% Text title            : naaTyashaastra adhyaaya 33
% File name             : natya33.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : hareshbakshi at hotmail.com
% Proofread by          : hareshbakshi at hotmail.com
% Latest update         : february 18, 2003
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 33..}##
\itxtitle{.. nATyashAstram adhyAyaH 33 ..}##\endtitles ##

      .. shrIrastu ..
bharatamunipraNItaM nATyashAstram.h
atha trayastriMsho.adhyAyaH .
guNAt pravartate gAnaM doShaM chaiva nirasyate .
tasmAdyatnena viGYeyau guNadoShau samAsataH .. 1 ..
gAtA pratyagravayAH snigdho madhurasvaropachitakaNThaH .
layatAlakalApAtapramANayogeShu tattvaGYaH .. 2 ..
rUpaguNakAntiyuktA mAdhuryopetasatvasampannAH .
peshalamadhurasnigdhAnunAdisamarakta guru ##(##shubha##)## kaNThAH .. 3
suvihitagamakavidhAyinyo.akShobhyo##(##bhyAs##)##tAlalayakushalAH .
AtodyArpitakaraNA viGYeyA gAyikAH shyAmAH .. 4 ..
prAyeNa tu svabhAvAt strINAM gAnaM nR^iNAM cha pAThyavidhiH .
strINAM svabhAvamadhuraH kaNTho nR^iNAM balitvaM cha .. 5 ..
yatra strINAM pAThyAt##(##ThyaM##)## guNairnarANAM cha gAnamadhuratvam .
GYeyo.ala~NkAro.asau na hi svabhAvo hyayaM teShAm .. 6 ..
suniviShTapANilayayatiyogaGYausumadhuralaghuhastau .
gAtR^iguNaishchopetAvavahitamanasau susa~NgItau .. 7 ..
sphuTarachitachitrakaraNau gItashravaNAchalaupravINau cha .
chitrAdivAdyakushalauvINAbhyAM vAdakau bhavataH .. 8 ..
balavAnavahitabuddhirgItalayaGYastathAsusa~NgItaH .
shrAvakamadhurasnigdho dR^iDhapANirvaMshavAdako GYeyaH .. 9 ..
avichalitamavichChannaM varNAla~NkArabodhakaMmadhuram .
snigdhaM doShavihInaM veNorevaM smR^itaM vAdyam .. 10 ..
GYAnaviGYAnakaraNavachanaprayogasiddhiniShpAdanAni
 ShaDAchAryaguNA iti .
tatra GYAnaM shAstrAvabodhaH . yathA cha
kriyAsampAdanaM viGYAnam . kaNThahastagauNyaM karaNam .
jitagranthatA vachanam . deshAdisampadArAdhanaM prayogasiddhiH .
shiShyasvabhAvamavisheShyopAttaya
upadeshAchChiShyaniShpAdanamiti .. 11 ..
shrAvaNo.atha ghanaH snigdho madhurohyavadhAnavAn .
tristhAnashobhItyevaM tu ShaT kaNThasya guNA matAH .. 12 ..
udAttaM shrUyate yasmAttasmAchChrAvaNa uchyate .
shrAvaNaH susvaro yasmAdachChinnaH sa ghano mataH .. 13 ..
arUkShadhvanisaMyuktaH snigdhastajGYaiH prakIrtitaH .
manaHprahlAdanakaraH sa vai madhura uchyate .. 14 ..
svare.adhike cha hIne cha hyavirakto vidhAnavAn .
shiraHkaNTheShvabhihitaMtristhAnamadhurasvaraH .
tristhAnashobhItyevaM tu sa hi tajGYairudAhR^itaH .. 15 ..
kapilo hyavasthitashchaiva tathA sandaShTa eva cha .
kAkI cha tumbakI chaiva pa~ncha doShA bhavanti hi .. 16 ..
vaisvaryaM cha bhavedyatra tathA syAd ghargharAyitam .
kapilaH sa tu viGYeyaH shleShmakaNThastathaiva cha .. 17 ..
UnatA.adhikatA chApi svarANAM yatra dR^ishyate .
rUkShadoShahatashchaiva GYeyaH sa tvavyavasthitaH .. 18 ..
daNDaprayogAt sandaShTastvAchAryaiH parikIrtitaH .
yo na vistarati sthAne svaramuchchAraNAgatam .. 19 ..
nAsAgragrastashabdastutumbakI so.abhidhIyate .. 20 ..
anye tu
samapraharaNe chaiva javinau vishadau tathA .
jitashramau vikR^iShTau cha madhurau svedavarjitau .
tathA bR^iyannakhau chaiva GYeyau hastasya vai guNAH .. 21 ..  iti
ete guNAshcha doShAshcha tattvataH kathito mayA .
ata UrdhvaM pravakShyAmi hyavanaddhavidhiM punaH .. 22 ..
pUrvaM yaduktaM prapitAmahena .
kuryAt ya evaM tu naraH prayoge
sammAnamagrayaM labhate sa loke .. 23 ..
iti bharatIye nATyashAstre guNadoShavichAro
nAmAdhyAyastrayastriMshaH .. 33 ..
##
Encoded by Haresh BakShi hareshbakShi@hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}