% Text title : stotrasa.ngraha nArAyaNagururachitaM % File name : stotranArAyaNaguru.itx % Category : major\_works, bIjAdyAkSharamantrAtmaka % Location : doc\_z\_misc\_major\_works % Transliterated by : Encoded by Shankara and P.S.Ramachandran % Proofread by : PSA Easwaran % Latest update : March 30, 2012 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrInArAyaNaguruvirachitAH saMskRitakriyAH ..}## \itxtitle{.. stotrANi nArAyaNaguruvirachitAni ..}##\endtitles ## stotrakriyAH vinAyakastotram 1\. vinAyakAShTakam viShNustotrANi 2\. shrIvAsudevAShTakam 3\. viShNvaShTakam devIstotram 4\. bhadrakAlyaShTakam subrahmaNya stotrANi 5\. ShANmAturastavam 6\. guhAShTakam 7\. bAhuleyAShTakam shivastotram 8\. chidaMbarAShTakam sa.nkIrNAni 9\. jAtinirNayam 10\. dharmaH 11\. Ashramam 12\. municharyApa~nchakam dArshanikakriyAH 13\. darshanamAlA 14\. brahmavidyA pa~nchakam 15\. nirvR^itipa~nchakam 16\. shlokatrayI 17\. homamantram 18\. vedAntasUtram 19\. samAdhi shlokau \medskip\hrule\medskip vinAyakastotram 1\. vinAyakAShTakam namaddevavR^indaM lasadvedakandaM shiraHshrImadinduM shritashrImukundam | bR^ihachchArutundaM stutashrIsanandaM jaTAhIndrakundaM bhaje.abhIShTasandam || 1|| kiladdevagotraM kanaddhemagAtraM sadAnandamAtraM mahAbhaktamitram | sharachchandravaktraM trayIpUtapAtraM. samastArttidAtraM bhaje shaktiputram || 2|| galaddAnamAlaM chaladbhogimAlaM galAmbhodakAlaM sadA dAnashIlam | surArAtikAlaM maheshAtmabAlaM lasatpuNDraphAlaM bhaje lokamUlam || 3|| urastArahAraM sharachchandrahIraM surashrIvichAraM hR^itArttAribhAram | kaTe dAnapUraM jaTAbhogipUraM kalAbindutAraM bhaje shaivavIram || 4|| karArUDhamokShaM vipadbha~NgadakShaM chalatsArasAkShaM parAshaktipakSham | shritAmartyavR^ikShaM surAridrutakShaM parAnandapakShaM bhaje shrIshivAkSham || 5|| sadAshaM sureshaM sadA pAtumIshaM nidAnodbhavaM shA~Nkarapremakosham | dhR^itashrInisheshaM lasaddantakoshaM chalachChUlapAshaM bhaje kR^ittapAsham || 6|| tatAnekasantaM sadA dAnavantaM budhashrIkarantaM gajAsyaM vibhAntam | karAtmIyadantaM trilokakaikavR^intaM sumandaM parantaM bhaje.ahaM bhavantam || 7|| shivapremapiNDaM paraM svarNavarNaM lasaddantakhaNDaM sadAnandapUrNam | vivarNaprabhAsyaM dhR^itasvarNabhANDaM chalachchArushuNDaM bhaje dantituNDam || 8|| \medskip\hrule\medskip viShNustotrANi 2\. shrIvAsudevAShTakam shrIvAsudeva, sarasIruhapA~nchajanya\- kaumodakIbhayanivAraNachakrapANe | shrIvatsavatsa, sakalAmayamUlanAshin, shrIbhUpate, hara hare, sakalAmayaM, me || 1|| govinda, gopasuta, gogaNapAlalola, gopIjanA~NgakamanIyanijA~Ngasa~Nga | godevivallabha, maheshvaramukhyavandya, shrIbhUpate, hara hare, sakalAmayaM, me || 2|| nIlAlikeshaparibhUShitabarhibarha, kAlAMbudadyutikalAyakalevarAbha | vIra, svabhaktajanavatsala, nIrajAkSha, shrIbhUpate, hara hare, sakalAmayaM me || 3|| AnandarUpa, janakAnakapUrvadundu\- bhyAnandasAgarasudhAkarasaukumArya | mAnApamAnasama mAnasarAjahaMsa, shrIbhUpate, hara hare, sakalAmayaM me || 4|| ma~njIrama~njumaNishi~njitapAdapadma, ka~njAyatAkSha, karuNAkara, ka~njanAbha | sa~njIvanauShadhasudhAmaya, sAdhuramya, shrIbhUpate, hara hare, sakalAmayaM me || 5|| kaMsAsuradviradakesarivIra, ghora\- vairAkarAmayavirodhakarAja, shaure | haMsAdiramyasarasIruhapAdamUla, shrIbhUpate, hara hare, sakalAmayaM me || 6|| saMsArasa~NkaTavisha~NkaTaka~NkaTAya sarvArthadAya sadayAya sanAtanAya | sachchinmayAya bhavate satataM namo.astu shrIbhUpate, hara hare, sakalAmayaM me || 7|| bhaktapriyAya bhavashokavinAshanAya muktipradAya munivR^indaniShevitAya | naktandivaM bhagavate natirasmadIyA shrIbhUpate, hara hare, sakalAmayaM me || 8|| \medskip\hrule\medskip 3\. viShNvaShTakaM viShNuM vishAlAruNapadmanetraM vibhAntamIshAMbujayonipUjitam | sanAtanaM sanmatishodhitaM paraM pumAMsamAdyaM satataM prapadye || 1|| kalyANadaM kAmaphalapradAyakaM kAruNyarUpaM kalikalmaShaghnam | kalAnidhiM kAmatanUjamAdyaM namAmi lakShmIshamahaM mahAntam || 2|| pItAMbaraM bhR^i~NganibhaM pitAmaha\- pramukhyavandyaM jagadAdidevam | kirITakeyUramukhaiH prashobhitaM shrIkeshavaM santatamAnato.asmi || 3|| bhuja~NgatalpaM bhuvanaikanAthaM punaH punaH svIkR^itakAyamAdyam | purandarAdyairapi vanditaM sadA mukundamatyantamanoharaM bhaje || 4|| kShIrAMburAsherabhitaH sphurantaM shayAnamAdyantavihInamavyayam | satsevitaM sArasanAbhamuchchaiH vighoShitaM keshiniShUdanaM bhaje || 5|| bhaktArttihantAramaharnnishantaM munIndrapuShpA~njalipAdapa~Nkajam | bhavaghnamAdhAramahAshrayaM paraM parAparaM pa~NkajalochanaM bhaje || 6|| nArAyaNaM dAnavakAnanAnalaM natapriyaM nAmavihInamavyayam | harttuM bhuvo bhAramanantavigrahaM svasvIkR^itakShmAvaramIDito.asmi || 7|| namo.astu te nAtha! varapradAyin namo.astu te keshava! ki~Nkaro.asmi | namo.astu te nAradapUjitA~Nghre namo namastvachcharaNaM prapadye || 8|| phalashrutiH viShNvaShTakamidaM puNyaM yaH paThedbhaktito naraH | sarvapApavinirmukto, viShNulokaM sa gachChati || \medskip\hrule\medskip devIstotram 4\. bhadrakAlyaShTakam shrImachCha~NkarapANipallavakirallolaMbamAlollasa\- nmAlAlolakalApakAlakabarIbhArAvalIbhAsurIm | kAruNyAmR^itavArirAshilaharIpIyUShavarShAvalIM bAlAMbAM lalitAlakAmanudinaM shrIbhadrakAlIM bhaje || 1|| helAdAritadArikAsurashiraHshrIvIrapANonmada\- shreNIshoNitashoNimAdharapuTIM vITIrasAsvAdinIm | pATIrAdisugandhichUchukataTIM shATIkuTIrastanIM ghoTIvR^indasamAnadhATiyuyudhIM shrIbhadrakAlIM bhaje || 2|| bAlArkAyutakoTibhAsurakirITAmuktamugdhAlaka\- shreNIninditavAsikAmarusarojAkA~nchalorushriyam | vINAvAdanakaushalAshayashayashryAnandasandAyinI\- mambAmambujalochanAmanudinaM shrIbhadrakAlIM bhaje || 3|| mAta~NgashrutibhUShiNIM madhudharIvANIsudhAmoShiNIM bhrUvikShepakaTAkShavIkShaNavisargakShemasaMhAriNIm | mAta~NgIM mahiShAsurapramathinIM mAdhuryadhuryAkara\- shrIkArottarapANipa~NkajapuTIM shrIbhadrakAlIM bhaje || 4|| mAta~NgAnanabAhuleyajananIM mAta~NgasaMgAminIM chetohAritanuchChavIM shapharikAchakShuShmatImambikAm | jR^iMbhatprauDhinishuMbhashuMbhamathinImaMbhojabhUpUjitAM sampatsantatidAyinIM hR^idi sadA shrIbhadrakAlIM bhaje || 5|| Anandaikatara~NgiNImamalahR^innAlIkahaMsImaNIM pInottu~NgaghanastanAM ghanalasatpATIrapa~NkojjvalAm | kShaumAvItanitaMbabiMbarashanAsyUtakvaNat ki~NkiNIM eNAM~NkAMbujabhAsurAsyanayanAM shrIbhadrakAlIM bhaje || 6|| kAlAMbhodakalAyakomalatanuchChAyAshitIbhUtimat\- saMkhyAnAntaritastanAntaralasanmAlAkilanmauktikAm | nAbhIkUpasarojanAlavilasachChAtodarIshApadIM dUrIkurvayi devi, ghoraduritaM shrIbhadrakAlIM bhaje || 7|| AtmIyastanakuMbhaku~NkumarajaHpa~NkAruNAlaMkR^ita\- shrIkaNThaurasabhUribhUtimamarIkoTIrahIrAyitAm | vINApANisanandananditapadAmeNIvishAlekShaNAM veNIhrINitakAlameghapaTalIM shrIbhadrakAlIM bhaje || 8|| phalashrutiH devIpAdapayojapUjanamiti shrIbhadrakAlyaShTakaM rogaughAghaghanAnilAyitamidaM prAtaH prageyaM paThan | shreyaH shrIshivakIrtisampadamalaM samprApya sampanmayIM shrIdevImanapAyinIM gatimayan so.ayaM sukhI vartate || \medskip\hrule\medskip subrahmaNya stotrANi 5\. ShANmAturastavam gaurIsahAyasuhR^idUrIkR^itAvayavabhUrIShu vairiShu tama\- ssUrIkR^itAyudhanivArItadoSha nijanArIkalAlasamanaH | krUrIbhavattimirachArI hitApadurarI nItisUri karuNA\- vArINavAridhara, gaurIkishora, mama dUrIkuruShva duritam || 1|| mallIkR^itatridashamallIsadA sudativallIkuchA~NkaNalasat sallInaku~NkumarasollInavatsa, yudhi bhallIsmayo.asi ditijaiH | phullIkuruShva sa cha vallItagodhitalavallIvilolabudhahR^id\- vallInivAsa, mama sollInakeki hayasallIlapAhR^idudajam || 2|| prANIkR^itasvanakharANItabhaktajanavANIshamukhyasumana\- shshreNIsujAnutalatUNItamAlatimirANIlachUchukabharA | vANIvilAsamaliveNIvipa~nchimR^iduvANI tavAMgaramaNI shroNIghanA sumati, shANItanotu bhR^ishameNIvishAlanayanA || 3|| rAgAbhiShiktanijakeshAdipAdavapurAshApishAchadahanA shrIshAtakuMbhanibhapAshA~NkushAbharaNanAshAntakAnuchara! bhoH | bhIshADvalAharaNagoshAbakAvanatakoshAdhipAshu bhagavan pAshATavI bhava hR^itAshAshayAvapishitAshA hi bhogabhugamum || 4|| santApasantatinishAntAvasantamayi kAntAyugAntararate, kintAvake hR^idi nitAntAkulAshayamahantAnapetamavitum | kintAmasaM bhavasi, chintAmaNIruchirasantAnapAdapadava\- shchintAdhutAntarujamantAdihIna kuru mAntAvakInabhajanam || 5|| sImAvihInaguNa somAvachUDa jitakAmAbhimAna sumate! bhUmAdhavAdinuta bhUmAsamAna, purakAmAndhakAntakaguro | nAmAlijApijanakAmAvasAnaphaladAmAshamAtanu vibho, hemAruNAhitanikAmAtibhIma, guha sAmAdi vedavidayam || 6|| vedAnugItanutapAdAravindayugamAdAya sevanavidhe\- rAdAvamuM sarasamAdAtukAma shubhakedArakelinilaye | tAdAtmyalInamatisAdApanoda, sakalAdAnadaivatataro bhUdAsakalpalatikodAradAma kuru modAMburAshivasatim || 7|| ki~nchAsuradviradapa~nchAnanapraNavasa~nchArihaMsasamane ki~nchApalannamana, tu~nchAnujIvi mama si~nchAmR^itAbha kR^ipayA | pa~nchAnanapraNaya ka~nchApi shAsikati mu~nchAshu baddhakamatiM pa~nchAshugArisurapa~nchAnanAtmajamima~nchApi pAhi satatam || 8|| kAlAya shItaruchibAlAvachUDa, shubhashIlAvadhUtadurita shrIlAghamIvarada lIlAhivArisakha bAlAshayAshayashuche | kAlAnalopamita phAlAvalokanaka ##blank. Missing line## velayudho mahati kolAhalAravasulIlA tanotu kushalam || 9|| \medskip\hrule\medskip 6\. guhAShTakam shAntaM shaMbhutanUjaM satyamanAdhAraM jagadAdhAraM j~nAtR^ij~nAnanirantaralokaguNAtItaM guruNAtItam | vallIvatsalabhR^i~NgAraNyakatAruNyaM varakAruNyaM senAsAramudAraM praNamata deveshaM guhamAvesham || 1|| viShNubrahmasamarchyaM bhaktajanAdityaM varuNAtithyaM bhAvAbhAvajagattrayarUpamathArUpaM jitasArUpam | nAnAbhuvanasamAdheyaM vinutAdheyaM vararAdheyaM keyurA~NganiSha~NgaM praNamata deveshaM guhamAvesham || 2|| skandaM ku~NkumavarNaM spandamudAnandaM paramAnandaM jyotiHstomanirantararamyamahassAmyaM manasAyAmyam | mAyAshR^i~NkhalabandhavihInamanAdInaM paramAdInaM shokApetamudAttaM praNamata deveshaM guhamAvesham || 3|| vyAlavyAvR^itabhUShaM bhasmasamAlepaM bhuvanAlepaM jyotishchakrasamarpitakAyamanAkAyavyayamAkAyam | bhaktatrANanashaktyA yuktamanudyuktaM praNayAsaktaM subrahmaNyamaraNyaM praNamata deveshaM guhamAvesham || 4|| shrImatsundarakAyaM shiShTajanAsevyaM sujaTAsevyaM sevAtuShTasamarpitasUtramahAsatraM nijaShaDvaktram | pratyartthyAnatapAdasaroruhamAvAhaM bhavabhIdAhaM nAnAyonimayoniM praNamata deveshaM guhamAvesham || 5|| mAnyaM munibhiramAnyaM ma~njujaTAsarpaM jitakandarpaM AkalpAmR^itataralatara~NgamanAsa~NgaM sakalAsa~Ngam | bhAsA hyadharitabhAsvantaM bhavikasvAntaM jitabhIsvAntaM kAmaM kAmanikAmaM praNamata deveshaM guhamAvesham || 6|| shiShTaM shivajanatuShTaM budhahR^idayAkR^iShTaM hR^itapApiShThaM nAdAntadyutimekamanekamanAsa~NgaM sakalAsa~Ngam | dAnavinirjitanirjaradArumahAbhIruM timirAbhIruM kAlAkAlamakAlaM praNamata deveshaM guhamAvesham || 7|| nityaM niyamihR^idisthaM satyamanAgAraM bhuvanAgAraM bandhUkAruNalalitasharIramurohAraM mahimAhAraM kaumArIkarapIDitapAdapayojAtaM divi bhUjAtaM kaNThekAlamakAlaM praNamata deveshaM guhamAvesham || 8|| \medskip\hrule\medskip 7\. bAhuleyAShTakaM OM OM OM homadhUmaprakaTataTajaTAkoTibhogiprapUraM AM AM AM AditeyapraNatapadayugAMbhoruhashrIvilAsam | UM UM UM ugranetratrayalasitavapurjyotirAnandarUpaM shrIM shrIM shrIM shIghrachittabhramaharamanishaM bhAvaye bAhuleyam || 1|| hrIM hrIM hrIM hR^iShTaShaTkandharamaghamaraNAraNyasaMvarttavahniM aiM aiM aiM ai~NgudIsatphalamR^idumilitaprAshiyogIndravandyam | klIM klIM klIM kliShTakAyaklamadavadahanakleshanirmUlanAshaM sauM sauM sauM saurakAntibhramaharamanishaM bhAvaye bAhuleyam || 2|| shaM shaM shaM shabdarUpaM shashidharamamalaM sha~NkaraM sAMbamUrtiM shiM shiM shiM shiShTavandyaM shikharinilayanaM shikShitAnekalokam | shuM shuM shuM shubhrahAsaM shubhakaramatisandehasandohanAshaM shauM shauM shauM shauklitA~NgaM sitabhasitagaNairbhAvaye bAhuleyam || 3|| raM raM raM ramyadehaM rajatagirigR^ihaM raktapadmA~NghriyugmaM riM riM riM riktashokaprakR^itiparamajaMghAlamAnIlanetram | ruM ruM ruM rUkShakAyapratibhaTahananaM raktakausheyavastraM rauM rauM rauM rauM rauravAdidrutaharakuharaM bhAvaye bAhuleyam || 4|| haM haM haM haMsayogipravarasukhakaraM hastalakShmIsametaM hiM hiM hiM hInamAnaM hitasukhavaradaM hiMsayApetakIlam | huM huM huM huMkR^itidhvaMsitarajanicharakrauryakauTilyamUrtiM haiM haiM haiM haimakuMbhAyatakarasahajaM bhAvaye bAhuleyam || 5|| NaM NaM NaM nandikeshapravarabhujaganirvighnakarmaprapa~nchaM NiM NiM NiM nIlakaNThapriyasutamajitaM nirmalA~NgaM nirIham | NuM NuM NuM NuttanAbhottaranibhR^itanirAlaMbakaivalyamUrtiM NauM NauM NauM nAmarUpAtmakajagadakhilaM bhAvaye bAhuleyam || 6|| bhaM bhaM bhaM bhAgadheyaM bhagavadanucharaprA~njalistotrapUraM bhiM bhiM bhiM bhImanAdAntakamadanaharaM bhIShitArAtivargam | bhuM bhuM bhuM bhUtibhUShArchchitamamitasamastArthashAstrAntara~NgaM bhauM bhauM bhauM bhaumamukhyaM grahagaNanapaTuM bhAvaye bAhuleyam || 7|| vaM vaM vaM vAhinIshaM valaripunilayastotrasampatsamUhaM viM viM viM vIrabAhuprabhR^itisahacharaM vighnarAjAnujAtam | vuM vuM vuM bhUtanAthaM bhuvananilayanaM bhUrikalyANashIlaM vauM vauM vauM bhAvitAripratibhayamanishaM bhAvaye bAhuleyam || 8|| \medskip\hrule\medskip shivastotram 8\. chidaMbarAShTakam brahmamukhAmaravanditali~NgaM janmajarAmaraNAntakali~Ngam | karmanivAraNakaushalali~NgaM tanmR^idu pAtu chidaMbarali~Ngam || 1|| kalpakamUlapratiShThitali~NgaM darpakanAshayudhiShThirali~Ngam | kuprakR^itiprakarAntakali~NgaM tanmR^idu pAtu chidaMbarali~Ngam || 2|| skandagaNeshvarakalpitali~NgaM kinnarachAraNagAyakali~Ngam | pannagabhUShaNapAvanali~NgaM tanmR^idu pAtu chidaMbarali~Ngam || 3|| sAMbasadAshivasha~Nkarali~NgaM kAmyavarapradakomalali~Ngam | sAmyavihInasumAnasali~NgaM tanmR^idu pAtu chidaMbarali~Ngam || 4|| kalimalakAnanapAvakali~NgaM salilataraMgavibhUShaNali~Ngam | palitapataMgapradIpakali~NgaM tanmR^idu pAtu chidaMbarali~Ngam || 5|| aShTatanupratibhAsurali~NgaM viShTapanAthavikasvarali~Ngam | shiShTajanAvanashIlitali~NgaM tanmR^idu pAtu chidaMbarali~Ngam || 6|| antakamardanabandhurali~NgaM kR^intitakAmakalevarali~Ngam | jantuhR^idisthitajIvakali~NgaM tanmR^idu pAtu chidaMbarali~Ngam || 7|| puShTadhiyassu chidaMbarali~NgaM dR^iShTamidaM manasAnupaThanti | aShTakametadavA~NmanasIyaM aShTatanuM prati yAnti narAste || 8|| \medskip\hrule\medskip sa.nkIrNAni 9\. jAtinirNayam manuShyANaM manuShyatvaM jAtirgotraM gavAM yathA | na brAhmaNAdirasyaivaM hA tattvaM vetti ko.api na || \medskip\hrule\medskip 10\. dharmaH dharma eva paraM daivaM dharma eva mahAdhanam | dharmassarvatra vijayI bhavatu shreyase nR^iNAm || \medskip\hrule\medskip 11\. Ashramam Ashrame.asmin guruH kashchidvidvAn munirudAradhIH | samadR^iShTiH shAntagaMbhIrAshayo vijitendriyaH || 1|| paropakArI syAddInadayAluH satyavAkpaTuH | sadAchArarataH shIghrakartavyakR^idatandritaH || 2|| adhiShThAyAsya netR^itvaM kuryAt kA~nchit sabhAM shubhAm | asyAmAyAnti ye te syuH sarve sodarabuddhayaH || 3|| yadvadatraiva tadvachcha strINAM puMsAM pR^ithak pR^ithak | vidyAlayA dishi dishi kriyantAmAshramAH sabhAH || 4|| ekaikasyAmAsu netA chaikaikaH syAdvichakShaNaH sarvAbhiranubandho.advaitAshramasyAbhiranvaham || 5|| \medskip\hrule\medskip 12\. municharyApa~nchakam ityAdi vAdoparataM mahAntaM prashAntagaMbhIranijasvabhAvam | shoNAchale shrIramaNaM samIkShya provAcha nArAyaNasaMyamIndraH || bhujaH kimupadhAnatAM kimu na kuMbhinI ma~nchatAM vrajet vR^ijinahAriNI svapadapAtinI medinI | muneraparasampadA kimiha muktarAgasya ta\- ttvamasyadhigamAdayaM sakalabhogyamatyashnute || 1|| muniH pravadatAM varaH kvachana vAgyamI paNDito vimUDha iva paryaTan kvachana saMsthito.apyutthitaH | sharIramadhigamya cha~nchalamanehasA khaNDitaM bhajatyanishamAtmanaH padamakhaNDabodhaM param || 2|| ayAchitamalipsayA niyatidattamannaM muni\- stanoH sthitaya ityadan pathi shayAnako.avyAkulaH | sadAtmadR^iganashvaraM svaparamAtmanoraikyataH sphuran nirupamaM padaM nijamupaiti sachchit sukham || 3|| asatsaditi vAdato bahirachintyamagrAhyama\- NvakharvamamalaM paraM stimitanimnamatyunnatam | parA~Nmukha itastataH parisameti turyaM padaM munissadasatoradvayAduparigantumabhyudyataH || 4|| svaveshmani vane tathA pulinabhUmiShu prAntare kva vA vasatu yogino vasati mAnasaM brahmaNi | idaM marumarIchikAsadR^ishamAtma,dR^iShTyAkhilaM nirIkShya ramate munirnirupame parabrahmaNi || 5|| \medskip\hrule\medskip dArshanikakriyAH 13\. darshanamAlA 1\. adhyAropadarshanam AsIdagre.asadevedaM bhuvanaM svapnavatpunaH | sasarja sarvaM sa~NkalpamAtreNa parameshvaraH || 1|| vAsanAmayamevAdAvAsIdidamatha prabhuH | asR^ijanmAyayA svasya mAyAvIvAkhilaM jagat || 2|| prAgutpatteridaM svasmin vilInamatha vai svataH | bIjAda~Nkuravatsvasya shaktirevAsR^ijatsvayam || 3|| shaktistu dvividhA j~neyA taijasI tAmasIti cha | sahavAso.anayornAsti tejastimirayoriva || 4|| manomAtramidaM chitramivAgre sarvamIdR^isham | prApayAmAsa vaichitryaM bhagavAMshchitrakAravat || 5|| AsIt prakR^itirevedaM yathA.adau yogavaibhavaH | vyatanodatha yogIva siddhijAlaM jagatpatiH || 6|| yadA.a.atmavidyAsa~NkochastadA.avidyA bhaya~Nkaram | nAmarUpAtmanA.atyarthaM vibhAtIha pishAchavat || 7|| bhaya~NkaramidaM shUnyaM vetAlanagaraM yathA | tathaiva vishvamakhilaM vyakarodadbhutaM vibhuH || 8|| arkAdyathAkramaM vishvaM tathA naivedamAtmanaH | supteriva prAdurAsIdyugapatsvasya vIkShayA || 9|| dhAnAdiva vaTo yasmAt prAdurAsIdidaM jagat | sa brahmA sa shivo viShNuH sa paraH sarva eva saH || 10|| 2\. apavAdadarshanam chaitanyAdAgataM sthUlasUkShmAtmakamidaM jagat | asti chetsadghanaM sarvaM nAsti chedasti chidghanam || 1|| anyanna kAraNAtkAryamasadetadato.akhilam | asataH kathamutpattiranutpannasya ko layaH || 2|| yasyotpattirlayo nAsti tatparaM brahma netarat | utpattishcha layo.astIti bhramatyAtmani mAyayA || 3|| kAraNAvyatiriktatvAt kAryasya kathamastitA | bhavatyataH kAraNasya kathamasti cha nAstitA || 4|| kAryatvAdasato.asyAsti kAraNaM na hyato jagat | brahmaiva tarhi sadasaditi muhyati mandadhIH || 5|| ekasyaivAsti sattA chedanyasyAsau kva vidyate | satyasyAtmAshrayo yadyapyasati syAdasaMbhavaH || 6|| vibhajyAvayavaM sarvamekaikaM tatra dR^ishyate | chinmAtramakhilaM nAnyaditi mAyAvidUragam || 7|| chideva nAnyadAbhAti chitaH paramato na hi | yachcha nAbhAti tadasadyadasattanna bhAti cha || 8|| Ananda evAsti bhAti nAnyaH kashchidato.akhilam | Anandaghanamanyanna vinA.a.anandena vidyate || 9|| sarvaM hi sachchidAnandaM neha nAnA.asti ki~nchana | yaH pashyatIha nAneva mR^ityormR^ityuM sa gachChati || 10|| 3\. asatyadarshanam manomayamidaM sarvaM na manaH kvApi vidyate | ato vyomnIva nIlAdi dR^ishyate jagadAtmani || 1|| manaso.ananyayA sarvaM kalpyate.avidyayA jagat | vidyayA.asau layaM yAti tadAlekhyamivAkhilam || 2|| vijR^iMbhate yattamaso bhIroriha pishAchavat | tadidaM jAgrati svapnalokavad dR^ishyate budhaiH || 3|| sa~NkalpakalpitaM dR^ishyaM sa~Nkalpo yatra vidyate | dR^ishyaM tatra cha nAnyatra kutrachidrajjusarpavat || 4|| sa~Nkalpamanaso kashchinna hi bhedo.asti yanmanaH | tadavidyAtamaH prakhyamindrajAlamivAdbhutam || 5|| marIchikAvat prAj~nasya jagadAtmani bhAsate | bAlasya satyamiti cha pratibiMbamiva bhramAt || 6|| AtmA na kShIravadyAti rUpAntaramato.akhilam | vivartamindrajAlena vidyate nirmitaM yathA || 7|| mAyaiva jagatAmAdikAraNaM nirmitaM tayA | sarvaM hi mAyino nAnyadasatyaM siddhijAlavat || 8|| vibhAti vishvaM vR^iddhasya viyadvanamivAtmani | asatyaM putrikArUpaM bAlasyeva viparyayaH || 9|| ekaM satyaM na dvitIyaM hyasatyaM bhAti satyavat | shilaiva shivaliMgaM na dvitIyaM shilpinA kR^itam || 10|| 4\. mAyAdarshanam na vidyate yA sA mAyA vidyA.avidyA parA.aparA | tamaH pradhAnaM prakR^itirbahudhA saiva bhAsate || 1|| prAgutpatteryathA.abhAvo mR^ideva brahmaNaH pR^ithak | na vidyate brahma hi yA sA mAyA.ameyavaibhavA || 2|| anAtmA na sadAtmA saditi vidyotate yayA | sA vidyeyaM yathA rajjusarpatattvAvadhAraNam || 3|| AtmA na sadanAtmA saditi vidyotate yayA | saivAvidyA yathA rajjusarpayorayathArthadR^ik || 4|| indriyANi manobuddhI pa~nchaprANAdayo yayA | visR^ijyante saiva parA sUkShmAMgAni chidAtmanaH || 5|| aMgAnyetAnyavaShTabhya sukhI duHkhIva muhyati | chidAtmA mAyayA svasya tattvato.asti na ki~nchana || 6|| indriyANAM hi viShayaH prapa~ncho.ayaM visR^ijyate | yayA saivA.aparA.adhyAtmasthUlasa~NkalpanAmayI || 7|| shuktikAyAM yathA.aj~nAnaM rajatasya yadAtmani | kalpitasya nidAnaM tattama ityavagamyate || 8|| dhIyate.asmin prakarSheNa bIje vR^ikSha ivAkhilam | ataH prAdhAnyato vA.asya pradhAnamiti kathyate || 9|| karotIti prakarSheNa prakR^ityaiva guNAn pR^ithak | nigadyate.asau prakR^itiriti ha triguNAtmikA || 10|| 5\. bhAnadarshanam antarbahirvadAsInaM sadA bhramaracha~nchalam | bhAnaM dvidhaiva sAmAnyaM visheSha iti bhidyate || 1|| sthUlaM sUkShmaM kAraNaM cha turyaM cheti chaturvidham | bhAnAshrayaM hi tannAma bhAnasyApyupacharyate || 2|| dR^ishyatAmiha kAyo.ahaM ghaTo.ayamiti dR^ishyate | sthUlamAshritya yadbhAnaM sthUlaM taditi manyate || 3|| atra kAyo ghaTa iti bhAnaM yattadvishiShyate | tathA.ahamayamiti yat sAmAnyamiti cha smR^itam || 4|| indriyANi manobuddhI viShayAH pa~nchavAyavaH | bhAsyante yena tatsUkShmamasya sUkShmAshrayatvataH || 5|| aj~no.ahamiti yadbhAnaM tatkAraNamudAhR^itam | atrAhamiti sAmAnyaM visheSho.aj~na iti sphurat || 6|| ahaM brahmeti yadbhAnaM tatturyamiti shaMsyate | sAmAnyamahamityaMsho brahmetyatra vishiShyate || 7|| yatra bhAnaM tatra bhAsyaM bhAnaM yatra na tatra na | bhAsyamityanvayenApi vyatirekeNa bodhyate || 8|| yathA dR^igdR^ishamAtmAnaM svayamAtmA na pashyati | ato na bhAsyate hyAtmA yaM pashyati sa bhAsyate || 9|| yadbhAsyate tadadhyastamanadhyastaM na bhAsyate | yadadhyastaM tadasadapyanadhyastaM sadeva tat || 10|| 6\. karmadarshanam Atmaiva mAyayA karma karoti bahurUpadhR^ik | asaMgaH svaprakAsho.api nidrAyAmiva taijasaH || 1|| manye vadAmi gR^ihNAmi shR^iNomItyAdi rUpataH | kriyate karma paramAtmanA chittendriyAtmanA || 2|| Atmaiva karmaNaH pUrvamanyat ki~nchinna vidyate | tataH svenaiva karmANi kriyante nijamAyayA || 3|| shaktirastyAtmanaH kAchiddurghaTA na pR^ithak svataH | tayaivAropyate karma nikhilaM niShkriyAtmani || 4|| sarvadA.asaMga evAtmA.aj~natayA karma saMgivat | karoti na karomIti na j~naH karmasu sajjate || 5|| jvalati jvalano vAyurvAti varShati vAridaH | dharAtmA san dharati khalveko vahati vAhinI || 6|| UrddhvaM prANo hyadho.apAnaH khalveko yAti niShkriyaH | nADyantarAle dhamati krandati spandati sthitaH || 7|| asti janmarddhipariNatyapakShayavinAshanam | ShaDbhAvamiha yo yAti sa nAnyo.avikriyAtmanaH || 8|| svayaM kriyante karmANi karaNairindriyairapi | ahaM tvasaMgaH kUTastha iti jAnAti kovidaH || 9|| dR^ishyatvAd bhAsyamahamapyato.ahaM shuktiraMgavat | adhyastameka evAdya shvo.api sarvopari sthitaH || 10|| 7\. j~nAnadarshanam j~nAnamekaM hi nirupAdhikaM sopAdhikaM cha tat | aha~NkArAdihInaM yajj~nAnaM tannirupAdhikam || 1|| ahantayAntarbahirasti yadevamidantayA | bhAnavR^ittyA.anvitaM yattu j~nAnaM sopAdhikaM matam || 2|| anAtmanAmaha~NkArAdInAM yenAnubhUyate | sAkShI tadAtmaj~nAnaM syAdyenaivAmR^itamashnute || 3|| aha~NkArAdi kAryaM yadanAtmakamasaMkhyakam | yenAvagamyate.anAtmaj~nAnaM tadavadhAryate || 4|| yathAvadvastuvij~nAnaM rajjutattvAvabodhavat | yattadyathArthavij~nAnamayathArthamato.anyathA || 5|| yatsAnnidhyAdeva sarvaM bhAsate svayameva tat | pratyakShaj~nAnamiti chAparokShamiti lakShyate || 6|| yayAnu.asAdhakaM sAdhyaM mIyate j~nAnarUpayA | vR^ittyA sA.anumitiH sAhacharyasaMskArajanyayA || 7|| gatvA samIpaM meyasya mIyate shrutalakShaNaH | yayA saMvit sopamitirmR^igo.ayamiti rUpayA || 8|| ahaM mameti j~nAnaM yadidaM taditi yachcha tat | jIvaj~nAnaM tadaparamindriyaj~nAnamiShyate || 9|| oM tat saditi nirddiShTaM brahmAtmaikyamupAgatam | kalpanAdivihInaM yattat paraj~nAnamIryate || 10|| 8\. bhaktidarshanam bhaktirAtmAnusandhAnamAtmA.a.anandaghano yataH | AtmAnamanusandhatte sadaivAtmavidAtmanA || 1|| anusandhIyate brahma brahmAnandaghanaM yataH | sadA brahmAnusandhAnaM bhaktirityavagamyate || 2|| Anandameva dhyAyanti sarve duHkhaM na kashchana | yadAnandaparaM dhyAnaM bhaktirityupadishyate || 3|| Atmaiva brahma bhajati nAnyamAtmAnamAtmavit | bhajatIti yadAtmAnaM bhaktirityabhidhIyate || 4|| Ananda AtmA brahmeti nAmaitasyaiva tanyate | iti nishchitadhIryasya sa bhakta iti vishrutaH || 5|| Anando.ahamahaM brahmAtmA.ahamasmIti rUpataH | bhAvanA satataM yasya sa bhakta iti vishrutaH || 6|| bhAryA bhajati bharttAraM bharttA bhAryAM na kevalam | svAnandameva bhajati sarvo.api viShayasthitam || 7|| evaM pashyati kutrApi vidvAnAtmasukhaM vinA | na ki~nchidaparaM tasya bhaktireva garIyasI || 8|| lokasya pitari svasya gurau pitari mAtari | satyasya sthApitari cha tatpathenaiva yAtari || 9|| niyantari niShiddhasya sarveShAM hitakartari | yo.anurAgo bhaktiratra sA parA paramAtmani || 10|| 9\. yogadarshanam satataM yojayati yadyunakti cha chidAtmani | manonirodharUpo.ayaM sa yoga iti shaMsitaH || 1|| na draShTA darshanaM dR^ishyaM vidyate yatra tatra hR^it | yojayedvAsanA yAvadyogo.ayamiti yogavit || 2|| nAmarUpamidaM sarvaM brahmaiveti vilIyate | yadbrahmaNi mano nityaM sa yoga iti nishchitaH || 3|| chittasya tailadhArAvadvR^ittyA.a.avichChinnayA.a.atmani | nirantaraM ramyate yat sa yogo yogibhiH smR^itaH || 4|| yato yato mano yAti sadA.a.atmani tatastataH | niyamya yojayedetadyogo.ayaM yujyatAmiha || 5|| sarvAnarthakaraH puMsAM sa~NkalpaH kalpitaiH saha | unmUlya vAsanAjAlairyenAtmani nirudhyate || 6|| dR^ishyasya na dR^isho.astitvamato dR^ishyaM dR^igAtmakam | iti yu~njIta dR^igrUpe yaH sa yogavidAM varaH || 7|| yadA piban manobhR^iMgaH svAnandamadhumAdhurIm | na spandati vashIkR^itya yojito yogavAyunA || 8|| dhyAnamantarbhruvordR^iShTirjihvAgraM laMbikordhvataH | yadA syAt khecharImudrA nidrAlasyAdinAshinI || 9|| j~nAnaM karmeti loke.asmin dvidhA yogaH samAsataH | anayoryogavistAraH sarvaH parisamApyate || 10|| 10\. nirvANadarshanam nirvANaM dvividhaM shuddhamashuddhaM cheti tatra yat | shuddhaM nirvAsanaM tadvadashuddhaM vAsanAnvitam || 1|| atishuddhaM shuddhamiti shuddhaM cha dvividhaM tathA | ashuddhashuddhaM chAshuddhamashuddhAshuddhamuchyate || 2|| atishuddhaM tridhA pashchAdvare chaikaM varIyasi | ekamekaM variShThe.atha shuddhaM bahmavidi sthitam || 3|| ashuddhashuddhaM virajastamo.anyat sarajastamaH | mumukShau prathamaM vidyAt dvitIyaM siddhikAmiShu || 4|| dagdhvA j~nAnAgninA sarvamuddishya jagatAM hitam | karoti vidhivat karma brahmavidbrahmaNi sthitaH || 5|| sanyasya sarvakarmANi satataM brahmaniShThayA | yashcharatyavanau dehayAtrAyai brahmavidvaraH || 6|| anyena vedito vetti na vetti svayameva yaH | sa varIyAn sadA brahmanirvANamayamashnute || 7|| svayaM na vetti ki~nchinna vedito.api tathaiva yaH | sa variShThaH sadA vR^ittishUnyo.ayaM brahma kevalam || 8|| heyopAdeyatA na hyasyAtmA yA svaprakAshakaH | iti matvA nivartteta vR^ittirnAvartate punaH || 9|| ekamevAdvitIyaM brahmAsti nAnyanna saMshayaH | iti vidvAn nivarteta dvaitAnnAvartate punaH || 10|| oM tat sat \medskip\hrule\medskip 14\. brahmavidyA pa~nchakam nityAnityavivekato hi nitarAM nirvedamApadya sad\- vidvAnatra shamAdiShaTkalasitaH syAnmuktikAmo bhuvi | pashchAdbrahmaviduttamaM praNatisevAdyaiH prasannaM guruM pR^ichChet ko.ahamidaM kuto jagaditi svAmin! vada tvaM prabho! || 1|| tvaM hi brahma na chendriyANi na mano buddhirna chittaM vapuH prANAha~NkR^itayo.anyadapyasadavidyAkalpitaM svAtmani | sarvaM dR^ishyatayA jaDaM jagadidaM tvattaH paraM nAnyato jAtaM na svata eva bhAti mR^igatR^iShNAbhaM darIdR^ishyatAm || 2|| vyaptaM yena charAcharaM ghaTasharAvAdIva mR^itsattayA yasyAntaHsphuritaM yadAtmakamidaM jAtaM yato vartate | yasmin yat pralaye.api sadghanamajaM sarvaM yadanveti tat satyaM vidhyamR^itAya nirmaladhiyo yasmai namaskurvate || 3|| sR^iShTvedaM prakR^iteranupravishatI yeyaM yayA dhAryate prANIti praviviktabhugbahirahaM prAj~nassuShuptau yataH | yasyAmAtmakalA sphuratyahamiti pratyantara~NgaM janai\- ryasyai svasti samarthyate pratipadA pUrNA shR^iNu tvaM hi sA || 4|| praj~nAnaM tvahamasmi tattvamasi tad brahmAyamAtmeti saM\- gAyan viprachara prashAntamanasA tvaM brahmabodhodayAt | prArabdhaM kvanu sa~nchitaM tava kimAgAmi kva karmApyasat tvayyadhyastamato.akhilaM tvamasi sachchinmAtramekaM vibhuH || 5|| \medskip\hrule\medskip 15\. nirvR^itipa~nchakam ko nAma deshaH kA jAtiH pravR^ittiH kA kiyadvayaH | ityAdi vAdoparatiryasya tasyaiva nirvR^itiH || 1|| AgachCha gachCha mA gachCha pravisha kva nu gachChasi | ityAdi vAdoparatiryasya tasyaiva nirvR^itiH || 2|| kva yAsyAsi kadA.a.ayAtaH kuta AyAsi ko.asi vai | ityAdi vAdoparatiryasya tasyaiva nirvR^itiH || 3|| ahaM tvaM soya.amantarhi bahirasti na vAsti vA | ityAdi vAdoparatiryasya tasyaiva nirvR^itiH || 4|| j~nAtAj~nAtasamaH svAnyabhedashUnyaH kuto bhidA | ityAdi vAdoparatiryasya tasyaiva nirvR^itiH || 5|| \medskip\hrule\medskip 16\. shlokatrayI asti dharmItyanumitiH kathaM bhavati vAgapi | asannikR^iShTatvAdasmin pratyakShamanumAnavat || 1|| na vidyate.asti dharmIti pratyakShamanumAnavat | mAnAbhAvAdasau neti bodha evAvashiShyate || 2|| asannikR^iShTatvAdasya pratyakShaM dharmadharmiNoH | asR^iShTasAhacharyAchcha dharmiNyanumitiH kutaH? || 3|| \medskip\hrule\medskip 17\. homamantram OM agne tava yattejastadbrAhmaM atastvaM pratyakShaM brahmAsi tvadIyA indriyANi mano buddhiriti saptajihvAH tvayi viShayA iti samidho juhomi ahamityAjyaM juhomi tvaM naH prasIda prasIda shreyashcha preyashcha prayachCha svAhA oM shAntiH shAntiH shAntiH \medskip\hrule\medskip 18\. vedAntasUtram atha yadAtmano jij~nAsustadidaM brahmaivAham || 1|| kiM tasya lakShaNamasya cha kati gaNanayeti || 2|| tajjyotiH || 3|| tenedaM prajvalitam || 4|| tadidaM sadasaditi || 5|| bhUyo sataH sadasaditi || 6|| sachChabdAdayo.asadabhAvashcheti || 7|| pUrvaM sadidamanusR^itya chakShurAdayashchaikaM cheti || 8|| j~nAtR^ij~nAnayoranyonyaviShayaviShayitvAnmithunatvamiti || 9|| evaM j~nAnaj~neyavibhAge || 10|| ekaikaM rudratvamAsIditi || 11|| brahmaivAhaM tadidaM brahmaivAhamasmi || 12|| atItAgAminorasattvaM yataH yadetadanvichChata || 13|| pariNAmaM tataH || 14|| sadasatoranyonyakAryakAraNatvAt || 15|| ahaM mameti vij~nAtaH || 16|| matto nAnyastadvat tasmAt || 17|| dR^igdR^ishyayoH samAnakAlInatvAt || 18|| sukhaikatvAt || 19|| vyApakatayA dishAmastitvAt || 20|| aNumahadavayavatAratamyasyAbhAvAt || 21|| asato.avyApakatvAt || 22|| AtmAnyat ki~nchinnAsti || 23|| tasmAt tasya sattvAchcha || 24|| \medskip\hrule\medskip 19\. chaTTampi swAminaH mahAsamAdhimanubadhya kR^itau samAdhi shlokau sarvaj~naH R^iShirutkrAntaH sadguruH shukavartmanA | AbhAti paramavyomni paripUrNakalAnidhiH || 1|| lIlayA kAlamadhikaM nItvA.ante sa mahAprabhuH | nissvaM vapuH samutsR^ijya svaM brahma vapurAsthitaH || 2|| ## Encoded by Shankara and P. S. Ramachandran Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}