% Text title : mahAbhAratam by oTTUruNNinampUtirippAT % File name : mahAbhAratamoTTUruNNinampUtirippAT.itx % Category : major\_works % Location : doc\_z\_misc\_major\_works % Author : Unni Nambudiripad, Ottoor % Transliterated by : Shankara % Proofread by : Shankara % Source : Serialised in a Malayalam magazine along with Malayalam translation % Latest update : February 10, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Mahabharatam Bharatapunyabhumih ..}## \itxtitle{.. mahAbhArataM bhAratapuNyabhUmiH ..}##\endtitles ## (oTTUr uNNi nampUtirippAT virachitam) sthAne tadetadbharatasya rAjyaM yatsUrayo varShamiti bruvanti | yasmAdasAdhAraNanityavarSho yatraiva jAto bhagavatkR^ipAyAH || 1|| yasmAdihaiveshvaranityadIpti\- ryasmAdihaivAkhiladharmarohaH | yasmAdidaM daityaripoH kalatraM tasmAdidaM kShetramudIrayanti || 2|| AtmadyutirvA bhagavatprabhA vA bhAshabdalakShyArthatayA.avadhAryA | yaddivyatejasyanishaM ratatvAt prakhyAyate bhAratasa.nj~nayaitat || 3|| adhyAtmavidyAmR^itamasti nAbhyAM kalANagAtryA ajanAbhadhAtryAH | vAhnAshugairAsuradharmarUpai\- ryachChoShaNAdeva mR^itA bhavet sA || 4|| etanmahAbhAratadivyavarShaM sAkShAnmahAbhAratavanmahiShTham | vAlmIkirAmAyaNavatpavitraM shrImanmahAbhAgavatAbhirAmam || 5|| yatraiva jAgarti himAlayAkhya\- shailAdhipassaMyaminAM sharaNyaH | gaurIgururj~nAnatapassamAdhi\- mantrauShadhInAmadhivAsabhUmiH || 6|| yatraivatA bhAgavatAdirUpA ga~NgAbhirUpA dvividhAstaTinyaH | sarvaM punantyastR^iNavIrudho.api muktiM nayantyaH paritassaranti || 7|| yatraiva kAshI badarI prayAgo kAmeshvaraM pa~nchavaTI kumArI | vR^indAvanaM mArutamandiraM cha smR^ityaiva saMsAraharANi santi || 8|| yatraiva vR^indAvanadivyadhUlI ga~NgAjagannAthamahAprasAdaH | etattrayaM muktajanairniShevyaM mUrttaM chidAnanda satattvamasti || 9|| yatraiva rAmAyaNamAdikAvyaM shrIbhArataM pa~nchamavedasa.nj~nam | valmIkajAtsatyavatIsutAchcha vij~nAnasUryadvayamAvirAsIt || 10|| yatraiva nishsheShapurANaguhyaM sachchinmayaM bhAgavataM babhUva | yatkR^iShNamevAkhiladharmaguptyai granthAtmanA bhugyavatIrNamAhuH || 11|| yuddheShu dikpAlajito.atishUrA\- ssatyAya sarvasvamucho.atidhIrAH | kAruNyato dagddhadhiyo mahAnto yatraiva jAtAshshatakoTisa~NkhyAH || 12|| svarNe tR^iNe tulyadR^isho vimuktA muktau viraktAH paramArthabhaktAH | Ishasya nAnAmadhurAvatArA yatraiva nirlobhatayA babhUvuH || 13|| tAtaM trilokeshvaranirvisheShaM jyeShThaM tu tAtena samAnakakSham | jeShThena tulyaM vayasAdhikAMshcha sambhAvayanto yata eva jAtA || 14|| dR^iShTiM nivartyAvayavAntarebhyaH pAdAravindaM parasundarINAm | ambA~Nghribud.hdhyA satataM namanto yatraiva jAtAH puruShAssushIlAH || 15|| yatraiva sarvAtmasamarpaNena shritvA turuM nishchalabhaktipUrvam | muktiM tR^iNIkR^itya samarchchayanta\- shshiShyAgragaNyA abhavannasa~NkhyAH || 16|| yatrodapadyanta kilopamanyu\- rutta~Nka uddAlaka ekalavyaH | AchAryabhaktermakuTAbhiShikta\- dR^iShTAntabhUtA mahanIyashiShyAH || 17|| bhUteShvanAgassu bibharti daNDaM yo nirdayassa tridiveshvaro.astu | anyo.astu vA tasya bhujaM prasahya\- ChettuM sashauryA yata eva jAtAH || 18|| bAleShu vR^iddheShvabalAsu goShu vipreShu sa.nnyAsiShu tApaseShu | dIneShu bhIteShvaraNAgateShu sanyastashastrA yata eva jAtAH || 19|| dharmasya hetostanayaM kalatraM rAjyaM sharIraM tridivaM vimokSham | sarvAn padArthAMstR^iNavadvihAtuM yattA mahAnto yata eva jAtAH || 20|| dharmasya hetorguruNA sutena tAtena mAtrA shrutibhissureshaiH | vishveshvareNApi cha vigrahItu\- mudriktadhairyA yata eva jAtAH || 21|| niShki~nchanA apyatithInasheShAn sarvasvadAnaiH paritoShayantaH | anyAdR^ishA adbhutadAnashUrA yasminmahAbhArata eva jAtAH || 22|| nishsheShamannaM cha mudAtithibhyo datvA svayaM tvabhyavahArahInAH | kShutkShAmadehA nidhanaM gatA ye yatraiva jAtA grahamedhinaste || 23|| kShudhAnivR^ittyai svagR^ihAgatAnAM sudustyajaM svA~Ngamapi pradAya | kR^itArthabhAvena mR^itA gR^ihasthA viha~NgavaMsheShvapi yatra jAtAH || 24|| dInAnusevAM puruShArthayantaH kaivalyasaukhyaM tR^iNatUlayantaH | kaivalyanAthaM nijabhR^ityayanto yasyAmajAyanta mahAnubhAvAH || 25|| Ali~Ngya bharttuH kuNapaM chitAyAM talpe yathA puShpamaye shayAnAH | samprItipUrvaM jvalane dahantya\- shchAritravatyo yata eva jAtAH || 26|| saMstambhayantyo rathamuShNarashme\- rnirvIryayantyashshamanasya pAsham | vaishvAnaraM chandanapa~Nkayantyo yatraiva sAdhvImaNayo.abhijAtAH || 27|| ara~NgasIbasya bhayapradAyI marATTadeshasya vimokShakArI | abhij~nalokasya padAbjasevI babhAja yatraiva janiM shivAjI || 28|| pratApasiMho yavanendradanti\- pratApavidhvaMsavidagddhasiMhaH | paLashshirAT chA~Ngala bhImasainya\- galekuThAro yata eva jAtau || 29|| nArthaM na kAmaM na divaM na mokShaM kiM tvArttimevAkhiladehAbhAjAm | svasyopabhuktyai kR^ipayA mukundA\- dvR^iNvan yato.ajAyata rantidevaH || 30|| andhaM viditvA nijajIviteshaM chailasya khaNDena vilochane sve | samyakpidhAyA.amaraNaM sthitA yA sA yatra jaj~ne dhR^itarAShTrapatnI || 31|| atyantabAlye vayasi sthitA yA pUrNatrayIshaM parirabhya sadyaH | antarhitA.abhUdvapuShaiva sAkaM sA dhanya kanyA cha yato.ajaniShTa || 32|| kAchitkurUrAkhyagR^ihasya nAthA nAdhItavidyA vidhavA varAkI | bhUdevatanvI piThare rurodha yatraiva sAkShAt paramaM pumAMsam || 33|| godA yato.ajAyata ra~NganAtho nirmAlyadhAritvamiyAya yasyAH | mIrA cha yasyA harigAnamAdhvIM pItvA shilApi praNayAdarodIt || 34|| yatraiva sItA shabarI jaTAyuH shrIrAmabhadro bharato hanUmAn | bhiShmombarISho vidussudAmA rAdhA yashodA pashupAshcha jAtAH || 35|| nimbArkarAmAnujamAdhvamukhyaH kaNNappanandadraviDArbhakAdyAH | nAnAktukArAma purassarAshcha yatraiva jAtA amitaprabhAvAH || 36|| yatroditA rUpasanAtanAdyA lakShmIdharashrIdharayAmunAdyAH | j~nAneshvarashrItulasIpurogAH shrIsUradAsapramukhAshcha bhaktAH || 37|| mANikyasambandhapurandarAdyAH pUntAnalIlAshukavallabhAdyAH | traili~NgapAvArisadAshivAdyA uddAmavIryA yata eva jAtAH || 38|| sa buddhadevaH karuNAsamudra\- ssa sha~Nkaro j~nAnamahAsumeruH | sa gaurakR^iShNaH praNayAmR^itAMshu\- strayo.api yatraiva samAvirAsan || 39|| yatraiva sAkShAdavatAravaryaH shrIrAmakR^iShNassakalAbhirAmAm | AshcharyarUpAM nijadivyalIlA\- masmatsamakShaM prakaTIchakAra || 40|| yatraiva kR^iShNaH svayameva sAkShAt pUrNaM paraM brahma samAvirAsIt | yaddivyakelIrasasindhumadhye poplUyate.adyApi samastalokaH || 41|| yasyA mahAbhAratabhUjananyA\- stanyAmR^itaM suShThu pibanta eva | vR^iddhi~NgatA vyAsashukAmbarISha\- prahlAdavR^itrAdi samastAbhaktAH || 42|| pAdAbjadhUlyA karuNAdR^ishA cha vishvaM samastaM punatAM bahUnAm | puNyAtmanAM bhAgavatottamAnAM janmakShitiM tAM bhaje bhAratAmbAm || 43|| yatraiva vR^indArakamR^igyamANo dharmAtmako rohati kalpavR^ikShaH | yaH pUrayatyarthijanasya hastaM mokShAdibhissarvavarapradAnaiH || 44|| yatraiva vedopaniShatpurANa\- tantrAdi nAnAkanakAchalAnAm | yogAdinAnAsaritAM cha sattvAt sarvasya hastastha ivA.amR^itAbdhiH || 45|| yatraiva saddharmapavitraduddhaM shuddhAdvayaj~nAnamarandayUSham | sarveshvarasnehaghR^itaM cha dhR^itvA nityaM sravanti trividhAshcha kalyAH || 46|| kAmArthayordharmaparAyaNatvaM dharmasya nirmuktividheyabhAvaH | muktestathA bhaktipadAbjadAsyaM yatraiva jAgarti yathApradhAnam || 47|| vAtAshanAnAM gaganAmbarANAM yogIshvarANAM charaNAbjadAsyam | sAmrAjyalakShmIH pR^ithivIpatInAM yatraiva saprashrayamAtanoti || 48|| vANijyakR^iShyAdisamastayatnA\- ssAhityagItAdisamastavidyAH | AhAranidrAdisamastabhogA yatraiva niHshreyasalakShyabaddhAH || 49|| yatra dvipAH syurnikhilA gaNeshAH kIshA asheShA hanumatsvarUpAH | shyenAssamastA garuDAMshabhUtA\- ssarpAshcha sarve shivabhUShaNAni || 50|| bhaktottamAnAM nijasantatInA\- munmattanR^ityairharikIrtanaishcha | ApAdachUDaM pulakAnuviddhA yasyAstanUreva sadA chakAsa || 51|| nAnnaM na peyaM nacha mantravarNo nAdhyAtmavidyA nacha lokavidyA | Apadya vikreyapadArthakakShAM yadyaj~nabhuvyeva kadApyaduShyat || 52|| vArddhakyakAle.apyarShivR^ittishUnyo gehe shayitvA maraNaM prapannA | durbhAgyapUrNassujanAnushochyo yadbhUtale nAjani ko.api bhUpaH || 53|| tAruNyakAle samarA~NgaNe vA vArddhakyakAle vipinasthale vA | shastreNa vA yogabalena vA cha yatra kShitIshA vijahushsharIram || 54|| duShputravashyo januShAntachakShu\- rbhogaikalolo duritapravR^ittiH | yaddharmarAShTre dhR^itarAShTrabhUpo\- .apyante himAdriM tapase jagAma || 55|| sa~NgrAmabhUmeritaratra shUrA yatraiva shatrUnna kadApi jaghnuH | vidveShabud.hdhyA.ahani yudhyamAnAH premNA tu rAtrAvupagUhamAnAH || 56|| adrohanAmnA shravaNAbhirAma\- shshAntisvarUpeNa virAjamAnaH | bhIrutvakApaTyamahAvilAso no yatra saddharmatayA prashastaH || 57|| nirbhAgyatAM bhogadhanApahR^ityA yasyA vidhAtuM bahavo.apishekaH | tejovadhaM yogadhanApahR^ityA yasyAstu karttuM katamo.api naiShTa || 58|| yatraiva na brahmavidAM munInAM santAnavichChittirabhUtkadApi | yatraiva chAtmAnubhavapradIpo nirvApito jAtu na kAlavAtaiH || 59|| yaivArShapR^ithvI prathave prasannA devAdivR^ikShAntacharAcharebhyaH | ChandastapodharmasudhAdidohAM\- shChandAnurUpAnakhilAndudoha || 60|| kAmArthayordharmavimokShato.api jyAyaH padaM kalpayituM kadApi | naivopapannaM hR^idi manvatesma yatra prajAbharttR^iShu ye vishiShTAH || 61|| kaivalyarUpaM manasotidUraM brahmAdvitIyaM shithilena dAmnam | yaikA yashodA.aparanAmadheyA kasmiMshchanolUkhalake babandha || 62|| pAdena yatsparshanasha~Nkayaiva devaM viyadvartmani sa~ncharantI | yasyAmavAptuM janibhAgadheyaM na prArthayante tadichChavo.api || 63|| yadbhaktito vaishravaNasya putrau shApApadeshena tarusvarUpau | bhUtvAchiraM tasthaturUrddhvapAdau mUrddhA tarUNAM khalu mUlameva || 64|| yadvyomamArgAH kratudhUmadhUmrA yadvAridhArA balipuShpakIrNAH | yadreNupu~njAssujanA~NghripUtA\- stAM dhanyadhanyAM bhaja bhAratorvIm || 65|| muktAphalaugheShviva hemasUtraM bhUteShvanusyUtatayA praviShTam | gUDhaM mithoyojakamAtmatattvaM yatraiva sAkShAdupalabdhamAsIt || 66|| yatraiva bhAShAmatajAtidaiva\- tAchArashAstrAdiShu dR^ishyamAnam | nAnAtvamekatvavishuddhadR^iShTiM premapravR^ittiM cha na jAtu hanti || 67|| yatrAbhavan dvAdasha pulkasastrI\- tokAni pAkkaprabhR^itIni tAni | yaiH sthApitaM shAshvatamaikyamatyaM varNAshramadhvaMsanamantaraiva || 68|| satsvapyasa~NkhyeShu mataprabhede\- ShvanyonyavaireNa tu tannimittaH | yatraiva naiko.api raNaHpravR^itto naiko.api raktasya papAta binduH || 69|| anyeShu rAjyeShu kirAtakalpai\- rmukhairjanairadhyuShiteShu satsu | yatraiva devairapi vandyamAnA varShe vasantisma mahAnubhAvAH || 70|| niShpIDitA niShThuranAstikaughai\- rdevArchanaM kartumapArayantaH | dvIpAntarebhyo bahavo matasthA Agatya yatraiva gatiM hyavindan || 71|| yatraiva sa.nnyAsa ivAshramatve\- nA~NgIkR^itA sAdhugR^ihasthavR^ittiH | yatraiva devAlayatulyabhaktyA shiShTAlayastIrthatayA prashastaH || 72|| drohAnnivR^ittirmunimaNDalAnAM yuddhe pravR^ittishcha mahIpatInAm | ApAtato.anyonyaviruddhameta\- ddharmadvayaM yatra babhAja sakhyam || 73|| j~nAnasya dharmasya cha sUkShmatattvaM jij~nAsurekaH kulavAnmunIndraH | yatraiva chaNDAlakulodbhavasya vyAdhasya pAdaM sharaNaM prapede || 74|| nirmAnamohassamadR^ikprashAnto gUDhashcharankashchana yogivaryaH | kAruNyashaktyA natu dAsyavR^ittyA yatraiva rAj~nashshibikAmuvAha || 75|| bhUmaNDaleshassuyashA dilIpo brahmANDanAtho bhagavAnharishcha | dhenuM savitrImiva sevamAnau yatraiva sa~ncheraturapramattau || 76|| yatraiva puNyadvijayaj~navedi\- ssaMshAntavAchaMyama parNashAlA | atyugrapR^ithvIshvarayuddhabhUmi\- rAsaMstrayashchopaniShajjananyaH || 77|| yatraiva dAmodarapArthayoshcha vR^itrendrayoshchAdbhutasUktidhArAH | dharmAspadA brahmaparAshcha shAntA\- ssa~NgrAmamUrdhanyapi sampravR^ittAH || 78|| ApAtato.anyonyaviruddharUpAn nAnAprakArAn matasampradAyAn | sAmyena yaikA parirakShya chakre sarvaMsahA nAma nijaM yathArtham || 79|| yasyAstu koshe bhuvanatrayasya poShAya paryAptamananyasiddham | akShayyamAdhyAtmikavittamasti vishvambharAM tAM bhaja bhAratAkhyAm || 80|| stanandhayo.apIshakathAM shR^iNoti shuko.api gAyatyabhidhAM murAreH | vilvAdivR^ikSho.api dadAti muktiM yatraiva tadbhAratameva seve || 81|| yatraiva sAkShAttulasI virUDhA yatraiva gItopaniShat pragItA | yatraiva gAyatryudayaM prapede tatraiva me sampatatAtpraNAmaH || 82|| yatraiva dhenurjananIva pUjyA yatraiva mAtA girijeva vandyA | yatraiva bhikShurharivatsamarchya\- stasyai namo bhAratadharmabhUmyai || 83|| yatraiva meghA amR^itaM kiranti yatraiva vAtAH praNavaM japanti | yatraiva vR^ikShA atithIn bhajanti tasmAt kimanyat praNamAni varSham || 84|| tIrthasthalAnAM suraketanAnAM puNyAshramANAM nigamAgamAnAm | bhaktikriyAj~nAnatapaHpathAnAM krIDAdharaNyai nama ArShabhUmyai || 85|| satyavratAnAM patidevatAnAM bhaktottamAnAM munipu~NgavAnAm | yogIshvarANAmavatArapuMsAM vande savitrImajanAbhadhAtrIm || 86|| adhyAtmachaitanyaghanAyamANA\- mekaikadhUlIkaNikAM yadIyAm | mene narendrashshivali~NgakalpAM tasyai nibaddho.a~njalirArShabhUmyai || 87|| yasyAH smR^itirlochanamashrupUrNaM hastAmbujaM korakitaM sharIram | romA~nchitaM sanmanasAM vidhatte tasyai namo.astvArShavasundharAyai || 88|| yatsevanArthaM bahavo vimuktA hastasthitaM yogasamAdhisaukhyam | tyaktvA mudA.avR^iNvata janmamR^ityu\- duHkhAni tAmArShabhuvaM bhajAmi || 89|| yajjIvanADI paramAtmavidyA yanmAtR^ikA tyAgaparAyaNatvam | yatpoShaNaM shAshvatadharmarakShA tAM puNyabhUmiM praNamAmyabhIkShNam || 90|| yA karmaNAM pAvanayaj~nabhUmi-\- ryA yoginAM nirjjanavanyabhUmi\- | ryA j~nAninAM kevalamokShabhUmi\- ssA varddhatAM bhAratapuNyabhUmiH || 91|| iti shrI oTTUr uNNi nampUtirippAT virachitaM mahAbhArataM sampUrNam | shubhaM ## The 91 verses are on the greatness and glory of Bharata. First few verses explain various names of the country, like bharata, ajanabhavarsha, etc. The poet's name is Ottur Unni Nambudiripad of Kerala, who has received Presidential award for his contribution to Sanskrit literature. Unni Nambudiripad, Ottoor was an outstanding devotional and mystic poet and commentator of Puraanams, Unni (real name, Subrahmanian) Nambudiripad was born in 1904 in the well-known Ottoor Mana. Upto the age of 15, his study was mainly concentrated on the Vedams and a few Kaavyams of Sanskrit. Ill health did not allow him to study beyond the 9th standard. He was a gifted poet and a blessed soul who could realize God. He wrote numberless devotional poems eulogizing Him from various angles. He was also a talented prose writer and short story writer. He is the author of books without number, the major ones being "Naamaambika", "Shyaamasundaran", "Mandaakini", "Aanandamurali", "Yamunaakunjam", "Neelachandrika" apart from "Satheerthhyante Kaazhcha (drama), "Pooppaalika", and "Thriveni" (short story collections). "Rasamaadhuri" and "Sreeramakrishna Karnaamrutham" (Sanskrit books) and many poems yet to be collected and published in book form. He almost became a recluse or "Samnyaasi" towards the end of his life. He breathed his last in 1989. The M. Phil. Thesis The Sanskrit Poet in Ottur (link below in Indextra) of Dr. C. Sreekumaran of Guruvayoorappan college, Calicut reveals more of this great poet's work. (From namboothiri.com). He was a great devotee of Krishna and received mantra from Swami Nirmalananda, a direct disciple of Sri Ramakrishna. The verses are in anushtup and are in simple Sanskrit, so that even beginners can understand them easily. Encoded and proofread by Shankara \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}