% Text title            : nAmAmritarasAyanam
% File name             : nAmAmritarasAyanam.itx
% Category              : major\_works
% Location              : doc\_z\_misc\_major\_works
% Author                : Bodhendra Yati
% Transliterated by     : Sunder Hattangadi
% Proofread by          : Sunder Hattangadi
% Source                : <a href="https://archive.org/details/NaamaamrutaRasaayanamByShrimadBodhendraSaraswati">scan</a>
% Latest update         : June 2, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Namamrita Rasayanam ..}##
\itxtitle{.. nAmAmR^itarasAyanam ..}##\endtitles ##
                     || shrIH ||
sakR^itprapannajanatAsaMrakShaNadIkShitAya shrIrAmabrahmaNe namaH |
sadA sarveShTadaM jantoH sarvAriShTanivArakam |
shrIrAmanAma jayatu shreyohetushikhAmaNiH || 1||
sadAnandaH shrImAnanupadhikakAruNyavivasho
     jagatkShemAya shrIharigirisharUpaM vidhR^itavAn |
aparyAptaM rUpaM jagadavana etatpunariti
     prabhurjAgarti shrIharigirishanAmAtmakatayA || 2||
sakalabhuvanarakShApekShayA yaH parAtmA
     niravadhidayayA shrIsheshanAmAtmakaH san |
pravilasati sadAsau so.anukampAsudhAbdhi\-
     rmama bhavatu tadAtmA susthiro vaktrapadme || 3||
sarvasya lokasya sadA suguptyai
     nAmAtmako bhAti harIshayoryaH |
dayAsudhAbdhiH sa tadAtmako me
     rAmaH sadA vaktrasaroruhe.astu || 4||
yannAmakIrtanAdeva dagdhadurjAtikilbiShaH |
kirAto.abhUnmunishreShTho vAlmIkiriti vishrutaH || 5||
vidyAdharAkhyavipro.api yannAmnaH kIrtanAdagAt |
muktiM tadrAmanAmnyeva mama vAgastu sarvadA || 6||
sakalabhuvanakartA sachchidAnandarUpo
     girishamukhasurendrairgItakIrtiH parAtmA |
sakR^idupagatarakShAdIkShitaH shrInivAso
     mama hR^idi nivasanmAM pAtu sItAsametaH || 7||
nirmAtA sthitikArako.asya jagataH sarveshvaraH sarvagaH
     sachchidrUpasukhAtmako vijayate svAtmAkhilAnAM cha yaH |
sAkShI vedagireDyapAdakamalastrAtA prapattuH sakR^i\-
     ddevo.asau kR^ipayAstu rakShaNaparo rAmo mudA me sadA || 8||
sakR^itprapannasya janasya rakShA
     kR^ipAmbudheryasya mahad vrataM saH |
rAmaH sadAvyAdramaNIyakIrtiH
     sItApatirmAM sharaNaM prapannam || 9||
sR^iShTyAdiheturakhilasya charAcharasya
     dR^iShTyA nirastamadanAkhilagarvarAshiH |
pAtAkhilasya jagataH paramo niyantA
     sAmbaH sadA sphuratu me hR^idi rAmarUpaH || 10||
chetanAnAM hi sarveShAM yaH sadA sha~NkaraH sadA |
sa shivaH sha~Nkaro bhUyAtsadA mama dayAmbudhiH || 11||
sakalanatajanAnAM rakShaNe baddhadIkSho
     varavaTatarumUle sa.nniviShTo.akhilAtmA |
sakalamunijanAnAM j~nAnadAtA dayAbdhiH
     pradishatu sumatiM me dakShiNAmUrtidevaH || 12||
vij~nAnavairAgyaparAtmabhakti\-
     shamAdibhiryo.adhikatAM prapannaH |
vishvAdhikAkhyAmagamachcha tena
     gurUttamaM taM praNamAmi mUrdhnA || 13||
natvA gaNeshaM nikhilAMstu vighnA\-
     ~njitvAmarAstoShamiyustameva |
tattvAvabodhAya namAmi mUrdhnA
     nityaM nihantuM nikhilAMstu vighnAn || 14||
yA vedashAstrAtmakavandyadehA
     sarvaiH surendrairmunibhishcha pUjyA |
shrIbhAratI sA dayayA madIye
     jihvA~NgaNe nR^ityatu sarvadaiva || 15||
shAstrArthaM suvinirNetumiShTadaM sarvadehinAm |
yatirUpadharaM naumi sha~NkaraM lokasha~Nkaram || 16||
shrIrAmasya kR^ipAdR^iShTyA tannAmasmR^itilabdhayA |
rachyate shrIbhagavato nAmAmR^itarasAyanam || 17||

nAmakIrtanarUpo hi dharmaH shrIparamAtmanaH |
shrutismR^itipurANAdishAstreShu vihitaH kramAt ||
sarvAshramaNAmanyeShAM janAnAM cha garIyasAm |
nikR^iShTAnAM cha sarveShAM sarvAghaughanivArakaH ||
sarveShTaphalado brahmavij~nAnasya samudbhavaH |
vedoktaH sarvadharmANAM sakalAshramavAsiShu ||
anuttamaH shrutaH ka~nchinniyamaM naiva vA~nChati |
ataH sakaladharmebhyaH sulabhaH sarvama~NgalaH ||
ityetadarthaM sakalaM spaShTIchakre svavAkyataH |
sahasranAmabhAShye.asminbhAShyakAro dayAmbudhiH ||

iti shrImadbodhendravirachitaM nAmAmR^itarasAyanaM sampUrNam ||
##

Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}