% Text title            : puruShArthadashakam by bhartRihari
% File name             : puruShArthadashakambhartRihari.itx
% Category              : major\_works, dashaka, bhartrihari
% Location              : doc\_z\_misc\_major\_works
% Author                : Bhartrihari
% Transliterated by     : Sunder Hattangadi
% Proofread by          : Sunder Hattangadi
% Latest update         : March 31, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. puruShArthadashakam by Bhartrihari ..}##
\itxtitle{.. bhartR^iharipraNItaM puruShArthadashakam ..}##\endtitles ##
tasmAdanantamajaraM paramaM vikAsi
     tachchitta ! chintaya kimebhirasadvikalpaiH |
yasyAnuSha~NgiNa ime bhuvanAdhipatya\-
     bhogAdayaH kR^ipaNalokamatA bhavanti || 1||
pAtAlamAvishasi chApi nabhau vila~Nghya
     di~NmaNDalaM bhramasi mAnasa.! chApalena |
bhrAntyApi jAtu [vimalaM] kathamAtmanInaM
     na brahma saMsmarasi nirvR^itimeShi yena || 2||
yUyaM vayaM vayaM yUyam ityAsInmatirAvayoH
     kiM jAtamadhunA yena yUyaM yUyaM vayaM vayam || 3||
mahIshayyA shayyA vitatamupadhAnaM bhujalatA
     vitAnas tvAkAsho vyajanamanukUlo.ayamanilaH |
sphuran dIpash chandro virativanitAsa~Ngam uditaH
     sukhaM shAntaH shete tanutaravibhUtir nR^ipa iva || 4||
kiM vedai smR^itibhiH purANavachanaiH shAstrairmadvAvistaraiH
     svargagrAmakuTInivAsaphaladaiH karmakriyAvibhramaiH |
muktvaikShakaM bhavaduHkhabhArarachanAvidhvaMsakAlAnala\-
     svAtmAnandapadapraveshakathanAH shete vaNigvR^ittibhiH || 5||
AyuH kallolalolaM katipayadivasasthAyinI yauvanashrIr
     arthAH sa~NkalpakalpA ghanasamayataTidvibhramA bhogapUgAH |
kaNThAshleShopagUDhaM tadapi cha na chiraM yat priyAbhiH praNItaM
     brahmaNyAsaktachittA bhavata bhavabhayAmbhodhipAraM tarItum || 6||
yadAsIdaj~nAnaM smaratimirasaMskArajanitaM
     tadA dR^iShTaM nArImayamidamasheShaM jagadapi |
idAnImasmAkaM paTutaravivekA~njanajuShAM
     samIbhUtA dR^iShTis tribhuvanamapi brahma manute || 7||
kiM kandarpa ! vR^ithA kadarthayasi mAM kodaNDaTa~NkAritai
     re re kokila ! komalaM kalaravaM kiM vAbhidhan svAdunA |
mugdhe ! snigdha [vidagdha] mugdhamadhurachChAyaiH kaTAkShairalaM
     chetash chumbati chandrachUDacharaNadhyAnAmR^itaM samprati || 8||
prashAntashAstrArthavichArachApalaM
     nivR^ittanAnArasakAvyakautukam |
nirastanishsheShavikalpaviplavaM
     prapattumanvichChati shUlinaM manaH || 9||
mAtarmedini tAta mAruta sakhe tejaH subandho jala !
     bhrAtarvyoma nibaddha eSha bhavatAmantyaM praNAmA~njaliH |
yuShmatsa~NgavashopajAtasukR^itodrekasphurannirmalaM
     j~nAnApAstasamastamohamahimA lIye parabrahmaNi || 10||

iti puruShArthaprakaraNam |
ityAchAryabhartR^iharipraNItaM puruShArthadashakaM samAptam ||

##
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}