% Text title            : naaTyashaastra adhyaaya 37
% File name             : natya37.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : hareshbakshi at hotmail.com
% Proofread by          : hareshbakshi at hotmail.com
% Latest update         : february 20, 2003
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 37..}##
\itxtitle{.. nATyashAstram adhyAyaH 37 ..}##\endtitles ##

      .. shrIrastu ..
bharatamunipraNItaM nATyashAstram.h
atha saptatriMsho.adhyAyaH .
kasyachittvatha kAlasya nahuSho nAma pArthivaH .
prAptavAn devarAjyaM hi nayabuddhiparAkramaH .. 1 ..
prashashAsa tadA rAjyaM devairvyuShTimavApnuvan .
gAndharvaM chaia nATyaM cha dR^iShTvA chintAmupAgamat .. 2 ..
sa chintayitvA manasA kathameSha gR^ihe mama .
nATyaprayogo hi bhavediti sAdara eva san .. 3 ..
kR^itA~njaliH prayogArthaM proktavAMstu surAn nR^ipaH .
apsarobhiridaM sArdhaM nATyaM bhavatu me gR^ihe .. 4 ..
pratyuktashcha tato devairbR^ihaspatipurogamaiH .
divyA~NganAnAM naiveha mAnuShaiH saha sa~NgatiH .. 5 ..
hitaM pathyaM cha vaktavyo bhavAn svargAdhipo hi yat .
AchAryAstatra gachChantu gatvA kurvantu te priyam .. 6 ..
proktavAMstu tato mAM tu nR^ipatiH sa kR^itA~njaliH .
idamichChAmi bhagavan nATyamurvyAM pratiShThitam .. 7 ..
pUrvamAchAryakaM chaiva bhavatA.abhihitaM shrutam .
vyaktabhAvAtvidaM labdhaM tvatsakAshAd dvijottama .. 8 ..
pitAmahagR^ihe.asmAkaM tadantaHpure jane .
pitAmahakriyAyukta murvashyAM sampravartitam .. 9 ..
tasyAH praNAshashokena unmAdoparate nR^ipe .
vipanne.antaHpurajane punarnAshamupAgatam .. 10 ..
prakAshametadichChAmo bhUyastat samprayojitam .
tithiyaGYakriyAsvetad yathA syAn ma~NgalaiH shubhaiH .. 11 ..
tasmin mama gR^ihe baddhaM nAnAprakR^itisaMshrayam .
strINAM lalitavinyAsairyato naH prathayiShyati .. 12 ..
tathA.astviti mayA prokto nahuShaH pArthivastadA .
sutAshchAhUya samproktA sAmapUrvaM suraiH saha .. 13 ..
ayaM hi nahuSho rAjA yAchate naH kR^itA~njaliH .
gamyatAM sahitairbhUmiM prayoktuM nATyameva cha .. 14 ..
kariShyamashcha shApAntamasmin samyak prayojite .
brAhmaNAnAM nR^ipANAM cha bhaviShyatha na kutsitAH .. 15 ..
tatra gatvA prayujyantAM prayogAn vasudhAtale .
na shakyaM chAnyathA kartuM vachanaM pArthivasya hi .. 16 ..
asmAkaM chaiva sarveShAM nahuShasya mahAtmanaH .
AtmopadeshasiddhaM hi nATyaM proktaM svayaMbhuvA .. 17 ..
sheShamuttaratantreNa kohalastu kariShyati .
prayogaH kArikAshchaiva niruktAni tathaiva cha .. 18 ..
apsarobhiridaM sArdhaM krIDanIyakahetukam .
adhiShThitaM mayA svarge svAtinA nAradena cha .. 19 ..
tatashcha vasudhAM gatvA nahuShasya gR^ihe dvijAH .
strINAM prayogaM bahudhA baddhavanto yathAkramam .. 20 ..
atropabhogataste tu mAnuShIShu mAmAtmajAH .
baddhavanto.adhikasnehaM tAsu tad dvijasattamAH .. 21 ..
putrAnutpAdya vadhvA cha prayogaM cha yathAkramam .
brahmaNA samanuGYAtAH prAptAH svargaM punaH sutAH .. 22 ..
evamurvItale nATyaM shiShyaiH samavatAritam .
bharatAnAM cha vaMsho.ayaM bhaviShyaM cha pravartitaH .. 23 ..
kohalAdibhirevaM tu vatsashANDilyadhUrtitaiH .
matyadharmakriyAyuktaiH kashchitkAlamavasthitaiH .. 24 ..
etachChAtraM praNItaM hi nArANAM buddhivardhanam .
trailokyasya kriyopetaM sarvashAstranidarshanam .
ma~NgalyaM lalitaM chaiva brahmaNo vadanodbhavam .. 25 ..
ya idaM shruNuyAn nityaM proktaM chedaM svayambhuvA .
kuryAt prayogaM yashchaivamathavA.adhItavAn naraH .. 26 ..
yA gatirvedaviduShAM yA gatiryaGYakAriNAm .
yA gatirdAnashIlAnAM tAM gatiM prApnuyAddhi saH .. 27 ..
dAnadharmeShu sarveShu kIrtyate tu mahat phalam .
prekShaNIyapradAnaM hi sarvadAneShu shasyate .. 28 ..
na tathA gandhamAlyena devAstuShyanti pUjitAH .
yathA nATyaprayogasthairnityaM tuShyanti ma~NgalaiH .. 29 ..
gAndharvaM cheha nATyaM cha yaH samyak paripAlayet .
sa IshvaragaNeshAnAM labhate sadgatiM parAm .. 30 ..
evaM nATyaprayoge bahuvidhivihitaM karmashAstraM praNItam .
noktaM yachchAtra lokAdanukR^itikaraNAt .
saMvibhAvyaM tu tajGYaiH ..
kiM chAnyat samprapUrNA bhavatu vasumatI naShTadurbhikSharogA .
shAntirgobrAhmaNAnAM bhavatu narapatiH pAtu pR^ithvIM samagrAm .. 31 ..
iti bharatIye nATyashAstre guhyatattvakathanAdhyAyaH saptatriMshaH .. 37..
.. nATyashAstraM sampUrNam ..
##
Encoded by Haresh BakShi hareshbakShi@hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}