% Text title            : manogarhaNam by Krishnakavi
% File name             : manogarhaNam.itx
% Category              : misc
% Location              : doc\_z\_misc\_misc
% Author                : Krishnakavi
% Transliterated by     : Sunder Hattangadi
% Proofread by          : Sunder Hattangadi
% Description/comments  : from Malayamaruta 3 page 89
% Latest update         : August 18, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Manogarhanam by Shrikrishnakavi ..}##
\itxtitle{.. shrIkR^iShNakavivirachitaM manogarhaNam ..}##\endtitles ##

kR^ichChreNeyamupArjitA sumanasAM vidyAnavadyApyasau
     vANI chAdhigatA kavIndrahR^idayAnandaikasandAyinI |
sa~NgItAdiShu cha pravR^ittiranadheShvAsAditA keShuchit
     jAnImo na vayaM kadA khalu mano jAyeta te nirvR^itiH || 1||
shAstraM samyagadhItamatra bhavatA pa~ncheShuNodIritaM
     prAptastatparishIlanAya suchiraM vAsashcha yoShAntike |
tatpAdAbjatalAhatiprabhR^itayo modAya cha prAbhavan
     jAnImo na vayaM kadA khalu mano nirvR^ittatAmeShyasi || 2||
nirlajjaM kavitAsatImupanatAM vikrIya bhUmIbhujA\-
     mAsthAneShvitaratra chApi nitarAmAlambya sevAdikam |
vANijyaM pratipadya ki~nchidapi chopAttaM yathArhaM dhanaM
     jAnImo na vayaM kadA khalu mano nirvR^ittatAmeShyasi || 3||
punnAmno narakAt pitR^Iniha mama trAteti putro.apyasau
     yAgAdyairapi karmabhiH kathamapi prAptashchirAtpAvanaiH |
yAtaH saMsR^itidhUrvahatvamapi cha shrAntaM nitAntaM vapuH
     jAnImo na vayaM kadA khalu mano nirvR^ittatAmeShyasi || 4||
yuktaM te prabaleShu teShu suchiraM pa~nchendriyeShvagrataH
     prasthAnaM rathino balAdanupasaMhAryeShu vAjiShviva |
vishrAntiM gatavanti tAni tu bhavanmitrANi kiM vA vR^ithA\-
     dhAvastatra dharAtale na hi mano jAyeta te nirvR^itiH || 5||

|| iti kR^iShNakavikR^itaM manogarhaNam ||

##
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}