% Text title            : kavikaNThAbharaNam by Krishnakavi
% File name             : kavikaNThAbharaNam.itx
% Category              : misc
% Location              : doc\_z\_misc\_misc
% Author                : Krishnakavi
% Transliterated by     : Sunder Hattangadi
% Proofread by          : Sunder Hattangadi
% Description/comments  : from Malayamaruta 3 page 86-88
% Latest update         : August 18, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. kavikaNThAbharaNam by Shrikrishnakavi ..}##
\itxtitle{.. kavikaNThAbharaNam ..}##\endtitles ##

valmIkajanmani munau kR^itasannidhA (nA)
jihvA~NgaNAt samavatIrya purA vidhAtuH |
agrAsanaM kaviShu yA vitatAra tasmai
sA bhAratI vijayatAM suchiraM dharaNyAm || 1||
no kAlidAsapadavImanudhAvatIyaM
vANI mameti kavitAM na parityajAmi |
nAsau purandarapurIgaNikopameti
ko vA jahAti dayitAM pariNIya loke || 2||
karNAmR^itatvamupayAti nishamyamAnA
vANIva yA mR^igadR^ishAmanubhUyamAnA |
tR^iShNAM cha vardhayati vaktrasudheva tAsAM
tAmAmava(na)nti kavitAM rasikAvataMsAH || 3||
kAThinyajanmasadanaM na sadA shileva
tUsya rAshiriva nApi sukhena bhedyA |
antarnigumbhitarasA kaThinApi mR^idvI
yA kAminIstanataTIva hi saiva vANI || 4||
kAntA yathA hR^idayahAriNameva kAntaM
vANI svayaM kavayitAramasau vR^iNIte |
kR^iShTA balAdyadi bhavenna kadApi tena
bhu~Nkte.akhilAnapi yathArasamAtmabhogAn || 5||
duHkhAni chAptatamabandhuviyogajAni
vAkyaiH sudhArasamayaiH parimArShTi kAntA |
tasyA viyogajanitAni (cha) duHsahAni
dUrIkarotu nitarAM kavitAvadhUTI1|| 6||
mandAnilena shishireNa hi vIjyamAnA
bAlAruNasya kiraNaiH parichumbUyamAnA |
vANI patatrinichayairapi gIyamAnA
DolAvihAramayate hR^idaye kavInAm || 7||
jihvA~NgaNeShvanR^itameva sadA kavInAM
nR^ityaM samAkalayatIti hi ye bhaNanti
kurvantu te nanu nijAmachireNa jihvAM
jahnUdbhavAsalilasa~NgamataH pavitrAm || 8||
gItena ma~njumuralImukhasambhavena
chitreNa bhAvaparigumbhanabandhureNa |
mAdhvIrasena kavanena cha dIyamAna\-
mAnandasAramavagachChati tadrasaj~naH || 9||
ye kechidarthagurutAmavichintya vAchAM
prAsaikadattadhiShaNAH kavayo likhanti |
teShAM kR^itI rasikara~njakatAM na yAti
bhUShA~nchitA vivasanA hariNekShaNeva || 10||
syAtsantataM kavayituryadi sichyamAnA
vANI rasairagharitAmaralokapAnaiH |
prAsairvinApi hR^idaya~NgamatAmupaiti
nAropitaM guNamabhItsati ramyatA hi || 11||
ArAmamandamarutAbhigatashcha saudhaH
pUrNena shItaruchinA ruchirA triyAmA |
mAdhuryagarbhakavitA rasikA cha kAntA
yeShAM bhavanti puruShA nanu te hi dhanyAH || 12||
ye kechidatra kavayaH shatashaH padAnAM
vichChedanena paritoShamavApnuvanti |
ete sarasvati saroruhakomalAni
kR^intanti niShkaruNameva tavA~NgakAni || 13||
kA tvaM mR^igAkShi, vachasAmadhidevatAhaM
mAtashchirAya rudatI nanu kutra yAsi |
bhojAdimAshrayalayAt divamutpatAmi
mAmaivamamba, kathamatra hi mAdR^ishAnAm || 14||
bAlena bhArati mayA mitadR^iShTinApi
pAdAmbuje tava mada samarpitaiShA |
kAruNyavArinidhivIchibhirAhatA te
jIyAchchiraM jagati me kavikaNThabhUShA || 15||

|| iti kR^iShNakavivirachitaM kavikaNThAbharaNaM samAptam ||
##
Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}