॥ षण्मिथ्याविद्याः ॥

उपकाराय या पुंसां न परस्य न चात्मनः । ग्रन्थसञ्चयसम्भारैः किं तया भारविद्यया ॥ १॥ अन्यायः प्रौढवादेन नीयते न्यायतां यया । न्यायश्चान्यायतां लोभात् किं तया क्षुद्रविद्यया ॥ २॥ अनुष्ठानेन रहिता पाठमात्रेण केवलम् । रञ्जयत्येव या लोकं किं तया शुकविद्यया ॥ ३॥ गोप्यते या बुधस्याग्रे मूर्खस्याग्रे प्रकाश्यते । न दीयते च शिष्येभ्यः किं तया शठविद्यया ॥ ४॥ परमात्सर्यशूलिन्या व्यथा सञ्जायते यया । सुखनिद्रापहारिण्या किं तया शूलविद्यया ॥ ५॥ परसूक्तापहारेण स्वसुभाषितवादिना । उत्कर्षः ख्याप्यते यस्याः किं तया चौरविद्यया ॥ ६॥ Encoded and proofread by Anantha Krishna ananthakrishna.ks@gmail.com

% Text title            : ShaNmithyAvidyAH
% File name             : mithyAvidyA.itx
% itxtitle              : ShaNmithyAvidyAH
% engtitle              : ShaNmithyAvidyAH
% Category              : vedanta, misc
% Location              : doc_z_misc_misc
% Sublocation           : misc
% Language              : Sanskrit
% Subject               : philosophy/hinduism/religion
% Transliterated by     : Anantha Krishna ananthakrishna.ks at gmail.com
% Proofread by          : Anantha Krishna ananthakrishna.ks at gmail.com
% Latest update         : May 7, 2008
% Send corrections to   : Sanskrit@cheerful.com
% Site access           : http://sanskritdocuments.org
This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP