% Text title            : naaTyashaastra adhyaaya 35
% File name             : natya35.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : hareshbakshi at hotmail.com
% Proofread by          : hareshbakshi at hotmail.com
% Latest update         : March 4, 2003
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 35..}##
\itxtitle{.. nATyashAstram adhyAyaH 35 ..}##\endtitles ##

      .. shrIrastu ..
bharatamunipraNItaM nATyashAstram.h
atha pa~nchatriMsho.adhyAyaH .
vinyAsaM bhUmikAnAM cha sampravakShyAmi nATake .
yAdR^isho yasya kartavyo vinyAso bhUmikAsvatha .. 1 ..
gativAga~NgacheShTAbhiH sattvashIlasvabhAvataH .
parIkShya pAtraM tajGYastu yu~njyAd bhUminiveshane .. 2 ..
tasminnanviShya hi guNavAn kAryA pAtrasamAshrayA .
na khedajananaM buddherAchAryasya bhaviShyati .. 3 ..
AchAryaH pAtrajAMshchaiva guNA~nGYAtvA svabhAvajAn .
tataH kuryAd yathAyogaM nR^iNAM bhUminiveshanam .. 4 ..
a~Ngapratya~NgasaMyuktamahInA~NgaM vayonvitam .
na sthUlaM na kR^ishaM chaiva na dIrghaM na cha mantharam .. 5 ..
shliShTA~NgaM dyutimantaM cha susvaraM priyadarshanam .
etairguNaishcha saMyuktaM devabhUmiShu yojayet .. 6 ..
sthUlaM prAMshuM bR^ihaddehaM meghagambhIranisvanam .
raudrasvabhAvanetraM cha svabhAvabhrukuTImukham .. 7 ..
rakShodAnavadaityAnAM bhUmikAsu prayojayet .
puruShANAM prayogastu tathA~NgakriyayAnvitaH .. 8 ..
sunetrasubhruvaH sva~NgAH sulalATAH sunAsikAH .
svoShThAH sugaNDAH sumukhAH sukaNThAH sushirodharAH .. 9 ..
sva~Ngapratya~NgasaMyuktA na dIrghA na cha mantharAH .
na sthUlA na kR^ishAshchaiva svabhAvena vyavasthitAH .. 10 ..
sushIlA GYAnavantashcha tathA cha priyadarshanAH .
kumArarAjabhUmau tu saMyojyAshcha narottamAH .. 11 ..
a~NgairavikalairdhIraM sphuTaM vasanakarmaNi .
na dIrghaM naiva cha sthUlamUhApohavichakShaNam .. 12 ..
adInaM cha pragalbhaM cha pratyutpannavinishchayam .
senApateramAtyAnAM bhUmikAsu prayojayet .. 13 ..
pi~NgAkShaM ghoNanAsaM cha netramuchchamathApi vA .
ka~nchukishrotriyAdInAM bhUmikAsu niyojayet .. 14 ..
evamanyeShvapi tathA nATyadharmavibhAgataH .
deshaveShAnurUpeNa pAtraM yojyaM svabhUmiShu .. 15 ..
mantharaM vAmanaM kubjaM vikR^itaM vikR^itAnanam .
viShTabdhanetraM kANAkShaM sthUlaM chipiTanAsikam .. 16 ..
durjanaM dusvabhAvaM cha vikR^itAchArameva cha .
dAsabhUmau prayu~njIta budho dAsA~Ngasambhavam .. 17 ..
prakR^ityA.atikR^ishaM kShAmaM tapaHshrAnteShu yojayet .
tathA cha puruShaM sthUlamuparodheShu yojayet .. 18 ..
yadi vA nedR^ishAH santi prakR^ityA puruShA dvijAH .
AchAryabuddhyA yojyAstu bhAvacheShTAsvabhAvataH .. 19 ..
yA yasya sadR^ishI cheShTA hyuttamAdhamamadhyamA .
sa tathA.a.achAryayogena niyamyA bhAvabhAvinI .. 20 ..
ataH paraM pravakShyAmi bharatAnAM vikalpanam .
bharatAshrayAshcha bharato vidUShakaH saurikastathA nAndI .
nandI sasUtradhAro nATyaraso nAyakashchaiva .. 21 ..
mukuTAbharaNavikalpau viGYeyo mAlyavastuvividhaishcha .
kArakakushIlavAdyA viGYeyA nAmatashchaiva .. 22 ..
dhuryavadeko yasmAduddhAro.anekabhUmikAyuktaH .
bhANDagrahopakaraNainATyaM bharato bhavet tasmAt .. 23 ..
lokAhR^idAshrayakR^itA sarvaprakR^itiprachArasaMyuktA .
nAnAshrayAM prakurute tathA cha nArI tu sarvatra .. 24 ..
pratyutpannapratibho narmakR^ito narmagarbhanirbhedaH .
ChedavidUShitavachano vidUShako nAma viGYeyaH .. 25 ..
tUryatistu naraH sarvAtodyapravAdane kushalaH .
tUraparigrahayukto viGYeyastauriko nAma .. 26 ..
naTanR^iti dhAtvartho.ayaM bhUtaM nATayati lokavR^ittAntam .
rasabhAvasatvayuktaM yasmAt tasmAnnaTo bhavati .. 27 ..
stutyabhivAdanakR^itairmadhurairvAkyaiH suma~NgalAchAraiH .
sarva stauti hi lokaM yasmAt tasmAdbhavedvAdI .. 28 ..
bhAvebhyo bahudhA.asmin rasA vadati nATyayogeShu .
prAkR^itasaMskR^itapAThyo nandI nAmeti sa GYeyaH .. 29 ..
gItasya cha vAdyasya cha pAThyasya cha naikabhAvavihitasya .
shiShTopadeshayogAt sUtraGYaH sUtradhArastu .. 30 ..
yasmAt yathopadiShTAn rasAMshcha bhAvAMshcha
satvasaMyuktAn .
bhUmivikalpairnayati cha nATyakaraH kIrtitastasmAt .. 31 ..
chaturAtodyavidhAna.n sarvasya tu shAstrakhe davihitasya .
nATyasyAntaM gachChati tasmAdvai nAyako.abhihitaH .. 32 ..
nAnAprakR^itisamutthaM karoti yaH shIrShakaM mukuTayoge .
vividhairveShavisheShaiH sa cha kuTakArastu viGYeyaH .. 33 ..
bhANDakavAdyaGYA yA layatAlaGYA rasAnuviddhA cha .
sarvA~NgasundarI vai kartavyA nATakIyA tu .. 34 ..
yastvAbharaNaM kuryAd bahuvidhavihitaM sa chAbharaNaH .
yashchopakaraNayogAt sa tena nAmnA.abhidhAtavyaH .. 35 ..
yo vai mAlyaM kurute pa~NchavidhaM mAlyAkR^it sa viGYeyaH .
yashchApi veShayogaM kurute sa cha veShakArI tu .. 36 ..
chitraGYashchitrakaro vastrasya ra~njAnAttathA rajakaH .
jatvashmalohakAShThairdravyakaraiH kArukashchaiva .. 37 ..
nAnAtodyavidhAne prayogayuktaH pravAdane kushalaH .
atodye.apyatikushalo yasmAt sa kushalavo GYeyaH .. 38 ..
yadyat samAshrayante shilpaM vA karma vA prayogaM vA .
tanaivopagataguNA viGYeyA nAmataH puruShAH .. 39 ..
evaM tu nATakavidhau jAtirnaTasaMshrayA budhairGYeyA .
nATyopakaraNayuktA nAnAshilpaprasaktA cha .. 40 ..
ukto.atra bhUmikAnyAsaH prayoktArashcha yogataH .
AdiShTaM nATyashAstraM cha munayaH kimihochyatAm ..41 ..
iti bharatIye nATyashAstre bhUmikAvikalpAdhyAyaH pa~nchatriMshaH .. 35 ..
##
Encoded by Haresh BakShi hareshbakShi@hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}