% Text title            : mANDUkyopaniShaddIpikA
% File name             : mANDukyashankarAnandi.itx
% Category              : major\_works, svara, upanishhat
% Location              : doc\_z\_misc\_major\_works
% Author                : shaNkarAnandabhagavat
% Transliterated by     : Br. Pranipata Chaitanya pranipatachaitanya [ at ] yahoo.co.in
% Proofread by          : Sunderh Hattangadi
% Latest update         : November 19, 2011
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mANDUkyopaniShat dIpikAkhyavyAkhyAsahitA ..}##
\itxtitle{.. mANDUkyopaniShat dIpikAkhyavyAkhyAsahitA ..}##\endtitles ##
                           hariH AUM .
                     atha mANDUkyopaniShat .
shrIsha~NkarAnandabhagavatkR^itadIpikAkhyavyAkhyAsahitA .

                ##--------------------------------##
hariH OM . OMityetadakSharamida{\m+} sarva.n tasyopavyAkhyAnaM bhUtaM
bhavadbhaviShyaditi sarvamo.nkAra eva . yachchAnyattrikAlAtIta.n
tadapyo~NkAra eva .. 1..
     mANDUkyopaniShadvyAkhyAM kariShye padachAriNIm .
     OMmAtmAbhedasambodhAdAnandAtmaprakAshinIm .. 1..
                ##--------------------------------##
nAmanAminorloke bhedasyAprasiddhatvAdvastutashcho~NkArasya
brahmavivartatvAdvivartAnAM cha vivartAdhiShThAnena bhedashUnyatvAdata
OMkAraM brahmanAmadheyaM brahmadR^iShTyA.a.aha .. AUM .. avati
brahmabuddhyA dR^iShTo draShTR^Inityom .. iti\, OM~NkArAnukaraNArthaH ..
etat .. uktamo~NkArarUpa.n jagatparNasya sha~NkusthAnIyaM brahmaNA
tAdAtmyaM prAptaM brahmaNo vikAro nAmadheyaM cha .. akSharam \,
varNAtmakam .. ida.n vividhapratyayagamyaM chetanAchetanAtmakaM jagat
sarva.n nikhila.n tasya sarvAtmakasyoMkArasyopavyAkhyAnamupa sAmIpyena
vispaShTamAsamantAtkathanamuktArthavivaraNamityarthaH .. bhUtamatItaM
bhavadvartamAnaM bhaviShyadanAgatamityanena prakAreNa sarvaM
nikhilamoMkAra eva praNava eva\, na tvanyat .. yachcha yadapi prasiddhaM
sadasadAtmakamanyaduktAdvyatiriktaM trikAlAtItamuktakAlatrayAsaMsR^iShTaM
tadapyuktaM brahma naraviShANAdikamapi . apishabdaH pUrveNa samuchchayamAha ..
OM~NkAra eva .. vyAkhyAtam .. 1..
                ##--------------------------------##
     sarva{\m+} hyetadbrahmAyamAtmA brahma so.ayamAtmA chatuShpAt .. 2..
     jAgaritasthAno bahiShpraj~naH saptA~Nga
     ekonavi.nshatimukhaH sthUlabhugvaishvAnaraH prathamaH pAdaH .. 3..
                ##--------------------------------##
OM~NkArasya brahmaNo nAmadheyatvAdisaMvyAptirityabhiprAyeNA
Aha .. sarvaM nikhilaM hi nishchitametatprapa~nchajAtaM brahma
satyadnyAnAdilakShaNaM bR^ihat . jaDasyaiva brahmAtmatvamuktaM\,
na chetanasyetisha~NkAnirAkaraNArthamAha .. ayamanubhUyamAna
AtmA.asmatpratyayAlambanashchetanastvaMpadArthaH . brahmokta.n tatpadArthaH .
sa kAryakAraNabhAvamantareNa brahmaNA tAdAtmyaM prApto.ayamAtmA
vyAkhyAtam . chatuShpAchchatvAraH pAdA yasya sa chatuShpAt .. 2..

gauriva kiM chatuShpAdityAsha~Nkya netyAha .. jAgaritasthAno jAgaritaM
sthAnaM yasya saH jAgaritasthAnaH . bahiHpraj~no  bahIrUpAdau
chakShurAdigrAhye pradnyA yasya sa bahiHpradnyaH ..saptA~NgaH
saptasaMkhyAkAni dyusUryavAyvAkAsharayipR^ithivyAhavanIyAkhyAni
mUrdhachakShuHprANasharIrAntarbhAgamUtrAshayapAdAsyAnya~NgAni
yasya sa saptA.a~NgaH .. ekonaviMshatimukhaH\,
pa~nchadnyAnakarmendriyaprANAntaHkaraNachatuShTayarUpANi
mukhAnyekonaviMshatisaMkhyAkAni yasya sa ekonaviMshatimukhaH ..
sthUlabhuk.h\,  sthUlaM rUpAdikaM bhu~Nkta iti sthUlabhuk ..
vaishvAnaro vishveShAmayaM naro vishve vA narA yasya vishvashchAsau
narashcheti vA vishvAnaraH\, sa eva vaishvAnaraH . athavA vishveShAM
narashabdavAcyAnAM chaturvidhAnAM sthUlAnAM dehAnAmadhiShThAtA.ayaM
vaishvAnaraH prathamaH pAdaH . Atmano.ayaM sarvaiH sukarAvagamatvAt
prathamoM.ashaH .. 3..
                ##--------------------------------##
     svapnasthAno.antaHpraj~naH saptA~Nga ekonaviMshatimukhaH
     praviviktabhuk taijaso dvitIyaH pAdaH .. 4..
     yatra supto na ka~nchana kAma.n kAmayate na ka~nchana
     svapnaM pashyati tatsuShuptam . suShuptasthAna ekIbhUtaH
     praj~nAnaghana eva.a.anandamayo hyAnandabhuk chetomukhaH
     prAj~nastR^itIyaH pAdaH .. 5..
                ##--------------------------------##
idAnIM dvitIyaM pAdamAha .. svapnasthAnaH svapnaM jAgaritavAsanAjanyaM
sthAnaM yasya sa svapnasthAnaH .. antaHpradnyo.antarmAnasavAsanAvilAse
pradnyA buddhiryasya so.antaHpradnyaH .. saptA~Nga ekonaviMshatimukhaH ..
vyAkhyAtam . praviviktabhukpraviviktaM sUkShmaM bhu~Nkta iti
praviviktabhuk . taijasastejo.antaHkaraNaM kartR^ikaraNakAryAdibhAvena
pariNataM tadeva sthUlasharIrAdihInaM yasya saH taijasaH . antaHkaraNasya
svAmItyarthaH . jAgaritAnantarabhAvitvAt .. dvitIyaH pAdaH .. spaShTam .. 4..
idAnIM tR^itIyaM pAdaM vaktumAha .. yatra yasmin kAle supta
uparatendriyagrAmo\, na ka~nchana kAma.n kAmayate kamapi
puNyapApahetubhUtaM putrakShetrAdikaM nAbhilaShati .. na
ka~nchana svapnaM pashyati kamapi shubhamashubhaM vAsanAvilAsaM
nAvalokayati .. tat kAmAkAmanasvapnAnavalokanarUpaM suShuptaM
gADhanidrAprAptisthAnam .. suShuptasthAnaH .. suShuptaM
svayaM shrutyA vyAkhyAtaM sthAnaM yasya sa suShuptasthAnaH .. ekIbhUtaH
sarvajagad.hbIjabhUtasyA.a.avaraNAtmakasyAdnyAnasyAnuparamA\-daneko.apyantaHkaraNavikShepoparamAdekatAM
gataH\, pradnyAnaghana eva pradnyAnamAtmano rUpaM brahmaNA bhedarahitaM
svayaMprakAshaM tasya ghanaH piNDa iva sa eva na tvantaHkaraNAdibAhyaM
cha . na cha nirAnanda ityAha ..
Anandamayo\,  vikShepANAmuparamAdAvaraNasyAnuvR^itteshcha
svarUpAnandaprachuro\, hi yasmAttasmAdAnandabhugAnando
vikShepAbhAvopalakShita AtmA tameva
bhu~Nkte.adnyAvR^ittibhiravagacChatItyAnandabhuk .. chetomukha\,
cheta AtmasvarUpabodhaH sa evA.a.avaraNashaktisahito mukhaM yasya
sa chetomukhaH .. prAdnyaH prakR^iShTe svayaMprakAsha AnandAtmani
sAdnyAne dnyaptiradnyAnAvR^ittirUpo bodho yasya sa pradnyaH pradnya eva
prAdnyaH .. uktAvasthAdvayAbhAvenA.avagamyamAnatvAt . tR^itIyaH pAdaH .
spaShTam .. 5..
                ##--------------------------------##
     eSha sarveshvara eSha sarvaj~na eSho.antaryAmeSha yoniH sarvasya
     prabhavApyayau hi bhUtAnAm .. 6..
     nAntaHpraj~naM na bahiShpraj~naM nobhayataHpraj~naM na
     praj~nAnaghanaM na praj~naM nApraj~nam .
     adR^iShTamavyavahAryamagrAhyamalakShaNamachintyamavyapadeshyamekAtmapratyayasAraM
     prapa~nchopashamaM shAntaM shivamadvaitaM chaturthaM manyante sa
     AtmA sa vij~neyaH .. 7..
     so.ayamAtmA.adhyakSharamo.nkAro.adhimAtraM pAdA mAtrA
     mAtrAshcha pAdA akAra ukAro makAra iti .. 8..
                ##--------------------------------##

idAnIM prAdnyaM prastauti sarvakAraNatvAttasya .. eSha uktaH prAdnyaH
sarveshvaraH sarvaniyAtmakaH .. eSha prAdnyaH sarvadnyaH sarvashchAsau
dnyashcheti sarvakAryAtmakatvAdadnyAnasya vA jAnAtIti sarvadnyaH ..
eSha prAdnyo.antaryAmI antaryamayitA eSha prAdnyo\, yoniH kAraNaM\,
sarvasya nikhilasya chetanAchetanAtmakasya jagataH .. yonitve hetumAha
..prabhavApyayAvutpattivinAshau hi yasmAdbhUtAnAM chetanAchetanarUpANAmito
bhavata iti sheShaH .. 6..

idAnIM turIyaM pAdamAha .. nAntaHpradnyaM\, na
mAnasavAsanAvilAsadarshanalAlasaM\, na bahiHpradnyaM
nendriyairviShayAvalokanaparaM\, nobhayataHpradnyaM
jAgaraNasvapnAntarAlAvasthAvabodhashUnyaM\, na pradnyAnaghanaM na
dnyAnamAtrabodhaM\, na pradnyaM nirvikalpabodhashUnyaM\, nApradnyaM na
bodhAbhAvarUpam .. adR^iShTaM pratyakShAdipramANairanavalokitam ..
avyavahAryaM vachanAdAnAdivyavahAragandharahitam .. agrAhyaM
sarvaprakAragrahaNAyogyam .. alakShaNaM gandhavattvAdibodhashUnyam ..
achintyam antaHkaraNavR^ittyaviShayabhUtam ..
avyapadeshyaM pR^ithivItyAdivyapadeshavad vyapadeshAyogyam ..
ekAtmapratyayasAraM sarvAdvaitapratyayaH sArabhUto.avagatihetutvena
yasmiMstadekAtmapratyayasAraM\, vA~NmanasAtItamapyAtmabodhenAvagantuM
shakyamityarthaH .. prapa~nchopashamaM prapa~nchasya
kAryakAraNAtmakasyopashamo.abhAvo yasmiMstatprapa~nchopashamam . shAntaM
spaShTam .. shivaM svayaMprakAshamAnandA.a.atmasvarUpatvAnma~Ngalam ..
advaitam AnandAtmavyatiriktashUnyaM\,
chaturthaM turIyaM pAdaM manyante saMkhyAshUnyamapi
pUrvApekShayA.avagacChanti .. sa vastutastvaturIyarUpo.apyavidyayA
chatuShpAdAtmA.a.anandAtmA.asmatpratyayavyavahArayogyaH\, sa
turIyarUpo.apagatasamastavisheSho vidnyeyo visheSheNa sAkShAtkartavyaH .. 7..

idAnImAtmo~NkArayorabhedaM kaNThata Aha . so.ayamAtmA .. vyAkhyAtam ..
adhyakSharam akSharANyakArokAram akArArdhamAtrAkhyAni
svapAdasaMmitAnyadhikR^itya vartata ityadhyakSharam ..
OMkAra OMkArasvarUpa OMkArasyA.a.atmasvarUpatve sAmyam .. adhimAtram
akArAdyAshchatasro mAtrA vishvAdipAdasamasaMkhyAkA adhikR^itya adhimAtram .
AtmoMkArayorabhede kAraNamAha .. pAdA vishvataijasaprAdnyaturIyAkhyA\,
mAtrA akArokAramakArArdhamAtrAH . tAdAtmyaM dR^iDhIkartumuktaM
viparyayeNa nirdishati .. mAtrAshcha pAdAH . chakAra evakArA.arthaH .
nAyaM viparyayanirdeshastvamahamitivadupachArArthaH\,
kintu ghaTaH kalashaH kalasho ghaTa itivannirUpacharitaM
mAtrANAM pAdAnAM cha tAdAtmyamityevakArArthaH .
vyAkhyAtamanyat . ardhamAtrAyAsturIyapAdarUpatvAtturIyasya cha
pUrvapAdatrayAdatyantavailakShaNyAdato.ardhamAtrAM parityajya sheShamAtrA
Aha .. akAra ukAro makAraH .. spaShTam .. iti mAtrAtrayanirdeshArthaH .. 8..
                ##--------------------------------##
     jAgaritasthAno vaishvAnaro.akAraH prathamA
     mAtrA.a.apterAdimattvAdvA.a.anoti ha vai sarvAn
     kAmAnAdishcha bhavati ya evaM veda.. 9..
                ##--------------------------------##
idAnIM vibhAgena mAtrANAM pAdarUpatAmAha .. jAgaritasthAno
vaishvAnaro.akAraH\, prathamA mAtrA  pUrvA mAtrA .. vyAkhyAtamanyat .
akArasya pUrvamAtratva upapattimAha .. AptervyApteH . akAro hi
jAgaritasthAnAdikaM sarvamApnoti ..
prakArAntareNa punarniruktimAha .. AdimattvAdvA .. a A i
ityevamAdirAdiH . sa yasminnasti so.ayamAdimAMstasya bhAva
AdimattvamAdisAmAnyavattvamityarthaH . prathamapAdo.api yathA
pAdAnAmAdirata eva tatsAmAnyavAnApnoti chetaratpAdajAtaM
pUrvabhAvitvAt . vAshabdaH pakShAntarArthaH .
vishvAkArayoraikyamAptervA.a.adimattvAdvetyarthaH . idAnIM
vishvAkArayorAptyA.a.adimattvadnyAnAtphalamAha ..Apnoti prApnoti
hi prasiddhAn vai smaryamANAn sarvAn nikhilAn kAmAn kAmyamAnAn
putrakShetrAdIn . ApteH phalamuktvA.a.adimattvasya phalamAha ..
Adishcha svAnAM madhye sarveShu kAryeShu prathamagaNyaH . chakArAdapi
prathamaM phalaM bhavati . spaShTam .. yasya phalaM tamAha .. yaH
pAdamAtrAtAdAtmyadnya\, evamuktena prakAreNoktayoH pAdamAtrayoH sAmAnyaM
veda jAnAti sa ApnotItyanvayaH .. 9..
                ##--------------------------------##
     svapnasthAnataijasa ukAro dvitIyA
     mAtrotkarShAdubhayatvAdvotkarShati ha vai j~nAnasantatiM
     samAnashcha bhavati
     nAsyAbrahmavit kule bhavati ya evaM veda .. 10..
     suShuptasthAnaH prAj~no makArastR^itIyA mAtrA miterapItervA
     minoti ha vA ida{\m+} sarvamapItishcha bhavati
     ya evaM veda .. 11..
                ##--------------------------------##
svapnasthAnastaijasa ukAro dvitIyAmAtrA .
spaShTam .. taijasokArayostAdAtmye hetumAha ..
utkarShAdUrdhvabhAvitvenotkR^iShTatvAt . punaranyat sAmAnyamAha ..
ubhayatvAdvA .. vishvAkArAbhyAM taijasokArayordvitIyatvAt ..
vAshabdaH pUrvavat . idAnImuktadnyAnasya phalamAha .. utkarShati ha
vai dnyAnasaMtatiM shiShyaprashiShyAdidnyAnasaMtatyotkR^iShTo bhavati .
vyAkhyAtamanyat . ubhayatvadnyAnasya phalamAha .. samAnashcha
bhavati\,  yo hi svAvasthAnadeshekAlevotkR^iShTastatsamAnaH .
chakArAttasmAdutkR^iShTo.api bhavati . idAnImubhayadnyAnasya sAdhAraNaM
phalamAha .. nAsyAbrahmavitkule bhavati .. asyotkarShobhayatvadnyAnavataH
kule.anvaye shiShyaprashiShyAdirUpe.ahaM brahmAsmItyetajdnyAnashUnyo na
bhavati .. ya evaM veda .. vyAkhyAtam .. 10..

suShuptasthAnaH prAdnyo makArastR^itIyA mAtrA\, spaShTam .
prAdnyamakArayostAdAtmye hetumAha .. miterminoti
hi prAdnyaH sarvamAtmani tAdAtmyena makAro.apyakArokArau
prakShipatyevamAtmasvarUpe.anyathoMkArasyAniShpatteH . apItervA makAro
hyoMkAre vartamAnaH spaShTaM nopalabhyate . tataH pralayaH prAdnyashcha
pralayaH prasiddhaH . pralayasAmAnyAt . vAshabdaH pUrvavat ..
idAnIM mitidnyAnasya phalamAha .. minoti  ha vA idaM sarvam ..
idam vividhapratyayagamyaM jagannikhilaM prasthamiva yAvat.h\,
minoti  sarvAtmabhAvena svAtmani prakShipati . apItidnyAnasya phalamAha ..
apItishcha bhavati\, sarvAdhikyena pralayaH sarvasya .. chakArAt svayaM
pralayashUnyashcha bhavati .. ya evaM veda\, vyAkhyAtam .. 11..
                ##--------------------------------##
     amAtrashchaturtho.avyavahAryaH prapa~nchopashamaH shivo.advaita
     evamo.nkAra Atmaiva saMvishatyAtmanA.a.atmAnaM ya evaM
     veda .. 12..
                iti mANDUkyopaniShat ..
                ##--------------------------------##
ardhamAtrAyA avayavasyoMkArasyA.avavayavinashchAbhedamurarIkR^itya
chaturthapAdarUpanira~njanAtmasvarUpatAmoMkArasyA.a.aha ..
amAtro.akArAdimAtrAshUnyashchaturtho.avyavahAryaH
prapa~nchopashamaH shivo.advaitaH\, spaShTam ..
evamuktena mAtrAtAdAtmyenoMkAra Atmaiva ..
spaShTam . saMvishati samyakpraveshaM
karotyAtmanoMkAreNA.a.atmAnamAnandAtmasvarUpaM ya
OM~NkArAtmadnya evamuktena prakAreNoMkArAtmanostAdAtmyaM veda jAnAti
tasyoktoM~NkArarUpAnandAtmaprAptiphalamarthasiddhaM . tataH shrutyA
noktam . atha vA saMvishatyAtmanA.a.atmAnamitIdaM phalavAkyamastu .. 12..

iti shrImatparamahaMsaparivrAjakAchAryAnandAtmapUjyapAdashiShyasya
shrIshaMkarAnandabhagavataH kR^itau mANDUkyopaniShaddIpikA samAptA ..

##
\medskip\hrule\medskip
Encoded by Br. Pranipata Chaitanya pranipatachaitanya [@] yahoo.co.in
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}