% Text title            : ashokavana
% File name             : ashoka.itx
% Category              : misc
% Location              : doc\_z\_misc\_misc
% Latest update         : October 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. The Ashokavadana ..}##
\itxtitle{.. ashokavana ..}##\endtitles ##
pA.nshupradAnAvadAnaM
yo asau svamA.nsatanubhir yajanAni kR^itvA
atapyachchiraM karuNAya jagato hitAya |
tasya shramasya saphalIkaraNAya santaH
sA.avarjitaM shR^iNuta sAMpratabhAShyamANam ||
evaM mayA shrutaM ekasmin.h samaye bhagavAn
shrAvastyAM viharati |
iti sUtraM vaktavyam |
atra tAvad-
bhagavattathAgatavadanAmbhodharavivarapratyudgata
vachanasaratsaliladhArAsampAtApanItarAgadveSha
mohamadamAnamAyAshAThyapa~NkapaTalAnAM
shabdanyAyA.aditarkashAstrArthAvalokanautpanna
praj~nApradIpaprotsAritakushAstradarshanAndha
kArANAM
sa.nsAratR^iShNAChedipravarasaddharmapayaHpAna
shauNDAnAM gurUNAM sa.nnidhau
sarvAvavAdakashreShThaM
(shakrabrahmaIshAnayamavaruNakuveravAsavasoma
AdityA.adibhir-
A,shakrabrahmaIshAnayamavaruNakuveravasavasoma
AdityA.adibhir ) apyapratihatashAsanaM
kandarpadarpApamardanashUraM mahA.a.atmAnaM
atimaharddhikaM sthaviraupaguptaM Arabhya kA~nchid-
eva vibudhajanamanaHprasAdakarIM dharmyAM
kathAM samanusmariShyAmaH |
tatra tAvad.hgurubhir avahitashrotrair bhavitavyam |
upaguptaupAkhyAnaM
evaM anushrUyate |
yadA bhagavAn.h parinirvANakAlasamaye
apalAlanAgaM vinIya kumbhakArIM chaNDAlIM
gopAlIM cha teShAM mathurAM anuprAptaH |
tatra bhagavAn.h AyuShmantaM AnandaM Amantrayate sma |
asyAM Ananda mathurAyAM mama
varShashataparinirvR^itasya gupto nAma gAndhiko
bhaviShyati |
tasya putro bhaviShyati upagauptanAma  alakShaNako
buddho yo mama varShashataparinirvR^itasya
buddhakAryaM kariShyati |
tasya  avavAdena bahavo bhikShavaH
sarvakleshaprahANAdarhattvaM sAkShAt.h kariShyanti
|
te aShTAdashahastAM AyAmena dvAdashahastAM
vistareNa chatura~NgulamAtrAbhiH shalAkAbhiR^i
guhAM pUrayiShyanti |
eSho agro me Ananda shrAvakANAM bhaviShyati
avavAdakAnAM yaduta  upagupto bhikShuH |
pashyasi tvaM Ananda dUratae eva
nIlanIlAmbararAjim |
evaM bhadanta |
eSha Ananda urumuNDo nAma parvataH |
atra varShashataparinirvR^itasya tathAgatasya
shANakavAsI nAma bhikShur bhaviShyati |
so atra urumuNDaparvate vihAraM
pratiShThApayiShyati |
upaguptaM cha pravrAjayiShyati |
mathurAyAM Ananda naTo bhaTashcha dvau bhrAtarau
shreShThiNau bhaviShyataH |
tau  urumuNDaparvate vihAraM pratiShThApayiShyataH
|
tasya naTabhaTikA  iti sa.nj~nA bhaviShyati |
etadagraM me Ananda bhaviShyati
shamathAnukUlAnAM shayyA.asanAnAM yadidaM
naTabhaTikAraNyA.ayatanam |
atha  AyushmAn.h Anando bhagavantaM idaM avochat.h |
AshcharyaM bhadanta yadIdR^ishaM AyuShmAn.h upagupto
bahujanahitaM kariShyati |
bhagavAn.h Aha |
na  Ananda etarhi yathA  atIte apyadhvani tena
vinipatitasharIreNa  apyatra  eva bahujanahitaM
kR^itam |
urumuNDaparvate trayaH pArshvAH |
ekatra pradeshe pa~ncha pratyekabuddhashatAni prativasanti
|
dvitIye pa~ncharShishatAni |
tR^itIye pa~nchamarkaTashatAni |
tatra yo asau pa~nchAnAM markaTashatAnAM
yUthapatiH sa taM yUthaM apahAya yatra pArshve
pa~ncha pratyekabuddhashatAni prativasanti tatra gataH |
tasya tAn.h pratyekabuddhAn.h dR^iShTvA prasAdo jAtaH |
sa teShAM pratyekabuddhAnAM shIrNaparNAni
mUlaphalAni cha  upanAmayati yadA cha te parya~NkeNa
upaviShTA bhavanti sa vR^iddhAnte praNAmaM kR^itvA
yAvan.h navAntaM
gatvA parya~NkeNa  upavishati |
yAvat.h te pratyekabuddhAH parinirvR^itAH |
sa teShAM shIrNaparNAni mUlaphalAni cha
upanAmayati |
te na pratigR^ihNanti |
sa teShAM chIvarakarNikAni  AkarShayati |
pAdau gR^ihNAti |
yAvat.h sa markaTashchintayati |
niyataM ete kAlagatA bhaviShyanti |
tataH sa markaTaH shochitvA paridevitvA cha dvitIyaM
pArshvaM gato yatra pa~ncharShishatAni prativasanti |
te cha R^iShayaH kechit.h kaNTakApAshrayAH kechid-
bhasmApAshrayAH kechidUrdhvahastAH kechit
pa~nchA.atapAvasthitAH |
sa teShAM teShAM IryApathAn.h vikopayituM ArabdhaH |
ye kaNTakApAshrayAsteShAM kaNTakAn.h uddharati |
bhasmApAshrayANAM bhasma vidhunoti |
UrdhvahastAnAM adho hastaM pAtayati |
pa~nchA.atapAvasthitAnAM agniM avakirati |
yadA cha tair IryApatho vikopito bhavati tadA sa
teShAM agrataH parya~NkaM badhnAti |
yAvat.h tair R^iShibhir AchAryAya niveditam |
tena  api cha  uktam |
parya~NkeNa tAvan.h niShIdata |
yAvat.h tAni pa~ncharShishatAni parya~NkeNa
upaviShTAni |
te anAchAryakA anupadeshakAH saptatri.nshad-
bodhipakShAn.h dharmAn.h AmukhIkR^itya pratyekAM
bodhiM sAkShAt.h kR^itavantaH |
atha teShAM pratyekabuddhAnAM etadabhavad.h|
yat.h ki~nchidasmAbhiH shreyo avAptaM tat.h sarvaM
imaM markaTaM Agamya |
tair yAvat.h sa markaTaH phalamUlaiH paripAlitaH |
kAlagatasya cha tachCharIraM gandhakAShThair-
dhmApitam |
tat.h kiM manyase  Ananda yo asau pa~nchAnAM
markaTashatAnAM yUthapatiH sa eSha upaguptaH |
tadA  api tena vinipatitasharIreNa  apyatra  eva
urumuNDaparvate bahujanahitaM kR^itam |
anAgate apyadhvani varShashataparinirvR^itasya mama
atra  eva  urumuNDaparvate bahujanahitaM kariShyati
|
tachcha yathA  evaM tathA  upadarshayiShyAmaH |
shANakavAsy-upAkhyAnaM
yadA sthavireNa shANakavAsinA  urumuNDe parvate
vihAraH pratiShThApitaH samanvAharati |
kiM asau gAndhika utpannaH |
atha  adya  api na  utpadyatae iti |
pashyatyutpannaH |
sa yAvat.h samanvAharati |
yo asau tasya putra upagupto nAmnA  alakShaNako
buddho nirdiShTo yo mama varShashataparinirvR^itasya
buddhakAryaM kariShyati  iti kiM asAvutpannaH |
atha  adya  api na  utpadyatae iti |
pashyatyadya  api na  utpadyate |
tena yAvadupAyena gupto gAndhiko bhagavachChAsane
abhiprasAditaH |
sa yadA  abhiprasannastadA sthaviraH saMbahulair-
bhikShubhiH sArdhaM ekadivasaM tasya gR^ihaM
praviShTaH |
aparasminnahani  AtmadvitIyaH |
anyasminnahani  ekAkI |
yAvad.hgupto gAndhikaH sthaviraM shANakavAsinaM
ekAkinaM dR^iShTvA kathayati |
na khalvAryasya kashchit.h pashchAchChramaNaH |
sthavira uvAcha |
jarAdharmANAM kuto asmAkaM pashchAchChramaNo
bhavati |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}