% Text title            : naaTyashaastra adhyaaya 18 dasharuupaniruupaNaM
% File name             : natya18.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : Sowmya Krishnapur krsowmya at yahoo.com
% Proofread by          : Sowmya Krishnapur krsowmya at yahoo.com    are needed for devanaagarii output and formatting.
% Latest update         : November 22, 2006
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 18 ..}##
\itxtitle{.. nATyashAstram adhyAyaH 18 ..}##\endtitles ##

.. shrIrastu ..
bharatamunipraNItaM nATyashAstram.h
atha aShTAdasho.adhyAyaH
varttayiShyAmyahaM viprA dasharUpavikalpanam |
nAmataH karmatashchaiva tathA chaiva prayogataH || 1||
nATakaM saprakaraNama~Nko vyAyoga eva cha |
bhANaH samavakArashcha vIthI prahasanaM DimaH || 2||
IhAmR^igashcha viGYeyA dasheme nATyalakShaNe |
eteShAM lakShaNamahaM vyAkhyAsyAmyanupUrvashaH || 3||
sarveShAmeva kAvyAnAM mAtR^ikA vR^ittayaH smR^itAH |
Abhyo vinisR^itaM hyetaddasharUpaM prayogataH || 4||
jAtibhiH shrutibhishchaiva svarA grAmatvamAgatAH |
yathA tathA vR^ittibhedaiH kAvyabandhA bhavanti hi || 5||
grAmau pUrNasvarau dvau tu yathA vai ShaDjamadhyamau |
sarvavR^ittiviniShpannau kAvyabandhau tathA tvimau || 6||
GYeyaM prakaraNaM chaiva tathA nATakameva cha |
sarvavR^ittiviniShpannaM nAnAbandhasamAshrayam || 7||
vIthI samavakArashcha tathehAmR^iga eva cha |
utsR^iShTikA~Nko vyAyogo bhANaH prahasanaM DimaH || 8||
kaishikIvR^ittihInAni rUpANyetAni kArayet |
ata UrdhvaM pravakShyAmi kAvyabandhavikalpanam || 9||
prakhyAtavastuviShayaM prakhyAtodAttanAyakaM chaiva |
rAjarShivaMshyacharitaM tathaiva divyAshrayopetam || 10||
nAnAvibhUtibhiryutamR^iddhivilAsAdibhirguNaishchaiva |
a~NkapraveshakADhyaM bhavati hi tannATakaM nAma || 11||
nR^ipatInAM yachcharitaM nAnArasabhAvacheShTitaM bahudhA |
sukhaduHkhotpattikR^itaM bhavati hi tannATakaM nAma || 12||
asyAvasthopetaM kAryaM prasamIkShya binduvistArAt |
kartavyo.a~NkaH so.api tu guNAnvitaM nATyatattvaGYaiH || 13||
a~Nka iti rUDhishabdo bhAvaishcha rasaishcha rohayatyarthAn |
nAnAvidhAnayukto yasmAttasmAdbhaveda~NkaH || 14||
a~NkasamAptiH kAryA kAvyachChedena bIjasaMhAraH |
vastuvyApI binduH kAvyasamuttho.atra nityaM syAt || 15||
yatrArthasya samAptiryatra cha bIjasya bhavati saMhAraH |
ki~nchidavalagnabinduH so.a~Nka iti sadAvagantavyaH || 16||
ye nAyakA nigaditAsteShAM pratyakShacharitasaMyogaH |
nAnAvasthopetaH kAryastva~Nko.aviprakR^iShTastu || 17||
nAyakadevIgurujanapurohitAmAtyasArthavAhAnAm |
naikarasAntaravihito hya~Nka iti sa veditavyastu || 18||
pa~nchAkSharA dashaparA hya~NkAH syurnATake prakaraNe cha |
niShkrAmaH sarveShAM yasminna~NkaH sa viGYeyaH || 19||
krodhaprasAdashokAH shApotsargo.atha vidravodvAhau |
adbhutasambhavadarshanama~Nke pratyakShajAni syuH || 20||
ekadivasapravR^ittaH kAryastva~Nko.arthabIjamadhikR^itya |
AvashyakakAryANAmavirodhena prayogeShu || 21||
ekA~Nkena kadAchidbahUni kAryANi yojayeddhImAn |
AvashyakAvirodhena tatra kAvyAni kAryANi || 22||
ra~NgaM tu ye praviShTAH sarveShAM bhavati tatra niShkrAmaH |
bIjArthayuktiyuktaM kR^itvA kAvyaM yathArtharasam || 23||
na bahUnIha kAryANi tvekA~Nke viniyojayet |
AvashyakAnAM kAryANAM virodho hi tathA bhavet || 24||
GYAtvA divasAvasthAM kShaNayAmamuhUrtalakShaNopetAm |
vibhajetsarvamasheShaM pR^ithakpR^ithakkAvyama~NkeShu || 25||
divasAvasAnakAryaM yadya~Nke nopapadyate sarvam |
a~NkachChedaM kR^itvA praveshakaistadvidhAtavyam || 26||
viprakR^iShTaM tu yo deshaM gachChetkAryavashAnugaH |
a~NkachChede.atha saMkShepAnnirdishettaM praveshakaiH || 27||
sannihitanAyako.a~NkaH kartavyo nATake prakaraNe vA |
parijanakathAnubandhaH praveshako nAma viGYeyaH || 28||
prakaraNanATakaviShaye pa~nchAdyA dashaparA bhavantya~NkAH |
a~NkAntarasandhiShu cha praveshakAsteShu tAvantaH || 29||
anayorantaravihitaH praveshako.arthakriyAM samabhivIkShya |
saMkShepArthaH sandhiShvarthAnAM saMvidhAtavyaH || 30||
a~NkachChedaM kR^itvA mAsakR^itaM varShasa~nchitaM vApi |
tatsarvaM kartavyaM varShAdUrdhvaM na tu kadAchit || 31||
yaH kashchitkAryavashAdgachChati puruShaH prakR^iShTamadhvAnam |
tatrApya~NkachChedaH kartavyaH pUrvavattaGYaiH || 32||
a~NkAntarAnusArI saMkShepArthamadhikR^itya bindUnAm |
prakaraNanATakaviShaye praveshakaH saMvidhAtavyaH || 33||
nottamamadhyamapuruShairAcharito nApyudAttavachanakR^itaH |
prAkR^itabhAShAchAraH prayogamAshritya kartavyaH || 34||
kAlotthAnagatirasau vyAkhyAsaMrambhakAryaviShayANAm |
arthAbhidhAnayuktaH praveshakaH syAdanekArthaH || 35||
bahvAshrayamapi kAryaM praveshakaiH saMkShipechcha sandhiShu vA |
bahuchUrNapadairyuktaM janayati khedaM prayogasya || 36||
yatrArthasya samAptirna bhavatya~Nke prayogabAhulyAt |
vR^ittAntasvalpakathaiH praveshakaiH so.abhidhAtavyaH || 37||
yuddhaM rAjyabhraMsho maraNaM nagaroparodhanaM chaiva |
pratyakShANi tu nA~Nke praveshakaiH saMvidheyAni || 38||
a~Nke praveshake cha prakaraNamAshritya nATake vApi |
na vadhaH kartavyaH syAdyo.abhyudayI nAyakaH khyAtaH || 39||
apasaraNameva kAryaM grahaNaM vA sandhireva vA yojyaH |
kAvyashleShairbahubhiryathArasaM nATyatattvaGYaiH || 40||
na mahAjanaparivAraM kartavyaM nATakaM prakaraNaM vA |
ye tatra kAryapuruShAshchatvAraH pa~ncha vA te syuH || 41||
kAryaM gopuchChAgraM kartavyaM kAvyabandhamAsAdya |
ye chodAttA bhAvAste sarve pR^iShThataH kAryAH || 42||
sarveShAM kAvyAnAM nAnArasabhAvayuktiyuktAnAm |
nirvahaNe kartavyo nityaM hi raso.adbhutastajGYaiH || 43||
nATakalakShaNametanmayA samAsena kIrtitaM vidhivat |
prakaraNamataH paramahaM lakShaNayuktyA pravakShyAmi || 44||
yatra kavirAtmashaktyA vastu sharIraM cha nAyakaM chaiva |
autpattikaM prakurute prakaraNamiti tadbudhairGYeyam || 45||
yadanArShamathAhAryaM kAvyaM prakarotyabhUtaguNayuktam |
utpannabIjavastu prakaraNamiti tadapi viGYeyam || 46||
yannATake mayoktaM vastu sharIraM cha vR^ittibhedAshcha |
tatprakaraNe.api yojyaM salakShaNaM sarvasandhiShu tu || 47||
vipravaNiksachivAnAM purohitAmAtyasArthavAhAnAm |
charitaM yannaikavidhaM GYeyaM tatprakaraNaM nAma || 48||
nodAttanAyakakR^itaM na divyacharitaM na rAjasambhogam |
bAhyajanasamprayuktaM tajGYeyaM prakaraNaM tajGYaiH || 49||
dAsaviTashreShThiyutaM veshastryupachArakAraNopetam |
mandakulastrIcharitaM kAvyaM kAryaM prakaraNe tu || 50||
sachivashreShThibrAhmaNapurohitAmAtyasArthavAhAnAm |
gR^ihavArtA yatra bhavenna tatra veshyA~NganA kAryA || 51||
yadi veshayuvatiyuktaM na kulastrI sa~Ngamo.api syAt |
atha kulajanaprayuktaM na veshayuvatirbhavettatra || 52||
yadi vA kAraNayuktyA veshakulastrIkR^itopachAraH syAt |
avikR^itabhAShAchAraM tatra tu pAThyaM prayoktavyam || 53||
madhyamapuruShairnityaM yojyo viShkambhako.atra tattvajGYaiH |
saMskR^itavachanAnugataH saMkShepArthaH praveshakavat || 54||
shuddhaH saMkIrNo vA dvividho viShkambhako.api kartavyaH |
madhyamapAtraH shuddhaH saMkIrNo nIchamadhyakR^itaH || 55||
a~NkAntarAlavihitaH praveshako.arthakriyAM samabhivIkShya |
saMkShepAtsandhInAmarthAnAM chaiva kartavyaH || 56||
anayoshcha bandhayogAdanyo bhedaH prayoktR^ibhiH kAryaH |
prakhyAtastvitaro vA nATakayoge prakaraNe vA || 57||
prakaraNanATakabhedAdutpAdyaM vastu nAyakaM nR^ipatim |
antaHpurasa~NgItakakanyAmadhikR^itya kartavyA || 58||
strIprAyA chatura~NkA lalitAbhinayAtmikA suvihitA~NgI |
bahunR^ittagItapAThyA ratisambhogAtmikA chaiva || 59||
rAjopachArayuktA prasAdanakrodhadambhasaMyuktA |
nAyakadevIdUtI saparijanA nATikA GYeyA || 60||
antarbhAvagatA hyeShA bhAvayorubhayoryataH |
ata eva dashaitAni rUpANItyuditAni vai || 61||
prakaraNanATakalakShaNamuktaM viprA mayA samAsena |
vakShyAmyataH paramahaM lakShaNaM yuktyA samavakAram || 62||
devAsurabIjakR^itaH prakhyAtodAttanAyakashchaiva |
trya~NkastathA trikapaTastrividravaH syAttrishR^i~NgAraH || 63||
dvAdashanAyakabahulo hyaShTAdashanADikApramANashcha |
vakShyAmyasyA~NkavidhiM yAvatyo nADikA yatra || 64||
a~Nkastu saprahasanaH savidravaH sakapaTaH savIthIkaH |
dvAdashanADIvihitaH prathamaH kAryaH kriyopetaH || 65||
kAryastathA dvitIyaH samAshrito nADikAshchatasrastu |
vastusamApanavihito dvinADikaH syAttR^itIyastu || 66||
nADIsaMGYA GYeyA mAnaM kAlasya yanmuhUrtArdham |
tannADikApramANaM yathoktama~NkeShu saMyojyam || 67||
yA nADiketi saMGYA kAlavibhAge kriyAbhisampannA |
kAryA cha sA prayatnAdyathA krameNaiva shAstroktA || 68||
a~Nko.a~NkastvanyArthaH kartavyaH kAvyabandhamAsAdya |
arthaM hi samavakAre hyapratisambandhamichChanti || 69||
yuddhajalasambhavo vA vAyvagnigajendrasaMbhramakR^ito vA |
nagaroparodhajo vA viGYeyo vidravastrividhaH || 70||
vastugatakramavihito devavashAdvA paraprayukto vA |
sukhaduHkhotpattikR^itastrividhaH kapaTo.atra viGYeyaH || 71||
trividhashchAtra vidhiGYaiH pR^ithakpR^ithakkAryavihitArthaH |
shR^i~NgAraH kartavyo dharme chArthe cha kAme cha || 72||
yasmin dharmaprApakamAtmahitaM bhavati sAdhanaM bahudhA |
vrataniyamatapoyukto GYeyo.asau dharmashR^i~NgAraH || 73||
arthasyechChAyogAdbahudhA chaivArthato.arthashR^i~NgAraH |
strIsamprayogaviShayeShvarthArthA vA ratiryatra || 74||
kanyAvilobhanakR^itaM prAptau strIpuMsayostu ramyaM vA |
nibhR^itaM sAvegaM vA yasya bhavetkAmashR^i~NgAraH || 75||
uShNiggAyatryAdInyanyAni cha yAni bandhakuTilAni |
vR^ittAni samavakAre kavibhistAni prayojyAni || 76||
evaM kAryastajGYairnAnArasasaMshrayaH samavakAraH |
vakShyAmyataH paramahaM lakShaNamIhAmR^igasyApi || 77||
divyApuruShAshrayakR^ito divyastrIkAraNopagatayuddhaH |
suvihitavastunibaddho vipratyayakArakashchaiva || 78||
uddhatapuruShaprAyaH strIroShagrathitakAvyabandhashcha |
saMkShobhavidravakR^itaH sampheTakR^itastathA chaiva || 79||
strIbhedanApaharaNAvamardanaprAptavastushR^i~NgAraH |
IhAmR^igastu kAryaH susamAhitakAvyabandhashcha || 80||
yadvyAyoge kAryaM ye puruShA vR^ittayo rasAshchaiva |
IhAmR^ige.api te syuH kevalamamarastriyA yogaH || 81||
yatra tu vadhepsitAnAM vadho hyudagro bhaveddhi puruShANAm |
ki~nchidvyAjaM kR^itvA teShAM yuddhaM shamayitavyam || 82||
IhAmR^igasya lakShaNamuktaM viprAH samAsayogena |
DimalakShaNaM tu bhUyo lakShaNayuktyA pravakShyAmi || 83||
prakhyAtavastuviShayaH prakhyAtodAttanAyakashchaiva |
ShaDrasalakShaNayuktashchatura~Nko vai DimaH kAryaH || 84||
shR^i~NgArahAsyavarjaM sheShaiH sarvai rasaiH samAyuktaH |
dIptarasakAvyayonirnAnAbhAvopasampannaH || 85||
nirghAtolkApAtairuparAgeNendusUryayoryuktaH |
yuddhaniyuddhAdharShaNasampheTakR^itashcha kartavyaH || 86||
mAyendrajAlabahulo bahupustotthAnayogayuktashcha |
devabhujagendrarAkShasayakShapishAchAvakIrNashcha || 87||
ShoDashanAyakabahulaH sAtvattyArabhaTIvR^ittisampannaH |
kAryo DimaH prayatnAnnAnAshrayabhAvasampannaH || 88||
DimalakShaNamityuktaM mayA samAsena lakShaNAnugatam |
vyAyogasya tu lakShaNamataH paraM sampravakShyAmi || 89||
vyAyogastu vidhiGYaiH kAryaH prakhyAtanAyakasharIraH |
alpastrIjanayuktastvekAhakR^itastathA chaiva || 90||
bahavashcha tatra puruShA vyAyachChante yathA samavakAre |
na cha divyanAyakayuktaH kAryastvekA~Nka evAyam || 91||
na cha divyanAyakakR^itaH kAryo rAjarShinAyakanibaddhaH |
yuddhaniyuddhAgharShaNasaMgharShakR^itashcha kartavyaH || 92||
evaMvidhastu kAryo vyAyogo dIptakAvyarasayoniH |
vakShyAmyataH paramahaM lakShaNamutsR^iShTA~Nkasya || 93||
prakhyAtavastuviShayastvaprakhyAtaH kadAchideva syAt |
divyapuruShairviyuktaH sheShairyukto bhavetpuMbhiH || 94||
karuNarasaprAyakR^ito nivR^ittayuddhodyataprahArashcha |
strIparidevitabahulo nirveditabhAShitashchaiva || 95||
nAnAvyAkulacheShTaH sAtvattyArabhaTikaishikIhInaH |
kAryaH kAvyavidhiGYaiH satataM hyutsR^iShTikA~Nkastu || 96||
yaddivyanAyakakR^itaM kAvyaM saMgrAmabandhavadhayuktam |
tadbhArate tu varShe kartavyaM kAvyabandheShu || 97||
kasmAdbhAratamiShTaM varSheShvanyeShu devavihiteShu |
hR^idyA sarvA bhUmiH shubhagandhA kA~nchanI yasmAt || 98||
upavanagamanakrIDA vihAranArIratipramodAH syuH |
teShu hi varSheShu sadA na tatra duHkhaM na vA shokaH || 99||
ye teShAmadhivAsAH purANavAdeShu parvatAH proktAH |
sambhogasteShu bhavetkarmArambho bhavedasmin || 100||
prahasanamapi viGYeyaM dvividhaM shuddhaM tathA sa~NkIrNam |
a~Nkasya lakShaNamidaM vyAkhyAtamasheShayogamAtragatam || 101||
prahasanamataH paraM salakShaNaM sampravakShyAmi |
vakShyAmi tayoryuktyA pR^ithagpR^ithaglakShaNavisheSham || 102||
bhagavattApasaviprairanyairapi hAsyavAdasambaddham |
kApuruShasamprayuktaM parihAsAbhAShaNaprAyam || 103||
avikR^itabhAShAchAraM visheShabhAvopapannacharitapadam |
niyatagativastuviShayaM shuddhaM GYeyaM prahasanaM tu || 104||
veshyAcheTanapuMsakaviTadhUrtA bandhakI cha yatra syuH |
anibhR^itaveShaparichChadacheShTitakaraNaistu saMkIrNam || 105||
lokopachArayuktA yA vArtA yashcha dambhasaMyogaH |
sa prahasane prayojyo dhUrtapravivAdasampannaH || 106||
vIthya~NgaiH saMyuktaM kartavyaM prahasanaM yathAyogyam |
bhANasyApi tu lakShaNamataH paraM sampravakShyAmi || 107||
AtmAnubhUtashaMsI parasaMshrayavarNanAvisheShastu |
vividhAshrayo hi bhANo viGYeyastvekahAryashcha || 108||
paravachanamAtmasaMsthaM prativachanairuttamottamagrathitaiH |
AkAshapuruShakathitaira~NgavikArairabhinayaishchaiva || 109||
dhUrtaviTasamprayojyo nAnAvasthAntarAtmakashchaiva |
ekA~Nko bahucheShTaH satataM kAryo budhairbhANaH || 110||
bhANasyApi hi nikhilaM lakShaNamuktaM tathAgamAnugatam |
vIthyAH samprati nikhilaM kathayAmi yathAkramaM viprAH || 111||
sarvarasalakShaNADhyA yuktA hya~NgaistrayodashabhiH |
vIthI syAdekA~NkA tathaikahAryA dvihAryA vA || 112||
adhamottamamadhyAbhiryuktA syAtprakR^itibhistisR^ibhiH |
uddhAtyakAvalagitAvaspanditanAlyasatpralApAshcha || 113||
vAkkelyatha prapa~ncho mR^idavAdhibale ChalaM trigatam |
vyAhAro gaNDashcha trayodashA~NgAnyudAhR^itAnyasyAH || 114||
atha vIthI samproktA lakShaNameShAM pravakShyAmi |
padAni tvagatArthAni ye narAH punarAdarAt || 115||
yojayanti padairanyaistaduddhAtyakamuchyate |
yatrAnyasmin samAveshya kAryamanyatprasAdhyate || 116||
tachchAvalagitaM nAma viGYeyaM nATyayoktR^ibhiH |
AkShipte.arthe tu kasmi.NshchichChubhAshubhasamutthite || 117||
kaushalAduchyate.anyo.arthastadavaspanditaM bhavet |
hAsyenopagatArthaprahelikA nAliketi viGYeyA || 118||
mUrkhajanasannikarShe hitamapi yatra prabhAShate vidvAn |
na cha gR^ihyate.asya vachanaM viGYeyo.asatpralApo.asau || 119||
ekadviprativachanA vAkkelI syAtprayoge.asmin |
yadasadbhUtaM vachanaM saMstavayuktaM dvayoH parasparaM yattu || 120||
ekasya chArthahetoH sa hAsyajananaH prapa~nchaH syAt |
yatkAraNAd guNAnAM doShIkaraNaM bhavedvivAdakR^itam || 121||
doShaguNIkaraNaM vA tanmR^idavaM nAma viGYeyam |
paravachanamAtmanashchottarottarasamudbhavaM dvayoryatra || 122||
anyonyArthavisheShakamadhibalamiti tad budhairGYeyam |
anyArthameva vAkyaM ChalamabhisandhAnahAsyaroShakaram || 123||
shrutisArUpyAdyasmin bahavo.arthA yuktibhirniyujyante |
yaddhAsyamahAsyaM vA tattrigataM nAma viGYeyam || 124||
pratyakShavR^ittirukto vyAhAro hAsyaleshArthaH |
saMrambhasaMbhramayutaM vivAdayuktaM tathApavAdakR^itam || 125||
bahuvachanAkShepakR^itaM gaNDaM pravadanti tattvaGYAH |
iti dasharUpavidhAnaM sarvaM proktaM mayA hi lakShaNataH |
punarasya sharIragataM sandhividhau lakShaNaM vakShye || 126||
iti bharatIye nATyashAstre dasharUpanirUpaNaM
nAmAShTAdasho.adhyAyaH |
##
Encoded by Sowmya Krishnapur krsowmya@yahoo at com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}