% Text title : Vairagya Shatakam by bhartRihari % File name : vairagya.itx % Category : shataka, major\_works, bhartrihari % Location : doc\_z\_misc\_major\_works % Transliterated by : Sunder hattangadi % Proofread by : Sunder hattangadi, P R Iyer, kalyana krrit kalyanakrrit at gmail.com % Description-comments : vairAgya from Bhartrihari@s three hundred-verse sets % Latest update : July 21, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Vairagya Shatakam ..}## \itxtitle{.. vairAgyashatakam ..}##\endtitles ## \section{tR^iShNAdUShaNam |} chUDotta.nsitachandrachArukalikAcha~nchachChikhAbhAsvaro lIlAdagdhavilolakAmashalabhaH shreyodashAgre sphuran | antaHsphUrjadapAramohatimiraprAgbhAramuchchATayanH chetaHsadmani yoginAM vijayate j~nAnapradIpo haraH || 1|| bhrAntaM deshamanekadurgaviShamaM prAptaM na ki~nchitphalaM tyaktvA jAtikulAbhimAnamuchitaM sevA kR^itA niShphalA | bhuktaM mAnavivarjitaM paragR^iheShvAsha~NkayA kAkavat tR^iShNe jR^imbhasi pApakarmapishune nAdyApi santuShyasi || 2|| utkhAtaM nidhisha~NkayA kShititalaM dhmAtA girerdhAtavo nistIrNaH saritAM patirnR^ipatayo yatnena sa.ntoShitAH | mantrArAdhanatatpareNa manasA nItAH shmashAne nishAH prAptaH kANavarATako.api na mayA tR^iShNe sakAmA bhava || 3|| khalAlApAH soDhAH kathamapi tadArAdhanaparaiH nigR^ihyAntarbAShpaM hasitamapi shUnyena manasA | kR^ito vittastambhapratihatadhiyAma~njalirapi tvamAshe moghAshe kimaparamato nartayasi mAm || 4|| amIShAM prANAnAM tulitabisinIpatrapayasAM kR^ite kiM nAsmAbhirvigalitavivekairvyavasitam | yadADhyAnAmagre draviNamadaniHsa.nj~namanasAM kR^itaM vItavrIDairnijaguNakathApAtakamapi || 5|| kShAntaM na kShamayA gR^ihochitasukhaM tyaktaM na sa.ntoShataH soDhA duHsahashItavAtatapanakleshA na taptaM tapaH | dhyAtaM vittamaharnishaM niyamitaprANairna shambhoH padaM tattatkarma kR^itaM yadeva munibhistaistaiH phalairva~nchitAH || 6|| bhogA na bhuktA vayameva bhuktAH tapo na taptaM vayameva taptAH | kAlo na yAto vayameva yAtA\- stR^iShNA na jIrNA vayameva jIrNAH || 7|| valIbhirmukhamAkrAntaM palitenA~NkitaM shiraH | gAtrANi shithilAyante tR^iShNaikA taruNAyate || 8|| nivR^ittA bhogechChA puruShabahumAno.api galitaH samAnAH svaryAtAH sapadi suhR^ido jIvitasamAH | shanairyaShTyutthAnaM ghanatimiraruddhe cha nayane aho mUDhaH kAyastadapi maraNApAyachakitaH || 9|| AshA nAma nadI manorathajalA tR^iShNAtara~NgAkulA rAgagrAhavatI vitarkavihagA dhairyadrumadhva.nsinI | mohAvartasudustarAtigahanA prottu~NgachintAtaTI tasyAH pAragatA vishuddhamanaso nandanti yogIshvarAH || 10|| \section{viShayaparityAgaviDambanA |} na sa.nsArotpannaM charitamanupashyAmi kushalaM vipAkaH puNyAnAM janayati bhayaM me vimR^ishataH | mahadbhiH puNyaughaishchiraparigR^ihItAshcha viShayA mahAnto jAyante vyasanamiva dAtuM viShayiNAm || 11|| avashyaM yAtArashchirataramuShitvApi viShayA viyoge ko bhedastyajati na jano yatsvayamamUn | vrajantaH svAtantryAdatulaparitApAya manasaH svayaM tyaktA hyete shamasukhamanantaM vidadhati || 12|| brahmaj~nAnavivekanirmaladhiyaH kurvantyaho duShkaraM yanmu~nchantyupabhogabhA~njyapi dhanAnyekAntato niHspR^ihAH | samprAptAnna purA na samprati na cha prAptau dR^iDhapratyayAn vA~nChAmAtraparigrahAnapi paraM tyaktuM na shaktA vayam || 13|| dhanyAnAM girikandareShu vasatAM jyotiH paraM dhyAyatAM AnandAshrukaNAnpibanti shakunA niHsha~Nkama~NkeshayAH | asmAkaM tu manorathoparachitaprAsAdavApItaTa\- krIDAkAnanakelikautukajuShAmAyuH paraM kShIyate || 14|| bhikShAshanaM tadapi nIrasamekavAraM shayyA cha bhUH parijano nijadehamAtram | vastraM vishIrNashatakhaNDamayI cha kanthA hA hA tathApi viShayA na parityajanti || 15|| stanau mA.nsagranthI kanakakalashAvityupamitau mukhaM shleShmAgAraM tadapi cha shashA~Nkena tulitam | sravanmUtraklInnaM karivarashiraspardhi jaghanaM muhurnindyaM rUpaM kavijanavisheShairguru kR^itam || 16|| eko rAgiShu rAjate priyatamAdehArdhahArI haro nIrAgeShu jano vimuktalalanAsa~Ngo na yasmAtparaH | durvArasmarabANapannagaviShavyAviddhamugdho janaH sheShaH kAmaviDambitAnna viShayAnbhoktuM na moktuM kShamaH || 17|| ajAnandAhAtmyaM patatu shalabhastIvradahane sa mIno.apyaj~nAnAdvaDishayutamashnAtu pishitam | vijAnanto.apyete vayamiha vipajjAlajaTilAn na mu~nchAmaH kAmAnahaha gahano mohamahimA || 18|| tR^iShA shuShyatyAsye pibati salilaM shItamadhuraM kShudhArtaH shAlyAnnaM kavalayati mA.nsAdikalitam | pradIpte kAmAgnau sudR^iDhataramAli~Ngati vadhUM pratIkAraM vyAdheH sukhamiti viparyasyati janaH || 19|| tu~NgaM veshma sutAH satAmabhimatAH sa.nkhyAtigAH sampadaH kalyANI dayitA vayashcha navamityaj~nAnamUDho janaH | matvA vishvamanashvaraM nivishate sa.nsArakArAgR^ihe sa.ndR^ishya kShaNabha.nguraM tadakhilaM dhanyastu sa.nnyasyati || 20|| \section{yA~nchAdainyadUShaNam |} dInA dInamukhaiH sadaiva shishukairAkR^iShTajIrNAmbarA kroshadbhiH kShudhitairnirannavidhurA dR^ishyA na chedgehinI | yA~nchAbha~Ngabhayena gadgadagalattruTyadvilInAkSharaM ko dehIti vadetsvadagdhajaTharasyArthe manasvI pumAn || 21|| abhimatamahAmAnagranthiprabhedapaTIyasI gurutaraguNagrAmAmbhojasphuTojjvalachandrikA | vipulavilasallajjAvallIvitAnakuThArikA jaTharapiTharI duShpUreyaM karoti viDambanam || 22|| puNye grAme vane vA mahati sitapaTachChannapAliM kapAliM hyAdAya nyAyagarbhadvijahutahutabhugdhUmadhUmropakaNThe | dvAraM dvAraM praviShTo varamudaradarIpUraNAya kShudhArto mAnI prANaiH sanAtho na punaranudinaM tulyakulyeShu dInaH || 23|| ga~NgAtara~NgakaNashIkarashItalAni vidyAdharAdhyuShitachArushilAtalAni | sthAnAni kiM himavataH pralayaM gatAni yatsAvamAnaparapiNDaratA manuShyAH || 24|| kiM kandAH kandarebhyaH pralayamupagatA nirjharA vA giribhyaH pradhvastA vA tarubhyaH sarasaphalabhR^ito valkalinyashcha shAkhAH | vIkShyante yanmukhAni prasabhamapagataprashrayANAM khalAnAM duHkhAptasvalpavittasmayapavanavashAnnartitabhrUlatAni || 25|| puNyairmUlaphalaistathA praNayinIM vR^ittiM kuruShvAdhunA bhUshayyAM navapallavairakR^ipaNairuttiShTha yAvo vanam | kShudrANAmavivekamUDhamanasAM yatreshvarANAM sadA vittavyAdhivikAravihvalagirAM nAmApi na shrUyate || 26|| phalaM svechChAlabhyaM prativanamakhedaM kShitiruhAM payaH sthAne sthAne shishiramadhuraM puNyasaritAm | mR^idusparshA shayyA sulalitalatApallavamayI sahante santApaM tadapi dhaninAM dvAri kR^ipaNAH || 27|| ye vartante dhanapatipuraH prArthanAduHkhabhAjo ye chAlpatvaM dadhati viShayAkShepaparyAptabuddheH | teShAmantaHsphuritahasitaM vAsarANi smareyaM dhyAnachChede shikharikuharagrAvashayyAniShaNNaH || 28|| ye santoShanirantarapramuditAsteShAM na bhinnA mudo ye tvanye dhanalubdhasa.nkuladhiyasteShAM na tR^iShNA hatA | itthaM kasya kR^ite kR^itaH sa vidhinA kIdR^ikpadaM sampadAM svAtmanyeva samAptahemamahimA merurna me rochate || 29|| bhikShAhAramadainyamapratisukhaM bhItichChidaM sarvato durmAtsaryamadAbhimAnamathanaM duHkhaughavidhva.nsanam | sarvatrAnvahamaprayatnasulabhaM sAdhupriyaM pAvanaM shambhoH satramavAryamakShayanidhiM sha.nsanti yogIshvarAH || 30|| \section{bhogAsthairyavarNanam |} bhoge rogabhayaM kule chyutibhayaM vitte nR^ipAlAdbhayaM mAne dainyabhayaM bale ripubhayaM rUpe jarAyA bhayam | shAstre vAdibhayaM guNe khalabhayaM kAye kR^itAntAdbhayaM sarvaM vastu bhayAnvitaM bhuvi nR^iNAM vairAgyamevAbhayam || 31|| AkrAntaM maraNena janma jarasA chAtyujjvalaM yauvanaM santoSho dhanalipsayA shamasukhaM prauDhA~NganAvibhramaiH | lokairmatsaribhirguNA vanabhuvo vyAlairnR^ipA durjanaiH asthairyeNa vibhUtayo.apyupahatA grastaM na kiM kena vA || 32|| AdhivyAdhishatairjanasya vividhairArogyamunmUlyate lakShmIryatra patanti tatra vivR^itadvArA iva vyApadaH | jAtaM jAtamavashyamAshu vivashaM mR^ityuH karotyAtmasAt tatkiM tena nira~Nkushena vidhinA yannirmitaM susthiram || 33|| bhogAstu~Ngatara~Ngabha~NgataralAH prANAH kShaNadhva.nsinaH stokAnyeva dinAni yauvanasukhasphUrtiH priyAsu sthitA | tatsa.nsAramasArameva nikhilaM buddhvA budhA bodhakAH lokAnugrahapeshalena manasA yatnaH samAdhIyatAm || 34|| bhogA meghavitAnamadhyavilasatsaudAminIcha~nchalA AyurvAyuvighaTTitAbjapaTalIlInAmbuvadbha~Nguram | lolA yauvanalAlasAstanubhR^itAmityAkalayya drutaM yoge dhairyasamAdhisiddhasulabhe buddhiM vidhadhvaM budhAH || 35|| AyuH kallolalolaM katipayadivasasthAyinI yauvanashrIH arthAH sa.nkalpakalpA ghanasamayataDidvibhramA bhogapUgAH | kaNThAshleShopagUDhaM tadapi cha na chiraM yatpriyAbhiH praNItaM brahmaNyAsaktachittA bhavata bhavabhayAmbodhipAraM tarItum || 36|| kR^ichChreNAmedhyamadhye niyamitatanubhiH sthIyate garbhavAse kAntAvishleShaduHkhavyatikaraviShamo yauvane chopabhogaH | vAmAkShINAmavaj~nAvihasitavasatirvR^iddhabhAvo.apyasAdhuH sa.nsAre re manuShyA vadata yadi sukhaM svalpamapyasti ki.nchit || 37|| vyAghrIva tiShThati jarA paritarjayantI rogAshcha shatrava iva praharanti deham | AyuH parisravati bhinnaghaTAdivAmbho lokastathApyahitamAcharatIti chitram || 38|| bhogA bha~NguravR^ittayo bahuvidhAstaireva chAyaM bhavaH tatkasyeha kR^ite paribhramata re lokAH kR^itaM cheShTitaiH | AshApAshashatopashAntivishadaM chetaH samAdhIyatAM kAmotpattivashAtsvadhAmani yadi shraddheyamasmadvachaH || 39|| brahmendrAdimarudgaNA.nstR^iNakaNAnyatra sthito manyate yatsvAdAdvirasA bhavanti vibhavAstrailokyarAjyAdayaH | bhogaH ko.api sa eka eva paramo nityodito jR^imbhate bho sAdho kShaNabha.ngure taditare bhoge ratiM mA kR^ithAH || 40|| \section{kAlamahimAnuvarNanam |} sA ramyA nagarI mahAnsa nR^ipatiH sAmantachakraM cha tat pArshve tasya cha sA vidagdhapariShattAshchandrabimbAnanAH | udvR^ittaH sa cha rAjaputranivahaste bandinastAH kathAH sarvaM yasya vashAdagAtsmR^itipathaM kAlAya tasmai namaH || 41|| yatrAnekaH kvachidapi gR^ihe tatra tiShThatyathaiko yatrApyekastadanu bahavastatra naiko.api chAnte | itthaM neyau rajanidivasau lolayandvAvivAkShau kAlaH kalyo bhuvanaphalake krIDati prANishAraiH || 42|| Adityasya gatAgatairaharahaH sa.nkShIyate jIvitaM vyApArairbahukAryabhAragurubhiH kAlo.api na j~nAyate | dR^iShTvA janmajarAvipattimaraNaM trAsashcha notpadyate pItvA mohamayIM pramAdamadirAmunmattabhUtaM jagat || 43|| rAtriH saiva punaH sa eva divaso matvA mudhA jantavo dhAvantyudyaminastathaiva nibhR^itaprArabdhatattatkriyAH | vyApAraiH punaruktabhUta viShayairittha.nvidhenAmunA sa.nsAreNa kadarthitA vayamaho mohAnna lajjAmahe || 44|| na dhyAtaM padamIshvarasya vidhivatsa.nsAravichChittaye svargadvArakavATapATanapaTurdharmo.api nopArjitaH | nArI pInapayodharoruyugalaM svapne.api nAli~NgitaM mAtuH kevalameva yauvanavanachChede kuThArA vayam || 45|| nAbhyastA prativAdivR^indadamanI vidyA vinItochitA khaDgAgraiH karikumbhapIThadalanairnAkaM na nItaM yashaH | kAntAkomalapallavAdhararasaH pIto na chandrodaye tAruNyaM gatameva niShphalamaho shUnyAlaye dIpavat || 46|| vidyA nAdhigatA kala~NkarahitA vittaM cha nopArjitaM shushrUShApi samAhitena manasA pitrorna sampAditA | AlolAyatalochanAH priyatamAH svapne.api nAli~NgitAH kAlo.ayaM parapiNDalolupatayA kAkairiva preryate || 47|| vayaM yebhyo jAtAshchiraparichitA eva khalu te samaM yaiH sa.nvR^iddhAH smR^itiviShayatAM te.api gamitAH | idAnImete smaH pratidivasamAsannapatanA gatAstulyAvasthAM sikatilanadItIratarubhiH || 48|| AyurvarShashataM nR^iNAM parimitaM rAtrau tadardhaM gataM tasyArdhasya parasya chArdhamaparaM bAlatvavR^iddhatvayoH | sheShaM vyAdhiviyogaduHkhasahitaM sevAdibhirnIyate jIve vAritara~Ngacha~nchalatare saukhyaM kutaH prANinAm || 49|| kShaNaM bAlo bhUtvA kShaNamapi yuvA kAmarasikaH kShaNaM vittairhInaH kShaNamapi cha sampUrNavibhavaH | jarAjIrNaira~NgairnaTa iva valImaNDitatanuH naraH sa.nsArAnte vishati yamadhAnIyavanikAm || 50|| (javanikAm) tvaM rAjA vayamapyupAsitagurupraj~nAbhimAnonnatAH khyAtastvaM vibhavairyashA.nsi kavayo dikShu pratanvanti naH | itthaM mAnadhanAtidUramubhayorapyAvayorantaraM yadyasmAsu parA~Nmukho.asi vayamapyekAntato niHspR^ihAH || 51|| arthAnAmIshiShe tvaM vayamapi cha girAmIshmahe yAvadarthaM shUrastvaM vAdidarpavyupashamanavidhAvakShayaM pATavaM naH | sevante tvAM dhanADhyA matimalahataye mAmapi shrotukAmA mayyapyAsthA na te chettvayi mama nitarAmeva rAjannanAsthA || 52|| vayamiha parituShTA valkalaistvaM dukUlaiH sama iva paritoSho nirvisheSho visheShaH | sa tu bhavatu daridro yasya tR^iShNA vishAlA manasi cha parituShTe ko.arthavAnko daridraH || 53|| phalamalamashanAya svAdu pAnAya toyaM kShitirapi shayanArthaM vAsase valkalaM cha | navadhanamadhupAnabhrAntasarvendriyANAM avinayamanumantuM notsahe durjanAnAm || 54|| ashImahi vayaM bhikShAmAshAvAso vasImahi | shayImahi mahIpR^iShThe kurvImahi kimIshvaraiH || 55|| na naTA na viTA na gAyakA na cha sabhyetaravAdachu~nchavaH | nR^ipamIkShitumatra ke vayaM stanabhArAnamitA na yoShitaH || 56|| vipulahR^idayairIshairetajjagajjanitaM purA vidhR^itamaparairdattaM chAnyairvijitya tR^iNaM yathA | iha hi bhuvanAnyanye dhIrAshchaturdasha bhu~njate katipayapurasvAmye pu.nsAM ka eSha madajvaraH || 57|| abhuktAyAM yasyAM kShaNamapi na jAtaM nR^ipashataH bhuvastasyA lAbhe ka iva bahumAnaH kShitibhR^itAm | tada.nshasyApya.nshe tadavayavaleshe.api patayo viShAde kartavye vidadhati jaDAH pratyuta mudam || 58|| mR^itpiNDo jalarekhayA valayitaH sarvo.apyayaM nanvaNuH svA.nshIkR^itya tameva sa.ngarashatai rAj~nAM gaNA bhu~njate | te dadyurdadato.athavA kimaparaM kShudrA daridrA bhR^ishaM dhigdhiktAnpuruShAdhamAndhanakaNAnvA~nChanti tebhyo.api ye || 59|| sa jAtaH ko.apyAsInmadanaripuNA mUrdhni dhavalaM kapAlaM yasyochchairvinihitamala.nkAravidhaye | nR^ibhiH prANatrANapravaNamatibhiH kaishchidadhunA namadbhiH kaH pu.nsAmayamatuladarpajvarabharaH || 60|| \section{manaHsambodhananiyamanam |} pareShAM chetA.nsi pratidivasamArAdhya bahudhA prasAdaM kiM netuM vishasi hR^idaya kleshakalitam | prasanne tvayyantaH svayamuditachintAmaNigaNo viviktaH sa.nkalpaH kimabhilaShitaM puShyati na te || 61|| paribhramasi kiM mudhA kvachana chitta vishrAmyatAM svayaM bhavati yadyathA bhavati tattathA nAnyathA | atItamananusmarannapi cha bhAvyasa.nkalpayan natarkitasamAgamAnanubhavAmi bhogAnaham || 62|| etasmAdviramendriyArthagahanAdAyAsakAdAshraya shreyomArgamasheShaduHkhashamanavyApAradakShaM kShaNAt | svAtmIbhAvamupaihi sa.ntyaja nijAM kallolalolAM gatiM mA bhUyo bhaja bha~NgurAM bhavaratiM chetaH prasIdAdhunA || 63|| mohaM mArjaya tAmupArjaya ratiM chandrArdhachUDAmaNau chetaH svargatara~NgiNItaTabhuvAmAsa~Ngama~NgIkuru | ko vA vIchiShu budbudeShu cha taDillekhAsu cha shrIShu cha jvAlAgreShu cha pannageShu cha suhR^idvargeShu cha pratyayaH || 64|| chetashchintaya mA ramAM sakR^idimAmasthAyinImAsthayA bhUpAlabhrukuTIkuTIviharaNavyApArapaNyA~NganAm | kanthAka~nchukinaH pravishya bhavanadvArANi vArANasI rathyApa~NktiShu pANipAtrapatitAM bhikShAmapekShAmahe || 65|| agre gItaM sarasakavayaH pArshvayordAkShiNAtyAH pashchAllIlAvalayaraNitaM chAmaragrAhiNInAm | yadyastvevaM kuru bhavarasAsvAdane lampaTatvaM no chechchetaH pravisha sahasA nirvikalpe samAdhau || 66|| prAptAH shriyaH sakalakAmadughAstataH kiM nyastaM padaM shirasi vidviShatAM tataH kim | sampAditAH praNayino vibhavaistataH kiM kalpasthitAstanubhR^itAM tanavastataH kim || 67|| bhaktirbhave maraNajanmabhayaM hR^idisthaM sneho na bandhuShu na manmathajA vikArAH | sa.nsargadoSharahitA vijanA vanAntA vairAgyamasti kimitaH paramarthanIyam || 68|| tasmAdanantamajaraM paramaM vikAsi tadbrahma chintaya kimebhirasadvikalpaiH | yasyAnuSha~NgiNa ime bhuvanAdhipatya\- bhogAdayaH kR^ipaNalokamatA bhavanti || 69|| pAtAlamAvishasi yAsi nabho vila~Nghya di~NmaNDalaM bhramasi mAnasa chApalena | bhrAntyApi jAtu vimalaM kathamAtmanInaM na brahma sa.nsmarasi nirvR^itimeShi yena || 70|| \section{nityAnityavastuvichAraH |} kiM vedaiH smR^itibhiH purANapaThanaiH shAstrairmahAvistaraiH svargagrAmakuTInivAsaphaladaiH karmakriyAvibhramaiH | muktvaikaM bhavaduHkhabhArarachanAvidhva.nsakAlAnalaM svAtmAnandapadapraveshakalanaM sheShairvaNigvR^ittibhiH || 71|| yato meruH shrImAnnipatati yugAntAgnivalitaH samudrA shuShyanti prachuramakaragrAhanilayAH | dharA gachChatyantaM dharaNidharapAdairapi dhR^itA sharIre kA vArtA karikalabhakarNAgrachapale || 72|| gAtraM sa.nkuchitaM gatirvigalitA bhraShTA cha dantAvaliH\- dR^iShTirnashyati vardhate badhiratA vaktraM cha lAlAyate | vAkyaM nAdriyate cha bAndhavajano bhAryA na shushrUShate hA kaShTaM puruShasya jIrNavayasaH putro.apyamitrAyate || 73|| varNaM sitaM jhaTiti vIkShya shiroruhANAM sthAnaM jarA paribhavasya tadA pumA.nsam | AropitAsthishatakaM parihR^itya yAnti chaNDAlakUpamiva dUrataraM taruNyaH || 74|| yAvatsvasthamidaM sharIramarujaM yAvajjarA dUrato yAvachchendriyashaktirapratihatA yAvatkShayo nAyuShaH | Atmashreyasi tAvadeva viduShA kAryaH prayatno mahAn sa.ndIpte bhavane tu kUpakhananaM pratyudyamaH kIdR^ishaH || 75|| tapasyantaH santaH kimadhinivasAmaH suranadIM guNodArAndArAnuta paricharAmaH savinayam | pibAmaH shAstraughAnuta vividhakAvyAmR^itarasAn na vidmaH kiM kurmaH katipayanimeShAyuShi jane || 76|| durArAdhyAshchAmI turagachalachittAH kShitibhujo vayaM cha sthUlechChAH sumahati phale baddhamanasaH | jarA dehaM mR^ityurharati dayitaM jIvitamidaM sakhe nAnyachChreyo jagati viduSho.anyatra tapasaH || 77|| mAne mlAyini khaNDite cha vasuni vyarthe prayAte.arthini kShINe bandhujane gate parijane naShTe shanairyauvane | yuktaM kevalametadeva sudhiyAM yajjahnukanyApayaH\- pUtagrAvagirIndrakandarataTIku~nje nivAsaH kvachit || 78|| ramyAshchandramarIchayastR^iNavatI ramyA vanAntaHsthalI ramyaM sAdhusamAgamAgatasukhaM kAvyeShu ramyAH kathAH | kopopAhitabAShpabindutaralaM ramyaM priyAyA mukhaM sarvaM ramyamanityatAmupagate chitte na ki~nchitpunaH || 79|| ramyaM harmyatalaM na kiM vasataye shraavyaM na geyAdikaM kiM vA prANasamAsamAgamasukhaM naivAdhikaprItaye | ki.ntu bhrAntapata~NgapakShapavanavyAloladIpA~Nkura\- chChAyAcha~nchalamAkalayya sakalaM santo vanAntaM gatAH || 80|| \section{shivArchanam |} Asa.nsArAttribhuvanamidaM chinvatAM tAta tAdR^i\- ~NnaivAsmAkaM nayanapadavIM shrotramArgaM gato vA | yo.ayaM dhatte viShayakariNIgADhagUDhAbhimAna\- kShIbasyAntaHkaraNakariNaH sa.nyamAnAyalIlAm || 81|| yadetatsvachChandaM viharaNamakArpaNyamashanaM sahAryaiH sa.nvAsaH shrutamupashamaikavrataphalam | mano mandaspandaM bahirapi chirasyApi vimR^ishan na jAne kasyaiSha pariNatirudArasya tapasaH || 82|| jIrNA eva manorathAshcha hR^idaye yAtaM cha tadyauvanaM hantA~NgeShu guNAshcha vandhyaphalatAM yAtA guNaj~nairvinA | kiM yuktaM sahasAbhyupaiti balavAnkAlaH kR^itAnto.akShamI hA j~nAtaM madanAntakA~NghriyugalaM muktvAsti nAnyA gatiH || 83|| maheshvare vA jagatAmadhIshvare janArdane vA jagadantarAtmani | na vastubhedapratipattirasti me tathApi bhaktistaruNendushekhare || 84|| sphuratsphArajyotsnAdhavalitatale kvApi puline sukhAsInAH shAntadhvaniShu rajanIShu dyusaritaH | bhavAbhogodvignAH shiva shiva shivetyuchchavachasaH kadA yAsyAmo.antargatabahulabAShpAkuladashAm || 85|| vitIrNe sarvasve taruNakaruNApUrNahR^idayAH smarantaH sa.nsAre viguNapariNAmAM vidhigatim | vayaM puNyAraNye pariNatasharachchandrakiraNAH triyAmA neShyAmo haracharaNachintaikasharaNAH || 86|| kadA vArANasyAmamarataTinIrodhasi vasan vasAnaH kaupInaM shirasi nidadhAno.a~njalipuTam | aye gaurInAtha tripuraharashambho trinayana prasIdeti kroshannimiShamiva neShyAmi divasAn || 87|| snAtvA gA~NgaiH payobhiH shuchikusumaphalairarchayitvA vibho tvAM dhyeye dhyAnaM niveshya kShitidharakuharagrAvaparya~NkamUle | AtmArAmaH phalAshI guruvachanaratastvatprasAdAtsmarAre duHkhaM mokShye kadAhaM samakaracharaNe pu.nsi sevAsamuttham || 88|| ekAkI niHspR^ihaH shAntaH pANipAtro digambaraH | kadA shambho bhaviShyAmi karmanirmUlanakShamaH || 89|| pANiM pAtrayatAM nisargashuchinA bhaikSheNa sa.ntuShyatAM yatra kvApi niShIdatAM bahutR^iNaM vishvaM muhuH pashyatAm || atyAgee.api tanorakhaNDaparamAnandAvabodhaspR^ishAM adhvA ko.api shivaprasAdasulabhaH sampatsyate yoginAm || 90|| \section{avadhUtacharyA |} kaupInaM shatakhaNDajarjarataraM kanthA punastAdR^ishI naishchintyaM nirapekShabhaikShamashanaM nidrA shmashAne vane | svAtantryeNa nira~NkushaM viharaNaM svAntaM prashAntaM sadA sthairyaM yogamahotsave.api cha yadi trailokyarAjyena kim || 91|| brahmANDaM maNDalImAtraM kiM lobhAya manasvinaH | shapharIsphuritenAbdhiH kShubdho na khalu jAyate || 92|| mAtarlakShmi bhajasva ka.nchidaparaM matkA~NkShiNI mA sma bhUH bhogeShu spR^ihayAlavastava vashe kA niHspR^ihANAmasi | sadyaHsyUtapalAshapatrapuTikApAtre pavitrIkR^itai\- rbhikShAvastubhireva samprati vayaM vR^ittiM samIhAmahe || 93|| mahAshayyA pR^ithvI vipulamupadhAnaM bhujalatA vitAnaM chAkAshaM vyajanamanukUlo.ayamanilaH | sharachchandro dIpo virativanitAsa~NgamuditaH sukhI shAntaH shete muniratanubhUtirnR^ipa iva || 94|| bhikShAshI janamadhyasa~NgarahitaH svAyattacheShTaH sadA hAnAdAnaviraktamArganirataH kashchittapasvI sthitaH | rathyAkIrNavishIrNajIrNavasanaH samprAptakanthAsano nirmAno niraha.nkR^itiH shamasukhAbhogaikabaddhaspR^ihaH || 95|| chaNDAlaH kimayaM dvijAtirathavA shUdro.atha kiM tApasaH kiM vA tattvavivekapeshalamatiryogIshvaraH ko.api kim | ityutpannavikalpajalpamukharairAbhAShyamANA janaiH na kruddhAH pathi naiva tuShTamanaso yAnti svayaM yoginaH || 96|| hi.nsAshUnyamayatnalabhyamashanaM dhAtrA marutkalpitaM vyAlAnAM pashavastR^iNA~NkurabhujastuShTAH sthalIshAyinaH | sa.nsArArNavala~NghanakShamadhiyAM vR^ittiH kR^itA sA nR^iNAM tAmanveShayatAM prayAnti satataM sarve samAptiM guNAH || 97|| ga~NgAtIre himagirishilAbaddhapadmAsanasya brahmadhyAnAbhyasanavidhinA yoganidrAM gatasya | kiM tairbhAvyaM mama sudivasairyatra te nirvisha~NkAH kaNDUyante jaraThahariNAH svA~Ngama~Nge madIye || 98|| pANiH pAtraM pavitraM bhramaNaparigataM bhaikShamakShayyamannaM vistIrNaM vastramAshAdashakamachapalaM talpamasvalpamurvI | yeShAM niHsa~NgatA~NgIkaraNapariNatasvAntasa.ntoShiNaste dhanyAH sa.nnyastadainyavyatikaranikarAH karma nirmUlayanti || 99|| mAtarmedini tAta mAruta sakhe tejaH subandho jala bhrAtarvyoma nibaddha eva bhavatAmantyaH praNAmA~njaliH | yuShmatsa~NgavashopajAtasukR^itasphArasphurannirmala\- j~nAnApAstasamastamohamahimA lIye parabrahmaNi || 100|| iti bhartR^iharivirachitaM vairAgyashatakaM sampUrNam | ## Encoded by Sunder hattangadi Proofread by Sunder hattangadi, PR Iyer, kalyana krrit kalyanakrrit at gmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}