaH brahmavidAshIrvAdaH sampUrNaH || ## Encoded by LakShmi Muthuswamy and proofread by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}