% Text title            : JivanmuktivivekaH by Swami Vidyaranya (Madhvacharya)
% File name             : jIvanmuktivivekaH.itx
% Category              : major\_works, , advaita
% Location              : doc\_z\_misc\_major\_works
% Author                : Swami Vidyaranya or Madhvacharya
% Proofread by          : Manish Gavkar
% Latest update         : July 28, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jivanmuktivivekah ..}##
\itxtitle{.. jIvanmuktivivekaH ..}##\endtitles ##
\section{sA~NketikashabdAnAM varNAnukramaNikA}
amR^itanAdopa0        amR^itanAdopaniShat
upa0        upaniShat
R^i0 sa0        R^igvedasaMhitA
kaTha upa0; kaThopa0        kaThopaniShat
ChAM0 upa0        ChAndogyopaniShat
tai0 A0        taittirIyAraNyakaM
tai0 brA0        taittirIyabrAhmaNaM
tai0 sa0        taittirIyasaMhitA
nArada\-pari0 upa0        nAradaparivrAjakopaniShat
nR^i0 pUrvatApanI upa0        nR^isiMhapUrvatApanIyopaniShat
parama0 upa0        paramahaMsopaniShat
bhAga0        shrImadbhAgavataM
manu0        manusaMhitA
mu0 upa0        muNDakopaniShat
yo0 sU0        pAta~njalayogasUtraM
rAmAyaNaM        vAlmIkirAmAyaNaM
la0 vA0        laghuyogavAsiShTharAmAyaNaM
vi0 purANaM        viShNupurANaM
shve0 upa0        shvetAshvataropaniShat
\section{jIvanmuktivivekaH}
parabrahmaNe namaH |
\section{1\. jIvanmuktipramANaprakaraNaM prathamam}
yasya niHshvasitaM vedA yo vedebhyo.akhilaM jagat |
nirmame tamahaM vande vidyAtIrthamaheshvaram || 1||
vakShye vividiShAnyAsaM vidvannyAsaM cha bhedataH |
hetU videhamukteshcha jIvanmukteshcha tau kramAt || 2||
sannyAsaheturvairAgyaM yadaharvirajet tadA |
pravrajediti vedoktestadbhedastu purANagaH || 3||
viraktirdvividhA proktA tIvrA tIvratareti cha |
satyameva tu tIvrAyAM nyasyed yogI kuTIchake || 4||
shakto bahUdake tIvratarAyAM haMsasa.nj~nite |
mumukShuH parame haMse sAkShAd vij~nAnasAdhane || 5||
putradAradhanAdInAM nAshe tAtkAlikI matiH |
dhik saMsAramitIdR^ik syAd viraktermandatA hi sA || 6||
asmin janmani mA bhUvan putradArAdayo mama |
iti yA susthirA buddhiH sA vairAgyasya tIvratA || 7||
punarAvR^ittisahito loko me mAstu kashchana |
iti tIvrataratvaM syAnmande nyAso na ko.api hi || 8||
yAtrAdyashaktishaktibhyAM tIvre nyAsadvayaM bhavet |
kuTIchako bahUdashchetyubhAvetau tridaNDinau || 9||
dvayaM tIvratare brahmalokamokShavibhedataH |
talloke tattvaviddhaMso loke.asmin parahaMsakaH || 10||
eteShAM tu samAchArAH proktAH pArAsharasmR^itau |
vyAkhyAne.asmAbhiratrAyaM parahaMso vivichyate || 11||
jij~nAsurj~nAnavAMshcheti parahaMso dvidhA mataH |
prAhurj~nAnAya jij~nAsornyAsaM vAjasaneyinaH || 12||
\ldq{}pravrAjino lokametamichChantaH pravrajanti hi\rdq{} |
etasyArthastu gadyena vakShyate mandabuddhaye || 13||
loko hi dvividhaH, Atmaloko.anAtmalokashcheti |
tatrAnAtmalokasya traividhyaM bR^ihadAraNyake tR^itIyAdhyAye shrUyate \- \ldq{}atha trayo vAva lokA manuShyalokaH pitR^iloko devaloka iti | so.ayaM manuShyalokaH putreNaiva jayyo nAnyena karmaNA, karmaNA pitR^iloko vidyayA devalokaH\rdq{} (5\.16) iti |
Atmalokashcha tatraiva shrUyate \- \ldq{}yo ha vA asmAllokAt svaM lokamadR^iShTvA praiti sa enamavidito na bhunakti\rdq{} (4\.15) iti ; \ldq{}AtmAnameva lokamupAsIta sa ya AtmAnameva lokamupAste na hAsya karma kShIyate\rdq{} (4\.15) iti cha |
yo mAMsAdikapiNDalakShaNAt svaM lokaM paramAtmAkhyaM  \ldq{}ahaM brahmAsmi\rdq{} ityaviditvA mriyate sa svo lokaH paramAtmAvidito.avidyayA vyavahitaH sannenamaveditAraM pretaM mR^itaM na bhunakti shokamohAdidoShApanayanena na pAlayati | upAsakasya ha nishchitaM karma na kShIyate ekaphaladAnenopakShINaM na bhavati, kAmitasarvaphalaM
mokShaM cha dadAtItyarthaH |
ShaShThAdhyAye.api \- \ldq{}kimarthA vayamadhyeShyAmahe kimarthA vayaM yakShyAmahe\rdq{} (ai0 A0 3\.2\.6) \ldq{}kiM prajayA kariShyAmo yeShAM no.ayamAtmAyaM lokaH\rdq{} (4\.4\.22) iti | \ldq{}ye prajAmiShare(.adhIrA) te shmashAnAni bhejire | ye prajAM neShire (dhIrA) te.amR^itatvaM hi bhejire | \rdq{}  evaM cha \ldq{}etameva pravrAjino lokamichChantaH pravrajanti\rdq{} (4\.4\.22) ityatrAtmaloko vivakShita iti gamyate, \ldq{}sa vA eSha mahAnaja AtmA\rdq{} (4\.4\.22) iti prakrAntasyAtmana etachChabdena parAmR^iShTatvAt | lokyate.anubhUyata iti lokaH | tathA chAtmAnubhavamichChantaH pravrajantIti shrutestAtparyArthaH sampadyate | smR^itishcha\- \ldq{}brahmavij~nAnalAbhAya parahaMsasamAhvayaH | shAntidAntyAdibhiH sarvaiH sAdhanaiH sahito bhavet\rdq{} || iti || \- (nArada\-pari0 upa0 \.6\.26) iti ||
iha janmani janmAntare vA samyaganuShThitairvedAnuvachanAdibhirutpannayA vividiShayA sampAditatvAdayaM vividiShAsannyAsa ityabhidhIyate | ayaM cha vedanahetuH sannyAso dvividhaH, janmApAdakakAmyakarmAdityAgamAtrAtmakaH, praiShochchAraNapUrvaka \- daNDadhAraNAdyAshramarUpashcheti |
\ldq{}pu~njanma labhate mAtA patnI cha praiShamAtrataH | brahmaniShThaH sushIlashcha j~nAnI chaitatprabhAvataH || \rdq{} tyAgashcha taittirIyAdau shrUyate \-\ldq{}na karmaNA na prajayA dhanena tyAgenaike amR^itatvamAnashuH\rdq{} (tai. A \.10\.10\.21) iti | asmiMshcha tyAge striyo.apyadhikriyante | (\ldq{}bhikShukI\rdq{} ityanena strINAmapi prAgvivAhAdvA vaidhavyAdUrdhvaM vA sa.nnyAse.adhikAro.astIti darshitam; tena bhikShAcharyaM mokShashAstrashravaNamekAnta AtmadhyAnaM cha tAbhiH kartavyam, tridaNDAdikaM cha dhAryam; iti mokShadharme chaturdharITIkAyAM sulabhAjanakasaMvAde |) shArIrakabhAShye \ldq{}vAchaknavI\rdq{} ityAdi shrUyate devatAdhikaraNanyAyena vidhurasyAdhikAraprasa~Ngena tR^itIyAdhyAye chaturthapAde | ata eva maitreyIvAkyamAmnAyate \-\ldq{}yenAhaM nAmR^itA syAM kimahaM tena kuryAM yadeva bhagavAn veda tadeva me brUhi\rdq{} (4\.5\.4) iti | brahmachArigR^ihasthavAnaprasthAnAM kenachinnimittena sannyAsAshramasvIkAre pratibaddhe sati, svAshramadharmeShvanuShThIyamAneShvapi vedanArtho mAnasaH karmAdityAgo na virudhyate, shrutismR^itItihAsapurANeShu loke cha tAdR^ishAM tattvavidAM bahUnAmupalambhAt | yastu daNDadhAraNAdirUpo vedanahetuH paramahaMsAshramaH, sa pUrvairAchAryairbahudhA prapa~nchita ityasmAbhiruparamyate | iti vividiShAsannyAsaH || 1||
(atha purANe shlokAvudAharanti \-
aShTAshItisahasrANi ye prajAmiShira R^iShayaH |
dakShiNenAryamNaH panthAnaM te shmashAnAni bhejire || 3||
aShTAshItisahasrANi ye prajAM neShira R^iShayaH |
uttareNAryamNaH panthAnaM te.amR^itatvaM hi kalpate || 4||) \- Apastamba dharmasUtra (2\.9\.23H3,4)
atha vidvatsa.nnyAsaM nirUpayAmaH |
samyaganuShThitaiH shravaNamanananididhyAsanaiH paraM tattvaM viditavadbhiH sampAdyamAno vidvatsa.nnyAsaH | taM cha yAj~navalkyaH sampAdayAmAsa |
tathA hi\-\-vidvachChiromaNirbhagavAn yAj~navalkyo vijigIShukathAyAM bahuvidhena tattvanirUpaNenAshvalaprabhR^itIn viprAn vijitya, vItarAgakathAyAM sa~NkShepavistarAbhyAmanekadhA janakaM bodhayitvA, maitreyIM bubodhayiShustasyAstvarayA tatvAbhimukhyAya svakartavyaM sa.nnyAsaM pratijaj~ne | tatastAM bodhayitvA sannyAsaM chakAra | tadubhayaM maitreyIbrAhmaNasyAdyantayorAmnAyate \-\ldq{}atha ha yAj~navalkyo.anyadvR^ittamupAkariShyanmaitreyIti hovAcha yAj~navalkyaH pravrajiShyanvA are.ahamasmAt sthAnAdasmi\rdq{} (4\.5\.1, 2) iti, \ldq{}etAvadare khalvamR^itatvamiti hoktvA yAj~navalkyo vijahAra\rdq{} (4\.5\.15) iti cha |
kaholabrAhmaNe.api vidvatsa.nnyAsa AmnAyate \- \ldq{}etaM vai tamAtmAnaM viditvA brAhmaNAH putraiShaNAyAshcha vittaiShaNAyAshcha lokaiShaNAyAshcha vyutthAyAtha bhikShAcharyaM charanti\rdq{} (3\.5\.1) iti | na chaitadvAkyaM vividiShAsannyAsaparamiti sha~NkanIyam, pUrvakAlavAchinaH \ldq{}viditvA\rdq{} iti ktvApratyayasya brahmavidvAchino brAhmaNashabdasya bAdhaprasa~NgAt | na chAtra brAhmaNashabdo jAtivAchakaH, vAkyasheShe pANDityabAlyamaunashabdAbhidheyaiH shravaNamanananididhyAsanaiH sAdhyaM brahmasAkShAtkAramabhipretya \ldq{}atha brAhmaNaH\rdq{} (3\.5\.1) ityabhihitatvAt |
nanu tatra vividiShAsa.nnyAsopetaH pANDityAdau pravartamAno.api brAhmaNashabdena parAmR^iShTaH \ldq{}tasmAd brAhmaNaH pANDityaM nirvidya bAlyena tiShThAset\rdq{} (3\.5\.1) itIti chet; maivam, bhAvinIM vR^ittimAshritya tatra brAhmaNashabdasya prayuktatvAt, anyathA kathaM \ldq{}atha brAhmaNaH\rdq{} (3\.5\.1) iti sAdhanAnuShThAnottara\-kAlavAchinamathashabdaM prayu~njIta ?
shArIrabrAhmaNe.api vidvatsa.nnyAsavividiShAsannyAsau spaShTaM nirdiShTau \- \ldq{}etameva viditvA munirbhavati etameva pravrAjino lokamichChantaH pravrajanti\rdq{} (4\.4\.22) iti |
munitvaM mananashIlatvaM ; tachchAsati kartavyAntare sambhavatItyarthAt sa.nnyAsa evAbhidhIyate | etachcha vAkyasheShe spaShTIkR^itaM \- \ldq{}etaddha sma vaitatpUrve vidvAMsaH prajAM na kAmayate kiM prajayA kariShyAmo yeShAM no.ayamAtmAyaM loka iti, te ha sma putraiShaNAyAshcha vittaiShaNAyAshcha lokaiShaNAyAshcha vyutthAyAtha bhikShAcharyaM charanti\rdq{} (4\.4\.22) iti | \ldq{}ayaM lokaH\rdq{} ityaparokSheNAnubhUyamAna ityarthaH |
nanvatra munitvena phalena pralobhya vividiShAsa.nnyAsaM vidhAya vAkyasheShe sa eva prapa~nchitaH ; ato na sannyAsAntaraM kalpanIyam |
maivam, vedanasyaiva vividiShAsa.nnyAsaphalatvAt | na cha vedanamunitvayorekatvaM sha~NkanIyam, \ldq{}viditvA munirbhavati\rdq{} iti pUrvottarakAlInayostayoH  sAdhyasAdhanabhAvapratIteH |
nanu vedanasyaiva paripAkAtishayarUpamavasthAntaraM munitvam, ato vedanadvArA pUrvasa.nnyAsasyaivaitatphalamiti chet, bADhaM ; ata eva sAdhanarUpAt sannyAsAdanyaM phalarUpametaM sannyAsaM brUmaH |
yathA vividiShAsa.nnyAsinA tattvaj~nAnAya shravaNAdIni sampAdanIyAni, tathA vidvatsannyAsinApi jIvanmuktaye manonAshavAsanAkShayau sampAdanIyau | etachchopariShTAt prapa~nchayiShyAmaH |
satyapyanayoH sa.nnyAsayoravAntarabhede paramahaMsatvAkAreNaikIkR^itya \ldq{}chaturvidhA bhikShavaH\rdq{} iti smR^itiShu chatuH sa~NkhyoktA | pUrvottarayorubhayoH sannyAsayoH paramahaMsatvaM jAbAlashrutAvavagamyate | tatra hi janakena sannyAse pR^iShTe sati, yAj~navalkyo.adhikAravisheShavidhAnenottarakAlAnuShTheyena cha sahitaM vividiShAsannyAsamabhidhAya, pashchAdatriNA yaj~nopavItarahitasyAkShipte brAhmaNye sati, pashchAdAtmaj~nAnameva yaj~nopavItamiti samAdadhau | ato bAhyayaj~nopavItAbhAvAt paramahaMsatvaM nishchIyate |
tathAnyasyAM kaNDikAyAM \ldq{}tatra paramahaMsA nAma\rdq{} (6) ityupakramya saMvartakAdInbahUnbrahmavido jIvanmuktAnudAhR^itya \ldq{}avyaktali~NgA avyaktAchArA anunmattA unmattavadAcharantaH\rdq{} (6) iti vidvatsa.nnyAsino darshitAH |
tathA \ldq{}trikANDaM kamaNDaluM shikyaM pAtraM jalapavitraM shikhAM yaj~nopavItaM chetyetatsarvaM bhUH svAhetyapsu parityajyAtmAnamanvichChet\rdq{} (6) iti tridaNDinaH sata ekadaNDalakShaNaM vividiShAsa.nnyAsaM vidhAya tatphalarUpaM vidvatsannyAsamevamudAjahAra \- \ldq{}yathAjAtarUpadharo nirdvandvo niShparigrahastatra brahmamArge samyaksampannaH shuddhamAnasaH prANasandhAraNArthaM yathoktakAle vimukto bhaikShamAcharannudarapAtreNa lAbhAlabhayoH samo bhUtvA shUnyAgAradevagR^ihatR^iNakUTavalmIkavR^ikShamUlakulAlashAlAgnihotragR^ihanadIpulinagirikuharakandara\-koTaranirjharasthaNDileShvaniketavAsyaprayatno nirmamaH shukladhyAnaparAyaNo.adhyAtmaniShThaH shubhAshubhakarma\-nirmUlanaparaH sannyAsena dehatyAgaM karoti, sa paramahaMso nAma\rdq{} (6) iti |
tasmAdanayorubhayoH paramahaMsatvaM siddhama | samAne.api paramahaMsatve siddhe viruddhadharmAkrAntatvAdavAntara\-bhedo.apyabhyupagantavyaH | viruddhadharmatvaM chAruNikopaniShatparamahaMsopaniShadoH paryAlochanAyAmavagamyate | \ldq{}kena bhagavan karmANi asheShato visR^ijAmi\rdq{} (1) iti shikhAyaj~nopavItasvAdhyAyagAyatrIjapAdyasheShakarmatyAgarUpe
vividiShAsa.nnyAse shiShyeNAruNinA pR^iShTe sati, guruH prajApatiH \ldq{}shikhAM yaj~nopavItam\rdq{} (1) ityAdinA sarvatyAgamabhidhAya, \ldq{}daNDamAchChAdanaM kaupInaM cha parigrahet\rdq{} (1) iti daNDAdisvIkAraM vidhAya, \ldq{}trisandhyAdau snAnamAcharet, sandhiM samAdhAvAtmanyAcharet, sarveShu vedeShvAraNyakamAvartayet upaniShadamAvartayet (2) iti
vedana hetUnAshramadharmAnanuShTheyatayA vidhatte |
atha yoginAM paramahaMsAnAM ko.ayaM mArgaH ? iti vidvatsa.nnyAse nAradena pR^iShTe sati, gururbhagavAn prajApatiH \ldq{}svaputramitra \-\rdq{} ityAdinA pUrvavat sarvatyAgamabhidhAya, \ldq{}kaupInaM daNDamAchChAdanaM cha svasharIropabhogArthAya lokasyopakArArthAya cha parigrahet\rdq{} iti daNDAdisvIkArasya laukikatvamabhidhAya \ldq{}tachcha na mukhyo.asti\rdq{} iti shAstrIyatvaM pratiShidhya, \ldq{}ko.ayaM mukhya iti chedayaM mukhyo na daNDaM na shikhAM na yaj~nopavItaM na chAchChAdanaM charati paramahaMsaH\rdq{} , iti daNDAdili~NgarAhityasya shAstrIyatAmuktvA \ldq{}na shItaM na choShNam\rdq{} ityAdivAkyena \ldq{}AshAmbaro nirnamaskAraH\rdq{} ityAdivAkyena cha lokavyavahArAtItatvamabhidhAya, ante, \ldq{}yatpUrNAnandaikabodhastadbrahmAhamasmIti kR^itakR^ityo bhavati\rdq{} ityantena granthena brahmAnubhavamAtraparyavasAnamAchaShTe | ato viruddhadharmopetatvAdastyevAnayormahAnbhedaH |
smR^itiShvapyayaM bheda uktadishA draShTavyaH |
\ldq{}saMsArameva niHsAraM dR^iShTvA sAradidR^ikShayA |
pravrajantyakR^itodvAhAH paraM vairAgyamAshritAH\rdq{} || \- (bR^ihaspatismR^itau 3\.36) ||
\ldq{}pravR^ittilakShaNo yogo j~nAnaM sa.nnyAsalakShaNam |
tasmAjj~nAnaM puraskR^itya sa.nnyasyediha buddhimAn\rdq{} || \- (mahAbhArate 14\.43\.39) ||
ityAdi vividiShAsa.nnyAsaH |
\ldq{}yadA tu viditaM tatsyAt paraM brahma sanAtanam |
tadaikadaNDaM sa~NgR^ihya sopavItAM shikhAM tyajet |
j~nAtvA samyak paraM brahma sarvaM tyaktvA parivrajet\rdq{} ||
ityAdi vidvatsa.nnyAsaH |
nanu kalAvidyAsviva kadAchidautsukyamAtreNApi veditumichChA sambhavati, evaM vidvattApyApAtadarshinaH paNDitammanyasyAtrAvalokyate, na cha tau pravrajitau dR^iShTau, ato vividiShAvidvatte kIdR^ishe vivakShite iti chet | uchyate\- yathA tIvrAyAM bubhukShAyAmutpannAyAM bhojanAdanyo na rochate vyApAraH, bhojane cha vilambo.api soDhuM
na shakyate, tathA janmahetuShu karmasvatyantamaruchirvedanasAdhaneShu cha shravaNAdiShu tvarA mahatI sampadyate, tAdR^ishI vividiShA sa.nnyAsahetuH |
vidvattAyA avadhirupadeshasAhasryAmabhihitaH
\ldq{}dehAtmaj~nAnavajj~nAnaM dehAtmaj~nAnabAdhakam |
Atmanyeva bhavedyasya sa nechChannapi muchyate\rdq{} || \- (upadeshasAhasryAM 4\.5) iti |||
shrutAvapi \-
\ldq{}bhidyate hR^idayagranthishChidyante sarvasaMshayAH |
kShIyante chAsya karmANi tasmindR^iShTe parAvare\rdq{} || \- (muNDakopaniShadi 2\.2\.8) iti ||
paramapi hairaNyagarbhAdikaM padamavaraM yasmAdasau parAvaraH, hR^idaye buddhau sAkShiNastAdAtmyAdhyAso.anAdyavidyA\-nirmitatvena granthivad dR^iDhasaMshleSharUpatvAd granthirityuchyate | AtmA sAkShI vA kartA vA, sAkShitve.apyasya brahmatvamasti vA navA, brahmatve.api tadbud.hdhyA vedituM shakyaM vA na vA, shakyatve.api tadvedanamAtreNa muktirasti vA na vA ityAdayaH saMshayAH | karmANyanArabdhAnyAgAmijanmakAraNAni | tadetad granthyAditrayamavidyAnirmita\-tvAdAtmadarshanena nivartate |
smR^itAvapyayamartha upalabhyate \-
\ldq{}yasya nAha~NkR^ito bhAvo buddhiryasya na lipyate |
hatvApi sa imAllo.NkAnna hanti na nibadhyate\rdq{} || \- (bhagavadgItAyAM 18\.17) iti ||
yasya brahmavido, bhAvaH sattA, svabhAva, AtmA, nAha~NkR^ito.aha~NkAreNa tAdAtmyAdhyAsAdantarnAchChAditaH | buddhilepaH saMshayaH | tadabhAve trailokyavadhenApi na badhyate, kimutAnyena karmaNetyarthaH | nanvevaM sati vividiShAsa.nnyAsaphalena tattvaj~nAnenaivAgAmijanmano vAritatvAdvartamAnajanmasheShasya bhogamantareNa vinAshayitumashakyatvAt kimanena vidvatsannyAsaprayAseneti chet | maivam, vidvatsannyAsasya jIvanmukti\-hetutvAt | tasmAdvedanAya yathA vividiShAsannyAsa evaM jIvanmuktaye vidvatsannyAsaH sampAdanIyaH | iti vidvatsannyAsaH || 2||
atha keyaM jIvanmuktiH kiM vA tatra pramANaM kathaM vA tatsiddhiH siddhau vA kiM prayojanamiti chet |
uchyate \- jIvataH puruShasya kartR^itvabhoktR^itvasukhaduHkhAdilakShaNashchittadharmaH klesharUpatvAdbandhobhavati, tasya nivAraNaM jIvanmuktiH |
nanvayaM bandhaH kiM sAkShiNo nivAryate, kiM vA chittAt ? nAdyaH, tattvaj~nAnenaiva nivAritatvAt | na dvitIyaH, asambhavAt | yadA tu jalAd dravatvaM nivAryeta vahnervoShNatvaM tadA chittAt kartR^itvAdinivAraNasambhavaH, svAbhAvikatvaM tu sarvatra samAnam |
maivam, AtyantikanivAraNAsambhave.apyabhibhavasya sambhavAt | yathA jalagataM dravatvaM mR^ittikAmelanenAbhibhUyate vahnerauShNyaM maNimantrAdinA, tathA sarvAshchittavR^ittayo yogAbhyAsenAbhibhavituM shakyante |
nanu prArabdhaM karma kR^itsnAvidyAtatkAryanAshane pravR^ittasya tattvaj~nAnasya pratibandhaM kR^itvA saphaladAnAya dehendriyAdikamavasthApayati, na cha sukhaduHkhAdibhogashchittavR^ittiM vinA sampAdayituM shakyate, tataH kathamabhibhavaH ?
maivam, abhibhavasAdhyAyA jIvanmukterapi sukhAtishayarUpatvena prArabdhaphala evAntarbhAvAt | tarhi karmaiva jIvanmuktiM sampAdayiShyati, mA bhUtpuruShaprayatna iti chet; kR^iShivANijyAdAvapi samAnaH paryanuyogaH |
karmaNaH svayamadR^iShTarUpasya dR^iShTasAdhanasampattimantareNa phalajananAsamarthatvAdapekShitaH kR^iShyAdau puruShaprayatna iti chet,
jIvanmuktAvapi samaM samAdhAnam | satyapi puruShaprayatne kR^iShyAdeH phalaparyavasAnaM yatra na dR^ishyate tatra prabalena karmAntareNa pratibandhaH kalpanIyaH | tachcha prabalaM karma svAnukUlavR^iShTyabhAvAdirUpAM dR^iShTasAmagrIM sampAdyaiva pratibadhnAti |
sa cha pratibandho virodhinA prabalatareNottambhakena kArIrIShTyAdirUpeNa karmaNApanIyate | tachcha karma svAnukUlAM vR^iShTilakShaNAM dR^iShTasAmagrIM sampAdyaiva pratibandhamapanayati | kiM bahunA ? prArabdhakarmaNyevAtyantabhaktena bhavatA yogAbhyAsarUpasya puruShaprayatnasya vaiyarthyaM manasApi chintayitumashakyam | athavA prArabdhaM karma yathA tattvaj~nAnAtprabalaM tathA tasmAdapi karmaNo yogAbhyAsaH prabalo.astu | tathA cha yoginAmuddAlakavItahavyAdInAM svechChayA dehatyAga upapadyate |
yadyapyalpAyuShAmasmAkaM tAdR^isho yogo na sambhavati, tathA.api kAmAdirUpachittavR^ittinirodhamAtre yoge ko nAma prayAsaH ? yadi shAstrIyasya prayatnasya prAbalyaM nA~NgIkriyate tadA chikitsAmArabhya mokShashAstraparyantAnAM sarveShAmAnarthakyaM prasajyeta |
na hi kadAchit karmaphalavisaMvAdamAtreNa daurbalyamApAdayituM shakyam; anyathA kAdAchitkaM parAjayaM dR^iShTvA sarvairbhUpairgajAshvAdisenopekShyeta | ata evAnandabodhAchAryA AhuH \- \ldq{}na hyajIrNabhayAdAhAraparityAgaH, bhikShukabhayAdvA sthAlyanadhishrayaNam, yUkAbhayAdvA prAvaraNaparityAgaH\rdq{}\*\*  iti |
(\*\* yUkAbhayAdvA paridhAnavimokaH shItArtasya iti | \- pramANamAlA pa21)
shAstrIyaprayatnasyaprAbalyaM vasiShTharAmasaMvAde vispaShTamavagamyate \ldq{}sarvameveha hi sadA\rdq{} ityArabhya \ldq{}tadanu tadapyavamuchya sAdhu tiShTha\rdq{} ityantena granthena |
vasiShThaH \- \ldq{}sarvameveha hi sadA saMsAre raghunandana |
samyakprayuktAt sarveNa pauruShAt samavApyate\rdq{} || \- (yogavAsiShThe mumukShuvyavahAraprakaraNe 4\.8) ||
sarvaM putravittasvargalokabrahmalokAdiphalam | pauruShaM putrakAmeShTikR^iShivANijyajyotiShTomabrahmopAsanAlakShaNaH puruShaprayatnaH |
\ldq{}uchChAstraM shAstritaM cheti pauruShaM dvividhaM smR^itam |
tatrochChAstramanarthAya paramArthAya shAstritam\rdq{} ||  (tatraiva 5\.5) ||
\ldq{}uchChAstraM paradravyApahAraparastrIgamanAdi | shAstritaM nityanaimittikAnuShThAnAdi | anartho narakaH artheShu svargAdiShu paramo mokShaH paramArthaH |
\ldq{}AbAlyAdalamabhyastaiH shAstrasatsa~NgamAdibhiH |
guNaiH puruShayatnena so.artha sampAdyate hitaH\rdq{} || (tatraiva 5\.28) ||
alaM sampUrNaM samyagityarthaH | guNairyuktenetyadhyAhAraH |  hitaH shreyorUpaH |
shrIrAmaH \- \ldq{}prAktanaM vAsanAjAlaM niyojayati mAM yathA |
mune tathaiva tiShThAmi kR^ipaNaH kiM karomyaham\rdq{} || \-\- (tatraiva 9\.23) || iti ||
vAsanA dharmAdharmarUpA jIvagatAH saMskArAH |
vasiShThaH \- \ldq{}ata eva hi he rAma\rdq{} shreyaH prApnoShi shAshvatam |
svaprayatnopanItena pauruSheNaiva nAnyathA\rdq{} || \- (tatraiva 9\.24) ||
yato vAsanAparatantro bhavAnata eva hi pAratantryanivAraNAya svotsAhasampAdito manovAkkAyajanyaH puruShavyApAro.apekShitaH |
\ldq{}dvividho vAsanAvyUhaH shubhashchaivAshubhashcha te |
prAktano vidyate rAma dvayorekataro.athavA\rdq{} || (tatraiva 9\.25) ||
kiM dharmAdharmAvubhAvapi tvAM niyojayata utaikatara iti vikalpaH | ekatarapakShe.api shubho.ashubhavetyarthAtsiddho vikalpaH |
\ldq{}vAsanaughena shuddhena tatra chedapanIyase |
tatkrameNAshu tenaiva padaM prApsyasi shAshvatam\rdq{} || \- (tatraiva 9\.26) ||
tatra teShu pakSheShu | tattarhi | tenaiva krameNa shubhavAsanAprApitenaivAcharaNena prayatnAntaranirapekSheNa | shAshvataM padaM mokSham |
\ldq{}atha chedashubho bhAvastvAM yojayati sa~NkaTe |
prAktanastadasau yatnAjjetavyo bhavatA svayam\rdq{} || \- (tatraiva 9\.27) ||
bhAvo vAsanA | tattarhi | yatno.ashubhavirodhishAstrIyadharmAnuShThAnam | tena svayaM jetavyaH, na tu yuddhe mR^ityumukheneva puruShAntaramukhena jetuM shakyaH |
\ldq{}shumAshubhAbhyAM mArgAbhyAM vahantI vAsanAsarit |
pauruSheNa prayatnena yojanIyA shubhe pathi\rdq{} || (tatraiva 9\.30) ||
ubhayapakShe tu shubhabhAgasya prayatnanairapekShye.apyashubhabhAgaM shAstrIyaprayatnena nivArya shubhameva tasya sthAne samAcharet |
\ldq{}ashubheShu samAviShTaM shubheShvevAvatAraya |
svamanaH puruShArthena balena balinAM vara\rdq{} | \- (tatraiva 9\.31) ||
ashubheShu parastrIdravyAdiShu | shubheShu shAstrArthadevatAdhyAnAdiShu | puruShArthena puruShaprayatnena | balena prabalena |
\ldq{}ashubhAchchAlitaM yAti shubhaM tasmAdapItarat |
jantoshchittaM tu shishuvat tasmAt tachchAlayedbalAt\rdq{} || 11|| \- (tatraiva 9\.32) ||
yathA shishurmR^idbhakShaNAnnivArya phalabhakShaNe yojyate, maNimuktAdyAkarShaNAnnivArya kandukAdyAkarShaNe yojyate tathA chittamapi satsa~Ngena duHsa~NgAttadviparItaviShayAnnivArayituM shakyam |
\ldq{}samatAsAntvanenAshu na drAgiti shanaiH shanaiH |
pauruSheNa prayatnena lAlayechchittabAlakam\rdq{} || \- (tatraiva 9\.33) ||
chapalasya pashorbandhasthAne praveshanAya dvAvupAyau bhavataH | haritatR^iNapradarshanaM kaNDUyanAdikam, vAkyapAruShyaM daNDAdibhartsanaM cheti | tatrAdyena sahasA praveshyate, dvitIyenetastato dhAva~nshanaiH shanaiH praveshyate | tathA shatrumitrAdisamatvabodhanaM prANAyAmapratyAhArAdipuruShaprayatnashchetyetau dvau chittashAntyupAyau | tatrAdyena mR^iduyogena shIghraM lAlayet | dvitIyena haThayogena drAgiti na lAlayet, kintu shanaiH shanaiH |
\ldq{}drAbhyAsavashAdyAti yadA te vAsanodayam |
tadAbhyAsasya sAphalyaM viddhi tvamarimardana | \- (tatraiva 9\.35) ||
mR^iduyogAbhyAsAchChIghrameva sadvAsanodaye sati sAphalyamabhyAsasya mantavyam, na tvalpakAlatvenAsambhAvanA sha~NkanIyA |
\ldq{}sandigdhAyAmapi bhR^ishaM shubhAmeva samAhara |
shubha vAsanAvR^iddhau tAta doSho na kashchana\rdq{} || \- (tatraiva 9\.38) ||
shubhavAsanAbhyasyamAnA sampUrNA vA na veti yadA sandehastadApi shubhAmabhyasyedeva | tadyathA sahasrajape pravR^ittasya dashamI shatasa~NkhyA yadA sandigdhA, nadA punarapi shataM japet; asampUrtau sampUrtiH phaliShyati, sampUrtI tu tadvR^id.hdhyA na sahasrajapo duShyati, tadvat |
\ldq{}avyutpannamanA yAvadbhavAnaj~nAtatatpadaH |
gurushAstrapramANaistu nirNItaM tAvadAchara\rdq{} || \- (tatraiva 9\.419) ||
\ldq{}tataH pakvakaShAyeNa nUnaM vij~nAtavastunA |
bho.apyasau tvayA tyAjyo vAsanaugho nirodhinA\rdq{} || \- (tatraiva 9\.42) ||
\ldq{}yadatisubhagamAryasevitaM ta\-
chChubhamanusR^itya manoj~nabhAvashuddhayA ||
adhigamaya padaM sadA vishokaM
tadanu tadapyavamuchya sAdhu tiShTha\rdq{} || \- (tatraiva 9\.43) iti ||
spaShTorthaH | tasmAdyogAbhyAsena kAmAdyabhibhavasambhavAjjIvanmuktau na vivaditavyam. iti jIvanmuktisvarUpam || 3||
shrutismR^itivAkyAni jIvanmuktisadbhAve pramANAni | tAni cha kaThavallyAdiShu paThyante \- tatra \ldq{}vimuktashcha vimuchyate\rdq{} (5\.1) iti kaThavallyAm. jIvanneva dR^iShTabandhanAt kAmAdervisheSheNa muktaH san dehapAte bhAvibandhAdvisheSheNa muchyate | vedanAt prAgapi shamadamAdisampAdanena kAmAdibhyo muchyata eva, tathApyutpannAnAM kAmAdInAM tatra prayatnena nirodhaH; atra tu dhIvR^ittyabhAvAdanutpattireva; tato visheSheNetyuchyate | tathA pralaye dehapAte cha sati ka~nchitkAlaM bhAvidehabandhAnmuchyate; atra tvAtyantiko mokSha ityabhipretya visheSheNetyuktam |
bR^ihadAraNyake paThyate \-
\ldq{}yadA sarve pramuchyante kAmA ye.asya hR^idi shritAH |
atha martyo.amR^ito bhavatyatra brahma samashnute\rdq{} || \- (4\.4\.7) iti ||
shrutyantare.api \- \ldq{}sachakShurachakShuriva sakarNo.akarNa iva samanA amanA iva saprANo.aprANa iva\rdq{} \*\* iti | evamanyatrApyudAhAryam | smR^itiShu jIvanmuktaH sthitapraj~nabhagavadbhaktaguNAtItabrAhmaNAtivarNAshramyAdinAmabhi\-statra tatra vyavahriyate | vasiShTharAmasaMvAde \- \ldq{}nR^iNAM j~nAnaikaniShThAnAm\rdq{} ityArabhya \ldq{}satki~nchidavashiShyate\rdq{}
ityantena granthena jIvanmuktaH paThyate |
vasiShTha \- \ldq{}nR^iNAM j~nAnaikaniShThAnAmAtmaj~nAnavichAriNAm |
sA jIvanmuktodeti videhonmuktateva yA\rdq{} || 88|| \- (laghuyogavAsiShThe 5\.88) ||
j~nAnaikaniShThatvaM laukikavaidikakarmatyAgaH | dehendriyasadasadbhAvamAtreNa muktidvayasya visheSho na tvanubhavataH dvaitapratIterubhayatrAbhAvAt |
shrIrAmaH \- \ldq{}brahmanvidehamuktasya jIvanmuktasya lakShaNam |
brUhi yena tathaivAhaM yate shAstrajayA dR^ishA || 89|| \*\* \- (tatraiva 5\.89) ||
vasiShThaH \- \ldq{}yathAsthitamidaM yasya vyavahAravato.api cha |
astaM gataM sthitaM vyoma sa jIvanmukta uchyate || 90|| \- (tatraiva 5\.90) ||
idaM pratIyamAnaM girinadIsamudrAdikaM jagatpratipatturdehendriyavyavahAreNa saha mahApralaye parameshvareNopasaMhR^itaM satsvarUpopamardenAstaM gataM bhavati | atra tu na tathA ; kiM tu vidyata eva dehendriyAdivyavahAraH | girinadyAdikaM cha parameshvareNAnupasaMhR^itatvAd yathApUrvamavatiShThamAnaM satsarvairanyaiH prANibhirvispaShTamavalokyate | jIvanmuktasya
tatpratyAyakadhIvR^ittyabhAvAt suShuptAviva sarvamastaM gataM bhavati | svayaM prakAshamAnaM chidvyoma kevalamavashiShyate | baddhasya suShuptau tAtkAlikadhIvR^ittyabhAvasAmye.api bhAvidhIvR^ittibIjasadbhAvAnna jIvanmuktatvam |
vasiShThaH\- \ldq{}nodeti nAstamAyAti sukhe duHkhe mukhaprabhA |
yathAprApte sthitiryasya sa jIvanmukta uchyate\rdq{} || 91|| \- (tatraiva 5\.91) ||
mukhaprabhA harShaH | srakchandanasatkArAdisukhe prApte.api saMsAriNa iva harSho nodeti | mukhaprabhAstamayo dainyam | dhanahAnidhikkArAdiduHkhe prApte.api na dIno bhavati | idAnIntanasvaprayatnavisheShamantareNa  prArabdhakarmA\-pAditapUrvapravAhAgatabhikShAnnAdikaM yathAprAptam, tasmin sthitirdeharakShA | samAdhidArDhyena srakchandanAdi\-pratItyabhAvAt, kadAchid vyutthAnadashAyAmApAtataH pratItAvapi vivekadArDhyenaiva heyopAdeyatvabud.hdhya\-bhAvAddharShAdirAhityamupapadyate |
vasiShThaH\- \ldq{}yo jAgarti suShuptistho yasya jAgranna vidyate |
yasya nirvAsano bodhaH sa jIvanmukta uchyate\rdq{} || 92|| \- (tatraiva 5\.92) ||
chakShurAdIndriyANAM svasvagolakeShvavasthAnenoparatyabhAvAjjAgarti | manovR^ittirahitatvAt suShuptisthaH | ata eva \ldq{}indriyairarthopalabdhiH\rdq{} ityetasya jAgaraNalakShaNasyAbhAvAjjAgranna vidyate | satyapi bodhe jAyamAno
brahmavittvAbhimAnAdibhirbhogArthApAditakAmAdibhishcha dhIdoSho vAsanA ; vR^ittirAhityena taddoShAbhAvAnnirvA\-sanatvam |
vasiShThaH \- \ldq{}rAgadveShabhayAdInAmanurUpaM charannapi |
yo.antarvyomavadatyachChaH sa jIvanmukta uchyate\rdq{} || 93|| \- (tatraiva 5\.93) ||
rAgAnurUpaM bhojanAdipravR^ittiH | dveShAnurUpaM bauddhakApAlikAdibhyo vimukhatvam | bhayAnurUpaM sarpavyAghrAdibhyo.apasarpaNam | Adishabdena mAtsaryAnurUpamitarayogibhya Adhikyena samAdhyanuShThAnam | satyapi vyutthAnadashAyAmIdR^isha AcharaNe pUrvAbhyAsena prApite vishrAntachittasya kAluShyarahitatvA\-datyachChatvam | yathA vyomni dhUmadhUlimeghAdiyukte.api nirlepasvabhAvatvAdatishayena svachChatvaM tadvat |
vasiShThaH\-
\ldq{}yasya nAha~NkR^ito bhAvo buddhiryasya na lipyate |
kurvato.akurvato vApi sa jIvanmukta uchyate\rdq{} || 94|| \- (tatraiva 5\.94) ||
pUrvArdhaM vidvatsa.nnyAsaprastAve vyAkhyAtam | loke baddhasya puruShasya shAstrIyaM karma kurvataH \ldq{}ahaM kartA\rdq{} iti chidAtmAha~NkR^ito bhavati, \ldq{}bhAvi svargaM prApsyAmi\rdq{} iti harSheNa buddhirlipyate | akurvatastu \ldq{}tyaktavAnasmi\rdq{} ityaha~NkR^itatvam, svargAlAbhaviShAdo lepaH | evaM pratiShiddhakarmaNi laukikakarmaNi cha yathAsambhavaM yojanIyam | jIvanmuktasya tu tAdAtmyAdhyAsAbhAvAddharShAdyabhAvAchcha na doShadvayam |
vasiShThaH \- \ldq{}yasmAnnodvijate loko lokAnnodvijate cha yaH |
harShAmarShabhayAnmuktaH sa jIvanmukta uchyate\rdq{} || 95|| \- (tatraiva 5\.95) ||
adhikShepatADanAdAvapravR^ittatvAdetasmAlloko nodvijate | ata evaitasmillo.NkasyApyadhikShepAdyapravR^itteH, kasyachid duShTasya tatpravR^ittAvapyetachchitte tAdR^ishavikalpAnudayAchchAyamapi  nodvijate |
vasiShThaH \- \ldq{}shAntasaMsArakalanaH kalAvAnapi niShkalaH |
yaH sachitto.api nishchittaH sa jIvanmukta uchyate\rdq{} || 96|| \- (tatraiva 5\.96) ||
shatrumitramAnAvamAnAdivikalpAH saMsArakalanAH shAntA yasya saH | chatuHShaShTirvidyA kalAH, tatsadbhAve.api tadabhimAnavyavahArayorabhAvAnniShkalatvam | chittasya svarUpeNa sadbhAve.api vR^ittyanudayAnnishchittatvam | \ldq{}sachinto.api nishchintaH\rdq{} iti pAThe vAsanAvashAdAtmadhyAnavR^ittisadbhAve.api laukikavR^ittyabhAvA\-nnishchintatvam |
vasiShThaH \-
\ldq{}yaH samastArthajAteShu vyavahAryapi shItalaH |
parArtheShviva pUrNAtmA sa jIvanmukta uchyate\rdq{} || 97|| \- (tatraiva 5\.97) ||
paragR^ihe vivAhotsavAdau svayaM gatvA tatprItyai tadIyakAryeShu vyavaharannapi lAbhAlAbhayorharShaviShAdarUpaM buddhisantApaM na prApnoti yathA, evamayaM muktaH svakArye.api shItalaH | na kevalaM santApAbhAvAchChItalatvaM kiM tu pUrNasvarUpAnusandhAnAdapi | iti jIvanmuktalakShaNam || 4||
atha videhamuktalakShaNam\-
\ldq{}jIvanmuktapadaM tyaktvA svadehe kAlasAtkR^ite |
vishatyadehamuktatvaM pavano.aspandatAmiva || 98|| \- (tatraiva 5\.98) ||
yathA vAyuH kadAchichchalanaM tyaktvA nishchalarUpeNAvatiShThate, tathA muktAtmApyupAdhikR^itaM saMsAraM tyaktvA svarUpeNAvatiShThate |
\ldq{}videhamukto nodeti nAstameti na shAmyati |
na sannAsanna dUrastho na chAhaM na cha netaraH\rdq{} || 99|| \- (tatraiva 5\.99) ||
udayAstamayau harShaviShAdau | na shAmyati na cha tatparityAgI, li~NgadehasyAtraiva lInatvAt | sadvAchyo jagaddheturavidyAmAyopAdhirna prAj~neshvaraH, asadvAchyo nApi bhUtabhautikaH | na dUrastha ityuktyA na mAyAtItaH | na chetyuktyA sthUlabhuksamIpastho.api niShidhyate | ahaM na cheti na samaShTishcha | netara iti na vyaShTishcha | vyavahArayogyo vikalpaH ko.api nAstItyarthaH |
\ldq{}tataH stimitagambhIraM na tejo na tamastatam |
anAkhyamanabhivyaktaM satki~nchidavashiShyate\rdq{} || 100|| \- (tatraiva 5\.100) ||
evaMvidhayA videhamuktyA sAdR^ishyokterjIvanmuktAvapi yAvadyAvannirvikalpAtishayastAvattAvaduttamatvaM draShTavyam ||
bhagavadgItAsu dvitIyAdhyAye sthitapraj~naH paThyate\-
arjuna uvAcha\-
\ldq{}sthitapraj~nasya kA bhAShA samAdhisthasya keshava |
sthitadhIH kiM prabhASheta kimAsIta vrajeta kim\rdq{} || 54||
praj~nA tattvaj~nAnam | tad dvividhaM sthitamasthitaM cheti | yathA jAre.anuraktAyA nAryAH sarveShvapi vyavahAreShu buddhirjArameva dhyAyati, pramANapramitAni kriyamANAnyapi gR^ihakarmANa sadya eva vismaryante, tathA paravairAgyopetasya yogAbhyAsapATavenAtyantavashIkR^itachittasyotpanne tattvaj~nAne buddhirjAramiva nairantaryeNa tattvaM dhyAyati ; tadidaM sthitaM praj~nAnam | uktaguNarahitasya kenApi puNyavisheSheNa kadAchidutpanne.api tattvaj~nAne gR^ihakarmavattatraiva tattvaM vismaryate; tadidamasthitaM praj~nAnam |
etadevAbhipretya vasiShTha Aha\-
\ldq{}paravyasaninI nArI vyagrApi gR^ihakarmaNi |
tadevAsvAdayatyantaH parasa~NgarasAyanam || 58||
evaM tattve pare shuddhe dhIro vishrAntimAgataH |
tadevAsvAdayatyantarbahirvyavaharannapi\rdq{} || 59|| \- (laghuyogavAsiShThe 27\.58, 59) iti ||
tatra sthitapraj~naH kAlabhedAd dvividhaH, samAhito vyutthitashcha | tayorubhayorlakShaNaM pUrvottarAbhyAmardhAbhyAM pR^ichChati \- samAdhisthasya sthitapraj~nasya kA bhAShA ? kIdR^ishairlakShaNavAchakaiH shabdaiH sarvairayaM bhAShyate ? vyutthitaH sthitapraj~naH kIdR^ishaM vAgvyavahAraM karoti ? tasyopaveshanagamane mandebhyo vilakShaNe kIdR^ishe ?
shrIbhagavAnuvAcha\-
prajahAti yA kAmAn sarvAn pArtha manogatAn |
AtmanyevAtmanA tuShTaH sthitapraj~nastadochyate\rdq{} || 55|| \- (shrImadbhagavadgItAyAM 2\.55) ||
kAmAstrividhAH, bAhyA AntarA vAsanAmAtrarUpAshcheti | upArjitamodakAdayo bAhyAH, AshAmodakAdaya AntarAH, pathipatitatR^iNAdivadApAtataH pratItA vAsanArUpAshcha | samAhito.asheShadhIvR^ittisa~NkShayAt sarvAn parityajati | asti chAsya mukhaprasAdali~Ngagamya santoShaH | sa cha na kAmeShu kiM tvAtmanyeva, kAmAnAM tyaktatvAt, buddheH paramAnandarUpeNAtmatattvAbhimukhatvAchcha | na chAtra sampraj~nAtasamAdhAvivAtmAnando
manovR^ittyollikhyate, kiM tu svaprakAshachidrUpeNAtmanA | santoShashcha na vR^ittirUpaH, kiM tu tatsaMskArarUpaH | evaMvidhairlakShaNavAchakaiH shabdaiH samAhito bhAShyate |
\ldq{}duHkheShvanudvignamanAH sukheShu vigataspR^ihaH |
vItarAgabhayakrodhaH sthitadhIrmuniruchyate\rdq{} || \- (tatraiva 2\.56) ||
duHkhaM rAgAdinimittajanyA rajoguNavikArarUpA santApAtmikA pratikUlA chittavR^ittiH | tAdR^ishe duHkhe prApte sati \ldq{}ahaM pApaH, dhi~NmAM durAtmAnam\rdq{} ityanutApAtmikA tamoguNavikAratvena bhrAntirUpA chittavR^ittirudvegaH | yadyapyayaM viveka ivAbhAti tathA.api pUrvasmi~njanmani chettatpApapravR^ittipratibandhakatvAt \ldq{}saprayojano bhavati, idAnIM tu niShprayojana iti bhrAntitvaM draShTavyam | sukhaM rAjyaputralAbhAdinimittajanyA sAttvikI prItirUpAnukUlA chittavR^ittiH | tasminsukhe satyAgAminastAdR^ishasya sukhasya kAraNaM puNyamananuShThAya vR^ithaiva tadapekShA tAmasI chittavR^ittiH spR^ihA | tatra cha sukhaduHkhayoH prArabdhakarmaprApitatvAdvyutthitachittasya
vR^ittisambhavAchcha tadubhayamupapadyate | udvegaspR^ihe tu na vivekinaH sambhavataH | tathA rAgabhayakrodhAshcha tAmasatvena karmaNA prApitatvAbhAvAnnAsya vidyante | evaMlakShaNalakShitaH svAnubhavaprakaTena shiShyashikShArthamanudveganiHspR^i\-hatvAdigamakaM vacho bhAShata ityarthaH |
\ldq{}yaH sarvatrAnabhisnehastattatprApya shubhAshubham |
nAbhinandati na dveShTi tasya praj~nA pratiShThitA \rdq{}.  \- (tatraiva 2\.57) ||
yasminsatyanyadIye hAnivR^iddhI svasminnAropyete tAdR^isho.anyaviShayastAmasavR^ittivisheShaH snehaH | sukhahetuH svakalatrAdiH shubho viShayaH | tadguNakathanAdipravartikA dhIvR^ittirabhinandaH | atra guNakathanasya paraprarochanArthatvAbhAvenavyarthatvAttaddheturabhinandastAmasaH | asUyotpAdanena duHkhahetuH parakIyavidyAdirenaM pratyashubho viShayaH | tannindApravartikA dhIvR^ittidveShaH | so.api tAmasaH, tannindAyA nivAraNArthatvAbhAvena vyarthatvAt | ta ete tAmasA dharmAH kathaM vivekini sambhaveyuH ?
\ldq{}yadA saMharate chAyaM kUrmo.a~NgAnIva sarvashaH |
indriyANIndriyArthebhyastasya praj~nA pratiShThitA\rdq{} || 2\.58|| \- (tatraiva 2\.58) ||
vyutthitasya samastatAmasavR^ittyabhAvaH pUrvashlokAbhyAmabhihitaH | samAhitasya tu vR^ittaya eva na santi kutastAmasatvasha~NketyabhiprAyaH |
\ldq{}viShayA vinivartante nirAhArasya dehinaH |
rasavarjaM raso.apyasya paraM dR^iShTvA nivartate\rdq{} || 59|| \- (tatraiva 2\.59) ||
prArabdhaM karma sukhaduHkhahetUnkAMshchidviShayAMshchandrodayAndhakArAdirUpAn svayameva sampAdayati, anyAMstu gR^ihakShetrAdIn puruShodyogadvAreNa | tatra chandrodayAdayaH pUrNenendriyAdisaMhAralakShaNena samAdhinaiva nivartante, nAnyathA | gR^ihAdayastu samAdhimantareNApi nivartante | AharaNamAhAra udyogaH | nirudyogasya gR^ihAdiviShayA  nivartante, rasastu na nivartate | raso mAnasI tR^iShNA | sApi paramAnandarUpasya parasya brahmaNo darshane sati svalpAnandahetubhyo nivartate, \ldq{}kiM prajayA kariShyAmo yeShAM no.ayamAtmA.ayaM lokaH\rdq{} (bR^ihadAraNyake upaniShadi 4\.4\.22) iti shruteH |
\ldq{}yatato hyapi kaunteya puruShasya vipashchitaH |
indriyANi pramAthIni haranti prasabhaM manaH || 60||
tAni sarvANi saMyamya yukta AsIta matparaH |
vashe hi yasyendriyANi tasya praj~nA pratiShThitA\rdq{} || 61|| \- (tatraiva 2\.60, 61) ||
udyogatyAgabrahmadarshanaprayatnaM kurvato.api kadAchitkapramAdaparihArAya samAdhyabhyAsaH |
tadetatkimAsItetiprashnottaram |
\ldq{}dhyAyato viShayAnpuMsaH sa~NgasteShUpajAyate |
sa~NgAtsa~njAyate kAmaH kAmAtkrodhobhijAyate\rdq{} || 62||
\ldq{}krodhAdbhavati sammohaH sammohAtsmR^itivibhramaH |
smR^itibhraMshAdbuddhinAsho buddhinAshAtpraNashyati\rdq{} || 63|| \- (tatraiva 2\.62, 63) ||
asati samAdhyabhyAse pramAdaprakAra upanyastaH | sa~Ngo dhyeyaviShayasannidhiH, sammoho vivekaparA~Nmukhatvam,
smR^itivibhramastattvAnasandhAnAbhAvaH, buddhinAsho viparItabhAvanopachayadoSheNa pratibaddhasya j~nAnasya mokShapradatvasAmarthyAbhAvaH |
\ldq{}rAgadveShaviyuktaistu viShayAnindriyaishcharan |
AtmavashyairvidheyAtmA prasAdamadhigachChati\rdq{} || 64|| \- (tatraiva 2\.64) ||
vidheyAtmatvaM vashIkR^itamanastvam | prasAdo nairmalyaM bandharAhityam | samAdhyabhyAsayuktastadvAsanAbalAd vyutthAnadashAyAmindriyairvyavaharannapi prasAdaM samyakprApnoti | tadetatkiM vrajetetiprashnottaram | uparitanenApi bahunA granthena sthitapraj~naH prapa~nchitaH |
nanu praj~nAyAH sthityutpattibhyAM prAgapi sAdhanatvena rAgadveShAdirAhityamapekShitam |
bADham; tathApyasti visheShaH, sa cha shreyomArgakArairdarshitaH\-
\ldq{}vidyAsthitaye prAgye sAdhanabhUtAH prayatnaniShpAdyAH |
lakShaNabhUtAstu punaH svabhAvataste sthitAH sthitapraj~ne ||
jIvanmuktiritImAM vadantyavasthAM sthitAtmasambodhAm |
bAdhitabhedapratibhAmabAdhitAtmAvabodhasAmarthyAt\rdq{} || iti |
bhagavadbhakto dvAdashAdhyAye bhagavatA varNitaH \-
\ldq{}adveShTA sarvabhUtAnAM maitraH karuNa eva cha |
nirmamo niraha~NkAraH samaduHkhasukhaH kShamI || 13||
santuShTaH satataM yogI yatAtmA dR^iDhanishchayaH |
mayyarpitamanobuddhiryo madbhaktaH sa me priyaH\rdq{} || 14|| \- (shrImadbhagavadgItAyAM 12\.13, 14) ||
IshvarArpitamanastvena samAhitasyAnyAnusandhAnAbhAvAt, vyutthitasyApyudAsInAnusandhAnena harShaviShAdA\-bhAvAchcha sukhaduHkhasAmyam | evaM vakShyamANeShvapi dvandveShu draShTavyam |
\ldq{}yasmAnnodvijate loko lokAnnodvijate cha yaH |
harShAmarShabhayodvegairmukto yaH sa cha me priyaH || 15||
\ldq{}anapekShaH shuchirdakSha udAsIno gatavyathaH |
sarvArambhaparityAgI yo madbhaktaH sa me priyaH || 16||
\ldq{}yo na hR^iShyati na dveShTi na shochati na kA~NkShati |
shubhAshubhaparityAgI bhaktimAnyaH sa me priyaH || 17||
samaH shatrau cha mitre cha tathA mAnApamAnayoH |
shItoShNasukhaduHkheShu samaH sa~NgavivarjitaH || 18||
tulyanindAstutirmaunI santuShTo yena kenachit |
aniketaHsthiramatirbhaktimAn me priyo naraH\rdq{} || 19|| iti |
atrApi pUrvavadvisheSho vArttikakArairdarshitaH\-
\ldq{}utpannAtmaprabodhasya hyadveShTR^itvAdayo guNAH |
ayatnato bhavantyasya na tu sAdhanarUpiNaH\rdq{} || \- (naiShkarmyasiddhau 4\.69) iti ||
guNAtItashchaturdashAdhyAye varNitaH\-
arjuna uvAcha |
\ldq{}kairli~NgaistrInguNAnetAnatIto bhavati prabho |
kimAchAraH kathaM chaitAMstrInguNAnativartate \ldq{}|| 21|| \- (shrImadbhagavadgItAyAM 14\.21) ||
trayo guNAH sattvarajastamAMsi ; teShAM pariNAmavisheShAtsarvaH saMsAraH pravartate; ato guNAtItatvamasaMsAritvam; jIvanmuktvamiti yAvat | li~NgAni pareShAmetadIyaguNAtItatvabodhakAni | AchAra AcharaNam, tadIyamanaH sa~nchAraprakAraH | kathamiti sAdhanaprakAraprashnaH |
shrIbhagavAnuvAcha |
\ldq{}prakAshaM cha pravR^ittiM cha mohameva cha pANDava |
na dveShTi sampravR^ittAni na nivR^ittAni kA~NkShati || 22||
udAsInavadAsIno guNairyo na vichAlyate |
guNA vartanta ityeva yo.avatiShThati ne~Ngate || 23||
samaduHkhasukhaH svasthaH samaloShTAshmakA~nchanaH |
tulyapriyApriyo dhIrastulyanindAtmasaMstutiH || 24||
mAnApamAnayostulyastulyo mitrAripakShayoH |
sarvArambhaparityAgI guNAtItaH sa uchyate || 25||
mAM cha yo.avyabhichAreNa bhaktiyogena sevate |
saguNAnsamatItyaitAnbrahmabhUyAya kalpate\rdq{} || 26|| \- (tatraiva 14\.26) ||
prakAshapravR^ittimohAH sattvarajastamoguNAH | te cha jAgratsvapnayoH pravartante ; suShuptisamAdhishUnyachittavR^itti\-tvAvasthAsu nivartante | pravR^ittishcha dvividhA, anukUlA pratikUlA cheti | tatra mUDho jAgaraNe pratikUlapravR^ittiM dveShTi, anukUlapravR^ittimAkA~NkShati | guNAtItasya tvanukUlapratikUlAdhyAsAbhAvAd dveShAkA~NkShe na staH | yathA dvayoH kalahaM kurvatoravalokayitA kashchittaTasthaH svayaM kevalamudAste, na tu jayaparAjayAbhyAmi\-tastatashchAlyate, tathA guNAtIto vivekI svayamudAste | guNA guNeShu vartante, na tvahamitivivekAdaudA\-sInyam | ahameva karomItyadhyAso vichalanam, na chAsya tadasti | tadidaM kimAchAra ityasya prashnasyottaram | samaduHkhasukhAdIni li~NgAnyavyabhichAribhaktisahitaj~nAnadhyAnAbhyAsena paramAtmasevA cheti guNAtyaya\-sAdhanaprashnasyottaram ||
brAhmaNo vyAsAdibhirvarNitaH
\ldq{}anuttarIyavasanamanupastIrNashAyinam |
bAhUpadhAyinaM shAntaM taM devA brAhmaNaM viduH\rdq{} || \- (mahAbhArate shAntiparvaNimokShadharme 261\.29) ||
brAhmaNashabdo brahmavidvAchIti \ldq{}atha brAhmaNaH\rdq{} iti shrutyA varNitam, brahmavidashcha vidvatsa.nnyAsAdhikArAt. \ldq{}yathAjAtarUpadharo\rdq{} (jAbAlopaniShadi 6) , \ldq{}nAchChAdanaM charati paramahaMsaH\rdq{} (paramahaMsopaniShadi 1 \-2) ityAdi shrutyA parigraharAhityasya mukhyatvAbhidhAnAdanuttarIyatvAdikaM tasya yuktam |
\ldq{}yena kenachidAchChanno yena kenachidAshitaH |
yatrakvachanashAyI syAttaM devA brAhmaNaM viduH\rdq{} || \- (mahAbhArate 5\.97\.14) ||
dehanirvAhAyAshanAchChAdanashayanasthAnApekShAyAmapyashanAdigatau guNadoShau nAnviShyete, udarapUraNapuShTyAdi\-rUpasya nirvAhasya samatvAnniShprayojanasya guNadoShavichArasya chittadoShatvAt |
ata eva bhAgavate paThyate \-
\ldq{}kiM varNitena bahunA lakShaNaM guNadoShayoH |
guNadoShadR^ishirdoSho guNastUbhayavarjitaH\rdq{} ||  iti | \- (shrImadbhAgavate 11\.19\.45) ||
\ldq{}kanthAkaupInavAsAstu daNDadhR^igdhyAnatatparaH |
ekAkI ramate nityaM taM devA brAhmaNaM viduH\rdq{} || \- (vishveshvarakR^ite yatidharmasa~Ngrahe pR^i0 37) ||
brahmopadeshAdinA prANyanujighR^ikShAyAmuttamattvaj~nApanena shraddhAmutpAdayituM daNDakaupInAdili~NgaM dhArayet, \ldq{}kaupInaM daNDamAchChAdanaM cha svasharIropabhogArthAya lokopakArArthAya cha parigrahet\rdq{} (parama0 upa0 \.1) iti shruteH | anujighR^ikShayApi svayaM tadIyAM gR^ihakR^ityAdivArtAM na kuryAt, kiM tu dhyAnaparo bhavet | \ldq{}tamevaikaM
jAnatha AtmAnamanyA vAcho vimu~nchatha (muNDakopaniShadi 2\.2\.5) \ldq{}iti shruteH,
\ldq{}tameva dhIro vij~nAya praj~nAM kurvIta brAhmaNaH |
nAnudhyAyAd bahU~nshabdAnvAcho viglApanaM hi tat\rdq{} || \- (bR^ihadAraNyake upa0 \.4\.4\.21) ||
iti shruteshcha |
brahmopadeshastvanyA vA~N na bhavatIti na dhyAnavirodhI | tachcha dhyAnamekAkitve nirvighnaM bhavati ata eva smR^ityantare.abhihitaM \-
\ldq{}eko bhikShuryathoktaH syAdvAveva mithunaM smR^itam |
trayo grAmaH samAkhyAta UrdhvaM tu nagarAyate ||
nagaraM hi kartavyaM grAmo vA mithunaM tathA |
rAjAdivArttA teShAM syAdbhikShAvArttA parasparam\rdq{} ||  iti | \- (dakShasmR^itau 7\.35\-37) ||
\ldq{}nirAshiShamanArambhaM nirnamaskAramastutim |
akShINaM kShINakarmANaM taM devA brAhmaNaM viduH\rdq{} || \- (mahAbhArate mokShadharmaparvaNi 237\.24) ||
vishiShTaiH saMsAribhiH praNamatAM puruShANAmAshIrvAdaH prayujyate | yasya yadapekShitaM taM taM prati tadabhivR^iddhi\-prArthanamAshIH | tathA cha puruShANAM bhinnaruchitvAt tadabhimatAnveShaNe vyagrachittasya lokavAsanA vardhate | sA cha j~nAnavirodhinI | tathA cha smR^ityantaraM \-
\ldq{}lokavAsanayA jantoH shAstravAsanayApi cha |
dehavAsanayA j~nAnaM yathAvannaiva jAyate\rdq{} ||
(muktikopaniShadi 2\.2; sUtasaMhitAyAM yaj~navaibhavakhaNDe pUrvArdhe 14\.15; vivekachU.DAmaNau 202) ||
etachchArambhanamaskArAdiShvapi draShTavyam | ArambhaH svArthaM paropakArArthaM vA gR^ihakShetrAdisampAdanaprayatnaH | tAvetAvAshIrvAdArambhau muktena tyAjyau | na chAshIrvAdAbhAve praNamatAM nR^iNAM khedaH sha~NkanIyaH, lokavAsanAkhedayorubhayoH parihArAya nikhilAshIrvAdapratinidhitvena nArAyaNashabdaprayogAt | Arambhastu
sarvo.api duShTa eva | tathA cha smR^itiH\-
\ldq{}sarvArambhA hi doSheNa dhUmenAgnirivAvR^itAH\rdq{} | \- (shrImadbhagavadgItAyAM 18\.48) iti ||
namaskAro.api vividiShAsa.nnyAsino.abhihitaH \-
\ldq{}yo bhavetpUrvasa.nnyAsI tulyo vai dharmato yadi |
tasmai praNAmaH kartavyo netarAya kadAchana\rdq{} || \- (yAj~navalkya upa0 \.1) iti ||
tatra pUrvatvadharmatulyatvavichAre chittaM vikShipyate | ata eva namaskAramAtra eva bahavaH kalahAyamAnA upalabhyante |
tatra nimittaM vArttikakArairdarshitaM \-
\ldq{}pramAdino bahishchittAH pishunAH kalahotsukAH |
sa.nnyAsino.api dR^ishyante daivasandUShitAshayAH\rdq{} || \- (bR^ihadAraNyakopaniShadvArttike 1\.4\.1584) iti ||
muktasya namaskArAbhAvo bhagavatpAdairdarshitaH \-
\ldq{}nAmAdibhyaH pare bhUmni svArAjye chet sthito.advaye |
praNamet kaM tadAtmaj~no na kAryaM karmaNA tadA\rdq{} || \- (upadeshasAhasyAM 17\.64) iti ||
chittakAluShyahetornamaskArasya pratiShedhe.api sarvasAmyabud.hdhyA prasAdaheturnamaskAro.abhyupeyate | tathA cha smR^itiH \-
\ldq{}Ishvaro jIvakalayA praviShTo bhagavAniti |
praNameddaNDavadbhUmAvashvachaNDAlagokharam\rdq{} || \- (shrImadbhAgavate 3\.29\.34\-2, 11\.29\.16\-2) iti ||
stutirmanuShyaviShayA pratiShidhyate, na tvIshvaraviShayA | tathA cha bR^ihaspatismR^itiH \-
\ldq{}AdareNa yathA stauti dhanavantaM dhanechChayA |
tathA ched vishvakartAraM ko na muchyeta bandhanAt\rdq{} ||  iti | \- (varAhopaniShadi 3\.13 ; garuDapurANe 225\.50 cha |) ||
akShINatvamadInatvam. ata eva smR^itiH\-
\ldq{}alabdhvA na viShAdI syAtkAle yadyashanaM kvachit |
labdhvA na hR^iShyeddhR^itimAnubhayaM daivatantritam\rdq{} || iti |
kShINakarmatvaM vidhiniShedhAnadhInatvaM \ldq{}nistraiguNye pathi vicharatAM ko vidhiH ko niShedhaH\rdq{} (shukAShTakaH) iti smaraNAt | etadevAbhipretya bhagavatApyuktam\-
\ldq{}traiguNyaviShayA vedA nistraiguNyo bhavArjuna |
nirdvandvo nityasattvastho niryogakShema AtmavAn\rdq{} || \- (shrImadbhagavadgItAyAM 2\.45) iti ||
nAradaH\-
\ldq{}smartavyaH satataM viShNurvismartavyo na jAtuchit |
sarve vidhiniShedhAH syuretayoreva ki~NkarAH\rdq{} || \- (nAradapA~ncharAtre 4\.2\.23) iti ||
\ldq{}aheriva gaNAdbhItaH sammAnAnmaraNAdiva |
kuNapAdiva yaH strIbhyastaM devA brAhmaNaM viduH\rdq{} || \- (mahAbhArate shAntiparvaNi mokSha0 237\.13) ||
\ldq{}rAjAdivArttA teShAM syAt\rdq{} ityuktatvAt sarpavadgaNAdbhItirupapadyate, sammAnasyAsaktikAraNatayA puruShArthavirodhitvAnmaraNavaddheyatvam | \ldq{}narakAdiva\rdq{} iti vA pAThaH | ata eva smR^itiH \-
\ldq{}asammAnAttapovR^iddhiH sammAnAttu tapaH kShayaH |
architaH pUjito vipro dugdhA gauriva sIdati\rdq{} || \- (padmapurANe sR^iShTikhaNDe 19\.340) ||
etadevAbhipretyAvamAna upAdeyatayA smaryate\-
\ldq{}tathA chareta vai yogI satAM dharmamanusmaran |
janA yathAvamanyerangachCheyurnaiva sa~Ngatim\rdq{} || \- (nAradaparivrAjakopaniShadi 5\.30) iti ||
strIShu dvividho doShaH, pratiShiddhatvaM jugupsitatvaM cheti | tatra pratiShiddhatvAtraM kadAchidrAgAt prArabdhabalAdulla~Nghyate |
tadetadabhipretyAha smR^itiH
\ldq{}mAtrA svasrA duhitrA vA naikashayyAsano bhavet |
balavAnindriyagrAmo vidvAMsamapi karShati\rdq{} | \- (manu 2\.215) ||
tathA cha smR^itibhirjugupsA varNitA\-
\ldq{}strINAmavAchyadeshasya klinnanADIvraNasya cha |
abhede.api manobhedAjjanaH prAyeNa va~nchyate\rdq{} || \- (nA. pa. upa0 \.3\.29) ||
\ldq{}charmakhaNDaM dvidhA bhinnamapAnodgAradhUpitam |
yadramante narAstatra sAhasaM kimataH param\rdq{} || \- (vishveshvarakR^ite yatidharmasa~Ngrahe, pR^i0 93) ||
\ldq{}ye ramante narAstatra krimitulyAH kathaM na te\rdq{} iti vA pAThaH | ataH pratiShedhajugupsayorubhayorvivakShayA kuNapadR^iShTAnto.atrAbhihitaH |
\ldq{}yena pUrNamivAkAshaM bhavatyekena sarvadA |
shUnyaM yasya janAkIrNaM taM devA brAhmaNaM viduH\rdq{} || \- (mahAbhArate shAntiparvaNi mokShadharme 237\.11) ||
saMsAriNAmekAkitvenAvasthAnaM bhayAlasyAdihetutvAdvarjyam | janasamUhashchAtathAvidhatvAdabhyupeyaH | yoginastu tadviparItatvam | ekAkitve satyavighnena dhyAnAnuvR^ittau paripUrNena paramAnandAtmanA sarvamAkAshaM pUrNamivAvabhAsate | ato bhayAlasyashokamohAdayo na bhavanti,
\ldq{}yasminsarvANi bhUtAni AtmaivAbhUd vijAnataH |
tatra ko mohaH kaH shoka ekatvamanupashyataH\rdq{} | \- (Isha. upa0 \.7) iti shruteH ||
janAkIrNaM sthAnaM rAjavArttAdinA dhyAnavirodhitvAdAnandAtmapratItirahitaM tachChUnyamiva chittaM kleshayati, jagato mithyAtvAdAtmanaH pUrNatvAchchetyarthaH |
ativarNAshramI sUtasaMhitAyAM muktikhaNDe pa~nchamAdhyAye viShNu prati parameshvareNa varNitaH \-
\ldq{}brahmachArI gR^ihasthashcha vAnaprastho.atha bhikShukaH |
ativarNAshramI te.api kramAchChreShThA vichakShaNAH || 9||
\ldq{}ativarNAshramI prokto guruH sarvAdhikAriNAm |
na kasyApi bhavechChiShyo yathAhaM puruShottama || 14||
\ldq{}ativarNAshramI sAkShAd gurUNAM gururuchyate |
tatsamo nAdhikashchAsmillo.Nke.astyeva na saMshayaH || 15||
\ldq{}yaH sharIrendriyAdibhyo vibhinnaM sarvasAkShiNam |
pAramArthikavij~nAnaM sukhAtmAnaM svayamprabham || 16||
paraM tattvaM vijAnAti so.ativarNAshramI bhavet |
\ldq{}yo vedAntamahAvAkyashravaNenaiva keshava || 17||
AtmAnamIshvaraM veda so.ativarNAshramI bhavet |
\ldq{}yo varNAshramanirmuktamavasthAtrayasAkShiNam || 18||
mahAdevaM vijAnAti so.ativarNAshramI bhavet ||
\ldq{}varNAshramAdayo dehe mAyayA parikalpitAH || 19||
nAtmano bodharUpasya mama te santi sarvadA |
iti yo veda vedAntaiH so.ativarNAshramI bhavet || 20||
\ldq{}Adityasannidhau lokashcheShTate svayameva tu |
tathA matsannidhAnena samastaM cheShTate jagat || 21||
iti yo veda vedAntaiH so.ativarNAshramI bhavet |
\ldq{}suvarNe hArakeyUrakaTakasvastikAdayaH || 22||
kalpitA mAyayA tadvajjaganmayyeva sarvadA |
iti yo veda vedAntaiH so.ativarNAshramI bhavet || 23||
shuktikAyAM yathA tAraM kalpitaM mAyayA tathA |
mahadAdi jaganmAyAmayaM mayyeva kalpitam || 24||
iti yo veda vedAntaiH so.ativarNAshramI bhavet |
\ldq{}chaNDAladehe pashvAdisharIre brahmavigrahe || 25||
anyeShu tAratamyena sthiteShu puruShottama |
vyomavatsarvadA vyAptaH sarvasambandhavarjitaH || 26||
ekarUpo mahAdevaH sthitaH so.ahaM parAmR^itaH |
iti yo veda vedAntaiH so.ativarNAshramI bhavet || 27||
\ldq{}vinaShTadigbhramasyApi yathApUrvaM vibhAti dik |
tathA vij~nAnavidhvastaM jaganme bhAti tanna hi || 28||
iti yo veda vedAntaiH so.ativarNAshramI bhavet |
\ldq{}yathA svapnaprapa~ncho.ayaM mayi mAyAvijR^imbhitaH || 29||
tathA jAgratprapa~ncho.api mayi mAyAvijR^imbhitaH |
iti yo veda vedAntaiH so.ativarNAshramI bhavet || 30||
\ldq{}yasya varNAshramAchAro galitaH svAtmadarshanAt |
sa varNAnAshramAnsarvAnatItya svAtmani sthitaH || 31||
\ldq{}yastyaktvA svAshramAnvarNAnAtmanyeva sthitaH pumAn |
so.ativarNAshramI proktaH sarvavedArthavedibhiH || 32||
\ldq{}na deho nendriyaM prANo na mano bud.hdhyaha~NkR^itI |
na chittaM naiva mAyA cha na cha vyomAdikaM jagat || 33||
na kartA naiva bhoktA cha na cha bhojayitA tathA |
kevalaM chitsadAnando brahmaivAtmA yathArthataH || 34||
\ldq{}jalasya chalanAdeva cha~nchalatvaM yathA raveH |
tathAha~NkArasaMsargAdeva saMsAra AtmanaH || 35||
\ldq{}tasmAdanyagatA varNA AshramA api keshava |
AtmanyAropitA eva bhrAntyA te nAtmavedinaH || 36||
\ldq{}na vidhirna niShedhashcha na varjyAvarjyakalpanA |
Atmavij~nAninAmasti tathA nAnyajjanArdana || 37||
\ldq{}svAtmavij~nAninAM niShThAmIdR^ishImambujekShaNa |
mAyayA mohitA martyA naiva jAnanti sarvadA || 38||
\ldq{}na mAMsachakShuShA niShThA brahmavij~nAninAmiyam |
draShTuM shakyA svataH siddhA viduShAM saiva keshava || 39||
\ldq{}yatra suptA janA nityaM prabuddhastatra saMyamI |
prabuddhA yatra te vidvAnsuShuptastatra keshava || 40||
\ldq{}evamAtmAnamadvandvaM nirAkAraM nira~njanam |
nityashuddhaM nirAbhAsaM sachchinmAtraM parAmR^itam || 41||
yo vijAnAti vedAntaiH svAnubhUtyA cha nishchitam |
so.ativarNAshramI proktaH sa eva gururuttamaH || 42|| \rdq{} iti |
tadevaM \ldq{}vimuktashcha vimuchyata\rdq{} ityAdishrutayo jIvanmuktasthitapraj~nabhagavadbhaktaguNAtItabrAhmaNAtivarNAshrami\-pratipAdakasmR^itivAkyAni cha jIvanmuktisadbhAve pramANAnIti sthitam | iti jIvanmuktipramANAni || 5||
iti shrImadvidyAraNyapraNIte jIvanmuktiviveke prathamaM jIvanmuktipramANa prakaraNam ||
\section{2\. vAsanAkShaya nAma dvitIyaM prakaraNam}
atha jIvanmuktisAdhanaM nirUpayAmaH | tattvaj~nAnamanonAshavAsanAkShayAstatsAdhanam | ata eva vAsiShTharAmAyaNa upashamaprakaraNasyAvasAne \ldq{}jIvanmuktasharIrANAm\rdq{} (laghuyogavAsiShThe 28\.1) ityetasminprastAve vasiShTha Aha\-
\ldq{}vAsanAkShayavij~nAnamanonAshA mahAmate |
samakAlaM chirAbhyastA bhavanti phaladAyinaH || 116||
anvayamuktvA vyatirekamAha\-
\ldq{}traya ete samaM yAvanna svabhyastA muhurmuhuH |
tAvanna padasamprAptirbhavatyapi samAshataiH || 115|| iti ||
samakAlAbhyAsAbhAve bAdhakamAha\-
\ldq{}ekaikasho niShevyante yadyete chirayatnataH |
tanna siddhiM prayachChanti mantrAH sa~NkalitA iva\rdq{} || 117|| iti |
yathA sandhyAvandanamArjane sahaviniyuktAnAM \ldq{}Apo hi ShThA\rdq{} (kra. saM \.10\.9\.1) ityAdInAM tisR^iNAmR^ichAM madhye pratidinamekaikasyA R^ichaH pAThe shAstrIyAnuShThAnaM na sidhyati, yathA vA ShaDa~NgamantrANAmekaikamantreNa na siddhiH, yathA vA loke shAkasUpaudanAdInAmekaikena na bhojanasiddhiH, tadvat | chirAbhyAsasya prayojanamAha\-
\ldq{}tribhiretaishchirAbhyastairhR^idayagranthayo dR^iDhAH |
niHsha~Nkameva truTyanti bichChedAdguNA iva\rdq{} || 118|| iti |
tasyaiva vyatirekamAha\-\-
\ldq{}janmAntarashatAbhyastA rAma saMsArasaMsthitiH |
sA chirAbhyAsayogena vinA na kShIyate kvachit \ldq{}|| 119|| iti |
na kevalamekaikAbhyAse phalAbhAvaH, kiM tu tatsvarUpamapi na sidhyatItyAha\-
\ldq{}tattvaj~nAnaM manonAsho vAsanAkShaya eva cha |
mithaH kAraNatAM gatvA duHsAdhyAni sthitAni hi\rdq{} || 113|| iti |
trayANAmeteShAM madhye dvayordvayormelanena trINi dvandvAni bhavanti | manonAshavAsanAkShayadvandvasyAnyonyakAraNatvaM vyatirekamukhenAha\-
\ldq{}yAvadvilInaM na mano na tAvadvAsanAkShayaH |
na kShINA vAsanA yAvattAvachchittaM na shAmyati\rdq{} || 110||
pradIpajvAlAsantAnavadvR^ittisantAnarUpeNa pariNamamAnamantaHkaraNadravyaM mananAtmakatvAnmana ityuchyate | tasya nAsho nAma vR^ittirUpapariNAmaM parityajya niruddhatvAkAreNa pariNAmaH. tathA cha pata~njaliryogashAstre sUtrayAmAsa\-
\ldq{}vyutthAnanirodhasaMskArayorabhibhavaprAdurbhAva nirodhakShaNachittAnvayo nirodhapariNAmaH\rdq{} (3\.9) iti |
vyutthAnasaMskArA abhibhUyante; nirodhasaMskArAH prAdurbhavanti; nirodhayuktaH kShaNashchittenAnvIyate; so.ayaM manonAsha ityavagantavyam |
pUrvAparaparAmarshamantareNa sahasotpadyamAnasya krodhAdivR^ittivisheShasya hetushchittagataH saMskAro vAsanA, pUrvapUrvAbhyAsena chitte vAsyamAnatvAt |
tasyAshcha vAsanAyAH kShayo nAma vivekajanyAyAM shAntidAntyAdishuddhavAsanAyAM dR^iDhAyAM satyapi bAhyanimitte krodhAdyanutpattiH |
tatra manonAshAbhAve vR^ittiShUtpadyamAnAsu kadAchid bAhyanimittena krodhAdyutpatternAsti vAsanAkShayaH | akShINAyAM tu vAsanAyAM tathaiva vR^ityutpAdanAnnAsti manonAshaH |
tattvaj~nAnamanonAshayoH parasparakAraNatvaM vyatirekamukheNAha \-
\ldq{}yAvanna tattvavij~nAnaM tAvachchittashamaH kutaH |
yAvanna chittopashamo na tAvat tattvavedanam\rdq{} || 111|| iti ||
\ldq{}idaM sarvamAtmaiva, pratIyamAnaM tu rUparasAdikaM jaganmAyAmayaM na tvetadvastuto.asti\rdq{} iti nishchayastattvaj~nAnam | tasyAnutpattau rUparasAdiviShayANAM sadbhAve sati tadgocharAshchittavR^ittayo na nivArayituM shakyante yathA prakShipyamANeShvindhanAdiShu vahnijvAlA na nivAryate tadvat | asati chittopashame vR^ittibhirgR^ihyamANeShu rUpAdiShu
\ldq{}neha nAnAsti ki~nchana\rdq{} (kaTha. upa0 \.4\.11) iti shruteH \ldq{}yajamAnaH prastaraH\rdq{} (tai0 brA0 3\.9\.2\.3) ityAderiva pratyakShavirodhasha~NkayA \ldq{}brahmAdvitIyam\rdq{} ityetAdR^ishastattvanishchayo nodiyAt |
vAsanAkShayatattvaj~nAnayoH parasparakAraNatvaM vyatirekamukhenAha\-
\ldq{}yAvanna vAsanAnAshastAvattattvAgamaH kutaH |
yAvanna tattvasamprAptirna tAvadvAsanAkShayaH\rdq{} || 112|| iti |
krodhAdivAsanAsvanaShTAsu shamadamAdisAdhanAbhAvAnna tattvaj~nAnamudeti | aj~nAte chAdvitIyabrahmatattve krodhAdinimittasya satyatvabhramAnapAyAnna vAsanA kShIyate | yathoktAnAM trayANAM dvandvAnAmanyonyakAraNatvamanvayamukhena vayamudAharAmaH |
manasi naShTe sati saMskArodbodhakasya bAhyanimittasyApratItau vAsanA kShIyate, kShINAyAM cha vAsanAyAM hetvabhAvena krodhAdivR^ityanudayAnmano nashyati | tadidaM manonAshavAsanAkShayadvandvam |
\ldq{}dR^ishyate tvaggrayA bud.hdhyA\rdq{} (kaThopa0 1\.3\.12) iti shruterAtmaikyAbhimukhavR^itterdarshanahetutvAditarakR^itsnavR^itti\-nAshasya tattvaj~nAnahetutvamavagamyate | sati cha tattvaj~nAne, mithyAbhUte jagati naraviShANAdAviva dhIvR^ittyanudayAdAtmanashcha dR^iShTatvena punarvR^ittyanupayogAnnirindhanAgnivanmano nashyati. tadidaM manonAshatattvaj~nAnayordvandvam |
tattvaj~nAnasya krodhAdivAsanAkShayahetutAM vArttikakAra Aha\-
\ldq{}ripau bandhau svadehe cha samaikAtmyaM prapashyataH |
vivekinaH kutaH kopaH svadehAvayaveShviva\rdq{} || \- (naiShkarmyasiddhau 2\.18) iti ||
krodhAdivAsanAkShayarUpasya shamAderj~nAnahetutvaM prasiddham | vasiShTho.api \-
\ldq{}guNAH shamAdayo j~nAnAchChamAdibhyastathA j~natA |
parasparaM vivardhete dve padmasarasI iva\rdq{} || \- (laghuyogavAsiShThe 4\.107) iti ||
tadidaM vAsanAkShayatattvaj~nAnayordvandvam |
tattvaj~nAnAdInAM trayANAM sampAdane sAdhanamAha\-
\ldq{}tasmAdrAghava yatnena pauruSheNa vivekinA |
bhogechChAM dUratastyaktvA trayametatsamAshrayet\rdq{} ||  iti | \- (laghuyogavAsiShThe 4\.114) iti ||
pauruSho yatnaH kenApyupAyenAvashyaM sampAdayiShyAmItyevaMvidhotsAharUpo nirbandhaH | viveko nAma vibhajyanishchayaH \- tattvaj~nAnasya shravaNAdikaM sAdhanam, manonAshasya yogaH, vAsanAkShayasya pratikUlavAsanotpAdanamiti | bhogechChAyAH svalpAyA apyabhyupagame \ldq{}haviShA kR^iShNavartmeva bhUya evAbhivardhate\rdq{} (manu0 2\.94) iti nyAyenAtiprasa~NgasyadurvAratvAddUrata ityuktam |
nanu pUrvatra vividiShAsa.nnyAsasya tattvaj~nAnaM phalaM vidvatsannyAsasya jIvanmuktiriti vyavasthA varNitA ; tathA cha sati prathamatastattvaj~nAnaM sampAdya pashchAdvidvatsannyAsaM kR^itvA jIvataH svasya bandharUpayorvAsanAmanovR^ittyorvinAshaH sampAdanIya iti pratibhAti ; atra tu tattvaj~nAnAdInAM sahaivAbhyAso niyamyate ; ataH pUrvottaravirodha iti chet,
nAyaM doShaH, pradhAnopasarjanabhAvena vyavasthopapatteH | vividiShAsa.nnyAsinastattvaj~nAnaM pradhAnam, manonAshavAsanAkShayAvupasarjanIbhUtau; vidvatsannyAsinastu tadvaiparItyam; ataH sahAbhyAsa ubhayatrApyaviruddhaH | na cha tattvaj~nAnotpattimAtreNa kR^itArthasya kimuttarakAlInenAbhyAsaprayAseneti sha~NkanIyam, jIvanmukti\-prayojananirUpaNena parihariShyamANatvAt |
nanu vidvatsa.nnyAsino vedanasAdhanashravaNAdyanuShThAnavaiphalyAdvedanasya cha svarUpeNa kartumakartumanyathA vA kartumashakyasyAnanuShTheyatvAdupasarjanatve.apyuttarakAlIno.abhyAsaH kIdR^isha iti chet,
kainApi dvAreNa punaH punastattvAnusmaraNamiti brUmaH | tAdR^ishashchAbhyAso lIlopAkhyAne (laghuyogavAsiShThe 6) darshitaH\-
\ldq{}tachchintanaM tatkathanamanyonyaM tatprabodhanam |
etadekaparatvaM cha j~nAnAbhyAsaM vidurbudhAH || 108||
\ldq{}sargAdAveva notpannaM dR^ishyaM nAstyeva tatsadA |
idaM jagadahaM cheti bodhAbhyAsaM viduH pare\rdq{} || 111||
manonAshavAsanAkShayAbhyAsAvapi tatraiva darshitau \-
\ldq{}atyantAbhAvasampattau j~nAturj~neyasya vastunaH |
yuktyA shAstrairyatante ye te tatrAbhyAsinaH sthitAH\rdq{} || 110|| iti |
j~nAtR^ij~neyayormithyAtvadhIrabhAvasampattiH | svarUpeNApyapratItiratyantAbhAvasampattiH | yuktiryogaH | so.ayaM manonAshAbhyAsaH |
\ldq{}dR^ishyAsambhavabodhena rAgadveShAditAnave |
ratirnavoditA yAsau brahmAbhyAsaH sa uchyate\rdq{} || 112|| iti |
so.ayaM vAsanAkShayAbhyAsaH |
teShveteShu triShvabhyAseShu sAmAnyena pratIyamAneShu pradhAnopasarjanabhAvo na vivektuM shakyata iti chet |
maivam, prayojanAnusAreNa vivektuM shakyatvAt | mumukShoH puruShasya jIvanmuktirvidehamuktishcheti prayojanadvayam | ata eva \ldq{}vimuktashcha vimuchyate\rdq{} (kaTha upa0 \.2\.2\.1) iti shrUyate | tatra jIvataH puruShasya daivasampadA mokShaH, AsurasampadA bandhaH. etachcha ShoDashAdhyAye bhagavatAbhihitaM \- \ldq{}daivI sampadvimokShAya nibandhAyAsurI matA\rdq{} || (shrImadbhagavadgItAyAM 16\.5) iti |
techa sampadau tatraivAbhihite\-
\ldq{}abhayaM sattvasaMshuddhirj~nAnayogavyavasthitiH |
dAnaM damashcha yaj~nashcha svAdhyAyastapa Arjavam || 1||
\ldq{}ahiMsA satyamakrodhastyAgaH shAntirapaishunam |
dayA bhUteShvaloluptvaM mArdavaM hrIrachApalam || 2||
\ldq{}tejaH kShamA dhR^itiH shauchamadroho nAtimAnitA |
bhavanti sampadaM daivImabhijAtasya bhArata || 3||
\ldq{}dambho darpobhimAnashcha krodhaH pAruShyameva cha |
aj~nAnaM chAbhijAtasya pArtha sampadamAsurIm\rdq{} || 4|| iti |
punarapyAdhyAyaparisamApterAsurasampatprapa~nchitA | tatrAshAstrIyAyAH svabhAvasiddhAyA Asurasampado durvAsanAyAH shAstrIyayA puruShaprayatnasAdhyayA daivasampadA sadvAsanayA kShaye sati jIvanmuktirbhavati | vAsanAkShayavanmanonAshasyApi jIvanmuktihetutvaM shrUyate |
\ldq{}mana eva manuShyANAM kAraNaM bandhamokShayoH |
bandhAya viShayAsaktaM muktyai nirviShayaM smR^itam || 2||
\ldq{}yato nirviShayasyAsya manaso muktiriShyate |
ato nirviShayaM nityaM manaH kAryaM mumukShuNA || 3||
\ldq{}nirastaviShayAsa~NgaM sanniruddhaM mano hR^idi |
yA yAtyunmanIbhAvaM tadA tatparamaM padam || 4||
\ldq{}tAvadeva niroddhavyaM yAvad hR^idi gataM kShayam |
etajj~nAnaM cha mokShashcha sheSho granthasya vistaraH\rdq{} || 5|| iti | \- (amR^itabindUpaniShadi 2 \-5) ||
bandho dvividhaH tIvro mR^idushcha | tatrA.asurasampatsAkShAdeva kleshahetutvAt tIvro bandhaH | dvaitamAtrapratItistu svayamaklesharUpatvAdAsurasampadutpAdakatvAchcha mR^idurbandhaH | tatra vAsanAkShayeNa tIvrabandha eva nivartate (nivartyate iti vA pAThaH) | manonAshena tUbhayam | tarhi manonAshenaivAlaM vAsanAkShayastu nirarthaka iti chenna; bhogahetunA prabalena prArabdhena vyutthApite manasi vAsanAkShayasya tIvrabandhanivAraNArthatvAt, bhogasya mR^idubandhenApyupapatteH. tAmasavR^ittayastIvrabandhaH | sAttvikarAjasavR^ittidvayaM mR^idubandhaH | etachcha \ldq{}duHkheShvanudvignamanAH sukheShu vigataspR^ihaH\rdq{} (shrImadbhagavadgItAyAM 2\.56) ityatra spaShTIkR^itam |
evaM cha sati mR^idubandhasyAbhyupeyatvAt tIvrabandhasya vAsanAkShayeNaiva nivR^itteranarthako manonAsha iti chet,
na, durbalaprArabdhApAditAnAmavashyambhAvibhogAnAM pratIkArArthatvAt. tAdR^igbhogasya pratIkAranivartyatvama\-bhipretyedamAhuH \-
\ldq{}avashyambhAvibhogAnAM pratIkAro bhavedyadi |
tadA duHkhairna lipyerannalarAmayudhiShThirAH\rdq{} | \- (pa~nchadashyAM 7\.156) iti ||
tadevaM jIvanmuktiM prati vAsanAkShayamanonAshayoH sAkShAtsAdhanatvAd prAdhAnyam; tattvaj~nAnaM tUbhayotpAdanena vyavahitatvAdupasarjanam | tattvaj~nAnasya vAsanAkShayahetutvaM bahushaH shrutau shrUyate\-
\ldq{}j~nAtvA devaM sarvapAshApahAniH \ldq{}(shve0 upa0 1\.1\.11) ;
\ldq{}adhyAtmayogAdhigamena devaM matvA dhIro harShashokau jahAti\rdq{} | (kaTha. upa0 1\.2\.12) |
\ldq{}tarati shokamAtmavit\rdq{} (ChAndogya upa0 \.7\.1\.3) ;
\ldq{}tatra ko mohaH kaH shoka ekatvamanupashyataH\rdq{} (Isha upa0 \.7) ;
\ldq{}j~nAtvA devaM muchyate sarvapAshaiH\rdq{} (shve. upa0 \.1\.1\.8) iti |
manonAshahetutvaM cha tattvaj~nAnasya shrutisiddham | vidyAdashAmabhipretyedaM shrUyate\- \ldq{}yatra tvasya sarvamAtmaivAbhUt tatkena kaM pashyet kena kaM jighret\rdq{} (bR^iha. upa0 \.4\.5\.15) ityAdi |
gauDapAdAchAryAshchAhuH
\ldq{}AtmatattvAnubodhena na sa~Nkalpayate yadA |
amanastAM tadA yAti grAhyAbhAve tadagrahaH\rdq{} || \- (mANDUkyakArikAyAM 3\.32) iti ||
(AtmatattvAnubodhena \- AchAryapAdena sha~NkarabhagavatA AtmasatyAnubodhena iti pATho gR^ihItaH)
jIvanmuktervAsanAkShayamanonAshAviva videhamukteH sAkShAtsAdhanatvAjj~nAnaM pradhAnam, \ldq{}j~nAnAdeva tu kaivalyaM prApyate yena muchyate\rdq{} iti smR^iteH |
kevalasyAtmano bhAvaH kaivalyaM dehAdirahitatvam | tachcha j~nAnAdeva prApyate, sadehatvasyAj~nAnakalpitatvena j~nAnaikanivartyatvAt | j~nAnAdevetyevakAreNa karmavyAvR^ittiH \ldq{}na karmaNA na prajayA dhanena\rdq{} (kaivalyopaniShadi 2; taittirIyAraNyake 10\.10\.21) iti shruteH |
yastu j~nAnashAstramanabhyasya yathAsambhavaM vAsanAkShayamanonAshAvabhyasya saguNaM brahmopAste na tasya kaivalyamasti, li~NgadehasyAnapAyAt | ata evakAreNa tAvapi vyAvartyete | yena muchyata ityasyAyamarthaH \- yena j~nAnaprApitakevalatvena kR^itsnabandhAdvimuchyata iti | bandhashchAnekavidhaH\-avidyAgranthiH, abrahmatvam, hR^idayagranthiH, saMshayaH, karmANi, asarvakAmatvam, mR^ityuH, punarjanmetyAdishabdaistatra tatra vyavahArAt | ta ete bandhAH sarve.api j~nAnanivartyAH. tathA cha shrutayaH\-
\ldq{}etadyo veda nihitaM guhAyAM so.avidyAgranthiM vikiratIha somya\rdq{} (muNDaka upa0 \.2\.1\.10) |
\ldq{}brahma veda brahmaiva bhavati\rdq{} (muNDaka upa0 3\.2\.9) |
\ldq{}bhidyate hR^idayagranthishChidyante sarvasaMshayAH |
kShIyante chAsya karmANi tasmindR^iShTe parAvare\rdq{} || \- (muNDaka upa0 2\.2\.8) ||
\ldq{}yo veda nihitaM guhAyAM parame vyoman so.ashnute sarvAnkAmAnsaha\rdq{} (tai0 upa02\.1) ;
\ldq{}tameva viditvAtimR^ityumeti\rdq{} (shve\.upa \.3\.8) ||
\ldq{}yastu vij~nAnavAn bhavati samanaskaH sadA shuchiH |
sa tu tatpadamApnoti yasmAdbhUyo na jAyate\rdq{} || \- (kaTha upa0 1\.3\.8) ||
\ldq{}ya evaM vedAhaM brahmAsmIti sa idaM sarvaM bhavati\rdq{} (bR^i0 upa0 1\.4\.10) ||
ityAdInyasarvaj~natvAdibandhanivR^ittiparANi vAkyAnyatrodAharaNIyAni | seyaM videhamuktirj~nAnotpatti\-samakAlInA j~neyA, brahmaNyavidyAropitAnAmeteShAM bandhAnAM vidyayA vinAshe sati punarutpattyasambhavAdana\-nubhavAchcha | tadetadvidyAsamakAlInatvaM bhAShyakAraH samanvayasUtre (brahmasUtre 1\.1\.4) prapa~nchayAmAsaH, \ldq{}tadadhigama uttarapUrvAghayorashleShavinAshau tadvyapadeshAt\rdq{} (brahmasUtre 4\.1\.13) ityatra cha |
nanu vartamAnadehapAtAnantarabhAvinI videhamuktiriti bahavo varNayanti |
tathA cha shrutiH \- \ldq{}tasya tAvadeva chiraM yAvanna vimokShye.atha sampatsye\rdq{} (ChA0 upa0 6\.14\.2) iti |
vAkyavR^ittAvapyuktam\-
\ldq{}prArabdhakarmavegena jIvanmukto yadA bhavet |
ka~nchitkAlamanArabdhakarmabandhasya sa~NkShaye || 52||
nirastAtishayAnandaM vaiShNavaM paramaM padam |
punarAvR^ittirahitaM kaivalyaM pratipadyate || 53|| iti |
sUtrakAro.apyAha \- \ldq{}bhogena tvitare kShapayitvA sampadyate (brahmasUtre 4\.1\.19) iti | itare prArabdhapuNyapApe |
vasiShTho.apyAha\-
\ldq{}jIvanmuktapadaM tyaktvA svadehe kAlasAtkR^ite |
vishatyadehamuktatvaM pavano.aspandatAmiva\rdq{} || \- (la0 vA0 5\.98) iti ||
nAyaM doShaH, vivakShAvisheSheNa matadvayasyAvirodhAt | videhamuktirityatratyena dehashabdena kR^itsnaM dehajAtaM vivakShitvA bahubhirvarNitam | asmAbhistu bhAvidehamAtravivakShayochyate, tadanArambhAyaiva j~nAnasampAdanAt | ayaM tu dehaH pUrvamevArabdhaH, ato j~nAnenApi nAsyArambho vArayituM shakyate | etaddehanivR^ittirapi na j~nAnaphalam, aj~nAninAmapyArabdhakarmakShaye tannivR^itteH |
tarhi vartamAnali~NgadehanivR^ittirj~nAnaphalamastu, j~nAnamantareNa tadanivR^itteriti chet,
na; satyapi j~nAne jIvanmuktestannivR^ittyabhAvAt |
nanu j~nAnasya ka~nchitkAlaM prArabdhena karmaNA pratibandhenAnivartakatve.api pratibandhakShaye li~Ngadeha\-nivartakatvaM bhaviShyatIti chet |
na, pa~nchapAdikAchAryeNa \ldq{}yato j~nAnamaj~nAnasyaiva nivartakam\rdq{} ityupapAditatvAt | tarhi li~NgadehanivR^itteH kiM sAdhanamiti chet, sAmagrInivR^ittiriti brUmaH | dvividhaM hi kAryanivartakam, virodhisadbhAvaH sAmagrInivR^ittishcheti | tadyathA virodhinA vAyunA tailavarttisAmagrInivR^ittyA vA dIpo nivartate | li~Ngadehasya sAkShAdvirodhinaM na pashyAmaH | sAmagrI hi dvividhA prArabdhamanArabdhaM cheti | tAbhyAmubhAbhyAmaj~nAninAM li~Ngadeha ihAmutra chAvatiShThate | j~nAninAM tvanArabdhasya j~nAnena nivR^itteH prArabdhasya cha bhogena nivR^itteH,
tailavartirahitadIpavatsAmagrInivR^ittyA li~Ngadeho nivartate | ato na tannivR^ittirj~nAnaphalam |
nanvanena nyAyena bhAvidehAnArambho.api na j~nAnaphalam | tathA hi\-kimanArambha eva phalam, kiM vA tatparipAlanaM ? nAdyaH, tasya prAgabhAvarUpatvenAnAdisiddhatvAt | na dvitIyaH, anArabdhakarmarUpasAmagrInivR^ittyaiva bhAvidehArambhaprAgabhAvaparipAlanasiddheH. na cha tannivR^ittiH phalam, avidyAnivR^ittereva vidyAphalatvAt |
naiSha doShaH, bhAvijanmAnArambhAdInAM vidyAphalatvasya prAmANikatvAt. \ldq{}yasmAdbhUyo na jAyate\rdq{} (kaTha upa0 \.1\.3\.8) ityAdyudAhR^itAH shrutayastatra pramANam.  na cha j~nAnamaj~nAnasyaiva nivartakamiti nyAyena virodhaH | aj~nAnasahabhAvaniyatAnAmabrahmatvAdInAmaj~nAnashabdena pa~nchapAdikAchAryairvivakShitatvAt | anyathAnubhava\-virodhaH | anubhUyate hyaj~nAnanivR^ittivadabrahmatvAdinivR^ittirapi | tasmAdbhAvideharAhityalakShaNA videha\-muktirj~nAnasamakAlInA | tathA cha yAj~navalkyavachanaM shrUyate \- \ldq{}abhayaM vai janaka prApto.asi\rdq{} (bR^i0 upa0 4\.2\.4) iti, \ldq{}etAvadare khalvamR^itatvam\rdq{} (bR^i0 upa0 4\.5\.15) iti cha | shrutyantare.api \ldq{}tamevaM vidvAnamR^ita iha bhavati\rdq{} (nR^i0 pUrvatApanI upa0 1\.6; puruShasUkte R^i0 saM0 10\.90\.12) iti | yadyutpanne.api tattvaj~nAne tatphalabhUtA videhamuktistadAnIM na bhavet, kAlAntare cha bhavet, tadA jyotiShTomAdAviva j~nAnajanyamapUrvaM ki~nchitkalpyeta; tathA cha karmashAstra eva j~nAnashAstramantarbhavet. athochyate mantrAdipratibaddhAgni\-vatprArabdhapratibaddhaM j~nAnaM kAlAntare videhamuktiM dAsyatIti | maivam, avirodhAt | na hyasmadabhimatA bhAvidehAtyantAbhAvalakShaNA videhamuktirvartamAnadehamAtrasthApakena prArabdhena virudhyate, yena pratibadhyeta |
ki~ncha kShaNikatvena kAlAntare svayamavidyamAnaM j~nAnaM kathaM muktiM dadyAt ? j~nAnAntaraM charamasAkShAtkAra\-lakShaNamutpasyata iti chenna; sAdhanAbhAvAt | pratibandhakaprArabdhanivR^ittyaiva saha gurushAstradehendriyAdya\-sheShajagatpratibhAsanivR^itteH kiM tatsAdhanaM syAt ? tarhi \ldq{}bhUyashchAnte vishvamAyAnivR^ittiH\rdq{} (shve0 upa0 1\.10) ityasyAH shruteH ko.artha iti chet; ArabdhAnte nimittAbhAvAddehendriyAdyasheShanaimittikanivR^ittirityevArthaH | tato bhavadabhimatA vartamAnadeharAhityalakShaNA videhamuktiH pashchAdastu dehapAtAnantaraM asmadabhimatA tu j~nAnasamakAlInaiva | etadevAbhipretya bhagavA~nsheSha Aha\-
\ldq{}tIrthe shvapachagR^ihe vA naShTasmR^itirapi parityajandeham |
j~nAnasamakAlamuktaH kaivalyaM yAti hatashokaH\rdq{} || \- (paramArthasAre 81) iti ||
tasmAdvidehamuktau sAkShAtsAdhanasya tattvaj~nAnasya pradhAnatvamupapannam. vAsanAkShayamanonAshayorj~nAnasAdhanatvena vyavahitatvAdupasarjanatvam | AsuravAsanAkShayakAriNyA daivavAsanAyA j~nAnasAdhanatvaM shrutismR^ityorupalabhyate \- \ldq{}shAnto dAnta uparatastitikShuH samAhito bhUtvAtmanyevAtmAnaM pashyet\rdq{} (bR^i0 upa0 4\.4\.23) iti shrutiH |
smR^itirapi
\ldq{}amAnitvamadambhitvamahiMsA kShAntirArjavam |
AchAryopAsanaM shauchaM sthairyamAtmavinigrahaH ||
\ldq{}indriyArtheShu vairAgyamanaha~NkAra eva cha |
janmamR^ityujarAvyAdhiduHkhadoShAnudarshanam || \- (bhagavadgItAyAM 13\.8, 9) ||
\ldq{}asaktiranabhiShva~NgaH putradAragR^ihAdiShu |
nityaM cha samachittatvamiShTAniShTopapattiShu || 10||
\ldq{}              mayi chAnanyayogena bhaktiravyabhichAriNI |
viviktadeshasevitvamaratirjanasaMsadi || 11||
\ldq{}adhyAtmaj~nAnanityatvaM tattvaj~nAnArthadarshanam |
etajj~nAnamiti proktamaj~nAnaM yadato.anyathA\rdq{} || 12|| \- (tatraiva 13\.12) ||
anyasminnahambuddhirabhiShva~NgaH | j~nAyate.aneneti vyutpattyA j~nAnasAdhanamityarthaH | manonAshasyApi j~nAnasAdhanatvaM shrutismR^itiprasiddhaM \- \ldq{}tatastu taM pashyati niShkalaM dhyAyamAnaH\rdq{} (mu. upa0 \.3\.1\.8) iti shrutiH | \ldq{}adhyAtmayogAdhigamena devaM matvA dhIro harShashokau jahAti\rdq{} (kaTha0 upa0 2\.12) iti cha | pratyagAtmasamAdhiprAptyA devaM j~nAtvetyarthaH |
\ldq{}yaM vinidrA jitashvAsAH santuShTAH saMyatendriyAH |
jyotiH pashyanti yu~njAnAstasmai vidyAtmane namaH\rdq{} || \- (mahAbhArate shAnti0 rAjadharma0 47\.35) ||
iti smR^itiH |
tadevaM tattvaj~nAnAdInAM trayANAM videhamuktijIvanmuktivashAd guNapradhAnabhAvavyavasthA siddhA |
nanu vividiShAsa.nnyAsinA sampAditAnAmeteShAM kiM vidvatsannyAsAdUrdhvamanuvR^ittimAtram, kiM vA punarapi sampAdanaprayatno.apekShitaH | nAdyaH, tattvaj~nAnasyevAnyayorapyayatnasiddhatve prAdhAnyaprayuktAdarAbhAvaprasa~NgAt | na dvitIyaH, itarayoriva j~nAnasyApi prayatnasApekShatve satyupasarjanatvaprayuktaudAsInyAbhAvaprasa~NgAt |
nAyaM doShaH, j~nAnasyAnuvR^ittimAtramitarayoryatnasAdhyatvamitya~NgIkArAt, tathA hi\-vidyAdhikArI dvividhaH, kR^itopAstirakR^itopAstishcheti | tatropAsyasAkShAtkAraparyantAmupAstiM kR^itvA yadi j~nA pravarteta tadA vAsanAkShayamanonAshayordR^iDhataratvena j~nAnAdUrdhvaM vidvatsa.nnyAsajIvanmuktI svata eva sidhyataH | tAdR^isha eva shAstrAbhimato mukhyo vidyAdhikArI | tatastaM prati shAstreShu sahopanyAsAt, svarUpeNa viviktAvapi vidvatsannyAsavividiShAsannyAsau sa~NkIrNAviva pratibhAsete | idAnIntanAstu prAyeNAkR^itopAstaya evautsukyamAtrAtsahasA vidyAyAM pravartante | vAsanAkShayamanonAshau cha tAtkAlikau sampAdayanti | tAvatA shravaNamanananididhyAsanAni niShpAdyante | taishcha dR^iDhAbhyastairaj~nAnasaMshayaviparyayanirAsAt tattvaj~nAnaM samyagudeti | uditasya j~nAnasya bAdhakapramANAbhAvAnnivR^ittAyA avidyAyAH punarutpattikAraNAbhAvAchcha nAsti tasya shaithilyam | vAsanAkShayamanonAshau tu dR^iDhAbhyAsAbhAvAdbhogapradena prArabdhena tadA tadAbAdhyamAnatvAchcha savAtapradeshadIpavatsahasA nivartete | tathA cha vasiShThaH\-
\ldq{}pUrvebhyastu prayatnebhyo viShamo.ayaM hi sammataH |
duHsAdhyo vAsanAtyAgaH sumerUnmUlanAdapi\rdq{} || \- (laghuyogavAsiShThe 28\.109) iti ||
arjuno.api
\ldq{}cha~nchalaM hi manaH kR^iShNa pramAthi balavaddR^iDham |
tasyAhaM nigrahaM manye vAyoriva suduShkaram\rdq{} || \- (bhagavadgItAyAM 6\.34) iti ||
tasmAdidAnIntanAnAM vidvatsa.nnyAsinAM j~nAnasyAnuvR^ittimAtram | vAsanAkShayamanonAshau tu prayatna sampAdyAviti sthitam |
nanu keyaM vAsanA yasyAH kShayAya prayatitavyamiti chet tatsvarUpamAha vasiShThaH \-
\ldq{}dR^iDhabhAvanayA tyaktapUrvAparavichAraNam |
yadAdAnaM padArthasya vAsanA sA prakIrtitA || 48||
bhAvitaM tIvrasaMvegAdAtmanA yattadeva saH |
bhavatyAshu mahAbAho vigatetarasaMsmR^itiH || 49||
tAdR^igrUpo hi puruSho vAsanAvivashIkR^itaH |
sampashyati yadevaitat sadvastviti vimuhyati || 50||
vAsanAvegavaivashyAt svarUpaM prajahAti tat |
bhrAntaM pashyati durdR^iShTiH sarvaM madavashAdiva\rdq{} || 51|| \- (laghuyogavAsiShThe 28\.48\-51) iti ||
atra cha svasvadeshAchArakuladharmabhAShAbhedatadgatApashabdasushabdAdiShu prANinAmabhiniveshaH sAmAnyata udAharaNam | visheShatastu bhedAnuktvA pashchAdudAharAmaH. yathoktAM vAsanAmabhipretya bR^ihadAraNyake shrUyate \- \ldq{}sa yathAkAmo bhavati tatkraturbhavati yatkraturbhavati tatkarma kurute yatkarma kurute tadabhisampadyate\rdq{} (bR^i0 upa0 4\.4\.5) iti |
vAsanAbhedo vAlmIkinA darshitaH
\ldq{}vAsanA dvividhA proktA shuddhA cha malinA tathA |
malinA janmahetuH syAchChuddhA janmavinAshinI ||
\ldq{}aj~nAnasughanAkArA ghanAha~NkArashAlinI |
punarjanmakarI proktA malinA vAsanA budhaiH ||
punarjanmA~NkuraM tyaktvA sthitA sambhR^iShTabIjavat |
dehArthaM dhriyate j~nAtaj~neyA shuddheti chochyate\rdq{} || \- (laghuyogavAsiShThe 1\.10 \-12) iti ||
dehAdInAM pa~nchakoshAnAM tatsAkShiNashchidAtmanashcha bhedAvarakamaj~nAnam, tena suShThu ghanIbhUta AkAro yasyAH seyamaj~nAnasughanAkArA | yathA kShIraM takramelanena ghanIbhavati, yathA vA vilInaM ghR^itamatyantashItalapradeshe chiramavasthApitaM sughanIbhavati tathA vAsanA draShTavyA | ghanIbhAvashchAtra bhrAntiparamparA | tAM chAsurasampadvivaraNe bhagavAnAha \-
\ldq{}pravR^ittiM cha nivR^ittiM cha janA na vidurAsurAH |
na shauchaM nApi chAchAro na satyaM teShu vidyate ||
asatyamapratiShThaM te jagadAhuranIshvaram |
aparasparasambhUtaM kimanyat kAmahaitukam ||
etAM dR^iShTimavaShTabhya naShTAtmano.alpabuddhayaH |
prabhavantyugrakarmANaH kShayAya jagato.ahitAH |
kAmamAshritya duShpUraM dambhamAnamadAnvitAH |
mohAd gR^ihItvAsadgrAhAn pravartante.ashuchivratAH ||
chintAmaparimeyAM cha pralayAntAmupAshritAH |
kAmopabhogaparamA etAvaditi nishchitAH ||
AshApAshashatairbaddhAH kAmakrodhaparAyaNAH |
Ihante kAmabhogArthamanyAyenArtha sa~nchayAn\rdq{} || \- (bhagavadgItAyAM 16H 7\-12) iti ||
ta AsurA jagadasatyamAhuH | nAsti satyaM vedapurANAdipramANaM yasmiMstAdR^ishaM jagadAhuH | vedAnAM prAmANyaM na manyanta ityarthaH | ata eva nAstIshvaraH kartA vyavasthApakashcha yasmiMstAdR^ishaM jagadAhuH | tarhi kuto.asya jagata utpattiM vadantItyatrAha \- aparaspareti. aparashcha parashchetyaparasparam | aparasparato.anyonyataH strIpuruShamithunAt
sambhUtaM jagat | kimanyatkAraNamasya ? nAstyanyatki~nchit; kiM tu kAmahaitukam, strIpuruShayoH kAma eva pravAharUpeNa heturasyetyAhurityarthaH | ghanAha~NkArashcha tatraivodAhR^itaH\-
\ldq{}idamadya mayA labdhamimaM prApsye manoratham |
idamastIdamapi me bhaviShyati punardhanam ||
asau mayA hataH shatrurhaniShye chAparAnapi |
Ishvaro.ahamahaM bhogI siddho.ahaM balavAnsukhI ||
ADhyo.abhijanavAnasmi ko.anyo.asti sadR^isho mayA |
yakShye dAsyAmi modiShya ityaj~nAnavimohitAH ||
anekachittavibhrAntA mohajAlasamAvR^itAH |
prasaktAH kAmabhogeShu patanti narake.ashuchau\rdq{} | \- (bhagavadgItAyAM 16\.13 \-16) iti ||
etena punarjanmakAraNatvamudAhR^itaM bhavati, tachcha punaH prapa~nchitaM \-
\ldq{}AtmasambhAvitAH stabdhA dhanamAnamadAnvitAH |
yajante nAmayaj~naiste dambhenAvidhipUrvakama || 17||
aha~NkAraM balaM darpaM kAmaM krodhaM cha saMshritAH |
mAmAtmaparadeheShu pradviShanto.abhyasUyakAH || 18||
tAnahaM dviShataH krUrAn saMsAreShu narAdhamAn |
kShipAmyajasramashubhAnAsurIShveva yoniShu || 19||
AsurI yonimApannA mUDhA janmani janmani |
mAmaprApyaiva kaunteya tato yAntyadhamAM gatim\rdq{} || \- (bhagavadgItAyAM 16\.17\-20) iti ||
shuddhavAsanA tu j~nAtaj~neyA | j~neyasvarUpaM trayodashAdhyAye bhagavAnAha \-
\ldq{}j~neyaM yattatpravakShyAmi yajj~nAtvAmR^itamashnute |
anAdimatparaM brahma na sattannAsaduchyate || 12||
sarvataH pANipAdaM tatsarvatokShishiromukham |
sarvataH shrutimalloke sarvamAvR^itya tiShThati || 13||
sarvendriyaguNAbhAsaM sarvendriyavivarjitam |
asaktaM sarvabhR^ichchaiva nirguNaM guNabhoktR^i cha || 14||
bahirantashcha bhUtAnAmacharaM charameva cha |
sUkShmatvAt tadavij~neyaM dUrasthaM chAntike cha tat || 15||
avibhaktaM cha bhUteShu vibhaktamiva cha sthitam |
bhUtabhartR^i cha tajj~neyaM grasiShNu prabhaviShNu cha || 16||
jyotiShAmapi tajjyotistamasaH paramuchyate |
j~nAnaM j~neyaM j~nAnagamyaM hR^idi sarvasya viShThitam\rdq{} || 17|| \- (bhagavadgItAyAM 13\.12 \-17) iti ||
atra taTasthalakShaNasvarUpalakShaNAbhyAmavagantuM sopAdhikanirupAdhikasvarUpadvayamupanyastam | kadAchitsambandhi sadyallakShayati tattaTasthalakShaNam | tatsvarUpalakShaNam. yathA \ldq{}kAkavaddevadattagR^iham\rdq{} iti tathA kAlatrayasambandhi sadyallakShayati tatsvarUpalakShaNam | yathA \ldq{}prakR^iShTaprakAshashchandraH\rdq{} iti |
nanu tyaktapUrvAparavichAratvaM vAsanAlakShaNamuktaM ; j~neyaj~nAnaM cha vichArajanyam; ato na shuddhAyAM tallakShaNamasti |
maivam, lakShaNe dR^i.DhabhAvanayetyuktatvAt. yathA bahuShu janmasu dR^i.DhabhAvitatvenAsmi~njanmani vinaiva paropadeshamaha~NkAramamakArakAmakrodhAdayo malinavAsanA utpadyante, tathA prAthamikasya bodhasya vichArajanyatve.api dIrghakAlanairantaryasatkArairbhAvite tattve pashchAdvAkyayuktiparAmarshamantareNaiva purovartighaTAdivatsahasA tattvaM parisphurati; tAdR^ishyA bodhAnuvR^ittyA sahita indriyavyavahAraH shuddhavAsanA | sA cha dehajIvanamAtrAyopayujyate, na tu dambhadarpAdyAsurasampadutpAdanAya, nApi janmAntarahetudharmAdharmotpAdanAya | yathA bhR^iShTAni vrIhyAdibIjAni kusUlapUraNamAtrAyopayuktAni, na tu ruchirAnnAya nApi sasyaniShpattaye, tadvat |
malinA cha vAsanA trividhA, lokavAsanA shAstravAsanA dehavAsanA cheti | sarve janA yathA mAM na nindanti yathA vA stuvanti tathaiva sarvadAchariShyAmItyabhinivesho lokavAsanA | tasyAshcha sampAdayitumashakyatvAnmalinatvam | tathA hi \-
\ldq{}ko nvasminsAmprataM loke guNavAnkashcha vIryavAn\rdq{} | \- (rAmAyaNe 1\.1\.2) ||
ityAdinA bahudhA vAlmIkiH paprachCha |
\ldq{}ikShvAkuvaMshaprabhavo rAmo nAma janaiH shrutaH\rdq{} | \- (rAmAyaNe 1\.1\.8) ||
ityAdinA pratyuttaraM nArado dadau |
tAdR^ishasyApi rAmasya pativratAshiromaNibhUtAyA jaganmAtuH sItAyAshcha shrotumashakyo janApavAdaH sampravR^ittaH; kimu vaktavyamanyeShAM ? tathA hi deshavisheSheNa parasparaM nindAbAhulyamupalabhyate | dAkShiNyAtyairviprairauttarA vedavido viprA mAMsabhakShiNo nindyante | auttaraishcha mAtulasutodvAhino yAtrAsu mR^idbhANDavAhino dAkShiNAtyA
nindyante | bahvR^ichA AshvalAyanashAkhAM kANvashAkhAyAH prashastAM manyante | vAjasaneyinastu vaiparItyena | evaM svasvakulagotrabandhuvargeShTadevatAdiprashaMsA parakIyanindAcha Avidvada~NganAgopAlaM sarvatra prasiddhA | etadevAbhipretyoktaM \-
\ldq{}shuchiH pishAcho vichalo vichakShaNaH
kShamo.apyashakto balavAMshcha duShTaH |
nishchittachoraH subhago.api kAmI
ko lokamArAdhayituM samarthaH\rdq{} || \ldq{}iti,
\ldq{}vidyate na khalu kashchidupAyaH
sarvalokaparitoShakaro yaH |
sarvathA svahitamAcharaNIyaM
kiM kariShyati jano bahujalpaH\rdq{} ||  iti cha |
ato lokavAsanAyA malinatvamabhipretya yogIshvarasya tulyanindAstutitvaM mokShashAstreShu varNatam | shAstravAsanA trividhA, pAThavyasanaM bahushAstravyasanamanuShThAnavyasanaM cheti | pAThavyasanaM bharadvAje.avagamyate | sa hi puruShAyuShatrayeNa bahUnvedAnadhItyendreNa chaturthAyuShi pralobhitastatrApi parishiShTavedAdhyayanAyodyamaM chakAra | tasyApi pAThasyAshakyatvAnmalinavAsanAtvam | tAM chAshakyatAmindraH pratibodhya pAThAnnivartya tato.apyadhikAya puruShArthAya saguNabrahmavidyAmupadidesha | tadetatsarvaM taittirIyabrAhmaNe draShTavyam |
tathaivAtyantikapuruShArthAbhAvAdbahushAstravyasanasya mAlinyaM kAvaSheyagItAyAmupalabhyate\-
\ldq{}kashchinmunirdurvAsA bahuvidhashAstrapustakabhAraiH saha mahAdevaM namaskartumAgatastatsabhAyAM muninA nAradena bhAravAhigardabhasAmyamApAditaH kopAtpustakAni lavaNArNave parityajya mahAdevenAtmavidyAyAM pravartitaH\rdq{} iti | AtmavidyA chAnantarmukhasya gurukAruNyarahitasya na vedashAstramAtreNotpadyate |
tathA cha shrutiH\-
\ldq{}nAyamAtmA pravachanena labhyo na medhayA na bahunA shrutena\rdq{} (kaThopaniShadi 1\.2\.23) iti |
anyatrApyuktaM \-
\ldq{}bahushAstrakathAkanthAromanthena vR^ithaiva kim |
anveShTavyaM prayatnena tattvaj~nairjyotirAntaram\rdq{} || iti,
\ldq{}adhItya chaturo vedAndharmashAstrANyanekasha |
brahmatattvaM na jAnAti darvI pAkarasaM yathA\rdq{} ||  iti cha | \- (muktikopaniShadi 2\.63, 65) ||
nAradashchatuHShaShTikalAkushalo.apyanAtmavittvenAnutaptaH sanatkumAramupasasAda itichChandogA adhIyate | anuShThAnavyasanaM viShNupurANe nidAghasyopalabhyate | vAsiShTharAmAyaNe dAshUrasya | nidAgho hi R^ibhuNA punaH punaH prabodhyamAno.api karmashraddhAjADyaM chiraM na jahau | dAshUrashchAtyantashraddhAjADyenAnuShThAnAya shuddhapradeshaM bhUmau na kvApyupalebhe | asyAshcha karmavAsanAyAH punarjanmahetutvAnmalinatvam |
tathA chAtharvaNikA adhIyate\-
\ldq{}plavA hyete adR^i.DhA yaj~narUpA
aShTAdashoktamavaraM yeShu karma |
etachChreyo ye.abhinandanti mUDhA
jarAmR^ityuM te punarevApi yanti ||
avidyAyAmantare vartamAnAH
svayaM dhIrAH paNDitammanyamAnAH |
ja~NghanyamAnAH pariyanti mUDhA
andhenaiva nIyamAnA yathAndhAH ||
avidyAyAM bahudhA vartamAnA
vayaM kR^itArthA ityabhimanyanti bAlAH |
yatkarmiNo na pravedayanti rAgAt\-
tenAturAH kShINalokAshchyavante ||
iShTApUrtaM manyamAnA variShThaM
nAnyachChreyo vedayante pramUDhAH |
nAkasya pR^iShThe te sukR^ite.anubhUtve\-
maM lokaM hInataraM vA vishanti\rdq{} || \- (muNDakopaniShadi 1\.2\.7\-10) ||
bhagavatApyuktam\-
\ldq{}yAmimAM puShpitAM vAchaM pravadantyavipashchitaH |
vedavAdaratAH pArtha nAnyadastIti vAdinaH ||
kAmAtmAnaH svargaparA janmakarmaphalapradAm |
kriyAvisheShabahulAM bhogaishvaryagatiM prati ||
bhogaishvaryaprasaktAnAM tayApahR^itachetasAm |
vyavasAyAtmikA buddhiH samAdhau na vidhIyate ||
traiguNyaviShayA vedA nistraiguNyo bhavArjuna |
nirdvandvo nityasattvastho niryogakShema AtmavAn ||
yAvAnartha udapAne sarvataH samplutodake |
tAvAnsarveShu vedeShu brAhmaNasya vijAnataH\rdq{} || \- (bhagavadgItAyAM 2\.42\-46) iti ||
darpahetutvAchcha shAstravAsanAyA malinatvam | shvetaketuralpenaiva kAlena sarvAnvedAnadhItya darpeNa piturapi purato vinayaM na chakAretichChandogAH ShaShThAdhyAye paThanti. tathA bAlAkiH kAnichidupAsanAnyavagatya dR^ipta ushInarAdiShu bahuShu desheShu digvijayena bahUnviprAnavaj~nAya kAshyAmajAtashatruM brahmavichChiromaNimanushAsituM dhArShTyaM chakAreti kauShItakino vAjasaneyinashchAdhIyate |
dehavAsanApyAtmatvaguNAdhAnadoShApanayanabhrAntibhedAt trividhA | tatrAtmatvaM bhAShyakAra udAjahAra \- \ldq{}dehamAtraM chaitanyavishiShTamAtmeti prAkR^itA janA laukAyatikAshcha pratipannAH\rdq{} (brahmasUtrabhAShye 1\.1\.1) iti | \ldq{}sa vA eSha puruSho.annarasamayaH\rdq{} ityArabhya \ldq{}tasmAdannaM taduchyate\rdq{} (tai0 upa0 2\.1\.2) ityantena granthena tAmeva prAkR^itapratipattiM taittirIyAH spaShTIkurvanti | \ldq{}virochanaH prajApatinAnushiShTo.api svachittadoSheNa dehAtmabuddhiM dR^iDhIkR^ityAsurAnsarvAnanushashAsa\rdq{} itichChandogA aShTamAdhyAye samAmananti |
guNAdhAnaM dvividhaM laukikaM shAstrIyaM cheti | samIchInashabdAdisampAdanaM laukikam | komaladhvaninA gAtumadhyetuM vA tailapAnamarIchabhakShaNAdiShu lokAH prayatante | mR^idusparshAya lokAH puShTikarAvauShadhAhArA\-vupayu~njate | lAvaNyAyAbhya~NgodvartanadukUlAla~NkArAnupasevante | saugandhyAya sragAlepane dhArayanti | shAstrIyaM guNamAdhAtuM ga~NgAsnAnasAlagrAmatIrthAdikaM sampAdayanti |
doShApanayanaM cha chikitsakoktairoShadhairmukhAdiprakShAlanena cha laukikam | shauchAchamanAdibhirvaidika\-mityubhayavidham | asyAshcha dehavAsanAyA mAlinyaM vakShyate | dehasyAtmatvaM tAvadaprAmANikatvAdasheSha\-duHkhahetutvAchcha malinatvam | asmiMshchArthe pUrvAchAryaiH sarvairapi parAkrAntam | guNAdhAnaM cha prAyeNa na pashyAmaH | prasiddhA eva gAyakA adhyApakAshcha prayatamAnA api bahavo dhvanisauShThavaM na labhante | mR^idusparsho.a~NgapuShTishcha na niyatau | lAvaNyasaugandhye api dukUlasragAdiniShThe na tu dehaniShThe | ata eva viShNupurANe.abhihitam\-
\ldq{}mAMsAsR^ikpUyaviNmUtrasnAyumajjAsthisaMhatau |
dehe chetprItimAnmUDho bhavitA narake.api saH\rdq{} || \- (vi. purANe 1\.17\.63) ||
\ldq{}svadehAshuchigandhena na virajyeta yaH pumAna |
vairAgyakAraNaM tasya kimanyadupadishyate\rdq{} ||  \*\*iti | \- (muktikopaniShadi 2\.66) ||
\*\*         svadehasya vigandhena virajyate na yo naraH || 80||
virAgakAraNaM tasya kimanyadupadishyate |
sarvameva jagatpUtaM dehamevAshuchiH param || 81|| \- padmapurANe (gurumaNDalagranthamAlAyAm) 2\.66\.80\-81||
svadehAshuchigandhena yo vigjyeta mAnavaH |
virAgakAraNaM tasya kimanyadupadishyate || 80|| \- tatraiva (AnandAshramagranthAvalyAM 131 ) 2\.66\.80||
shAstrIyaM cha guNAdhAnaM prabalena shAstrAntareNApohyate, yathA \ldq{}na hiMsyAtsarvA bhUtAni\rdq{} (mahAbhArate 3\.203\.45) ityasya, \ldq{}agnIShomIyaM pashumAlabheta (tai0 saM0 6\-1\-11\-6) ityanenApavAdastadvat | prabalataraM shAstrametadanyashAstrApekShayA\-\-
\ldq{}yasyAtmabuddhi kuNape tridhAtuke
svadhIH kalatrAdiShu bhauma ijyadhIH |
yastIrthabuddhiH salile na karhichij \-
janeShvabhij~neShu sa evA gokharaH\rdq{} || \- (bhAgavate 10\.84\.13) ||
\ldq{}atyantamalino deho dehI chAtyantanirmalaH |
ubhayorantaraM j~nAtvA kasya shauchaM vidhIyate\rdq{} ||  ityAdi | \- (sUtasaMhitAyAM 2\.14\.19) ||
yadyapyanena shAstreNa doShApanayanaM pratiShidhyate na tu guNAdhAnam, tathApi sati virodhini prabalapradoShe guNa  AdhAtumashakya ityarthAd guNAdhAnasya pratiShedhaH | atyantamAlinyaM chAtra maitrAyaNIyashAkhAyAM shrUyate \- \ldq{}bhagavannasthicharmasnAyumajjAmAMsashukrashoNitAdUShate viNmUtravAtapittakaphasa~NghAte durgandhe niHsAre.asmi\-~nsharIre kiM kAmopabhaugaiH\rdq{} (1\.1\.2) iti, sharIramidaM maithunAdevodbhUtaM saMvidvyapetaM niraya iva mUtradvAreNa niShkrAntamasthibhishchitaM mAMsenAnuliptaM charmaNAvanaddhaM viNmUtrapittakaphamajjAmedovasAbhiranyaishcha malairbahubhiH paripUrNaM kosha iva vasunA\rdq{} iti cha | chikitsayA cha rogashAntirna niyatA | shAnto.api rogaH kadAchitpunarudeti | navabhishChidrairnirantaraM sravatsu maleShu romakUpairasa~NkhyAteH svinne gAtre ko nAma khedena prakShAlayituM shaknuyAt ? taduktaM pUrvAchAryaiH \-
\ldq{}navachChidrayutA dehAH sravanti ghaTikA iva |
bAhyashauchairna shudhyanti nAntaH shauchaM cha vidyate\rdq{} ||
ato dehavAsanA malinA | tadetanmAlinyamabhipretya vasiShTa Aha \-\-
\ldq{}ApAdamastakamahaM mAtApitR^ivinirmitaH |
ityeko nishchayo rAma bandhAyAsadvilokanAt\rdq{} || \- (laghuyogavAsiShThe 20\.42) ||
\ldq{}sA kAlasUtrapadavI sA mahAvIchivAgurA |
sAsipatravanashreNI yA dehe.ahamiti sthitiH ||
sA tyAjyA sarvayatnena sarvanAshe.apyupasthite |
spraShTavyA sA na bhavyena sashvamAMseva pulkasI || \- (laghuyogavAsiShThe 18\.16\-17) iti ||
tadetallokashAstradehavAsanAtrayamavivekinAmupAdeyatvena pratibhAsamAnamapi vividiShorvedanotpattivirodhi\-tvAdviduSho j~nAnapratiShThAvirodhitvAchcha vivekibhirheyam |
ata eva smaryate\-
\ldq{}lokavAsanayA jantoH shAstravAsanayApi cha |
dehavAsanayA j~nAnaM yathAvannaiva jAyate\rdq{} || \- (sUtasaMhitAyAM 4\.14\.51) iti ||
yA tu dambhadarpAdyAsurasampadrUpA mAnasavAsanA, tasyA narakahetutvAnmAlinyamatiprasiddham | ataH kenApyupAyena vAsanAchatuShTayasya kShayaH sampAdanIyaH | yathA vAsanAyAH kShayaH sampAdanIyastathA manaso.api |
na cha tArkikavannityadravyamaNuparimANaM mano vaidikA abhyupagachChanti yena manonAsho duHsampAdaH syAt | kiM tarhi sAvayavamanityaM sarvadA jatusuvarNAdivadbahuvidhapariNAmArhaM dravyaM manaH |
tasya lakShaNaM pramANaM cha vAjasaneyinaH samAmananti \- \ldq{}kAmaH sa~Nkalpo vichikitsA shraddhAshraddhA dhR^itiradhR^itirhrirdhIrbhIrityetatsarvaM mana eva\rdq{} (bR^ihadAraNyake upa0 \.1\.5\.3) ityetallakShaNam |
yAH kAmAdivR^ittayaH krameNotpadyamAnAshchAkShuShapratyakShaghaTAdivatsAkShipratyakSheNAtispaShTaM bhAsante, tadupAdAnaM mana ityarthaH | \ldq{}anyatramanA abhUvaM nAdarshamanyatramanA abhUvaM nAshrauSham\rdq{} (bR^iha. upa0 \.1\.5\.3) iti \ldq{}manasA hyeSha pashyati manasA shR^iNoti\rdq{} (bR^iha. upa0 \.1\.5\.3) ityetatpramANam |
chakShuHsannikR^iShTaH sphItAlokamadhyavartI ghaTaH shrotrasannikR^iShTa uchchaiH paThito vedashcha yasyAnavadhAne sati na pratIyate, sati tu pratIyate, avadhAne tu pratIyate, tAdR^ishaM sarvaviShayopalabdhisAdhAraNakaraNamanvaya\-vyatirekAbhyAM pratIyata ityarthaH | \ldq{}tasmAdapi pR^iShThata upaspR^iShTo manasA vijAnAti\rdq{} (bR^i. upa0 \.1\.5\.3) ityetadudAharaNam |
yasmAchcha lakShaNapramANAbhyAM siddhaM manastasmAttadevamudAharaNIyam. pR^iShThabhAgepya.anyenopaspR^iShTo devadatto visheSheNa jAnAti hastasparsho.ayama~Ngulisparsho.ayamiti | na hi tatra chakShuH prasarati, tvagindriyaM tu mArdavakAThinyamAtragrahaNa upakShINam | tasmAnmana eva visheShaj~nAnakAraNaM parishiShyate | tachcha mananAnmana iti chetanAchchittamiti chAbhidhIyate | tachcha chittaM sattvarajastamoguNAtmakaM prakAshapravR^ittimohAnAM sattvAdikAryANAM tatra darshanAt | prakAshAdInAM cha guNakAryatvaM guNAtItalakShaNe.avagamyate\- \ldq{}prakAshaM cha pravR^ittiM cha mohameva cha pANDava\rdq{} (bhagavadgItAyAM 14\.22) ityabhidhAnAt |
sA~NkhyashAstre.api \- \ldq{}prakAshapravR^ittimohA niyamArthAH\rdq{} ityuktam | prakAsho nAma nAtra sitabhAsvararUpaM kiM tu j~nAnam |
\ldq{}sattvAtsa~njAyate j~nAnaM rajaso lobha eva cha |
pramAdamohau tamaso bhavato.aj~nAnameva cha\rdq{} || \- (bhagavadgItAyAM 14\.17) ||
ityuktatvAt |
j~nAnavatsukhamapi sattvakAryam | tadapyuktam\-
\ldq{}sattvaM sukhe sa~njayati rajaH karmaNi bhArata |
j~nAnamAvR^itya tu tamaH pramAde sa~njayatyuta\rdq{} || \- (bhagavadgItAyAM 14\.9) iti ||
samudratara~NgavannirantaraM pariNamamAneShu guNeShu kadAchitkashchidudbhavati | itarAvabhibhUyete | taduktam\-
\ldq{}rajastamashchAbhibhUya sattvaM bhavati bhArata |
rajaH sattvaM tamashchaiva tamaH sattvaM rajastathA\rdq{} || \- (tatraiva 14\.10) iti ||
\ldq{}bAdhyabAdhakatAM yAnti kallolA iva sAgare\rdq{} | \- (viShNupurANe 5\.1\.20) iti cha ||
tatra tamasa udbhave satyAsurasampadudeti | rajasa udbhave sati lokAdivAsanAstisro bhavanti | sattvasyodbhave sati daivI sampadupajAyate | etadevAbhipretyoktam\-
\ldq{}sarvadvAreShu dehe.asmin prakAsha upajAyate |
j~nAnaM yadA tadA vidyAdvivR^iddhaM sattvamityuta\rdq{} || \- (bhagavadgItAyAM 14\.11) iti ||
yadyapyantaHkaraNaM triguNAtmakaM bhAsate, tathApi sattvamevAsya mukhyamupAdAnakAraNam | rajastamasI tUpaShTambhake | upAdAnasahakAribhUtA avayavA upaShTambhakAH. ata eva j~nAnino yogAbhyAsena rajastamasorapanItayoH sattvameva svarUpaM parishiShyate | etadevAbhipretyoktam\- \ldq{}j~nasya chittamachittaM syAjj~nachittaM sattvamuchyate\rdq{} iti |
tachcha sattvaM chA~nchalyaheturajoguNashUnyatvAdekAgram | bhrAntikalpitAnAtmasvarUpasthUlapadArthAkArahetu\-tamoguNashUnyatvAtsUkShmam | tata Atmadarshanayogyam | ata eva shrutiH\-
\ldq{}dR^ishyate tvagryayA bud.hdhyA sUkShmayA sUkShmadarshibhiH\rdq{} | \- (kaTha0 upa0 1\.3\.12) iti ||
na khalu vAyunA dodhUyamAnena pradIpena maNimuktAdilakShaNAni nirdhArayituM shakyante | nApi sthUlena khanitreNa sUchyeva sUkShmapaTasyUtiH sambhavati | tadetadIdR^ishaM sattvamevAyogiShu tamoguNagarbhitena rajoguNenopaspR^iShTaM bahuvidhadvaitasa~Nkalpena chetayamAnaM chittaM bhavati | tachchittaM tamoguNAdhikye satyAsurIM sampadamupachinvatpInaM bhavati | tathAha vasiShThaH\-
\ldq{}anAtmanyAtmabhAvena dehabhAvanayA tathA |
putradAraiH kuTumbaishcha cheto gachChati pInatAm ||
aha~NkAravikAreNa mamatAmalalIlayA |
idaM mametibhAvena cheto gachChati pInatAm ||
AdhivyAdhivilAsena samAshvAsena saMsR^itau |
heyAdeyavibhAgena cheto gachChati pInatAm ||
snehena dhanalobhena lAbhena maNiyoShitAm |
ApAtaramaNIyena cheto gachChati pInatAm ||
durAshAkShIrapAnena bhogAnilabalena cha |
AsthAdAnena chAreNa chittAhiryAti pInatAm\rdq{} || \- (laghuyogavAsiShThe 24\.17\-21) iti ||
AsthA nAma prapa~nche satyatvabuddhiH, tasyA AdAnama~NgIkAraH, sa eva chAro gamanAgamanakriyA teneti | tadevaM vinAshanIyayorvAsanAmanasoH svarUpaM nirUpitam |
atha vAsanAkShayamanonAshau krameNa nirUpyete | tatra vAsanAkShayaprakAramAha vasiShThaH\-
\ldq{}bandho hi vAsanAbandho mokShaH syAdvAsanAkShayaH |
vAsanAstvaM parityajya mokShArthitvamapi tyaja ||
mAnasIrvAsanAH pUrvaM tyaktvA viShayavAsanAH |
maitryAdibhAvanAnAmnIrgR^ihANAmalavAsanAH ||
tA apyantaH parityajya tAbhirvyavaharannapi |
antaH shAntatamasneho bhava chinmAtravAsanaH ||
tAmapyantaH parityajya manobuddhisamanvitAm |
sheShe sthirasamAsIno yena tyajasi tattyaja\rdq{} || \- (laghuyogavAsiShThe 18\.20\-23) iti ||
atra mAnasavAsanAshabdena pUrvoktAstisro lokashAstradehavAsanA vivakShitAH | viShayavAsanAshabdena dambhadarpAdyAsurasampadvivakShitA | mR^idutIvratve tadvivakShAbhedakAraNe | yadvA shabdasparsharUparasagandhA viShayAH, teShAM kAmyamAnatvadashAjanyaH saMskAro mAnasavAsanA | bhujyamAnatvadashAjanyaH saMskAro viShayavAsanA | asminpakShe pUrvoktAnAM chatasR^iNAmanayorevAntarbhAvaH, antarbAhyavyatirekeNa vAsanAntarAsambhavAt |
nanu vAsanAyAH parityAgaH kathaM ghaTate ? na hi tAsAM mUrtirasti sammArjanIsamUhitadhUlitR^iNavaddhastenoddhR^itya bahistyakShyAmaH |
maivam; upavAsajAgaraNavattadupapatteH | svabhAvaprAptayorbhujikriyAnidrayoramUrtatve.api tatparityAgarUpe upavAsajAgaraNe sarvairapyanuShThIyete; tadvadatrApyastu |
\ldq{}adya sthitvA nirAhAraM\rdq{} \*\* ityAdimantreNa sa~NkalpaM kR^itvA sAvadhAnatvenAvasthAnaM tatra tyAga iti chet,
\*\*                 adya sthitvA nirAhAraH sarvabhogavivarjitaH |
shvo bhakShye puNDarIkAkSha sharaNaM me bhavAchyuta || \-padmapurANe uttarakhaNDe (6) 61\.23||
atrApi na taddaNDanivAritam, preShamantreNa sa~NkalpyApramattatvenAvasthAtuM shakyatvAt | vaidikamantrAnadhikAriNAM tu bhAShayA sa~Nkalpo.astu | yadi tatra shAkasUpaudanAdisannidhityAgastarhyatrApi srakchandanavanitAsannidhiparityAgo.astu | atha tatra bubhukShAnidrAlasyAdivismArakaiH purANashravaNadevapUjA\-nR^ityagItavAditrAdibhishchittamupalAlyeta, tarhyatrApi maitryAdibhistadupalAlayet | maitryAdayashcha pata~njalinA sUtritAH\- \ldq{}maitrIkaruNAmuditopekShANAM sukhaduHkhapuNyApuNyaviShayANAM bhAvanAtashchittaprasAdanaM\rdq{} (1\.33) iti |
chittaM hi rAgadveShapuNyapApaiH kaluShIkriyate | rAgadveShau cha pata~njaliH sUtrayAmAsa \- \ldq{}sukhAnushayI rAgaH\rdq{} (2\.7) ; \ldq{}duHkhAnushayI dveShaH\rdq{} (2\.8) iti | svenAnubhUyamAnaM sukhamanushete kashchiddhIvR^ittivisheShaH \ldq{}sukhajAtIyaM me sarvaM bhUyAt\rdq{} iti | tachcha dR^iShTAdR^iShTasAmagyrabhAvAnna sampAdayituM shakyam | ataH sa rAgashchittaM kaluShIkaroti |
yadA sukhaShvayaM maitrIM bhAvayet \ldq{}sarve.apyete sukhino madIyAH\rdq{} iti , tadA tatsukhaM svakIyameva sampannamiti bhAvayatastatra rAgo nivartate, yathA svasya rAjyAbhAve.api putrAdirAjyameva svakIyaM rAjyaM tadvat | nivR^itte cha rAge varShAsvatItAsu sharatsaridiva chittaM prasIdati |
tathA duHkhamanushete kashchitpratyayaH \ldq{}IdR^ishaM sarvaM duHkhaM sarvadA me mA bhUt\rdq{} iti | tachcha rogashatruvyAghrAdiShu satsu na nivArayituM shakyam | na cha sarve duHkhahetavo hantuM shakyante | tataH sa dveShaH sadA hR^idayaM dahati | yadA svasyeva pareShAM sarveShAM pratikUlaM duHkhaM mA bhUdityanena prakAreNa karuNAM duHkhiShu prANiShu bhAvayet tadA vairyAdidveShanivR^ittau chittaM prasIdati | ata eva smaryate \-
\ldq{}prANA yathAtmano.abhIShTA bhUtAnAmapi te tathA |
Atmaupamyena bhUtAnAM dayAM kurvanti sAdhavaH\rdq{} || \- (mahAbhArate 13\.116\.21\-22\*\*) ||
(\*\*Atmaupamyena gantavyaM buddhimadmirmahAtmabhiH)
tatprakAraM cha mahAnto darshayanti\-
\ldq{}sarve.atra sukhinaH santu sarve santu nirAmayAH |
sarve bhadrANi pashyantu mA kashchidduHkhamApnuyAt\rdq{} || iti |
tathA hi prANinaH svabhAvata eva puNya nAnutiShThanti, pApaM tvanutiShThanti | tadAhuH\-
\ldq{}puNyasya phalamichChanti puNyaM nechChanti mAnavAH |
na pApaphalamichChanti pApaM kurvanti yatnataH\rdq{} ||  iti |
te cha puNyapApe pashchAttApaM janayataH | sa cha tApaH shrutyAnUdyate\- \ldq{}kimahaM sAdhu nAkaravam, kimahaM pApamakaravam\rdq{} (tai0 upa0 2\.9) iti |
yadyasau puNyapuruSheShu muditAM bhAvayet tadA tadvAsanayA svayamevApramattaH puNyeShu pravarteta | tathA pApiShUpekShAM bhAvayan svayamapi pApAnnivarteta | ataH pashchAttApasyAbhAvena chittaM prasIdati | sukhiShu maitrIM bhAvayato na kevalaM rAganivR^ittiH kiM tvasUyerShyAdayo.api nivartante | guNeShu doShAviShkaraNamasUyA, paraguNAnAmasahanamIrShyA | yadA maitrIvashAtparakIyaM sukhaM svakIyameva sampadyate, tadA kathamasUyAdikaMsambhavet ? evaM doShAntaranivR^ittirapi yathAyogamunneyA | duHkhiShu karuNAM bhAvayataH shatrudhAdikaro dveSho yadA nivartate, tadA duHkhitvapratiyogikasvasukhitvaprayukto darpo.api nivartate | sa cha darpa Asurasampadyaha~NkAra prastAve pUrvaM nirUpitaH \-
\ldq{}Ishvaro.ahamahaM bhogI siddho.ahaM balavAnsukhI\rdq{} |
\ldq{}ADhyo.abhijanavAnasmi ko.anyostisadR^isho mayA\rdq{} | \- (bhagavadgItAyAM 16\.14, 15) ityAdi ||
nanu puNyAtmasu muditAM bhAvayataH puNyapravR^ittiH phalatvenoktA, sA cha yogino na yuktA, malinAyAM shAstravAsanAyAM puNyamantarbhAvya pUrvamudAhR^itatvAt | maivam, punarjanmakAraNasya kAmyeShTApUtadistatra malinatvenodAharaNAt | iha tu yogAbhyAsajanyamashuklAkR^iShNatvena janmAnApAdakaM puNyaM vivakShitam |
ashuklAkR^iShNatvaM pata~njaliH sUtrayAmAsa\-
\ldq{}karmAshuklakR^iShNaM yoginastrividhamitareShAM\rdq{} (4\.7) iti | kAmyaM karma vihitatvAchChuklam, niShiddhaM kR^iShNam, mishraM shuklakR^iShNam | tadetattrayamitareShAmayoginAM sampadyate | tachcha trividhaM janma prayachChati | tadAhurvishvarUpAchAryAH\-
\ldq{}shubhaiH prApnoti devatvaM niShiddhairnArakIM gatim |
ubhAbhyAM puNyapApAbhyAM mAnuShyaM labhate.avashaH\rdq{} | \- (naiShkarmyasiddhau 1\.41) iti ||
nanu yogasyAniShiddhatvAdakR^iShNatve.api vihitatvAchChuklatvamiti chet,
maivam, akAmyatvAbhiprAyeNAshuklatvAbhidhAnAt | ato.ashuklakR^iShNe puNye pravR^ittiryogino.apekShitA |
nanu yogino.apyanena nyAyena yathochitaM puNyAtmasu muditAM bhAvayitvA puNyeShveva pravarteranniti chet,
pravartantAM nAma, ye maitryAdibhishchittaM prasAdayanti teShAmeva yogitvAt | maitryAdichatuShTayamupalakShaNam. tena \ldq{}abhayaM sattvasaMshuddhiH\rdq{} (bhagavadgItAyAM 16\.1) ityAdidaivasampat \ldq{}amAnitvamadambhitvam\rdq{} (tatraiva 13\.7) ityAdi j~nAnasAdhanAni jIvanmuktasthitapraj~nAdivachanoktA dharmAshchopalakShyate, sarveShAmeteShAM shubhavAsanA\-rUpatvena malinavAsanAnivartakatvAt |
nanu santyanantAH shubhavAsanAH, na chaikena tAH sarvA abhyasituM shakyante; nirarthakashcha tadabhyAsaprayAsa iti chet,
na; tannivartyAnAmanantAnAM malinavAsanAnAmekasya manasyasambhavAt | na hyAyurvedoktAni sarvANyauShadhAnyekena sevituM shakyante | nApi tannivartyAH sarve rogA ekasya dehe sambhavanti | evaM tarhi svachittaM prathamataH parIkShya tatra yadA yAvatyo malinavAsanAstadA tAvatIrvirodhinIH shubhavAsanA abhyasyet | yathA putramitrakalatrAdibhiH pIDyamAnastato viraktastannivartakaM pArivrAjyaM gR^ihNAti, tathA vidyAmadadhanamadakulAchAramadAdimalinavAsanAbhiH pIDyamAnastadvirodhinaM vivekamabhyasyet | sa cha viveko janakena darshitaH\-
\ldq{}adya ye mahatAM mUrdhni te dinairnipatantyadhaH |
hanta chitta mahattAyAH kaiShA vishvastatA tava\rdq{} || \- (laghuyogavAsiShThe 19\.39) ||
\ldq{}kva dhanAni mahIpAnAM brahmaNaH kva jaganti vA |
prAktanAni prayAtAni keyaM vishvastatA tava || 150||
koTayo brahmaNAM yAtA gatAH svargaparamparAH |
prayAtAH pAMsuvadbhUpAH kA dhR^itirmama jIvite\rdq{} | \- (tatraiva 19\.41, 42) ||
\ldq{}yeShAM nimeShaNonmeShau jagataH pralayodayau |
tAdR^ishAH puruShA naShTA mAdR^ishAM gaNanaiva kA\rdq{} || \- (tatraiva 19\.49) iti ||
nanvayamapi vivekastattvaj~nAnodayAtprAchInaH nityAnityavastuvivekAdisAdhanavyatirekeNa brahmaj~nAnA\-sambhavAt, iha tUtpannabrahmasAkShAtkArasya jIvanmuktaye vAsanAkShayAdisAdhanaM vaktumupakrAntaM ataH kimidamakANDe tANDavamiti chet |
nAyaM doShaH | sAdhanachatuShTayasampannasya pashchAdbrahmaj~nAnamityeSha sarvapuruShasAdhAraNaH prauDho rAjamArgaH | janakasya
tu purvapuNyapu~njaparipAkeNAkAshaphalapAtavadakasmAtsiddhagItAshravaNamAtreNa tattvaj~nAnamutpannam. tatashcha chittavishrAntaye viveko.ayaM kriyate iti kANDa vedamuchitaM tANDavam |
nanvevamapyasya vivekasya j~nAnasamanantarabhAvitvena malinavAsanAnuvR^ityabhAvAchChuddhavAsanAbhyAso nApekShita iti chet,
na, janakasya tadanuvR^ittyabhAve.api yAj~navalkyabhagIrathAdestadanuvR^ittidarshanAt | asti hi yAj~navalkyasya tatprativAdinAmuShastakaholAdInAM cha bhUyAnvidyAmadaH, taiH sarvairapi vijigIShukathAyAM pravR^ittatvAt |
nanu teShAM vidyAntaramevAsti na tu brahmavidyeti chet,
na, kathAgatayoH prashnottarayorbrahmaviShayatvAt |
nanu brahmaviShayatve.api teShAmApAtato j~nAnameva na tu samyagvedanamiti chet,
na, tathA satyasmAkamapi tadIyavAkyairutpannAyA brahmavidyAyA asamyaktvaprasa~NgAt |
nanu samyaktve.api parokShaj~nAnameveti chet,
na, \ldq{}yatsAkShAdaparokShAdbrahma\rdq{} (bR^i0 upa0 3\.4\.1) iti mukhyAparokShaviShayatayaiva visheShataH prashnopalambhAt |
nanvAtmaj~nAnino vidyAmada AchAryairnAbhyupagamyate; tathA chopadeshasAhasyAmabhihitaM
\ldq{}brahmavittvaM tathA muktvA sa Atmaj~no na chetaraH\rdq{} | (12\.13) iti |
naiShkarmyasiddhAvapi\-
\ldq{}na chAdhyAtmAbhimAno.api viduSho.astyAsuratvataH |
viduSho.apyAsurashchetsyAnniShphalaM brahmadarshanam\rdq{} || (1\.75) iti |
iti chet,
nAyaM doShaH | jIvanmuktiparyantasya tattvaj~nAnasya tatra vivakShitatvAt | na khalu vayamapi jIvanmuktAnAM vidyAmadamabhyupagachChAmaH |
nanu vijigIShorAtmabodha eva nAsti,
\ldq{}rAgo li~Ngamabodhasya chittavyAyAmabhUmiShu |
kutaH shAdvalatA tasya yasyAgniH koTare taroH || \- (naiShkarmya siddhau 4\.67) ||
ityAchAryairabhyupagamAditi chet,
na |
\ldq{}rAgAdayaH santu kAmaM na tadbhAvo.aparAdhyati\rdq{} | \- (bR^ihadAraNyopaniShadbhAShyavArttike 1\.4\.1539) ||
\ldq{}utkhAtadaMShTraroragavadavidyA kiM kariShyati\rdq{} || \- (tatraiva 1\.4\.1746) ||
ityatra taireva rAgAdyabhyupagamAt | na chAtra parasparavyAhatiH, sthitapraj~ne j~nAnimAtre cha vachanadvayasya vyavasthApanopayuktatvAt |
nanu j~nAnino rAgAdyabhyupagame dharmAdharmadvAreNa janmAntaraprasa~Nga iti chet,
maivam, adagdhabIjavadavidyApUrvakakAmAdereva mukhyarAgAditvena punarjanmahetutvAt | j~nAninastu dagdhabIjavadAbhAsamAtrA eva rAgAdayaH | etadevAbhipretyoktaM \-
\ldq{}utpadyamAnA rAgAdyA vivekaj~nAnavahninA |
tadA tadaiva dahyante kutasteShAM prarohaNam\rdq{} || \- (varAhopaniShadi 3\.24\.25) iti ||
tarhi sthitapraj~nasyApi te santviti chet,
na, tatkAle mukhyavadevAbhAsamAnAnAM bAdhakatvAt; rajjusarpo.api mukhyasarpavadeva tadAnIM bhIShayannupalabhyate, tadvat |
tarhyAbhAsatvAnusandhAnAnuvR^ittau na ko.api bAdha iti chet,
chiraM jIvatu bhavAn | iyamevAsmadabhimatA jIvanmuktiH | yAj~navalkyastu vijigIShudashAyAM paM na hIdR^ishaH, chittavishrAntaye vidvatsa.nnyAsasya tena kariShyamANatvAt | na kevalamasya vijigIShA kintu dhanatR^iShNApi mahatI jAtA, yato, bahUnAM brahmavidAM purataH sthApitaM sAla~NkAraM gosahasramapahR^itya svayamevedamAha \- \ldq{}namo vayaM brahmiShThAya kurmo gokAmA eva vayaM smaH\rdq{} (bR^i0 upa0 3\.1\.2) iti |
itarAn brahmavido.avaj~nAtumiyaM kAchidvachobha~NgIti chet |
ayamapi tarhyaparo doShaH | itare cha brahmavidaH svakIyaM dhanamanenApahR^itamitimatvA chukrudhaH | ayaM cha krodhaparavashaH shAkalyaM shApena mArayAmAsa | na chAsya brahmaghno mokShAbhAvaH sha~NkanIyaH | yataH kauShItakinaH samAmananti \- \ldq{}nAsya kena cha karmaNA loko mIyate na mAtR^ivadhena na pitR^ivadhena na steyena na bhrUNahatyayA\rdq{} (3\.1) iti |
sheSho.api svakR^itAyAmAryApa~nchAshItyAmidagAha\-
\ldq{}hayamedhashatasahasrANyatha kurute brahmaghAtalakShANi |
paramArthavitra puNyairna cha pApaiH spR^ishyate vimalaH\rdq{} || \- (paramArthasAre 77) iti ||
tasmAtkiM bahunA, brahmavidAM yAj~navalkyAdInAmastyeva malinavAsanAnuvR^ittiH,  bhagIrathastu tattvaM viditvApi rAjyaM pAlayanmalinavAsanAbhishchittavishrAntyabhAve sati sarvaM parityajya pashchAdvishrAntavAniti vasiShThenopAkhyAyate | ataH svakIyaM vartamAnaM malinavAsanAdoShaM parakIyadoShavatsamyagutprekShya tatpratIkAramabhyasyet | anenaivAbhiprAyeNa smaryate\-
\ldq{}yathA sunipuNaH samyakparadoShekShaNe rataH |
tathA chennipuNaH sveShu ko na muchyeta bandhanAt\rdq{} || \- (varAhopaniShadi 3\.25) iti ||
nanvAdau tAvadvidyAmadasya kaH pratIkAra iti chet,
kiM svaniShThasya paraviShayasya madasya, kiMvA svaviShayasya paraniShThasya ? Adye bha~Ngo.avashyaM kvachidbhaviShyatIti nirantaraM bhAvayet | tadyathA shvetaketurvidyayA mattaH pravAhaNasya rAj~naH sabhAM gatvA tena pa~nchAgnividyAyAM pR^iShTAyAM svayamajAnAno niruttaro rAj~nA bahudhA bhartsitaH pituH samIpamAgatya svanirvedamudAjahAra | pitA tu nirmadastameva rAjAnamanusR^itya tAM vidyAM lebhe | dR^iptabAlAkishchAjAtashatruNA rAj~nA bhartsito darpaM santyajya rAjAnamupasasAda. uShastakaholAdayashcha madena kathAM kR^itvA parAjitAH | yadA svaviShayaH paraniShTho madaH pravarteta tadA mattaH sa paro mAM nindatu, avamanyatAM vA sarvathApi na me hAniriti bhAvayet | tathA hi \-
\ldq{}AtmAnaM yadi nindanti nindanti svayameva hi |
sharIraM yadi nindanti sahAyAste matA mama ||
nindAvamAnAvatyantaM bhUShaNaM yasya yoginaH |
vikShepaH kathaM tasya vAchATaiH kriyatAmiha\rdq{} | iti |
naiShkarmyasiddhau\-
\ldq{}varchaske samparityakte doShatashchAvadhArite |
yadi doShaM vadet tasmai kiM tatrochchariturbhavet\rdq{} || (2\.16) |
\ldq{}tadvatsthUle tathA sUkShme dehe tyakte vivekataH |
yadi doShaM vadet tAbhyAM kiM tatra viduSho bhavet\rdq{} || (2\.17) ||
\ldq{}shokaharShabhayakrodhalobhamohaspR^ihAdayaH |
aha~NkArasya dR^ishyante janma mR^ityushcha nAtmanaH\rdq{} || \- (bhAgavate 11\.28\.16) iti ||
nindAyA bhUShaNatvaM cha j~nAnA~Nkushe darshitam\-
\ldq{}mannindayA yadi janaH paritoShameti
nanvaprayatnasulabho.ayamanugraho me |
shreyorthino hi puruShAH paratuShTiheto\-
duHkhArjitAnyapi dhanAni parityajanti ||
satatasulabhadainye niHsukhe jIvaloke
yadi mama parivAdAt prItimApnoti kashchit |
parivadatu yatheShTaM matsamakShaM tiro vA
jagati hi bahuduHkhe durlabhaH prItiyogaH\rdq{} ||  iti |
avamAnasya bhUShaNatvaM smaryate\-
\ldq{}tathA chareta vai yogI satAM dharmamadUShayan |
janA yathAvamanyeran gachCheyurnaiva sa~Ngatim\rdq{} || \- (nAradapari. upa0 \.5\.30) iti ||
yAj~navalkyoShastAdInAM yau svaniShThaparaniShThau vidyAmadau tayoryathA vivekena pratIkArastathA dhanAbhilAShakrodhayorapyavagantavyaH |
\ldq{}arthAnAmarjane kleshastathaiva paripAlane |
nAshe duHkhaM vyaye duHkhaM dhigarthAnkleshakAriNaH\rdq{} ||
iti dhanaviShaye vivekaH ||
(arthAnAmarjane duHkhamarjitAnAM cha rakShaNe |
nAshe duHkhaM vyaye duHkhaM dhigarthaM duHkhabhAjanam || \- mahAbhArata)
krodho.api dvividhaH \- svaniShThaH paraviShayaH, paraniShThaH svaviShayashcheti | tatra svaniShThaM paraviShayaM pratyevamuktam\-
\ldq{}apakAriNi kopashchet kopaH kope kathaM na te |
dharmArthakAmamokShANAM prasahya paripanthini\rdq{} || \- (yAj~navalkyopaniShadi 20) ||
\ldq{}phalArthino dharmayashorthanAshanaH
sa chedapArthaH, svasharIratApanaH |
na cheha nAmutra hitAya yaH satAM
manAMsi kopaH samupAshrayet katham\rdq{} || iti |
svaviShayaM paraniShThaM pratyevamIritaM \-
\ldq{}na me.aparAdhaH kimakAraNe nR^iNAM
madabhyasUyetyapi naiva chintayet |
na yatkR^itA prAgbhavabandhaniShkR^iti\-
stato.aparAdhaH paramo.anuchintyatAm\rdq{} ||
\ldq{}namo.astu kopadevAya svAshrayajvAline bhR^isham |
kopyasya mama vairAgyadAyine doShabodhine\rdq{} ||  iti | \- (yAj~navalkyopaniShadi 21) ||
dhanAbhilAShakrodhavadyoShitputrAbhilAShAvapi vivekena nivartanIyau | tatra yoShidviveko vasiShThena darshitaH\-
\ldq{}mAMsapA~nchAlikAyAstu yantralole.a~Ngapa~njare |
snAyvasthigranthishAlinyAH striyAH kimiva shobhanam || \- (laghuyogavAsiShThe 2\.90) ||
\ldq{}tva~NmAMsaraktavAShpAmbu pR^ithakkR^itvA vilochane |
samAlokaya ramye chet kiM mudhA parimuhyasi || 2\.91||
\ldq{}merushR^i~NgataTollAsiga~NgAjalarayopamA |
dR^iShTA yasminstane muktAhArasyollAsashAlitA || 2\.92||
shmashAneShu diganteShu sa eva lalanAstanaH |
shvabhirAsvAdyate kAle laghupiNDa ivAndhasaH || 2\.93||
\ldq{}keshakajjaladhAriNyo duHsparshA lochanapriyAH |
duShkR^itAgnishikhA nAryo dahanti tR^iNavannarAn || 2\.94||
\ldq{}jvalatAmatidUre.api sarasA api nIrasAH |
striyo hi narakAgnInAmindhanaM chAru dAruNam || 2\.95||
\ldq{}kAmanAmnA kirAtena vikIrNA mugdhachetasAm |
nAryo naraviha~NgAnAma~NgabandhanavAgurAH || 2\.96||
\ldq{}janmapalvalamatsyAnAM chittakardamachAriNAm |
puMsAM durvAsanArajjau nArI baDishapiNDikA || 2\.97||
\ldq{}sarveShAM doSharatnAnAM susamudgikayAnayA |
duHkhashR^i~NkhalayA nityamalamastu mama striyA || 2\.98||
\ldq{}ito mAMsamito raktamito.asthInIti vAsaraiH |
brahmankatipayaireva yAti strI visharArutAm || 2\.99||
\ldq{}yasya strI tasya bhogechChA niHstrIkasya kva bhogabhUH |
striyaM tvaktvA jagattyaktaM jagattyaktvA sukhI bhavet\rdq{} || (2\.100)
putraviveko brahmAnande darshitaH\-
\ldq{}alabhyamAnastanayaH pitarau kleshayechchiram |
labdho.api garbhapAtena prasavena cha bAdhate || \- (pa~nchadashyAM 12\.65) ||
\ldq{}jAtasya graharogAdiH kumArasya cha mUrkhatA |
upanIte tvavidyatvamanudvAhashcha paNDite || 12\.66||
\ldq{}punashcha paradArAdirdAridrayaM cha kuTumbinaH |
pitrorduHkhasya nAstyanto dhanI chendriyate tadA\rdq{} || 12\.67|| \- (pa~nchadashyAM 12\.65 \-67) iti ||
yathA vidyAdhanakrodhayoShitputraviShayANAM malinavAsanAnAM vivekena pratIkArastathAnyAsAmapi vAsanAnAM yathAyogaM shAstraiH svayuktyA cha doShaM vivichya pratIkAraM kuryAt | kR^ite cha pratIkAre jIvanmuktilakShaNaM paramaM padaM labhyate | tadAha vasiShThaH \-
\ldq{}vAsanAnAM parityAge yadi yatnaM karoShyalam |
tatte shithilatAM yAnti sarvAdhivyAdhayaH kShaNAt | \- (yogavAsiShThe rAmAyaNe upashamaprakaraNe 92\.9) ||
\ldq{}pauruSheNa prayatnena balAtsantyajya vAsanAH |
sthitiM badhnAsi chettarhi padamAsAdayasyalam\rdq{} || \- (tatraiva 92\.3 \-4) iti ||
nanvatra pauruShaH prayatno nAma pUrvokto viShayadoShavivekaH | sa cha punaH punaH kriyamANo.api prabalendriyavyavahAreNAbhibhUyate | taduktaM bhagavatA \-\-
\ldq{}yatato hyapi kaunteya puruShasya vipashchitaH |
indriyANi pramAthIni haranti prasabhaM manaH || \- (bhagavadgItAyAM 2\.60) ||
\ldq{}indriyANAM hi charatAM yanmano.anuvidhIyate |
tadasya harati praj~nAM vAyurnAvamivAmbhasi\rdq{} || \- (tatraiva 2\.67) iti ||
evaM tarhyatpannavivekarakShArthamindriyANi niroddhavyAni | tadapi tatraivottarashlokAbhyAM darshitam\-
\ldq{}tAni sarvANi saMyamya yukta AsIta matparaH |
vashe hi yasyendriyANi tasya praj~nA pratiShThitA | \- (tatraiva 2\.61) ||
\ldq{}tasmAdyasya mahAbAho nigR^ihItAni sarvashaH |
indriyANIndriyArthebhyastasya praj~nA pratiShThitA | \rdq{} \- (tatraiva 2\.68) iti ||
smR^ityantare.api \-
\ldq{}na pANipAdachapalo na netrachapalo yatiH |
na cha vAkchapalashchaivamiti shiShTasya lakShaNam\rdq{} || iti |
etadevAnyatra sa~NgrahavivaraNAbhyAM spaShTIkR^itam\-
\ldq{}ajihvaH ShaNDakaH pa~Ngurandho badhira eva cha |
mugdhashcha muchyate bhikShuH ShaDbhiretairna saMshayaH || \- (nAradaparivrAjakopaniShadi 3\.62) ||
(\*\* na pANipAdachapalo na netrachapalo bhavet |
na chA~Ngachapalo vipra (na cha vAga~Ngachapala) iti shiShTasya gocharaH ||  (vasiShThasmR^ityAM 6\.39) ||
na pANipAdachapalo na netrachapalo muniH |
na cha vAga~Ngachapala iti shiShTasya gocharaH || (mahAbhArate 14\.45\.18)
na pANipAdachapalo na netrachapalo.anR^ijuH |
na cha vAga~Ngachapalo na chAshiShTasya gocharaH || (skandapurANe mAheshvarakhaNDe 41\.139\-40)
\ldq{}imiShTamidaM neti yo.ashnannapi na sajjate |
hitaM satyaM mitaM vakti tamajihvaM prachakShate\rdq{} || 3\.63||
\ldq{}adya jAtAM yathA nArIM tathA ShoDashavArShikIm |
shatavarShAM cha yo dR^iShTvA nirvikAraH sa ShaNDakaH\rdq{} || 3\.64||
\ldq{}bhikShArthamaTanaM yasya viNmUtrakaraNAya cha |
yojanAnna paraM yAti sarvathA pa~Ngureva saH\rdq{} || 3\.65||
\ldq{}tiShThato vrajato vApi yasya chakShurna dUragam |
chaturyugAM bhuvaM tyaktvA parivrAT so.andha uchyate\rdq{} || 3\.66||
\ldq{}hitaM mitaM manoramyaM vachaH shokApahaM cha yat |
shrutvA yo na shR^iNotIva badhiraH sa prakIrtitaH\rdq{} || 3\.67||
\ldq{}sannidhau viShayANAM cha samartho.avikalendriyaH |
suptavadvartate nityaM bhikShurmugdhaH sa uchyate\rdq{} || 3\.68||
\ldq{}na nindAM na stutiM kuryAnna ka~nchinmarmaNi spR^ishet |
nAtivAdI bhavet tadvatsarvatraiva samo bhavet\rdq{} ||
\ldq{}na sambhAShetstriyaM kA~nchitpUrvadR^iShTAM na cha smaret |
kathAM cha varjayet tasyA na pashyellikhitAmapi\rdq{} || \- (nAradapari0 upa0 4\.3) ||
yathA kashchid vratI naktaikabhuktopavAsamaunAdivrataM sa~Nkalpya sAvadhAno bhraMshamakR^itvA samyakpAlayati, tathaivAjihvatvAdivrate sthitaH sAvadhAno vivekaM pAlayet | tadevaM vivekendriyanirodhAbhyAM dIrghakAlanairantaryasatkArasevitAbhyAM maitryAdibhAvanAsu pratiShThitAsvAsurasampadrUpA malinavAsanAH kShIyante | tato niHshvAsochChvAsavannimeShonmeShavachcha puruShaprayatnamantareNa pravartamAnAbhirmaitryAdivAsanAbhirloke vyavaharannapi tadIyasAkalyavaikalyAnusandhAnaM chitte parityajya nidrAtandrAmanorAjyAdirUpAH samastacheShTAH prayatnena shAntAH kR^itvA chinmAtravAsanAmabhyasyet | svatastAvadidaM jagachchijjaDobhayAtmakaM bhAsate; yadyapi
shabdasparshAdijaDavastubhAsanAyaivendriyANi sR^iShTAni \ldq{}parA~nchi khAni vyatR^iNat svayambhUH\rdq{} (kaTha. upa0 \.2\.1\.1) iti shruteH, tathApi chaitanyasyopAdAnatayA varjayitumashakyatvAchchaitanyapUrvakameva jaDaM jagadbhAsate; \ldq{}tameva bhAntamanu bhAti sarvaM tasya bhAsA sarvamidaM vibhAti\rdq{} (kaTha. upa0 \.2\.2\.15) iti shruteH; tathA sati pashchAdbhAsamAnasya jaDasya prathamato bhAsamAnameva chaitanyaM vAstavaM rUpamiti nishchitya jaDamupekShya chinmAtraM chitte vAsayet | etachcha balishukrayoH prashnottarAbhyAM vispaShTamavagamyate\-
\ldq{}kimihAstIha kimmAtramidaM kimmayameva cha |
kastvaM ko.ahaM ka ete vA lokA iti vadAshu me\rdq{} || \- (laghuyogavAsiShThe 21\.50) ||
\ldq{}chidihAstIha chinmAtramidaM chinmayameva cha |
chittvaM chidahamete cha lokAshchiditi sa~NgrahaH\rdq{} || \- (tatraiva 21\.52) iti ||
yathA suvarNakAmaH kaTakaM krINannapi valayAkArasya guNadoShAvupekShya gurutvavarNayoreva manaH praNidhitsati, tathA chinmAtre manaH praNidhAtavyam | yAvatA kAlena jaDaM sarvathaivopekShya chinmAtra manasaH pravR^ittirniHshvAsAdivatsvAbhAvikI sampadyate, tAvantaM kAlaM chinmAtra vAsanAyAM prayateta |
nanvAdAveva chinmAtravAsanAstu, tayaiva malinavAsanAnivR^itteH; kimanenAntargaDunA maitryAdyabhyAseneti chet,
na, chidvAsanAyA apratiShThitatvaprasa~NgAt | yathA kuTTimadArDhyavyatirekena kriyamANamapi stambhakuDyAtmakaM gR^ihaM na pratitiShThati, yathA vA virechanena prabaladoShamaniHsArya sevitamapyauShadhaM nArogyakaraM tadvat |
nanu \ldq{}tAmapyatha parityajet\rdq{} (yogavAsiShThe sthiti \.57\.20) iti chinmAtravAsanAyApi parityAgo.avagamyate; tadapyayuktaM chinmAtraM parityajyAnyasya kasyachidupAdeyasyAbhAvAt |
nAyaM doShaH. dvividhA chinmAtravAsanA \- manobuddhisamanvitA tadrahitA cheti |  karaNaM manaH, kartR^itvopAdhirbuddhiH | tathA cha satyapramatto.ahamekAgreNa manasA chinmAtraM bhAvayiShyAmItyetAdR^ishena kartR^ikaraNAnusandhAnena samanvitA prAthamikI yA chinmAtravAsanA dhyAnashabdAbhidheyA tAM parityajet | yA tvabhyAsapATavena kartR^itvAdyanusandhAnavyavadhAnarahitA samAdhishabdAbhidheyA tAmupAdadIta |
dhyAnasamAdhyostu lakShaNaM pata~njaliH sUtrayAmAsa\-
\ldq{}tatra pratyayaikatAnatA dhyAnam\rdq{} (3\.2) |
\ldq{}tadevArthamAtranirbhAsaM svarUpashUnyamiva samAdhiH\rdq{} (3\.3) iti |
tAdR^ishe samAdhau dIrghakAlanairantaryasatkAraiH sevite sthairyaM labdhvA pashchAtkartR^ikaraNAnusandhAnaparityAgArtho yaH prayatnastamapi parityajet |
maivam | katakarajonyAyena svaparanivartakatvAt | yathA kaluShite jale prakShiptaM katakaraja itararajasA saha svAtmAnamapi nivartayati tathA tyAgArthaH prayatnaH kartR^ikaraNAnusandhAnaM nivartayansvAtmAnamapi nivartayiShyati | nivR^itte cha tasminmalinavAsanAvachChuddhavAsanAnAmapi kShINatvAnnirvAsanaM mano.avatiShThate | etadevAbhipretya vasiShTha Aha\-
\ldq{}tasmAdvAsanayA baddhaM muktaM nirvAsanaM manaH |
rAma nirvAsanIbhAvamAharAshu vivekataH | \- (laghuyogavAsiShThe 16\.45) ||
\ldq{}samyagAlochanAtsatyAdvAsanA pravilIyate |
vAsanAvilaye chetaH shAmyatyasnehadIpavat ||  \ldq{} \- (tatraiva 16\.46) iti ||
\ldq{}yo jAgarti suShuptistho yasya jAgranna vidyate |
yasya nirvAsano bodhaH sa jIvanmukta uchyate || \- (tatraiva 5\.92) iti cha ||
\ldq{}suShuptavatprashamitabhAvavR^ittinA
sthitaM sadA jAgrati yasya chetasA |
kalAnvito vidhuriva yaH sadA budhai\-
rniShevyate mukta itIha sa smR^itaH || \- (tatraiva 20\.36) iti cha ||
\ldq{}hR^idayAt samparityajya sarvameva mahAmatiH |
yastiShThati gatavyagraH sa muktaH parameshvaraH || \- (tatraiva 18\.26) ||
\ldq{}samAdhimatha karmANi mA karotu karotu vA |
hR^idayenAstasarvAsho mukta evottamAshayaH || \- (tatraiva 18\.27) ||
\ldq{}naiShkamryeNa na tasyArthastasyArtho.asti na karmabhiH |
na samAdhAnajapyAbhyAM yasya nirvAsanaM manaH || \- (tatraiva 18\.28) ||
\ldq{}vichAritamalaM shAstraM chiramudgrAhitaM mithaH |
santyaktavAsanAnmaunAdR^ite nAstyuttamaM padam\rdq{} || \- (tatraiva 18\.29) iti cha ||
na cha nirvAsanamanaskasya jIvanaheturvyavahAro lupyeteti sha~NkanIyam | kiM chakShurAdivyavahArasya lopaH kiM vA mAnasavyavahArasya ? tatrAdyamuddAlako nirAchaShTe\-
\ldq{}vAsanAhInamapyetachchakShurAdIndriyaM svataH |
pravartate bahiH svArthe vAsanA nAtra kAraNam || \- (yogavAsiShThe 5\.52\.59; laghuyogavAsiShThe 24\.70) iti ||
dvitIyaM vasiShTho nirAchaShTe \-
\ldq{}ayatnopanateShvakShi digdravyeShu yathA punaH |
nIrAgameva patati tadvatkAryeShu dhIradhIH\rdq{} || \- (yogavAsiShThe 4\.23\.44; laghuyogavAsiShThe 15\.13) iti ||
tAdR^ishyA dhiyA prArabdhabhogaM sa evopapAdayati \-
\ldq{}parij~nAyopabhukto hi bhogo bhavati tuShTaye |
vij~nAya sevitashchoro maitrImeti na choratAm ||
asha~NkitopasamprAptA grAmayAtrA yathAdhvagaiH |
prekShyate tadvadeva j~nairbhogashrIravalokyate\rdq{} || \- (laghuyogavAsiShThe 15\.14, 15) iti ||
bhogakAle.api savAsanebhyo nirvAsanAnAM visheShamAha \-
\ldq{}nApadi glAnimAyAnti hemapadmaM yathA nishi |
nehante prakR^itAdanyadramante shiShTavartmani || \- (tatraiva 18\.42) ||
\ldq{}nityamApUrNatAmantarakShubdhAmindusundarIm |
Apadyapi na mu~nchanti shashinaH shItatAmiva || \- (tatraiva 1\.43) ||
\ldq{}abdhivadghR^itamaryAdA bhavanti vitatAshayAH |
niyatiM na vimu~nchanti mahAnto bhAskarA iva\rdq{} ||
(tatraiva 1\.45) iti |
janakasyApi samAdhivyutthisyedR^ishamevAcharaNaM paThyate\-
\ldq{}tUShNImatha chiraM sthitvA janako janajIvitam |
vyutthitashchintayAmAsa manasA shamashAlinA || 60||
kimupAdeyamastIha yatnAtsaMsAdhayAmi kim |
svataH sthitasya shuddhasya chitaH kA me.asti kalpanA || 69||
nAbhivA~nChAmyasamprAptaM samprAptaM na tyajAmyaham |
svastha Atmani tiShThAmi yanmamAsti tadastu me || 62||
iti sa~nchintya janako yathAprAptakriyAmasau |
asaktaH kartumuttasthau dinaM dinapatiryathA || 63||
bhaviShyannAnusandhatte nAtItaM chintayatyasau |
vartamAnanimeShaM tu hasannevAnuvartate\rdq{} || 64|| \- (tatraiva 19\.60 \-64) iti ||
tadevaM yathoktena vAsanAkShayeNa yathoktA jIvanmuktirbhaviShyatIti susthitam ||
iti shrImadvidyAraNyapraNIte jIvanmuktiviveke vAsanAkShayanirUpaNaM nAma dvitIyaM prakaraNam || 2||
\section{3\. manonAshanirUpaNaM nAma tR^itIyaM prakaraNam}
atha jIvanmuktisAdhanaM manonAshaM nirUpayAmaH | yadyapyasheShavAsanAkShaye sati arthAnmano nashyatyeva, tathApi svAtantryeNa manonAshe samyagabhyaste sati vAsanAkShayo rakShito bhavati |
na chAjihvatvaShaNDakatvAdyabhyAsenaiva tadrakShA siddheti vAchyam,
naShTe manasyajihvatvAdInAmarthasiddhatvenAbhyAsaprayAsAbhAvAt |
nanu manonAshAbhyAsaprayAsastatrApyastIti chet |
astu nAma, tasyAvashyikatvAt | antareNa manonAshamabhyastA apyajihvatvAdayo  na sthirA bhavanti | ata eva manaso nAshanIyatvaM janaka Aha\-
\ldq{}sahasrA~NkurashAkhAtmaphalapallavashAlinaH |
asya saMsAravR^ikShasya mano mUlamiti sthitam || \- (laghuyogavAsiShThe 19\.53) iti ||
\ldq{}sa~Nkalpameva tanmanye sa~Nkalpopashamena tat |
shoShayAmi yathA shoShameti saMsArapAdapaH || \- (tatraiva 19\.54) ||
\ldq{}prabuddho.asmi prabuddho.asmi dR^iShTashchoro mayAtmanaH |
manonAmeha hanmyenaM manasAsmi chiraM hataH\rdq{} || \- (tatraiva 19\.55) iti ||
vasiShTho.apyAha\-
\ldq{}asya saMsAravR^ikShasya sarvopadravadAyinaH |
upAya eka evAsti manasaH svasya nigrahaH || \- (tatraiva 17\.1) ||
\ldq{}manaso.abhyudayo nAsho manonAsho mahodayaH |
j~namano nAshamabhyeti mano.aj~nasya hi shR^i~NkhalA || \- (tatraiva 17\.5) ||
\ldq{}tAvannishIthavetAlA valganti hR^idi vAsanAH |
ekatattvadR^iDhAbhyAsAdyAvanna vijitaM manaH || \- (tatraiva 15\.23) ||
\ldq{}prakShINachittadarpasya nigR^ihItendriyadviShaH |
padminya iva hemante kShIyante bhogavAsanAH || \- (tatraiva 15\.22) ||
\ldq{}hastaM hastena sampIDyadantairdantAn vichUrNya cha |
a~NgAnya~NgaiH samAkramya jayedAdau svakaM manaH || \- (tatraiva 15\.18) ||
\ldq{}etAvati dharaNitale subhagAste sAdhuchetasaH puruShAH |
puruShakathAsu cha gaNyA na jitA ye chetasA svena || \- (tatraiva 15\.19) ||
\ldq{}hR^idayabile kR^itakuNDala ulbaNakalanAviSho manobhujagaH |
yasyopashAntimagamachchandravaduditaM tamavyayaM vande || \- (tatraiva 15\.20) ||
\ldq{}chittaM nAbhiH kilAsyedaM mAyAchakrasya sarvataH |
sthIyate chettadAkramya tanna ki~nchitprabAdhate\rdq{} || \- (tatraiva 23\.92) iti ||
gauDapAdAchAryairapyuktam\-
\ldq{}manaso nigrahAyattamabhayaM sarvayoginAm |
duHkhakShayaH prabodhashchApyakShayA shAntireva cha\rdq{} || \- (mANDUkakArikAyAM 3\.40) iti ||
yattvarjunenoktam\-
\ldq{}cha~nchalaM hi manaH kR^iShNa pramAthi balavaddR^iDham |
tasyAhaM nigrahaM manye vAyoriva suduShkaram\rdq{} || \- (bhagavadgItAyAM 6\.34) iti ||
tadvachanaM haThayogaviShayam | ata eva vAlmIkirAha\-
\ldq{}upavishyopavishyaikachittakena muhurmuhuH |
na shakyate mano jetuM vinA yuktimaninditAm || \- (laghuyogavAsiShThe 28\.126) ||
\ldq{}a~Nkushena vinA matto yathA duShTamata~NgajaH |
vijetuM shakyate naiva tathA yuktyA vinA manaH\rdq{} || \- (tatraiva 28\.127) ||
\ldq{}manovilaya hetUnAM yuktInAM samyagIraNam |
vasiShThena kR^itaM tAvat tanniShThasya vashe manaH ||
\ldq{}haThato yuktitashchApi dvividho nigraho mataH |
nigraho dhIkriyAkShANAM haTho golakanigrahAt ||
kadAchijjAyate kashchinmanastena vilIyate |
\ldq{}adhyAtmavidyAdhigamaH sAdhusa~Ngama eva cha ||
vAsanAsamparityAgaH prANaspandanirodhanam ||
etAstu yuktayaH puShTAH santi chittajaye kila || \- (laghuyogavAsiShThe 28\.128, 129) ||
\ldq{}satIShu yuktiShvetAsu haThAnniyamayanti ye |
chetaste dIpamutsR^ijya vinighnanti tamo.a~njanaiH || \- (tatraiva 28\.130) ||
\ldq{}vimU.DhAH kartumudyuktA ye haThAchchetaso jayam |
nibadhnanti nAgendramunmattaM bisatantubhiH\rdq{} || \- (tatraiva 28\.131) ||
nigraho dvividhaH, haThanigrahaH kramanigrahashcheti | tatra chakShuHshrotrAdij~nAnendriyANi vAkpANyAdikarmendriyANi cha tattadgolakoparodhamAtreNa haThAnnigR^ihyante; taddR^iShTAntena mano.api tathA nigrahIShyAmIti mUDhasya bhrAntirbhavati | na tu tannigrahItuM shakyate, tadgolakasya hR^idayakamalasya niroddhumashakyatvAt | ataH kramanigraha eva yogyaH | kramanigrahe chAdhyAtmavidyAprAptyAdaya evopAyAH | sA cha vidyA dR^ishyamithyAtvaM dR^igvastunaH svaprakAshatvaM cha bodhayati | tathA cha satyetanmanaH svagochareShu dR^ishyeShu prayojanAbhAvaM prayojanavati dR^igvastunyagocharatvaM cha buddhvA nirindhanAgnivatsvayamevopashAmyati | tathA cha shrUyate\-
\ldq{}yathA nirindhano vahniH svayonAvupashAmyati |
tathA vR^ittikShayAchchittaM svayonAvupashAmyati\rdq{} || \- (maitrAyaNi upa0 \.4\.1 ; pa~nchadashyAM 11\.111)||
yonirAtmA | yastu bodhitamapi tattvaM na samyagbudhyate, yashcha vismarati, tayorubhayoH sAdhusa~Ngama evopAyaH | sAdhavo hi punaH punarbodhayanti smArayanti cha | yastu vidyAmadAdidurvAsanayA pIDyamAno na sAdhUnanuvartitumutsahate, tasya pUrvoktavivekena vAsanAparityAga upAyaH | vAsanAnAM prAbalyena tyaktumashakyatve prANaspandanirodhanamupAyaH | prANaspandavAsanayoshchittaprerakattvAttayornirodhe chittashAntirupapadyate | prerakatvaM cha vasiShTha Aha\-
\ldq{}dve bIje chittavR^ikShasya vR^ittivratatidhAriNaH |
ekaM prANaparispando dvitIyaM dR^iDhavAsanA || \- (laghuyogavAsiShThe 28\.38) ||
\ldq{}satI sarvagatA saMvitprANaspandena bodhyate |
saMvedanAdanantAni tato duHkhAni chetasaH\rdq{} | \- (laghuyogavAsiShThe 28\.40\-41) ||
yathA bhasmachChannamagniM lohakArA dR^itibhyAM dhamanti, tatra cha dR^ityutpannena vAyunA so.agnirjvalati, tathA chittopAdAnena kAShThasthAnIyenAj~nAnenAvR^itA saMvitprANaspandena chittavR^ittirUpeNa prajvalati | tasmAchchittavR^ittinAmakAt saMvijjvAlArUpAt saMvedanAd duHkhAnyutpadyante | seyaM prANaspandena preritA chittotpattiH | anyAM cha sa evAha \-
\ldq{}bhAvasaMvitprakaTitAmanubhUtAM cha rAghava |
chittasyotpattimaparAM vAsanAjanitAM shR^iNu || \- (yogavAsiShThe 5\.91\.28) ||
\ldq{}dR^iDhAbhyastapadArthaikabhAvanAdaticha~nchalam |
chittaM sa~njAyate janmajarAmaraNakAraNam\rdq{} ||  iti | \- (yogavAsiShThe 5\.91\.35) ||
na kevalaM prANavAsanayoshchittaprerakatvam, kiM tu parasparaprerakatvamapyasti | tadAha vasiShThaH \-
\ldq{}vAsanAvashataH prANaspandastena cha vAsanA |
jAyate chittavR^ikShasya tena bIjA~NkurakramaH\rdq{} ||  iti | \- (laghuyogavAsiShThe 28\.65) ||
ata evAnyataranAshenobhayanAshamapyAha\-
\ldq{}dve bIje chittavR^ikShasya prANaspandanavAsane |
ekasmiMshcha tayoH kShINe kShipraM dve api nashyataH\rdq{} || \- (laghuyogavAsiShThe 28\.64) iti ||
tayornAshopAyaM nAshaphalaM chAha\-
\ldq{}prANAyAmadR^iDhAbhyAsairyuktyA cha gurudattayA |
AsanAshanayogena prANaspando nirudhyate || \- (laghuyogavAsiShThe 28\.122) ||
\ldq{}asa~NgavyavahAritvAdbhavabhAvanavarjanAt |
sharIranAshadarshitvAdvAsanA na pravartate\rdq{} || \- (annapUrNopaniShadi 4\.88; laghuyogavAsiShThe 28\.123) ||
\ldq{}vAsanAsamparityAgAchchittaM gachChatyachittatAm |
prANaspandanirodhAchcha yathechChasi tathA kuru || \- (annapUrNopaniShadi 4\.86; laghuyogavAsiShThe 28\.121) ||
\ldq{}etAvanmAtrakaM manye rUpaM chittasya rAghava |
yadbhAvanaM vastuno.antarvastutvena rasena cha || \- (laghuyogavAsiShThe 28\.57) ||
\ldq{}yadA na bhAvyate ki~nchiddheyopAdeyarUpi yat |
sthIyate sakalaM tyaktvA tadA chittaM na jAyate || \- (tatraiva 28\.54) ||
\ldq{}avAsanatvAtsatataM yadA na manute manaH |
amanastA tadodeti paramopashamapradA\rdq{} || \- (laghuyogavAsiShThe 28\.55) iti ||
amanastAnudaye shAntyabhAvamAha\-
\ldq{}chittayakShadR^iDhAkrAntaM na mitrANi na bAndhavAH |
shaknuvanti paritrAtuM guravo na cha mAnavAH\rdq{} || \- (laghuyogavAsiShThe 30\.18) iti ||
AsanAshanayogeneti yaduktaM tatrAsanasya lakShaNamupAyaM phalaM cha tribhiH sUtraiH pata~njaliH sUtrayAmAsa\-\ldq{}sthirasukhamAsanaM\rdq{} (2\.46) ; \ldq{}prayatnashaithilyAnantasamApattibhyAM\rdq{} (2\.47) ; \ldq{}tato dvandvAnabhidhAtaH\rdq{} (2\.48) iti |
padmakasvastikAdinA yAdR^ishena dehasthApanarUpeNa yasya puruShasyAvayavavyathAnutpattilakShaNaM sukhaM svadehachalanarAhityalakShaNaM sthairyaM cha sampadyate, tasya tadeva sukhamAsanam |
tasya cha prayatnashaithilyaM laukika upAyaH | gamanagR^ihakR^ityatIrthayAtrAsnAnahomAdiviShayo yaH prayatno mAnasa utsAhastasya shaithilyaM kartavyam | anyathA sa utsAho balAddehamutthApya yatra kvApi prerayati |
alaukikopAyashcha \ldq{}phaNAsahasreNa dharaNIM dhArayitvA sthairyeNAvatiShThate yo.ayamanantaH sa evAhamasmi\rdq{} iti dhyAnaM chittasyAnantasamApattiH | tayA yathoktAsanasampAdakamadR^iShTaM niShpadyate |
siddhe chAsane shItoShNasukhaduHkhamAnAvamAnAdidvandvairyathApUrvaM nAbhihanyate | tathAvidhasya chAsanasya yogyo deshaH shrUyate\-
viviktadeshe cha sukhAsanasthaH
shuchiH samagrIvashiraH sharIraH || \- (kaivalyopaniShadi 4) iti,

same shuchau sharkaravahnivAlukA\-
vivarjite shabdajalAshayAdibhiH |
manonukUle na tu chakShupIDane
guhAnivAtAshrayaNe prayojayet || \- (shvetAshvataropaniShadi 2\.10) iti cha ||
so.ayamAsanayogaH |
ashanayogastu mitAhAratvam,
\ldq{}atyAhAramanAhAraM nityaM yogI vivarjayet\rdq{} | \- (amR^itabindUpaniShadi 27) iti shruteH ||
bhagavatApyuktam\-\-
\ldq{}nAtyashnatastu yogo.asti na chaikAntamanashnataH |
na chAtisvapnashIlasya jAgrato naiva chArjuna ||
yuktAhAravihArasya yuktacheShTasya karmasu |
yuktasvapnAvabodhasya yogo bhavati duHkhahA\rdq{} | \- (bhagavadgItAyAM 6\.16, 17) iti ||
jitAsanasya prANAyAmena manovinAshaH shvetAshvatarairAmnAyate\-\-
\ldq{}trirunnataM sthApya samaM sharIraM
hR^idIndriyANi manasA sanniveshya |
brahmoDupena pratareta vidvAn |
srotAMsi sarvANi bhayAvahAni ||
prANAnprapIDyeha sa yuktacheShTaH
kShINe prANe nAsikayochChvasIta |
duShTAshvayuktamiva vAhamenaM
vidvAnmano dhArayetApramattaH\rdq{} || \- (shvetAshvataropaniShadi 2\.8, 9) iti ||
yogI dvividhaH, vidyAmadAdyAsurasampadrahitastatsahitashcheti | tayorAdyasya brahmadhyAnena manasi niruddhe sati, tannAntarIyakatayA prANo nirudhyate | taM prati \ldq{}trirunnataM \-\rdq{} (shve0 upa0 2\.8) iti mantraH paThitaH |
dvitIyasyAbhyAsena prANe niruddhe, tannAntarIyakatayA mano nirudhyate | taM prati \ldq{}prANAnprapIDya\-\rdq{} (shve0 upa0 2\.9) iti mantraH pravR^ittaH |
prANapIDanaprakAro vakShyate | tena cha pIDanena yuktacheShTo bhavati | manashcheShTA vidyAmadAdayo nirudhyante | prANanirodhena chittadoShanirodhe dR^iShTAnto.anyatra shrUyate\-
\ldq{}yathA parvatadhAtUnAM dahyante dhamanAnmalAH |
tathendriyakR^itA doShA dahyante prANanigrahAt\rdq{} || \- (amR^itanAdopaniShadi 7) iti ||
atropapattirvasiShThena darshitA \-
\ldq{}yaH prANapavanaspandashchittaspandaH sa eva hi |
prANaspandakShaye yatnaH kartavyo dhImatochchakaiH\rdq{} || \- (laghuyogavAsiShThe 28\.125) iti ||
manovAkchakShurAdIndriyadevatAH svasvavyApAraM nirantaraM kariShyAma iti vrataM dhR^itvA shramarUpeNa mR^ityunA grastAH | sa cha mR^ityuH prANaM nApnot | tato nirantaramuchChvAsaniHshvAsau kurvannapyayaM prANo na shrAmyati | tadA vichArya devatAH prANarUpaM prAvishan | so.ayamartho vAjasaneyibhirAmnAyate\-
\ldq{}ayaM vai naH shreShTha yaH sa~ncharaMshchAsa~ncharaMshcha na vyathate atho na riShyati hantAsyaiva sarve rUpamasAmeti | ta etasyaiva sarve rUpamabhavaMstasmAdeta etenAkhyAyante prANA iti\rdq{} (bR^i0 upa0 1\.5\.21) |
ata indriyANAM prANarUpatvaM nAma prANAdhInacheShTAvattvam | tachchAntaryAmibrAhmaNe sUtrAtmaprastAve shrUyate\-
\ldq{}vAyurvai gautama tatsUtraM vAyunA vai gautama sUtreNAyaM cha lokaH parashcha lokaH sarvANi cha bhUtAni sandR^ibdhAni bhavanti | tasmAdvai gautama puruShaM pretamAhurvyasraMsiShatAsyAnAnIti | vAyunA hi gautama sUtreNa sandR^ibdhAni bhavanti\rdq{} (bR^i0 u0 3\.7\.2) iti | ataH prANamanaHspandayoH sahabhAvitvAt prANanigrahe mano nigR^ihyate |
nanu sahaspando na yuktaH, suShuptau cheShTamAne.api prANe manaso.acheShTamAnatvAt |
na, vilInatvena tadAnIM manasaH sattvAbhAvAt |
nanu kShINe prANe nAsikayochChvasIteti vyAhatam | na hi kShINaprANasya mR^itasya shvAsaM kvachitpashyAmaH | nApi shvasato jIvataH prANakShayo.asti |
maivam | anulbaNatvasya kShayatvenAtra vivakShitatvAt | yathA khananachChedanAdiShu vyApriyamANasya parvatamArohataH shIghraM dhAvato vA shvAsavego yAvAnbhavati, na tAvAnsthitasyAsInasya nidritasya vA vidyate, tathA prANAyAmapATavopetasyetarasmAdalpaH shvAso bhavati | etadevAbhipretya shrUyate\-
\ldq{}bhUtvA tatrAyataprANaH shanaireva samuchChvaset\rdq{} | \- (kShurikopaniShadi 5) iti ||
yathA duShTairashvairupeto ratho mArgaM tyaktvA yatra kvApi nIyate, sa cha sArathinA dR^iDhamashvaM rajjuShvAkR^iShya sukhamArge punardhAryate, tathendriyairvAsanAdibhiritastato nIyamAnaM chittaM prANarajjau dR^iDhaM dhR^itAyAM dhAryate | \ldq{}prANAnprapIDya\-\rdq{} (shve0 upa0 2\.9) iti yaduktaM tatra prANapIDanaprakAro.anyatra shrUyate\-
\ldq{}savyAhR^itiM sapraNavAM gAyatrI shirasA saha |
triH paThedAyataprANaH prANAyAmaH sa uchyate\rdq{} || 11|| \- (amR^itanAdopaniShadi 11) ||
prANAyAmAstrayaH proktA rechakapUrakakumbhakAH || 10||
utkShipya vAyumAkAshaM shUnyaM kR^itvA nirAtmakam |
shUnyabhAvena yu~njIta rechakasyeti lakShaNam || 12|| \- (amR^itanAdopa0 10, 12) ||
\ldq{}vaktreNotpalanAlena toyamAkarShayennaraH |
evaM vAyurgrahItavyaH pUrakasyeti lakShaNam\rdq{} || 13|| \- (amR^itanAdopa0 13) ||
nochChravasenniHshvasennaiva naiva gAtrANi chAlayet |
evaM tAvanniyu~njIta kumbhakasyeti lakShaNam\rdq{} || 14|| \- (amR^itanAdopa0 14) iti ||
atra sharIrAntargataM vAyuM bahirniHsArayitumutkShipya shArIramAkAshaM shUnyaM nirAtmakaM vAyurahitaM kR^itvA svalpamapi vAyumapraveshya shUnyabhAvenaiva niyamayet | so.ayaM rechako bhavati | kumbhako dvividhaH, Antaro bAhyashcheti | tadubhayaM cha vasiShTha Aha\-
\ldq{}apAne.astaM gate prANo yAvannAbhyudito hR^idi |
tAvatsA kumbhakAvasthA yogibhiryAnubhUyate\rdq{} || \- (laghuyogavAsiShThe 29\.211) ||
\ldq{}bahirastaM gate prANe yAvannApAna udgataH |
tAvatpUrNasamAvasthAM bahiHShThaM kumbhakaM viduH\rdq{} || \- (tatraiva 29\.216) ||
tatrochChvAsa AntarakumbhakavirodhI; niHshvAso bAhyakumbhakavirodhI; gAtrachAlanamubhayavirodhi, tasminsati niHshvAsochChvAsayoranyatarasyAvashyambhAvitvAt | pata~njalirapyAsanAntarabhAvinaM prANAyAmaM sUtrayAmAsa\-
\ldq{}tasminsati niHshvAsochChvAsayorgativichChedaH prANAyAmaH\rdq{} (2\.49) iti |
nanu kumbhake gatyabhAve.api rechakapUrakayoruchChvAsaniHshvAsagatI vidyete iti chet
na, adhikamAtrAbhyAsena svabhAvasiddhAyAH samaprANagatervichChedAt | tamevAbhyAsaM
sUtrayati\-
\ldq{}bAhyAbhyantarastambhavR^ittirdeshakAlasa~NkhyAbhiH paridR^iShTo dIrghaH sUkShmaH\rdq{} (2\.50) iti |
rechako bAhyavR^ittiH | pUraka AbhyantaravR^ittiH | kumbhakaH stambhavR^ittiH | tatraikaiko deshAdibhiH parIkShaNIyaH | tadyathA\-svabhAvasiddhe rechake hR^idayAnnirgatya nAsAgrasammukhe dvAdashA~Ngulaparyante shvAsaH samApyate; abhyAsena tu krameNa nAbherAdhArAdvA vAyurnirgachChati; chaturviMshatya~Ngulaparyante ShaTtriMshada~Ngulaparyante vA samAptiH | atra
rechake prayatnAtishaye sati nAbhyAdipradeshakShobheNAntarnishchetuM shakyam; bahishcha sUkShmaM tUlaM dhR^itvA tachchAnena nishchetavyam | seyaM deshaparIkShA | rechakakAle praNavasyAvR^ittayo dasha viMshatistriMshadityAdibhiH kAlaparIkShA | asminmAse pratidinaM dasha rechakAH uttaramAse triMshadityAdibhiH sa~NkhyA parIkShA | yathoktadeshakAlavishiShTAH prANAyAmA ekasmindine dasha viMshatistriMshadityAdibhiH sa~NkhyAparIkShA | pUrake.apyevaM yojanIyam | yadyapi kumbhake deshavyAptivisheSho nAvagamyate, tathApi kAlasa~NkhyAvyAptiravagamyata eva | yathA ghanIbhUtastUlapiNDaH prasAryamANo dIrgho viralatayA sUkShmashcha bhavati, tathA prANo.api deshakAlasa~NkhyAdhikyenAbhyasyamAno dIrgho durlakShyatayA sUkShmashcha sambhavati |
rechakAdibhyastribhyo.anyaM prakAraM sUtrayati\-
\ldq{}bAhyAbhyantaraviShayAnapekShI chaturthaH\rdq{} (2\.51) iti |
yathAshakti sarvaM vAyuM virechyAnantaraM kriyamANo bahiShkumbhakaH yathAshakti vAyumApUryAnantaraM kriyamANo.antaH kumbhakaH iti, rechakapUrakAvanAdR^itya kevalaH kumbhako.abhyasyamAnaH pUrvatrayApekShayA chaturtho bhavati | nidrAtandrAdiprabaladoShayuktAnAM rechakAditrayam; doSharahitAnAM chaturtha iti vivekaH | prANAyAmaphalaM sUtrayati\-
\ldq{}tataH kShIyate prakAshAvaraNaM\rdq{} (2\.52) iti |
prakAshasya sattvasyAvaraNaM tamo nidrAlasyAdihetuH, tasya kShayo bhavati | kShaye sati phalAntaraM sUtrayati\-
\ldq{}dhAraNAsu cha yogyatA manasaH\rdq{} (2\.53) iti |
AdhAranAbhichakrahR^idayabhrUmadhyabrahmarandhrAdideshavisheShe vikR^iShya chittasya sthApanaM dhAraNA, \ldq{}deshabandhashchittasya dhAraNA\rdq{} (3\.1) iti sUtraNAt |
shrutishcha \-
\ldq{}manaH sa~NkalpakaM dhyAtvA sa~NkShipyAtmani buddhimAn |
dhArayitvA tathAtmAnaM dhAraNA parikIrtitA\rdq{} || \- (amR^itanAdopaniShadi 16) iti ||
prANAyAmena rajoguNakAryAchchA~nchalyAttamoguNakAryAdAlasyAdeshcha nivAritaM manastasyAM dhAraNAyAM yogyaM bhavati |
\ldq{}prANAyAmadR^iDhAbhyAsairyuktyA cha gurudattayA\rdq{} | (laghuyogavAsiShThe 28\.122) ityatratyena yuktishabdena yogijanaprasiddhaM shirorUpameruchAlanam, jihvAgreNa ghaNTikAbhramaNam, nAbhichakre hR^idaye cha jyotirdhyAnam, vismR^itipradauShadhasevA chetyevamAdikaM gR^ihyate |
tadevamadhyAtmavidyAsAdhusa~NgamavAsanAkShayaprANanirodhAshchittanAshopAyA darshitAH. atha tadupAyabhUtaM samAdhiM vakShyAmaH |
pa~nchabhUmyupetasya chittasya bhUmitrayatyAgenAvashiShTaM bhUmidvayaM samAdhiH | bhUmayashcha yogabhAShyakR^itA darshitAH \-
\ldq{}kShiptaM mUDhaM vikShiptamekAgraM niruddhamiti chittasya bhUmayaH\rdq{} (yogasUtrabhAShye 1\.1) iti |
AsurasampallokashAstradehavAsanAsu vartamAnaM chittaM kShiptaM, nidrAtandrAdigrastaM mUDham, kAdAchitkadhyAnayuktaM kShiptAdvishiShTatayA vikShiptam | tatra kShiptamUDhayoH samAdhisha~Nkaiva nAsti | \ldq{}vikShipte tu chetasi vikShepopasarjanIbhUtaH samAdhiryogapakShe na vartate\rdq{} (tatraiva) || vikShepAntargatatayA dahanAntargatabIjavatsa sadya eva vinashyati | \ldq{}yastvekAgrechetasi sambhUtamarthaM dyotayati, kShiNoti cha kleshAn, karmabandhanAni shlathayati, nirodhamabhimukhIkaroti, sa sampraj~nAtayoga ityAkhyAyate\rdq{} | (tatraiva) || \ldq{}sarvavR^ittinirodhe tvasampraj~nAtasamAdhiH\rdq{} | (tatraiva) || tatra sampraj~nAtasamAdhibhUmimekAgratAM sUtrayati\-
\ldq{}shAntoditau tulyapratyayau chittasyaikAgratApariNAmaH\rdq{} (3\.12) iti |
shAnto.atItaH | udito vartamAnaH | pratyayashchittavR^ittiH | atItaH pratyayo yaM padArthaM gR^ihNAti tameva chedudito gR^ihNIyAttadA tAvubhau tulyau bhavataH | tAdR^ishashchittasya pariNAma ekAgratetyuchyate | ekAgratAbhivR^iddhilakShaNaM samAdhiM sUtrayati\-
\ldq{}sarvArthataikAgratayoH kShayodayau chittasya samAdhipariNAmaH\rdq{} (3\.11) iti |
rajoguNena chAlyamAnaM chittaM krameNa sarvAnpadArthAngR^ihNAti | tasya rajoguNasya nirodhAya kriyamANena yoginaH prayatnavisheSheNa dine dine sarvArthatA kShIyate, ekAgratA chodeti; tAdR^ishashchittasya pariNAmaH samAdhirityuchyate | tasya samAdheraShTasva~NgeShu yamaniyamAsanaprANAyAmapratyAhArAH pa~ncha bahira~NgAni | tatra yamAnsUtrayati\-
\ldq{}ahiMsAsatyAsteyabrahmacharyAparigrahA yamAH\rdq{} (2\.30) iti |
hiMsAdibhyo niShiddhadharmebhyo yoginaM yamayantIti yamAH | niyamAnsUtrayati\-
\ldq{}shauchasantoShatapaHsvAdhyAyeshvarapraNidhAnAni niyamAH\rdq{} (2\.32) iti |
janmahetoH kAmyadharmAnnivartya mokShahetau niShkAmadharme niyamayanti prerayantIti niyamAH | yamaniyamayoranuShThAnavailakShaNyaM smaryate\-
\ldq{}yamAnkurvIta satataM na kuryAnniyamAnbudhaH |
yamAnpatatyakurvANo niyamAnkevalAnbhajan\rdq{} || \- (manusaMhitAyAM 4\.204) ||
\ldq{}patati niyamavAnyameShvasakto
na tu yamavAnniyamAlaso.avasIdet |
iti yamaniyamau samIkShya bud.hdhyA
yamabahuShvanusandhIta buddhim\rdq{} || iti |
yamaniyamaphalAni sUtrayati\-
(ahiMsApratiShThAyAM) \ldq{}tatsannidhau vairatyAgaH\rdq{} (yogasUtreShu 2\.35) ||
(satyapratiShThAyAM) \ldq{}kriyAphalAshrayatvam\rdq{} (yo0 sU0 \.2\.36) |
(asteyapratiShThAyAM) \ldq{}sarvaratnopasthAnam\rdq{} | (yo0 sU0 \.2\.37) ||
(brahmacharyapratiShThAyAM) \ldq{}vIryalAbhaH\rdq{} | (yo0 sU0 \.2\.38) |
(aparigrahasthairye) \ldq{}janmakathantAsambodhaH\rdq{} | (yo0 sU0 \.2\.39) || jananAdibhayAbhAvaH |
\ldq{}shauchAtsvA~NgajugupsA parairasaMsargaH | \rdq{} (yo0 sU0 \.2\.40) ||
\ldq{}sattvashuddhisaumanasyaikAgyrendriyajayAtmadarshanayogyatvAni cha\rdq{} (yo0 sU0 \.2\.41) sambhavanti |
\ldq{}santoShAdanuttamaH sukhalAbhaH\rdq{} (yo0 sU0\.2\.42) ||
\ldq{}kAyendriyasiddhirashuddhikShayAttapasaH\rdq{} (yo0 sU0 \.2\.43) ||
\ldq{}svAdhyAyAdiShTadevatAsamprayogaH\rdq{} | (yo0 sU0\.2\.44) |
\ldq{}samAdhisiddhirIshvarapraNidhAnAt\rdq{} (yo0 sU0\.2\.45) iti |
AsanaprANAyAmau vyAkhyAtau | pratyAhAraM sUtrayati \-
\ldq{}svaviShayAsamprayoge chittasvarUpAnukAra ivendriyANAM pratyAhAraH\rdq{} (yo0 sU0\.2\.54) iti |
shabdasparsharUparasagandhA viShayAH, tebhyo nivartitAH shrotrAdayashchittasvarUpamanukurvanta ivAtiShThate | shrutishcha bhavati \-
\ldq{}shabdAdiviShayAnpa~ncha manashchaivAticha~nchalam |
chintayedAtmano rashmIn pratyAhAraH sa uchyate\rdq{} || \- (amR^itanAdopaniShadi 5) ||
shabdAdayo viShayA yeShAM shrotrAdInAM te shrotrAdayaH pa~ncha; manaH ShaShThAnAmeteShAmanAtmarUpebhyaH shabdAdibhyo nivartanamAtmarashmitvena chintanam; pratyAhAraH sa ityartha | pratyAhAraphalaM sUtrayati\-
\ldq{}tataH paramA vashyatendriyANAm\rdq{} (yo0 sU0\.2\.55) iti |
dhAraNAdhyAnasamAdhInsUtraistribhiH sUtrayati\-
\ldq{}deshabandhashchittasya dhAraNA\rdq{} (yo0 sU0\.3\.1) ;
\ldq{}tatra pratyayaikatAnatA dhyAnam\rdq{} (yo0 sU0\.3\.2) ;
\ldq{}tadevArthamAtranirbhAsaM svarUpashUnyamiva samAdhiH\rdq{} (yo0 sU0\.3\.3) iti |
AdhArAdideshAH pUrvamuktAH | deshAntaraM shrUyate\-
\ldq{}manaH sa~NkalpakaM dhyAtvA sa~NkShipyAtmani buddhimAn |
dhArayitvA tathAtmAnaM dhAraNA parikIrtitA\rdq{} || \- (amR^itanAdopaniShadi 16) iti ||
\ldq{}yatsarvavastusa~NkalpakaM manaH, tadAtmAnameva sa~Nkalpayatu na tvanyat\rdq{} ityevaMvidhaH prayatna Atmani sa~NkShepaH | pratyayasyaikatAnatA tattvaikaviShayaH pravAhaH | sa cha dvividhaH vichChidya vichChidya jAyamAnaH, santatashcheti | tAvubhau krameNa dhyAnasamAdhI bhavataH | tadubhayaM sarvAnubhavayoginA darshitam\-
\ldq{}chittaikAgryAdyato j~nAnamuktaM samupajAyate |
tatsAdhanamato dhyAnaM yathAvadupadishyate\rdq{} || \- (muktikopaniShadi 2\.49) ||
\ldq{}vilApya vikR^itiM kR^itsnAM sambhavavyatyayakramAt |
parishiShTaM cha sanmAtraM chidAnandaM vichintayet\rdq{} ||  iti | \- (muktikopaniShadi 2\.50) ||
\ldq{}brahmAkAramanovR^ittipravAho.aha~NkR^itiM vinA |
sampraj~nAtasamAdhiH syAd.hdhyAnAbhyAsaprakarShajaH\rdq{} || \- (muktikopaniShadi 2\.53) iti cha ||
taM cha bhagavatpAdA udAjahruH
\ldq{}dR^ishisvarUpaM gaganopamaM paraM
sakR^idvibhAtaM tvamekamakSharam |
alepakaM sarvagataM yadadvayaM
tadeva chAhaM satataM vimukta om || \- (upadeshasAhasryAM 10\.1) ||
\ldq{}dR^ishistu shuddho.ahamavikriyAtmako
na me.asti kashchidviShayaH svabhAvataH |
purastirashchordhvamadhashcha sarvataH
sampUrNabhUmA tvaja Atmani sthitaH || \- (tatraiva 10\.2) iti ||
\ldq{}ajo.amarashchaiva tathAjaro.amR^itaH svayamprabhaH sarvagato.ahamadvayaH |
na kAraNaM kAryamatIva nirmalaH sadaikatR^iptashcha tato vimukta om\rdq{} || \- (tatraiva 10\.3) iti ||
nanu sampraj~nAtasamAdhira~NgI; sa kathaM dhyAnAnantarabhAvino.aShTamA~Ngasya samAdheH sthAna udAhriyate ?
nAyaM doShaH, atyantabhedAbhAvAt | yathA vedamadhIyAno mANavakaH pade pade skhalanpunaH punaH samAdadhAti, adhItavedastu sAvadhAno na skhalati, adhyApako niravadhAnastandrAM kurvannapi na skhalati; tathA paripAkatAratamyena dhyAnasamAdhisampraj~nAtAnAmavAntarabhedo.avagantavyaH | dhAraNAditrayaM manoviShayatvAt sampraj~nAtasamAdherantara~Ngam. yamAdipa~nchakaM tu bahira~Ngam | tadetatsUtrayati\-
\ldq{}trayamantara~NgaM pUrvebhyaH\rdq{} (yo0 sU0\.3\.7) iti |
tataH kenApi puNyenAntara~Nge prathamaM labdhe bahira~NgalAbhAya nAtiprayAsaH kartavyaH | yadyapi pata~njalinA bhautikabhUtatanmAtrendriyAha~NkArAdiviShayAH sampraj~nAtasavikalpasamAdhayo bahudhA prapa~nchitAH, tathApi teShAmantardhAnAdisiddhihetutayA muktihetusamAdhivirodhitvAnnAsmAbhistatrAdaraH kriyate | tathA cha sUtritam\-
\ldq{}te samAdhAvupasargA vyutthAne siddhayaH\rdq{} (yo0 sU0\.3\.38) iti,
\ldq{}sthAnyupanimantraNe sa~NgasmayAkaraNaM punaraniShTaprasa~NgAt\rdq{} (yo0 sU0 \.3\.52) iti cha |
sthAnino devAH | uddAlako devairAmantrito.apyavaj~nAya tAndevAnnirvikalpasamAdhimeva chakAretyupAkhyAyate | prashnottarAbhyAmapyevamevAvagamyate |
shrIrAmaH \-
\ldq{}jIvanmuktasharIrANAM kathamAtmavidAM vara |
shakto neha dR^ishyanta AkAshagamanAdikAH || \- (laghuyogavAsiShThe 28\.1) ||
vasiShThaH \-
\ldq{}anAtmavidamukto.api nabhoviharaNAdikam |
dravyamantrakriyAkAlashaktyApnotyeva rAghava\rdq{} | (tatraiva 28\.2) ||
\ldq{}nAtmaj~nasyaiSha viShaya Atmaj~no hyAtmamAtradR^ik |
AtmanAtmani santR^iptau nAvidyAmanudhAvati\rdq{} || \- (tatraiva 28\.3) ||
\ldq{}ye kechana jagadbhAvAstAnavidyAmayAnviduH |
kathaM teShu kilAtmaj~nastyaktAvidyo nimajjati || \- (tatraiva 28\.5) ||
\ldq{}dravyamantrakriyAkAlashaktayaH sAdhu siddhidAH |
paramAtmapadaprAptau nopakurvanti kAshchana || \- (tatraiva 28\.7) ||
\ldq{}sarvechChAjAlasaMshAntAvAtmalAbhodayo hi yaH |
sa kathaM siddhivA~nChAyAM magnachittena labhyate || \- (tatraiva 28\.9) ||
\ldq{}na kechana jagadbhAvAstattvaj~naM ra~njayantyamI |
nAgaraM nAgarIkAntaM kugrAmalalanA iva ||  iti | \- (la. vA \.18\.34) ||
\ldq{}api shItaruchAvarke sutIkShNe.apIndumaNDale |
apyadhaH prasaratyagnau jIvanmukto na vismayI || \- (tatraiva 27\.66) ||
\ldq{}chidAtmana imA itthaM prasphurantIha shaktayaH |
ityasyAshcharyajAleShu nAbhyudeti kutUhalam\rdq{} || \- (tatraiva 27\.67) ||
\ldq{}yastu vA bhAvitAtmApi siddhijAlAni vA~nChati |
sa siddhisAdhakairdravyaistAni sAdhayati kramAt\rdq{} ||   iti cha | \- (tatraiva 28\.6; yogavAsiShThe 89\.23) ||
AtmaviShayastu sampraj~nAtasamAdhirvAsanAkShayasya nirodhasamAdheshcha hetuH | tasmAdatrAdaraH kR^itaH |
atha pa~nchamabhUmirUpo nirodhasamAdhirnirUpyate | taM cha nirodhaM sUtrayati\-
\ldq{}vyutthAnanirodhasaMskArayorabhibhavaprAdurbhAvau nirodhakShaNachittAnvayo nirodhapariNAmaH\rdq{} \- (yo0 sU0\.3\.9) iti ||
vyutthAnasaMskArAH samAdhivirodhinaH | te choddAlakasya samAdhAvudAhR^itAH\-
\ldq{}kadAhaM tyaktamanane pade paramapAvane |
chiraM vishrAntimeShyAmi merushR^i~Nga ivAmbudaH || \- (laghuyogavAsiShThe 24\.29) ||
\ldq{}iti chintAparavasho balAduddAlako dvijaH |
punaH punastUpavishya dhyAnAbhyAsaM chakAra ha || \- (tatraiva 24\.35) ||
\ldq{}viShayairnIyamAne tu chitte markaTacha~nchale |
na sa le samAdhAne pratiShThAM prItidAyinIm || \- (tatraiva 24\.36) ||
\ldq{}kadAchidbAhyasaMsparshaparityAgAdanantaram |
tasyAgachChachchittakapirAntarasparshasa~nchayAn\rdq{} || \- (tatraiva 24\.37) ||
\ldq{}kadAchidAntarasparshAdbAhyaM viShayamAdade |
tasyoDDIya mano yAti kadAchit trastapakShivat || \- (tatraiva 24\.38) ||
\ldq{}kadAchiduditArkAbhaM tejaH pashyati vistR^itam |
kadAchitkevalaM vyoma kadAchinnibiDaM tamaH || \- (tatraiva 24\.39) ||
\ldq{}AgachChato yathAkAmaM pratibhAsAn punaH punaH |
achChinanmanasA shUraH khaDgeneva raNe ripUn\rdq{} || \- (tatraiva 24\.109) ||
\ldq{}vikalpaughe samAlUne so.apashyaddhR^idayAmbare |
tamashChannavivekArkaM lolakajjalamechakam || \- (tatraiva 24\.110) ||
tadapyutsAdayAmAsa samyagj~nAnavivasvatA |
tamasyuparate svAnte tejaHpu~njaM dadarsha saH |
tallulAva sthalAbjAnAM vanaM bAla iva dvipaH || \- (tatraiva 24\.111) ||
\ldq{}tejasyuparate tasya ghUrNamAnaM mano muneH |
nishAbjavadagAnnidrAM tAmapyAshu lulAva saH || \- (tatraiva 24\.112) ||
\ldq{}nidrAvyapagame tasya vyomasaMvitsamudyayau |
vyomasaMvidi naShTAyAM mUDhaM tasyAbhavanmanaH |
mohamapyeSha manasastaM mamArja mahAshayaH | \- (tatraiva 24\.113) ||
tatastejastamonidrAmohAdiparivarjitAm |
kAmapyavasthAmAsAdya vishashrAma manaH kShaNam\rdq{} || \- (tatraiva 24\.114) iti ||
ta ete vyutthAnasaMskArA nirodhahetunA yogiprayatnena pratidinaM pratikShaNaM chAbhibhUyante; tadvirodhinashcha nirodhasaMskArAH prAdurbhavanti | tathA sati nirodha ekaikasminkShaNe chittamanugachChati | so.ayamIdR^ishashchittasya nirodhapariNAmo bhavati |
nanu \ldq{}pratikShaNapariNAmino hi bhAvA R^ite chitishakteH\rdq{} (sA~NkhyakaumudyAM (5) ) iti nyAyena chittasya sarvadA pariNAmapravAho vaktavyaH |
bADham | tatra vyutthitachittasya vR^ittipravAhaH sphuTaH niruddhachittasya tu kathamityAsha~NkyottaraM sUtrayati \-
\ldq{}tataH prashAntavAhitA saMskArAt\rdq{} (yo0 sU0 \.3\.10) iti |
yathA samidAjyAhutiprakShepe vahniruttarottaravR^id.hdhyA prajvalati, samidAdikShaye prathamakShaNe ki~nchichChAmyati, uttarottarakShaNe shAntirvardhate | tathA niruddhachittasyottarottarAdhikaH prashamaH pravahati | tatra pUrvapUrvaprashamajanitaH saMskAra evottarottaraprashamasya kAraNam | tAmetAM prashAntavAhitAM bhagavAnvispaShTamudAjahAra \-
\ldq{}yadA viniyataM chittamAtmanyevAvatiShThate |
niHspR^ihaH sarvakAmebhyo yukta ityuchyate tadA || \- (bhagavadgItAyAM 6\.18) ||
\ldq{}yathA dIpo nivAtastho ne~Ngate sopamA smR^itA |
yogino yatachittasya yu~njato yogamAtmanaH\rdq{} || \- (tatraiva 6\.19) ||
\ldq{}yatroparamate chittaM niruddhaM yogasevayA |
yatra chaivAtmanAtmAnaM pashyannAtmani tuShyati || \- (tatraiva 6\.20) ||
\ldq{}sukhamAtyantikaM yattadbuddhigrAhyamatIndriyam |
vetti yatra na chaivAyaM sthitashchalati tatvataH || \- (tatraiva 6\.21) ||
\ldq{}yaM labdhvA chAparaM lAbhaM manyate nAdhikaM tataH |
yasminsthito na duHkhena guruNApi vichAlyate || \- (tatraiva 6\.22) ||
\ldq{}taM vidyAd duHkhasaMyogaviyogaM yogasa.nj~nitam ||
sa nishchayena yoktavyo yogo.anirviNNachetasA\rdq{} || \- (tatraiva 6\.23) iti ||
nirodhasamAdheH sAdhanaM sUtrayati \-
\ldq{}virAmapratyayAbhyAsapUrvakaH saMskArasheSho.anyaH\rdq{} (yo0 sU0 \.1\.18) iti |
virAmo vR^ittyuparamaH, tasya pratyayaH kAraNaM vR^ittyuparamArthaH puruShaprayatnaH, tasyAbhyAsaH paunaHpunyena sampAdanam, tatpUrvakastajjanyaH, anantarAtItasUtre sampraj~nAtasamAdheruktatvAt tadapekShayAnyo.asampraj~nAtaH samAdhi | tatra vR^ittirahitasya chittasvarUpasya durlakShyattvAt saMskArarUpeNa chittaM shiShyate | virAmapratyayajanyatvaM bhagavAnvispaShTamAha\-
\ldq{}sa~NkalpaprabhavAnkAmAMstyaktvA sarvAnasheShataH |
manasaivendriyagrAmaM viniyamya samantataH || \- (bhagavadgItAyAM 6\.24) ||
\ldq{}shanaiH shanairuparamedabud.hdhyA dhR^itigR^ihItayA |
AtmasaMsthaM manaH kR^itvA na ki~nchidapi chintayet || \- (tatraiva 6\.25) ||
\ldq{}yato yato nishcharati manashcha~nchalamasthiram |
tatastato niyamyaitadAtmanyeva vashaM nayet\rdq{} || \- (tatraiva 6\.26) iti ||
kAmyamAnAH srakchandanavanitAputramitragR^ihakShetrAdayo mokShashAstrakushalavivekijanaprasiddhairbahubhirdoShairupetA apyanAdyavidyAvashAt tAndoShAnAchChAdya teShu viShayeShu samyaktvaM manaH kalpayati | tasmAchcha sa~NkalpAdidaM me syAdityevaMrUpAH kAmAH prabhavanti | tathA cha smaryate\-
\ldq{}sa~NkalpamUlaH kAmo vai yaj~nAH sa~NkalpasambhavAH | \rdq{} \- (manusaMhitAyAM 2\.3) ||
\ldq{}kAma jAnAmi te mUlaM sa~NkalpAt kila jAyase |
na tvAM sa~NkalpayiShyAmi samUlastvaM vina~NkShyasi\rdq{} || \- (mahAbhArate shAntiparvaNi 171\.25) iti ||
tatra vivekena viShayadoSheShu sAkShAtkR^iteShu shunA vAnte pAyasa iva kAmAstyajyante | srakchandanAdiShviva brahmalokAdiShvaNimAdyaShTaishvaryeShu cha kAmAstyAjyA ityabhipretya sarvAnityuktam | mAsopavAsavratinA tasminmAse.anne tyakte.api kAmaH punaH punarudeti; tadvanmA bhUdityasheShata ityuktam | kAmatyAge manaHpUrvakapravR^ittyabhAve.api chakShurAdInAM rUpAdiShu yA svabhAvasiddhA pravR^ittiH sApi prayatnayuktena manasaiva niyantavyA | devatAdarshanAdiShvapyananusaraNAya samantata ityuktam | bhUmikAjayakrameNoparamasya vivakShitatvAchChanaiH shanairityuktam | tAshcha bhUmikAshchatasraH kaThavallIShu shrUyante \-
\ldq{}yachChedvA~NmanasI prAj~nastadyachChejj~nAna Atmani |
j~nAnamAtmani mahati niyachChettadyachChechChAnta Atmani\rdq{} || \- (kaTha. upa0 \.1\.3\.13) iti ||
vAgvyApAro dvividhaH \-laukiko vaidikashcha | jalpAdirUpo laukikaH, japAdirUpo vaidikaH | tatra laukikasya bahuvikShepakaratvAd vyutthAnakAle.api yogI taM parityajet |
ata eva smaryate\-
\ldq{}maunaM yogAsanaM yogastitikShaikAntashIlatA |
niHspR^ihatvaM samatvaM cha saptaitAnyekadaNDinaH\rdq{} || \- (nArada pari. upa0 \.4\.25) iti ||
japAdikaM nirodhasamAdhau parityajet | seyaM vAgbhUmiH prathamA | tAM bhUmiM prayatnamAtreNa katipayairdinairmAsairvatsarairvA dR^iDhaM vijitya pashchAddvitIyAyAM manobhUmau prayateta; anyathA bahubhUmikAprAsAdavatprathamabhUmipAtenaivoparitanayogabhUmayaH sarvA vinashyeyuH | yadyapi chakShurAdayo niroddhavyAH, tathApi teShAM vAgbhUmau manobhUmau vAntarbhAvo draShTavyaH |
nanu vAchaM manasi niyachChedityanupapannaM ; na hIndriyasyendriyAntare pravesho.asti |
maivam | praveshasyAvivakShitatvAt | nAnAvikShepakAriNorvA~Nmanasayormadhye prathamato vAgvyApAraniyamanena manovyApAramAtraparisheSha iha vivakShitaH | gomahiShAshvAdInAmiva vA~Nniyame svAbhAvike sampanne tato j~nAnAtmani mano niyachChet | AtmA trividhaH, j~nAnAtmA mahAtmA shAntAtmA cheti | jAnAtyatra sthita Atmeti j~nAtR^itvopAdhiraha~NkAro.atra j~nAnashabdena vivakShitaH, karaNasya manaso niyamyatvena pR^ithagupAttatvAt | aha~NkAro dvividhaH \- visheSharUpaH sAmAnyarUpashcheti | \ldq{}ayamahametasya putra\rdq{} ityevaM vyaktamabhimanyamAno visheSharUpaH | \ldq{}asmi\rdq{} ityetAvanmAtramabhimanyamAnaH sAmAnyarUpaH sa cha sarvavyaktiShu vyAptatvAtmahAnityuchyate | tAbhyAmaha~NkArAbhyAM dvAbhyAmupahitau dvAvAtmAnau | nirupAdhikaH shAntAtmA | tadetatsarvamantarbahirbhAvena vartate | shAnta AtmA sarvAntarashchidekarasaH. tasminnAshritaM jaDashaktirUpamavyaktaM mUlaprakR^itiH | sA cha prathamaM sAmAnyAha~NkArarUpeNa mahattattvanAmnA vyaktIbhavati | tato bahirvisheShAha~NkArarUpeNa, tato bahirmanorUpeNa tato bahirvAgAdIndriyarUpeNa | tadetadabhipretyotta\-rottaramAntaratvaM vivinakti shrutiH\-
\ldq{}indriyebhyaH parA hyarthA arthebhyashcha paraM manaH |
manasastu parA buddhirbuddherAtmA mahAnparaH ||
mahataH paramavyaktamavyaktAt puruShaH paraH |
puruShAnna paraM ki~nchitsA kAShThA sA parA gatiH\rdq{} || \- (kaTha. upa0 \.1\.3\.10, 11) iti ||
evaM satyatra nAnAvidhasa~NkalpavikalpasAdhanaM karaNarUpaM mano.aha~Nkartari niyachChet | manovyApArAnparityajyAha~NkAramAtraM sheShayet | na chaitadashakyamiti vAchyam,
\ldq{}tasyAhaM nigrahaM manye vAyoriva suduShkaram\rdq{} || (bhagavadgItAyAM 6\.34) iti vadantamarjunaM prati bhagavatottarAbhidhAnAt\-
\ldq{}asaMshayaM mahAbAho mano durnigrahaM chalam |
abhyAsena tu kaunteya vairAgyeNa cha gR^ihyate ||
asaMyatAtmanA yogo duShprApa iti me matiH |
vashyAtmanA tu yatatA shakyo.avAptumupAyataH\rdq{} || \- (bhagavadgItAyAM 6\.35, 36) iti ||
abhyAsavairAgye pata~njalisUtrodAharaNena vyAkhyAsyete | pUrvapUrvabhUmidADharyarahito.asaMyatAtmA | tatsahito vashyAtmA | upAyataH prAptiM gauDapAdAchAryAH sadR^iShTAntamAhuH\-
\ldq{}utseka udadheryadvatkushAgreNaikabindunA |
manaso nigrahastadvadbhavedaparikhedataH\rdq{} || \- (mANDUkyakArikAyAM 3\.41) iti ||
\ldq{}bahubhirna viroddhavyamekenApi balIyasA |
sa parAbhavamApnoti samudra iva TiTTibhAt\rdq{} ||
atra sampradAyavida AkhyAyikAmAchakShate\- \ldq{}kasyachitkila pakShiNo.aNDAni tIrasthAnyudadhirutse\-kenApajahAra | taM cha samudraM shoShayAmIti pravR^ittaH sa cha pakShI svamukhAgreNaikaikaM jalabinduM bahiH prakShipati sma | tadA bahubhiH pakShibhirbandhuvargervAryamANo.apyanuparataH pratyuta tAnapi sahakAriNo vavre | tAMshcha patanotpatanAbhyAM bahudhA klishyataH sarvAnavalokya kR^ipAlurnArado garuDaM samIpe preShayAmAsa | tato garuDapakShavAtena shuShyansamudro bhItastAnyaNDAnyAnIya pakShiNe dadau\rdq{} |
evamakhedena manonirodhe paramadharme pravartamAnaM yoginamIshvaro.anugR^ihNAti | akhedashcha madhye madhye tadanukUlavyApAramishraNena sampadyate, yathaudanaM bhu~njAnastattadgrAsAntare choShyalehyAdInAsvAdayati tadvat | idamevAbhipretya vasiShTha Aha\-
\ldq{}chittasya bhogairdvau bhAgau shAstreNaikaM prapUrayet |
gurushushrUShayA bhAgamavyutpannasya satkrame\rdq{} || \- (laghuyogavAsiShThe 21\.36) ||
\ldq{}ki~nchidvyutpattiyuktasya bhAgaM bhogaiH prapUrayet |
gurushushrUShayA bhAga bhAgaM shAstrArthachintayA\rdq{} || \- (tatraiva 21\.37) ||
\ldq{}vyutpattimanuyAtasya pUrayechchetaso.anvaham |
dvau bhAgau shAstravairAgyairdvau dhyAnagurupUjayA\rdq{} || \- (tatraiva 21\.38) iti ||
bhogashabdenAtra jIvanaheturbhikShATanAdivyApAro varNAshramochitavyApArashchochyate | ghaTikAmAtraM muhUrtaM vA yathAshakti yogamabhyasya tato muhUrtaM shAstrashravaNena paricharyayA vA gurUnanugamya muhUrtaM svadehamanusR^itya muhUrtaM yogashAstraM paryAlochya punarmuhUrtaM yogamabhyasyet | evaM yogaprAdhAnyena vyApArAntarANi melayaMstAni drAgabhyasya
shayanakAle taddinagatAn yogamuhUrtAn gaNayet | tataH paredyurvA parapakShe vA paramAse vA yogamuhUrtAn vardhayet | tathA chaikaikasminmuhUrta ekaikakShaNayoge.api saMvatsaramAtreNa bhUyAnyogakAlo bhavati |
na chaivaM yaugaikasharaNatve vyApArAntarANi lupyeranniti sha~NkanIyam, luptetarakR^itsnavyApArasyaiva yoge.adhikArAt | ata eva vidvatsa.nnyAso.apekShyate | tasmAttadekaniShThaH pumAnadhyetR^ivaNigAdivatkrameNa yogArUDho bhavati |
yathAdhyetA mANavakaH pAdAMshaM pAdamardharchamR^ichamR^igdvayaM vargaM cha krameNa paThandashadvAdashavarShairadhyApako bhavati, yathA cha vANijyaM kurvannekaniShkadviniShkAdikrameNa lakShapatiH koTipatirvA bhavati tathA tAbhyAM vaNigadhyetR^ibhyAM
sahaivopakramya matsaragrasta iva yu~njAnastAvatA kAlena kuto na yogamArohet ?
tasmAtpunaH punaH prApyamANAnsa~NkalpavikalpAnuddAlakavat pauruShaprayatnena parityajyAha~Nkartari j~nAnAtmani mano niyachChet | tAmetAM dvitIyabhUmikAM vijitya bAlamUkAdivannirmanastve svAbhAvike sati tato visheShAha~NkArarUpaM vispaShTaM j~nAnAtmAnamaspaShTe sAmAnyAha~NkAre mahattattve niyachChet | yathA svalpAM tandrAM prAptavato visheShAha~NkAraH svata eva sa~Nkuchati, vinaiva tandrAM tathA vismaraNe prayatamAnasyAha~NkArasa~Nkocho bhavati | seyaM lokaprasiddhayA tandrayA tArkikAbhimatanirvikalpakaj~nAnena cha samAnA mahattattvamAtraparisheShAvasthA tR^itIyA bhUmiH | asyAM chAbhyAsapATavena vashIkR^itAyAM tametaM sAmAnyAha~NkArarUpaM mahAntamAtmAnaM nirupAdhitayA shAnte chidekarasasvabhAve niyachChet |
\ldq{}mahattattvaM tiraskR^itya chinmAtraM parisheShayet\rdq{} |
atrApi pUrvoktavismR^itiprayatna eva tato.apyatishayenopAyatAmApadyate | yathA shAstrAbhyAsapravR^ittasya vyutpatteH prAkpratigranthavyAkhyAnApekShAyAmapi vyutpannasya svata evottaragranthArthaH pratibhAti, tathA samyagvashIkR^itapUrvabhUmeryogina uttarabhUmyupAyaH svata eva pratibhAti | tadAha yogabhAShyakAraH\-
\ldq{}yogena yogo j~nAtavyo yogo yogAtpravartate |
yo.apramattastu yogena sa yogI ramate chiram\rdq{} || \- (yogasUtrabhAShye 3\.6 ; saubhAgyalakShmyupaniShadi 2\.7) iti ||
nanu mahattattvashAntAtmanormadhye mahattattvopAdAnamavyaktAkhyaM tattvaM shrutyodAhR^itam | tatra to niyamanaM nAbhidhIyata iti chet\-
na; layaprasa~NgAditi brUmaH | yathA ghaTo.anupAdAne jale nirudhyamAno na lIyate , upAdAnabhUtAyAM tu mR^idi lIyate; tathA mahattattvamAtmani na lIyate, avyakte tu lIyate | na cha svarUpalayaH puruShArtha AtmadarshanAnupayogAt | \ldq{}dR^ishyate tvagryayA bud.hdhyA sUkShmayA sUkShmadarshibhiH\rdq{} iti pUrvavAkye AtmadarshanaM vidhAya sUkShmatvasiddhaye nirodhasyAbhidhAnAt, layasya pratidinaM suShuptau svataH siddhatvena prayatnavaiyarthyAchcha |
nanu dhAraNAdhyAnasamAdhibhiH sampraj~nAtasyaikAgryavR^ittirUpatvena  darshanahetutve.api  shAntAtmanyavaruddhasyA\-sampraj~nAtasamAdhimApannasya chittasya vR^ittirahitatvena suShuptivanna darshanahetutvamiti chet \-
chittasya
na, svataH siddhasya darshanasya nivArayitumashakyatvAt | ata eva shreyomArge.abhihitaM \-
\ldq{}AtmAnAtmAkAraM svabhAvato.avasthitaM sadA chittam |
AtmaikAkAratayA tiraskR^itAnAtmadR^iShTi vidadhIta\rdq{} || \ldq{}iti
yathA ghaTa utpadyamAnaH svato viyatpUrNa evotpadyate, jalataNDulAdipUraNaM tUtpanne ghaTe pashchAtpuruShaprayatnena bhavati; yathA tatra jalAdau niHsArite.api na viyanniHsArayituM shakyate, mukhapidhAne.apyantarviyadavatiShThata eva; tathA chittamutpadyamAnamAtmachaitanyapUrNamevotpadyate | utpanne chitte pashchAnmUShAniShiktadrutatAmravadghaTapaTa\-rUparasasukhaduHkhAdivR^ittirUpatvaM bhogahetudharmAdharmAdivashAdbhavati | tatra rUparasAdyanAtmAkAre nivArite.api nirnimittashchidAkAro na nivArayituM shakyate | tato nirodhasamAdhinA nirvR^ittikena saMskAramAtrasheShatayA sUkShmeNa
chidAtmamAtrAbhimukhatvAdekAgreNa chittena nirvighnamAtmA.anubhUyate | anenaivAbhiprAyeNa vArtikakAra\-sarvAnubhavayoginAvAhatuH\-
\ldq{}sukhaduHkhAdirUpatvaM dhiyo dharmAdihetutaH |
nirhetutvAtmasambodharUpatvaM vastuvR^ittitaH ||
prashAntavR^ittikaM chittaM paramAnandadIpakam |
asampraj~nAtanAmAyaM samAdhiryoginAM priyaH\rdq{} ||  iti \- (muktikopaniShadi 2\.53, 54) ||
Atmadarshanasya svataH siddhatve.apyanAtmadarshanavAraNAya nirodhAbhyAsaH | ata evoktaM \-
\ldq{}AtmasaMsthaM manaH kR^itvA na ki~nchidapi chintayet\rdq{} | (bha. gItAyAM 6\.25) iti |
yogashAstrasya chittachikitsakasamAdhimAtre pravR^ittatvAnnirodhasamAdhAvAtmadarshanaM tatra na sAkShAduktam | bha~NgyantareNa tvabhyupagamyate, \ldq{}yogashchittavR^ittinirodhaH\rdq{} (yogasUtreShu 1\.2) iti sUtrayitvA \ldq{}tadA draShTuH svarUpe.avasthAnam\rdq{} (yogasUtreShu 1\.3) iti sUtraNAt |
yadyapi nirvikAro draShTA sadA svarUpa evAvatiShThate, tathApi vR^ittiShUtpadyamAnAsu tatra chichChAyAyAM pratibimbitAyAM tadavivekAdasvastha iva draShTA bhavati | tadapyanantarasUtreNoktam\-
\ldq{}vR^ittisArUpyamitaratra\rdq{} (yogasUtreShu 1\.4) , iti |
anyatrApi sUtritam\-
\ldq{}sattvapuruShayoratyantAsa~NkIrNayoH pratyayAvisheSho bhogaH parArthatvAt\rdq{} (yogasUtreShu 3\.36) iti, \ldq{}chiterapratisa~NkramAyAstadAkArApattau svabuddhisaMvedanaM\rdq{} \ldq{}(yogasUtreShu 4\.22) iti cha |
nirodhasamAdhinA shodhite tvampadArthe sAkShAtkR^ite.api tasya brahmatvaM gocharayituM mahAvAkyena brahmavidyAnAmakaM vR^ittyantaramutpadyate; na cha shuddhatvampadArthasAkShAtkAre nirodhasamAdhireka evopAyaH ; kiM tu chijjaDavivekenApi pR^ithakkR^ite tatra sAkShAtkArasambhavAt | ata eva vasiShTha Aha\-
\ldq{}dvau kramau chittanAshasya yogo j~nAnaM cha rAghava |
yogastadvR^ittirodho hi j~nAnaM samyagavekShaNam\rdq{} || \- (laghuyogavAsiShThe 27\.72) iti ||
\ldq{}asAdhyaH kasyachidyogaH kasyachijj~nAnanishchayaH |
prakArau dvau tato devo jagAda parameshvaraH\rdq{} || \- (tatraiva 29\.60) iti cha ||
nanu viveko.api yoge paryavasyati, darshanavelAyAmAtmamAtragocharAyA ekAgravR^itteH kShaNikasampraj~nAtarUpatvAt |
bADham | tathApi sampraj~nAtAsampraj~nAtayoH svarUpataH sAdhanatashchAstyeva mahadvailakShaNyam | sphuTaH svarUpabhedaH | sAdhanaM tu sampraj~nAtasya sajAtIyatvAddhAraNAditrayamantara~Ngam, asampraj~nAtasya tvavR^ittikasya vijAtIyatvAdbahira~Ngam. tathA cha sUtraM \-
\ldq{}tadapi bahira~NgaM nirbIjasya\rdq{} (yogasUtreShu 3\.8) iti |
vijAtIyatve.api bahuvidhAnAtmavR^ittinivAraNenopakAritayA bahira~Ngatvamaviruddham | tadevopakAritvaM vishadayituM sUtrayati\-
\ldq{}shraddhAvIryasmR^itisamAdhipraj~nApUrvaka itareShAm\rdq{} (yogasUtreShu 1\.20) iti |
keShA~nchiddevAdInAM pUrvasUtre janmanaiva samAdhimuktvA manuShyAnpratyetaduchyate | mamAyaM yoga eva paramapuruShArthasAdhanamiti pratyayaH shraddhA | sA chotkarShashravaNenopajAyate | tadutkarShashcha smaryate\-
\ldq{}tapasvibhyo.adhiko yogI j~nAnibhyo.api mato.adhikaH |
karmibhyashchAdhiko yogI tasmAdyogI bhavArjuna\rdq{} | \- (bhagavadgItAyAM 6\.46) iti ||
uttamalokasAdhanatvAt kR^ichChrachAndrAyaNAditapaso jyotiShTomAdikarmaNashcha yogo.adhikaH. j~nAnaM pratyantara~NgatvAchchittavishrAntihetutayA cha j~nAnAdapyadhikaH | evaM jAnato yoge shraddhA jAyate | tasyAM cha shraddhAyAM vAsitAyAM vIryamutsAho bhavati \- sarvathA yogaM sampAdayiShyAmIti | etAdR^ishenotsAhena tadA tadAnuShTheyAni yogA~NgAni smaryante | tayA cha smR^ityA samyaganuShThitasamAdheradhyAtmaprasAde satyR^itambharA praj~nodeti |
tatpraj~nApUrvakastatpraj~nAkAraNako.asampraj~nAtasamAdhiritareShAM devAdibhyo.arvAchInAnAM manuShyANAM sidhyati | tAM cha praj~nAM sUtrayati\-
\ldq{}R^itambharA tatra praj~nA\rdq{} (yogasUtreShu 1\.48) iti |
R^itaM satyaM vastuyAthAtmyaM bibharti prakAshayatIti R^itambharA | tatra tasminsamAdhyutkarShajanye.adhyAtmaprasAde satItyarthaH | R^itambharatvopapattiM sUtrayati\-
\ldq{}shrutAnumAnapraj~nAbhyAmanyaviShayA visheShArthatvAt\rdq{} (yogasUtreShu 1\.49) iti |
sUkShmavyavahitaviprakR^iShTavastuShvayogipratyakShaM na pravartate | AgamAnumAnAbhyAM tAni vastUnyayogibhirj~nAyante | te cha shAstrAnumAnajanye praj~ne vastusAmAnyameva gocharayataH | idaM tu yogipratyakShaM vastuvisheShagocharatvAdR^itambharam | tasya cha  yogipratyakShasyAsampraj~nAtasamAdhau bahira~Ngatvasid.hdhyarthamupakAritvaM sUtrayati\-
\ldq{}tajjaH saMskAro.anyasaMskArapratibandhI\rdq{} (yogasUtreShu 1\.50) iti |
asampraj~nAtasamAdherbahira~NgasAdhanamuktvA tannirodhaprayatnasyAntara~NgasAdhanatAM sUtrayati\-
\ldq{}tasyApi nirodhe sarvanirodhAnnirbIjaH samAdhiH\rdq{} (yogasUtreShu 1\.51) iti |
so.ayaM samAdhiH suShuptisamAnaH sAkShichaitanyenAnubhavituM shakyaH | na chAsau sarvadhIvR^ittirAhityAtsuShuptireveti sha~NkanIyam, manaH svarUpasya sadasattvAbhyAM visheShAt | taduktaM gauDapAdAchAryaiH\-\-
\ldq{}nigR^ihItasya manaso nirvikalpasya dhImataH |
prachAraH sa tu vij~neyaH suShupte.anyo na tatsamaH ||
yahi suShuptau tannigR^ihItaM na lIyate |
tadeva nirbhayaM brahma j~nAnAlokaM samantataH\rdq{} || \- (mANDUkyakArikAyAM 3\.34\-35) iti,
dvaitasyAgrahaNaM tulyamubhayoH prAj~naturyayoH |
bIjanidrAyutaH prAj~naH sA cha turye na vidyate ||
svapnanidrAyutAvAdyau prAj~nastvasvapnanidrayA |
na nidrAM naiva cha svapnaM turye pashyanti nishchitAH ||
anyathA gR^ihNataH svapno nidrA tattvamajAnataH |
viparyAse tayoH kShINe turIyaM padamashrute\rdq{} || \- (mANDUkyakArikAyAM 1\.13\-15) | iti cha ||
Adyau vishvataijasau | advaitasya vastuno.anyathAgrahaNaM nAma dvaitarUpeNa pratibhAsaH | sa cha vishvataijasayorvartamAnaH svapna ityuchyate | tattvasyAj~nAnaM nidrA | sA cha vishvataijasaprAj~neShu vartate | tayoH svapnanidrayoH svarUpabhUtayorviparyAso mithyAj~nAnam | tasmin vidyayA kShINe sati turIyaM padamadvaitaM vastvashnute.anubhavatItyarthaH |
nanvastvevamasampraj~nAtasamAdhisuShuptyormahAnbhedaH, tatra tattvadidR^ikShordarshanasAdhanatvena samAdhyapekShAyAmapi dR^iShTatattvasya jIvanmuktaye nAsti tadapekShA, rAgadveShAdikleshabandhasya suShuptyApi nivR^itteH |
maivam | kiM pratidinaM svataH prAptA kAdAchitkI suShuptirbandhanivartikA, kiM vAbhyAsena nirantaravartinI ? Adye.api kiM suShuptikAlInasya kleshabandhasya nivR^ittiH, kiM vA kAlAntaravartinaH ?
nAdyaH, aprasakteH | na hi mUDhAnAmapi suShuptau kleshabandhaH, anyathAyAsaH prasajyeta | nadvitIyaH, asambhavAt | na hyanyakAlInayA suShuptyA kAlAntaravartinaH kleshasya kShayaH sambhavati; anyathA mU.DhAnAmapi jAgaraNasvapnayoH kleshasya kShayaH prasajyeta | nApi suShuptau nairantaryamabhyasituM shakyam, tasyAH karmakShayanimittatvAt | tasmAttattvavido.api kleshakShayAyAstyevAsampraj~nAtasamAdhyapekShA |
tasya cha samAdhergavAshvAdiShviva vA~NnirodhaH prathamA bhUmiH | bAlamUDhAdiShviva nirmanastvaM dvitIyA | tandrAyAmivAha~NkArarAhityaM tR^itIyA | suShuptAviva mahattattvarAhityaM chaturthI | tadetadbhUmichatuShTayamabhipretya \ldq{}shanaiH shanairuparamet\rdq{} ityuktam |
atra choparame dhR^itigR^ihItA buddhiH sAdhanam | mahadaha~NkAramanovAgAdInAM svata eva tIvravegeNa bahiH pravahatAM kUla~NkaShAyA nadyA iva nirodhe dhairyaM mahadapekShitam | buddhirvivekaH | pUrvA bhUmirjitA vA na veti parikShya jitAyAmuttarabhUmyupakramaH, ajitAyAM tu saiva punarabhyasanIyeti tadA tadA vivichyAt (vivi~nchayAt iti vA
pAThaH) | \ldq{}AtmasaMsthaM \-\rdq{} (bhagavadgItAyAM 6\.25) ityAdinA sArdhashlokena chaturthabhUmyabhyAso.api smR^itaH | gauDapAdAchAryA AhuH\-
\ldq{}upAyena nigR^ihNIyAdvikShiptaM kAmabhogayoH |
suprasannaM laye chaiva yathA kAmo layastathA || 42||
duHkhaM sarvamanusmR^itya kAmabhogAnnivartayet |
ajaM sarvamanusmR^itya jAtaM naiva tu pashyati || 43||
laye sambodhayechchittaM vikShiptaM shamayetpunaH |
sakaShAyaM vijAnIyAtsamaprAptaM na chAlayet\rdq{} || 44|| \- (mANDUkyakArikAyAM 3\.42\-44) ||
\ldq{}nAsvAdayetsukhaM tatra niHsa~NgaH praj~nayA bhavet |
nishchalaM nishcharachchittamekIkuryAtprayatnataH || 45||
\ldq{}yadA na lIyate chittaM na cha vikShipyate punaH |
ani~NganamanAbhAsaM niShpannaM brahma tattadA\rdq{} || 46|| \- (mANDUkyakArikAyAM 3\.45\-46) iti ||
layavikShepakaShAyasamaprAptayashchatasrashchittasyAvasthAH | tatra nirudhyamAnaM chittaM viShayebhyo vyAvR^ittaM  satpUrvA\-bhyAsavashAdyadi layAya suShuptaye.abhimukhaM bhavet, tadAnImutthApanaprayatnena layakAraNanivAraNena vA tachchittaM samyakprabodhayet | layahetavo nidrAsheShAjIrNabahnashanashramAH | ata evAhuH \-
\ldq{}samApayya nidrAM sujIrNAlpabhojI
shramatyAgyabAdhe vivikte pradeshe |
sadAsIta nistR^iShNa evAprayatno\-
.atha vA prANarodhI nijAbhyAsamArgAt\rdq{} || \- (saubhAgyalakShmyupaniShadi 2\.2) iti ||
layAdutthApitaM chittaM dainandinaprabodhAbhyAsavashAdyadi kAmabhogayorvikShipyeta, tadA vivekijanaprasiddhabhogyavastugatasarvaduHkhAnusmaraNena shAstraprasiddhajanmAdirahitAdvitIyabrahmatattvAnusmaraNa\-pUrvakeNa bhogyavastudarshanena cha punaH punarvikShepAchchittaM shamayet |
kaShAyastIvrashchittadoShaH | tIvrarAgadveShAdivAsanayA grastaM chittaM kadAchit samAhitamiva layavikSheparahitaM duHkhaikAgramavatiShThate; tAdR^ishaM tachchittaM vijAnIyAt, samAhitachittAdvivekenAvagachChet | asamAhitametadityavagamya layavikShepavatkaShAyasya pratIkAraM kuryAt | samashabdena brahmAbhidhIyate |
\ldq{}samaM sarveShu bhUteShu tiShThantaM parameshvaram\rdq{} | (bhagavadgItAyAM 13\.28) iti smR^iteH |
layavikShepakaShAyeShu parihR^iteShu parisheShAchchittena samaM brahma prApyate | tachcha samaprAptaM chittaM layakaShAyabhrAntyA na chAlayet | sUkShmayA bud.hdhyA layakaShAyaprAptI vivichya tasyAM samaprAptAvatiprayatnena chiraM sthApayet | sthApite tasmin brahmasvarUpabhUtaH paramAnandaH samyagAvirbhavati | tathA chodAhR^itaM \-
\ldq{}sukhamAtyantikaM yattad buddhigrAhyamatIndriyam | \rdq{} \- (bhagavadgItAyAM 6\.21) iti ||
shrutishcha bhavati
\ldq{}samAdhinirdhUtamalasya chetaso
niveshitasyAtmani yatsukhaM bhavet |
na shakyate varNayituM girA tadA
svayaM tadantaHkaraNena gR^ihyate\rdq{} || \- (maitrAyaNyupaniShadi 4\.9) iti ||
nanu samAdhyAvibhUrtasya brahmAnandasya buddhigrAhyatvaM shrutismR^itibhyAmabhihitam; AchAryaistu \- \ldq{}nAsvAdayetsukhaM tatra\rdq{} (mANDUkyakArikAyAM 3\.45) iti buddhigrAhyatvaM pratiShidhyata iti chet |
nAyaM doShaH | tatra nirodhasukhaM buddhigrAhyaM na pratiShidhyate, kiM tu samAdhivirodhino vyutthAnarUpasya parAmarshasyaiva pratiShedhAt |
yathA nidAghadivaseShu madhyAhne jAhnavIhR^idanimagnenAnubhUyamAnamapi shaityasukhaM tadA vaktumashakyaM pashchAdunmagnenAbhidhIyate; yathA vA suShuptAvavidyAvR^ittibhirati\-sUkShmAbhiranubhUyamAnamapi svarUpamukhaM tadAnIM savikalpakenAntaH karaNavR^ittij~nAnena grahItumashakyam, prabodhakAle tu smR^ityA vispaShTaM parAmR^ishyate; tathA samAdhau vR^ittirahitena saMskAramAtrasheShatayA sUkShmeNa vA chittena sukhAnubhavaH shrutismR^ityorvivakShitaH |
\ldq{}mahadidaM samAdhisukhamanvabhUvam\rdq{} (mANDUkyakArikAyAM 3\.45) ityetAdR^isho vyutthitasya savikalpakaH parAmarsho.atrAsvAdanaM ; tadevAchAryaiH pratiShidhyate | tameva svAbhiprAyaM prakaTayituM \ldq{}niHsa~NgaH praj~nayA bhavet\rdq{} ityuktaM (mANDUkyakArikAyAM 3\.45) .
prakR^iShTaM savikalpakaM j~nAnaM praj~nA; tayA saha sa~NgaM parityajet | yadvA pUrvoktA dhR^itigR^ihItA buddhiH praj~nA; tadAtmakena sAdhanena sukhAsvAdanatadvarNanAdirUpAmAsaktiM varjayet | samAdhau brahmAnande nimagnaM chittaM yadi kadAchitsukhAsvAdanAya vA shItavAtamashakAdyupadraveNa vA nishcharet tadA nishcharattachchittaM punaH punarnishchalaM yathA
bhavati tathA parabrahmaNA sahaikIkuryAt | tatra cha nirodhaprayatna eva sAdhanam | ekIbhAva eva \ldq{}yadA na lIyate chittam\rdq{} (mANDUkyakArikAyAM 3\.46) ityanena shlokena spaShTIkriyate | \ldq{}ani~NganamanAbhAsam\rdq{} (mANDUkyakArikAyAM 3\.46) ityAbhyAM padAbhyAM kaShAyasukhAsvAdau dvau cha pratiShidhyete | layavikShepakaShAyasukhAsvAdebhyo vinirmuktaM chittamavichChedena brahmaNyavasthitaM bhavati | etadevAbhipretya kaThavallIShu paThyate\-
\ldq{}yadA pa~nchAvatiShThante j~nAnAni manasA saha |
buddhishcha na vicheShTate tAmAhuH paramAM gatim ||
tAM yogamiti manyante sthirAmindriyadhAraNAm |
apramattastadA bhavati yogo hi prabhavApyayau | \rdq{} \- (kaThopaniShadi 2\.3\.10, 11) iti ||
upekShito yoga indriyavR^ittInAM prabhavaM karoti | anuShThitastu tAsAM layahetuH | ata eva yogasya svarUpalakShaNaM sUtrayati\-
\ldq{}yogashchittavR^ittinirodhaH\rdq{} (yogasUtreShu 1\.2) iti |
vR^ittInAmAnantyAnnirodho.ashakya iti sha~NkAM vArayitumiyattAM sUtrayati \-
\ldq{}vR^ittayaH pa~nchatayyaH kliShTA akliShTAH\rdq{} (yogasUtreShu 1\.5) iti |
rAgadveShAdiklesharUpA AsuravR^ittayaH kliShTAH | rAgAdirahitA daivavR^ittayo.akliShTAH | yadyapi pa~nchasveva kliShTAnAmakliShTAnAM chAntarbhAvaH, tathApi kliShTA eva niroddhavyA iti mandabuddhiM vArayituM tAbhiH sahAkliShTA apyudAhR^itAH | nAmadheyalakShaNAbhyAM tA vR^ittIrvishadayituM sUtraShaTkamAha\-
\ldq{}pramANaviparyayavikalpanidrAsmR^itayaH\rdq{} (yogasUtreShu 1\.6) ;
\ldq{}pratyakShAnumAnAgamAH pramANAni\rdq{} (yogasUtreShu 1\.7) ;
\ldq{}viparyayo mithyAj~nAnamatadrUpapratiShTham\rdq{} (yogasUtreShu 1\.8) ;
\ldq{}shabdaj~nAnAnupAtI vastushUnyo vikalpaH\rdq{} (yogasUtreShu 1\.9) ;
\ldq{}abhAvapratyayAlambanA vR^ittirnidrA\rdq{} (yogasUtreShu 1\.10) ;
\ldq{}anUbhUtaviShayAsampramoShaH smR^itiH\rdq{} (yogasUtreShu 1\.11) iti |
vastvabhAvaH pratIyate yasmiMstamasyAvarake sati tattamo.abhAvapratyayaH | tamoguNaM viShayIkurvatI vR^ittirnidretyuchyate | anubhUtaviShayasyAsampramoShastadanubhavajanyamanusandhAnam | pa~nchavidhavR^ittinirodhasAdhanaM sUtrayati\-
\ldq{}abhyAsavairAgyAbhyAM tannirodhaH\rdq{} (yogasUtreShu 1\.12) iti |
yathA tIvravegopetaM nadIpravAhaM setubandhanena nivArya kulyApraNayanena kShetrAbhimukhaM tiryakpravAhAntaramutpAdyate, tathA vairAgyeNa chittanadyA viShayapravAhaM nivArya samAdhyabhyAsena prashAntaH pravAhaH sampAdyate | mantrajapadevatAdhyAnAdInAM kriyArUpatvenAvR^ittilakShaNo.abhyAsaH sambhAvyate | sarvavyApAroparamarUpasya samAdheH sAdhakaH ko nAmAbhyAsa iti sha~NkAM vArayituM sUtrayati\-
\ldq{}tatra sthitau yatno.abhyAsaH\rdq{} (yogasUtreShu 1\.13) iti |
sthitirnaishchalyaM nirodhaH | yatno mAnasa utsAhaH | svata eva bahiShpravAhashIlaM chittaM sarvathA nirodhayiShyAmItyevaMvidha utsAha AvartyamAno.abhyAsa ityuchyate | ayamabhyAsa idAnIM pravR^ittaH svayamadR^iDhaH sannanAdipravR^ittA vyutthAnavAsanAH kathamabhibhavedityAsha~NkAmapavadituM sUtrayati\-
\ldq{}sa tu dIrghakAlanairantaryasatkArAsevito dR^iDhabhUmiH\rdq{} (yogasUtreShu 1\.14) iti |
lokA hi mUDhasya vachanamudAharanti \ldq{}vidyamAnAshchatvAra eva vedAH, tAnadhyetuM gatasya mANavakasya pa~nchadivasA atItAH, adyApyasau nAgataH\rdq{} iti | tAdR^isha evAyaM yogI tadA syAd yadA divasairvA mAsairvA yogasiddhiM vA~nChet | tasmAt saMvatsarairjanmabhirvA dIrghakAlaM yoga AsevitavyaH | tathA cha smaryate\-
\ldq{}anekajanmasaMsiddhastato yAti parAM gatim\rdq{} || \- (bhagavadgItAyAM 6\.45) iti ||
chiramAsevyamAno.api yadi vichChidya vichChidya sevyeta, tarhyatpadyamAnAnAM yogasaMskArANAM samanantarabhAvibhirvichChedakAribhirvyutthAnakAlInaiH saMskArairabhibhave sati khaNDanakAroktanyAya Apatet \- \ldq{}agre dhAvanpashchAllupyamAno vismaraNashIlashrutavatkimAlambeta\rdq{} iti | tasmAnnirantaramAsevitavyaH | satkAra AdaraH | anAdareNa sevyamAne vasiShThoktanyAya Apatet\-
\ldq{}akartR^ikurvadapyetachchetashchetkShINavAsanam |
dUraM gatamanA jantuH kathAshravaNe yathA\rdq{} ||  iti | \- (laghuyogavAsiShThe 5\.7\.13) iti ||
anAdaro layavikShepakaShAyasukhAsvAdAnAmaparihAraH | tasmAdAdareNa sevitavyaH | dIrghakAlAditraividhyena sevitasya samAdherdR^iDhabhUmitvaM nAma viShayasukhavAsanayA duHkhavAsanayA vA chAlayitumashakyatvam | tachcha bhagavatA darshitam\-
\ldq{}yaM labdhvA chAparaM lAbhaM manyate nAdhikaM tataH |
yasminsthito na duHkhena guruNApi vichAlyate\rdq{} || \- (bhagavadgItAyAM 6\.22) iti ||
aparalAbhasyAnAdhikaM kachavR^ittAttena vasiShTha udAjahAra \-
\ldq{}kachaH kadAchidutthAya samAdheH prItamAnasaH |
ekAnte samuvAchedamevaM gadgadayA girA || 37||
kiM karomi kva gachChAmi kiM gR^ihNAmi tyajAmi kim |
AtmanA pUritaM vishvaM mahAkalpAmbunA yathA || 38||
sabAhyAbhyantare dehe hyadha UrdhvaM cha dikShu cha |
ita AtmA tathehAtmA nAstyanAtmamayaM kvachit || 39||
na tadasti na yatrAhaM na tadasti na yanmayi |
kimanyadabhivA~nChAmi sarvaM saMvinmayaM tatam || 40|| \- (laghuyogavAsiShThe 18\.37\-40) ||
\ldq{}sphArabrahmAmalAmbhodheH phenAH sarve kulAchalAH |
chidAdityamahAtejomR^igatR^iShNA jagachChriyaH\rdq{} || \- (tatraiva 18\.35) iti ||
guruduHkhenApyavichAlyatvaM shikhidhvajasya vatsaratrayasamAdhivR^ittAntenodAjahAra\-
\ldq{}nirvikalpasamAdhisthaM tatrApashyanmahIpatim |
rAjAnaM tAvadetasmAt bodhayAmi parAtpadAt || 122||
iti sa~nchintya chUDAlA siMhanAdaM chakAra sA |
bhUyo bhUyaH prabhoragre vanecharabhayapradam || 123||
na chachAla tadA rAma yadA nAdena tena saH |
bhUyo bhUyaH kR^itenApi tadA sA taM vyachAlayat || 124||
chAlitaH pAtito.apyeSha tadA no bubudhe budhaH\rdq{} || 125|| iti | \- (laghuyogavAsiShThe 37\.122\-125) ||
prahlAdavR^ittAntenApyetadevodAjahAra\-
\ldq{}iti sa~nchintayanneva prahlAdaH paravIrahA |
nirvikalpaparAnandasamAdhiM samupAyayau || (tatraiva 22\.92) |
nirvikalpasamAdhisthashchitrArpita ivAbabhau |
pa~ncha varShasahasrANi pInA~Ngo.atiShThadekadR^ik || (tatraiva 22\.93)
mahAtman samprabudhyasvetyevaM viShNurudAharat |
pA~nchajanyaM pradadhmau cha dhvanayan kakubhAM gaNam || (tatraiva 22\.106)
mahatA tena shabdena vaiShNavaprANajanmanA |
babhUva samprabuddhAtmA dAnaveshaH shanaiH shanaiH\rdq{} || (tatraiva 22\.107) iti |
evaM vItahavyAdInAmapi samAdhirudAharaNIyaH | vairAgyaM dvividham, aparaM paraM cheti | yatamAnavyatirekai\- kendriyavashIkArabhedairaparaM chaturvidham | tatrAdyaM trayamarthAtsUtrayansAkShAchchaturthaM sUtrayati\-
\ldq{}dR^iShTAnushravikaviShayavitR^iShNasya vashIkArasa.nj~nA vairAgyam\rdq{} (yogasUtreShu 1\.15) iti |
srakchandanavanitAputramitrakShetradhanAdayo dR^iShTAH | vedoktAH svargAdaya AnushruvikAH | tatrobhayatra satyAmapi tR^iShNAyAM vivekatAratamyena yatamAnAdivairAgyatrayaM bhavati |
asmi~njagati kiM sAraM kimasAramiti gurushAstrAbhyAM j~nAsyAmItyudyogo yatamAnatvaM (1) ,
svachitte pUrvaM vidyamAnAnAM doShANAM madhye.abhyasyamAnena vivekenaitAvantaH pakvA etAvanto.avashiShTa iti vivechanaM vyatirekaH (2) ,
dR^iShTAnushravikaviShayapravR^itterduHkhAtmatvabodhena tAM pravR^ittiM parityajya manasashchautsukyamAtreNa vitR^iShNAvasthAna\-mekendriyatvaM (3) ,
vitR^iShNatvaM vashIkAraH (4) ,
tadidamaparaM vairAgyamaShTA~Ngayogapravartakatvena sampraj~nAtasyAntara~Ngam, asampraj~nAtasya tu bahira~Ngam | tatrAntara~NgaM paraM vairAgyaM sUtrayati\-
\ldq{}tatparaM puruShakhyAterguNavaitR^iShNyam\rdq{} (1\.16) iti |
sampraj~nAtasamAdhipATavena guNatrayAtmakAtpradhAnAdviraktasya puruShasya khyAtiH sAkShAtkAra utpadyate | tasmAchcha sAkShAtkArAdasheShaguNatrayavyavahAre yadvaitR^iShNyaM tatparaM vairAgyam |
tasya tAratamyena samAdheH shIghratvatAratamyaM sUtrayati \- \ldq{}tIvrasaMvegAnAmAsannaH\rdq{}  (yogasUtreShu 1\.20) samAdhilAbhaH iti |
saMvego vairAgyam | tadbhedAdyoginastrividhAH \- mR^idusaMvegA madhyasaMvegAstIvrasaMvegAshcheti | Asanno.alpenaiva kAlena samAdhirlabhyata ityarthaH | tIvrasaMvegeShveva samAdhitAratamyaM sUtrayati \-
\ldq{}mR^idumadhyAdhimAtratvAttato.api visheShaH\rdq{} (yogasUtreShu 1\.21) iti |
mR^idutIvro madhyatIvro.adhimAtratIvra iti | teShvapyuttarottarasya tvarayA siddhirdraShTavyA | uttamottamA janakaprahlAdAdayo.adhimAtratIvrAH, muhUrtamAtravichAreNa dR^iDhasamAdhilAbhAt | adhamAdhamA uddAlakAdayo mR^idusaMvegAH, chiraprayAsena tallAbhAt | evamanye.api yathAyogamunneyAH |
tadevamadhimAtratIvrasya dR^i.DhabhUmAvasampraj~nAtasamAdhau labdhe sati punarvyutthAtumashaktaM sanmano nashyati | manonAshena cha vAsanAkShaye rakShite sati jIvanmuktiH supratiShThitA bhavati | na cha manonAshena videhamuktireva na tu jIvanmuktiriti sha~NkanIyam, prashnottarAbhyAM tannirNayAt |
shrIrAmaH \-
\ldq{}vivekAbhyudayAchchittasvarUpe.antarhite mune |
maitryAdayo guNAH kutra jAyante yoginAM vada\rdq{} || \- (laghuyogavAsiShThe 28\.15) ||
vasiShThaH \-
\ldq{}dvividhashchittanAsho.asti sarUpo.arUpa eva cha |
jIvanmuktau sarUpaH syAdarUpo.adehamuktigaH\rdq{} || \- (tatraiva 28\.16) ||
\ldq{}prAkR^itaM guNasambhAraM mameti bahu manyate |
sukhaduHkhAdyavaShTabhya vidyamAnaM mano viduH\rdq{} || \- (tatraiva 28\.18) ||
\ldq{}chetasaH kathitA sattA mayA raghukulodvaha |
asya nAshamidAnIM tvaM shR^iNu prashnavidAM vara | \- (tatraiva 28\.20) ||
\ldq{}sukhaduHkhadashA dhIraM sAmyAnna proddharanti yam |
niHshvAsA iva shailendraM tasya chittaM mR^itaM viduH\rdq{} || \- (tatraiva 28\.21) ||
\ldq{}ApatkArpaNyamutsAho mado mAndyaM mahotsavaH |
yaM nayanti na vairUpyaM tasya naShTaM mano viduH\rdq{} || \- (tatraiva 28\.22) ||
\ldq{}chittamAshAnidhAnaM hi yadA nashyati rAghava |
maitryAdibhirguNairyuktaM tadA sattvamudetyalam | \- (tatraiva 28\.23) ||
\ldq{}bhUyojanmavinirmuktaM jIvanmuktasya tanmanaH |
sarUpo.asau manonAsho jIvanmuktasya vidyate || \- (tatraiva 28\.24 \-25) ||
\ldq{}arUpastu manonAsho yo mayokto raghUdvaha |
videhamuktAvevAsau vidyate niShkalAtmakaH || \- (tatraiva 28\.26) ||
\ldq{}samagrAgryaguNAdhAramapi?? sattvaM pralIyate |
videhamuktAvale pade paramapAvane || \- (tatraiva 28\.27) ||
\ldq{}saMshAntaduHkhamajaDAtmakamekarUpa\-
mAnandamantharamapetarajastamo yat |
AkAshakoshatanavo.atanavo mahAnta\-
stasminpade galitachittalavA vasanti\rdq{} || \- (tatraiva 28\.32) iti ||
\ldq{}jIvanmuktA na muhyanti sukhaduHkharasasthitau |
prAkR^itenArthakAreNa ki~nchitkurvanti vA na vA\rdq{} | \- (tatraiva 13\.26) ||
tasmAtsarUpo manonAsho jIvanmuktisAdhanamiti sthitam ||
iti shrImadvidyAraNyapraNIte jIvanmuktiviveke manonAshanirUpaNaM nAma tR^itIyaM prakaraNam || 3||
\section{4\. jIvanmuktisvarUpasidviprayojananirUpaNaM nAma chaturthaM prakaraNam}
keyaM jIvanmuktiH, kiM vA tatra pramANam, kathaM vA tatsiddhiH, ityetasya prashnatrayasyottaraM nirUpitam | sid.hdhyA vA kiM prayojanamityasya chaturthaprashnasyottaramidAnImabhidhIyate\- j~nAnarakShAtapovisaMvAdAbhAvaduHkhanAsha\-sukhAvirbhAvAH santi pa~ncha prayojanAni |
nanu pramANotpannasya tattvaj~nAnasya ko nAma bAdhaprasa~Ngo yena rakShA apekShyata iti cheduchyate \-chittavishrAntyabhAve saMshayaviparyayau prasajyeyAtAm | tathA hi \- tattvavido rAghavasya vishrAnteH pUrvaM saMshayaM vishvAmitra udAjahAra \-
\ldq{}na rAghava tavAstyanyajj~neyaM j~nAnavatAM vara |
svayaiva sUkShmayA bud.hdhyA sarvaM vij~nAtavAnasi ||
bhagavadvyAsaputrasya shukasyeva matistava |
vishrAntimAtramevAtra j~nAtaj~neyApyapekShate\rdq{} || \- (laghuyogavAsiShTe 3\.17, 18) ||
shukastu svayamevAdau tattvaM viditvA tatra saMshayAnaH pitaraM pR^iShTvA pitrApi tathaivAnushiShTastatrApi saMshayAno janakamupasadya tenApi tathaivAnushiShTastaM pratyevamuvAcha,
shrIshukaH \-
\ldq{}svayameva mayA pUrvametajj~nAtaM vivekataH |
etadeva hi pR^iShTena pitrA me samudAhR^itam || 43||
bhavatApyeSha evArthaH kathito vAgvidAM vara |
eSha eva cha vAkyArthaH shAstreShu paridR^ishyate || 44||
yathAyaM svavikalpotthaH svavikalpaparikShayAt |
kShIyate dagdhasaMsAro niHsAra iti nishchayaH || 45||
tatkimetanmahAbAho satyaM brUhi mamAchalam |
tvatto vishrAntimApnomi chetasA bhrAmitaM jagat || 46|| \- (tatraiva 3\.43\-46)
janakaH \-
\ldq{}nAtaH parataraH kashchinishchayo.astyaparo mune |
svayameva tvayA j~nAtaM gurutashcha punaH shrutam || 47||
avyuchChinnashchidAtmaikaH pumAnastIha netaraH |
svasa~NkalpavashAdbaddho niHsa~Nkalpastu muchyate || 48||
mune tvayA sphuTaM j~nAtaM j~neyaM svasya mahAtmanaH |
bhogebhyo viratirjAtA dR^ishyAdvA sakalAdiha || 49||
prAptaM prAptavyamakhilaM bhavatA pUrNachetasA |
na dR^ishye yatase brahman muktastvaM bhrAntimutsR^ija || 50||
anushiShTaH sa ityevaM janakena mahAtmanA |
vishashrAma shukastUShNIM svasthe paramavastuni || 51||
vItashokabhayAyAsa nirIhashChinnasaMshayaH |
jagAma shikharaM meroH samAdhyarthamaninditam || 52||
tatra varShasahasrANi nirvikalpasamAdhinA |
dasha sthitvA shashAmAsAvAtmanyasnehadIpavat\rdq{} || 53|| \- (tatraiva 3\.47\-53) iti ||
tasmAdvidite.api tattve vishrAntirahitasya shukarAghavayoriva saMshaya utpadyate | sa chAj~nAnamiva mokShasya pratibandhakaH | ata eva bhagavatoktam\-
\ldq{}aj~nashchAshraddadhAnashcha saMshayAtmA vinashyati |
nAyaM loko.asti na paro na sukhaM saMshayAtmanaH\rdq{} || \- (bhagavadgItAyAM 4\.40) iti ||
ashraddhA viparyayaH | sa chottaratrodAhariShyate | aj~nAnaviparyayau mokShamAtravirodhinau; saMshayastu bhogamokShayorubhayorapi virodhI, tasya parasparaviruddhakoTidvayAvalambitvAt | yadA saMsArasukhAya pravR^ittistadA mokShamArge buddhistAM niruNaddhi | yadA cha mokShamArge pravR^ittistadA saMsArabuddhistAM pratibadhnAti | tasmAt saMshayAtmano na ki~nchitsukhamastIti mumukShuNA sarvathA saMshayashChettavyaH | ata eva shrUyate\- \ldq{}Chidyante sarvasaMshayAH\rdq{} (muNDakopaniShadi 2\.2\.8) iti |
viparyayasyApi nidAgha udAharaNam | R^ibhuH paramakaruNayA nidAghasya gR^ihametya bahudhA taM bodhayitvA nirjagAma | buddhe.api tadupadiShTe vastunyashraddadhAno nidAghaH karmANyeva paramapuruShArthaheturiti viparyayaM prApya karmAnuShThAne yathApUrvaM pravR^ittaH | so.api shiShyasya paramapuruShArthabhraMsho mA bhUditi kR^ipayA guruH punarAgatya bodhayAmAsa | tadApi viparyayaM  na jahau | tR^itIyena tu bodhanena viparyayaM parityajya vishrAntimalabhata | saMshayaviparyayAbhyAma\-sambhAvanAviparItabhAvanArUpAbhyAM tattvaj~nAnasya phalaM pratibadhyate |
taduktaM parAshareNa\-
\ldq{}maNimantrauShadhairvahniH sudIpto.api yathendhanam |
pradagdhuM naiva shaktaH syAt pratibaddhastathaiva cha ||
j~nAnAgnirapi sa~njAtaH pradIptaH sudR^iDho.api cha |
pradagdhuM naiva shaktaH syAt pratibaddhastu kalmaSham\rdq{} || \- (parAsharopapurANe 14\.4) ||
\ldq{}bhAvanA viparItA yA yA chAsambhAvanA shuka |
pratibandhaM sA tattvaj~nAnasya nAparam\rdq{} || \- (tatraiva 14\.5) iti | 282
tasmAdavishrAntachittasya saMshayaviparyayaprasa~Ngena tattvaj~nAnasya phalapratibandhalakShaNAdbAdhAdrakShApekShyate | vishrAntachittasya tu manonAshena yadA jagadeva pravilIyate tadA saMshayaviparyayayoH kaH prasa~NgaH ?
jagatpratibhAsarahitasya brahmavido dehavyavahAro.api vinaiva svaprayatnaM parameshvarapreritena prANavAyunA niShpAdyate | ata eva ChandogA Amananti  \- \ldq{}nopajanaM smarannidaM sharIraM sa yathA prayogya AcharaNe yukta evamevAyamasmi~nsharIre prANo yuktaH\rdq{} (ChAndogyopaniShadi 8\.12\.3) iti |
upajanaM janAnAM samIpe vartamAnamidaM sharIraM na smaranbrahmavidvartate | pArshvasthA janA eva tattvavidaH sharIraM pashyanti | svayaM tu nirmanaskatvAnmadIyamidaM sharIramiti na smarati | prayogyo rathashakaTAdivahane prayoktumarhaH shikShito.ashvabalIvardAdiH; sa yathA sArathinA mArgasyAcharaNe preritaH punaH punaH sArathiprayatnamanapekShya svayameva
rathashakaTAdikaM purovartigrAmaM nayati, evamevAyaM prANavAyuH parameshvareNAsmi~nsharIre niyuktaH satyasati vA jIvaprayatne vyavahAraM nirvAhayati | bhAgavate.api smaryate \-
\ldq{}dehaM vinashvaramavasthitamutthitaM vA
siddho na pashyati yato.adhyagamatsvarUpam |
daivAdupetamatha daivavashAdapetaM
vAso yathA parikR^itaM madirAmadAndhaH\rdq{} || \- (bhAga0 11\.13\.36) ||
vasiShTho.apyAha\-
\ldq{}pArshvasthabodhitAH santaH pUrvAchAra kramAgatam |
AchAramAcharantyeva suptabuddhavadakShatAH\rdq{} \- (laghuyogavAsiShThe 13\.127) iti ||
siddho na pashyatyAchAramAcharatItyubhayoH parasparavirodha iti chenna | vishrAntitAratamyena vyavasthopapatteH | tadeva tAratamyamabhipretya shrUyate \- \ldq{}AtmakrIDa AtmaratiH kriyAvAneSha brahmavidAM variShThaH\rdq{} (muNDakopaniShadi 3\.1\.4) iti |
atra chatvAraH pratIyante \- brahmavitprathamaH, brahmavidvaro dvitIyaH, brahmavidvarIyAM tR^itIyo brahmavidvariShThashchaturthaH | ta ete saptasu yogabhUmiShu chaturthI yogabhUmimArabhya krameNa bhUmichatuShTayaM prAptA ityavagantavyam | bhUmayashcha vasiShThena darshitAH\-
\ldq{}j~nAnabhUmiH shubhechChAkhyA prathamA samudAhR^itA |
vichAraNA dvitIyA syAt tR^itIyA tanumAnasA ||
sattvApattishchaturthI syAttatto.asaMsaktinAmikA |
padArthAbhAvinI ShaShThI saptamI turyagA smR^itA\rdq{} || \- (tatraiva 13\.113, 114) iti ||
\ldq{}sthitaH kiM mUDha evAsmi prekShe.ahaM shAstrasajjanaiH |
vairAgyapUrvamichCheti shubhechChetyuchyate budhaiH || \- (tatraiva 13\.116) ||
\ldq{}shAstrasajjanasamparkavairAgyAbhyAsapUrvakam |
sadvichArapravR^ittiryA prochyate sA vichAraNA || \- (tatraiva 13\.117) ||
\ldq{}vichAraNAshubhechChAbhyAmindriyArtheShvasaktatA |
yatra sA tanutAmeti prochyate tanumAnasA || \- (tatraiva 13\.118) ||
\ldq{}bhUmikAtritayAbhyAsAchchitte.arthaviratervashAt |
sattvAtmani sthitiH shuddhe sattvApattirudAhR^itA || \- (tatraiva 13\.119)
\ldq{}dashAchatuShTayAbhyAsAdasaMsargaphalA tu yA |
rUDhasattvachamatkArA proktAsaMsaktinAmikA || \- (tatraiva 13\.120) ||
\ldq{}bhUmikApa~nchakAbhyAsAtsvAtmArAmatayA bhR^isham |
AbhyantarANAM bAhyAnAM padArthAnAmabhAsanAt ||
paraprayuktena chiraM prayatnenAvabodhanam |
padArthAbhAvinI nAma ShaShThI bhavati bhUmikA || \- (tatraiva 13\.121, 122) ||
\ldq{}bhUmiShaTkachirAbhyAsAd bhedasyAnupalambhanAt |
yatsvabhAvaikaniShThatvaM sA j~neyA turyagA sthitiH\rdq{} || \- (tatraiva 13\.123) iti ||
atra bhUmikAtritayaM brahmavidyAyAH sAdhanameva, natu vidyAkoTAvantarbhavati | bhUmitraye bhedasatyatvabuddheranivartitatvAt | ata evaitajjAgaraNamiti vyapadishyate | taduktaM \-
\ldq{}bhUmikAtritayaM tvetadrAma jAgraditi sthitam |
yathAvadbhedabud.hdhyedaM jagajjAgrati dR^ishyate\rdq{} | \- (yogavAsiShTharAmAyaNe nirvANaprakaraNe 126\.52) iti ||
tato vedAntavAkyAnnirvikalpako brahmAtmaikyasAkShAtkArashchaturthI bhUmikA phalarUpA sattvApattiH | chaturthabhUmau sarvajagadupAdAnasya brahmaNo vAstavamadvitIyasattAsvabhAvaM nishchitya brahmaNyAropitayorjaga\-chChabdAbhidheyayornAmarUpayormithyAtvamavagachChati | mumukShoH pUrvoktaM jAgaraNamapekShya seyaM bhUmiH svapnaH | tadAha\-
\ldq{}advaite sthairyamAyAte dvaite choparatiM gate |
pashyanti svapnavallokaM chaturthIM bhUmikAmitAH ||
chittaM tu sharadabhrAMshavilayaM pravilIyate |
sattAvasheSha evAste pa~nchamIM bhUmikAmitaH\rdq{} || \- (laghuyogavAsiShThe 43\.70, 71) ||
so.ayaM chaturthI bhUmikAM prApto yogI brahmavidityuchyate | pa~nchamyAdayastisro bhUmayo jIvanmukteravAntarabhedAH | te cha nirvikalpasamAdhyabhyAsakR^itena vishrAntitAratamyena sampadyante | pa~nchamabhUmau nirvikalpakAt svayameva vyuttiShThate | so.ayaM yogI brahmavidvaraH | ShaShThabhUmau pArshvasthairbodhito vyuttiShThate | so.ayaM brahmavidvarIyAn | tadetadbhUmidvayaM suShuptirgADhasuShuptiriti chAbhidhIyate | tadAha\-
\ldq{}pa~nchamIM bhUmikAmetya suShuptipadanAmikAm |
shAntAsheShavisheShAMshastiShThatyadvaitamAtrake || \- (tatraiva 43\.73) ||
\ldq{}antarmukhatayA nityaM bahirvR^ittiparo.api san |
parishrAntatayA nityaM nidrAluvi lakShyate || \- (tatraiva 43\.75) ||
\ldq{}kurvannabhyAsametasyAM bhUmikAyAM vivAsanaH |
ShaShThIM gADhasuShuptyAkhyAM kramAtpatati bhUmikAm || \- (tatraiva 43\.76) ||
\ldq{}yatra nAsanna sadrUpo nAhaM nApyanaha~NkR^itiH |
kevalaM kShINamanana Aste dvaitaikyavarjitaH\rdq{} | \- (tatraiva 43\.77)
\ldq{}antaH shUnyo bahiH shUnyaH shUnyaH kumbha ivAmbare |
antaH pUrNo bahiH pUrNaH pUrNaH kumbha ivArNave\rdq{} || (tatraiva 43\.79) ||
gADhaM nirvikalpasamAdhiM prAptasya saMskAramAtrasheShasya chittasya manorAjyaM kartuM bAhyapadArthAn grahItuM vA sAmarthyAbhAvAdAkAshAvasthitakumbhavadantarbahiHshUnyatvam; svayamprakAshasachchidAnandaikarase brahmaNi nimagnatvena bahishcha sarvatra brahmadR^iShTyA samudramadhyasthApitajalapUrNakumbhavadantarbahiH pUrNatvam | turIyAbhidhAM saptamIM bhUmiM prAptasya yoginaH svataH parato vA vyutthAnameva nAsti | tAdR^ishamevoddishya \ldq{}dehaM vinashvaramavasthitamutthitaM vA\rdq{} ityAdibhAgavatavAkyaM pravR^ittaM (bhAgavate 11\.13\.36) | asampraj~nAtasamAdhi\-pratipAdakAni yogashAstrANyatraiva paryavasitAni | so.ayamIdR^isho yogI pUrvodAhR^itashrutau brahmavidvariShTha ityuchyate |
tadevaM pArshvasthabodhitaH siddho na pashyatItyanayorbhUmidvaye vyavasthitatvAnna ko.api virodhaH | tatrAyaM sa~NgrahaH | pa~nchamyAdibhUmitrayarUpAyAM jIvanmuktau sampAdyamAnAyAM dvaitapratibhAsAbhAvena saMshayaviparyaya\-prasa~NgAbhAvAdutpannaM tattvaj~nAnamabAdhena rakShitaM bhavati | seyaM j~nAnarakShA jIvanmukteH prathamaM prayojanam | tapo dvitIyaM prayojanam | yogabhUmInAM devatvAdiprAptihetutayA tapastvaM draShTavyam | taddhetutvaM chArjunabhagavatoH shrIrAmavasiShThayoshcha prashnottarAbhyAmavagamyate | arjuna uvAcha \-
\ldq{}ayatiH shraddhayopeto yogAchchalitamAnasaH |
aprApya yogasaMsiddhiM kAM gatiM kR^iShNa gachChati |
kachchinnobhayavibhraShTashChinnAbhramiva nashyati |
apratiShTho mahAbAho vimUDho brahmaNaH pathi |
etaM me saMshayaM kR^iShNa ChettumarhasyasheShataH |
tvadanyaH saMshayasyAsya ChettA na hyupapadyate\rdq{} || \- (bhagavadgItAyAM 6\.37\-39) ||
bhagavAnuvAcha \-
\ldq{}pArtha naiveha nAmutra vinAshastasya vidyate |
na hi kalyANakR^itkashchidurgatiM tAta gachChati ||
prApya puNyakR^itAM lokAnuShitvA shAshvatIH samAH |
shuchInAM shrImatAM gehe yogabhraShTo.abhijAyate ||
athavA yoginAmeva kule bhavati dhImatAm |
etaddhi durlabhataraM loke janma yadIdR^isham |
tatra taM buddhisaMyogaM labhate paurvadehikam |
yatate cha tato bhUyaH saMsiddhau kurunandana\rdq{} | \- (bhagavadgItAyAM 6\.40\-43) iti ||
shrI rAma uvAcha \-
\ldq{}AdyAmatha dvitIyAM vA tR^itIyAM bhUmikAmuta |
ArUDhasya mR^itasyAtha kIdR^ishI bhagavan gatiH | \- (yogavAsiShThe nirvANaprakaraNe pUrva \.126\.44) ||
vasiShTha uvAcha \-\-
\ldq{}yogabhUmikayotkrAntajIvitasya sharIriNaH |
bhUmikAMshAnusAreNa kShIyate pUrvaduShkR^itam ||
tataH suravimAneShu lokapAlapureShu cha |
merUpavanaku~njeShu ramate ramaNIsakhaH ||
tataH sukR^itasambhAre duShkR^ite cha purA kR^ite |
bhogakShayaparikShINe jAyante yogino bhuvi ||
shuchInAM shrImatAM gehe gupte guNavatAM satAm |
tatra prAgbhAvanAbhyastaM yogabhUmitrayaM budhaH |
spR^iShTvopari patatyuchchairuttaraM bhUmikAkramam\rdq{} ||  iti | \- (tatraiva 126\.47\-51) ||
astvevaM yogabhUmInAM devalokaprAptihetutvam; tAvatA tapastvaM kuta iti chet,
shruteriti brUmaH | tathA cha taittirIyA Amananti \- \ldq{}tapasA devA devatAmagra Ayan, tapasarShayaH svaranvavindan\rdq{} (taittirIya upa0 brAhmaNe 3\.12\.3) iti | tattvaj~nAnAt prAchInasya bhUmikAtrayasya tapastve sati tattvaj~nAnasyottarakAlInasya nirvikalpasamAdhirUpasya pa~nchamyAdibhUmikAtrayasya tapastvaM kaimutikanyAya\-siddham | ata eva smaryate\-
\ldq{}manasashchendriyANAM cha aikAgryaM paramaM tapaH |
tajjyAyaH sarvadharmebhyaH sa dharmaH para uchyate\rdq{} || \- (mahAbhArate 12\.242\.4) iti ||
yadyapyanena nyAyena tapasA prApyaM janmAntaraM nAsti, tathApi lokasa~NgrahAyedaM tapo yujyate | ata eva bhagavAnAha \-
\ldq{}lokasa~NgrahamevApi sampashyan kartumarhasi\rdq{} || \- (bhagavadgItAyAM 3\.20) iti ||
sa~NgrAhyashcha lokastrividhaH \- shiShyo bhaktastaTasthashcheti | tatra shiShyasyArntamukhe yogini prAmANikatvabud.hdhyatishayena tadupadiShTe tattve paramaM vishvAsaM prApya chittaM sahasA vishrAmyati | ata eva shrUyate\-
\ldq{}yasya deve parA bhaktiryathA deve tathA gurau |
tasyaite kathitArthAH prakAshante mahAtmanaH\rdq{} || \- (shvetAshvataropaniShadi 6\.23) iti ||
smaryate cha\-
\ldq{}shraddhAvAllabhate j~nAnaM tatparaH saMyatendriyaH |
j~nAnaM labdhvA parAM shAntimachireNAdhigachChati\rdq{} || \- (bhagavadgItAyAM 4\.39) iti ||
annapradAnanivAsasthAnakalpanAdinA yoginaM sevamAno bhaktastadIyaM tapaH svayamevAdatte | tathA cha shrUyate \-tasya putrA dAyamupayanti suhR^idaH sAdhukR^ityAM dviShantaH pApakR^ityAm\rdq{} iti |
taTastho.api dvividhaH \- Astiko nAstikashcheti | tatrAstiko yoginaH sanmArgAcharaNaM dR^iShTvA svayamapi sanmArge pravartate | tathA cha smR^itiH\-
\ldq{}yadyadAcharati shreShThastattadevetaro janaH |
sa yatpramANaM kurute lokastadanuvartate\rdq{} || \- (bhagavadgItAyAM 3\.21) iti ||
nAstiko.api yoginA dR^iShTaH pApAnmuchyate | taduktam\-
\ldq{}yasyAnubhavaparyantA tattve buddhiH pravartate |
taddR^iShTigocharAH sarve muchyante sarvapAtakaiH\rdq{} || \- (sUtasaMhitAyAM 220\.44) iti ||
anena prakAreNa sarvaprANyupakAritvaM yogino vivakShitvA paThyate\-
\ldq{}snAtaM tena samastatIrthasalile sarvA.api dattA.avani\-
ryaj~nAnAM cha sahasramiShTamakhilA devAshcha sampUjitAH |
saMsArAchcha samuddhR^itAH svapitarastrailokyapUjyo.apyasau
yasya brahmavichAraNe kShaNamapi sthairyaM manaH prApnuyAt\rdq{} || \- (laghuyogavAsiShThe 6\.16\.34) iti ||
\ldq{}kula pavitraM jananI kR^itArthA vishvambharA puNyavatI cha tena |
apArasaMvitsukhasAgare.asmillInaM pare brahmaNi yasya chetaH\rdq{} || \- (sUtasaMhitAyAM 2 20\.45) iti ||
na kevalaM yoginaH shAstrIyavyavahArasyaiva tapastvam, kiM tu sarvasyaiva laukikavyavahArasyApi | tathA cha taittirIyAH svashAkhAyAM nArAyaNasyAntimenAnuvAkena viduSho.api mahimAnamAmananti | tasmiMshchAnuvAke pUrvabhAge yogino.avayavA yaj~nA~NgadravyatvenAmnAtAH\-
\ldq{}tasyaivaM viduSho yaj~nasyAtmA yajamAnaH shraddhA patnI sharIramidhmamuro vedirlomAni barhirvedaH shikhA hR^idayaM yUpaH kAma AjyaM manyuH pashustapo.agnirdamaH shamayitA dakShiNA vAgghotA  prANa udgAtA chakShuradhvaryurmano brahmA shrotramagnIt\rdq{} | (nArAyaNopaniShadi 80) iti |
atra cha dAnaM dakShiNeti dAnapadamadhyAhartavyam, \ldq{}atha yattapodAnamArjavamahiMsA satyavachanamiti tA asya dakShiNA\rdq{} (ChAndogyopaniShadi 3\.17\.4) iti ChandogairAmnAtatvAt | uktAnuvAke madhyamabhAgena yogivyavahArAstajjIvanakAlAshcha jyotiShTomAvayavakriyArUpatvena sarvayaj~nAvayavakriyArUpatvena chAmnAtAH \- \ldq{}yAvaddhriyate sA dIkShA yadashnAti taddhaviryatpibati tadasya somapAnaM yadramate tadupasado yatsa~ncharatyupavishatyuttiShThate cha sa pravargyo yanmukhaM tadAhavanIyo yA vyAhR^itirAhutiryadasya vij~nAnaM tajjuhoti yatsAyaM prAtaratti tatsamidhaM yatprAtarmadhyandinaM sAyaM cha tAni savanAni ye ahorAtre te darshapUrNamAsau ye.ardhamAsAshcha mAsAshcha te chAturmAsyAni ya R^itavaste pashubandhA ye saMvatsarAshcha parivatsarAshcha te.ahargaNAH sarvavedasaM vA etatsatraM yanmaraNaM tadavabhR^ithaH\rdq{} (nArAyaNa upa0 \.80) iti |
sarvavedasaM sarvasvadakShiNAkam | atraitachChabdena prakR^itAhorAtrAdiparivatsarAntaM sarvakAlasamaShTyupalakShitaM yogina AyurvivakShyate | yadAyustatsarvasvadakShiNopetaM sattramityarthaH | uktAnuvAke charamabhAgena sarvayaj~nAtmakaM yoginamupAsInasya kramamuktirUpaM sUryAchandramasoH kAryakAraNabrahmaNostAdAtmyalakShaNaM phalamAmnAyate \-
\ldq{}etadvai jarAmaryamagnihotra satraM ya evaM vidvAnudagayane pramIyate devAnAmeva mahimAnaM gatvAdityasya sAyujyaM gachChatyatha yo dakShiNe pramIyate pitR^iNAmeva mahimAnaM gatvA chandramasaH sAyujya salokatAmApnotyetau vai sUryAchandramasormahimAnau brAhmaNo vidvAnabhijayati tasmAdbrahmaNo mahimAnamApnoti tasmAdbrahmaNo mahimAna\-mityupaniShat\rdq{} (nArAyaNa upa0 \.80) iti |
jarAmaraNAvadhikaM yadyogicharitamasti tadvedoktAgnihotrAdisaMvatsarasatrAnta\-karmasvarUpamityevamupAsIno bhAvanAtishayena sUryAchandramasoH sAyujyaM tAdAtmyaM prApnoti | bhAvanAmAndyena samAnalokaM prApya tasmillo.Nke sUryAchandramasorvibhUtimanubhUya tata UrdhvaM satyaloke chaturmukhasya brahmaNo mahimAnamApnoti | tatrotpannatattvaj~nAnastata UrdhvaM satyaj~nAnAnandarUpasya parabrahmaNo mahimAnaM kaivalyaM prApnoti | ityupaniShadityanena yathoktavidyAyAstatpratipAdakagranthasya chopasaMhAraH kriyate |
tadevaM jIvanmuktestaporUpaM dvitIyaM prayojanaM siddham | visaMvAdAbhAvastR^itIyaM prayojanam | na khalvantarmukhe bAhyavyApAramapashyati yogIshvare laukikastairthiko vA kashchidvisaMvadate | laukika visaMvAdo dvividhaH \-kalaharUpo nindArUpashcha | tatra krodhAdirahitena yoginA saha kathaM nAma laukikaH kalahAyate ? tadrAhityaM cha
smaryate\-
\ldq{}krudhyantaM na pratikrudhyedAkR^iShTaH kushalaM vadet\rdq{} | (manusaMhitAyAM 6\.48) |
\ldq{}ativAdAMstitikSheta nAvamanyeta ka~nchana\rdq{} | (tatraiva 6\.47) |
nanu jIvanmukteH prAchIno vidvatsa.nnyAsastato.api prAchInaM tattvaj~nAnaM tasmAdapi prAchIno vividiShAsannyAsaH | tatraite krodhAdirAhityAdayo dharmAH smR^itA iti chet \-
bADham | ata eva jIvanmuktasya krodhAdayaH sha~NkitumapyashakyAH | atyarvAchIne pade vividiShAsa.nnyAse.api yadA krodhAdayo na santi tadottamapade tattvaj~nAne kutaste syuH, kutastarAM cha vidvatsannyAse, kutastamAM cha jIvanmuktau ? ato na yoginA saha laukikasya kalahaH sambhavati | nApi nindArUpo visaMvAdaH sha~NkanIyaH | nindyatvasyAnishchitatvAt | tathA cha smaryate \-
\ldq{}yaM na santaM na chAsantaM nAshrutaM na bahushrutam |
na suvR^ittaM na durvR^ittaM veda kashchitsa vai yatiH\rdq{} || \- (vasiShThasmR^itau 6\.40) iti ||
sadasattve uttamAdhamajAtI | tairthiko.api kiM shAstraprameye visaMvadate kiM vA yogicharite | Adye na tAvadyogI parashAstraprameyaM dUShayati \- \ldq{}tamevaikaM jAnatha AtmAnamanyA vAcho vimu~nchatha\rdq{} (muNDakopaniShadi 2\.2\.5) ; \ldq{}nAnudhyAyAdbahU~nshabdAnvAcho viglApanaM hi tat\rdq{} (bR^iha. upa0 \.4\.4\.21) ityAdishrutyanurodhAt | nApi svashAstraprameyaM prativAdino.agre samarthayate,
\ldq{}palAlamiva dhAnyArthI tyajedgranthamasheShataH\rdq{} | (amR^itabindUpaniShadi 18) |
\ldq{}paramaM brahma vij~nAya ulkAvattAnyathotsR^ijet\rdq{} | (amR^itanAdopaniShadi 1)
yadA yogI prativAdinamapi svAtmatayA vIkShate tadA vijigIShAyAH kA kathA ? nApi laukAyatikavyatiriktaH sarvo.api tairthiko mokShama~NgIkurvan yogicharite.api visaMvaditumarhati ArhatabauddhavaisheShikanaiyAyikashaivavaiShNavashAktasA~NkhyayogAdimokShashAstreShu pratipAdyaprameyasya  nAnAvidha\-tve.api mokShasAdhanasya yamaniyamAdyaShTA~NgayogasyaikavidhatvAt | tasmAdavisaMvAdena sarvasammato yogIshvaraH | etadevAbhipretya vasiShTha Aha\-
\ldq{}yasyedaM janma pAshchAttyaM tamAshveva mahAmate |
vishanti vidyA vimalA muktA veNumivottamam || \- (yogavAsiShThe upashamaprakaraNe 6\.8) ||
\ldq{}AryatA hR^idyatA maitrI saumyatA muktatA j~natA |
samAshrayanti taM nityamantaH puramivA~NganAH || \- (tatraiva 6\.9) ||
\ldq{}peshalAchAramadhuraM sarve vA~nChanti taM janAH |
veNuM madhuranidhvAnaM vane vanamR^igA iva || \- (tatraiva 6\.12) ||
\ldq{}suShuptavatprashamitabhAvavR^ittinA
sthitaH sadA jAgrati yena chetasA |
kalAnvito vidhuriva yaH sadA budhai\-
niShevyate mukta itIha sa smR^itaH\rdq{} || \- (laghuyogavAsiShThe 16\.22) iti ||
\ldq{}mAtarIva shamaM yAnti viShamANi mR^idUni cha |
vishvAsamiha bhUtAni sarvANi shamashAlini || \- (laghuyogavAsiShThe 4\.62) iti ||
\ldq{}tapasviShu bahuj~neShu yAjakeShu nR^ipeShu cha |
balavatsu guNADhyeShu shamavAneva rAjate\rdq{} || \- (tatraiva 4\.66) iti ||
tadevamabAdhaM jIvanmuktervisaMvAdAbhAvarUpaM tR^itIyaM prayojanaM siddham | duHkhanAshasukhAvirbhAvarUpe chaturthapa~nchamaprayojane vidyAnandAtmakena brahmAnandagatena chaturthAdhyAyena nirUpite | tadubhayamatra sa~NkShipyochyate \-
\ldq{}AtmAnaM chedvijAnIyAdayamasmIti pUruShaH ||
kimichChankasya kAmAya sharIramanusa~njvaret\rdq{} || \- (bR^iha. upa0 \.4\.4\.12) ||
ityAdishrutyA duHkhasyaihikasya vinAsha uktaH | \ldq{}etaha?? vAva na tapati kimahaM sAdhu nAkaravaM kimahaM pApamakaravam\rdq{} (tai. upa0 \.2\.9) ityAdishrutaya AmuShmikahetupuNyapApachintArUpasya duHkhasya nAshamAhuH | sukhAvirbhAvastredhA\-sarva\-kAmAvAptiH, kR^itakR^ityatvaM, prAptaprAptavyatvaM cheti | sarvakAmAvAptistredhA\-sarvasAkShitvaM, sarvatrAkAmahatatvaM, sarvabhoktR^irUpatvaM cheti | \ldq{}hiraNyagarbhAdisthAvarAnteShu deheShvanugataM sAkShichaitanyarUpaM yadbrahma tadevAhamasmi\rdq{} \- iti jAnataH svadeha iva paradeheShvapi sarvakAmasAkShitvamasti | tadetadabhipretya shrUyate \-\ldq{}so.ashnute sarvAnkAmAnsaha brahmaNA vipashchitA\rdq{} (tai. upa0 \.2\.1) iti |
loke bhukteShu bhogeShvakAmahatatvaM yattatkAmaprAptirityuchyate | tathA cha sarvabhogadoShadarshinastattvavidaH sarvatrAkAmahatatvAdasti sarvakAmAvAptiH | ata eva sArvabhaumopakrameShu hiraNyagarbhaparyanteShUttarottara\-shataguNeShvAnandeShu \ldq{}shrotriyasya chAkAmahatasya\rdq{} (taittirIyopaniShadi 2\.8\.1) iti shrutam | sadrUpeNa chidrUpeNAnandarUpeNa cha sarvatrAvasthitaM svAtmAnamanusandadhataH sarvabhoktR^itvamastItyabhipretyaivaM shrUyate \-
\ldq{}ahamannamahamannamahamannam | ahamannAdo.ahamannAdo.ahamannAdaH\rdq{} | \- (taittirIyopaniShadi 3\.10) iti ||
kR^itakR^ityatvaM tu smaryate\-
\ldq{}j~nAnAmR^itena tR^iptasya kR^itakR^ityasya yoginaH |
naivAsti ki~nchitkartavyamasti chenna sa tattvavit\rdq{} || \- (jAbAladarshanopaniShadi 1\.23, uttaragItAyAM 1\.13 cha |)||
\ldq{}yastvAtmaratireva syAdAtmatR^iptashcha mAnavaH |
Atmanyeva cha santuShTastasya kAryaM na vidyate\rdq{} || \- (bhagavadgItAyA, 3\.17) iti ||
prAptaprAptavyatA.api shrUyate \- \ldq{}abhayaM vai janaka prApto.asi\rdq{} (bR^i0 upa0 4\.2\.2) iti, \ldq{}tasmAttatsarvamabhavat\rdq{} (bR^i. u \.1\.4\.10) iti, \ldq{}brahmaveda brahmaiva bhavati\rdq{} (muNDakopaniShadi 3\.2\.9) iti cha | nanvetau dvau duHkhavinAshasukhAvirbhAvau tatvaj~nAnenaiva siddhatvAnna jIvanmuktiprayojanatAmahartaH | maivam, surakShitayostayoratra vivakShitatvAt | yathA tattvaj~nAnaM pUrvamevotpannamapi jIvanmuktyA surakShitaM bhavati,  evametAvapi surakShitau bhavataH | nanvevaM jIvanmukteH pa~nchaprayojanatve sati samAhito yogIshvaro lokavyavahAraM kurvatastattvavido.api shreShTha iti vaktavyam; tachcha rAmavasiShThayoH prashnottarAbhyAM nirAkR^itam\-
shrIrAmaH \-
\ldq{}bhagavanbhUtabhavyesha kashchijjAtu samAhitaH |
prabuddha iva vishrAnto vyavahAraparo.api san || 5||
kashchidekAntamAshritya samAdhiniyame sthitaH |
tayostuH kataraH shreyAniti me bhagavanvada || 6|| \- (laghuyogavAsiShThe 25\.5\-6) ||
vasiShThaH \-
\ldq{}imaM guNasamAhAramanAtmatvena pashyataH |
antaH shItalatA yAsau samAdhiriti kathyate || 7||
dR^ishyairna mama sambandha iti nishchitya shItalaH |
kashchitsaMvyavahArasthaH kashchid.hdhyAnaparAyaNaH || 8||
dvAvatau rAma susamAvantashchet parishItalau |
antaH shItalatA yA syAttadanantatapaH phalam\rdq{} || 9|| \- (laghuyogavAsiShThe 25\.7\-9) iti ||
naiSha doShaH | atra vAsanAkShayarUpamantaH shItalatvamavashyaM sampAdanIyamityetAvadeva pratipAdyate | na tu tadanantarabhAvino manonAshasya shreShThatvaM nivAryate | shItalatvaM tR^iShNAyAH prashamanamityetAdR^ishIM vivakShAM svayameva spaShTIchakAra \-
\ldq{}antaH shItalatAyAM tu labdhAyAM shItalaM jagat |
antastR^iShNopataptAnAM dAvadAhamayaM jagat\rdq{} || 24|| \- (tatraiva 25\.24) ||
nanu samAdhinindA vyavahAraprashaMsA chAtropalabhyete \-
\ldq{}samAdhisthAnakasthasya chetashchedvR^itticha~nchalam |
tattasya tu samAdhAnaM samamunmattatANDavaiH || 10||
unmattatANDavasthasya chetashchetkShINavAsanam |
tadasyonmattanR^ityaM tu samaM brahmasamAdhinA\rdq{} || 11|| \- (tatraiva 25\.10 \-11) iti ||
maivam | atra hi samAdhiprAshastyamevA~NgIkR^itya vAsanA nindyate | iyamatra vachanavyaktiH \- yadyapi vyavahArAtsamAdhiH prashastaH, tathApyasau savAsanashchettadA nirvAsanAdvyavahArAdadhama eveti sa na samAdhiH | yadA samAhitavyavahartArAvubhAvapyatattvaj~nau savAsanau cha tadA samAdheruttamalokaprAptihetupuNyatvena prAshastyam | yadA tUbhau j~nAnaniShThau nirvAsanau cha, tadA.api vAsanAkShayarUpAM jIvanmuktiM paripAlayannayaM manonAsharUpaH samAdhiH prashasta eva | tasmAd yogIshvarasya shreShThatvAt pa~nchaprayojanopetAyA jIvanmukterna ko.api vighna iti siddham |
iti shrImadvidyAraNyapraNIte jIvanmuktiviveke jIvanmuktisvarUpasiddhiprayojananirUpaNaM nAma chaturthaM prakaraNam || 4||
\section{5\. vidvatsa.nnyAsanirUpaNaM nAma pa~nchamaM prakaraNam}
evaM svarUpapramANasAdhanaprayojanairjIvanmuktirnirUpitA | atha tadupakAriNaM vidvatsa.nnyAsaM nirUpayAmaH | vidvatsannyAsashcha paramahaMsopaniShadi pratipAditaH | tAM chopaniShadamanUdya vyAkhyAsyAmaH |
tatrAdau vidvatsa.nnyAsayogyaM prashnamavatArayati \-
\ldq{}atha yoginAM paramahaMsAnAM ko.ayaM mArgasteShAM kA sthitiriti nArado bhagavantamupagatyovAcha\rdq{} iti |
yadyapyathashabdApekShita AnantaryapratiyogI na kopyatra pratibhAti, tathA.api praShTavyArtho.atra vidvatsa.nnyAsaH | tasmiMshcha viditatattvo lokavyavahArairvikShipyamANo manovishrAntiM kAmayamAno.adhikArI | tatastAdR^i\-gadhikArasampattyAnantaryamathashabdArthaH | kevalayoginaM kevalaparamahaMsaM cha vArayituM padadvayamuktam | kevalayogI tattvaj~nAnAbhAvena trikAlaj~nAnAkAshagamanAdiShu yogaishvaryachamatkAravyavahAreShvAsaktaH saMyamavisheShaistatra tatrodyu~Nkte | tataH paramapuruShArthAdbhraShTo bhavati | asminnarthe sUtraM pUrvamevodAhR^itaM \- \ldq{}te samAdhAvupasargA vyutthAne siddhayaH\rdq{} (yogasUtreShu 3\.38) iti |
kevalaparamahaMsastu tattvavivekenaishvaryeShvasAratAM buddhvA virajyati | tadapyudAhR^itam\-
\ldq{}chidAtmana imA itthaM prasphurantIha shaktayaH |
ityasyAshcharyajAleShu nAbhyudeti kutUhalam\rdq{} || 67|| \- (laghuyogavAsiShThe 27\.67) iti ||
virakto.apyasau brahmavidyAbhareNa vidhiniShedhAvulla~Nghayati | taduktaM \-\ldq{}nistraiguNye pathi vicharatAM ko vidhiH ko niShedhaH\rdq{} (shukAShTake) iti | tathA cha shraddhAlavaH shiShTAstamevaM nindanti \-
\ldq{}sarve brahma vadiShyanti samprApte tu kalau yuge |
nAnutiShThanti maitreya shishnodaraparAyaNAH\rdq{} || \- iti |
yogini tu paramahaMse yathoktaM doShadvayaM nAsti | anyo.apyasyAtishayaH prashnottarAbhyAM darshitaH\-
shrIrAmaH\-
\ldq{}evaM sthite.api bhagava~njIvanmuktasya sanmateH |
apUrvo.atishayaH ko.asau bhavatyAtmavidAM vara\rdq{} || 1|| \- (laghuyogavAsiShThe 42\.1) ||
vasiShThaH \-
\ldq{}j~nasya kasmiMshchidapyeShA bhavatyatishaye na dhIH |
nityatR^iptaH prashAntAtmA sa Atmanyeva tiShThati || 2||
mantrasiddhaistapaHsiddhairyogasiddhaishcha bhUrishaH |
kR^itamAkAshayAnAdi tatra kA syAdapUrvatA || 3||
eka eva visheSho.asya na samo mUDhabuddhibhiH |
sarvatrA.a.asthAparityAgAnnIrAgamamalaM manaH || 5||
etAvadeva khalu li~Ngamali~NgamUrteH
saMshAntasaMsR^itichirabhramanirvR^itasya |
tajj~nasya yanmadanakopaviShAdamoha\-
lobhApadAmanudinaM nipuNaM tanutvam\rdq{} || 6|| \- (laghuyogavAsiShThe 42\.2 \-6) iti ||
etenAtishayenopetAnAM doShadvayarahitAnAM mArgasthitI pR^ichChrayete | veShabhAShAdirUpo hi vyavahAro mArgaH | chittoparamarUpa Antaro dharmaH sthitiH | bhagavAMshchaturmukho brahmA | yathoktaM prashnottaramavatArayati \-
\ldq{}taM bhagavAnAha\rdq{} iti |
vakShyamANamArge shraddhAtishayamutpAdayituM taM mArgaM prashaMsati\-
\ldq{}so.ayaM paramahaMsAnAM mArgo loke durlabhataro na tu bAhulyaH\rdq{} (parama0 upa0 1) iti |
yaH pR^iShTaH so.ayamiti yojanA | ayamityuttaragranthe vakShyamANa AchChAdanAdiH svasharIropabhogena lokopakAreNa cha nirapekSho mukhyo mArgaHH parAmR^ishyate | tAdR^ishasya paramakAShThAM prAptasya vairAgyasyAdR^iShTa\-charatvAttasya mArgasya durlabhataratvam | na chaitAvatAtyantAbhAvaH sha~NkanIya ityabhipretya bAhulyameva pratiShedhati \- na tviti | bAhulyamiti vaktavye li~NgavyatyayashChAndasaH |
nanvayaM mArgoM durlabhatarashchettarhi tadarthaM prayAso na kartavyaH, tena prayojanAbhAvAdityAsha~NkyAha \-
\ldq{}yadyeko.api bhavati sa eva nityapUtasthaH sa eva vedapuruSha iti viduSho manyante\rdq{} (paramahaMsopaniShadi 1) iti |
\ldq{}manuShyANAM sahasreShu kashchidyatati siddhaye |
yatatAmapi siddhAnAM kashchinmAM vetti tattvataH\rdq{} | \- (bhagavadgItAyAM 7\.3) ||
iti nyAyena yatra kvApi yadA kadAchidyogIparamahaMso yadi kashchillabhyate tarhi sa eva nityapUtastho bhavati | nityapUtaH paramAtmA, \ldq{}ya AtmApahatapApmA\rdq{} (ChA0 upa0 \.8\.1) iti shruteH | evakAreNa kevalayogI kevala paramahaMsashcha vyAvartyate | kevalayogI nityapUtaM na jAnAti | kevala paramahaMso jAnannapi chittavishrAntyabhAvAdbahirmukho brahmaNi na tiShThati | vedapratipAdyaH puruSho vedapuruShaH | viduSho vidvAMso brahmAnubhavachittavishrAntipratipAdakashAstrapAra~NgatA yoginaH | paramahaMsasya brahmaniShThatvaM sarve janA manyante | yathoktA vidvAMsastu tadapyasahamAnA brahmatvameva manyante | tathA cha smaryate\-
\ldq{}darshanAdarshane hitvA svayaM kevalarUpataH |
yastiShThati sa tu brahmanbrahma na brahmavitsvayam\rdq{} || iti |
ato na prayojanAbhAvaH sha~Nkitumapi shakyate |
nityapUtasthatvaM vedapuruShatvaM cha mukhato vishadayannarthAt \ldq{}kA sthitiH ?\rdq{} iti prashnasyottaraM sUtrayati \-
\ldq{}mahApuruSho yachchittaM tatsarvadA mayyevAvasthApayati, (mayyevAvatiShThate iti vA) tasmAdahaM cha tasminnevAvasthitaH (tasminnevAvasthIyate iti vA) \rdq{} iti | (paramahaMsopaniShadi 1) ||
vaidikaj~nAnakarmAdhikAriShu puruSheShu madhye yoginaH paramahaMsasyAtyantamuttamatvAnmahApuruShatvam | sa cha mahApuruSho yachchittaM svakIyaM tatsarvadAmayyevAvasthApayati, saMsAragocharANAM tadIyachittavR^ittInAmabhyAsavairAgyAbhyAM niruddhatvAt | ata eva bhagavAn prajApatiH shAstrasiddhaM paramAtmAnaM svAnubhavena parAmR^ishanmayIti vyapadishati | yasmAdyogI mayyeva chittaM sthApayati tasmAdahamapi paramAtmasvarUpatvena tasminneva yoginyAvirbhUto.avasthito.asmi netareShvaj~nAniShu, teShAmavidyAvR^itatvAt | tattvavitsvapyayogiShu bAhyachittavR^ittibhirAvR^itatvAnnAstyAvirbhAvaH |
idAnIM ko.ayaM mArga iti pR^iShTaM mArgamupadishati \-
\ldq{}asau svaputramitrakalatrabandhvAdI~nshikhAyaj~nopavIte svAdhyAyaM cha sarvakarmANi sa.nnyasyAyaM brahmANDaM cha hitvA kaupInaM daNDamAchChAdanaM cha svasharIropabhogArthAya lokasyopakArArthAya cha parigrahet\rdq{} (parama0 upa0 1) iti |
yo gR^ihasthaH pUrvajanmasa~nchitapuNyapu~nje paripakve sati mAtR^ipitrAj~nAdinA nimittena vividiShAsa.nnyAsarUpaM paramahaMsAshramamasvIkR^ityaiva shravaNAdisAdhanAnyanuShThAya tattvaM samyagavagachChati, tato gR^ihasthasya prAptairlaukikavaidikavyavahArasahasraishchitte vikShipte sati vishrAntisiddhaye vidvatsannyAsaM chikIrShati, taM prati svaputramitretyAdyupadeshaH, pUrvameva vividiShAsannyAsaM kR^itvA tattvaM viditavato vidvatsannyAsaM chikIrShoH putrakalatrAdiprasa~NgAbhAvAt |
nanvayaM vidvatsa.nnyAsaH kimitarasannyAsavatpraiShochchAraNAdividhyuktaprakAreNa sampAdanIyaH, kiM vA jIrNavastrasopadravagrAmAdityAgavallaukikatyAgamAtrarUpaH ? nAdyaH, tattvavidaH kartR^ittvarAhityena vidhi\-niShedhAnadhikArAt | ata eva smaryate \-
\ldq{}j~nAnAmR^itena tR^iptasya kR^itakR^ityasya yoginaH |
naivAsti ki~nchitkartavyamasti chenna sa tattvavit ||  iti | \- (jAbAladarshanopaniShadi 1\.23) iti ||
na dvitIyaH | kaupInadaNDAdyAshramali~NgavidhAnashravaNAt |
naiSha doShaH, pratipattikarmavadubhayarUpatvopapatteH | tathA hi \- jyotiShTome dIkShitasya dIkShA~NganiyamA\-nuShThAnakAle kaNDUyituM hastaM pratiShidhya kR^iShNaviShANA vihitA \ldq{}yaddhastena kaNDUyeta pAmAnambhAvukAH prajAH syuryatsmayeta nagnambhAvukAH\rdq{} (taittirIyasaMhitAyAM iti, \ldq{}kR^iShNaviShANayA kaNDUyate\rdq{} (tatraiva 6\.1\.3) iti cha | tasyAshcha kR^iShNaviShANAyAH samApte niyame prayojanAbhAvAd voDhumashakyatvAchcha tyAgaH svata eva prAptaH | taM cha tyAgaM saprakAraM vedo vidadhAti \- \ldq{}nItAsu dakShiNAsu chAtvAle kR^iShNaviShANAM prAsyati\rdq{} (tatraiva 6\.1\.3) iti | tadidaM pratipattikarma laukikaM vaidikaM chetyubhayarUpam | evaM vidvatsa.nnyAso.apyubhayarUpaH | na cha tattvavidi sha~NkanIyaH, chidAtmanyAropitasya kartR^itvasya vidyayA.apohitatve.api chichChAyopete.antaHkaraNo\-pAdhau vikriyAsahasrayukte svataHsiddhasya kartR^itvasyAtyantAbhAvaH yAvaddravyabhAvitayA.anapohitatvAt | na cha \ldq{}j~nAnAmR^itena\rdq{} (jAbAladarshanopaniShadi 1\.23) ityAdismR^itivirodhaH, satyapi j~nAne vishrAntirahitasya tR^iptyabhAvena vishrAntisampAdanalakShaNakartavyasheShasadbhAvena kR^itakR^ityatvAbhAvAt |
nanu tattvavido.api vidhya~NgIkAre sati tenApUrveNa dehAntaramArabhyeta |
maivam | tasyApUrvasya chittavishrAntipratibandhanivAraNalakShaNasya dR^iShTaphalasya sambhave satyadR^iShTaphalakalpanAyA anyAyyatvAt; anyathA shravaNAdividhiShvapi brahmaj~nAnotpattipratibandhanivAraNarUpaM dR^iShTaphalamupekShya janmAntarahetutvaM kalpyeta |
tasmAdvidhya~NgIkAre doShAbhAvAdvividiShuriva vidvAnapi gR^ihastho nAndImukhashrAddhopavAsa\-jAgaraNAdividhimanusR^ityaiva sa.nnyasyet | yadyapyatra shrAddhAdikaM nopadiShTaM tathApyasya vidvatsannyAsasya vividiShAsannyAsavikR^ititvAt \ldq{}prakR^itivadvikR^itiH kartavyA\rdq{} iti nyAyena tadIyA dharmAH sarve.apyatra prApnuvanti, yathAgniShTomasya vikR^itiShvatirAtrAdiShu tadIyadharmaprAptistadvat | tasmAditarasannyAsavadatrApi praiShamantreNa putramitrAdityAgaM sa~Nkalpayet | bandhvAdInityAdishabdena bhR^ityapashugR^ihakShetrA\-dilaukikaparigrahAdivisheShAH sa~NgR^ihyante | svAdhyAyaM cheti chakAreNa tadarthanirNayopayuktAni padavAkyapramANashAstrANi vedopabR^iMhakANItihAsapurANAdIni cha samuchchinoti | autsukyanivR^itti\-mAtraprayojanAnAM kAvyanATakAdInAM tyAgaH kaimutikanyAyasiddhaH | sarvakarmANIti sarvashabdena laukikavaidikanityanaimittikaniShiddhakAmyAni sa~NgR^ihyante | putrAdityAgenaihikabhogaH parihR^itaH | sarvakarmatyAgena chAmuShmikabhogAshA chittavikShepakAriNI parihR^itA | ayamiti ChAndasavibhaktili~NgavyatyayenedaM brahmANDamiti yojanIyam | brahmANDatyAgo nAma tatprAptihetorvirADupAsanasyatyAgaH | brahmANDaM cheti chakAreNa sUtrAtmaprAptihetorhiraNyagarbhopAsanasya tattvaj~nAnahetUnAM shravaNAdInAM cha samuchchayaH | svaputrAdihiraNyagarbhopAsanAntamaihikamAmuShmikaM cha sukhasAdhanaM sarvaM praiShamantrochchAraNena parityajya kaupInAdikaM parigR^ihNIyAt | AchChAdanaM cheti chakAreNa pAdukAdIni samuchchinoti | tathA cha smR^itiH\-
\ldq{}kaupInayugalaM vAsaH kanthAM shItanivAriNIm |
pAduke chApi gR^ihNIyAtkuryAnnAnyasya sa~Ngraham\rdq{} || \- (hArItasaMhitAyAM 6\.728; laghuviShNusmR^itau 4\.7) iti ||
svasharIropabhogo nAma kaupInena lajjAvyAvR^ittiH | daNDena gosarpAdyupadravaparihAraH | AchChAdanena shItAdiparihAraH | chakArAtpAdukAbhyAmuchChiShTadeshasparshAdiparihAraM samuchchinoti | lokasyopakAro nAma daNDAdili~NgenaitadIyamuttamAshramaM parij~nAya taduchitAbhivandanabhikShApradAnAdipravR^ittyA sukR^itasiddhiH | chakAreNAshramamaryAdAyAH shiShTAchAraprAptAyAH pAlanaM samuchchinoti |
kaupInAdiparigrahasyAnukUlatvamabhipretya mukhyatvaM pratiShedhati \-
\ldq{}tachcha na mukhyo.asti\rdq{} iti (parama0 upa0 \.1) ||
yatkaupInAdiparigrahaNamasti tadapyasya yoginaH paramahaMsasya mukhyaH kalpo na bhavati, kiM tvanukalpa eva | vividiShAsa.nnyAsinastu daNDagrahaNaM mukhyamiti kR^itvA daNDaviyogasya niShedhaH smaryate\-
\ldq{}daNDAtmanostu saMyogaH sarvadaiva vidhIyate |
na daNDena vinA gachChediShukShepatrayaM budhaH\rdq{} || \- (sanyAsopaniShadi 2\.11) iti ||
prAyashchittamapi daNDanAshe prANAyAmashataM smaryate \- \ldq{}daNDatyAge shataM charet\rdq{} iti |
yoginaH paramahaMsasya mukhyaM kalpaM prashnottarAbhyAM darshayati \-
\ldq{}ko.ayaM mukhya iti chedayaM mukhyaH, na daNDaM na shikhaM na yaj~nopavItaM nAchChAdanaM charati paramahaMsaH \ldq{}(parama0 upa0 \.1\-2) iti |
na shikhamiti ChAndaso li~Ngavyatyayo.anusandheyaH | yathA vividiShuH paramahaMsaH shikhAyaj~nopavItAbhyAM rahito mukhyastathA yogI daNDAchChAdanAbhyAM rahitaH sanmukhyo bhavati, daNDasya vaiNavattvAdilakShaNamAchChAdanasya kanthAtvAdilakShaNaM cha parIkShituM daNDAdikaM sampAdayituM rakShituM cha chitte vyApR^ite sati chittavR^ittinirodhalakShaNo yogo na sidhyediti | tachcha na yuktam, \ldq{}na hi varavighAtAya kanyodvAhaH\rdq{} iti nyAyAt | AchChAdanAdyabhAve shItAdibAdhAyAH kaH pratIkAra ityAsha~NkyAha \-
\ldq{}na shItaM na choShNaM na sukhaM na duHkhaM na mAnAvamAnau cha ShaDUrmivarjam\rdq{} (parama0 upa0 \.2) iti |
niruddhAsheShachittavR^itteryoginaH shItaM nAsti, tatpratItyabhAvAt | yathA lIlAyAmAsaktasya bAlasyAchChAdanAdirahitasyApi hemantashishirayoH prAtaHkAle.api shItaM nAsti, tathA paramAtmanyAsaktasya yoginaH shItAbhAvaH | gharmakAla uShNAbhAvashcha tathaivAvagantavyaH | varShAsu tadabhAvasamuchchayArthashchakAraH | shItoShNayorapratItau tajjanyayoH sukhaduHkhayorabhAva upapannaH | nidAghe shItaM sukhajanakaM hemante duHkhajanakam | uktaviparyaya uShNe draShTavyaH | mAnaH puruShAntareNa sampAditaH satkAraH | avamAnastiraskAraH | yadA yoginaH svAtmavyatiriktaM puruShAntarameva na pratIyate tadA mAnAvamAnau dUrAdapetau | chakAraH shatrumitrarAgadveShAdidvandvAbhAvaM samuchchinoti | ShaDUrmayaH \- kShutpipAse shokamohau jarAmaraNe cha | teShAM trayANAM dvandvAnAM krameNa prANamanodehadharmatvAdAtmatattvAbhimukhasya yoginastadvarjanaM yujyate |
nanvastvevaM samAdhidashAyAM shItAdyabhAva; vyutthAnadashAyAM tu nindAdikleshaH saMsAriNamivainaM bAdhetaivetyAsha~NkyAha \- \ldq{}nindAgarvamatsaradabhbhadarpechChAdveShasukhaduHkhakAmakrodhalobhamohaharShAsUyAha~NkArA\-dIMshcha hitvA\rdq{} (parama0 upa0 \.2) iti |
vividhaiH puruShaiH svasminnApAditA doShoktirnindA | anyebhyo.adhiko.ahamiti chittavR^ittirgarvaH | vidyAdhanAdibhiranyasadR^isho bhavAmIti buddhirmatsaraH | pareShAmagre japadhyAnAdiprakaTanaM dambhaH | bhartsanAdiShu dR^iDhabuddhirdarpaH | dhanAdyabhilASha ichChA | shatruvadhAdiShu buddhirdveShaH | anukUladravyAdilAbhena buddhisvAsthyaM sukham | tadviparyayo duHkham | yoShidAdyabhilAShaH kAmaH | kAmitArthavighAtajanyo buddhikShobhaH krodhaH | labdhasya dhanasya tyAgAsahiShNutvaM lobhaH | hiteShvahitabuddhirahiteShu cha hitabuddhirmohaH | chittagatasukhAbhivya~njikA mukhavikAsAdiheturdhIvR^ittirharShaH | parakIyaguNeShu doShatvAropaNamasUyA | dehendriyAdisa~NghAteShvAtmabhramo.aha~NkAraH | Adishabdena bhogyavastuShu mamakArasamIchInatvAdibuddhayo gR^ihyante | chakAro yathoktanindAdiviparItaM stutyAdikaM samuchchinoti | etAn sarvAn nindAdIn hitvA pUrvoktavAsanAkShayAbhyAsena parityajyAvatiShTheteti sheShaH |
nanu vidyamAne svadehe tatparityAgo na sambhavatItyAsha~NkyAha \-\ldq{}svavapuH kuNapamiva dR^ishyate yatastadvapurapadhvastam\rdq{} (parama0 upa0 \.2) iti |
pUrvaM yatsvakIyaM vapustadidAnIM yoginA svAtmachaitanyAtpR^ithagbhUtatvena kuNapamivAvalokyate | yathA shraddhAluH sparshanabhItyA shavadehaM dUre sthito.avalokayati, tathA.ayaM yogI tAdAtmyabhrAntyudayabhItyA sAvadhAno dehaM chidAtmanaH sakAshAnnirantaraM vivinakti | yataH kAraNAt tadvapurAchAryopadeshAgamAnubhavairapadhvastaM chidAtmanaH
sakAshAnnirAkR^itam | tatashchaitanyaviyuktasya dehasya shavatulyatayA dR^ishyamAnatvAt satyapi dehe nindAdityAgo ghaTata ityabhiprAyaH |
nanUtpanno digbhramaH sUryodayadarshanena vinaShTo.api yathA kadAchidanuvartate, tathA kadAchidAtmani dehAtmasaMshayAdyanuvR^ittau nindAdikleshaH punaH punaH prasajyete \- tyAsha~NkyAha\-
\ldq{}saMshayaviparItamithyAj~nAnAnAM yo hetustena nityanivR^ittaH\rdq{} (pa0 upa0 2) iti |
AtmA kartR^itvAdidharmopetastadrahito vetyAdikaM saMshayaj~nAnam | dehAdirUpa evAtmeti viparItaj~nAnam | etadubhayaM bhoktR^iviShayam | mithyAj~nAnaM tu bhogyaviShayamatra vivakShitam | tachchAnekavidham\-\ldq{}sa~NkalpaprabhavAnkAmAn\rdq{} (bhagavadgItAyAM 6\.24) ityatra spaShTIkR^itam | taddhetushchaturvidhaH, \ldq{}anityAshuchiduHkhAnAtmasu nityashuchisukhAtmakhyAtiravidyA\rdq{} (yogasUtreShu 2\.5) iti sUtraNAt | anitye girinadIsamudrAdau nityatvabhrAntirekA | ashuchau putrabhAryAdisharIre shuchitvabhrAntirdvitIyA | duHkhe kR^iShivANijyAdau sukhatvabhrAntistR^itIyA | gauNamithyAtmani putrabhAryAdAvannamayAdike chAnAtmani mukhyAtmatvabhrAntishchaturthI | eteShAM saMshayAdInAM heturadvitIyabrahmAtmatattvAvarakamaj~nAnaM tadvAsanA cha | tachchAj~nAnaM yoginaH paramahaMsasya mahAvAkyArthabodhena nivR^ittam; vAsanA tu yogAbhyAsena nivR^ittA | udAhR^itAyAM
digbhrAntAvaj~nAne nivR^itte.api vAsanAyAH sadbhAvAdyathApUrvaM bhrAntivyavahAraH | yoginastu bhrAntihetudvayarAhityAtkutaH saMshayAdInyanuvarteran ? tamenamanuvR^ittyabhAvamabhipretya tena hetudvayena yogI nityanivR^itta ityuktam | satyAmapyaj~nAnatadvAsanAnivR^ittau tasyA nivR^ittervinAshAbhAvAnnityatvaM draShTavyam | tannityatve hetumAha \-
\ldq{}tannityabodhaH\rdq{} (parama0 upa0 2) |
sarvanAmatvAtprasiddhArthavAchI tachChabdo.atra sarvavedAntaprasiddhaM paramAtmAnamAchaShTe | tasminparamAtmani nityo bodho yasya yoginaH so.ayaM tannityabodhaH | yogI hi \ldq{}tameva dhIro vij~nAya praj~nAM kurvIta brAhmaNaH\rdq{} (bR^ihadAraNyakopaniShadi 4\.4\.21) iti shrutimanusR^itya chittavikShepAnyogena parihR^itya nairantaryeNa paramAtmaviShayAmeva praj~nAM karoti | ato bodhasya nityatvAdddbodhavinAshyayoraj~nAnatadvAsanayornivR^itti\-rnityetyarthaH |
budhyamAnasya paramAtmanastArkikeshvaravattaTasthatvasha~NkAM vArayati \-
\ldq{}tatsvayamevAvasthitiH\rdq{} (parama0 upa0 \.2) iti |
yadvedAntavedyaM paraM brahmAsti tatsvayameva na tu svasmAdanyadityevaM nishchitya yogino.avasthitirbhavati |
tasya yogino brahmAnubhavaprakAraM darshayati \-
\ldq{}taM shAntamachalamadvayAnandavij~nAnaghana evAsmi tadeva mama paramaM dhAma\rdq{} (parama0 upa0 \.2) iti |
tamityAdipadatraye dvitIyA prathamArthe draShTavyA | yaH paramAtmA shAntaH krodhAdivikSheparahitaH, achalo gamanAdikriyArahitaH, svagatasajAtIyavijAtIyabhedashUnyaH sachchidAnandaikaraso.asti sa evAhamasmi | tadeva brahmatattvaM mama yoginaH paramaM dhAma vAstavaM svarUpam; na tvetatkartR^itvabhoktR^itvAdiyuktam, etasya mAyAkalpitatvAt | nanvAtmanaH parabrahmatva AnandAvAptiridAnIM kuto netyatrAnandAvAptiH sadR^iShTAntamuktAbhiyuktaiH \-
\ldq{}gavAM sarpiH sharIrasthaM na karotya~NgapoShaNam |
tadeva karmarachitaM punastasyaiva bheShajam ||
evaM sarvasharIrasthaH sarpivatparameshvaraH |
vinA chopAsanAM devo na karoti hitaM nR^iShu | \rdq{} \- (bR^ihadyogIyAj~navalkyasmR^itau 9\.30\-31) iti ||
(\*\*yathA sarpiH sharIrasthaM gavAM na kurute balam |
nirgataM karmasaMyukta dattaM tAsAM mahAbalam ||
tathA viShNuH sharIrastho na karoti hitaM nR^iNAm |
vinArAdhanayA devaH sarvagaH parameshvaraH || \- (garuDapurANe 227\.2,3) ||
yadi yoginaH pUrvAshramaprasiddhA AchAryapitR^ibhrAtrAdayaH karmiNaH shraddhAjaDAH shikhAyaj~nopavItasandhyA\-vandanAdirAhityena pAShaNDitvamAropya vyAmohayeyustadA vyAmohAnutpattaye yogino vartamAnaM nishchayaM darshayati\-
\ldq{}tadeva cha shikhA tadevopavItaM cha paramAtmAtmanorekatvaj~nAnena tayorbheda eva vibhagnaH sA sandhyA\rdq{} (parama0 upa0 \.2) iti |
yadvedAntavedyasya parabrahmaNo j~nAnaM tadeva karmA~NgabhUtabAhyashikhAyaj~nopavItasthAnIyam | anye cha mantradravyalakShaNe karmA~NgabhUte chakArAbhyAM samuchchIyete | shikhAdya~NgasAdhyaiH karmabhirutpannaM yatsvargAdisukhaM tatsarvaM brahmaj~nAnenaiva labhyate, viShayAnandasya sarvasya brahmAnandaleshatvAt |  \ldq{}etasyaivAnandasyAnyAni bhUtAni mAtrAmupajIvanti\rdq{} (bR^i. upa0 \.4\.3\.32) iti shrutiH | etadevAbhipretyAtharvaNikA brahmopaniShadyAmananti\-
\ldq{}sashikhaM vapanaM kR^itvA bahiHsUtraM tyajedbudhaH |
yadakSharaM paraM brahma tatsUtramiti dhArayet || (brahmopaniShadi 6) ||
\ldq{}sUchanAtsUtramityAhuH sUtraM nAma paraM padam |
tatsUtraM viditaM yena sa vipro vedapAragaH || (tatraiva 7) ||
\ldq{}yena sarvamidaM protaM sUtre maNigaNA iva |
tatsUtraM dhArayedyogI yogavittattvadarshivAn || (tatraiva 8) ||
\ldq{}bahiHsUtraM tyajedvidvAn yogamuttamamAsthitaH |
brahmabhAvamidaM sUtraM dhArayedyaH sa chetanaH |
dhAraNAttasya sUtrasya nochChiShTo nAshuchirbhavet || (tatraiva 9) ||
\ldq{}sUtramantargataM yeShAM j~nAnayaj~nopavItinAm |
te vai sUtravido loke te cha yaj~nopavItinaH || (tatraiva 10) ||
\ldq{}j~nAnashikhA j~nAnaniShThA j~nAnayaj~nopavItinaH |
j~nAnameva paraM teShAM pavitraM j~nAnamuchyate || (tatraiva 11) ||
\ldq{}agneriva shikhA nAnyA yasya j~nAnamayI shikhA |
sa shikhItyuchyate vidvAn netare keshadhAriNaH || (tatraiva 12) ||
\ldq{}karmaNyadhikR^itA ye tu vaidike brAhmaNAdayaH |
tairvidhAryamidaM sUtraM karmA~NgaM taddhi vai smR^itam || (tatraiva 13) ||
\ldq{}shikhA j~nAnamayI yasyopavItaM chApi tanmayam |
brAhmaNyaM sakalaM tasya iti brahmavido viduH || (tatraiva 14) ||
\ldq{}idaM yaj~nopavItaM cha paramaM yatparAyaNam |
vidvAnyaj~nopavItI syAttajj~nAstaM yajvinaM viduH\rdq{} || (tatraiva 15) iti ||
tasmAdyoginaH shikhAyaj~nopavIte yathA vidyete tathaiva sandhyApi vidyate | yaH shAstragamyaH paramAtmA yashchAhampratyayagamyo jIvAtmA, tayorekatvaj~nAnena mahAvAkyajanyena bhrAntipratIto bhedo visheSheNa bhagna eva | punarbhrAntyanudayo bha~Ngasya visheShaH | yeyamekatvabuddhiH seyamubhayorAtmanoH sandhau jAyamAnatvAt sandhyetyuchyate | ahorAtrayoH sandhAvanuShTheyA kriyA yathA sandhyA tadvat | evaM cha sati yogI shraddhAjaDairna vyAmohayituM shakyaH |
\ldq{}ko.ayaM mArgaH ? \ldq{}iti prashnasya \ldq{}asau svaputra\rdq{} (parama0 upa0| 1) ityAdinottaramuktam | \ldq{}kA sthitiH\rdq{} ? ityetasya \ldq{}mahApuruSha \-\rdq{} ityAdinA sa~NkShipyottaramuktvA \ldq{}saMshayaviparIta \-\rdq{} ityAdinA tadeva prapa~nchyedAnI\-
mupasaMharati \- \ldq{}sarvAnkAmAnparityajya advaite paramA sthitiH\rdq{} | (parama\. upa0 \.3) iti ||
krodhalobhAdInAM kAmapUrvakatvAt kAmaparityAgena chittadoShAH sarve.api parityajyante | etadevAbhipretya vAjasaneyibhirAmnAtaM \- \ldq{}atho khalvAhuH kAmamaya evAyaM puruShaH\rdq{} (bR^ihadAraNyakopaniShadi 4\.4\.5) iti | ato niShkAmasya yogichittasyAdvaite nirvighnA sthitirupapadyate |
nanu daNDagrahaNavidhivAsanayopetA vividiShAsa.nnyAsino yoginaM daNDarahitaM paramahaMsaM nAbhyupagachChantItyAsha~NkyAha\-
\ldq{}j~nAnadaNDo dhR^ito yena ekadaNDI sa uchyate |
kAShThadaNDo dhR^ito yena sarvAshI j~nAnavarjitaH |
sa yAti narakAnghorAnmahArauravasa.nj~nakAn ||
titikShAj~nAnavairAgyashamAdiguNavarjitaH |
bhikShAmAtreNa yo jIvetsa pApI yativR^ittihA ||
idamantaraM j~nAtvA sa paramahaMsaH\rdq{} (parama0 upa0 \.3\.3) iti |
paramahaMsasya yo.ayamekadaNDaH sa dvividhaH \- j~nAnadaNDaH kAShThadaNDashcheti | yathA tridaNDino vAgdaNDo manodaNDaH karmadaNDashcheti (\ldq{}kAyadaNDashcheti\rdq{} iti vA pAThaH) traividhyaM tadvat | vAgdaNDAdayo manunA smaryante\-
\ldq{}vAgdaNDo.atha manodaNDaH karmadaNDastathaiva cha |
yasyaite niyatA buddhau sa tridaNDIti chochyate ||
tridaNDametannikShipya sarvabhUteShu mAnavaH |
kAmakrodhau tu saMyamya tataH siddhiM nigachChati\rdq{} || \- (manu \.12\.10, 11) iti ||
teShAM svarUpaM dakShaH smarati \-
\ldq{}vAgdaNDo.atha manodaNDaH karmadaNDastathaiva cha |
yasyai niyatA daNDAstridaNDIti sa uchyate |
vAgdaNDe maunamAtiShThet karmadaNDe tvanIhatAm |
mAnasasya tu daNDasya prANAyAmo vidhIyate\rdq{} || iti |
\ldq{}karmadaNDo.alpabhojanam\rdq{} iti smR^ityantarapAThaH | IdR^ishaM tridaNDitvaM paramahaMsasyApyasti |
tadetadabhipretya pitAmahaH smarati \-
\ldq{}yatiH paramahaMsastu turyAkhyaH shrutichoditaH |
maicha niyamairyukta viShNurUpI tridaNDabhR^it\rdq{} ||  iti |
evaM sati maunAdInAM vAgAdidamanahetutvAdyathA daNDatvaM tathaivAj~nAnatatkAryadamanahetorj~nAnasya daNDatvam | ayaM j~nAnadaNDo yena paramahaMsena dhR^itaH sa eva mukhya ekadaNDItyuchyate | mAnasasya j~nAnadaNDasya kadAchichchittavikShepeNa vismR^itiH prasajyeteti tannivAraNArthaM smArakaH kAShThadaNDo dhriyate | tadetachChAstrArthara\-
hasyamabuddhvA veShamAtreNa puruShArthasiddhimabhipretya kAShThadaNDo yena paramahaMsena dhR^itaH sa puruSho bahuvidhayAtanopetatvAdghorAnmahArauravasa.nj~nakAnnarakAnApnoti | tatra heturachyate?? \- paramahaMsaveShaM dR^iShTvA j~nAnitvabhrAntyA sarve janAH svasvagR^ihe taM bhojayanti | ayaM cha jihvAlampaTo varjyAvarjyavivekamakR^itvA sarvamannamashnAti | tena pratyavAyaM prApnoti | yAni tu \ldq{}nAnnadoSheNa maskarI\rdq{} (sa.nnyAsopaniShadi 72) , \ldq{}chAturvarNyaM charedbhaikSham\rdq{} ityAdismR^itivachanAni tAni j~nAniviShayANi | ayaM cha j~nAnavarjita iti yukto.asya narakaH | ata eva j~nAnahInasya yaterbhikShAniyamamAha manuH\-
\ldq{}na chotpAtanimittAbhyAM na nakShatrA~NgavidyayA |
nAnushAsanavAdAbhyAM bhikShAM lipseta karhichit || 50||
ekakAlaM charedbhaikShaM na prasajyeta vistare ||
bhaikShe prasakto hi yatirviShayeShvapi sajjati\rdq{} || 55|| \- (manu0 6\.50, 55) ||
j~nAnAbhyAsinaM prati tvevaM smaryate\-
\ldq{}ekavAraM dvivAraM vA bhu~njIta parahaMsakaH |
yena kena prakAreNa j~nAnAbhyAsI bhavetsadA\rdq{} || iti |
evaM cha sati j~nAnadaNDakAShThadaNDayoryadantaramuttamatvAdhamatvarUpaM tadidamavagatyottamaM j~nAnadaNDaM yo dhArayati sa eva mukhyaH paramahaMsa ityabhyupagantavyam |
nanvastvabhij~nasya paramahaMsasya j~nAnadaNDo mAbhUtvakAShThadaNDanirbandhaH, itarA tu charyA sarvA kIdR^ishItyAsha~NkyAha \-
\ldq{}AshAmbaro na namaskAro na svadhAkAro na nindA na stutiryAdR^ichChiko bhaved bhikShurnAvAhanaM na visarjanaM na mantraM na dhyAnaM nopAsanaM na lakShyaM nAlakShyaM na pR^itha~NnApR^itha~N na chAhaM na tvaM na cha sarvaM na chAniketasthitireva sa bhikShuH sauvarNAdInnaiva parigrahenna lokaM nAvalokaM cha\rdq{} (parama0 upa0 \.4) iti |
AshA dishaH, tA evAmbaraM vastramAchChAdanaM yasyAsAvAshAmbaraH | yattu smR^itivachanam\-
\ldq{}jAnvorUrdhvamadho nAbheH paridhAyaikamambaram |
dvitIyamuttaraM vAsaH paridhAya gR^ihAnaTet\rdq{} ||
iti, tadidamayogiviShayam | ata eva pUrvaM \ldq{}tachcha na mukhyo.asti\rdq{} ityuktam |
yadyapi smR^ityantaraM \-
\ldq{}yo bhavetpUrvasa.nnyAsI tulyo vai dharmato yadi |
tasmai praNAmaH kartavyo netarAya kadAchana\rdq{} ||
iti, tathApi tasyAyogiviShayatvAnnAsya namaskAraH kartavyo.asti | ata eva brAhmaNalakShaNe \ldq{}nirnamaskAramastutim\rdq{} (mahAbhArate shAntiparvaNi mokShadharme 237\.24) ityudAhR^itam |
gayAprayAgAditIrtheShu shraddhAjADyAtprAptaH svadhAkAro niShidhyate | pUrvatra \ldq{}nindAgarva \-\rdq{} (parama0 upa0 \.2) ityAdivAkyenaparakR^itayA svanindayA klesho nivAritaH, atra tu svakartR^ike anyaviShaye nindAstutI niShidhyete | yAdR^ichChikatvaM nirbandharAhityam | na kvachidapi vyavahAre nirbandhaM kuryAt | yastu devapUjAyAM nirbandhaH smaryate\-
\ldq{}bhikShATanaM japaH shauchaM snAnaM dhyAnaM surArchanam |
kartavyAni ShaDetAni sarvathA nR^ipadaNDavat\rdq{} ||
iti, tasyApyayogiviShayatvamabhipretya nAvAhanamityAdyAmnAtam |
sakR^itsmaraNaM dhyAnam, nairantaryeNAnusmaraNamupAsanamiti tayorbhedaH | yathA yoginaH stutinindAdi\-laukikavyavahArAbhAvaH, yathA vA devapUjAdidharmashAstravyavahArAbhAvaH, tathA lakShyatvAlakShyatvAdi\-j~nAnashAstravyavahAro.api nAsti | \ldq{}yatsAkShichaitanyamasti tadidaM tattvamasIti vAkye tvampadena lakShyam; dehAdivishiShTaM chaitanyaM lakShyaM na bhavati, kiM tu vAchyam; tachcha vAchyaM tatpadArthAtpR^ithak, lakShyaM tvapR^ithak; svadehaniShTho vAchyo.artho.ahamiti vyavahArArhaH, paradehaniShThastvamiti vyavahArArhaH | lakShyaM vAchyamityubhayavidhaM chaitanyopetam, anyajjaDaM jagatsarvamiti vyavahArArham\rdq{} ityetAdR^isho vikalpo na ko.api yogino.asti, tadIyachittasya brahmaNi vishrAntatvAt | ata eva sa bhikShuraniketasthitireva | yadi niyatanivAsArthaM ka~nchinmaThaM sampAdayet, tadAnIM tasminmamatve sati tadIyahAnivR^iddhayoshchittaM vikShipyeta | etatsarvamabhipretya gauDapAdAchAryA AhuH\-
\ldq{}niHstutirnirnamaskAro niHsvadhAkAra eva cha
chalAchalaniketashcha yatiryAdR^ichChiko bhavet\rdq{} || \- (mANDUkyakArikAyAM 2\.37) iti ||
yathA maTho na parigrahItavyastathA sauvarNarAjatAdInAM bhikShAchamanAdipAtrANAmekamapi na gR^ihNIyAt | tadAha yamaH\-
\ldq{}hiraNmayAni pAtrANi kArShNAyasamayAni cha |
yatInAM tAnyapAtrANi varjayettAni bhikShukaH\rdq{} ||  iti
manurapi\-
\ldq{}ataijasAni pAtrANi tasya syurnirvraNAni cha |
teShAmadbhiH smR^itaM shauchaM chamasAnAmivAdhvare ||
alAbudArupAtraM vA mR^inmayaM vaiNavaM tathA |
etAni yatipAtrANi manuH svAyambhuvo.abravIt\rdq{} || \- (manu 6\.53, 54) iti ||
bodhayanopi \-
\ldq{}svayamAhR^itaparNeShu svayaM shIrNeShu vA punaH |
bhu~njIta na vaTAshvatthakara~njAnAM cha parNake ||
Apadyapi na kAMsyeShu malAshI kAMsyabhojanaH |
sauvarNe rAjate tAmre mR^inmaye trapusIsayoH\rdq{} || iti |
tathA lokaM janaM shiShyavargaM na gR^ihNIyAt | tadAha manuH \-
\ldq{}eka eva charennityaM sid.hdhyarthamasahAyakaH |
siddhimekasya pashyanhi tajjahAti na hIyate\rdq{} || \- (manu 6\.42) iti ||
medhAtithirapi\-
\ldq{}AsanaM pAtralopashcha sa~nchayaH shiShyasa~NgrahaH |
divAsvApo vR^ithAlApo yaterbandhakarANi ShaT ||
\ldq{}ekAhAtparato grAme pa~nchAhAtparataH pure |
varShAbhyonyatra yatsthAnamAsanaM tadudAhR^itam ||
\ldq{}uktAlAbvAdipAtrANAmekasyApi na sa~NgrahaH |
bhikShorbhaikShabhujashchApi pAtralopaH sa uchyate ||
\ldq{}gR^ihItasya tu daNDAderdvitIyasya parigrahaH |
kAlAntaropabhogArthaM sa~nchayaH parikIrtitaH ||
\ldq{}shushrUShAlAbhapUjArthaM yasho.arthaM vA parigrahaH |
shiShyANAM na tu kAruNyAtsa j~neyaH shiShyasa~NgrahaH |
\ldq{}vidyA dinaM prakAshatvAdavidyA rAtriruchyate |
vidyAbhyAse pramAdo yaH sa divAsvApa uchyate ||
\ldq{}AdhyAtmikIM kathAM muktvA bhaikShacharyAM surastutim |
anugrahaH pathiprashno vR^ithAlApaH sa uchyate\rdq{} ||
lokaM shiShyajanarUpaM na gR^ihNIyAdityetAvadeva na bhavati, kiM tu tasya lokasyAvalokaM darshanamapi na kuryAt, tasya bandhahetutvAt | na chetyanenAnyadapi smR^itiniShiddhaM na kuryAdityabhipretam | tachcha niShiddhaM medhAtithirdarshayati\-
\ldq{}sthAvaraM ja~NgamaM bIjaM taijasaM viShamAyudham |
ShaDetAni na gR^ihNIyAdyatirmUtrapurIShavat ||
rasAyanaM kriyAvAdaM jyotiShaM krayavikrayam |
vividhAni cha shilpAni varjayetparadAravat\rdq{} || iti |
yogino laukikavaidikavyavahAragatAni yAni bAdhakAni santi teShAM varjanamabhihitam | atha prashnottarAbhyAmatyantabAdhakaM pradarshya tadvarjanamAha\-
\ldq{}AbAdhakaH ka iti chedAbAdhakostyeva | yasmAdbhikShurhiraNyaM rasena dR^iShTaM chetsa brahmahA bhavet | yasmAdbhikShurhiraNyaM rasena spR^iShTaM chetsa paulkaso bhavet | yasmAdbhikShurhiraNyaM rasena grAhyaM chetsa AtmahA bhavet | tasmAdbhikShurhiraNyaM rasena na dR^iShTaM cha na spR^iShTaM cha na grAhyaM cha\rdq{} (parama0 upa0 \.4) iti |
AkAro.abhivyAptyarthaH, \ldq{}A~NIShadarthebhivyAptau\rdq{} ityabhihitatvAt | abhivyAptau bAdhako.atyantabAdhakastasya sadbhAvaM pratij~nAya hiraNyasya tathAvidhabAdhakatvamuchyate | rasenAbhilAShayuktenAdareNa hiraNyaM yadi dR^iShTaM syAttadAnIM sa draShTA bhikShurbrahmahA bhavet | hiraNyAsaktyA tatsampAdanarakShaNayoH sarvadA prayatamAnastadvaiyarthyaparihArAya prapa~nchamithyAtvapratipAdakAn vedAntAndUShayitvA tatsatyatvamavalambate | tataH shAstrasiddhamadvitIyaM brahma tena bhikShuNA hatameva bhavati | tasmAdasau brahmahA bhavet |
tathA cha smaryate\-
\ldq{}brahma nAstIti yo brUyAddveShTi brahmavidaM cha yaH |
abhUtabrahmavAdI cha trayaste brahmaghAtakAH | \rdq{} iti |
\ldq{}brahmahA sa tu vij~neyaH sarvadharmabahiShkR^itaH | \rdq{} iti cha |
abhilAShapUrvakaM hiraNyaM spR^iShTaM chettadA tatspR^iShTA bhikShuH patitatvAt paulkaso mlechChasadR^isho bhavet | pAtityaM cha smaryate\-
\ldq{}patatyasau dhruvaM bhikShuryasya bhikShordvayaM bhavet |
dhIpUrvaM reta utsargo dravyasa~Ngraha eva cha\rdq{} || iti |
abhilAShapuraHsaraM hiraNyaM na grAhyam | gR^ihItaM chettadA sa bhikShurdehendriyAdisAkShiNamasa~NgaM chidAtmAnaM hatavAnbhavet, asa~Ngatvamapohya svAtmano hiraNyAdidravyaM prati bhoktR^itvena pratipannatvAt | tasyAshchAnyathApratipatteH sarvapAparUpatvaM smaryate\-
\ldq{}yo.anyathA santamAtmAnamanyathA pratipadyate |
kiM tena na kR^itaM pApaM choreNAtmApahAriNA\rdq{} || \- (mahAbhArate 1\.68\.26) iti ||
kiM chAtmaghAtinaH sukhaleshenApi rahitA bahuvidhaduHkhenAvR^ittA lokAH shrUyante\-
\ldq{}asuryA nAma te lokA andhena tamasAvR^itAH |
tAMste pretyAbhigachChanti ye ke chAtmahano janAH | \rdq{} \- (IshopaniShadi 3) iti ||
dR^iShTaM chetyanena chakAreNa shrutaM cha samuchchIyate | spR^iShTaM chetyanena kathitasya samuchchayaH | grAhyaM chetyanena vyavahR^itaM cheti samuchchIyate | darshanasparshanagrahaNavadabhilAShapUrvakA hiraNyavR^ittAntashravaNatadguNakathana\-tadIyakrayAdivyavahArA api pratyavAyahetava yasmAtsAbhilAShahiraNyadarshanAdayo doShakAriNastasmAdbhikShuNA
hiraNyadarshanAdayo varjanIyA ityarthaH | hiraNyavarjanasya phalamAha\-
\ldq{}sarve kAmA manogatA vyAvartante duHkhe nodvignaH sukhe niHspR^ihastyAgo rAge sarvatra shubhAshubhayoranabhisneho na dveShTi na modate cha sarveShAmindriyANAM gatiruparamati ya AtmanyevAvatiShThate\rdq{} (parama0 upa0 \.4) iti |
putrabhAryAgR^ihakShetrAdikAmAnAM sarveShAM hiraNyamUlatvAddhiraNye parityakte sati te kAmA manogatA manasyavasthAnAdvyAvartante vyAvR^ittA bhavanti | kAmanivR^ittau satyAM karmaprAptayorduHkhasukhayorudvegaspR^ihe na bhavataH | etachcha sthitapraj~naprastAve prapa~nchitam | aihikayoH sukhaduHkhayorvikShepakatvenAmuShmikaviShayarAgepi tyAgo bhavati | aihika sukhaspR^ihAyukto hi taddR^iShTAntenAnumita AmuShmike sukhe rAgavAnbhavati | tasmAdaihike niShpR^ihasyAmuShmike rAgAbhAvo yujyate | evaM sati sarvatra lokadvayepi yau shubhAshubhAvanukUlapratikUlaviShayau tayoranabhisnehaH | etachcha dveSharAhityasyApyupalakShaNam | tAdR^isho vidvAnashubhakAriNaM ka~nchidapi puruShaM na dveShTi | shubhakAriNaM dR^iShTvA na cha modaM prApnoti | dveShamodarahito yaH pumAnAtmanyeva sarvadAvatiShThate tasya sarveShAmindriyANAM gatiH pravR^ittiruparamati | indiyoparatau na kadAchidapi nirvikalpasamAdhervighno bhavati | \ldq{}teShAM kA sthitiH ?\rdq{} iti prashnasya sa~NkShepavistarAbhyAmuttaraM pUrvamuktam; tadevAtra punarapi hiraNyaniShedhaprasa~Ngena spaShTIkR^itam |
atha vidvatsa.nnyAsamupasaMharati \-
\ldq{}yatpUrNAnandaikabodhastadbrahmAhamasmIti kR^itakR^ityo bhavati kR^itakR^ityo bhavati\rdq{} (parama0 upa0 \.4) iti |
yadbrahma vedAnteShu pUrNAnandaikabodhaH paramAtmeti nirUpitaM tadbrahmAhamasmItyevaM sarvadAnubhavannayaM yogI paramahaMsaH kR^itakR^ityo bhavatIti | yathA cha smaryate \-\-\-
\ldq{}j~nAnAmR^itena tR^iptasya kR^itakR^ityasya yoginaH |
naivAsti ki~nchitkartavyamasti chenna sa tattvavit\rdq{} || iti ||
jIvanmuktivivekena tamo hArdaM nivArayan |
pumarthamakhilaM deyAdvidyAtIrthamaheshvaraH || 1||
iti shrImadvidyAraNyapraNIte jIvanmuktiviveke vidvatsa.nnyAsanirUpaNaM nAma pa~nchamaM prakaraNam || 5||
sampUrNo.ayaM shrImadvidyAraNyapraNIto jIvanmuktivivekaH |

##
Proofread by Manish Gavkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}