% Text title            : naaTyashaastra adhyaaya 11 maNDalavidhaanaM
% File name             : natya11.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : Sowmya Krishnapur krsowmya at yahoo.com
% Proofread by          : Sowmya Krishnapur krsowmya at yahoo.com
% Latest update         : February 16, 2005
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 11 ..}##
\itxtitle{.. nATyashAstram adhyAyaH 11 ..}##\endtitles ##

                .. shrIrastu ..
          bharatamunipraNItaM nATyashAstram.h
atha ekAdasho.adhyAyaH |
etAshchAryo mayA proktA yathAvachChastramokShaNe |
chArIsaMyogajAnIha maNDalAni nibodhata || 1||
atikrAntaM vichitraM cha tathA lalitasa~ncharam |
sUchIviddhaM daNDapAdaM vihR^itAlAtake tathA || 2||
vAmabandhaM salalitaM krAnta~nchAkAshagAmi cha |
maNDalAni dvijashreShThAH ! bhUmigAni nibodhata || 3||
bhramarAskandite syAtAmAvartaM cha tataH param |
samAkranditamapyAhureDakAkrIDitaM tathA || 4||
aDDitaM shakaTAsyaM cha tathA.adhyardhakameva cha |
piShTakuTTaM cha viGYeyaM tathA chAShagataM punaH || 5||
etAnyapi dashoktAni bhUmigAnIha nAmataH |
AdyaM pAdaM cha janitaM kR^itvodvAhitamAcharet || 6||
alAtaM vAmakaM chaiva pArshvakrAntaM cha dakShiNam |
sUchIvAmaM punashchaiva pArshvakrAntaM cha dakShiNam || 7||
sUchIM vAmakramaM dadyAdapakrAntaM cha dakShiNam |
sUchIvAmaM punashchaiva trikaM cha parivartayet || 8||
tathA dakShiNamudvR^ittamalAta~nchaiva vAmakam |
parichChinnaM tu kartavyaM bAhyabhramarakeNa hi || 9||
atikrAntaM punarvAmaM daNDapAda~ncha dakShiNam |
viGYeyametad vyAyAme tvatikrAntaM tu maNDalam || 10||
AdyaM tu janitaM kR^itvA tenaiva cha nikuTTakam |
AspanditaM tu vAmena pArshvakrAntaM cha dakShiNam || 11||
vAmaM sUchIpadaM dadyAdapakrAnta~ncha dakShiNam |
bhuja~NgatrAsitaM vAmamatikrAntaM cha dakShiNam || 12||
udvR^ittaM dakShiNaM chaivA.alAtaM chaivAtra vAmakam |
pArshvakrAntaM punaH savyaM sUchIvAmakramaM tathA || 13||
vikShepo dakShiNasya syAdapakrAntaM cha vAmakam |
bAhyabhramarakaM chaiva vikShepaM chaiva yojayet || 14||
viGYeyametadvyAyAme vichitraM nAma maNDalam |
kR^itvordhvajAnucharaNamAdyaM sUchIM prayojayet || 15||
apakrAntaH punarvAma AdyaH pArshvagato bhavet |
vAmasUchIM punardadyAt trika~ncha parivartayet || 16||
pArshvakrAntaM punashchAdyamatikrAnta~ncha vAmakam |
sUchIvAmakramaM kR^itvA hyapakrAntashcha vAmakam || 17||
pArshvakrAntaM punashchAdyamatikrAntaM cha vAmakam |
parichChinnaM cha kartavyaM bAhyabhramaNakena hi || 18||
eSha chArIprayogastu kAryo lalitasa~ncharaiH |
sUchIvAmapadaM dadyAt trika~ncha parivartayet || 19||
pArshvakrAntaH punashchAdyo vAmo.atikrAnta eva cha |
sUchImAdyaM punardadyAdatikrAnta~ncha vAmakam || 20||
pArshvakrAntaM punashchAdyaM sUchIviddhe tu maNDale |
Adyastu janito bhUtvA sa cha daNDakramo bhavet || 21||
vAmasUchIM punardadyAt trika~ncha parivartayet |
udvR^itto dakShiNashcha syAdalAtashchaiva vAmakaH || 22||
pArshvakrAntaH punashchAdyo bhuja~NgatrAsitastathA |
atikrAntaH punarvAmo daNDapAdashcha dakShiNaH || 23||
vAmasUchItrikAvarto daNDapAde tu maNDale |
AdyaM tu janitaM kR^itvA tenaiva cha nikuTTakam || 24||
AspanditaM cha vAmena hyudvR^ittaM dakShiNena cha |
alAtaM vAmakaM pAdaM sUchIM dadyAttu dakShiNam || 25||
pArshvakrAntaH punarvAma AkShipto dakShiNastathA |
samAvartya trikaM chaiva daNDapAdaM prasArayet || 26||
sUchIvAmapadaM dadyAt trikaM tu parivartayet |
bhuja~NgatrAsitashchAdyo vAmo.atikrAnta eva cha || 27||
eSha chArIprayogastu vihR^ite maNDale bhavet |
sUchImAdyakramaM kR^itvA chA.apakrAntaM cha vAmakam || 28||
pArshvakrAntastatashchAdyo.apyalAtashchaiva vAmakaH |
bhrAntvA chArIbhiretAbhiH paryAyeNAtha maNDalam || 29||
ShaTsaMkhyaM saptasaMkhyaM cha lalitaiH pAdavikramaiH |
adhikuryAdapakrAntamatikrAntaM cha vAmakam || 30||
apakrantaH punashchAdyo vAmo.atikrAnta eva cha |
pAdabhramarakashcha syAdalAte khalu maNDale || 31||
sUchImAdyakramaM kR^itvA hyapakrAntaM cha vAmakam |
Adyo daNDakramashchaiva sUchIpAdastu vAmakaH || 32||
kAryastrikavivartashcha pArshvakrAntashcha dakShiNaH |
AkShiptaM vAmakaM kuryAt daNDapArshvaM cha dakShiNam || 33||
urudvR^ittaM cha tenaiva kartavyaM dakShiNena tu |
sUchIvAmakramaM kR^itvA trikaM cha parivartayet || 34||
alAtashcha bhavedvAmaH pArshvakrAntashcha dakShiNaH |
atikrAntaH punarvAmo vAmabandhe tu maNDale || 35||
sUchImAdyakramaM kR^itvA hyapakrAntaM cha vAmakam |
pArshvakrAntaH punashchAdyo bhuja~NgatrAsitaH sa cha || 36||
atikrAntaH punarvAma AkShipto dakShiNastathA |
atikrAntaH punarvAma urudvR^ittastathaiva cha || 37||
alAtashcha punarvAmaH pArshvakrAntashcha dakShiNaH |
sUchIvAmaM punardadyAdapakrAntastu dakShiNaH || 38||
atikrAntaH punarvAmaH kAryo lalitasaMGYakaH |
eSha pAdaprasArastu lalite maNDale bhavet || 39||
sUchIvAmakramaM kR^itvA hyapakrAntashcha vAmakam |
pArshvakrAntaM punashchAdyaM vAmapArshvakramaM tathA || 40||
bhrAntvA chArIbhiretAbhiH paryAyeNAtha maNDalam |
vAmasUchIM tato dadyAdapakrAntaM cha dakShiNam || 41||
svabhAvagamane hyetanmaNDalaM saMvidhIyate |
krAntametattu viGYeyaM nAmato nATyayoktR^ibhiH || 42||
etAnyAkAshagAmIni GYeyAnyevaM dashaiva tu |
ataH paraM pravakShyAmi bhaumAnAmiha lakShaNam || 43||
Adyastu janitaH kAryo vAmashchAspandito bhavet |
shakaTAsyaH punashchAdyo vAmashchApi prasAritaH || 44||
Adyo bhramarakaH kAryastrikaM cha parivartayet |
AskanditaH punarvAmaH shakaTAsyashcha dakShiNaH || 45||
vAmaH pR^iShThApasarpI cha dadyAd bhramarakaM tathA |
sa evAspanditaH kAryastvetad bhramaramaNDalam || 46||
Adyo bhramarakaH kAryo vAmashchaivADDito bhavet |
kAryastrikavivarttashcha shakaTAsyashcha dakShiNaH || 47||
urudvR^ittaH sa eva syAdvAmashchaivApasarpitaH |
kAryastrikavivarttashcha dakShiNaH spandito bhavet || 48||
shakaTAsyo bhavedvAmastadevAsphoTanaM bhavet |
etadAspanditaM nAma vyAyAme yuddhamaNDalam || 49||
Adyastu janitaM kR^itvA vAmashchaiva nikuTTakam |
shakaTAsyaH punashchAdya urudvR^ittaH sa eva tu || 50||
pR^iShThApasarpI vAmashcha sa cha chAShagatirbhavet |
AspanditaH punardakShaH shakaTAsyashcha vAmakaH || 51||
Adyo bhramarakashchaiva trikaM cha parivartayet |
pR^iShThApasarpI vAmashchetyAvartaM maNDalaM bhavet || 52||
samapAdaM budhaH kR^itvA sthAnaM hastau prasArayet |
nirantarAvUrdhvatalAvAveShTyodveShTya chaiva hi || 53||
kaTItaTe vinikShipya chAdyamAvarttayet kramAt |
yathAkramaM punarvAmamAvartena prasArayet || 54||
chArayA chAnayA bhrAntvA paryAyeNAtha maNDalam |
samotsaritametattu kAryaM vyAyAmamaNDalam || 55||
pAdaistu bhUmisaMyuktaiH sUchIviddhaistathaiva cha |
eDakAkrIDitaishchaiva tUrNaistrikavivartitaiH || 56||
sUchIviddhApaviddhaishcha krameNAvR^ittya maNDalam |
eDakAkrIDitaM vidyAt khaNDamaNDalasaMGYitam || 57||
savyamudghaTTitaM kR^itvA tenaivAvartamAcharet |
tenaivAskanditaH kAryaH shakaTAsyashcha vAmakaH || 58||
AdyaH pR^iShThApasarpI cha sa cha chAShagatirbhavet |
aDDitashcha punarvAma AdyashchaivApasarpitaH || 59||
vAmo bhramarakaH kArya Adya Askandito bhavet |
tenaivAsphoTanaM kuryAdetadaDDitamaNDalam || 60||
AdyaM tu janitaM kR^itvA tenaiva cha nikuTTakam |
sa eva shakaTAsyashcha vAmashchAskandito bhavet || 61||
viGYeyaM shakaTAsyaM tu vyAyAme yuddhamaNDalam |
pAdaishcha shakaTAsyasthaiH paryAyeNAtha maNDalam || 62||
Adyastu janito bhUtvA sa evAskandito bhavet |
apasarpI punarvAmaH shakaTAsyashcha dakShiNaH || 63||
bhrAntvA chArIbhiretAbhiH paryAyeNAtha maNDalam |
adhyardhametadviGYeyaM niyuddhe chApi maNDalam || 64||
sUchImAdyakramaM kR^itvA hyapakrAntaM cha vAmakam |
bhuja~NgatrAsitashchAdya evameva tu vAmakaH || 65||
bhuja~NgatrAsitairbhrAntvA pAdairapi cha maNDalam |
piShTakuTTaM cha viGYeyaM chArIbhirmaNDalaM budhaiH || 66||
sarvaishchAShagataiH pAdaiH paribhrAmya tu maNDalam |
etacchAShagataM vidyAnniyuddhe chApi maNDalam || 67||
nAnAchArIsamutthAni maNDalAni samAsataH |
uktAnyataH paraM chaiva samachArINi yojayet || 68||
samachArIprayogo yastatsamaM nAma maNDalam |
AchAryabuddhyA tAnIha kartavyAni prayoktR^ibhiH || 69||
etAni khaNDAni samaNDalAni yuddhe niyuddhe cha parikrame cha |
lIlA~NgamAdhuryapuraskR^itAni kAryANi vAdyAnugatAni tajGYaiH || 70||
iti bharatIye nATyashAstre maNDalavidhAnaM nAma
ekAdasho.adhyAyaH samAptaH |
##
Encoded by Sowmya Krishnapur krsowmya@yahoo at com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}