% Text title            : Mahabharata Tatparyanirnaya Bhavasangraha
% File name             : mahAbhAratatAtparyanirNayabhAvasangrahaH.itx
% Category              : major\_works, raama, rAghavendra
% Location              : doc\_z\_misc\_major\_works
% Author                : Raghavendra Swami
% Transliterated by     : Aaditya Kalyanaraman
% Proofread by          : Aaditya Kalyanaraman
% Description/comments  : This is a summary of Madhvacharya's Mahabharata TatparyanirNaya in verse form.
% Latest update         : October 6, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Raghavendratirthavirachitam MahabharatatatparyanirNayabhavasangrahah ..}##
\itxtitle{.. shrIrAghavendratIrthavirachitaM mahAbhAratatAtparyanirNayabhAvasa~NgrahaH ..}##\endtitles ##
yo.agre.abhUdvishvagarbhaH sukhanidhiramitaiH vAsudevAdirUpaiH
krIDan devairajAdyaiH agaNitasuguNo nityanIchochchabhAvaiH |
vedairvedyo.astadoSho.apyasurajanamano mohayan martyavR^ityA
bhaktAnAM muktidAtA dviShadasukhakaraH pAtu so.asmAn rameshaH || 1||
sadgranthAnAM samUhe jagati vilulite yena tadbhAvamuchchaiH
vaktuM madhvo niyukto vyadhita suvachasAmuddhR^itiM bhAratasya |
vedotkR^iShTasya viShNoH paramapuruShatAM tAratamyaM surANAM
vAyorjIvottamatvAdikamapi vadatAM vyAsamIDe tamIsham || 2||
Adau rUpachatuShTayIM sR^ijati yo devAn purAnukramAt
brahmANDaM puramabjajAdivibudhAn sR^iShTvA haratyantataH |
sraShTA pUrvavadasya sarvajagato matsyAdirUpairbhavan
rAmo.abhUdanujAnvito dasharathAt pAyAt sa naH shrIpatiH || 3||
yadvR^iddhirjanamohinI mudamitA yaddarshanAt sajjanAH
yenarShipriyakAriNA nishicharIhantrA kratU rakShitaH |
yo.ahalyAM sapatiM vyadhAt haradhanurbha~NktvA.avahajjAnakIM
jetA vartmani bhArgavasya nagarIM rAmo gato.avyAt sa mAm || 4||
tyaktvA rAjyamito vanaM vachanato mAtushcha kAkAkShigaM
daityaM vyasya vikarNaghoNakhacharIbandhUn kharAdIn khalAn |
mArIchaM cha nihatya rAvaNahR^itAM sItAM vichinvanniva
prApto vAyusutena sUryajayujA rAmo.avatAdvanditaH || 5||
sugrIveNa sakhitvamApya shapathaM kR^itvA vadhe vAlinaH
tAlAn saptavibhidya vAlinidhanaM kR^itvA svarAjye sthitam |
mArtANDiM cha vidhAya mArutiyujA yAmyAM dishaM gachChatA
sItAnveShaNaM ichChatAbdhitaraNe rAmo.avatAt saMstutaH || 6||
yasya shrIhanumAnanugrahabalAt tIrNAmbudhiH lIlayA
la~NkAM prApya nishAmya rAmadayitAM bha~NktvA vanaM rAkShasAn |
akShAdIn vinihatya vIkShya dashakaM dagdhvA purIM tAM punaH
tIrNAbdhiH kapibhiryuto yamanamat taM rAmachandraM bhaje || 7||
sindhuM dakShiNamAgato dashamukhabhrAtriShTado.abdhyarthito
badhvA setumavApya rAkShasapurIM sainyaiH kapInAM yutaH |
hatvendrAri karIrakarNadashakAdIn rAkShasAn jAnakIM
AdAyApya purIM svarAjyapadavIM prApto.avatAdrAghavaH || 8||
prAptaH sAmrAjyalakShmIM priyatamabharataM yauvarAjye.abhiShichya
svIyAn rakShan sutau dvau janakaduhitari prApya yaj~nairyajan svam |
sItAhetorvimohya kShitijaditisutAnarthito devasa~NghaiH
sadbhiryukto hanUmadvarada upagataH svaM padaM pAtu rAmaH || 9||
kShIrAbdhyunmathanAdikAtmacharitaM devairgR^iNadbhiH stutaH
saj~nAnAya parAsharAkhyamuninA yaH satyavatyAmabhUt |
vyAsatvena vidhAya vedavivR^itiM shAstrANi sarvANyapi
j~nAnaM satsu nidhAya sadgatakaliM nighnan sa no.avyAddhariH || 10||
bhUpA yatra purUravaH prabhR^itayo jAtA vidhoranvaye
yadvAdyA bharatAdayo kurumukhA bhIShmAmbikeyAdayaH |
bhUbhArakShayakA~NkShibhiH suravarairabhyarthitaH shrIpatiH
tatrAvirbhavituM sahAmaravarairichChan hariH pAtu mAm || 11||
devakyAM vasudevato.agrajayuto jAto vrajaM yo gato
bAlaghnIshakaTAkShahA svajananImAnyastR^iNAvartahA |
yatpUrvaM paratashcha pANDutanayA yatsevanaM jaj~nire
kartuM dharmamarud vR^iShAshvina imaM nandAtmajaM naumi tam || 12||
saMskArAn prApya gargAt bahushishucharitaiH prINayan gopagopIH
vatsAn dhenUshcha rakShannahipatidamano yaH papau kAnanAgnim |
viprastrIprItikArI dhR^itadharaNidharo gopikAbhirnishAsu
krIDan mallAMshcha kaMsaM nyahanadupagato.avyAtsa kR^iShNaH purIM svAm || 13||
pitrorbandhaM nirasya kShitipatimakarodugrasenaM guroryaH
putraM prAdAtparetaM yudhi vijitajarAsandhapUrvArivargaH |
pArthAn pitrA vihInAnupagatanagarAn yastvajo.apAdvipadbhyaH
nandAdInuddhavoktyA gatavirahashuchaH kArayan so.avatAnmAm || 14||
yasmAt vyAsasvarUpAdapi viditasuvidyA avApuH pramodaM
pArthA droNaH sutArthaM pratigatabhR^igupo yanniyatyA.arthakAmaH |
tasmAdAptoruvidyo drupadamupagato.anAptakAmo.astravidyAH
shiShyebhyaH kauravebhyo ravijanirasano.adAtsano.avyAnmurAriH || 15||
bhUyastvAgatamAhave saha jarAsandhaM nR^ipairnItaye
j~nAtvA yassahajAnvito.atigahanaM gomantamatrAgatAt |
tArkShyAllabdhakirITa unnata girerAplutya jitvA ripUn
hatvA svIyasR^igAlamAtmanagarIM prAptaH sa no.avyAddhariH || 16||
bhagnAshAn nR^ipatInarIn vyadhita yaH svargAdhipAgryAsane
lagno bhIShmakasatkR^ito.atha yavanaM jaghne satImAtmanaH |
nighnAM yo.akR^ita rukmiNIM samajayad durgarvirukmyAdikAn
vighnaM satrajidAtmajApatirasau me ghnan bhavetsarvadA || 17||
astraj~neShvadhiko.arjuno.atha yadanukroshena bhImaM vinA
saddharme nirataM dadau svagurave badhvA nR^ipaM pArShatam |
putrau sa drupado.api vahnivibudhAt strIrUpakaM prAptavAn
iShTAM dharmaja Apa rAjyapadavIM sa prIyatAM me hariH || 18||
yatkAruNyabalena pANDutanayA nistIrya nAnApado
bhikShAnnAshina AgamAbhyasanino hatvA bakaM draupadIm |
udvAhyAkhilabhUpatInapi raNe jitvAgatAH svAM purIM
indraprasthapure.avasan kR^itadharArakShAH sa no.avyAddhariH || 19||
yaH pArthAn paripAlayan haripure strIputrasampadyutAn
saMhartA shatadhanvano.aShTamahiShIbhartA surarShistutaH |
hatvA bhaumamapAharatsurataruM bahvIruvAhA~NganAH
prAyachChaddharisUnave svasahajAM pAyAtsa naH keshavaH || 20||
pArthAn labdhasabhAn vidhAya mayataH prAptaH puraM svAM gataH
kShetraM kauravamarkaparvaNi purIM samprApya kartA kratoH |
pANDUn prApya jarAsute vinihate taiH kArayitvA.adhvaraM
prAptaH svaM puramachyuto vijayate dyUte jitaishcha smR^itaH || 21||
pArthA yAtA araNyaM nihatanishicharAH prINayanto dvijaughAn
vArtAM shrutvA svakIyAmupagatahariNA mAnitA sindhurAjam |
jitvA duryodhanAdIn harihayapuruShavrAtabaddhAnvimochya
prAptA dharmaprasAdaM yamatha madhuripuM tuShTuvustaM prapadye || 22||
anyaM veShamupAgatAH pR^ithagito gatvA virATAlayaM
taddehasthaharerniShevaNaparA mallaM tathA kIchakAn |
hatvA gograhaNodyatAnapi kurUn jitvA virATArchitAH
pArthAH svAntikamAgataM yamajitaM bhejustamIDe.achyutam || 23||
yatsammatyA pR^iShatatanujapreShitabrAhmaNoktyA
rAjyaM nAdAdanujajanitasyAmbikeyo.arjunasya |
yaH sAhAyyaM vyadhita nagarIM kauravANAmavAptaH
svokte kR^iShNastadanabhimate.avAptapArthaH sa no.avyAt || 24||
senAM vIkShya raNonmukhe karuNayA shastrojjhitaM phalgunaM
sadgItAmupadishya kArmukadharaM chakre.asya yaH sArathiH |
anyonyaM kurupANDavaishcha pR^itanAM yo.ajIghanat syandanAt
yo bhIShmaM nirapAtayat sutasharaiH pANDostamIDe.achyutam || 25||
droNe yudhyati pANDavairvinihataM prAgjyotiShaM pArthataH
kR^itvA tasya sute hate nishi shivaM nItvArjunaM saindhavam |
taddattAstrabalAdajIghanadato droNe hate draupadeH
yo bhImaM cha nijAstranamramakarot taM naumi nArAyaNam || 26||
yatsAmarthyabalena sUryatanuje pArthena yuddhe jite
pashchAchChalyamavApya sArathivaraM dharmAtmajaM sAyakaiH |
shIrNA~NgaM kR^itavatyamuM shibiragaM pArthaM cha mR^ityorapAt
yaH pArthena hate.arkaje nR^ipanutaH pAyAtsa naH keshavaH || 27||
shalye dharmasutAddhate kurubale pArthaiH samaste hate
bhImenAnujasaMyut vinihat duryodhane drauNinA |
suptAnAM nidhane kR^ite nishi tato muktvA vidherastrataH
pArthAn rAjyamitAMshcha tatsutasutaM yo.apAtsa no.avyAddhariH || 28||
kR^iShNAbhyAmapi bhUsurairnR^ipasuto rAjye.abhiShikto dvijaiH
dagdhe nindati bhikShuke khalatare svaM vipratIsArataH |
rAjyaM tyaktumathodyato vachanato yasyApta bhIShmAttataH
shushrAvAkhiladharmanirNayamadaH kR^iShNadvayaM dhImahi || 29||
smR^itvA yaM dyusaritsuto vasurabhUdrAjA yadAshAsito
nirduHkho.atha jugopa dharmanirato jitvA svarAjye kalim |
yaH pArthaM samabodhayat mR^itashishuM yo.ajIvayatpANDavaiH
yo yaj~naM samakArayat bahudhanaiH dhyAyAmi taM keshavam || 30||
yadyuktAH pANDuputrAH kShitimatha jugupuH dharmarAjaH tvarAvAn
dharme yatprItaye.abhUt pavanajavachanairAmbikeyaM viraktam |
vyAsAtmA yo vanasthaM tvakR^ita nijamano.abhIShTavantaM gataM svaM
nAthaM pArthAH smaranto mumudurapi padaM yasya kR^iShNaM tamIDe || 31||
yo yaShTA viprashApAdyadukulamavadhIt arthito.agAt svalokaM
devairbhaiShmyAdyupeto yadanu nijapadaM pANDavA apyavApuH |
daityA yadveShato.andhe tamasi nipatitA buddharUpo.abhavadyaH
kalkyAtmAnte kale yaH kujananidhanakR^it pAtu so.asmAn mukundaH || 32||
mahAbhArata tAtparyanirNayAshayasa~NgrahaH |
rAghavendreNa yatinA kR^itaH sajjanasaMvide ||

iti shrIrAghavendratIrthavirachitaM mahAbhAratatAtparyanirNayabhAvasa~NgrahaH sampUrNaH |
##

Encoded and proofread by Aaditya Kalyanaraman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}