% Text title            : naaTyashaastra adhyaaya 22
% File name             : natya22.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : dpadmakar at hotmail.com
% Proofread by          : dpadmakar at hotmail.com
% Latest update         : October 6, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 22..}##
\itxtitle{.. nATyashAstram adhyAyaH 22 ..}##\endtitles ##

      .. shrIrastu ..
bharatamunipraNItaM nATyashAstram.h
atha dvAvi.nsho.adhyAyaH .
sAmAnyAbhinayo nAma dnyeyo vAga~NgasattvajaH .
tatra kAryaH prayatnastu nATya.n sattve pratiShThitam.h .. 1..
sattvAtirikto.abhinayo jyeShTha ityabhidhIyate .
samasattvo bhavenmadhyaH satvahIno.adhamaH smR^itaH .. 2..
avyaktarUpa.n sattva.n hi vidnyeyaM bhAvasa.nshrayam.h .
yathAsthAnarasopeta.n romA~nchAsrAdibhirguNaiH .. 3..
ala~NkArAstu nATyadnyairdnyeyA bhAvarasAshrayAH .
yauvane.abhyadhikAH strINA vikArA vaktragAtrajAH .. 4..
Adau  trayo.a~NgajasteShA.n dasha svAbhAvikAH pare .
ayatnajAH punaH sapta rasabhAvopabR^i.nhitAH .. 5..
dehAtmakaM bhavetsattva.n sattvAdbhAvaH samutthitaH .
bhAvAtsamutthito hAvo hAvAddhelA samutthitA .. 6..
helA  hAvashcha bhAvashcha parasparasamutthitAH .
sattvabhede bhavantyete sharIre prakR^itisthitAH  .. 7..
vAga~NgamukharAgaishcha sattvenAbhinayena cha .
kaverantargataM bhAvaM bhAvayanbhAva uchyate .. 8..
##[##bhAvasyAtikR^ita.n sattva.n vyatiriktaM svayoniShu .
naikAvasthAntarakR^itaM bhAva.n tamiha nirdishet.h##]## .. 9..
tatrAxibhrUvikArADhyaH shR^i~NgArAkArasUchakaH .
sagrIvArechako dnyeyo hAvaH sthitasamutthitaH .. 10..
yo vai hAvaH sa evaiShA shR^i~NgArarasasaMbhavA .
samAkhyAtA budhairhelA lalitAbhinayAtmikA .. 11..
lIlA vilAso vichChittirvibhramaH kiliki~nchitam.h .
moTTAyita.n kuTTimitaM bibboko lalita.n tathA .. 12..
vihR^ita.n cheti vidnyeyA dasha strINA.n svabhAvajAH .
punareShA.n svarUpANi pravaxyAmi pR^ithakpR^ithak.h .. 13..
vAga~NgAla~NkAraiH shiShTaiH prItiprayojitairmadhuraiH .
iShTajanasyAnukR^itirlIlA dnyeyA prayogadnyaiH .. 14..
sthAnAsanagamanAnA.n hastabhrUnetrakarmaNA.n chaiva .
utpadyate visheSho yaH shliShTaH sa tu vilAsaH syAt.h .. 15..
mAlyAchChAdanabhUShaNa vilepanAnAmanAdaranyAsaH .
svalpo.api parA.n shobhA.n janayati yasmAttu vichChitiH .. 16..
vividhAnAmarthAnA.n vAga~NgAhAryasattvAnAm.h .
madarAgaharShajanito vyatyAso vibhramo dnyeyaH .. 17..
smitaruditahasitabhayaharShagarvaduHkhashramAbhilAShANAm.
sa~NkarakaraNa.n harShAdasakR^it.h  kiliki~nchita.n dnyeyam.h .. 18..
iShTajanasya kathAyA.n lIlAhelAdidarshane vApi .
tadbhAvabhAvanAkR^itamuktaM moTTAyita.n nAma .. 19..
keshastanadharAdigrahaNAdatiharShasaMbhramotpannam.h .
kuTTamita.n vidnyeaya.n   sukhamapi duHkhopachAreNa .. 20...
iShTAnAM bhAvAnAM prAptAvabhimAnagarvasaMbhUtaH .
strINAmanAdarakR^ito bibboko nAma vidnyeyaH .. 21..
hastapAdA~NgavinyAso bhrUnetroShThaprayojitaH .
saukumAryAdbhavedyastu lalita.n tatprakIrtitam.h .. 22..
##[##karacharaNA~NganyAsaH sabhrUnetroShThasamprayuktastu .
sukumAravidhAnena strIbhiuritIda.n smR^ita.n lalitam.h##]## .. 23..
vAkyAnAM prItiyuktAnAM prAptAnA.n yadabhAShaNam.h .
vyAjAtsvabhAvato vApi vihR^ita.n nAma tadbhavet.h .. 24..
##[##prAptAnAmapi vachasA.n kriyate  yadabhAShaNa.n hriyA strIbhiH .
vyAjAtsvabhAvato vApyetatsamudAhR^ita.n vihR^itam.h##]## ..25..
shobhA kAntishcha dIptishcha tathA mAdhuryameva cha .
dhairyaM prAgalbhyamaudAryamityete syurayatnajAH  .. 26..
rUpayauvanalAvaNyairupabhogopabR^i.nhitaiH .
ala~NkaraNama~NgAnA.n shobheti parikIrtitA.. 27..
vidnyeyA cha tathA kAntiH shobhaivApUrNamanmathA .
kAntirevAtivistIrNA dIptirityabhidhIyate .. 28..
sarvAvasthAvisheSheShu dIpteShu laliteShu cha .
anulbaNatva.n cheShTAyA mAdhuryamiti sa.ndnyitam.h .. 29..
chApalenAnupahatA sarvArtheShvavikatthanA .
svAbhAvikI chittavR^ittirdhairyamityabhidhIyate .. 30..
prayoganissAdhvasatA prAgalbhya.n samudAhR^itam.h .
audAryaM prashrayaH proktaH sarvAvasthAnugo budhaiH .. 31..
sukumAre bhavantyete prayoge lalitAtmike .
vilAsalalite hitvA dIpte.apyete bhavanti hi .. 32..
shobhA vilAso mAdhurya.n sthairya.n gAmbhIryameva cha .
lalitaudAryatejA.nsi sattvabhedAstu pauruShAH .. 33..
dAxya.n shauryamathotsAho nIchArtheShu jugupsanam.h .
uttamaishcha guNaiH spardhA yataH shobheti sA smR^itA .. 34..
dhIrasa.nchAriNI dR^iShTirgatirgovR^iShabhA~nchitA .
smitapUrvamathAlApo vilAsa iti kIrtitaH .. 35..
abhyAsatkaraNAnA.n tu shliShTatva.n yatra jAyate .
mahatsvapi vikAreShu tanmAdhuryamiti smR^itam.h .. 36..
dharrmArthakAmasa.nyuktAchChubhAshubhasamutthitAt.h .
vyavasAyAdachalana.n sthairyamityabhisa.ndnyitam.h .. 37..
yasya prabhAvAdAkArA harShakrodhabhayAdiShu .
bhAveShu nopalaxyante tadgAmbhIryamiti smR^itam.h .. 38..
abuddhipUrvaka.n yattu nirvikArasvabhAjam.h .
shR^i~NgArAkAracheShTatva.n lalita.n tadudAhR^itam.h .. 39..
dAnamabhyupapattishcha tathA  cha priyabhAShaNam.h .
svajane cha pare vApi tadaudAryaM prakIrtitam.h  .. 40..
adhixepAvamAnAdeH prayuktasya pareNa yat.h .
prANatyaye.apyasahana.n tattejaH samudAhR^itam.h .. 41..
sattvajo.abhinayoH pUrvaM mayA proktao dvijottamAH .
shArIra.n chApyAbhinaya.n vyAkhyAsyAmyanupUrvashaH .. 42..
ShaDAtmakastu shArIro vAkya.n  sUchA~NkurastathA .
shAkhA nATyAyita.n chaiva nivR^ittya~Nkura eva cha   .. 43..
nAnArasArthayuktairvR^ittanibandhaiH kR^itaH sachUrNapadaiH .
prAkR^itasa.nskR^itapATho vAkyAbhinayo budhairdnyeyaH .. 44..
vAkyartho vAkya.n vA sattvA~NgaiH sUchyate yadA pUrvam.h .
pashchAdvAkyAbhinayaH sUchetyabhisa.ndnyitA sA tu .. 45..
hR^idayastho  nirvachanaira~NgAbhinayaH kR^ito nipuNasAdhyaH .
sUchaivotpattikR^ito vidnyeyastva~NkurAbhinayaH .. 46..
yattu shiromukhaja~NghorupANipAdairyathAkrama.n kriyate  .
shAkhAdarshanamArgaH shAkhAbhinayaH sa vidnyeyaH .. 47..
nATyAyitamupachArairyaH kriyate.abhinayasUchayA nATye .
kAlaprakarShahetoH praveshakaiH sa.ngamo  yAvat.h .. 48..
sthAne dhruvAsvabhinayo yaH kriyate harShashokaroShAdyaiH .
bhAvarasasamprayuktairdnyeya.n nATyAyita.n tadapi .. 49..
yatrAnyokta.n vAkya.n sUchAbhinayena  yojayedanyaH .
tatsaMbandhArthakathaM bhavennivR^ittya~NkuraH so.atha .. 50..
eteShA.n tu bhavenmArgo yathAbhAvarasAnvitaH .
kAvyavastuShu nirdiShTo dvAdashAbhinayAtmakaH .. 51..
AlApashcha  pralApashcha vilApaH syAttathaiva cha .
anulApo.atha sa.nlApastvapalApastathaiva cha  .. 52..
sandeshAshchAtideshashcha nirdeshaH syAttathAparaH .
upadesho.apadeshashcha vyapadeshashcha kIrtitaH ..  53..
AbhAShaNa.n tu yadvAkyamAlApo  nAma sa smR^itaH .
anarthaka.n vacho yattu pralApaH sa tu kIrtitaH .. 54..
karuNaprabhavo yastu vilApaH sa tu kIrtitaH .
bahusho.abhihita.n vAkyamanulApa iti smR^itaH  .. 55..
uktipratyuktisa.nyuktaH sa.nlApa  iti kIrtitaH .
pUrvoktasyAnyathAvAdo hyapalApa iti smR^itaH .. 56..
tadida.n vachanaM brUhItyeSha sandesha uchyate .
yattvayoktaM mayokta.n tatso.atidesha iti smR^itaH .. 57..
sa eSho.ahaM bravImIti nirdesha iti kIrtitaH .
vyAjAntareNa  kathana.n vyapadesha ihochyate .. 58..
ida.n kuru gR^ihANeti hyupadeshaH prakIrtitaH .
anyArthakathana.n yat.h syAt.h so.apadeshaH prakIrtitaH ..  59..
ete mArgAstu vidnyeyAH sarvAbhinayayojakAH .
saptaprakArameteShAM punarvaxyAmi  laxaNam.h ..  60..
pratyaxashcha paroxashcha tathA kAlakR^itAstrayaH .
Atmasthashcha   parasthashcha  prakArAH sapta eva tu .. 61..
eShA bravImi nAhaM bho vadAmIti cha yadvachaH .
pratyaxashcha paroxashcha vartamAnashcha tadbhavet.h .. 62..
aha.n karomi gachChAmi vadAmi vachana.n tava .
Atmastho vartamAnashcha pratyaxashchaiva sa smR^itaH .. 63..
kariShyAmi gamiShyAmi vadiShyAmIti yadvachaH .
Atmasthashcha paroxashcha bhaviShyatkAla eva cha .. 64..
hatA jitA cha bhagnAshcha mayA sarve dviShadgaNAH .
Atmasthashcha paroxashcha vR^ittakAlashcha sa smR^itaH .. 65..
##[##tvayA hata jitAshcheti yo vadennATyakarmaNi .
paroxashcha parasthashcha vR^ittakAlastathaiva cha  .. 66..
eSha bravImi kurute gachChatItyAdi yadvachaH .
parastho vartamAnashcha ##(##pratyaxashcha##)## bhavettathA .. 67..
sa gachChati karotIti vachana.n yadutAhR^itam.h .
parastha.n vartamAna.n cha paroxa.n chaiva tadbhavet.h .. 68..
kariShyanti gamiShyanti vadiShyantIti yadvachaH .
parasthameShyatkAla.n cha paroxa.n chaiva tadbhavet.h##]## .. 69..
hastamantarataH kR^itvA yadvadennATyakarmaNi .
Atmastha.n hR^idayastha.n cha paroxa.n chaiva tanmatam.h .. 70..
pareShAmAtmanashchaiva kAlasya cha visheShaNAt.h .
saptaprakArasyAsyaiva bhedA dnyeyA anekadhA .. 71..
ete  prayogA vidnyeyA mArgAbhinayayojitAH .
eteShviha viniShpanno vividho.abhinayo  bhavet.h .. 72..
shiro hastakaTIvaxoja~NghorukaraNeShu tu .
samaH karmavibhAgo yaH sAmAnyAbhinayastu saH .. 73..
lalitairhastasa.nchArastathA mR^idva~NgacheShTitaiH .
abhineyastu nATyadnyai rasabhAvasamanvitaiH .. 74..
anuddhatamasaMbhrAntamanAviddhA~NgacheShTitam.h .
layatAlakalApAtapramANaniyatAtmakam.h .. 75..
suvibhaktapadAlApamaniShThuramakAhalam.h .
yadIdR^ishaM bhavennATya.n dnyeyamAbhyantara.n tu tat.h .. 76..
etadeva viparyasta.n svachChandagaticheShTitam.h .
anibaddhagItavAdya.n nATyaM bAhyamiti smR^itam.h .. 77..
laxaNAbhyantaratvAddhi  tadAbhyantaramiShyate .
shAstrabAhyaM bhavedyattu tadbAhyamiti bhaNyate .. 78..
anena laxyate yasmAt.h prayogaH karma chaiva hi .
tasmAllaxaNametaddhi nATye.asmin.h samprayojitam.h .. 79..
anAchAryoShitA ye cha ye cha shAstrabahiShkR^itAH .
bAhyaM prayu~njate te tu adnyAtvAchAryakI.n kriyAm.h .. 80..
shabda.n sparsha.n cha rUpa.n cha rasa.n gandha.n tathaiva cha .
indriyAnIindriyArthA.nshcha bhAvairabhinayedbudhaH .. 81..
kR^itvA sAcIkR^itA.n dR^iShTi.n shiraH pArshvanata.n tathA .
tarjanI karNadeshe cha budhaH shabda.n vinirdishet.h .. 82..
ki~nchidAku~nchite netre kR^itvA bhrUxepameva cha .
tathA.n.asagaNDayoH sparshAt.h sparshameva.n vinirdishet.h .. 83..
kR^itvA patAkau mUrdhasthau ki.nchitprachalitAnanaH .
nirvarNayantyA dR^iShTyA cha rUpa.n tvabhinayed.h budhaH .. 84..
ki~nchidAku~nchite netre kR^itvotphullA.n cha nAsikAm.h .
ekochChvAsena cheShTau tu rasagandhau  vinirdishet.h .. 85..
pa~nchAnAmindriyArthAnAM bhAvA hyete.anubhAvinaH .
shrotratva~NnetrajihvAnA.n ghrANasya cha tathaiva hi .. 86..
indriyArthAH samanaso bhavanti hyanubhAvinaH .
na vetti hyamanAH ki.nchidviShayaM pa~nchadhAgatam.h .. 87..
manasastrividho bhAvo vidnyeyo.abhinaye budhaiH .
iShTastathA hyaniShTashcha madhyasthashcha tathaiva hi .. 88..
prahlAdanena gAtrasya tathA pulakitena cha .
vadanasya vikAsena kuryAdiShTanidarshanam.h .. 89..
iShTe shabde tathA rUpe sparshe gandhe tathA rase .
indriyairmanasA prAptaiH saumukhya.n sampradarshayet.h .. 90..
parAvR^ittena shirasA netranAsAvikarShaNaiH .
chaxuShashchApradAnena hyaniShTamabhinirdishet.h .. 91..
nAtihR^iShTena manasA na chAtyarthajugupsayA .
madhyasthanaiva bhAvena madhyasthamabhinirdishet.h .. 92..
teneda.n tasya vApIda.n sa evaM prakaroti vA .
paroxAbhinayo yastu madhyastha iti sa smR^itaH .. 93..
AtmAnubhAvI yo.arthaH syAdAtmastha  iti sa smR^itaH .
parArthavarNanA yatra parasthaH sa tu sa.ndnyitaH .. 94..
prAyeNa sarvabhAvAnA.n kAmAnniShpattiriShyate .
sa chechChAguNasampanno bahudhA  parikalpitaH .. 95..
dharmakAmo.arthakAmashcha moxakAmastathaiva cha .
strIpu.nsayostu yogo yaH sa tu kAma iti smR^itaH .. 96..
sarvasyaiva hi lokasya sukhaduHkhanibarhaNaH .
bhUyiShTha.n dR^iShyate kAmaH sa sukha.n vyasaneShvapi .. 97..
yaH strIpuruShasa.nyogo ratisaMbhogakArakaH .
sa shR^i~NgAra iti dnyeya upachArakR^itaH shubhaH .. 98..
bhUyiShThameva loko.aya.n sukhamichChati sarvadA .
sukhasya hi striyo mUla.n nAnA shIlAshchA tAH punaH .. 99..
devadAnavagandharvaraxonAgapatatriNAm.h .
pishAchayaxavyAlAnA.n naravAnarahastinAm.h .. 100..
mR^igamInoShTramakarakharasUkaravAjinAm.h .
mahIShAjagavAdInA.n tulyashIlAH striyaH smR^itAH .. 101..
snigdhaira~NgairupA~Ngaishcha sthirA mandanimeShiNi .
arogA dIptyupetA cha dAnasattvArjavAnvitA .. 102..
alpasvedA  samaratA svalpabhuk.h  suratapriyA .
gandhapuShparatA hR^idyA devashIlA~NganA smR^itA .. 103..
adharmashAThyAbhiratA  sthirakrodhAtiniShThurA  .
madyamA.nsapriayA nitya.n kopanA chAtimAninI ..  104..
chapalA chAtilubdhA cha paruShA kalahapriyA .
IrShyAshIlA  chalasnehA chAsura.n shIlamAshritA  ,, 105..
krIDAparA chArunetrA nakhadantaiH supuShpitaiH .
sva~~NgI cha sthirabhAShI  cha mandApatyA ratipriyA .. 106..
gIte vAdye cha nR^itte cha  ratA hR^iShTA mR^ijAvatI .
gandharvasattvA vidnyeyA snigdhatvakkeshalochanA .. 107..
bR^ihadvyAyatasarvA~NgI raktavistIrNalochanA .
khararomA divAsvapnaniratAtyuchchabhAShiNI .. 108..
nakhadantaxatakarI krodherShyAkalahapriyA .
nishAvihArashIlA cha  rAxasa.n shIlamAshritA .. 109..
tIxNanAsAgradashanA sutanustAmralochanA .
nIlotpalasavarNA  cha svapnashIlA.atikopanA .. 110..
tiryaggatishchalArambhA bahushvAsAtimAninI .
gandhamAlyAsavaratAnAgasattvA.a~NganA smR^itA .. 111..
atyantavyAvR^itAsyA cha tIxNashIlA saritpriyA .
surAsavaxIraratA bahvapatyA phalapriyA .. 112..
nitya.n shvasanashIlAcha tathodyAnavanapriyA  .
chapalA  bahuvAkChIghrA shAkuna.n sattvamAshritA .. 113..
UnAdhikA~NgulikarA rAtrau niShkuTachAriNi .
bAlodvejanashIlA cha pishunA kliShTabhAShiNi ..114..
surate kutsitAchArA romashA~NgI  mahAsvanA .
pishAchasattvA vidnyeyA madyamA.nsabalipriyA .. 115..
svapnaprasvedanA~NgI cha sthirashayyAsanapriyA .
medhAvinI buddhimatI madyagandhAmiShapriyA ,, 116,,
chiradR^iShTeShu harSha.n cha kR^itadnyatvAdupaiti  sA .
adIrghashAyinI chaiva yaxashIlA.a~NganA smR^itA .. 117..
tulyamAnAvamAnA yA paruShatvak.h kharasvarA .
shaThAnR^itoddhatakathA vyAlasattvA cha pi~NgadR^ik.h ..118..
vibhaktA~NgI kR^itadnyA cha gurudevadvijapriyA .
dharmakAmArthaniratA hyaha~NkAravivarjitA .
suhR^itpriyA sushIlA cha mAnuSha.n sattvamAshritA .. 120..
sa.nhatAlpatanurhR^iShTA pi~NgaromA ChalapriyA .
pragalbhA chapalA tIxNA vR^ixArAmavanapriyA .. 121..
svalpamapyupakAra.n tu nitya.n  yA bahumanyate .
prasahyaratishIlA cha vAnara.n sattvamAshritA .. 122..
mahAhanulalATA cha sharIropachayAnvitA .
pi~NgAxI romashA~NgI cha gandhamAlyAsavapriyA .. 123..
kopanA sthirachittA  cha jalodyAnavanapriyA .
madhurAbhiratA chaiva hastisattvA prakIrtitA .. 124..
svalpodarI bhagnanAsA tanuja~NghA  vanapriyA .
chalavIstIrNanayanA chapalA shIghragAminI .. 125..
divAtrAsaparA nitya.n gItavAdyaratipriyA .
nivAsasthirachittA cha mR^igasattvA prakIrtitA .. 126..
dIrghapInonnatoraskA chalA nAtinimeShiNI .
bahubhR^ityA bahusutA matsyasattvA jalapriyA .. 127..
lamboShThI svedabahulA ki~nchidvikaTagAminI .
kR^ishodarI puShpaphalalavaNAmlakaTupriyA .. 128..
udbandhakaTipArshvA cha kharaniShThurabhAShiNI .
atyunnatakaTIgrIvA uShTrasattvA.aTavIpriyA .. 129..
sthUlashIrShA~nchitagrIvA dAritAsyA mahasvanA .
dnyeyA makarasattvA cha krUrA matsyaguNairyutA .. 130..
sthUlajihvoShThadashanA rUxatvakkaTubhAShiNI .
ratiyuddhakarI dhR^iShTA nakhadantaxatapriyA .. 131..
sapatnIdveShiNI daxA chapalA shIghragAminI .
sarogA bahvapatyA cha kharasattvA prakIrtitA .. 132..
dIrghapR^iShThodaramukhI romashAlI balAnvitA .
susa.nxiptalalATA cha kandamUlaphalapriyA .. 133..
kR^iShNA da.nShTotkaTamukhI hrasvodarashiroruhA .
hInAchArA bahvapatyA saukara.n sattvamAshritA .. 134..
sthirA vibhaktapArshvorukaTIpR^iShThashirodharA .
subhagA dAnashIlA cha R^ijusthUlashiroruhA .. 135..
kR^ishA cha~nchalachittA cha snigdhavAk.hChIghragAminI .
kAmakrodhaparA chaiva hayasattvA~NganA smR^itA .. 136.
sthUlapR^iShThAxidashanA tanupArshvodarA sthirA .
hariromA~nchitA raudrI lokadviShTA ratipriyA .. 137...
ki~nchidunnatavaktrA cha jalakrIDAvanapriyA .
bR^ihallalATA sushroNI mAhiSha.n sattvamAshritA .. 138..
kR^ishA tanubhujoraskA niShTabdhasthiralochanA .
sa.nxiptapANipAdA cha sUxmaromasamAchitA .. 139..
bhayashIlA  jalodvignA bahvapatyA  vanapriyA .
cha~nchalA shIghragamanA hyajasattvA~~NganA smR^itA .. 140..
udbandhagAtranayanA vijR^imbhaNaparAyaNA .
dIrghAlpavadanA svalpapANipAdavibhUShitA .. 141..
uchchaHsvanA svalpanidrA krodhanA sukR^itapriyA .
hInAchArA   kR^itadnyA cha shvashIlA parikIrtitA .. 142..
pR^ithupInoonnatashroNI tanuja~NghA suhR^itpriyA .
sa.nxiptapANipAdA cha dR^iDhArambhA prajAhitA .. 143..
pitR^idevArchanaratA  satyashauchagurupriyA .
sthirA  parikleshasahA gavA.n sattva.n samAshritA .. 144..
nAnAshIlAH striyo dnyeyAH sva.n sva.n sattva.n samAshritAH .
vidnyAya cha yathAsattvamupaseveta tAH punaH .. 145..
upachAro yathAsattva.n strINAmalpo.api harShadaH .
mahAnapyanyathAyukto naiva tuShTikaro bhavet.h .. 146..
yathA samprarthitAvAptyA ratiH samupajAyate .
strIpu.nsayoshcha ratyarthamupachAro vidhIyate .. 147..
dharmArtha.n hi tapashcharyA sukhArtha.n dharma iShyate .
sukhasya mUlaM pramadAstAsu sambhoga iShyate .. 148..
kAmopabhAgo dvividho nATyadharme.abhidhIyate .
bAhyAbhyantaratashchaiva nArIpuruShasa.nshrayaH .. 149..
AbhyantaraH pArthivAnA.n sa cha kAryastu nATake .
bAhyo veshyAgatashchaiva sa cha prakaraNe bhavet.h .. 150..
tatra rAjopabhoga.n tu vyAkhyAsyAmyanupUrvashaH .
upachAravidhi.n samyak.h kAmatantrasamutthitam.h .. 151..
trividhA prakR^itiH strINA.n nAnAsattvasamudbhavA .
bAhyA chAbhyantarA chaiva syAdbAhyAbhyantarAparA .. 152..
kulInAbhyantarA dnyeyA bAhyA veshyA~NganA smR^itA .
kR^itashauchA tu yA nArI sA bAhyAbhyantarA smR^itA .. 153..
antaHpuropachAre tu kulajA kanyakApi vA .
na hi rAjopachAre tu bAhyastrIbhoga iShyate .. 154..
Abhyantaro bhavedrAdnyo  bAhyo bAhyajanasya cha .
divyaveshA~NganAnA.n hi rAdnyAM bhavati sa~NgamaH .. 155..
kulajAkAmita.n yachcha tajdnyeya.n kanyakAsvapi .
yA  chApi veshyA sApyatra yathaiva kulajA tathA .. 156..
iha kAmasamutpatIrnAnAbhAvasamudbhavA .
strINA.n vA puruShANA.n vA uttamAdhamamadhyamA .. 157..
shravaNAddarshanAdrUpAda~NgalIlAvicheShTitaiH .
madhuraishcha samAlApaiH kAmaH samupajAyate .. 158..
rUpaguNAdisameta.n kalAdividnyAnayauvanopetam.h .
dR^iShTvA puruShavisheSha.n nArI madanAturA bhavati .. 159..
tataH kAmayamAnAnA.n nR^iNA.n strINAmathApi cha .
kAmAbhAve~NgitAnIha tajdnyaH samupalaxayet.h .. 160..
lalitA chalapaxmA cha tathA cha mukulexaNA .
srastottarapuTA chaiva kAmyA dR^iShTirbhavediha .. 161..
##[##valitAntA salAlityasa.nmitairvya~njitairastathA .
dR^iShTiH sA lalitA  nAma strINAmardhAvalokane ..##]## 161..
IShtsa.nraktagaNDastu sasvedalavachitritaH .
praspandamAnaromA~ncho mukharAgo bhavediha .. 163..
kAmyenA~NgavikAreNa sakaTAxanirIxitaiH .
tathAbharaNasa.nsparshaiH karNakaNDuyanairapi .. 164..
a~NguShThAgravilikhanaiH stananAbhipradarshanaiH .
nakhanistodanAchchaiva keshasa.nyamanAdapi .. 165..
veshyAmeva.nvidhairbhAvairlaxayenmadanAturAm.h .
kulajAyAstathA chaiva pravaxyAmI~NgitAni tu .. 166..
prahasantIva netrAbhyAM pratata.n cha nirIxate .
smayate sA nigUDha.n cha vAcha.n chAdhomukhI vadet.h .. 167..
smitottarA mandavAkyA svedAkAranigUhanI .
praspanditAdharA chaiva chakitA cha kulA~NganA .. 168..
eva.nvidhaiH kAmali~NgairaprAptasuratotsavA .
dashasthAnagata.n kAma.n nAnAbhAvaiH pradarshayet.h .. 169..
prathame tvabhilAShaH syAd.h dvitIye chintanaM bhavet.h .
anusmR^itistR^itIye tu chaturthe guNakIrtanam.h .. 170..
udvegaH pa~nchame prokto vilApaH ShaShTha uchyate .
unmAdaH saptame dnyeyo bhavedvyAdhistathAShTame .. 171..
navame jaDatA chaiva dashame maraNaM bhavet.h .
strIpu.nsayoreSha vidhirlaxaNa.n cha nibodhata .. 172..
vyavasAyAtsamArabdhaH sa.nkalpechChAsamudbhavaH .
samAgamopAyakR^itaH so.abhilAShaH prakIrtitaH .. 173..
niryAti vishati cha muhuH karoti chAkArameva madanasya .
tiShThati cha darshanapathe prathamasthAne sthitA kAme .. 174..
kenopAyena samprAptiH katha.n vAsau bhavenmama .
dUtIniveditairbhAvairiti chintA.n nidarshayet.h .. 175..
AkekarArdhaviprexitAni valayarashanAparAmarshaH .
nIvInAbhyAH sa.nsparshana.n cha kArya.n dvitIye tu .. 176..
sumuhurmuhurniHshvasitairmanorathavichintanaiH .
pradveShAchchAnyakAryANAmanusmR^itirudAhR^itA .. 177..
naivAsane na shayane dhR^itimupalabhate svakarmaNi vihastA .
tachchintopagatatvAt.h tR^itIyameva prayu~njIta .. 178..
a~Ngapratya~NgalIlAbhirvAk.hcheShTAhasitexitaiH .
nAstyanyaH sadR^ishastenetyetat.h syAd.h guNakIrtanam.h .. 179..
guNakIrtanollukasanairashrusvedApamArjanaishchApi .
dUtyavirahavisrambhairabhinayayogashchaturthe tu .. 180..
Asane shayane chApi na tuShyati na tiShThati .
nityamevotsukA cha syAdudvegasthAnamAshritA .. 181..
chintAniHshvAsakhedena hR^iddAhAbhinayena cha .
kuryAttadevamatyantamudvegAbhinayena cha .. 182..
iha sthita ihAsIna  iha  chopagato mayA .
iti taistairvilapitairvilApa.n samprayojayet.h .. 183..
udvignAtyarthamautsukyAdadhR^ityA cha vilApinI .
tatastatashcha bhramati vilApasthAnamAshritA  .. 184..
tatsa.nshritA.n kathA.n yu~Nkte sarvAvasthAgatApi hi .
pu.nsaH pradveShTi chApyanyAnunmAdaH samprakIrtitaH .. 185..
tiShThatyanimiShadR^iShTirdIrgha.n niHshvasiti gachChati dhyAnam.h .
roditi vihArakAle nATyamida.n syAttathonmAde .. 186..
sAmadAnArthasaMbhogaiH kAmyaiH sampreShaNairapi .
sarvairnirAkR^itaiH pashchAd.h vyAdhiH samupajAyate .. 187..
muhyati hR^idaya.n kvApi prayAti shirasashcha vedanA tIvrA .
na dhR^iti.n chApyupalabhate hyaShTamamevaM prayu~njIta .. 188..
pR^iShTA   na ki~nchit.h prabrate na shR^iNoti  na pashyati .
hAkaShTavAkyA tUShNIkA jaDatAyA.n gatasmR^itiH .. 189..
akANDe dattahu.nkArA tathA prashithilA~NgikA .
shvAsagrastAnanA chaiva jaDatAbhinaye bhavet.h .. 190..
sarvaiH kR^itaiH pratIkArairyadI nAsti samAgamaH .
kAmAgninA pradIptAyA  jAyate maraNa.n tataH .. 191..
eva.n sthAnAni  kAryANi kAmatantra.n samIxya tu .
aprAptau yAni kAmasya varjayitvA tu naidhanam.h .. 192..
vividhaiH puruSho.apyeva.n vipralambhasamudbhavaiH .
bhAvairetAni kAmasya nAnArUpANi yojayet.h. .. 193..
eva.n kAmayamAnAnA.n strINA nR^iNAmathApi vA .
sAmAnyaguNayogena yu~njItAbhinayaM budhaH .. 194..
chintAniHshvAsakhedena hR^iddAhAbhinayena cha .
tathAnugamannAchchApi tathaivAdhvanirIxaNAt.h .. 195..
AkAshavIxaNAchchApi tathA dInaprabhAShaNAt.h .
sparshanAnmoTanAchchApi tathA sApAshrayAshrayAt.h .. 196..
ebhirnAnAshrayotpannairvipralambhasamudbhavaiH .
kAmasthAnAni sarvANi bhUyiShTha.n samprayojayet.h .. 197..
srajo bhUShaNagandhA.nshcha gR^ihANyupavanAni cha .
kAmAgninA dahyamAnaH shItalAni niShevate .. 198..
pradahyamAnaH kAmArto bahusthAnasamarditaH .
preShayetkAmato dUtImAtmAvasthApradarshinIm.h ..199..
sandesha.n chaiva dUtyAstu pradadyAnmadanAshrayam.h .
tasyeya.n samavastheti kathayedvinayena sA .. 200..
athAveditabhAvArtho ratyupAya.n vichintayet.h .
aya.n vidhirvidhAnadnyaiH kAryaH prachChannakAmite .. 201..
vidhi.n rAjopachArasya punarvaxyAmi tattvataH .
abhyantaragata.n samyak.h kAmatantrasamutthitam.h .. 202..
sukhaduHkhakR^itAn.h bhAvAn.h nAnAshIlasamutthitAn.h .
yAnyAn.h prakurute rAjA tAnstAn.h lokAnuvartate .. 203..
na durlabhAH pArthivAnA.n stryarthamAdnyAkR^itAH guNAH .
dAxiNyAttu samudbhUtaH kAmo ratikaro bhavet.h .. 204..
bahumAnena devInA.n vallabhAnAM bhayena cha .
prachChannakAmita.n rAdnyA kAryaM parijanaM prati .. 205..
yadyapyasti narendrANA.n kAmatantramanekadhA .
prachChannAkAmita.n yattu tadvai ratikaraM bhavet.h .. 206..
yadvAmAbhiniveshitva.n yatashcha vinivAryate .
durlabhatva.n cha yannAryAH sA kAmasya parA ratiH .. 207..
rAdnyAmantaHpurajane divAsambhoga iShyate .
vAsoapachAro yashcaiaShA.n sa rAtrau parikIrtitaH .. 208..
paripATyAM phalArthe vA nave prasava eva vA .
duHkhe chaiva pramode cha ShaDete vAsakAH smR^itAH .. 209..
uchite vAsake strInAmR^itukAle.api vA  nR^ipaiH .
preShyANAmathaveShTAnA.n kArya.n chaivopasarpaNam.h .210..
tatra vAsakasajjA cha virahotkaNThitApi vA .
svAdhInabhartR^ikA chApi kalahAntaritApi vA .. 211..
khaNDitA vipralabdhA vA tathA proShitabhartR^ikA .
tathAbhisArikA chaiva dnyeyAstvaShTau tu nayikAH .. 212..
uchite vAsakae yA tu ratisaMbhogalAlasA .
maNDana.n kurute hR^iShTA sA vai vAsakasajjikA .. 213..
anekakAryavyAsa~NgAdyasyA nAgachChati priyaH .
tadanAgataduHkhArtA virahotkaNThitA tu sA .. 214..
suratAtirasairbaddho yasyAH pArshve tu nAyakaH .
sAndrAmodaguNaprAptA bhavet.h svAdhInabhartR^ikA .. 215..
IrShyAkalahaniShkrAnto yasyA nAgachChati priyaH .
sAmarShavashasamprAptA kalahAntaritA bhavet.h .. 216..
vyAsa~NgAduchite yasyA vAsake nAgataH priyaH .
tadanAgamaduHkhArtA khaNDitA sA prakIrtitA .. 217..
yasyA dUtIM priyaH preShya dattvA sa.nketameva vA .
nAgataH kAraNeneha vipralabdhA tu sA bhavet.h .. 218..
nAnAkAryANi sandhAya yasyA vai proShitaH priyaH .
sArUDhAlakakeshAntA bhavet.h proShitabhartR^ikA .. 219..
hitvA lajjA.n tu yA shliShTA madena madanena cha .
abhisArayate kAnta.n sA bhavedabhisArikA .. 220..
AsvavasthAsu vidnyeyA nAyikA nATakAshrayA .
etAsA.n chaiva vaxyAmi kAmatantramanekadhA .. 221..
chintAniHshvAsakhedena hR^iddAhAbhinayena cha .
sakhIbhiH saha sa.nlApairAtmAvasthAvalokanaiH .. 222..
glAnidainyAshrupAtaishcha roShasyAgamanena cha .
nirbhUShaNamR^ijAtvena duHkhena ruditena cha .. 223..
khaNDitA vipralabdhA vA kalahAntaritApi vA .
tathA proShitakAntA cha bhAvAnetAn.h prayojayet.h .. 224..
vichitrojjvalaveShA tu pramododyotitAnanA .
udIrNashobhA cha tathA kAryA svAdhInabhartR^ikA .. 225..
veshyAyAH kulajAyAyAshcha preShyAyAshcha prayoktR^ibhiH .
ebhirbhAvavisheShaistu kartavyamabhisAraNam .. 226..
samadA mR^iducheShTA cha tathA parijanAvR^itA .
nAnAbharaNachitrA~NgI gachChedveshyA~NganA shanaiH .. 227..
sa.nlInA sveShu gAtreShu trastA vinamitAnanA .
avakuNThanasa.nvitA hachChettu kulajA~NganA .. 228..
madaskhalitasa.nlApA vibhramotphullalochanA .
Aviddhagatisa.nchArA gachChetpreShyA samuddhatam.h .. 229..
gatvA sA chedyadA tatra pashyetsuptaM priya.n tadA .
anena tUpachAreNa tasya kuryAtprabodhanam.h .. 230..
ala~NkAreNa kulajA veshyA gandhaistu shItalaiH .
preShyA tu vastravyajanaiH kurvIta pratibodhanam.h .. 231..
kulA~NganAnAmevAya.n noktaH kAmAshrayo vidhiH .
sarvAvasthAnubhAvya.n hi yasmAdbhavati nATakam.h .. 232..
navakAmapravR^ittAyA kruddhAyA vA samAgame .
sApadeshairupAyaistu vAsaka.n samprayojayet.h .. 233..
nAnAla~NkaravastrANi gandhamAlyAni chaiva hi .
priyayojitabhuktAni niSheveta mudAnvitaH .. 234..
na tathA bhavati manuShyo madanavashaH kAminImalabhamAnaH .
dviguNopajAtaharSho bhavati yatha sa~NgataH priyayA .. 235..
vilAsabhAve~NgitavAkyalIlAmAdhuryavistAraguNopapannaH .
parasparapremanirIxitena samAgamaH kAmakR^itastu kAryaH .. 236..
tataH pravR^itte madane upachArasamudbhave .
vAsopachAraH kartavyo nAyakAgamanaM prati .. 237..
gandhamAlye gR^ihItvA tu chUrNavAsastathaiva cha .
Adarsho lIlayA gR^ihyashChandato vA punaH punaH .. 238..
vAsopachAre nAtyarthaM bhUShaNagrahaNaM bhavet.h .
rashanAnUpuraprAya.n svanavachcha prashasyate .. 239..
nAmbaragrahaNa.n ra~Nge na snAna.n na vilepanam.h .
nA~njana.n nA~NgarAgashcha keshasa.nyamana.n tathA .. 140..
nAprAvR^ittA naikavastrA  na rAgamadharasya tu .
uttamA madhyamA vApi kurvIta pramadA kvachit.h .. 241..
adhamAnAM bhavedeSha sarva eva vidhiH sadA .
kAraNAntaramAsAdya tasmAdapi na kArayet.h .. 242..
preShyAdInA.n cha nArINA.n narANA.n vApi nATake .
bhUShaNagrahaNa.n kAryaM puShpagrahaNameva cha .. 243..
gR^ihItamaNDanA chApi pratIxeta priyAgamam.h .
lIlayA maNDita.n veSha.n kuryAdyanna virudhyate .. 244..
vidhivadvAsaka.n kuryAnnAyikA  nAyakAgame .
pratIxamANA cha tato nAlikAshabdamAdishet.h .. 245..
shrutvA tu nAlikAshabda.n  nAyakAgamaviklavA .
viShaNNA vepamAnA cha gachChettoraNameva cha .. 246..
toraNa.n vAmahastena kavATa.n daxiNena cha .
gR^ihItvA toraNAshliShTA sampratIxeta nAyakam.h .. 247..
sha~NkA.n chintAM bhaya.n chaiva prakuryAttoraNAshritA .
adR^iShTvA ramaNa.n nArI viShaNNA cha xaNaM bhavet.h .. 248..
dIrgha.n chaiva viniHshvasya nayanAmbu nipAtayet.h .
sanna.n cha hR^idaya.n kR^itvA visR^ijetada~NgamAsane .. 249..
vyAxepAdvimR^ishechchApi nAyakAgamanaM prati .
taistairvichAraNopAyaiH shubhAshubhasamutthitaiH .. 250..
gurukAryeNa mitrairvA mantriNA rAjyachintayA .
anubaddhaH priya.n ki.n nu vR^ito vallabhayApi vA .. 251..
utpAtAnnirdishechchApi shubhAshubhasamutthitAn.h .
nimitairAtmasa.nsthaistu sphuritaiH spandiataistathA .. 252..
shobhaneShu tu kAryeShu nimitta.n vAmataH striyAH .
aniShTeShvatha sarveShu nimitta.n daxiNaM bhavet.h .. 253..
savya.n netra.n lalATa.n cha bhrUnAsoShTha.n tathaiva cha .
urubAhustana.n chaiva sphuredyadi samAgamaH .. 254..
eteShamanyathAbhAve durnimitta.n vinirdishet.h .
darshane durnimittasya moha.n gachChetxaNa.n tataH .. 255..
anAgame nAyakasya kAryo gaNDAshrayaH karaH .
bhUShaNe chApyavadnyAna.n rodana.n cha samAcharet.h .. 256..
atha chechChobhana.n tatsyAnnimitta.n nAyakAgame .
sUchyo nAyikayAsanno gandhAghrANena nAyakaH .. 257..
dR^iShTvA chotthAya sa.nhR^iShTA pratyudgachChedyathAvidhi .
tataH kAnta.n nirIxeta praharShotphullalochanA .. 258..
sakhIskandhArpitakarA kR^itvA sthAnakamAyatam.h .
darshayeta tataH kAnta.n sachihna.n sarasavraNam.h .. 159..
yadi syAdaparAddhastu kR^itaistaistairupakramaiH .
upAlambhakR^iatairvAkyairupAlabhyastu nAyakaH .. 260..
mAnApamAnasaMmohairavahitthabhayakramaiH .
vachanasya samutpattiH strINAmIrShyAkR^itA bhavet.h .. 261..
visraMbhasneharAgeShu sandehe praNaye tathA .
paritoShe cha gharShe cha dAxiNyAxepavibhrame .. 262..
dharmArthakAmayogeShu prachChannavachaneShu cha .
hAsye kutUhale chaiva saMbhrame vyasane tathA .. 263..
strIpu.nsayoH krodhakR^ite pR^itha~Nmishre tathApi vA .
anAbhAShyo.api saMbhAShyaH priya ebhistu kAraNaiH .. 264..
yatra sneho bhavettatra hIrShyA madanasaMbhavA .
chatasro yonayastasyAH kIrtyamAnA nibodhata .. 265..
vaimanasya.n vyalIka.n cha vipriyaM manyureva cha .
eteShA.n sampravaxyAmi laxaNAni yathAkramam.h .. 266..
nidrAkhedAlasagati.n sachihna.n sarasavraNam.h .
evavidhaM priya.n dR^iShTvA vaimanasyaM bhavet.h striyAH .. 267..
nidrAbhyasUyitAvexaNena roShaprakampamAnA~NgyA .
sAdhviti suShThviti vacanaiH shobhata ityevamabhineyam.h .. 268..
bahudhA vAryamANo.api yastasminneva dR^ishyate .
sa.ngharShamatsarAttatra vyalIka.n jAyate striyAH .. 269..
kR^itvorasi vAmakara.n daxiNahasta.n tathA vidhunvantyA .
caraNaviniShThambhena cha kAryo.abhinayo vyalIke tu .. 270..
jIvantyA tvayi jIvAmi dAso.aha.n tva.n cha me priyA .
uktvaiva.n yo.anyathA kuryAdvipriya.n tatra jAyate .. 271..
dUtIlekhaprativachanabhedanaiH krodhahasitaruditaishcha  .
vipriyakaraNe.abhinayaH sashiraHkampaishcha  kartavyaH .. 272..
pratipaxasakAshAttu yaH saubhAgyavikatthanaH .
upasarpet.h sachinhnastu manyustatropajAyate .. 273..
valayaparivartanairatha sushithalamutxepeNena rashanAyAH .
manyustvabhinetavyaH sasha~NkitaM bAShpapUrNAxyA .. 274..
dR^iShTvA sthitaM priyatama.n sasha~Nkita.n sAparAdhamatilajjam.h .
IrShyAvachanasamutthaiH khedayitavyo hyupAlambhaiH .. 275..
na cha niShThuramabhibhAShyo na chApyatikrodhanastu parihAsaH .
bAShponmishrairvachanairAtmopanyAsasa.nyuktaiH .. 276..
madhyA~Ngulya~NguShThAgravichyavAtpANinorasi kR^itena .
udvartitanetratayA pratatairabhivIxaNaishchApi .. 277..
kaTihastavivartanayA vichChinnatayA tathA~njaleH karaNAt.h .
mUrdhabhramaNaniha~nchitanipAtasa.nshleaShNAchchApi .. 278..
avahitthavIxaNAdvA a~Ngulibha~Ngena tarjanailalitaiH .
ebhirbhAvavisheShairanunayaneShvabhinayaH kAryaH .. 279..
shobhase sAdhu dR^iShTo.asi gachCha tva.n kiM.n vilambase .
mA mA.n  sprAxIH priyA yatra tatra yA te hR^idi sthitA .. 280..
gachChetyuktvA parAvR^itya vinivR^ittAntareNa tu .
kenachidvachanArthena praharSha.n yojayetpunaH .. 281..
rabhasagrahaNAchchApi haste vastre cha mUrdhani .
kAryaM prasAdana.n nAryA hyaparAdha.n samIxya tu .. 282..
haste vastre.atha keshAnte nAryApyatha gR^ihItayA .
kAntamevopasarpantyA kartavyaM moxaNa.n shanaiH .. 283..
gR^ihItAyAtha keshAnte haste vastre.athavA punaH .
huM mu~nchetyupasarpantyA vAchyaH sparshAlasaM priyaH .. 284..
pAdAgrasthitayA nAryA ki.nchitkuTTamitotkaTam.h .
ashvakrAntena  kartavya.n keshAnAM moxaNa.n shanaiH .. 285..
amuchyamAne keshAnte sa.njAtasvedaleshayA .
ha.n hu mu~nchApasarpeti vAchyaH sparshAlasA~NgayA .. 286..
gachCheti roShavAkyena gatvA pratinivR^itya cha .
kenachidvachanArthena vAchya.n yAsyasi neti cha .. 287..
vidhUnanena hastena hu.nkAra.n samprayojayet.h .
sa chAvadhUnane kAryaH shapathairvyAja eva cha .. 288..
axNoH sa.nvaraNe kAryaM pR^iShThatashchopagUhanam.h .
nAryAstvapahR^ite vastre dIpachChAdanameva cha .. 289..
tAvat.h khedayitavyastu yAvatpAdagato bhavet.h .
tatashcharaNayoryAte kuryAddUtInirIxaNam.h .. 290..
utthApyAli~Ngayechchaiva nAyikA nAyaka.n tataH .
ratibhogagatA hR^iShTA shayanAbhimukhI vrajet.h .. 291..
etadgItavidhAnena sukumAreNa yojayet.h .
yadA shR^i~NgArasa.nyukta.n ratisambhogakAraNam.h .. 292..
yadA chAkAshapuruShaparasthavachanAshrayam.h .
bhavetkAvya.n tadA hyeSha kartavyo.abhinayaH striyA .. 293..
yadantapurasambandha.n kAryaM bhavati nATake .
shR^i~NgArarasasa.nyukta.n tatrApyeSha vidhirbhavet.. 294..
na kArya.n shayana.n ra~Nge nATyadharma.n vijAnatA .
kenachidvachanArthena a~NkachChedo vidhIyate .. 295..
yadvA shayItArthavashAdekAkI sahito.api vA .
chumbanAli~Ngana.n chaiva tatha guhya.n cha yadbhavet.h .. 296..
dantachChedya.n nakhachChedya.n nIvIsra.nsanameva cha .
stanAntaravimarda.n cha ra~Ngamadhye na kArayet.h .. 297..
bhojana.n salilakrIDA tathA lajjAkara.n cha yat.h .
eva.nvidhaM bhavedyadyattattadra~Nge na kArayet.h .. 298..
pitAputrasnuShAshvashrUdR^ishya.n yasmAttu nATakam.h .
tasmAdetAni sarvANi varjanIyAni yatnataH .. 299..
vAkyaiH sAtishayaiH shravyairmadhurairnAtiniShThuraiH .
hitopadeshasa.nyuktaistajdnyaH kuryAttu nATakam.h .. 300..
evamantaHpurakR^itaH kAryastvabhinayo budhaH .
samAgame.atha nArINA.n vAchyAni madanAshraye .. 301..
priyeShu vachanAnIha yAni tAni nibodhata .
priayaH kAnto vinItashcha nAthaH svAmyatha jIvitam.h .. 302..
nandanashchetyabhiprIte vachanAni bhavanti hi .
duHshIlo.atha durAchAraH shaTho vAmo vikatthanaH .. 303..
nirlajjo niShThurashchaiava priyaH krodhe.abhidhIyate .
yo vipriya.n na kurute na chAyuktaM prabhAShate .. 304..
tathArjavasamAchAraH sa priyastvabhidhIyate .
anyanArIsamudbhUta.n chihna.n yasya na dR^iShyate .. 305..
adhare vA sharIre vA sa kAnta iti bhAShyate .
sa.nkruddhe.api hi yo nAryA nottaraM pratipadyate .. 306..
paruSha.n vA na vadati vinItaH sA.abhidhIyate .
hitaiShI raxaNe shakto na mAnI na  cha matsarI .. 307..
sarvakAryeShvasaMmUDhaH sa nAtha iti sa.ndnyitaH .
sAmadAnArthasaMbhogaistathA lAlanapAlanaiH .. 308..
nArI.n niShevate yastu sa svAmItyabhidhIyate .
nArIpsitairabhiprAyairnipuNa.n shayanakriyAm.h .. 309..
karoti yastu saMbhoge sa jIvitamiti smR^itaH .
kulIno dhR^itimAndaxo daxiNo vAgvishAradaH .. 310..
shlAghanIyaH sakhImadhye nandanaH so.abhidhIyate .
ete vachanavinyAsA ratiprItikarAH smR^itAH .. 311..
tathA chAprItivAkyAni gadato me nibodhata .
niShThurashchAhiShNushcha mAni dhR^iShTo vikatthanaH .. 312..
anavasthitachittashcha duHshIla iti sa smR^itaH .
tADanaM bandhana.n chApi yo vimR^ishya samAcharet.h .. 313..
tathA paruShavAkyashcha durAchAraH sa tanyate .
vAchaiava madhuro yastu karmaNa nopapAdakaH .. 314..
yoShitaH ki~nchidapyartha.n sa shaThaH paribhAShyate .
vAryate yatra yatrArthe tattadeva karoti yaH .. 315..
viparItaniveshI cha sa vAma iti sa.ndnyitaH .
sarasavraNachihno yaH strIsaubhAgyavikatthanaH .. 316..
atimAnI tathA stabdho vikatthana iti smR^itaH .
vAryamANo dR^iDhatara.n yo nArImupasarpati .. 317..
sachihnAH sAparAdhashcha sa nirlajja iti smR^itaH .
yo.aparAddhastu sahasA nArI.n sevitumichChati .. 318..
aprasAdanabuddhishcha niShThuraH so.abhidhIyate .
ete vacanavinyAsAH priyApriyavibhAShitAH .. 319..
nartakIsa.nshritAH kAryA bahavo.anye.api nATake .
eSha gItavidhAne tu sukumAre vidhirbhavet.h .. 320..
shR^i~NgArarasasaMbhUto ratisaMbhogakhedanaH .
yachchaivAkAshapuruShaM parasthavachanAshrayam.h .. 321..
shR^i~NgAra eva.n vAchya.n syAttatrApyeSha kramo bhavet.h .
yadvA purusaMbandha.n kAryaM bhavati nATake .. 322..
shR^i~NgArarasasa.nyukta.n tatrApyeSha kramo bhavet.h .
evamantaHpuragataH prayojyo.abhinayo bhavet.h .. 323..
divyA~NganAnA.n tu vidhi.n vyAkhyAsyamyanupUrvashaH .
nityamevojvalo veSho nityaM pramuditaM manaH .. 324..
nityameva sukhaH kAlo devAnA.n lalitAshrayaH .
na chairShyA naiva cha krodho nAsUyA na prasAdanam.h .. 325..
divyAnA.n dR^iShyate puMsA.n shR^i~NgAre yoShitA.n tathA .
ye bhAvA mAnuShANA.n syuryada~Nga.n yachcha cheShTitam.h ..326..
sarva.n tadeva kartavya.n divyairmAnuShasa~Ngame .
yadA mAnuShasaMbhogo divyAnA.n yoShitAM bhavat.h .. 327..
tadA sarvAH prakartavyA ye bhAvA mAnuShAshrayAH .
shApabhra.nshAttu divyAnA.n tathA chApatyalipsayA .. 328..
kAryo mAnuShasa.nyogaH shR^i~NgArarasasa.nshrayaH .
puShpairbhUShaNajaiH shabdairadR^ishyApi pralobhayet.h .. 329..
punaH sa.ndarshana.n dattvA xaNAdantaritA bhavet.h .
vastrAbharaNamAlyAdyairlekhasampreShaNairapi .. 330..
IdR^ishairupachAraistu samunmAdyastu nAyakaH .
unmAdanAtsamudbhUtaH kAmo ratikaro bhavet.h .. 331..
svabhAvopagato yastu nAsAvatyarthabhAvikaH .
eva.n rAjopachAro hi kartavyo.abhyantarAshrayaH .. 332..
bAhyamapyupachAra.n  tu pravaxyAmyatha vaishike .
iti bhAratIye nATyashAstre sAmAnyAbhinayo nAmAdhyAyo dvAvi.nshaH ..
##
Encoded by Padmakar Dadegaonkar dadegaonkar@yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}