% Text title            : Shri Ramayana Tatparya Sangraha Stotram
% File name             : rAmAyaNatAtparyasangrahastotram.itx
% Category              : major\_works, appayya-dIkShita, raama, shiva
% Location              : doc\_z\_misc\_major\_works
% Author                : Appayya Dixit
% Transliterated by     : Rama Prakasha ramaprakashak at gmail.com
% Proofread by          : Rama Prakasha ramaprakashak at gmail.com
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramayana Tatparya Sangraha Stotram ..}##
\itxtitle{.. shrIrAmAyaNatAtparyasa~Ngrahastotram ..}##\endtitles ##
vAlmIkirAdikavirAT akhilArthadarshI
     sAkShAdviri~ncha iva sa.npratipannabhAvaH |
vishvesha viShNumadhikR^itya kR^ite prabandhe
     vyaktyA tavaiva nibabandha paraM paratvam || 1||
rAmAyaNe hi kalashaprabhavAshramasthA
     devAdayo.api tamupAsata ityudIrya |
sthAnAni chAtra madhujinmaghavanmukhAnAM
     tasyAshrame nigaditAni na te kapardin || 2||
tenatvameva nanu sid.hdhyasi pArisheShyA\-
     ttasyendushekhara taponikarairupAsyaH |
tasyApyupAsakatayA viniveshitebhyaH
     tebhyastavatvatitarAM mahimA prasiddhayet || 3||
atyantapUjya viShayaM kilayatprasiddhaM
     shrImadvisheShaNamidaM harimUrtirUpAt |
astrAtvadAptamadhikaM kimapi trishUlaM
     vya~NktuM tvayIva na paratra niveshitaM tat || 4||
kumbhodbhavasya surasaMsadupAsyatA cha
     shrImadvisheShaNamidaM cha tavendumaule |
shrIrAmachandra vachaneviti tannibandhaH
     tasyApi bhaktimadhikAM bhavati vyanakti || 5||
yasyAsti hi sma shibiraM shivadakShiNAgre
     kukShi~Ngate jalanidhernalasetu kLLiptyai |
tasmin jagadvidita bhUmani setubandhe
     pUrvaM prasanna iti cha tvayi bhaktimUche || 6||
shrAntassudIrghasamareNa raghupravIra\-
     shchiAntAkulaH kalashayonikR^itopadeshaH |
brahmachyutatriNayanesha bhavatsvarUpaM
     stotreNa yadripujayAya raviM prapannaH || 7||
rakShodhipo nihata eva divaM prayAhi
     kAryaM kR^itaM khalu naH ityudite vidhAtrA |
rAjyasthitaH kurutura~Ngamamedhayaj~na
     mityuktamevajagR^ihe tava yachchashambho || 8||
ikShvAkuvaMsha bhavarAjyapade niviShTaH
     tvAmeva yachcha suchiraM hayamedhakLLiptyA |
IjekathAntara girA shivatena chakrI
     yaShTavya ityavarajasya nirasya bhAvam || 9||
etaistvayi prakaTitA raghunandanasya
     bhaktiH sthirA parataratvamatishcha nityA |
suvyaktamAdikavinA svayamAtmanashcha
     rudrassaviShNuriva chetyupamoktibha~NgyA || 10||
saMvatsaraM varada vAsayituM pravR^ittaH
     sItAM dashAnanagR^ihe jagatAM niyantuH |
sa~Nkalpa eva tava tadvasaterabodhe
     rAmasya heturiti bhAvamamuShya manye || 11||
sItApahAramavalokya raghUttamAya
     brUyurnajAtviti muniH viditatvadAj~naH |
pR^iShTo yadasya raghuchandramasA nivAsaM
     uktvAgataH khagapatiH kiyadanyadanyat || 12||
saMsUchya vakShya iti nAha kabandha eta\-
     daj~nAnamabhyanayadatra cha sUryasUnuH |
uktaM hi tatra bhagavannanimittamanyat
     sa~Nkalpa eva bhavatashshiva tasya dR^iShTiH || 13||
j~nAteripuM raghupatiH laghusa~njihIrShet
     yaHkrodhataH samajihIrShadasheShalokAn |
mogho bhavechChivatadA nihate ripau te
     sa~Nkalpa eva na hatetu tadIyabANaH || 14||
tatrodyate sakalasaMharaNAya bhItyA
     sadyo dashAnanavadhostviti vA~nChayA cha |
yannAharopita sharantamupetyadevaH
     tatrApi sarvajagadIsha sa eva hetuH || 15||
ga~NgAshiveshirasite patanena puNyA
     pApApanodana vinodapaTIyasIti |
devAdayo.api vasudhAtala vAsamAptAH
     snAtAstatheti sa vacho nibabandha chArSham || 16||
nArAyaNasya dhanuShastava bhImachApAt
     utkR^iShTatAM gaNayataH kila bhArgavasya |
yanmeniretvadadhikaM tamitIvavAkyaM
     tadbAdhitaM cha vachanena raghUdvahasya || 17||
dR^iptasya kopakaluShasya vachaH kilAdyaM
     dharmasya vigrahavatastu vachodvitIyam |
yuddhe kvachittvadadhikatvamarervachashcha
     tvaddattasatyavaranirvahaNAyayuktam || 18||
itthaM tava shrutishata prathitaM paratvaM
     prAdhAnyataH smarahara pratipAdanIyam |
dvAraM tu rAmacharitaM kavinA gR^ihItaM\-
     rAmAyaNe mahitaM uttamakAvyaratne || 19||
kechidvibhIShaNasamAcharitaM pradhAnaM
     koNe shrutaM prapadanaM pratipAdyamAhuH |
prAdhAnyamatra kathamuttamanAmni kAvye\-
     vAchyAtishAyiviShayArthi tadashnuvIta || 20||
syAchchattadIshaphalagauravataH pradhAnaM
     ikShvAku\-nAyaka samAcharitaM tathA syAt |
tachchApi vAyasakR^itaM dhanalAbhato.api
     dArAtmalAbhamadhikaM hi budhA vadanti || 21||
tachchedvimuktiphalakaM phalagauravaM syAt
     rAjyepsayaiva tu kR^itaM taditi prasiddham |
shrIrAmachandrapavanAtmajayoshcha sUktyA
     sAkShAchcha tasya vachanena vibhIShaNasya || 22||
la~NkA suhR^iddhana sukhAnubhavAdi sarvaM
     tyaktaM mayeti tu vacho na tato viraktyA |
shrIrAmachandrakaruNA kaTAkShalabdhe
     tatraiva rAgapishunaH khalu vAkyasheShaH || 23||
j~nAtvAtadIpsitamato.atha raghupravIraH
     tenaiva rAvaNabalAdi cha vAchayitvA |
kR^itvA cha rAvaNatadiShTavadha pratij~nAM
     rAjyAdhipatyamadadAM abhiShekapUrvam || 24||
prAchetasAya kavaye prathamAya tasmai
     tatkAvyahArataraLAya cha rAghavAya |
vishvAtmane tadubhayasthira bhAvalakShya
     mukhyAspadAya vibhave cha namashshivAya || 25||

iti shrIappayyadIkShitavirachitaM shrIrAmAyaNatAtparyasa~NgrahastotraM samUrNam |
##
Encoded and proofread by Rama Prakasha ramaprakashak at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}