% Text title            : Upadesha Panchadashi
% File name             : upadeshapanchadashI.itx
% Category              : major\_works, upadesha, advice, panchadashI
% Location              : doc\_z\_misc\_major\_works
% Author                : Satyanarayan Sharma
% Transliterated by     : Sumedh Sathaye
% Proofread by          : Sumedh Sathaye, NA
% Latest update         : September 10, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Upadesha Panchadashi ..}##
\itxtitle{.. upadeshapa~nchadashI ..}##\endtitles ##
aho lokA yUyaM kimiha vitathe vishvaviShaye
vR^ithA sattvaM mattvA satatamanuraktA hatadhiyaH |
pitA mAtA bhrAtA tanayatanayAdyAH parijanAH
kva yAtA vishleSho.api na manasi yeShAmanumitaH || 1||
yadutpannaM vittaM kR^itavividhayatnairavihitaiH
samutsR^ijya prANAnapi vadata tadvaH kimabhavat |
sharIraM svAdvannairyadiha paripuShTaM pratidinaM
tadetatsambhAvyaM kR^imishamalabhasmAkhyamadhunA || 2||
gatA bAlAvasthA gatamapi cha tAruNyamachirAt
samAyAtaM hanta sthaviravaya AgantukamR^iti |
tathApyantashchetasyahaha nahi yuShmAkamadhunA
mahAkAlavyAlagrasanabhayamAyAti kimiti || 3||
durantapratyAshAvadhimiha kimeko.api gatavAn
vinA rAgAbhAvaM viShayarasalubdhaH kathamapi |
samAlochyaitadbhostyajata viShayAshAM kShaNikatAM
tanorj~nAtvA shambhuM sharaNamupayAta drutataram || 4||
upAstiryuShmAbhiH kimiha nirapekShasya kriyate
kalatrAdermUDhA muhuranubhavadbhiH paribhavAn |
arebhaktApekShaM kR^ipaNajanabandhuM sakaruNaM
shivaM shAntAkAraM sharaNamupayAta drutataram || 5||
dhanaM me dhAnyaM me shayanamashanaM me parijanaH
kulaM me kaulaM me kR^ipamiti lapantaM bahuvidham |
akasmAdAyAto.anavahitajanaM kAlapuruShaH
sharIrAdAkarShatyakaruNatarastrastahR^idayam || 6||
prabhAtAdArabhya pratidivasamasvasthahR^idayai\-
rbhavadbhishchintyante dharaNidhanadhAmAni pashavaH |
priyAH putrA mitrANyanavaratamAsvApasamayaM
kadAchitsvapne.api smR^itiviShayatAM naiti bhagavAn || 7||
ya ete dR^ishyante sakalaviShayAste.apyaviShayAH
bhaviShyanti prANotkramaNasamaye pUruShadR^ishaH |
gR^ihitvA pAtheyaM sukR^itikukR^itI yAti puruSho
mahatyAM yAtrAyAM tata iha niShevyAsubhakR^itiH || 8||
pravR^ittiH sarveShAM bhavati sukhasid.hdhyai tanubhR^itAM
samAlochyaM sUkShmaM niyatamanasA kiM sukhamiti |
prasannatvaM sattvaM prabhavamanapAyaM hi manasaH
sukhaM doShApannaM taditarasukhaM vedyamasukham || 9||
yaduptattau duHkhaM bhavati khalu guptau yata idaM
yato.apAye.apyetadvadata kathametsukhamaho |
labhante yadyuktA niratishayitaM svAtmani sukhaM
tadevAhustajj~nAH sukhamiti samAdhAnanipuNAH || 10||
bahUn kleshAn bhuktvA manujajanurAsAdya tapasA
vyatIte.asa~NkhyAte.adhamapashupatatrAdijanuShi |
punaH pAtuM mAtusstanamiha bhavanto naramR^igAH
pravR^ittA durvR^ittAH kathayata kimetadvyavasitam || 11||
ya ete manyante manujamiha karttAramabudhA\-
staete sambhrAntA vitathamatavAdAya nipuNAH |
daridraM vidvAMsaM shramakalitanAnodyamaparaM
nirudyogaM mUrkhaM dhaninamalasaM pashyata bhuvi || 12||
bhavantashchintAbhirvyathitahR^idayAmlAnavadanA
kuto bhAvyaM bhAvyaM kimu cha kimu bhAvyaM na bhavati |
kR^itAyAM chintAyAM vadata phalamApyaM kimathavA
samAdhAya svAntaM kR^itaphalarasaM sampivata bhoH || 13||
sthitiH puNyasthAne.amR^itamashanamAshAsuvasanaM
kR^itistIrthasnAnaM pashupatipadAmbhoruharuchiH |
gatiH svAtmAyattA matirakhilavR^ittyA virahitA
bhavantyAnandAya prachuratapasAM shuddhamanasAm || 14||
jaganmithyA mithyA shrutishikharasiddhAntavachanAt
tathA satyaH satyaH shiva iti cha nirNIya nipuNam |
shivaM satyAnandaM bhajata karuNApUrNahR^idayaM
samApanne mR^ityau sharaNamiha kashchinna bhavitA || 15||
eShA pa~nchadashInAmnI kR^itirvairAgyavarddhinI |
hR^idyA hR^idaya AdheyA sAdaraM shravaNAdibhiH || 16||
j~nAnasyovAcha vairAgyaM parAM kAShThAM pata~njaliH |
vachmyahaM tatparaM j~nAnaM tadeva paramAgatiH || 17||

iti shrImithilAdeshAntaragatodyAnagrAmavAstavyena maithilena mahAtmanA jhopAhva
shrIsatyanArAyaNasharmmaNA virachitopadeshapa~nchadashyAH samAptA ||
##

Encoded and proofread by Sumedh Sathaye

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}