% Text title            : naaTyashaastra adhyaaya 26
% File name             : natya26.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : dpadmakar at hotmail.com
% Proofread by          : dpadmakar at hotmail.com
% Latest update         : November 23, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 26..}##
\itxtitle{.. nATyashAstram adhyAyaH 26 ..}##\endtitles ##

      .. shrIrastu ..
bharatamunipraNItaM nATyashAstram.h
ShaDvi.nsho.adhyAyaH
anurUpA virUpA cha tathA rUpAnurUpiNI .
triprakAreha pAtrANAM prakR^itishcha vibhAvitA .. 1..
nAnAvasthAkriyopetA bhUmikA prakR^itistathA .
bhR^ishamudyotayennATya.n svabhAvakaraNAshrayam.h .. 2..
bahubAhUbahumukhAstathA cha vikR^itAnanAH .
pashushvApadavaktrAshcha kharoShTrAshcha gajAnanAH .. 3..
ete chAnye cha bahavo nAnArUpA bhavanti ye .
AchAryeNa tu te kAryA mR^itkAShThajatucharmabhiH .. 4..
svAbhAvikena rUpena pravishedra~NgamaNDalam.h .
AtmarUpamavachChAdya varNakairbhUShaNairapi .. 5..
yAdR^isha.n yasya yadrUpaM prakR^ityA tatra tAdR^isham.h ..
vayoveShAnurUpeNa prayojya.n nATyakarmaNi .. 6..
yathA jIvatsvabhAva.n hi parityajyAnyadehikam.h .
parabhAvaM prakurute parabhAva.n samAshritaH .. 7..
evaM budhaH paraMbhAva.n so.asmIti manasA smaran.h .
yeShA.n vAga~NgalIlAbhishcheShTAbhistu samAcharet.h .. 8..
sukumAraprayogo yo rAdnyAmAmodasaMbhavaH .
shR^i~NgArarasamAsAdya tannArIShu prayojayet.h .. 9..
yuddhoddhatAviddhakR^itA sa.nraMbhArabhaTAshcha ye .
na te strIbhiH prayoktavyAH yoktavyAH puruSheShu te .. 10..
anudbhaTamasaMbhrAntamanAviddhA~NgacheShTitam.h .
layatAlakalApAtapramANaniyatAxaram.h .. 11..
suvibhaktapadAlApamaniShThuramakAhalam.h .
IdR^isha.n yadbhavennATya.n nArIbhishcha prayojayet.h .. 12..
eva.n kAryaM prayogadnyairbhUmikAviniveshanam.h .
striyo hi strIgato bhAvaH pauruShaH puruShasyacha .. 13..
yathA vayo yathAvasthamanurUpeti sA smR^itA .
puruShaH strIkR^itaM bhAva.n rUpAtprakurute tu yaH .. 14..
rUpAnurUpA sA dnyeyA prayoge prakR^itirbudhaH .
ChandataH pauruShIM bhUmi.n strI kuryAdanurUpataH .. 15..
na parasparacheShTAsu kAryau sthavirabAlishau .
pAThyaprayoge puruShAH prayoktavyA hi sa.nskR^ite .. 16..
strINA.n svabhAvamadhurAH kaNThAH pu.nsA.n tu balavantaH .
yadyapi puruSho vidyAt.h gItavidhAna.n cha laxaNopetam.h .. 17..
mAdhuryaguNavihIna.n shobhA.n janayenna tadgItam.h .
yatra strINAM pAThyAdguNairnarANA.n cha kaNThamAdhuryam.h .. 18..
prakR^itiviparyayajanitau vidnyeyau tAvala~NkArau .
prAyeNa devapArthivasenApatimukhyapuruShabhavaneShu .. 19..
strIjanakR^itAH prayogA bhavanti puruShasvabhAvena .
rambhorvashIprabhR^itiShu svarge nATyaM pratiShThitam.h .. 20..
tathaiva mAnuShe loke rAdnyAmantaHpureShviha .
upadeShTavyamAchAryaiH prayatnenA~NganAjane .. 21..
na svayaM bhUmikAbhyAso budhaiH kAryastu nATake .
strIShu yojyaH prayatnena prayogaH puruShAshrayaH .. 22..
yasmAtsvabhAvopagato vilAsaH strIShu vidyate .
tasmAtsvabhAvamadhurama~Nga.n sulabhasauShThavam.h .. 23..
lalita.n sauShThava.n yachcha so.ala~NkAraH paro mataH .
prayogo dvividhashchaiva vidnyeyo nATakAshrayaH .. 24..
sukumArastathAviddho nAnAbhAvarasAshrayaH .
nATaka.n saprakaraNaM bhANo vIthya~Nka eva cha .. 25..
dnyeyAni sukumArANi mAnuShairAshritAni tu .
sukumAraprayogo.aya.n rAdnyAmAmodakArakaH .. 26..
shR^i~NgArasamAsAdya strINA.n tattu prayojayet.h .
yuddhoddhatAviddhakR^itAsa.nraMbhArabhaTAshcha ye .. 27..
na te strINAM prakartavyAH kartavyAH puruShairhi te .
yathAviddhA~NgahAra.n tu bhedyabhedyAhavAtmakam.h .. 28..
mAyendrajAlabahulaM pustanaipathyadIpitam.h .
puruShaprAyasa.nchAramalpastrIkamathoddhatam.h .. 29..
sAtvatyArabhaTIiyukta.n nATyamAviddhasa.ndnyitam.h .
DimaH samavakArashcha vyAyogehAmR^igau tathA .. 30..
etAnyAviddhasa.ndnyAni vidnyeyAni prayoktR^ibhiH .
eShAM prayogaH kartavyo devadAnavarAxasaiH .. 31..
uddhatA ye cha puruShAH shauryavIryasamanvitAH .
yogyaH sa cha prayatnaH kartavyaH satatapramAdena .. 32..
na hi yogyayA vinA bhavati cha bhAvarasasauShThava.n ki.nchit.h .
sa.ngItapariklesho nityaM pramadAjanasya guNa eva .. 33..
yanmadhurakarkashatva.n labhate nATyaprayogeNa .
pramadAH nATyavilAsairlabhate yat.h kusumairvichitralAvaNyam.h .
kAmopachArakushalA bhavanti cha kAmyA visheSheNa ..34..
gIta.n vR^itta.n tathA vAdyaM prastAragamanakriyA .
shiShyaniShpAdana.n chaiva ShaDAchAryaguNAH smR^itAH .. 35..
etAni pa~ncha yo vetti sa AchAryaH prakIrtitaH .
UhApohau matishchaiva smR^itirmedhA tathaiva cha .. 36..
medhAsmR^itirguNashlAghArAgaH sa.ngharSha eva cha .
utsAhashcha ShaDevaitAn.h shiShyasyApi guNAn.h viduH .. 37..
eva.n kAryaM prayogadnyairnAnAbhUmivikalpanam.h .
ata UrdhvaM pravaxyAmi siddhInAmapi laxaNam.h .. 38..
iti bhAratIye nATyashAstre vikR^itivikalpo
nAma ShaDvi.nsho.adhyAyaH ..
##
Encoded by Padmakar Dadegaonkar dadegaonkar@yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}