% Text title : raghuvansha19 agnivarNashRiNgaara % File name : raghuvansha19.itx % Category : major\_works, svara, kAlidAsa % Location : doc\_z\_misc\_major\_works % Author : kalidasa % Transliterated by : Arvind Kolhatkar akolhatkar at rogers.com % Proofread by : Arvind Kolhatkar akolhatkar at rogers.com % Latest update : December 20, 2005 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Raghuvansha 19 by Kalidas ..}## \itxtitle{.. raghuva.nshaM sargaH 19 agnivarNashR^i~NgAra kAlidAsakR^itam ..}##\endtitles ## agnivarNamabhiShichya rAghavaH sve pade tanayamagnitejasam | shishriye shrutavatAmapashchimaH pashchime vayasi naimiSha.n vashI || 19\-1|| tatra tIrthasalilena dIrghikAstalpamantaritabhUmibhiH kushaiH | saudhavAsamuTajena vismR^itaH sa.nchikAya phalaniHspR^ihastapaH || 19\-2|| labdhapAlanavidhau na tatsutaH khedamApa guruNA hi medinI | bhoktumeva bhujanirjitadviShA na prasAdhayitumasya kalpitA || 19\-3|| so.adhikAramabhikaH kulochita.n kAshchana svayamavartayatsamAH | sa.nniveshya sachiveShvataHpara.n strIvidheyanavayauvano.abhavat || 19\-4|| kAminIsahacharasya kAminastasya veshmasu mR^ida~NganAdiShu | R^iddhimantamadhikarddhiruttaraH pUrvamutsavamapohadutsavaH || 19\-5|| indriyArthaparishUnyamakShamaH soDhumekamapi sa kShaNAntaram | antareva viharandivAnisha.n na vyapaikShata samutsukAH prajAH || 19\-6|| gauravAdyadapi jAtu mantriNA.n darshana.n prakR^itikA~NkShita.n dadau | tadgavAkShavivarAvalambinA kevalena charaNena kalpitam || 19\-7|| ta.n kR^itapraNatayo.anujIvinaH komalAtmanakharAgarUShitam | bhejire navadivAkarAtapaspR^iShTapa~NkajatulAdhirohaNam || 19\-8|| yauvanonnatavilAsinIstanakShobhalolakamalAshcha dIrghikAH | gUDhamohanagR^ihAstadambubhiH sa vyagAhata vigADhamanmathaH || 19\-9|| tatra sekahR^italochanA~njanairdhautarAgaparipATalAdharaiH | a~NganAstamadhika.n vyalobhayannarpitaprakR^itakAntibhirmukhaiH || 19\-10|| ghrANakAntamadhugandhakarShiNIH pAnabhUmirachanAH priyAsakhaH | abhyapadyata sa vAsitAsakhaH puShpitAH kamalinIriva dvipaH || 19\-11|| sAtirekamadakAraNa.n rahastena dattamabhileShura~NganAH | tAbhirapyupahR^ita.n mukhAsava.n so.apibadbakulatulyadohadaH || 19\-12|| a~Nkama~Nkaparivartanochite tasya ninyaturashUnyatAmubhe | vallakI cha hR^idaya.ngamakShamA valguvAgapi cha vAmalochanA || 19\-13|| sa svaya.n prahatapuShkaraH kR^itI lolamAlyavalayo haranmanaH | nartakIrabhinayAtila~NghinIH pArshvavartiShu guruShvalajjayat || 19\-14|| chAru nR^ityavigame sa tanmukha.n svedabhinnatilaka.n parishramAt | premadattavadanAnilaH pibannatyajIvadamarAlakeshvarau || 19\-15|| tasya sAvaraNadR^iShTasa.ndhayaH kAmyavastuShu naveShu sa~NginaH | vallabhAbhirupasR^itya chakrire sAmibhuktaviShayAH samAgamA || 19\-16|| a~NgulIkisalayAgratarjana.n bhrUvibha~NgakuTila.n cha vIkShitam | mekhalAbhirasakR^ichcha bandhana.n va~nchayanpraNayinIravApa saH || 19\-17|| tena dUtividita.n niSheduShA pR^iShThataH suratavArarAtriShu | shushruve priyajanasya kAtara.n vipralambhaparisha~Nkino vachaH || 19\-18|| laulyametya gR^ihiNIparigrahAnnartakIShvasulabhAsu tadvapuH | vartate sma sa katha.nchidAlikhanna~NgulIkSharaNasannavartikaH || 19\-19|| premagarvitavipakShamatsarAdAyatAshcha madanAnmahIkShitam | ninyurutsavavidhichChalena ta.n devya ujjhitaruShaH kR^itArthatAm || 19\-20|| prAtaretya paribhogashobhinA darshanena kR^itakhaNDanavyathAH | prA~njaliH praNayinIH prasAdayanso.adunotpraNayamantharaH punaH || 19\-21|| svapnakIrtitavipakShama~NganAH pratyabhaitsuravadantya eva tam | prachChadAntagalitAshrubindubhiH krodhabhinnavalayairvivartanaiH || 19\-22|| kL^iptapuShpashayanA{\m+}llatAgR^ihAnetya dUtikR^itamArgadarshanaH | anvabhUtparijanA~NganArata.n so.avarodhabhayavepathUttaram || 19\-23|| nAma vallabhajanasya te mayA prApya bhAgyamapi tasya kA~NkShyate | lolupa.n nanu mano mameti ta.n gotraviskhalitamUchura~NganAH || 19\-24|| chUrNababhru lulitasragAkula.n ChinnamekhalamalaktakA~Nkitam | utthitasya shayana.n vilAsinastasya vibhramaratAnyapAvR^iNot || 19\-25|| sa svaya.n charaNarAgamAdadhe yoShitA.n na cha tathA samAhitaH | lobhyamAnanayanaH shlathA.nshukairmekhalAguNapadairnitambibhiH || 19\-26|| chumbane viparivartitAdhara.n hastarodhi rashanAvighaTTane | vighnitechChamapi tasya sarvato manmathendhanamabhUdvadhUratam || 19\-27|| darpaNeShu paribhogadarshinIrnarmapUrvamanupR^iShThasa.nsthitaH | ChAyayA smitamanodnyayA vadhUrhrInimIlitamukhIshchakAra saH || 19\-28|| kaNThasaktamR^idubAhubandhana.n nyastapAdatalamagrapAdayoH | prArthayanta shayanotthita.n priyAsta.n nishAtyayavisargachumbanam || 19\-29|| prekShya darpaNatalasthamAtmano rAjaveShamatishakrashobhinam | pipriye na sa tathA yathA yuvA vyaktalakShmaparibhogamaNDanam || 19\-30|| mitrakR^ityamapadishya pArshvataH prasthita.n tamanavasthita.n priyAH | vidma he shaTha palAyanachChalAnya~njaseti rurudhuH kachagrahaiH || 19\-31|| tasya nirdayaratishramAlasAH kaNThasUtramapadishya yoShitaH | adhyasherata bR^ihadbhujAntara.n pIvarastanaviluptachandanam || 19\-32|| sa.ngamAya nishi gUDhachAriNa.n chAradUtikathita.n purogatAH | va~nchayiShyasi kutastamovR^itaH kAmuketi chakR^iShustama~NganAH || 19\-33|| yoShitAmuDupaterivArchiShA.n sparshanivR^itimasAvavApnuvan | Aruroha kumudAkaropamA.n rAtrijAgaraparo divAshayaH || 19\-34|| veNunA dashanapIDitAdharA vINayA nakhapadA~NkitoravaH | shilpakArya ubhayena vejitAsta.n vijihmanayanA vyalobhayan || 19\-35|| a~NgasattvavachanAshraya.n mithaH strIShu nR^ityamupadhAya darshayan | sa prayoganipuNaiH prayoktR^ibhiH sa.njagharSha saha mitrasa.nnidhau || 19\-36|| a.nsalambikuTajArjunasrajastasya nIparajasA~NgarAgiNaH | prAvR^iShi pramadabarhiNeShvabhUtkR^itrimAdriShu vihAravibhramaH || 19\-37|| vigrahAchcha shayane parA~NmukhIrnAnunetumabalAH sa tattvare | AchakA~NkSha ghanashabdaviklavAstA vivR^itya vishatIrbhujAntaram || 19\-38|| kArtikIShu savitAnaharmyabhAgyAminIShu lalitA~NganAsakhaH | anvabhu~Nkta suratashramApahA.n meghamuktavishadA.n sa chandrikAm || 19\-39|| saikata.n sa sarayU.n vivR^iNvatI.n shroNibimbamiva ha.nsamekhalam | svapriyAvilasitAnukAriNI.n saudhajAlavivarairvyalokayat || 19\-40|| marmarairagurudhUpagandhibhirvyaktahemarashanaistamekataH | jahrurAgrathanamokShalolupa.n haimanairnivasanaiH sumadhyamAH || 19\-41|| arpitastimitadIpadR^iShTayo garbhaveshmasu nivAtakukShiShu | tasya sarvasuratAntarakShamAH sAkShitA.n shishirarAtrayo yayuH || 19\-42|| dakShiNena pavanena sa.nbhR^ita.n prekShya chUtakusuma.n sapallavam | anvanaiShuravadhUtavigrahAsta.n durutsahaviyogama~NganAH || 19\-43|| tAH svama~Nkamadhiropya dolayA pre~NkhayanparijanApaviddhayA | muktarajju nibiDa.n bhayachChalAtkaNThabandhanamavApa bAhubhiH || 19\-44|| ta.n payodharaniShiktachandanairmauktikagrathitachArubhUShaNaiH | grIShmaveShavidhibhiH siShevire shroNilambimaNimekhalaiH priyAH || 19\-45|| yatsa lagnasahakAramAsava.n raktapATalasamAgama.n papau | tena tasya madhunirgamAtkR^ishashchittayonirabhavatpunarnavaH || 19\-46|| evamindriyasukhAni nirvishannanyakAryavimukhaH sa pArthivaH | AtmalakShaNaniveditAnR^itUnatyavAhayadana~NgavAhitaH || 19\-47|| ta.n pramattamapi na prabhAvataH shekurAkramitumanyapArthivAH | Amayastu ratirAgasa.nbhavo dakShashApa iva chandramakShiNot || 19\-48|| dR^iShTadoShamapi tanna so.atyajatsa~Ngavastu bhiShajAmanAshravaH | svAdubhistu viShayairhR^itastato duHkhamindriyagaNo nivAryate || 19\-49|| tasya pANDuvadanAlpabhUShaNA sAvalambagamanA mR^idusvanA | rAjayakShmaparihAnirAyayau kAmayAnasamavasthayA tulAm || 19\-50|| vyoma pashchimakalAsthitendu vA pa~NkasheShamiva gharmapalvalam | rAdnyi tatkulamabhUtkShayAture vAmanArchiriva dIpabhAjanam || 19\-51|| bADhameSha divaseShu pArthivaH karma sAdhayati putrajanmane | ityadarshitarujo.asya mantriNaH shashvadUchuraghasha~NkinIH prajAH || 19\-52|| sa tvanekavanitAsakho.api sanpAvanImanavalokya sa.ntatim | vaidyayatnaparibhAvina.n gada.n na pradIpa iva vAyumatyagAt || 19\-53|| ta.n gR^ihopavanaeva sa.ngatAH pashchimakratuvidA purodhasA | rogashAntimapadishya mantriNaH sa.nbhR^ite shikhini gUDhamAdadhuH || 19\-54|| taiH kR^itaprakR^itimukhyasa.ngrahairAshu tasya sahadharmachAriNI | sAdhu dR^iShTashubhagarbhalakShaNA pratyapadyata narAdhipashriyam || 19\-55|| tasyAstathAvidhanarendravipattishokA\- duShNairvilochanajalaiH prathamAbhitaptaH | nirvApitaH kanakakumbhamukhojjhitena va.nshAbhiShekavidhinA shishireNa garbhaH || 19\-56|| ta.n bhAvArtha.n prasavasamayAkA~NkShiNInA.n prajAnA\- mantargUDha.n kShitiriva nabhobIjamuShTi.n dadhAnA | maulaiH sArdha.n sthavirasachivairhemasi.nhAsanasthA rAdnyI rAjya.n vidhivadashiShadbharturavyAhatAdnyA || 19\-57|| iti shrIraghuva.nshe mahAkAvye kavishrIkAlidAsa\- kR^itAvagnivarNashR^i~NgAro nAmaikonavi.nshaH sargaH || ## Encoded and Proofread by Arvind Kolhatkar akolhatkar at rogers.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}