% Text title            : naaTyashaastra adhyaaya 23
% File name             : natya23.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : dpadmakar at hotmail.com
% Proofread by          : dpadmakar at hotmail.com
% Latest update         : January 29, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 23..}##
\itxtitle{.. nATyashAstram adhyAyaH 23 ..}##\endtitles ##

      .. shrIrastu ..
bharatamunipraNItaM nATyashAstram.h
atha trayovi.nsho.adhyAyaH .
visheShayetkalAH sarvA yasmAttasmAttu vaishikaH .
veshopachAre sAdhurvA vaishikaH parikIrtitaH .. 1..
yo hi sarvakalopetaH sarvashilpavichaxaNaH .
strIchittagrahaNAbhidnyo vaishikaH sa bhavetpumAn.h .. 2..
guNastasya tu vidnyeyAH svasharIrasamutthitAH .
AhAryAH sahajAshchaiva trayastri.nshatsamAsataH .. 3..
shAstravichChilpasampanno rUpavAn.h priyadarshanaH
vikrAnto dhR^itimA.nshchaiva vayoveShakulAnvitaH .. 4..
surabhirmadhurastyAgi sahiShNuravikatthanaH
asha~NkitaH priyAbhAShI chaturaH shubhadaH shuchiH .. 5..
kAmopachArakushalo daxiNo deshakAlavit.h .
adInavAkyaH smitavAn.h vAgmI daxaH priya.nvadaH .. 6..
strIlubdhAH sa.nvibhAgI cha shraddhadhAno dR^iDhasmR^itiH .
gamyAsu chApyavisrambhI mAnI cheti hi vaishikaH .. 7..
anuyuktaH shuchirdaxo daxiNaH pratipattimAn.h .
bhavechchitrAbhidhAyI cha vayasyastasya tad.hguNaH .. 8..
vidnyAnaguNasampanA kathinI li~NginI tathA .
prAtiveshyA sakhI dAsI kumArI kArushilpinI .. 9..
dhAtrI pAShaNDinI chaiva tathA ra~NgopajIvinI .
protsAhane.athakushalA madhurakathA daxiNAthakAladnyA .. 10..
laDahA sa.nvR^itamantrA dUtI tvebhirguNaiH kAryA .
tayApyutsAhana.n kArya.n nAnAdarshitakAraNam.h .. 11..
yathoktakathana.n chaiva tathA bhAvapradarshanam.h .
na jaDa.n rUpasampanna.n nArthavanta.n na chAturam.h .. 12..
dUta.n vA.apyathavA dUtIM budhaH kuryAtkadAchana .
kulabhogadhanAdhikyaiH kR^itvAdhikavikatthanam.h .. 13..
dUtI nivedayetkAmamarthA.nshchaivAnuvarNayet.h .
na chAkAmapravR^ittAyAH kR^iddhAyA vApi sa~NgamaH .. 14..
nAnupAyaH prakartavyo dUtyA hi puruShAshrayaH .
utsave ratrisa~nchAra uddyAne mitraveshmani .. 15..
dhAtrigR^iheShu sakhyA vA tathA chaiva nimantraNe .
vyAdhitavyapadeshena shunyAgAraniveshane .. 16..
kAryaH samAgamo nR^INA.n strIbhiH prathamasa~Ngame .
eva.n samAgama.n kR^itvA sopAya.n vidhipUrvakam.h .. 17..
anuraktA viraktA vA li~NgAkAraistu laxayet.h .
svabhAvabhAvAtishayairnArI yA madanAshrayA .. 18..
karoti nibhR^itA.n lIlA.n nitya.n sA madanAturA .
sakhImadhye guNAn.h brUte svadhana.n cha prayachChati .. 19..
pUjayatyasya mitrANi dveShTi shatrujana.n sadA .
gamAgame sakhInA.n yA hR^iShTA bhavati chAdhikam.h .. 20..
tuShyatyasya kathAbhistu sasneha.n cha nirIxate .
supte tu pashchAt.h svapiti chumbitA pratichumbati .. 21..
uttiShThatyapi pUrva.n cha tathA kleshasahApi cha .
utsave muditA yA cha vyasane yA cha duHkhitA .. 22..
eva.nvidhairguNairyuktA tvanuraktA tu sA smR^itA .
viraktAyAstu chinhAni chumbitA nAbhichumbati .. 23..
iti bhAratIye nATyashAstre trayovi.nshaH ..
##
Encoded by Padmakar Dadegaonkar dadegaonkar@yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}