% Text title            : shrIbharatamunipraNItaM nATyashAstram adhyAya 31
% File name             : natya31.itx
% Category              : natyashastra
% Location              : doc\_z\_misc\_major\_works
% Author                : Sage Bharata
% Latest update         : May 31, 2025
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 31 ..}##
\itxtitle{.. shrIbharatamunipraNItaM nATyashAstram adhyAya 31 ..}##\endtitles ##
      || shrIrastu ||
athaikatriMsho.adhyAyaH |
vAdyaM tUryAyanaM proktaM kalApAtalayAnvitaH |
kalAstasya(kAlastasya) pramANaM hi vij~neyaM tAlayogataH || 1||
yA laukikI kalA kAShThA nimeShashcha smR^ito budhaiH |
na sA tAlakalA j~neyA hyanyaiShA tAlajA kalA || 2||
nimeShAH pa~ncha vij~neyA gItakAle kalAntaram |
tataH kalAkAlakR^ito laya ityabhisa~nj~nitaH || 3||
trayo layAstu vij~neyA drutamadhyavilambitAH |
yastatra tu layo madhyastatpramANakalA smR^itA || 4||
kalAkAlapramANena tAla ityabhisa~nj~nitaH |
trividhA sA cha vij~neyA trimArganiyamA budhaiH || 5||
chitre dvimAtrA kartavyA vR^ittau sA dviguNA smR^itA |
chaturguNA dakShiNe syAdityevaM trividhA kalA || 6||
tryasrashcha chaturasrashcha sa tAlo dvividhaH smR^itaH |
dvividhasyApi tAlasya tvekA prakR^itiriShyate || 7||
tathA yonidvayaM tAlA chAnyAmAnaM nibodhata |
cha~nchUpuTastu vij~neyA tathA chAyapuTA budhaiH || 8||
chaturasrastu vij~neyastAlashcha~nchUpuTo budhaiH |
tryasrashcha~nchUpuTashchaiva gurulaghvakSharAnvitaH || 9||
Adau dve guruNI yasya laghvekaM plutameva cha |
akSharANAM niveshena sa tu cha~nchUpuTastadA || 10||
Adau gurvakSharaM ## ?? ## ante laghUni chaiva hi |
tryasraH sa khalu vij~neyastAlashcha~nchUpuTAshrayaH || 11||
sannipAtastataH shamyA tAlaH shamyAmathApi vA |
sannipAtAdiko j~neyaH shamyAdishcha tathAparaH || 12||
tAlAdishcha tribhirbhedaiH punashcha~nchUpuTo bhavet.h |
shamyAdikastu vij~neyastajj~nairAsAritAdiShu || 13||
tAlAdikastathA prokto vidvadbhiH pANikAdiShu |
cha~nchUpuTasya ye bhAvAH sannipAtAdayastu ye || 14||
ta eva bhedA vij~neyA budhaishcha~nchUpuTasya cha |
sannipAtAdikaH svasya balavAnnetarastathA || 15||
ShaTkalo.aShTakalashchaiva tAlo hyasmAtpravartate |
dviprakAraH punashchAyaM niHshabdaH shabdavAMstathA || 16||
anayormishrabHavaM tu mishrastAlaH prakIrtitaH |
shamyAtAlapraveshena ## ?? ## vidhIyate || 17||
ShaTpitAputrakakR^itaH pa~nchapANirudAhR^itaH |
AdyaM plutaM dvitIyaM cha laghu yatrAkSharaM bhavet.h || 18||
tR^itIyaM cha chaturthaM cha gurUNi pa~nchamaM laghu |
plutAntaH ShaTpitAputro gurulAghavasaMyutaH || 19||
pa~nchapANiH sa vij~neyaH ShaTpAtastu ShadakSharaH |
sannipAtastatastAlaH shamyA tAlastathaiva cha || 20||
shamyA chaiva hi tAlashcha ShaTpAtastasya kIrtitaH |
tAlAdistryasrabhedo.anyaH sampatkeShTakasa~nj~nitaH || 21||
gurupa~nchAkSharAdyantaplutamAtrAsamanvitaH |
tryasraM sarvaguruM kR^itvA niShkAmaM tvatra yojayet.h || 22||
shamyAdvayaM tatasteShu udbaddhaH kathito budhaiH |
vyudasya yugmato ye cha pa~nchatAlA bhavanti hi || 23||
mishrA gIta~NgasaMyuktA j~neyA hyudbaddhakAdayaH |
kalAH pa~ncha tathA sapta punarnava cha kIrtitAH || 24||
dashaikAdasha chaivaite sa~NkIrNAH samudAhR^itAH |
na hyeShAmupayogo.asti saptarUpe dhruvAsu cha || 25||
pravR^itAdiShu kartavyA ete bhUyaH prayoktR^ibhiH |
yathAkSharo.atha dvikalastathaiva cha chatuShkalaH || 26||
trayo bhedA hi tAlasya ## ?? ## dviguNAH smR^itAH |
chaturasrastribhirbhedaistAlastu parikIrtitaH || 27||
chatuShkalo hyaShTakalaH kalAH Shodasha chaiva hi |
tryasrakAlastu ShaDbhedastrikalaH ShaTkalastathA || 28||
kalA dvAdasha chaivAsyAshchaturviMshatireva cha |
chatvAriMshattathAShTau cha tathA ShaNNavatiH kalAH || 29||
tAlo navavidhashchAyaM samAsAtparikIrtitaH |
tatra chAlApa(chAtmAtha)niShkrAmau vikShepo.atha praveshanam || 30||
chaturdvikala ityevaM niHshabdaH parikIrtitaH |
shamyAtAlo dhruvashchaiva sannipAtastathA pare || 31||
iti shabdena saMyukto vij~neyastu chaturvidhaH |
eteShAM chaiva vakShyAmi hastA~Ngulivikalpanam || 32||
uttAnA~Ngulisa~Nkocha AlApa iti sa~nj~nitaH |
niShkramo.adhogatasya(gatAnAM) syAda~NgulInAM prasAraNAt.h || 33||
tasya dakShiNataH kShepo vikShepa iti sa~nj~nitaH |
nivartanaM cha hastasya pravesho.adhomukhasya tu || 34||
yadA chatuShkalo yogastadA tveSha vidhiH smR^itaH |
niShkramashcha praveshashcha dvikale parikIrtitau || 35||
eShAmantarapAtAstu pAtasa~nj~nAH prakIrtitAH |
sahavyastanipAtastu samyanAlashcha vAmataH || 36||
hastayostu samaH pAtaH sannipAta iti smR^itaH |
kalA yA trividhA proktA tasyAH pAto dhruvaH smR^itaH || 37||
yathAkSharasya tAlasya ## ?? ## gurvakShare smR^itaH |
yathAkSharakR^itaiH pAtaistAle j~neyo yathAkSharaH || 38||
gurvakSharaistu vishliShTaiH sa navadvikalaH smR^itaH |
dvirbhAvA dvikalasyAtra vij~neyastu chatuShkalaH || 39||
tryasrashcha chaturasrashcha ShaTkalo.aShTakalastathA |
dhruvANAM tu bhavettAlaistaM cha vakShyAmi tattvataH || 40||
kaniShThA~NguliniShkrAmaH shamyA(samyA) chaiva tato bhavet.h |
kaniShThAnAmikAbhyAM tu niShkrAmo.ato vidhIyate || 41||
tatashcha tAlaH kartavyA shamyA chaiva tu pa~nchamI |
pravesho ## ?? ## ShaShThaH kartavyastarjanIkR^itaH || 42||
niShkrAmasannipAtAnte nityamaShTakalo bhavet.h |
eSha yugme kalApAtavikalpo.a~NgulibhiH kR^itaH || 43||
kaniShThA~NguliniShkrAmaH prathame tu kale bhavet.h |
shamyApAto dvitIyA cha tR^itIyA tAla eva cha || 44||
shamyA tatra chaturthI cha pa~nchamI tarjanIkramAt.h |
ShaShThashcha sannipAtaH syadeSha vai ShaTkalo vidhiH || 45||
eSha tryasre kalApAte vikalpo.a~NgulibhiH kR^itaH |
kaniShThA~NguliniShkrAme praveshashcha tathA bhavet.h || 46||
kaniShThAnAmikAsthAne tAlo j~neyastR^itIyake |
shamyApAtashchaturthI syAnniShkrAmo madhyamAkR^itaH || 47||
ShaShThatAlastathA j~neyo niShkrAmastarjanIkR^itaH |
shamyAShTamI tatastAlo navamI tu kalA smR^itA || 48||
kaniShThikApraveshastu dashamI tu kalA bhavet.h |
niShkrAmashchaiva tarjanyAstadanantaramishyate || 49||
sannipAtastathA te cha kalAdvAdashakaM bhavet.h |
eShato vApavikShepavyavadhAnashcha paNDitaiH || 50||
vidhiShchatuShkalo j~neyaH prAguktA~NgulibhiH kR^itaH |
dvikalashchatuShkalashcha pAdabhAgaH prakIrtitaH || 51||
chatvAraH pAdabhAgAshcha ## ?? ## hi parinATyate |
cha~nchatpuTasya tAlasya tathA cha~nchUpuTasya cha || 52||
pa~nchabANaishcha vij~neyA bhedA hyete pR^ithakpR^ithak.h |
evameSha mayA tAlaH samAsAtparikIrtitaH || 53||
AsArite vardhamAne gIteShvapi hi yaH smR^itaH |
athAsAritakAnAM tu sampravakShyAmi lakShaNam.h || 54||
bhedashcha~nchatpuTasyAdau tathA gurulaghuplutaiH |
pa~nchapANiM tataH kuryAddvirabhyastaM prayogavit.h || 55||
yathAkSharaM tu sarvatra yathAvadviniveshayet.h |
shamyAtAlaH punashchaiva shamyAtAlamathApi cha || 56||
Adye.akShare sannipAtaM pa~nchabANashcha yo bhavet.h |
tAlaM shamyAM cha tAlaM cha shamyAtAlau tataH param.h || 57||
eSha eva dvitIye.api pa~nchabANo vidhiH smR^itaH |
plutachchhede.api tasyeShTaH sannipAtaH prayoktR^ibhiH || 58||
evaM yathAkSharaM j~neyaM kaniShThAsAritaM budhaiH |
yathAkSharasyAkSharaishcha tAlapAtAnnibodhata || 59||
chakAre tu bhavechchhamyA dvitIye tAla eva cha |
pukAre tu bhavechchhamyA TakAre tAla eva cha || 60||
evaM cha~nchUpuTe j~neyaM pa~nchapANerataH param.h |
ShaDAre sannipAtaH syAtpi~NkAre tala eva cha || 61||
takAre tu bhavechchhamyA ekAre tAla eva cha |
trakAre tu bhavechchhamyA kakAre tAla eva cha || 62||
dvitIye.apyevameva syAtsannipAtastataH param.h |
gurvakSharANAM vishleShAdevameva tu madhyamam.h || 63||
vishleShitAnAmeShAM tu dvirbhAve yA kalA bhavet.h |
pAtAnte sA prayoktavyA yathAvadanupUrvashaH || 64||
dvirbhAvAnmadhyamasyeva jyeShthamityabhidhIyate |
madhyamasya vidhanena nyasechcha dviguNAH kalAH || 65||
sannipAtairnipAtaishcha teShAM vastu prakIrtitam.h |
samAnalakShaNAMshchaiva gadato me nibodhata || 66||
nihatya dAnavaM ghoraM rudreNAmitatejasA |
nR^ityamutpAditaM chitraM pUrvaM tANDavasa~nj~nitam.h || 67||
atha bhUtagaNaiH sarvaistasminkAle mahAtmabhiH |
vardhamAnamidaM dR^iShTaM piNDIbandhairvibhUShitam.h || 68||
parituShTashcha taddR^iShTvA sapatnIko vR^iShadhvajaH |
pradadau tu varaM shreShThaM saha devagaNAdhipaiH || 69||
lakShyalakShaNasampannA mArgayuktavidhi(dhiH) kramaiH |
vardhamAnaprayoktAro yAsyanti shivagocharam.h || 70||
evametanmayA dR^iShTaM piNDIbandhanimittataH |
adhunA tu pravakShyAmi lakShaNaM shR^iNuta dvijAH || 71||
vR^ittidakShiNachitreShu mArgeShu viniyojitam.h |
dvividhaM vardhamAnaM syAtsvapramANavinirmitam.h || 72||
atAlaM cha satAlaM cha tatpramANaM dvijAH smR^itam.h |
chatasraH kANDikAshchaiva tAvantyAsAritAni tu || 73||
dhruvakeNa kalAbhistu kaNDikA devakalpitA |
vardhamAnasharIre tu kriyate mArgayojanA || 74||
AdyA navakalA tu syAdaShTAbhistatparA smR^itA |
dasha ShaTcha tathA chaiva tR^itIyA kaNDikeShyate || 75||
chaturthI kaNDikA chaiva dvAtriMshatkalikA smR^itA |
kalAbhirevaM nirdiShTA kaNDikA vardhamAnake || 76||
kevalaM mArgasambhUtA svAlayopA~NgavarjitA |
ekadvitrichaturyogAttAbhirAsAritAni tu || 77||
vardhamAne prasUyante mArgatAlA~NgayogataH |
prathamAM kaNDikAM kR^itvA bAlatAlaprayojitam.h || 78||
antimArdhakalAhInaM kuryAdevaM kaniShThakam.h |
dvitIyAM kaNDikAM kR^itvA prathamA sakalA yadi || 79||
yojyate pUrvatAlena tadA tatsyAllayAntaram.h |
vardhamAnaM vinA chitre na hi vR^ittau layAntaram.h || 80||
bahirvA vardhamAne vA kaniShThAM na hi dakShiNe |
dviguNakShIra(guNAkShara)saMyogAdanyamArganiyojanAt.h || 81||
nR^ityakAlavisheShAchcha bAlAdanyallayAntaram.h |
tR^itIyA sadvitIyA cha prathamA chaiva tatkalA || 82||
dvikalaM yogamAshritya madhyamAsAritaM tu tat.h |
chaturthImAditaH kR^itvA chatasraH kaNDikA yathA || 83||
chatuShkalo na ## ?? ## jyeShthamAsAritaM tu tat.h |
prayogastu yadA tveShAM piNDIbandhaivikalpate || 84||
pratyekaM tu(tva)~NginyAsastadA teShAM pR^ithakpR^ithak.h |
mukhaM pratimukhaM chaiva dehasaMharaNaM tathA || 85||
a~NgAnyetAni chatvAri sarveShvAsAriteShviha |
upohanaM mukhaM teShAM yugmaM pratimukhaM bhavet.h || 86||
ojaH sharIrasaMhArAvayama~NgavidhikramaH |
ityeva chatura~NgAni j~neyAnyAsAritAni tu || 87||
chaturAsAritairbaddhaM vardhamAnakamuchyate |
varNatAlalayagranthavAdyAbhinayavardhanAt.h || 88||
pAtrANAM vR^iddhiyogAchcha vardhamAnakamuchyate |
vardhamAne sharIrasya bhavedAsAritasya cha || 89||
kAryakAraNabhAvena parasparavikalpanam.h |
yathA vR^ikShAdbhavedbIjo bIjAdvR^ikShasya sambhavaH || 90||
anyonyahetusaMyogaH prasartavyastathaiva tu |
yogAdekakalAtsUte kaniShThakalayAntare |
dvikalAnmadhyamaM chaiva jyeShThaM chaiva chatuShkalAt.h || 91||
cha~nchatpuTaparivartaH shamyAdi dvau cha pa~nchapANikR^itau |
ante cha sannipAtaH pAtavidhirayaM kaniShThasya || 92||
ayameva tAlayogo visheShasiddhishcha sUryavaddiShTA |
bhavatIha layAntarite shabdAdbhedo layashchaiva || 93||
uttarakAlAnkR^itvA tvAdau viprAH kalAH parityajya |
etatpAtavidhAnaM madhyamakAsArite proktam.h || 94||
jyeShThasya bhavati niyamAdAdAvekA chatuShkalA mAtrA |
mAtrA kR^indugatA syAtkR^itvautau dvau cha parivartau || 95||
vAlaM navakalaM veShAM na teShAM sAdhu sammatam.h |
sannipAtA~NgavinyAsaM kalAniyamataH kR^itam.h || 96||
teShAM sammukhatAlaM dhruvapAtaireva niyamatAtmAnam.h |
tasya kalApAkSharagurulaghuvarNasthitiM vakShye || 97||
jyeShThasya kalA hyaShTau mukhaM bhavenmadhyamasya samUlakam.h |
ShaDirlayAntare syAtpa~nchaiva kalAH kaniShThasya || 98||
AdAvante gurUNI madhye cha laghUni bAlataH prabhR^iti |
aShTau dvAdasha ShoDasha viMshatirapi vAkSharANi syuH || 99||
AsAritopavahaneShvAdAvAsAraNAni yuktAni |
tAnyakSharANi vakShye yAni purA brahmagItAni || 100||
yathA\-
kUhuM jagati yadi gini gijaM huM prathame layAntare vApi
titijalakuchakralayamadhye iti tikuchavalitakajyeShThe |
ityakSharapatanakalAgurulaghuvarNasthitiprativibhaktaH |
AsAritamukhasa~nj~ne upavahanavidhiH samuddiShTaH || 101||
evametatsavistAraM kathitaM parimANakam.h |
chatvArastu guNA yugme oje ShaTparikIrtitAH || 102||
pa~nchapANau dvitIye tu sArdhaShaTparikIrtitAH |
kanIya evaM kartavyamakaraustAlamAnataH || 103||
yathA\-
devaM devaiH saMstutaM namitaM daityairyaj~nairnAgaiH pitR^ibhishcha
namitacharaNaM trailokyahetumIshaM rudraM sharaNamasmyahamupagataH |
aShTAveva gaNAH kAryAH pUrvatAle yathavidhi |
dvAdashaiva tu kartavyAH kathitAH putrake gaNAH || 104||
ardhatrayodashagaNAstR^itIye vasusa~nj~nitAH |
evamakSharavinyAso madhyamAsArite smR^itaH || 105||
yathA \-
bhUtAdhipatiM bhaganetraharaM devairvedyaM suravaramathanaM raudraM
bhayadaM gajacharmavR^itaM shambhuM tryakShaM jvalananibhajaTam.h |
bhujagaparikaraM tridashagaNavR^itaM daityairnityaM
paripaThitacharitamamarapatinamitamabhimatasukhadaM sharaNaM
suranutacharaNamahamupagataH |
kAryAH ShoDasha yugmAkhye tAle tu prathame gaNAH |
chaturviMshatirojAkhye dvitIye vasusa~nj~nite || 106||
chaturviMshatirardhaM cha tR^itIye vasusa~nj~nike |
jyeShTheShvAsArite kArya evamakSharasa~nchayaH || 107||
yathA\-
amarapravaraM madanA~NgaharaM bhuvanaikanAthamabhayapradaM
tripurAntakaraM devaM tamahaM praNataH surapitR^igaNanatacharaNaM
pR^ithivIsalilajvalanabhairavarUpaM khaTvA~NgakapAladhAraM
pavanaH sUryashchandro yajAramApyomAkhyAH kAryA munibhiryasya
proktAstrailokyaguruM tamachintyamajaM vidyAnilayaM bhairavarUpaM
khaTvA~NgakapAladhAraM sthityutpattipralayanimittaM
chandrArdhadharaM tilakArdhadharaM rasanArdhadharaM
bahubhirvikR^itairvividhairvikaTairvidyati vimukhaiH prathamaiH
parivR^itamIshaM sukhadaM satataM praNataH||
AsAritAnAM sarveShAM ye bhedAH parikIrtitAH |
yathAkSharaM dvisa~NkhyAtaM trisa~NkhyAtaM yathApi vA || 108||
tAlochchhedo dviguNitaiH samavarNagaNaiH kR^itam.h |
anivR^ittAkSharapadaM yathAkSharamiti smR^itam.h || 109||
nivR^ittyA yatsamAyuktaM dvisa~NkhyAtaM tamuchyate |
nirvR^ittadvayasampannaM trisa~NkhyAtamitIShyate || 110||
chatuShkAdau chaturmAtrA yathoktagurulAghavAH |
yathAyogaM gaNAH kAryA gIteShvAsAriteShu cha || 111||
akSharairyA chaturmAtrA dvimAtrA varNatastu sA |
chitre kalA bhavedya tu vR^ittau sA dviguNA smR^itA || 112||
vR^ittau yA varNamAtrAbhishchaturmAtrAH prakIrtitA |
dviguNA dakShiNe sA tu kalA j~neyA prayoktR^ibhiH || 113||
na mArgabhedo.akShareShu kashchidapyupapadyate |
varNamAtrA dviguNitAdvarNabhedaH prakIrtitaH || 114||
yathAkShareShu bhUyiShThaM gIteShvAsAriteShu cha |
vidhireSha samuddiShTo varNatAlapadAshrayaH || 115||
dvisa~NkhyAte nivR^ittistu kAryAdyasyArdhayogataH |
dvisa~NkhyAtArdhayogena trisa~NkhyAte.api cheShyate || 116||
na chitre dvitrisa~NkhyAtaM kadAchidapi yojayet.h |
na cha vR^ittitrisa~NkhyAtaM gIteShvAsAriteShu cha || 117||
dakShiNe syAttrisa~NkhyAtaM dvisa~NkhyAtaM cha vArtike |
chitre yathAkSharaM proktamiti mArgavinishchayaH || 118||
dakShiNenaiva gatvAdau nivR^ittau vR^ittivadvrajet.h |
chitravachcha yathAnyAyaM trisa~NkhyAte vidhiH smR^itaH || 119||
anenaiva vidhAnena dvisa~NkhyAtamapIShyate |
vR^ittau vA dakShiNo vApi prayogo.asya sadaiva tu || 120||
vasvAdau vasumadhye cha vasvante yA nivR^ittayaH |
prayoktavyaH prayogaj~nairvichAryA~NgabalAbalam.h || 121||
nivR^ittau tu kalA nyUnA yadA vastuvashAdbhavet.h |
akAlapAtanAttasyA varNaH kAryo nivR^ittimAn.h || 122||
varNAla~NkArasaubhAgyaM vichchhedaH karaNasya cha |
tattvAdInAM prayogashcha nivR^ittInAM prayojanam.h || 123||
AsAriteShu gIteShu vardhamAneShu chaiva hi |
vardhamAnaM tu vij~neyaM chatasraH kaNDikA budhaiH || 124||
vishAlA sa~NgatA chaiva sunandA sumukhI tathA |
upohanaM vishAlAyAH kalA(lAH) pa~ncha bhavediha || 125||
ShaDa~Nga(ShaTsa~Nga)tAyA vij~neyAH sunandAyAshcha sapta cha |
sumukhyAshchopavahanaM nityamaShTakalaM bhavet.h || 126||
Adau gurudvayaM kAryaM chaturdasha laghUnyatha |
upohanaM vishAlAyAH punarante guruH smR^itaH || 127||
yathA\- R^induM jagati avalitakadiginigikuchakR^itatiti vA |(?)
chaturbhiradhikairevaM laghubhirgurusaMstutaiH |
sunandAyAshcha vij~neyo hyapohanavidhirbudhaiH || 128||
yathA\- R^induM jagati avalitakadigiti R^ilakuchalati vibho |(?)
ShaDviMshatirlaghUni syuH sumukhyAshcha gurUNi cha |
upohanavidhAnena j~neyAni munisattamAH || 129||
yathA\- R^induM jagati avalikadigivigititiR^ilaR^ichakulatiti jagatiti vA |
upohyante svarA yatra yena gItaM pravartate |
tamAdupohanaM proktaM shuShkAkSharasamanvitam.h || 130||
athavA mohyate yasmAtprayogasUchanAdibhiH |
tamAdupohanaM hyetajjAnabhA(tA)NDasamAshrayam.h || 131||
shamyA tAlau dvirabhyastau sannipAtAntya eva cha |
upohanaM vishAlAyAstAlo.ayaM parikIrtitaH || 132||
dvikalaH sa~NgatAyAshcha tAlashcha~nchUpuTaH smR^itaH |
trikalo yuktatAlAdi sunandAyAstathaiva cha || 133||
cha~nchatpuTastu dvikalaH sumukhyAH syAdupohane |
upohane dvirabhyastaistataH kAryA tu kaNDikA || 134||
etAnyupohanAnIha chatvAri gaditAni hi |
AnupUrvyA prayogaM cha kaNDikAnAM nibodhata || 135||
shamyA ## ?? ## punaH shamyA tatastAlo yathAkramam.h |
trikalaH sannipAtashcha vishAlAyAH prakIrtitaH || 136||
cha~nchatpuTastu vi(dvi)kalaH saMgatAyA api smR^itaH |
chatuShkalaH sunandAyAH sa eva gadito budhaiH || 137||
sannipAtadvayopetA dvichitrastu prayoktR^ibhiH |
kAryashchatuShkalo yugmaH sumukhyAshcha yathAkramam.h || 138||
vardhamAnasya tAlo.ayaM kaNDikAnAM pR^ithakpR^ithak.h |
mayA prokto muneshchaiva saMhatAnAM nibodhata || 139||
pUrvaM vishAlA kartavyA sa~NgatA tadanantaram.h |
sa~NgatAyAM grahaM kR^itvA vishAlA punariShyate || 140||
kaniShThAsArite tAlo yo yathA parikIrtitaH |
sa eva sarvaH kartavyaH prathame kaNDikodbhave || 141||
sunandA sa~NgatA chaiva vishAlA cha yathoditA |
sunandAyAM grahaM kR^itvA tatashchaiva prayojayet.h || 142||
madhyamAsArite tAlo yo mayA parikIrtitaH |
shamyAstrayasya kartavyaH sunandAdyasya paNDitaiH || 143||
sumukhI cha sunandA cha sa~NgataprathamA tathA |
sumukhyAdau grahaM kR^itvA yathoktaM samprayojayet.h || 144||
jyeShThAsAritake tAlo niHshabdaH shabdavAMstathA |
sa sarva eva kartavyo budhaishchatasR^iNAmapi || 145||
saMyogaH kaNDikAnAM tu tAlo.ayaM parikIrtitaH |
evamAsAM samAyogAdvardhamAnakamiShyate || 146||
vAlaM na sukalaM(chatuShkalaM) j~neyaM dashashabdalayAntaram.h |
pa~nchaShaShTikalaM jyeShThaM trayastriMshattu madhyamam.h || 147||
kalAnAM vR^iddhimAsAdya tvakSharANAM tu vardhanAt.h |
layasya vardhanAchchApi vardhamAnakamuchyate || 148||
AsAriteShu gIteShu vardhamAneShu chaiva hi |
dviguNastAlayogena kAryo hyakSharajo vidhiH || 149||
## ?? ##  sannipAto yadA bhavet.h |
antyA kalA dvimAtrA tu tadA j~neyA prayoktR^ibhiH || 150||
evametanmayA proktaM vardhamAnasya lakShaNam.h |
AsAritAnAM vakShyAmi vistAraM laghulakShaNam.h || 151||
anyUnAyAM kalAyAM tu dhruvaM prAj~no nivedayet.h |
atha tAlAkSharavashAstveShAM ye tAMshcha (vashAchchheShAnantAMshcha) yojayet.h ||152||
plute laghvakShare chaiva dhruve sAmyaM na vidyate |
na vidyate tribhiH pAtaiH samatvamupadishyate || 153||
tAlaishcha sannipAtaishcha shamyAbhishcha dhruveNa cha |
kaniShThAsAritaM kAryaM madhyamaM jyeShThameva cha || 154||
## ?? ##
## ?? ##  || 155||
prastAreNa kalAnAM shamyAtAlAntaropetam.h |
pUrvaM shamyA kAryA dvikalastAlaH kalAdvayaM shamyA || 156||
punarekakastAlastrikalaH syAtsannipAtashcha |
trikalo.anyasmiMstAlaH shamyaikaH ??kalAdvaye tAlaH || 157||
dvikalA cha punaH shamyA tAlaH ka?? |
## ?? ##  || 158||
trikalashcha sannipAto bhUyo vidhireSha kartavyaH |
dvAdasha kalAstR^itIye tasyAnte sannipAtashcha || 159||
prathamastvaShTakalaH syAddvAdashakalikau tathAparau j~neyau |
antyashcha sannipAto madhyasyAsAritasyoktaH || 160||
ye pUrvama~NgulikR^itAH praveshAnni(shani)ShkrAmasa~nj~nayA gaditAH |
te sarve kartavyA madhye tvAsArite tajj~naiH || 161||
## ?? ##  jyeShThe tu kartavyaM shamyAtAlakalAnvitam.h |
shatatrayo.atha niShkrAmo vikShepo.atha praveshanam.h |
a~NgulInAM tu kartavyaM kalAmAnaM chatuShkalam.h || 162||
pUrvaM shamyA kAryA chatuShkalo.anyo bhavettatastAlaH |
shamyA chatuShkalA syAdvikalastAlastathA chaiva || 163||
kAryasya sannipAto.api ShaTkalaH ShaTkalastu tAlaH syAt.h |
dvikalA cha punaH shamyA chatuShkalaH syAtpunastAlaH || 164||
shamyA chatuShkalA syAddvikalastAlashcha kartavyaH |
punareva sannipAtashcha ShaTkalaH saMvidhAtavyaH || 165||
vidhireSha eva kR^itsnaH punastR^itIye.api sannipAte tu |
punareva ## ?? ## a~NgulivikShepAtsampravakShyAmi || 166||
pUrvaM shamyA tathAvApo niShkrAmashcha tataH punaH |
vikShepo.atha punastAlaH punarAvApa eva cha || 167||
anAmikIkanIyasyAnni(syorni)ShkrAmashcha punastataH |
tabhyAmeva hi vikShepaH shamyatho ## ?? ## eva cha || 168||
madhyamAyAM tatastAlo vikShepo.atha  praveshanam.h |
AvApashcha punaH kAryastarjanIniShkramaH punaH || 169||
vikShepashcha punaH kAryaH sannipAtastathaiva va |
kalAH saptadashaivaitAH sannipAto bhavedayam.h || 170||
AvApashcha punaH kAryaH kanIyasyAtha nirgamaH |
vikShepashcha praveshashcha AvApashcha tataH punaH || 171||
anAmikAkanIyasyostatastAlo bhavetpunaH |
vikShepashcha punastAbhyAM tataH shamyAH prakIrtitAH || 172||
AvApasya kanIyasyAM tatastAlaM niyojayet.h |
vikShepashcha praveshashcha punarAvApa eva cha || 173||
pradeshinyA cha niShkrAmo vikShepashcha punaH smR^itaH |
sannipAtaH punashchaiva chaturviMshatiko bhavet.h || 174||
tR^itIyaH sannipAtasya eSha eva vidhiH smR^itaH |
evaM jyeShThasya vij~neyastAlA~NgulivikalpitaH || 175||
prathamaH ShoDashakalashchaturviMshatikastathA |
dvitIyashcha tR^itIyashcha sannipAtakalAdhikaH || 176||
pratyekaM pAtanAnyeShu dallAH sapta bhavanti hi |
shamyAtAlakR^itAnIha sannipAtakR^itAni cha || 177||
## ?? ##  trisannipAtaM trivastu chApyevam.h |
saptadashapAtayuktaM vidyAdAsAritaM samyak.h || 178||
AsAritAnAmityevaM gaditaM lakShaNaM mayA |
gItAnAM vastukAnAM cha prayogaH parikalpate || 179||
ata UrdhvaM pravakShyAmi gItAnAM vastukeShvapi |
vivadhaikakavR^ittAni trINya~NgAni samAsataH || 180||
ekaikaM tu vidAryekA te tu madvividhaH smR^itaH |
ShaTparaM tryavaraM vR^ittaM dvya~NgaM saharasaM cha tat.h || 181||
vivadhaikakayoH prAyo madrake tu prayojanam.h |
pravaryAshchApi vasva(stva)rdhe pAde rovindakasya cha || 182||
rovindakottarAbhyAM tu vR^ittamullopake tathA |
pANikAyAM bahirgItA lAsye vai ## ?? ## || 183||
pravR^ittamavagADhaM cha dvividhaM sR^itva(vR^itta)muchyate |
ArohitvAdavagADhaM pravR^ittamavarohataH || 184||
ArohaNaM cha dvividhaM tathA chaivAvarohaNam.h |
nyAsApanyAsavihitaM mArgAnnaTakR^itaM tathA || 185||
tryavaraikAdashaparA vidAryaH parikIrtitAH |
chaturviMshatiretAsAM praNAmaM paramaM smR^itam.h || 186||
adhyardvAddhi tR^itIyAchcha sannipAtAH pramANataH |
ullopyake vidArI tu smR^itA vaihAyase tathA || 187||
vivadhena tu tatkAryo yugmavR^ittena chaiva hi |
na hyardhasannipAte tu bhaveda~NgasamApanam.h || 188||
gItAni sasamadrokollopyake cha parAntakam.h |
prakaryo vaiNakaM chaiva rovindakamathottaram.h || 189||
dvividhaM madrakaM tatra chaturvastu trivastu cha |
shIrShakeNa samAyuktaM tachcha j~neyaM trivastukam.h || 190||
pa~nchaShaTsapta tAni syuH shIrShakaM cha parAntake |
prakaryAmatha chatvAri syustrINyardhAdhikAni cha || 191||
rovindakaM tu saptA~Nge ShoDashA~NgaM paraM smR^itam.h |
dvau pAdau samavarNau tu ekako vAtra kIrtitau || 192||
pravR^ittaM vivadhaM vApi tasmAtpAdau prayojayet.h |
saptA~NgaM dvAdashA~NgaM vA prAkShamoveNakaM budhaiH || 193||
tatra dvyantaM tu saptA~NgaM tryantaM dvAdashakaM tathA |
pAdaH sandhirmAShaghAtoShajaM(sajjaM) sampiShTakaM tathA || 194||
ekakaM chaturasraM vApyupavartanameva cha |
uta(upa)pAtaH praveNI cha dvya~NgaM saMharaNaM tathA || 195||
a~NgAni dvAdashA~Ngasya smR^itAnyoveNakasya cha |
sampiShTakopapAtAbhyAM praveNIbhyAM vivarjitam.h || 196||
upavartanahanaM cha saptA~Ngaparivarjitam.h |
nivartanaM tu saptA~NgaM tulyavarnapadaM smR^itam.h || 197||
antayordvAdashA~Nge tu tathAnyapadamiShyate |
ullopyake.api chA~NgAnAmeSha eva vidhiH smR^itaH || 198||
avagADhapravR^ittaM cha mahAjanikameva cha |
AgAttasyAttathA dvya~Ngo mahAjanikavarjitaH || 199||
sthitipravR^ittaM saMyogAdekA~Ngo yApi kIrtyate |
ekA~Nge saMvidhAtavyaM mahAjanikameva cha || 200||
dvya~NgaM chitapravR^ittaM vA chaikA~NgaM vApi kIrtitam.h |
dvya~Nge vyAsasamAsAbhyAM dhruvAdhAtuvidhiH smR^itaH || 201||
sthitaM pravR^ittaM cha tathA mahAjanikameva cha |
trya~Ngotta(~Ngastu) syAdatha dvya~Ngo mahAjanikavarjitaH || 202||
ekA~Ngo.api vidhAtavyo mahAjanikasaMyutaH |
evaM vyAsasamAsAbhyAM bahudhA~NgavidhiH smR^itaH || 203||
chaturasrastathA tryasro ## ?? ## prakIrtitaH |
uveNakasya saMhAro dvya~Nga eka~Nga eva cha || 204||
nAdau na madhye saMhAre nityaM chaiva prayujyate |
ekakaM vivadhAyApi kAryo hyante prayoktR^ibhiH || 205||
ullopyekaM ShaDavaraM shatyaM chaiva paraM smR^itam.h |
tachcha saMharaNe kAryaM su(mu)khapratimukhAnvitam.h || 206||
vaihAyasakasaMyuktaM tenApi cha vivarjitam.h |
triShva~NgeShvavaraM j~neyaM paraM syAddvAdashasvapi || 207||
ekadvya~NgavaraM j~neyaM vaihAyasakameva cha |
asya chA~Ngatraye.atIte prayogamupapAdayet.h || 208||
ullopyakottarAbhyAM tu mukhapratimukhe smR^ite |
tato.a~NgAnAM samAso vA vistAro vA vidhIyate || 209||
mukhapratimukhe chaiva j~neye vividhasa~nj~nite |
vR^ittapratimukhaM cha syAdanyA yAstu samAsataH || 210||
ullopyake tathA shAkhA sottaro sAmparAntake |
pratishAkhyA tathA chaiva savarNAnyapadA smR^itAH || 211||
uttaraM dvAdashaparaM ShaDa~NgAvaramiShyate |
AkArapAdahInena tulyaM rovindakena tu || 212||
ante chAtha visheSheNa sthApyamasya hi shIrShakam.h |
evama~NgavidhiH kAryaH saptarUpe prayoktR^ibhiH || 213||
ata UrdhvaM pravakShyAmi gItAnAyAM sukalpanam.h |
guruvedAShTakaM kR^itvA nyasellaghvaShTakaM punaH || 214||
tatropavahanaM kAryaM prathame tu gurudvaye |
gurvakShare tR^itIye tu tataH syAtpratyupohanam.h || 215||
gurvakShare chaturthe tu shamyA kAryA tu pa~nchame |
ShaShThasaptamayostAlaH shamyA gurvakShare.aShTame || 216||
tato.ardhakalikAnpAtAnkuryAllaghvakShareShu cha |
gurvakShare tAlagItapAtAstu kalikAH smR^itAH || 217||
shamyAtAlau tAlashamye teShu kuryAtkrameNa tu |
tAlaM shamyAM cha tAlaM cha sannipAtaM tathaiva cha || 218||
evamekakalo j~neyaH kalAyogastu bhadrake |
guruvishleShapAdena dvikalaM parikIrtitam.h || 219||
visheSheNa kalAstatra pUrvaM pUrvaM niveshayet.h |
dvikale bhadrake chaiva trikalaM syAdupohanam.h || 220||
kalikaM dvikalaM vApi na vA syAtpratyupohanam.h |
dvikalairgurvakSharakR^itaiH pAdabhAnairyathAkramam.h || 221||
chaturbhistu bhavenmAtrA trimAtraM vastusa~nj~nitam.h |
trivastu dvikalaM j~neyaM bhavetpAto vidhIyate || 222||
gurvakShareShu ye pAtAH shamyAtAladayaH smR^itAH |
ta eva pAdabhAgeShu dvikaleShvatra yojayet.h || 223||
aShTamI ShoDashI shamyA dashamI cha yathAkramam.h |
chaturdashyAM kalAyAM tu tAnvedAdvAdashIyutam.h || 224||
laghvaShTake pAtavidhiryathApUrvaM prakIrtitaH |
vastutraye.api dvikale evaM pAtAnprayojayet.h
shIrShakaM chaiva kartavyaM ShaTkalaM pa~nchapANinA || 225||
yathA\-
kraMDaMkraMDaM(R^induM R^induM) shailendrarAjasaMsthitamIshaM shAntaM
shivaM pannagendraparibaddhajaTam.h . munigaNanamitaM dhyAnAbhirataM
j~nAnamayaM madanA~NgaharaM vibhuM prabhuM sharaNagato.ahaM daityairnAgaiH
saMstutamIshaM tvAM vedamayaM tvAM kartAraM tvAM bhuvanapatiM
sarvalokanamaskR^itam R^igyajuHpatitaM ga~NgAdharaM shUladharaM
bhujagendradharaM praNato.asmi shivaM mR^igarAjacharmaparibaddhatanuM
vipulagatiM vR^iShabhagatiM jvalanashikhisadR^ishakapilajaTaM tamahaM
namAmi shivaM shirasA |
                     samAptaM dvikalamadrakam||
devaM vimalaM praNatArtiharaM mAyAdharaM mAyArUpaM jaTilaM
namAmi shivaM shirasA |
                shIrShakaM ShaTkalaM samAptam.h . dvikalamadrakam.h |
chatuShkalaM pravakShyAmi yathAvaddvijasattamAH |
chatuShkalaiH pAdabhAjai(gai)ryathApUrvamudAhR^itaiH || 226||
chaturbhistu bhavenmAtrA trimAtraM vastusa~nj~nitam.h |
pAtAMshchaiva pravakShyAmi pAdabhAgairyathAkramam.h || 227||
chaturthe pa~nchame chaiva shamyA kAryA tathAShTake |
## ?? ##  dvitIyAM navame smR^itA || 228||
ShaShThe tu saptame tAlA ante cha navamasya hi |
dashamaikAdashe chaiva dvitIyaH samudAhR^itaH || 229||
AdyaM tu dvAdashe proktaM sannipAto vasAnataH |
evaM pAtavidhAnaM syAtsarvavastu prayojayet.h || 230||
dvirbhAvAdvikalasyaivaM vij~neyaM cha chatuShkalam.h |
saptame laghuni tvantyo dvirbhAvo.asminvidhIyate || 231||
chatuShkalo.atra vihitaH kalAShTakamupohanam.h |
ekA dve cha chatuShkashcha tathA syAtpratyupohanam.h || 232||
yathAkSharasya kartavyaM madrakasya tu shIrShakam.h |
chatuShkalaH pa~nchapANirdvikale dvikalH smR^itaH || 233||
chatuShkalastu kartavyo madrake tu chatuShkale |
trivastu tripramANaM ## ?? ## asratAlasamudbhavam.h || 234||
ityuktaM madrakaM pAdaistrayodashabhiranvitam.h |
gurvakSharANi chatvAri chatvAri syurlaghUni cha || 235||
tR^itIye cha chaturthe cha shamyAtAlo laghUShva(nya)pi |
tAlaM shamyAM cha tAle cha sannipAtaM cha yojayet.h || 236||
laghvakSharaikakalikaiH pAtaiH samyakprayojayet.h |
yathAkSharaM vadheShvetadvij~neyaM chAparAntakam.h || 237||
Adau kalopavahanaM vishleShAddviguNaM bhavet.h |
dvikale kalikaM j~neyaM dvikalaM chApyupohanam.h || 238||
kalikaM kalikaM cheShTaM tathaiva pratyupohanam.h |
etadeva dviguNitaM vij~neyaM tu chatuShkalam.h || 239||
laghvakShare tR^itIye tu dvirbhAve.antyA kalA smR^itA |
asratalasamudbhUtaM pAtaiH ShaDbhirvibhUShitam.h || 240||
vastushAkhAkhyamityetadgaditaM tvaparAntakam.h |
yathA shAkhA tathaivAsya pratishAkhA vidhIyate || 241||
pashchimArdhasamA sA tu tathaivAnyapadA smR^itAH |
shirashchaikakalenApi kartavyaM pa~nchapANinA || 242||
vR^ittau nivR^ittayogashcha gate vastuchatuShTaye |
shAkhAyAM pratishAkhAyAM visheShaH pashchime tvayam.h || 243||
ShaTkalApAtasaMyukte tAlike tu tataH smR^ite |
tathaikakalayukte.asti vidhivatpa~nchapANinA || 244||
yathAkShareNaiva bhavedayanorupavartanam.h |
upohanaM tu vastvardhaM dvikalaM pratyupohanam.h || 245||
dakShine tu tathA vR^ittau chatuShkalamapIShyate |
ullopyakaM tu dviguru dvilaghvante gururyathA || 246||
shamyAtAlau dvirabhyastau sannipAto.antya eva cha |
pratyakSharakR^itaiH pAtaiH pa~nchabhiH samala~NkR^itam.h || 247||
chaturasrastu vichchhedamevaM j~neyaM yathAkSharam.h |
pUrvoktena vidhAnena dvichatuShkalamuShyate || 248||
asya chA~Ngatraye gIte vaihAyasakamiShyate |
tadekA~NgaparaM j~neyaM dvAdashA~NgaparaM tathA || 249||
pramANaM dvAdashakalaM tathApAtamathApi cha |
asya tu dvikalA shamyA kAlashcha dvikalastataH || 250||
dvikalAshcha punaH shamyA(s.h)tAlashchaikakalaH smR^itaH |
tataH shamyA tatastAlaH sannipAtastataH param.h || 251||
## ?? ##  tu syAditthamanyapadA smR^itA |
yada yasya bhavedantastadantAharaNaM budhaiH || 252||
yathAkShareNa niyamAtsaMhAryaM pa~nchapANinA |
svatAlenAtha hInasya saMhAraH parikIrtyate || 253||
dviprakAranivR^ittashcha tryaMsho.atha trividhastathA |
tryasrashcha chaturasrashcha mishrashchApi prakIrtitaH || 254||
sthitapravR^itte tasyA~Nge mahAjanikameva cha |
syAtpa~nchapANitAlena tadantAharaNaM yadA || 255||
tadA sthitaM bhavedyugmaM tasya pAtavidhistvayam.h |
shamyApi dvikalA kAryA tAlo.api dvikalaH smR^itaH || 256||
chatuShkalaH sannipAtaH pravR^ittamata iShyate |
asya tu dvikalA shamyA tathaivaikakalA punaH || 257||
cha~nchatpuTashcha tAlAdiH sannipAtastataH param.h |
sthitaM tAlena kartavyaM mahAjanikamasya tu || 258||
nivR^ittatAlaH kartavyaH pravR^ittasyApi tattvataH |
atra tAlavidhiH shreShThaH prAyaH samupavartanam.h || 259||
AptamuddhaTakaH kAryaH parivartaka eva cha |
yugme hi mishratAlatvAdyugme hyantaH prayujyate || 260||
vividhaikakasaMyuktapUrvaM pashchAdvidhaH smR^itaH |
yathAvadantatAlo.ayaM yugmo mishrashcha kIrtitaH || 261||
ataH paraM pravakShyAmi tryasratAlavidhiM prati |
shamyA tu dvikalA pUrvaM tatastAlo vidhIyate || 262||
trikalaH sannipAtashcha pravR^ittaM vApyataH param.h |
pravR^ittamasya kartavyaM yathAvatparivartanam.h || 263||
yathA karapravR^ittena vidhivatpa~nchapANinA |
## ?? ##  sthitatalen mahAjanikamiShyate || 264||
nivR^ittatAlaH kartavyastathAtra vinivR^ittimAn.h |
yugmaujamishratAlatvAnmishro.apyantaH pravartanam.h || 265||
vivadhaikakasaMyuktaH sarvashchAntavidheH smR^itaH |
dvya~NgamekA~Ngamapi vA sthitaM kAryaM samAsataH || 266||
tatra yugmaM bhaveddvya~NgaM ## ?? ## cha |
pravR^ittamapi vij~neyaM dvya~NgamekA~Ngameva vA || 267||
mahAjanikamekA~NgaM dvya~NgaM saMharaNaM bhavet.h |
sthitAdikaH pravR^ittA~Nga evamantarvidhaM budhaiH || 268||
ullopyake sadA yojya UhApohavishAradaiH |
## ?? ##  pAtAshchaikAnnaviMshatiH || 269||
vastupramANaM kartavyaM tathaiva cha chatuShkalam.h |
AdyamAtrAdvayasyAntaH shamyAtAlAnvito bhavet.h || 270||
mAtrAtrayasya chAnyasya shamyaikA tu tataH smR^itA |
chaturthyAM dvAdashastAlaH pa~nchamyAM chAShTamaH smR^itaH || 271||
ShaShThyAM tu dvikalA shamyA tAlashcha dvikalo bhavet.h |
punashcha dvikalastAlaH shamyA cha dvikalA punaH || 272||
shamyAtAlashcha tu ## ?? ## shamyA tAlastathaiva cha |
shamyAtAlasannipAta iti vastu prakIrtitam.h || 273||
yadA tvardhachaturthAni vastUni prakarI bhavet.h |
pashchimArdhaM tadasyaiva tadarthaM prAgniveshayet.h || 274||
kaniShThAsAritenAsya kAryaM saMharaNaM tataH |
pAdaH pUrvasamaH kAryastvaparAntakashAkhayA || 275||
uveNake dvitIyo.api tasyaiva pratishAkhayA |
anityaH ## ?? ## tAlo mAShaghAtastataH param.h || 276||
mAShaghAto dvAdashakalastasya pAtavidhiH sva(stva)yam.h |
kartavyA dvikalA shamyA tAlo dvikala eva cha || 277||
punashcha dvikalastAlaH shamyA cha dvikalA punaH |
tatashchaikakalastAlasannipAtaH kalAtraye || 278||
prAyeNa mAShaghAtashcha vivadhA~NgaH prakIrtitaH |
sannipAtashcha pashchArdhaH kadAchidupavartanam.h || 279||
tasya syAtkalikenaiva tachchoghaM pa~nchapANinA |
sandhiryathAkShareNaiva kartavyaH pa~nchapANinA || 280||
ekakaM vivadho vApi tasyA~NgaM samudAhR^itam.h |
anyasya chaturasrasya pravR^itto yo vidhiH smR^itaH || 281||
vivadhA~Ngena tenaiva chaturasrakamiShyate |
sandhivadvajratAlashcha dvidhA sampiShTakaM smR^itam.h || 282||
saptA~NgaM dvAdashakalaM dvAdashA~Nge tathaiva cha |
niShkrAmamAditaH kR^itvA shamyAstisraH prayojayet.h || 283||
tAlatrayaM tatashchaiva shamyAtAlau tataH param.h |
shamyAtAlau tataH kAryau sannipAto.antya eva cha || 284||
tuveNake tu saptA~Nge sampiShTakamidaM smR^itam.h |
dvishamyAtAlayogena dvAdaShA~Nge.api cheShyate || 285||
pAtA navaikAdasha vA sampiShTakamudAhR^itam.h |
vajravastraM prayoktavyamupavartanameva cha || 286||
yuktavivadhavR^ittAbhyAM praveNI dvividhA smR^itA |
pa~nchapANiH prakartavyA praveNyA tu yathAkSharA || 287||
dvikalo vApi mishro vA prayogo.a~NgavashAnugaH |
ante vAsyAH prakartavyaH kadAchidupavartanam.h || 288||
pa~nchapANividhAnena yathoktenaiva tadbhavet.h |
dvitIyapAtatAlena hyapapAtashcha kIrtyate || 289||
vajratAlena kartavyaM kramaM saMharaNasya tu |
rovindake tu ShaNmatrAH pAtAshchaikAnnaviMshatiH || 290||
## ?? ##  mAtrANAM pa~nchAnAM pAta iShyate |
tAlaH shamyArdhatAlashcha shamyAtAlastathaiva cha || 291||
pa~nchAnAmapi mAtrANAM vidhireSha yathAkramam.h |
chaturdasho.api pa~nchamyA mAtrAyAstAla iShyate || 292||
## ?? ##  tu yA tulyA ShaShThI madrakamAtrayA |
iti pAdastathAShTau cha kalApAdAdupohanam.h || 293||
tatashchaiva prayoktavyaM dvikalaM pratyupohanam.h |
ghAtashcetsannipAtashcha vivadhaikaprayojitAH || 294||
varNAnukarSho.aShTakalaH svalpaH prastAra iShyate |
tulyavarNopanahano dvitIyaH pAda iShyate || 295||
sharIratAlakartavyaH prakAro.api visheShataH |
dvikalenaiva kartavyo visheShAtpa~nchapANinA || 296||
kalA dvAdasha nirdiShTaM pramANaM chAsya tattvataH |
rovindakasharIraM tu ShaTkalopohanaM smR^itam.h || 297||
vivadhaM vApi vR^ittaM vA tasyAdau parikIrtitA |
AkAravR^ittaparuSho.atra ## ?? ## || 298||
## ?? ##  trivAkyaM syAchchaturvAkyaM gatA smR^itA |
kAryaM tathA nirvahaNaM pratyekaM paridhAnake || 299||
ityetatprathamaM tva~NgaM lAsye geyapadaM smR^itam.h |
sthitapAdasya vakShyAmi vidhAnaM chApyataH param.h || 300||
vR^ittamekaprathame dve yojayetpa~nchapANinA |
tataH paraM te bhUyo.api yugmatAlena vA smR^ite || 301||
avasAnaM tu kartavyaM tvaritaM pa~nchapANinA |
dvikaleneti kartavyaM sthitapAThyaM prayoktR^ibhiH || 302||
upohya tAlaM tryasraM vA vR^ittyA taistaiH samaistathA |
AsInapAdyaM yu~njIta sarvabhavaistu pauruShaiH || 303||
evaM chaturbhiH pAdaistu samairarthavashAnugaiH |
AsInapAdyaM kartavyaM vidhivatpa~nchapANinA || 304||
atItayugmatalena shlokaH kAryastataH param.h |
aShTAdasha dvAdasha vA padAni tu tataH punaH || 305||
## ?? ## ttaratAlena tAle nirvahaNaM budhaH |
etadAsInapAdasya vidhAnaM parikIrtitam.h || 306||
syAtpuShpagaNDikA nAma yada~NgaM tannibodhata |
tatraikaM pauruShaM shlokaM samavR^ittaM prayojayet.h || 307||
chaturbhiH sannipAtaishcha j~neyaM chanchUpuTAshrayam.h |
pAde pAde tatheShTaM cha vAdyaM nR^ityaM tathaiva cha || 308||
tatashchAnye smR^itaM vR^itte kha~njanarkuTasa~nj~nite |
ante nirvahaNe chAsya shIrShakaM pa~nchapANinA || 309||
AviddhasharyA~NgahArairuddhataistatprayojayet.h |
jyotsnAyAM mandirAyAM vA salile darpaNe.api vA || 310 |
chhAyAsadR^ishakAntasya praharShyatha vibhUShitam.h |
nR^ityaM prasAdakrIDAyAM helAdibhirala~NkR^itam.h || 311||
a~NgaprasvedakaM tatrAvindyAllAsyaM prayogavit.h |
cha~nchatpuTasya tAlena tasya prakrIDitaM bhavet.h || 312||
mAtrAvR^ittasamaiH pAdaiH shlokabandho bhavedatha |
bahvakSharArthasaMyuktaM toTakaM pa~nchapANinA || 313||
dvikalena prakartvyaM mishreNaikakalena vA |
prarochakaM cha kartavyaM guruprAyokSharAnvitam.h || 314||
yathAkShareNa tryasreNa sannipAtaistathAShTabhiH |
vivadhaikakasaMyuktaM kaishikIjAtimAshritA || 315||
trya~NgavichchhedakaM vindyAdyuktaM prakrIDitAdibhiH |
aniShThurashlakShNapadaM gAndhArIjAtimAshritam.h || 316||
cha~nchatpuTena yoktavyaM ## ?? ## kalena tu |
chatuHShaShTiH sannipAtAstasmiMshchaiva prakIrtitAH || 317||
yathA mArgakalopetA vidArI vivadhAnvitaH |
a~NgahArAnsaviShkambhAnnaiva chAtra prayojayet.h || 318||
kevalaM pauruShairbhAvairvAkyaM nAmnApi tena yat.h |
narkuTaM kha~njakaM chaiva trividhaM na prayojayet.h || 319||
saindhavImAshritaM bhAShAM j~neyaM saindhavakaM budhaiH |
rUpavAdyAdisaMyuktaM yugmatAlakR^itaM tathA || 320||
vitastAliptamArgeNa saindhavaM vAdyamiShyate |
na pAThyaM svalpamapyatra prakurvIta vichakShaNaH || 321||
mukhapratimukhopetaM tathA cha~nchUpuTAshrayam.h |
yathAkSharaiH sannipAtaistathA dvAdashabhiryutam.h || 322||
nekayuktivichitrArthaM pauruShaM bhAvamishritam.h |
ekA~NgashIrShakaM gatyA dvibhUShaM parikIrtitam.h || 323||
uttamottamake tvAdau narkuTaM samprayojayet.h |
stokaM vichitrArthapadaM tathA chaivopapAdayet.h || 324||
tatashcha vastukaM kAryamaparAntakashAkhayA |
yathAkShareNa kAryaM tu shIrShakaM pa~nchapANinA || 325||
uttamottamakaM proktaM helAnR^ityavibhUShitam.h |
kopaprasAdabahulaM savikShepairupakramaiH || 326||
saMlAparachitairnityamuktapratyuktamiShyate |
vajrArdhena prakaryAstu tasya tAlavidhiH smR^itaH || 327||
tatastu shIrShakaM kAryaM saMyuktaM pa~nchapANinA |
uktapratyuktamevaM hi yathoktaM parikIrtitam.h || 328||
evametadbudhairj~neyaM mANaM tAlapramANataH |
tadgAthApANikAdInAM saptarUpaM prakIrtitam.h || 329||
yastu tAlaM na jAnAti na sa ## ?? ## na vAdakaH |
tasmAtsarvaprayatnena kAryaM tAlAvadhAraNam.h || 330||
a~NgabhUtA hi tAlasya yatipANilayAH smR^itAH |
trayo layAstu vij~neyA drutamadhyavilambite || 331||
chhandokSharapadAnAM hi samatvaM yatprakIrtitam.h |
kalAkalAntarakR^itaH sa layo mAnasa~nj~nitaH || 332||
shrotogatA cha gopuchchhA ## ?? ## chAtra vidhAya cha |
## ?? ## bhR^ityavarNAnAmakSharANAmathApi vA || 333||
##?? ## ## ?? ## yatiH syAttu gItavAdyasamAshrayaH |
samapANishcha vij~neyo hyavapANistathaiva cha || 334||
tathaivoparipANishcha gItavAdyasamAshrayaH |
laye nayaM samaM vAdyaM samapANiH prakIrtyate || 335||
bruvAdyadavakR^iShTaM syAtso.ardhapANiH prakIrtitaH |
layasyopari yadvAdyaM pANiH sa upakIrtyate || 336||
tataH sthitalayo yo vai sannipAto vidhIyate |
sa tu madhyalayaprApya sannipAtadvayaM bhavet.h || 337||
rutaM chApi layaM prApya sannipAtachatuShTayam.h |
yAvattatrAntarakR^itA drutamadhyalayo hi saH || 338||
so.ardhapANistu vij~neyAstvanyairdrutalayAshrayAH |
ata UrdhvaM pramANaM tu kalAnAM na vidhIyate || 339||

iti bhAratIye nATyashAstre tAlavidhAno nAmAdhyAya ekatriMshaH |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}