% Text title            : Dharmasangrahah
% File name             : dharmasangrahaH.itx
% Category              : major\_works, buddha, bauddhastotrasangraha, sangraha
% Location              : doc\_z\_misc\_major\_works
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dharmasangrahah ..}##
\itxtitle{.. dharmasa~NgrahaH ..}##\endtitles ##
|| namo ratnatrayAya ||
ratnatrayaM namaskR^itya sarvasattvahitodayam |
kathyate mohanAshAya dharmasArasamuchchayaH ||
1\.  tatra prathamaM tAvat trINi ratnAni | tathadyA\- buddho dharmaH sa~Nghashcheti ||
2\.  trINi yAnAni | (tadyathA\-) shrAvakayAnam, pratyekabuddhayAnam, mahAyAnaM cheti ||
3\.  pa~ncha buddhAH | tadyathA\-vairochanaH, akShobhyaH, ratnasambhavaH, amitAbhaH, amoghasiddhishcheti ||
4\.  chatasro devyaH | tadyathA\- rochanI, mAmakI, pANDurA, tArA cheti ||
5\.  pa~ncha rakShA | tadyathA\- pratisarA, sAhasrapramardanI, mArIchI, mantrAnusAriNI, shIlavatI cheti ||
6\.  sapta tathAgatAH | tadyathA\-vipashyI, shikhI, vishvabhUH, krakuchChandaH, kanakamuniH, kAshyapaH, shAkyamunishcheti ||
7\.  chatvAro lokapAlAH | tadyathA\-dhR^itarAShTraH, virUpAkShaH, virUDhakaH, kuberashcheti ||
8\.  aShTau lokapAlAH | tadyathA\-indraH, yamaH, varaNaH, kuberaH, IshAnaH, agniH, nairR^itaH, vAyuriti ||
9\.  dasha lokapAlAH | aShTalokapAlAdhikamUrdhvaM brahmA adhaH kR^iShNaH ||
10\.  chaturdasha lokapAlAH | tadyathA\-dashalokapAlasakalam, chandraH, sUryaH, pR^ithvI, asuraH ||
11\.  dasha krodhAH | tadyathA\-yamAntakaH, praj~nAntakaH, padmAntakaH, vighnAntakaH, acharaTarkirAjaH, nIladaNDaH, mahAbalaH, uShNIShaH, chakravartI, sambharAjashcheti ||
12\.  aShTau bodhisattvAH | tadyathA\-maitreyaH, gaganaga~njaH, samantabhadraH, vajrapANiH, ma~njushrIH, sarvanivaraNaviShkambhI, kShitigarbhaH, khagarbhashcheti ||
13\.  ShaDyoginyaH | tadyathA\-vajravArAhI, yAminI, sa~nchAraNI, santrAsanI, chANDikA cheti ||
14\.  saptavidhA anuttarapUjA | tadyathA\-vandanA, pUjanA, pApadeshanA, anumodanA, adhyeShaNA, bodhichittotpAdaH, pariNAmanA cheti ||
15\.  trINi kushalamUlAni | bodhichittotpAdaH, AshayavishuddhiH, aha~NkAramamakAraparityAgashcheti ||
16\.  chatvAro brahmavihArAH | maitrI, karuNA, muditA, upekShA cheti ||
17\.  ShaT pAramitAH | dAnapAramitA, shIlapAramitA, kShAntipAramitA, vIryapAramitA, dhyAnapAramitA, praj~nApAramitA cheti ||
18\.  dasha pAramitAH | ShaTpAramitAsakalam, upAyam, praNidhiH, balam, j~nAnaM cheti ||
19\.  chatvAri sa~NgrahavastUnI | dAnam, priyavachanam, arthacharyA, samAnArthatA cheti ||
20\.  pa~nchAbhij~nAH | divyachakShuH, divyashrotram, parachittaj~nAnam, pUrvanivAsAnusmR^itiH, R^iddhishcheti ||
21\.  chatvAryAryasatyAni | tadyathA\-duHkham, samudayaH, nirodhaH mArgashcheti ||
22\.  pa~ncha skandhAH | rUpam, vedanA, sa.nj~nA, saMskArA, vij~nAnaM cheti ||
23\.  lokottarapa~nchaskandhAH | shIlasamAdhipraj~nAvimuktivimuktij~nAnadarshanaskandhA iti ||
24\.  dvAdashAyatanAni | chakShuHshrotraghrANajihvAkAyamanAyatanAni rUpagandhashabdarasasparshadharmAyatanAni cheti ||
25\.  aShTAdasha dhAtavaH || chakShuHshrotraghrANajihvAkAyamanorUpagandhashabdarasasparshadharmadhAtavaH chakShurvij~nAnashrotravij~nAnaghrANavij~nAnajihvAvij~nAnakAyavij~nAnamanovij~nAnaghAtavashcheti ||
26\.  tatraikAdasha rUpaskandhAH || chakShuH, shrotram, ghrANam, jihvA, kAyaH, rUpam, shabdaH, gandhaH, rasaH, sparshaH vij~naptishcheti ||
27\.  vedanA trividhA | sukhAH, duHkhA, aduHkhAsukhA cheti ||
28\.  sa.nj~nAskandhaH | nimittodgahaNAtmikA ||
29\.  saMskArA dvividhAH | tatra chittasamprayuktasaMskArAH, chittaviprayuktasaMskArAshcheti ||
30\.  chittasamprayuktasaMskArAshchatvAriMshat | tadyathA\-vedanA, sa.nj~nA, chetanA, ChandaH, sparshaH, matiH, smR^itiH, manaskAraH, adhimokShaH, samAdhiH, shraddhA, apramAdaH, prasrabdhiH, upekShA, hrIH, apatrapA, alobhaH, adveShaH, ahiMsA, vIryam, mohaH, pramAdaH, kausIdyam, ashrAd.hdhyam, styAnam, auddhatyam, ahrIkatA, anapatrapA, krodhaH, upanAhaH, shAThyam, IrShyA, pradAnaH, mrakShaH, mAtsaryam, mAyA, madaH, vihiMsA, vitarkaH, vichArashcheti ||
31\.  tatra chittaviprayuktasaMskArAsrayodasha | prAptiH, aprAptiH, sabhAgatA, asa.nj~nikam, samAptiH, jIvitam, jAtiH, jarA, sthitiH, anityatA, nAmakAyaH, padakAyaH, vya~njanakAyashcheti ||
32\.  trINyasaMskR^itAni | tadyathA\-AkAshaH, pratisa~NkhyAnirodhaH, apratisa~NkhyAnirodhashcheti ||
33\.  ShaD viShayAH | tadyathA\-rUpam, shabdaH, gandhaH, rasaH, sparshaH, dharmashcheti ||
34\.  tatra rUpaM viShayasvabhAvam | nIlam, pItam, lohitam, avadAtam, haritam, dIrgham, hrasvam, parimaNDalam, unnatam, avanatam, sAtam, visAtam, achCham, dhUmaH, rajaH, mahikA, ChAyA, AtapaH, AlokaH, andhakArashcheti ||
35\.  aShTAviMshatividhaH shabdaH | sapta puruShavAkshabdAH, sapta puruShahastAdishabdAH | eta eva (manoj~nA)manoj~nabhedenAShTAviMshatiH ||
36\.  rasaH ShaDvidhaH | tadyathA\-madhuraH, amlaH, lavaNaH, kaTuH, tiktaH, kaShAyashcheti ||
37\.  chatvAro gandhAH | tadyathA\-sugandhaH, durgandhaH, samagandhaH, viShamagandhashcheti ||
38\.  ekAdasha spraShTavyAni | pR^ithvI, ApaH, tejaH, vAyuH, shlakShNatvam, karkashatvam, laghutvam, gurutvam, shItam, jighatsA pipAsA cheti ||
39\.  pa~ncha mahAbhUtAni | pR^ithvI, ApaH, tejaH, vAyuH, AkAshcheti ||
40\.  pa~ncha bhautikAni | rUpam, shabdaH, gandhaH, rasaH, sparshashcheti ||
41\.  viMshatiH shUnyatAH | tadyathA\-adhyAtmashUnyatA, bahirdhAshUnyatA, adhyAtmabahirdhAshUnyatA, shUnyatAshUnyatA, mahAshUnyatA, paramArthashUnyatA, saMskR^itashUnyatA, asaMskR^itashUnyatA, atyantashUnyatA, anavarAgrashUnyatA, anavakArashUnyatA, prakR^itishUnyatA, sarvadharmashUnyatA, lakShaNashUnyatA, alakShaNashUnyatA, bhAvashUnyatA, abhAvashUnyatA, svabhAvashUnyatA, abhAvasvabhAvashUnyatA, parabhAvashUnyatA cheti ||
42\.  dvAdashA~NgapratItyasamutpAdaH | avidyA, saMskArAH, vij~nAnam, nAmarUpam, ShaDAyatanam, sparshaH, vedanA, tR^iShNA, upAdAnam, bhavaH, jAtiH, jarAmaraNam, shokaparidevaduHkhadaurmanasyopAyAsAshcheti ||
43\.  saptatriMshadbodhipAkShikA dharmAH | chatvAri smR^ityupasthAnAni || 4|| chatvAri samyakprahANAni ||8|| chatvAra R^iddhipAdAH ||12|| pa~nchendriyANi ||17|| pa~ncha balAni ||22|| sapta bodhya~NgAni ||29|| AryAShTA~NgikamArgashcheti ||37||
44\.  tatra katamAni smR^ityupasthAnAni ? tadyathA\-kAye kAyAnudarshasmR^ityupasthAnam, vedanAyAM vedanAnudarshasmR^ityupasthAnam, chitte chittAnudarshasmR^ityupasthAnam, dharme dharmAnudarshasmR^ityupasthAnam ||
45\.  katamAni chatvAri samyakprahANAni ? tadyathA\-utpannAnAM kushalamUlAnAM saMrakShaNam | anutpannAnAM samutpAdaH | utpannAnAmakushalAnAM dharmANAM prahANam | anutpannAnAM punaranutpAdashcheti ||
46\.  chatvAraH R^iddhipAdAH | tadyathA\-ChandasamAdhiprahANAya saMskArasamanvAgata R^iddhipAdaH | evaM chittaR^iddhipAdaH | vIryaR^iddhipAdaH | mImAMsAsamAdhiprahANAya saMskArasamanvAgataR^iddhipAdashcheti ||
47\.  pa~nchendriyANi | tadyathA\- shraddhAsamAdhivIryasmR^itipraj~nendriyaM cheti ||
48\.  pa~ncha balAni | shraddhAvIryasmR^itisamAdhipraj~nAbalaM cheti ||
49\.  sapta bodhya~NgAni | tadyathA\-smR^itisambodhya~Ngam, dharmavichayasambodhya~Ngam, vIryasambodhya~Ngam, prItisambodhya~Ngam, prasrabdhisambodhya~Ngam, samAdhisambodhya~Ngam, upekShAsambodhya~Ngamiti ||
50\.  AryAShTA~NgikamArgaH || samyagdR^iShTiH, samyaksa~NkalpaH, samyagvAk, samyakkarmAntaH, samyagvyAyAmaH, samyaksmR^itiH, samyaksamAdhishcheti | ete saptatriMshabdodhipAkShikA dharmAH ||
51\.  chatasraH pratisaMvidaH | tadyathA\-dharmapratisaMvit, arthapratisaMvit, niruktipratisaMvit, pratibhAnapratisaMvichcheti ||
52\.  chatasro dhAraNyaH | tadyathA\-AtmadhAraNI, granthadhAraNI, dharmadhAraNI, mantradhAraNI cheti ||
53\.  chatvAri pratisharaNAni | tadyathA\-arthapratisharaNatA na vya~njanapratisharaNatA | j~nAnapratisharaNatA na vij~nAnapratisharaNatA | nItArthapratisharaNatA na neyArthapratisharaNatA | dharmapratisharaNatA na pudgalapratisharaNatA cheti ||
54\.  ShaDanusmR^itayaH | buddhAnusmR^itiH, dharmAnusmR^itiH, sa~NghAnusmR^itiH, tyAgAnusmR^itiH, shIlAnusmR^itiH, devAnusmR^itishcheti ||
55\.  chatvAri dharmapadAni | tadyathA\-anityAH sarvasaMskArAH | duHkhAH sarvasaMskArAH | nirAtmAnaH sarvasaMskArAH | shAntaM nirvANaM cheti ||
56\.  dashAkushalAni | tadyathA\-prANAtipAtaH, adattAdAnam, kAmamithyAchAraH, mR^iShAvAdaH, paishunyam, pAruShyam, sambhinnapralApaH, abhidhyA, vyApAdaH, mithyAdR^iShTishcheti ||
57\.  gatayaH ShaT | tadyathA\-narakaH, tiryak, pretaH, asuraH, manuShyaH, devashcheti ||
58\.  ShaD dhAtavaH | pR^ithvI, ApaH, tejaH, vAyuH, AkAshaH, vij~nAnaM cheti ||
59\.  aShTau vimokShAH | tadyathA\-rUpI rUpANI pashyati shUnyam | AdhyAtmArUpasa.nj~nI bahirdhArUpANi pashyati shUnyam | AkAshAnantyAyatanaM pashyati shUnyam | vij~nAnAnantyAyatanaM pashyati shUnyam | Aki~nchanyAyatanaM pashyati shUnyam | naivasa.nj~nAnAsa.nj~nAyatanaM pashyati shUnyam | sa.nj~nAvedayitanirodhaM pashyati shUnyaM cheti ||
60\.  pa~nchAnantaryANi | tadyathA\-mAtR^ivadhaH, pitR^ivadhaH arhadvadhaH, tathAgataduShTachittarudhirotpAdaH, sa~Nghabhedashcheti ||
61\.  aShTau lokadharmAH || lAbhaH, alAbhaH, sukham, duHkham, yashaH, ayashaH, nindA, prashaMsA cheti ||
62\.  navA~NgapravachanAni | tadyathA\-sUtram, geyam, vyAkaraNam, gAthA, udAnam, jAtakam, vaipulyam, adbhutadharmaH, upadeshashcheti ||
63\.  dvAdasha dhUtaguNAH | paiNDapAtikaH, traichIvarikaH, khalupashchAdbhaktikaH, naiShadyikaH, yathAsaMstarikaH, vR^ikShamUlikaH, ekAsanikaH, AbhyavakAshikaH, AraNyakaH, shmAshAnikaH, pAMshUkUlikaH, nAmantikashcheti ||
64\.  dasha bhUmayaH | pramuditA, vimalA, prabhAkarI, archiShmatI, sudurjayA, abhimukhI, dUra~NgamA, achalA, sAdhumatI, dharmameghA cheti ||
65\.  samantaprabhA, nirupamA, j~nAnavatI | etAH sahitAsrayodasha bhUmayaH ||
66\.  pa~ncha chakShUMShI | mAMsachakShuH, dharmachakShuH, praj~nAchakShuH, divyachakShuH, buddhachakShushcheti ||
67\.  ShaT kleshAH | rAgaH, pratighaH, mAnaH, avidyA, kudR^iShTiH, vichikitsA cheti ||
68\.  pa~ncha dR^iShTayaH | satkAyadR^iShTiH, antagrAhadR^iShTiH, mithyAdR^iShTiH, dR^iShTiparAmarshaH, shIlaparAmarshaH ||
69\.  chatuviMshatirupakleshAH | tadyathA\-krodhaH, upanAhaH, mrakShaH, pradAshaH, IrShyAH, mAtsaryam, shAThyam, mAyA, madaH, vihiMsA, hrIH, anapatrapA, styAnam, ashrAd.hdhyam, kausIdyam, pramAdaH, muShitasmR^itiH, vikShepaH, asamprajanyam, kaukR^ityam, middham, vitarkaH, vichArashcheti ||
70\.  pa~nchAhArAH | dhyAnAhArAH, kavalIkArAhArAH, pratyAhArAH, sparshAhArAH, sa~nchetanikAhArAshcheti ||
71\.  pa~ncha bhayAni | AjIvikAbhayam, shokabhayam, maraNabhayam, durgatibhayam, parShadasAdyabhayaM cheti ||
72\.  chatvAri dhyAnAni | tadyathA\-savitarkaM savichAraM vivekajaM prItisukhamiti prathamadhyAnam | adhyAtmapramodanAtprItisukhamiti dvitIyam | upekShAsmR^itisamprajanyaM sukhamiti tR^itIyam | upekShAsmR^itiparishuddhiraduHkhAsukhA vedaneti chaturthaM dhyAnamiti ||
73\.  trayo vimokShAH | shUnyatA, animittaH, apraNihitashcheti ||
74\.  bodhisattvAnAM dasha vashitAH | AyurvashitA, chittavashitA, pariShkAravashitA, dharmavashitA, R^iddhivashitA, janmavashitA, adhimuktivashitA, praNidhAnavashitA, karmavashitA, j~nAnavashitA cheti ||
75\.  bodhisattvAnAM dasha balAni | tadyathA\-adhimuktibalam, pratisa~NkhyAnabalam, bhAvabalam, kShAntibalam, j~nAnabalam, prahANabalam, samAdhibalam, pratibhAnabalam, puNyabalam, pratipattibalaM cheti ||
76\.  tathAgatasya dasha balAni | tadyathA\-sthAnAsthAnaj~nAnabalam, karmavipAkaj~nAnabalam, nAnAdhAtuj~nAnabalam, nAnadhimuktij~nAnabalam, sattvendriyaparAparaj~nAnabalam, sarvatragAminIpratipattij~nAnabalam, dhyAnavimokShasamAdhisamApattisa~NkleshavyavadAnavyutthAnaj~nAnabalam, pUrvanivAsAnusmR^itij~nAnabalam, chyutyutpattij~nAnabalam, AsravakShayaj~nAnabalaM cheti ||
77\.  chatvAri vaishAradyAni | tadyathA\-abhisambodhivaishAradyam, AsravakShayaj~nAnavaishAradyam, nairvANikamArgAvataraNavaishAradyaM (antarAyikadharmAnanyathAtvanishchitavyAkaraNavaishAradyaM) cheti ||
78\.  pa~ncha mAtsaryANi | dharmamAtsaryam, lAbhamAtsaryam, AvAsamAtsaryam, kushalamAtsaryam, varNamAtsaryaM cheti ||
79\.  aShTAdashAveNikA buddhadharmAH | tadyathA\-nAsti tathAgatasya skhalitam | nAsti ravitam | nAsti muShitasmR^ititA | nAstyasamAhitachittam | nAsti nAnAtvasa.nj~nA | nAstyapratisa~NkhyAyopekShA | nAsti ChandaparihANiH | nAsti vIryaparihANiH | nAsti smR^itiparihANiH | nAsti samAdhiparihANiH | nAsti praj~nAparihANiH | nAsti vimuktiparihANiH | nAsti vimuktij~nAnadarshanaparihANiH | sarvakAyakarmaj~nAnapUrvagamaj~nAnAnuparivR^ittiH | sarvavAkkarmaj~nAnapUrva~Ngamaj~nAnAnuparivR^ittiH | sarvamanaskarmaj~nAnapUrva~Ngamaj~nAnAnuparivR^ittiH | atIte.adhvanyasa~Ngamapratihataj~nAnam | pratyutpanne.adhvanyasa~Ngamapratihataj~nAnadarshanaM cheti ||
80\.  chatvAro mArAH | tadyathA\-skandhamAraH, kleshamAraH, devaputramAraH, mR^ityumArashcheti ||
81\.  chatvAri shraddhA~NgAni | tadyathA\- Aryasatyam, triratnam, karma, karmaphalaM cheti ||
82\.  navAnupUrvasamAdhisamApattayaH | tadyathA\-chatvAri dhyAnAni, chatasra ArUpyasamApattayaH, nirodhasamApattishcheti ||
83\.  dvAtriMshallakShaNAni | tadyathA\-chakrA~NkitapANipAdatalatA | supratiShThitapANipAdatalatA | jAlAbalabaddhA(vanaddhA ?)~NgulipANipAdatalatA | mR^idutaruNahastapAdatalatA | saptotsadatA | dIrghA~NgulitA | AyatapArShNitA | R^ijugAtratA | utsa~NgapAdatA | urdhvAgraromatA | aiNejaya~NghatA | pralambabAhutA | koShagatabastiguhyatA | suvarNavarNatA | shuklachChavitA | pradakShiNAvartaikaromatA | UrNAla~NkR^itamukhatA | siMhapUrvAntakAyatA | susaMvR^ittaskandhatA | chitAntarAMsatA | rasarasAgratA | nyagrodhaparimaNDalatA | uShNIShashiraskatA | prabhUtajivhatA | siMhahanutA | shuklahanutA | samadantatA | haMsavikrAntagAmitA | aviraladantatA | samachatvAriMshaddantatA | abhinIlanetratA | gopakShanetratA cheti ||
84\.  ashItyanuvya~njanAni | tadyathA\-tAmranakhatA | srigdhanakhatA | tu~NganakhatA | ChatrA~NgulitA | chitrA~NgulitA | anupUrvA~NgulitA | gUDhashiratA | nigranthishiratA | gUDhagulphatA | aviShamapAdatA | siMhavikrAntagAmitA | nAgavikrAntagAmitA | haMsavikrAntagAmitA | vR^iShabhavikrAntagAmitA | pradakShiNagAmitA | chArugAmitA | avakragAmitA | vR^ittagAtratA | mR^iShTagAtratA | anupUrvagAtratA | shuchigAtratA | mR^idugAtratA | vishuddhagAtratA | paripUrNavya~njanatA | pR^ithuchArumaNDalagAtratA | samakramatA | vishuddhanetratA | sukumAragAtratA | adInagAtratA | utsAhagAtratA | gambhIrakukShitA | prasannagAtratA | suvibhaktA~Ngapratya~NgatA | vitimirashuddhAlokatA | vR^ittakukShitA | mR^iShTakukShitA | abhugnakukShitA kShAmakukShitA | pradakShiNAvartanAbhitA | samantaprAsAdikatA | shuchisamudAratA | vyapagatatilakagAtratA | tUlasadR^ishasukumArapANitA | snigdhapANilekhatA | gambhIrapANilekhatA | AyatapANilekhatA | nAtyAyatavachanatA | bimbapratibimboShThatA | mR^idujivhatA | tanujivhatA | raktajihvatA | meghagarjitaghoShatA | madhurachAruma~njusvaratA | vR^ittadaMShTratA | tIkShNandaMShTratA | shUkladaMShTratA | samadaMShTratA | anupUrvadaMShTratA | tu~NganAsatA | shuchinAsatA | vishAlanayanatA | chitrapakShmatA | sitAsitakamaladalanayanatA | AyatabhrUkatA | shuklabhrUkatA | susnigdhabhrUkatA | pInAyatabhujalatA | samakarNatA | anupahatakarNendriyatA | avimlAnalalATatA | pR^ithulalATatA | suparipUrNottamA~NgatA | bhramarasadR^ishakeshatA | chitrakeshatA | guDAkeshatA | asammuNitakeshatA | aparuShakeshatA | surabhikeshatA | shrIvatsamuktikanandyAvartalakShitapANipAdatalatA cheti ||
85\.  chakravartinAM sapta ratnAni | tadyathA\-chakraratnam, ashvaratnam, hastiratnam, maNiratnam, strIratnam, kha~Ngaratnam, pariNAyakaratnaM cheti ||
86\.  tatra trayo.adhvAnaH | tadyathA\-atIto.adhvA, anAgato.adhvA, pratyutpanno.adhvA cheti ||
87\.  chatvAraH kalpAH | tadyathA\-antarakalpAH, mahAkalpAH, shUnyakalpAH, sArakalpAshcheti ||
88\.  chatvAri yugAni | tadyathA\-kR^itayugam, tretAyugam, dvAparam, kaliyugaM cheti ||
89\.  lokadvayam | tadyathA\-sattvalokaH, bhAjanalokashcheti ||
90\.  chatvAro yonayaH | tadyathA\-aNDajaH, saMsvedajaH, jarAyujaH, upapAdukashcheti ||
91\.  pa~ncha kaShAyAH | tadyathA\-kleshakaShAyaH, dR^iShTikaShAyaH, sattvakaShAyaH, AyuHkaShAyaH, kalpakaShAyashcheti ||
92\.  trayaH sattvAdhyAH | tadyathA\-pUrvAntakoTiparij~nAyAH, aparAntakoTiparij~nAyAH, chaturmArakoTiparij~nAyAshcheti ||
93\.  dasha j~nAnAni | tadyathA\-duHkhaj~nAnam, samudayaj~nAnam, nirodhaj~nAnam, mArgaj~nAnam, dharmaj~nAnam, anvayaj~nAnam, saMvR^itij~nAnam, parachittaj~nAnam, kShayaj~nAnam, anutpAdaj~nAnaM cheti ||
94\.  pa~ncha j~nAnAni | tadyathA\-Adarshanaj~nAnam, samatAj~nAnam, pratyavekShaNAj~nAnam, kR^ityAnuShThAnaj~nAnam, suvishuddhadharmadhAtuj~nAnaM cheti ||
95\.  dve satye | tadyathA\-saMvR^itisatyam, paramArthasatyaM cheti ||
96\.  chaturAryasatyeShu ShoDasha kShAntij~nAnalakShaNAH | tadyathA\-duHkhe dharmaj~nAnakShAntiH, duHkhe dharmaj~nAnam, duHkhe.anvayaj~nAnakShAntiH, duHkhe.anvayaj~nAnam | samudaye dharmaj~nAnakShAntiH, samudaye dharmaj~nAnam, samudaye.anvayaj~nAnakShAntiH, samudaye.anvayaj~nAnam | nirodhe dharmaj~nAnakShAntiH, nirodhe dharmaj~nAnam, nirodhe.anvayaj~nAnakShAntiH, nirodhe.anvayaj~nAnam | mArge dharmaj~nAnakShAntiH, mArge dharmaj~nAnam, mArge.anvayaj~nAnakShAntiH, mArge.anvayaj~nAnaM cheti ||
97\.  tatra duHkhasatye chatvAra AkArAH | tadyathA\-anityataH, duHkhataH, shUnyataH, anAtmatashcheti ||
98\.  samudayasatye chatvAra AkArAH | tadyathA\-hetutaH, samudayataH, prabhavataH, pratyayatashcheti ||
99\.  nirodhasatye chatvAra AkArAH | tadyathA\-nirodhataH, shAntataH, praNItataH, niHsaraNatashcheti ||
100\.  mArgasatye chatvAra AkArAH | tadyathA\-mArgataH, nyAyataH, pratipattitaH, nairyANika(ta)shcheti ||
101\.  chatvAraH samAdhayaH | tadyathA\-AlokasamAdhiH, vR^itAsamAdhiH, ekAdashapratiShThasamAdhiH, AnantaryasamAdhishcheti ||
102\.  tatrAShTau (puruSha)\-pugdalAH | tadyathA\-srotApannaphalapratipannakaH, srotApannaH, sakR^idAgAmiphalapratipannakaH, sakR^idAgAmI, anAgAmiphalapratipannakaH, anAgAmI, arhatphalapratipannakaH, arhaMshcheti ||
103\.  tathAShTau pratipugdalAH | tadyathA\-shraddhAnusArI, dharmAnusArI, srotApannaH, devakula~NkulaH, manuShyakula~NkulaH, sakR^idAgAmiphalaH, shraddhavimuktirdR^iShTiprApta ekavIchIko.anAgAmyantarAparinirvAyI upahatyaparinirvAyI abhisaMskAraparinirvAyI pluto.arddhaplutaH sarvAstAnapluto dR^iShTadharmasamaH kAyasAkShI kha~Ngashcheti ||
104\.  (tadanu dvAdashAkaradharmachakrapravartakaM(naM)katamat ? tadyathA\-idaM duHkhamAryasatyamiti bhikShavaH pUrvamanushrutya teShu dharmeShu yonisho manasi~NgavataH (?)chakShurudapAdi | j~nAnamutpAdi chintotpAdi | chutrirudapAdi | ityekaparichatakaH 1 idaM duHkhamArya sa tatra khalvabhij~nAtaM iti bhikShavaH | ityAdi pUrvavaditiyaH || idaM duHkhasamudayamAryasatvaM tava khalvabhij~nAya prahINamiti hityAdi tR^itIyaH | tathA idaM duHkhanirodha Aryasatyamiti hipratyekaH || idaM duHkhanirodhaAryyasatyaM tatra khalvabhij~nAya shAkShAt kartavyamiti hitya dvitIyaH | idaM duHkhanirodhaAryasatya tatra khalu bhij~nAya shAkShAt dvitIya | tadyathA idaM duHkhamArgagAminI pratipadAryasatyemiti tyeka || idaM duHkhamokShagAmini pratipa ityAryyasatyaM tatra khalu bhij~nAya bhAvayitavyamiti hi bhikShava ityAdi tR^itIyaH | parivarta ityeva dvAdashAkAradharmachakrapravarttanamiti ||)
tadanu dvAdashAkAradharmachakrapravartakaH | katamat | idaM duHkhamAryasatyamiti bhikShavaH | pUrvamanushrutya teShu dharmeShu yonisho manasigavataH chakShurudapAdi | j~nAnamutpAdi chittotpAdi | chutrirutpAdi || ityekaparivartaka idaM duHkhamAryasatyaM tatra khalvabhij~nAya parij~nAtamiti hi bhikShavaH | pUrvamanushruya teShu yoniso manasi~NgarvutaH || iti dvitIyaH || idamAryasatyaM tatra khalvabhij~nAtaM iti bhikShavaH | ityAdi pUrvavaditi yaH ||
idaM duHkhasamudayamAryasatyaM tava khalvabhij~nAya prahINamiti hItyAdi tR^itIyam ||
tathA idaM duHkhanirodha Aryasatyamiti hi pratyekaH || idaM duHkhanirodha AryasatyaM tatra khalvabhij~nAya sAkShAt kartavyamiti hityAdi | dvitIyaH | idaM duHkhanirodha AryasatyaM tatra khalvabhij~nAya sAkShAt kR^itamiti dvitIyaH |
tathA idaM duHkhamArgagAmini pratipadAryasatyamiti pratyeka | idaM duHkhamokShagAminI pratipat || ityAryasatyaM tatra khalvabhij~nAya bhAtavyamiti hi bhikShavaH ityAdi tR^itIyaH | parivartta ityevaM dvAdashAkAradharmachakrapravartanamiti ||||
Restored Text |
tadatra dvAdashAkAradharmachakrapravartakaM (naM ?)katamat ? idaM duHkhamAryasatyamiti (me)bhikShavaH pUrvamananushruteShu dharmeShu yonisho manasikurvataH chakShurudapAdi j~nAnamudapAdi vidyodapAdi bhUrirudapAdItyekaM parivartakam | idaM duHkhamAryasatyaM tatra khalvabhij~nAya parij~nAtamiti hi (me)bhikShavaH pUrvamananushruteShu dharmeShu yonisho manasikurvata iti dvitIyam | idaM duHkhamAryasatyaM tatra khalvabhij~nAya parij~nAtamiti bhikShavaH ityAdi pUrvavaditi tR^itIyam ||
(tathedaM duHkhasamudayamAryasatyamiti pratyekam | idaM duHkhasamudayamAryasatyaM tatra khalvabhij~nAya prahAtavyamiti dvitIyam |) idaM duHkhasamudayamAryasatyaM tatra khalvabhij~nAya prahINamiti hItyAdi tR^itIyam |
tathedaM duHkhanirodhamAryasatyamiti hi pratyekam | idaM duHkhanirodhamAryasatyaM tatra khalvabhij~nAya sAkShAtkartavyamiti hItyAdi dvitIyam | idaM duHkhanirodhamAryasatyaM tatra khalvabhij~nAya sAkShAtkR^itamiti tR^itIyam ||
tatheyaM duHkhamArgagAminI pratipadityAryasatyamiti pratyekam | iyaM duHkhamokShagAminI pratipadityAryasatyaM tatra khalvabhivij~nAya bhAvayitavyamiti hi bhikShava ityAdi dvitIyam |
(idaM duHkhamokShagAminI pratipadityAryasatyaM tatra khalvabhij~nAya bhAvitamiti tR^itIyam ||)
105\.  tatra dAnaM trividham | tadyathA\-dharmadAnam, AmiShadAnam, maitrIdAnaM cheti ||
106\.  shIlaM trividham | tadyathA\- sambhArashIlam, kushalasa~NgrAhashIlam, sattvArthakriyAshIlaM cheti ||
107\.  kShAntistrividhA | tadyathA\-dharmanidhyAnakShAntiH, duHkhAdhivAsanAkShAntiH, paropakAradharmakShAntishcheti ||
108\.  vIryaM trividham | tadyathA\-sannAhavIryam, prayogavIryam, para(ri)niShThAvIryaM cheti ||
109\.  dhyAnaM trividham | tadyathA\-sadoShApakarShadhyAnam, sukhavaihArikadhyAnam, asheShavaibhUShitadhyAnaM cheti ||
110\.  praj~nA trividhA | tadyathA\-shrutamayI, chintAmayI, bhAvanAmayI cheti ||
111\.  upAyastrividhaH | tadyathA\-sarvasattvAvabodhakaH, sattvArthAbhAvakaH, kShiprasukhAbhisambodhishcheti ||
112\.  praNidhAnaM trividham | tadyathA\-susthAnaprAbandhikam, sattvArthaprabandhikam, buddhakShetraparishodhakaM cheti ||
113\.  balaM trividham | tadyathA\-karmavyAvartakam, kleshApakarShakam, mAnapramAdAdivyAvartakaM cheti ||
114\.  j~nAnaM trividham | tadyathA\-avikalpakam, vikalpasamabhAvabodhakam, satyArthopAyaparokShaM cheti ||
115\.  tatrAvaraNe dve | tadyathA\-kleshavaraNam, j~neyAvaraNaM cheti ||
116\.  nairAtmyaM dvividham | tadyathA\-dharmanairAtmyam, pugdalanairAtmyaM cheti ||
117\.  sambhAro dvividhaH | tadyathA\-puNyasambhAraH, j~nAnasambhArashcheti ||
118\.  tatra ShaT samAdhyAvaraNAni | tadyathA\-kausIdyam, mAnam, shAThyam, auddhatyam, anAbhogaH, satyAbhogashcheti ||
119\.  tatra pratipattyAShTau prahANasaMskArAH | tadyathA\-shraddhA, buddhaH(ddhiH), vyAyAmaH, prasrabdhiH, smR^itiH, samprajanyam, chetanA, upekShA cheti ||
120\.  tatra chatvAro dvIpAH | tadyathA\-pUrvavidehaH, jambudvIpaH, aparagodAniH(nIyaH), uttarakurudvIpashcheti ||
121\.  aShTAvuShNanarakAH | tadyathA\-sa~njIvaH, kAlasUtraH, sa~NghAtaH, rauravaH, mahArauravaH, tapanaH, pratApanaH, avIchishcheti ||
122\.  aShTau shItanarakAH | tadyathA\-arbudaH, nirarbudaH, aTaTaH, apapaH, hAhAdharaH, utpalaH, padmaH, mahApadmashcheti ||
123\.  sapta pAtAlAni | tadyathA\-dharaNItalaH, achalaH, mahAchalaH, ApaH, kA~nchanaH, sa~njIvaH, narakashcheti |
124\.  dvau chakravAlau | tadyathA\-chakravAlamahAchakravAlau cheti ||
125\.  aShTA~NgaparvatAH | tadyathA\-yugandharaH, IshAdharaH, khadirakaH, sudarshanaH, vinatakaH, ashvakarNaH, nemindharagiriH, sumerushcheti ||
126\.  sapta sAgarAH | tadyathA\-kShAraH, kShIraH, dadhi, udadhiH, ghR^itam, madhuH, surA cheti ||
127\.  tatra ShaT kAmAvacharA devAH | tadyathA\-chAturmahArAjakAyikAH, trAyastriMshAH, tuShitAH, yAmAH, nirmANaratayaH, paranirmitavashavartinashcheti ||
128\.  aShTAdasha rUpAvacharA devAH | tadyathA\-brahmakAyikAH, brahmapurohitAH, brahmapArShadyAH, mahAbrahmANaH, parIttAbhAH, apramANAbhAH, AbhAsvarAH, parIttashubhAH, shubhakR^itsnAH, anabhrakAH, puNyaprasavAH, bR^ihatphalAH, asa.nj~nisattvAH, avR^ihAH, atapAH, sudR^ishAH, sudarshanAH, akaniShThAshcheti ||
129\.  chatvAro.arUpAvacharA devAH | AkAshAnantyAyatanopagAH, vij~nAnAnantyAyatanopagAH, Aki~nchanyAyatanopagAH, naivasa.nj~nAnAsa.nj~nAyatanopagAshcheti ||
130\.  trividhA Ala~NghanAH | tadyathA\-satyAla~NghanA, dharmAla~NghanA, anAla~NghanA cheti ||
131\.  trividhA mahAmaitrI | tadyathA\-satyAla~Ngha(mba)nA, dharmala~Ngha(rmAlamba)nA, anAla~Ngha(mba)nA cheti ||
132\.  trividhaM karma | tadyathA\-dR^iShTadharmavedanIyam, utpadyavedanIyam, aparavedanIyaM cheti ||
133\.  trividhaM prAtihAryam | tadyathA\-R^iddhiprAtihAryam, AdeshanAprAtihAryam, anushAsanIprAtihAryaM cheti ||
134\.  aShTAvakShaNAH | tadyathA\-narakopapattiH, tiryagupapattiH, yamalokopapattiH, pratyantajanapadopapattiH, dIrghAyuShadevopapattiH, indriyavikalatA, mithyAdR^iShTiH, chittotpAdavirAgitatA cheti ||
135\.  trividhA vikalpAH | tadyathA\-anusmaraNavikalpaH, santirana(tIraNa)vikalpaH, sahajavikalpashcheti ||
136\.  chatvAraH samAdhayaH | tadyathA\-shUra~NgamaH, gaganaga~njaH vimalaprabhaH, siMhavikrIDitashcheti |
137\.  chaturdashAvyAkR^itavastUni | tadyathA\-shAshvato lokaH, ashAshvato lokaH, shAshvatashchAshAshvatashcha, naiva shAshvato nAshAshvatashcha | antavA.NllokaH, anantavA.NllokaH, antavAMshchAnantavA.Nllokashcha, naivAntavAnnAnantavAMshcha | bhavati tathAgataH paraM maraNAt, na bhavati tathAgataH paraM maraNAt, bhavati na cha bhavati cha tathAgataH paraM maraNAt, naiva bhavati na bhavati tathAgataH paraM maraNAt | sa jIvastachCharIram, anyo jIvo.anyachCharIraM cheti ||
138\.  trINi kushalamUlAni | tadyathA\-adveShaH, alobhaH, amohashcheti ||
139\.  etadviparyayAntrINyakushalamUlAni | tadyathA\-lobhaH, mohaH, dveShashcheti ||
140\.  tisraH shikShAH | tadyathA\-adhichittashikShA, adhishIlashikShA, adhipraj~nAshikShA cheti ||

iti nAgArjunapAdavirachito.ayaM dharmasa~NgrahaH samAptaH ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}