% Text title            : AdityahRidayabhaviShyottarapurANa
% File name             : AdityahRRidayabhaviShyottarapurANa.itx
% Category              : hRidaya, navagraha
% Location              : doc\_z\_misc\_navagraha
% Author                : Traditional
% Transliterated by     : Nat Natarajan nat.natarajan at gmail.com
% Proofread by          : Nat Natarajan nat.natarajan at gmail.com, NA
% Description-comments  : From Brihatstotraratnakara with 408 stotras
% Source                : bhaviShyottarapurANa
% Latest update         : August 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AdityahRidayam ..}##
\itxtitle{.. AdityahR^idayam ..}##\endtitles ##
bhaviShyottarapurANAntargatam

shrIgaNeshAya namaH |

atha AdityahR^idayam |
shatAnIka uvAcha |
kathamAdityamudyantamupatiShThedvijottamaH |
etanmebrUhi viprendra prapadye sharaNaM tava || 1||
sumanturuvAcha |
idameva purA pR^iShTaH sha~NkhachakragadAdharaH |
praNamya shirasA devamarjunena mahAtmanA || 2||
kurukShetre mahArAjapravR^itte bhArate raNe |
kR^iShNanAthaM samAsAdya prArthayitvAbravIdidam || 3||
arjuna uvAcha |
j~nAnaM cha dharmashAstrANAM guhyAdguhyataraM tathA |
mama kR^iShNa parij~nAtaM vA~NmayaM sacharAcharam || 4||
sUryastutimayaM nyAsaM vaktumarhasi mAdhava |
bhaktyA pR^ichChAmi devesha kathayasva prasAdataH || 5||
sUryabhaktiM kariShyAmi kathaM sUryaM prapUjayet |
tadahaM shrotumichChAmi tvatprasAdena yAdava || 6||
shrIbhagavAnuvAcha |
rudrAdidaivataiH sarvaiH pR^iShTena kathitaM mayA |
vakShye.ahaM sUryavinyAsaM shR^iNu pANDava yatnataH || 7||
asmAkaM yattvayA pR^iShTamekachitto bhavArjuna |
tadahaM sampravakShyAmi AdimadhyAvasAnakam || 8||
arjuna uvAcha |
nArAyaNa surashreShTha pR^ichChAmi tvAM mahAyashaH |
kathamAdityamudyantamupatiShThetsanAtanam || 9||
shrIbhagavAnuvAcha |
sAdhu pArtha mahAbAho buddhimAnasi pANDava |
yanmAM pR^ichChasyupasthAnaM tatpavitraM vibhAvasoH || 10||
sarvama~NgalamA~NgalyaM sarvapApapraNAshanam |
sarvarogaprashamanamAyurvardhanamuttamam || 11||
amitradamanaM pArtha sa~NgrAme jayavardhanam |
vardhanaM dhanaputrANAmAdityahR^idayaM shR^iNu || 12||
yachChrutvA sarvapApebhyo muchyate nAtra saMshayaH |
triShu lokeShu vikhyAtaM niHshreyasakaraM param || 13||
devadevaM namaskR^itya prAtarutthAya chArjuna |
vighnAnyanekarUpANi nashyanti smaraNAdapi || 14||
tasmAtsarvaprayatnena sUryamAvAhayet sadA |
AdityahR^idayaM nityaM jApyaM tachChR^iNu pANDava || 15||
yajjapAnmuchyate janturdAridryAdAshu dustarAt |
labhate cha mahAsiddhiM kuShThavyAdhivinAshinIm || 16||
asminmantre R^iShishChando devatAshaktireva cha |
sarvameva mahAbAho kathayAmi tavAgrataH || 17||
mayA te gopitaM nyAsaM sarvashAstraprabodhitam |
atha te kathayiShyAmi uttamaM mantrameva cha || 18||
OM asya shrIAdityahR^idayastotramantrasya shrIkR^iShNa R^iShiH |
shrIsUryAtmA tribhuvaneshvaro devatA anuShTupChandaH |
haritahayarathaM divAkaraM ghR^iNiriti bIjam |
OM namo bhagavate jitavaishvAnarajAtavedase iti shaktiH |
OM namo bhagavate AdityAya namaH iti kIlakam |
OM agnigarbhadevatA iti mantraH |
OM namo bhagavate tubhyamAdityAya namonamaH |
shrIsUryanArAyaNaprIpyathaM jape viniyogaH |
atha nyAsaH |
OM hrAM a~NguShThAbhyAM namaH |
OM hrIM tarjanIbhyAM namaH |
OM hrUM madhyamAbhyAM namaH |
OM hraiM anAmikAbhyAM namaH |
OM hrauM kaniShThikAbhyAM namaH |
OM hraH karatalakarapR^iShThAbhyAM namaH |
OM hrAM hR^idayAya namaH |
OM hrIM shirase svAhA |
OM hrUM shikhAya vaShaT |
OM hraiM kavachAya hum
OM hrauM netratrayAya vauShaT |
OM hraH astrAya phaT |
OM hrAM hrIM hrUM hraiM hrauM hraH iti digbandhaH ||
atha dhyAnam ||
bhAsvadratnADhyamauliH sphuradadhararuchA ra~njitashchArukesho
    bhAsvAnyo divyatejAH karakamalayutaH svarNavarNaH prabhAbhiH |
vishvAkAshAvakAshagrahapatishikhare bhAti yashchodayAdrau
    sarvAnandapradAtA hariharanamitaH pAtu mAM vishvachakShuH || 1||
pUrvamaShTadalaM padmaM praNavAdipratiShThitam |
mAyAbIjaM dalAShTAgre yantramuddhArayediti || 2||
AdityaM bhAskaraM bhAnuM raviM sUryaM divAkaram |
mArtaNDaM tapanaM cheti daleShvaShTasu yojayet || 3||
dIptA sUkShmA jayA bhadrA vibhUtirvimalA tathA |
amoghA vidyutA cheti madhye shrIH sarvato mukhI || 4||
sarvaj~naH sarvagashchaiva sarvakAraNadevatA |
sarveshaM sarvahR^idayaM namAmi sarvasAkShiNam || 5||
sarvAtmA sarvakartA cha sR^iShTijIvanapAlakaH |
hitaH svargApavargashcha bhAskaresha namo.astu te || 6||
iti prArthanA ||
namo namaste.astu sadA vibhAvaso sarvAtmane saptahayAya bhAnave |
anantashaktirmaNibhUShaNena dadasva bhuktiM mama muktimavyayAm || 7||
arkaM tu mUrdhni vinyasya lalATe tu raviM nyaset |
vinyasennetrayoH sUryaM karNayoshcha divAkaram || 8||
nAsikAyAM nyasedbhAnuM mukhe vai bhAskaraM nyaset |
parjanyamoShThayoshchaiva tIkShNaM jihvAntare nyaset || 9||
suvarNaretasaM kaNThe skandhayonitagmatejasam |
bAhvostu pUShaNaM chaiva mitraM vai pR^iShThato nyaset || 10||
varuNaM dakShiNe haste tvaShTAraM vAmataH kare |
hastAvuShNakaraH pAtu hR^idayaM pAtu bhAnumAn || 11||
udare tu yamaM vidyAdAdityaM nAbhimaNDale |
kaTyAM tu vinyaseddhaMsaM rudramUrvostu vinyaset || 12||
jAnvostu gopatiM nyasya savitAraM ja~NghayoH |
pAdayoshcha vivasvantaM gulphayoshcha divAkaram || 13||
bAhyatastu tamodhvaMsa bhagamabhyantare nyaset |
sarvA~NgeShu sahasrAMshuM digvidikShu bhaga nyaset || 14||
iti digbandhaH |
eSha AdityavinyAso devAnAmapidurlabhaH |
imaM bhaktyA nyasetpArtha sa yAti paramAM gatim || 15||
kAmakrodhakR^itAtpApAnmuchyate nAtra saMshayaH |
sarpAdapi bhayaM naiva sa~NgrAmeShu pathiShvapi || 16||
ripusa~NghaTTakAleShu tathA chorasamAgame |
trisandhyaM japato nyAsa mahApAtakanAshanam || 17||
visphoTakasamutpanna tIvrajvarasabhudbhavam |
shirorogaM netrarogaM sarvavyAdhivinAshanam || 18||
kuShThavyAdhistathA dadrurogAshcha vividhAshcha ye |
japamAnasya nashyanti shR^iNu bhaktyA tadarjuna || 19||
Adityo mantrasaMyukta Adityo bhuvaneshvaraH |
AdityAnnAparo devo hyAdityaH parameshvaraH || 20||
AdityamarchayedbrahmA shiva Adityamarchayet |
yadAdityamayaM tejo mama tejattadarjuna || 21||
AdityaM mantrasaMyuktamAdityaM bhuvaneshvaram |
AdityaM ye prapashyanti mAM pashyanti na saMshayaH || 22||
trisandhyamarchayetsUryaM smaredbhaktyA tu yo naraH |
na sa pashyati dAridryaM janmajanmani chArjuna || 23||
etatte kathitaM pArtha AdityahR^idayaM mayA |
shR^iNavanmuktashcha pApebhyaH sUryaloke mahIyate || 24||
namo bhagavate tubhyamAdityAya namo namaH |
AdityaH savitA sUryaH khagaH pUShA gabhastimAn || 25||
suvarNaH sphaTiko bhAnuH sphurito vishvatApanaH |
ravirvishvo mahAtejAH suvarNaH suprabodhakaH || 26||
hiraNyagarbhastrishirAstapano bhAskaro raviH |
mArtaNDo gopatiH shrImAn kR^itaj~nashcha pratApavAn || 27||
tamisrahA bhago haMso nAsatyashcha tamonudaH |
shuddho virochanaH keshI sahasrAMshurmahAprabhuH || 28||
vivasvAnpUShaNo mR^ityurmihiro jAmadagnyajit |
dharmarashmiHpata~Ngashcha sharaNyo mitrahA tapaH || 29||
durvij~neyagatiH shUrastejorashmirmahAyashAH |
shambhushchitrA~NgadaH saumyo havyakavyapradAyakaH || 30||
aMshumAnuttamo deva R^igyajuHsAma eva cha |
haridashvastamodAraH saptasaptirmarIchimAn || 31||
agnigarbho.adriteH putraH shambhustimiranAshanaH |
pUShA vishvambharo mitraH suvarNaH supratApavAn || 32||
AtapI maNDalI bhAsvAMstapanaH sarvatApanaH |
kR^itavishvo mahAtejaH sarvaratnamayodbhavaH || 33||
akSharashcha kSharashchaiva prabhAkaravibhAkarau |
chandrashchandrA~NgadaH saumyo havyakavyapradAyakaH || 34||
a~NgArako gado.agastI raktA~NgashchA~NgavardhanaH |
budho buddhAsano buddhirbuddhAtmabuddhivardhanaH || 35||
bR^ihadbhAnurbR^ihadbhAso bR^ihaddhAmA bR^ihaspatiH |
shuklastvaM shuklaretAstvaM shuklA~NgaH shuklabhUShaNaH || 36||
shanimAn shanirUpastvaM shanairgachChasi sarvadA |
anAdirAdirAdityastejorAshirmahAtapAH || 37||
anAdirAdirUpastvamAdityo dikpatiryamaH |
bhAnumAn bhAnurUpastvaM svarbhAnurbhAnudItimAn || 38||
dhUmraketurmahAketuH sarvaketuranuttamaH |
timirAvaraNaH shambhuH straShTA mArtaNDaeva cha || 39||
namaH pUrvAya giraye pashchimAya namo namaH |
namottarAya giraye dakShiNAya namo namaH || 40||
namo namaH sahasrAMsho hyAdityAya namo namaH |
namaHpadmaprabodhAya namaste dvAdashAtmane || 41||
namo vishvaprabodhAya namo bhrAjiShNujiShNave |
jyotiShe cha namastubhyaM j~nAnAkArya namo namaH || 42||
pradIptAya pragalbhAya yugAntAya namo namaH |
namaste hotR^ipataye pR^ithivIpataye namaH || 43||
namo~NkAra vaShaTkAra sarvayaj~na namo.astu te |
R^igvedAya yajurveda sAmaveda namo.astu te || 44||
namo hATakavarNAya bhAskarAya namo namaH |
jayAya jayabhadrAya haridashvAya te namaH || 45||
divyAya divyarUpAya grahANAM pataye namaH |
namaste shuchaye nityaM namaH kurukulAtmanam || 46||
namastrailokyanAthAya bhUtAnAM pataye namaH |
namaH kaivalyanAthAya namaste divyachakShuShe || 47||
tvaM jyotistvaM dyutirbrahmA tvaM viShNustvaM prajApatiH |
tvameva rudro rudrAtmA vAyuragnistvameva cha || 48||
yojanAnAM sahasre dve shate dve dve cha yojane |
ekena nimiShArdhena kramamANa namo.astu te || 49||
navayojanalakShANi sahasradvishatAni cha |
yAvaddhaTIpramANena kramamANa namo.astu te || 50||
agratashcha namastubhyaM pR^iShThatashcha sadA namaH |
pArshvatashcha namastubhyaM namaste chAstu sarvadA || 51||
namaH surArihantre cha somasUryAgnichakShuShe |
namo divyAya vyomAya sarvatantramayAya cha || 52||
namo vedAntavaidyAya sarvakarmAdisAkShiNe |
namo haritavarNAya suvarNAya namo namaH || 53||
aruNo mAghamAse tu sUryo vai phAlgune tathA |
chaitramAse tu vedA~Ngo bhAnurvaishAkhatApanaH || 54||
jyeShThamAse tapedindra AShADhe tapate raviH |
gabhastiH shrAvaNe mAsi yamo bhAdrapade tathA || 55||
iShe suvarNaretAshcha kArtike cha divAkaraH |
mArgashIrShe tapenmitraH pauShe viShNuH sanAtanaH || 56||
puruShastvadhike mAsi mAsAdhikye tu kalpayet |
ityete dvAdashAdityAH kAshyapeyAH prakIrtitAH || 57||
ugrarUpA mahAtmAnastapante vishvarUpiNaH |
dharmArthakAmamokShANAM prasphuTA hetavo nR^ipa || 58||
sarvapApaharaM chaivamAdityaM samprapUjayet |
ekadhA dashadhA chaiva shatadhA cha sahasradhA || 59||
tapante vishvarUpeNa sR^ijanti saMharanti cha |
eSha viShNuH shivashchaiva brahmA chaiva prajApatiH || 60||
mahendrashchaiva kAlashcha yamo varuNa eva cha |
nakShatragrahatArANAmadhipo vishvatApanaH || 61||
vAyuragnirdhanAdhyakSho bhUtakartA svayaM prabhuH |
eSha devo hi devAnAM sarvamApyAyate jagat || 62||
eSha kartA hi bhUtAnAM saMhartA rakShakastathA |
eSha lokAnulokAshcha saptadvIpAshcha sAgarAH || 63||
eSha pAtAlasaptasthA daityadAnavarAkShasAH |
eSha dhAtA vidhAtA cha bIjaM kShetraM prajApatiH || 64||
eSha eva prajA nityaM saMvardhayati rashmibhiH |
eSha yaj~naH svadhA svahA hrIH shrIshcha puruShottamaH || 65||
eSha bhUtAtmako devaH sUkShmo.avyaktaH sanAtanaH |
IshvaraH sarvabhUtAnAM parameShThI prajApatiH || 66||
kAlAtmA sarvabhUtAtmA vedAtmA vishvatomukhaH |
janmamR^ityujarAvyAdhisaMsArabhayanAshanaH || 67||
dAridryavyasanadhvaMsI shrImAndevo divAkaraH |
kIrtanIyo vivasvAMshcha mArtaNDo bhAskaro raviH || 68||
lokaprakAshakaH shrImA.NllokachakShurgraheshvaraH |
lokasAkShI trilokeshaH kartA hartA tamisrahA || 69||
tapanastApanashchaiva shuchiH saptAshvavAhanaH |
gabhastihasto brahmaNyaH sarvadevanamaskR^itaH || 70||
AyurArogyamaishvaryaM narA nAryashcha mandire |
yasya prasAdAtsantuShTirAdityahR^idayaM japet || 71||
ityenairnAmabhiH pArtha AdityaM stauti nityashaH |
prAtarutthAya kaunteya tasya rogabhayaM nahi || 72||
pAtakAnmuchyate pArtha vyAdhibhyashcha na saMshayaH |
ekasandhyaM dvisandhyaM vA sarvapApaiH pramuchyate || 73||
trisandhyaM japamAnastu pashyeshcha paramaM padam |
yadahnAtkurute pApaM tadahnAtpratimuchyate || 74||
yadrAtryAtkurute pApaM tadrAtryAtpratimuchyate |
dadrusphoTakakuShThAni maNDalAni viShUchikA || 75||
sarvavyAdhimahArogabhUtabAdhAstathaiva cha |
DAkinI shAkinI chaiva mahArogabhayaM kutaH || 76||
ye chAnye duShTagegAshcha jvarAtIsArakAdayaH |
japamAnasya nashyanti jIvechcha sharadAM shatam || 77||
saMvatsareNa maraNaM yadA tasya dhruvaM bhavet |
ashIrShAM pashyatichChAyAmahorAtraM dhana~njaya || 78||
yastvidaM paThate bhaktyA bhAnorvAre mahAtmanaH |
prAtaHsnAne kR^ite pArtha ekAgrakR^itamAnasaH || 79||
suvarNachakShurbhavati na chAndhastu prajAyate |
putravAn dhanasampanno jAyate chArujaH sukhI || 80||
sarvasiddhimavApnoti sarvatra vijayI bhaveta |
AdityahR^idayaM puNyaM sUryanAmavibhUShitam || 81||
shrutvA cha nikhilaM pArtha sarvapApaiH pramuchyate |
ataH parataraM nAsti siddhikAmasya pANDava || 82||
etajjapasva kaunteya yena shreyo hyavApsyasi |
AdityahR^idayaM nityaM yaH paThetsusamAhitaH || 83||
bhrUNahA muchyate pApAtkR^itaghno brahmaghAtakaH |
goghnaH surApo durbhojI duShpratigrahakArakaH || 84||
pAtakAni cha sarvANi dahatyeva na saMshayaH |
ya idaM shR^iNuyAnnitya japedvA.api samAhitaH || 85||
sarvapApavishuddhAtmA sUryaloke mahIyate |
aputro labhate putrAnnirdhano dhanamApnuyAt || 86||
kurogI muchyate rogAdbhaktyA yaH paThate sadA |
yastvAdityadine pArtha nAbhimAtrajale sthitaH || 87||
udayAchalamArUDhaM bhAskaraM praNataH sthitaH |
japate mAnavo bhaktyA shR^iNuyAdvApi bhaktitaH || 88||
sa yAti paramaM sthAnaM yatra devo divAkaraH |
amitradamanaM pArtha yadA kartuM samArabhet || 89||
tadA pratikR^itiM kR^itvA shatroshcharaNapAMsubhiH |
Akramya vAmapAdena hyAdityahR^idayaM japet || 90||
etanmantraM samAhUya sarvasiddhikaraM param |
OM hrIM himAlIDhaM svAhA | OM hrIM nilIDhaM svAhA |
OM hrIM mAlIDhaM svAhA | iti mantraH |
tribhishcha rogI bhavati jvarI bhavati pa~nchabhiH |
japaistu saptabhiH pArtha rAkShasIM tanumAvisheta || 91||
rAkShasasenAbhibhUtasya vikArAn shR^iNu pANDava |
gIyate nR^ityate nagna AsphoTayati dhAvati || 92||
shivArutaM cha kurute hasate krandate punaH |
evaM sampIDyate pArtha yadyapi syAnmaheshvaraH || 93||
kiM punarmAnuShaH kashchichChauchAchAravivarjitaH |
pIDitasya na sandeho jvarau bhavati dAruNaH || 94||
yadA chAnugrahaM tasya kartumichChechChubha~Nkaram |
tadA salilamAdAya japenmantramimaM budhaH || 95||
namo bhagavate tubhyamAdityAya namo namaH |
jayAya jayabhadrAya haridashvAya te namaH || 96||
snApayettena mantreNa shubhaM bhavati nAnyathA |
anyathA cha bhaveddoSho nashyate nAtra saMshayaH || 97||
ataste nikhilaH proktaH pUjAM chaiva nibodha me |
upalipte shuchau deshe niyato vAgyatAH shuchiH || 98||
vR^ittaM vA chaturasraM vA liptabhUmau likhechChachi |
tridhA tatra likhetpadmamaShTapatraM sakarNikam || 99||
aShTapatraMlikhetpadmaM liptagomayamaNDale |
pUrvapatre likhet sUryamAgneyyAM tu raviM nyaset || 100||
yAmyAyAM cha vivasvantaM nairR^ityAM tu bhagaM nyaset |
pratIchyAM varuNaM vidyAdvAyavyAM mitrameva cha || 101||
Adityamuttare patre IshAnyAM mitrameva cha |
madhye tu bhAskaraM vidyAtkrameNaivaM samarchayet || 102||
ataH parataraM nAsti siddhikAmasya pANDava |
mahAtejaH samudyataM praNametsa kR^itA~njaliH || 103||
sakesarANi padmAni karavIrANi chArjuna |
tilatandgulayuktAni kushagandhodakAni cha || 104||
raktachandanamishrANi kR^itvA vai tAmrabhAjane |
dhR^itvA shirasi tatpAtraM jAnubhyAM dharaNIM spR^ishet || 105||
mantrapUtaM guDAkeshaH chArghyaM dadyAdgabhastaye |
sAyudhaM sarathaM chaiva sUryamAvAhayAmyaham || 106||
svAgato bhava |
supratiShThito bhava |
sannidhau bhava |
sannihito bhava |
sammukho bhava |
iti pa~nchamudrAH |
sphuTayitvA.arhayetsUryaM bhukti muktiM labhennaraH || 107||
OM shrIM vidyA kilikilikaTakeShTasarvArthasAdhanAya svAhA |
OM shrIM hrIM hrUM haMsaH sUryAya namaH svAhA |
OM shrIM hrAM hrIM hrUM hraH sUryamUrtaye svAhA |
OM shrIM hrIM khaM khaH lokAya sUryamUrtaye svAhA |
OM hrUM mArtaNDAya svAhA |
namo.astu sUryAya sahasrabhAnave namo.astu vaishvAnarajAtavedase |
tvameva chArghyaM pratigR^ihNa deva devAdhidevAya namo namaste || 108||
namo bhagavate tubhyaM namaste jAtavedase |
dattamarghyaM mayA bhAno tvaM gR^ihANa namo.astu te || 109||
ehi sUrya sahasrAMsho tejorAshe jagatpate |
anukampaya mAM deva gR^ihANArghyaM namo.astute || 110||
namo bhagavate tubhyaM namaste jAtavedase |
mamedamarghyaM gR^ihNa tvaM devadeva namo.astu te || 111||
sarvadevAdhidevAya AdhivyAdhivinAshine |
idaM gR^ihANa me deva sarvavyAdhirvinashyatu || 112||
namaH sUryAya shAntAya sarvarogavinAshine |
mamepsitaM phalaM dattvA prasIda parameshvara || 113||
OM namo bhagavate sUryAya svAhA | OM shivAya svAhA |
OM sarvAtmane sUryAya namaH svAhA | OM akShayyatejasenamaH svAhA |
sarvasa~NkaTadAridryaM shatruM nAshaya nAshaya |
sarvalokeShu vishvAtmansarvAtmansarvadarshaka || 114||
namo bhagavate sUrya kuShTharogAnvikhaNDaya |
AyurArogyamaishvaryaM dehi deva namo.astu te || 115||
namo bhagavate tubhyamAdityAya namo namaH |
OM akShayyatejase namaH |
OM sUryAya namaH |
OM vishvamUrtaye namaH |
AdityaM cha shivaM vidyAchChivamAdityarUpiNam |
ubhayorantaraM nAsti Adityasya shivasya cha || 116||
etadichChAmyahaM shrotuM purUSho vai divAkaraH |
udaye brAhmaNo rUpaM madhyAhne tu maheshvaraH || 117||
astamAne svayaM viShNustrimUrtishcha divAkaraH |
namo bhagavate tubhyaM viShNave prabhaviShNave || 118||
mamedamarghyaM pratigR^ihNa deva devAdhidevAya namo namaste |
shrIsUryanArAyaNAya sA~NgAya saparivArAya idamarghyaM samarpayAmi || 119||
himaghnAya tamoghnAya rakShoghnAya cha te namaH |
kR^itaghnAya satyAya tasmai sUyArtmane namaH || 120||
jayo.ajayashcha vijayo jitaprANo jitashramaH |
manojavo jitakrodho vAjinaH sapta kIrtitAH || 121||
haritahayarathaM divAkaraM kanakamayAmbujareNupi~njaram |
pratidinamudaye navaM sharaNamupaimi hiraNyaretasam || 122||
na taM vyAlAH prabAdhante na vyAdhibhyobhayaM bhavet |
na nAgebhyo bhayaM chaiva nacha bhUtabhayaM kvachit || 123||
agnishatrubhayaM nAsti pArthivebhyastathaiva cha |
durgatiM tarate ghorAM prajAM cha labhate pashUn || 124||
siddhikAmo labhetsiddhiM kanyAkAmastu kanyakAm |
etatpaThetsa kaunteya bhaktiyuktena chetasA || 125||
ashvamedhasahasrasya vAjapeyashatasya cha |
kanyAkoTisahasrasya dattasya phalamApnuyAt || 126||
idamAdityahR^idayaM yo.adhIte satataM naraH |
sarvapApavishuddhAtmA sUryaloke mahIyate || 127||
nAstyAdityasamo devo nAstyAdityasamA gatiH |
pratyakSho bhagavanviShNuryena vishvaM pratiShThitam || 128||
navatiryojanaM lakShaM sahasrANi shatAni cha |
yAvadghaTIpramANena tAvachcharati bhAskaraH || 129||
gavAM shatasahasrasya samyagdattasya yatphalam |
tatphalaM labhate vidvA~nshAntAtmA stauti yo ravim || 130||
yo.adhIte sUryahR^idayaM sakalaM saphalaM bhavet |
aShTAnAM brAhmaNAnAM cha lekhayitvA samarpayet || 131||
brahmaloke R^iShINAM cha jAyate mAnuSho.api vA |
jAtismaratvamApnoti shuddhAtmA nAtra saMshayaH || 132||
ajAya lokatrayapAvanAya bhUtAtmane gopataye vR^iShAya |
sUryAya sarvapralayAntakAya namo mahAkAruNikottamAya || 133||
vivasvate j~nAnamR^idantarAtmane jagatpradIpAya gajaddhitaiShiNe |
svayambhuve dIptasahasrachakShuShe surottamAyAmitatejase namaH || 134||
surairanekaiH pariShevitAya hiraNyagarbhAya hiraNmayAya |
mahAtmane mokShapadAya nityaM namo.astu te vAsarakAraNAya || 135||
AdityashchArchito deva AdityaH paramaM padam |
Adityo mAtR^iko bhUtvA Adityo vA~Nmaya jagat || 136||
AdityaM pashyate bhaktyA mAM pashyati dhruvaM naraH |
nAdityaM pashyate bhaktyA na sa pashyati mAM naraH || 137||
triguNaM cha tritattvaM cha trayo devAstrayo.agnayaH |
trayANAM cha trimUrtistvaM turIyastvaM namo.astu te || 138||
namaH savitre jagadeka chakShuShe jagatprasUtisthitinAshahetave |
trayImayAya triguNAtmadhAriNe viri~nchinArAyaNasha~NkarAtmane || 139||
yasyodayeneha jagatprabuddhyate pravartate chAkhilakarmasiddhaye |
brahmendranArAyaNarudravanditaH sa naH sadA yachChatu ma~NgalaM raviH || 140||
namo.astu sUryAya sahasrarashmaye sahasrashAkhAnvitasambhavAtmane |
sahasrayogodbhavabhAvabhAgine sahasrasa~NkhyAyugadhAriNe namaH || 141||
yatmaNDalaM dItikaraM vishAlaM ratnaprabhaM tIvramanAdirUpam |
dAridryaduHkhakShayakAraNaM cha punAtu mAM tatsaviturvareNyam || 142||
yanmaNDalaM devagaNaiH supUjitaM vipraiH stutambhAvanamuktikovidam |
taM devadevaM praNamAmi sUryaM punAtu mAM tatsaviturvareNyam || 143||
yanmaNDalaM j~nAnaghanaM tvagamyaM trailokyapUjyaM triguNAtmarUpam |
samastatejomayadivyarUpaM punAtu mAM tatsaviturvareNyam || 144||
yanmaNDalaM gUDhamatiprabodhaM dharmasya vR^iddhiM kurute janAnAm |
yatsarvapApakShayakAraNaM cha punAtu mAM tatsaviturvareNyam || 145||
yanmaNDalaM vyAdhi vinAshadakShaM yadR^igyajuH sAmasu sampragItam |
prakAshitaM yena cha  bhUrbhuvaHsvaH punAtu mAM tatsavituvareNyam || 146||
yanmaNDalaM vedavido vadanti gAyanti yachchAraNa siddhasa~NghAH |
yadyogino yogajuShAM cha sa~NghAH punAtu mAM tatsaviturvareNyam || 147||
yanmaNDalaM sarvajaneShu pUjitaM jyotishcha kuryAdiha martyaloke |
yatkAlakAlAdimanAdirUpaM punAtu mAM tatsaviturvareNyam || 148||
yanmaNDalaM viShNuchaturmukhAkhyaM yadakSharaM pApahAraM janAnAm |
yatkAlakalpakShayakAraNaM cha punAtu mAM tatsaviturvareNyam || 149||
yanmaNDalaM vishvasR^ijAM prasiddhamutpattirakShAmpralayapragalbham |
yasmi~njagatsaMharate.akhilaM cha punAtu mAM tatsaviturvareNyam || 150||
yanmaNDalaM sarvagatasya viShNorAtmA paraM dhAma vishuddhatattvam |
sUkShmAntarairyogapathAnugamyaM punAtu mAM tatsaviturvareNyam || 151||
yanmaNDalaM brahmavido vadanti gAyanti yachchAraNasiddhasa~NghAH |
yanmaNDalaM vedavidaH smaranti punAtu mAM tatsaviturvareNyam || 152||
yanmaNDalaM vedavidopagItaM yadyoginAM yogapathAtugamyam |
tatsarvavedaM praNamAmi sUryaM punAtu mAM tatsaviturvareNyam || 153||
maNDalAShTamidaM puNyaM yaH paThetsatataM naraH |
sarvapApavishuddhAtmA sUryaloke mahIyate || 154||
dhyeyaH sadAsavitR^imaNDalamadhyavartI nArAyaNaH sarasijAsana sanniviShTaH |
keyUravAnmakarakuNDalavAn kirITI hArI hiraNmayavapurdhR^itasha~NkhachakraH || 155||
sasha~NkhachakraM ravimaNDale sthitaM kusheshayAkrAntamanantamachyutam |
bhajAmi buddhayA tapanIyamUrtiM surottamaM chitravibhUShaNojjvalam || 156||
evaM brahmAdayo devA R^iShayashcha tapodhanAH |
kIrtayanti surashreShThaM devaM nArAyaNaM bibhuva || 157||
vedavedA~NgasharIraM divyadIptikaraM param |
rakShoshnaM raktavarNaM cha sR^iShTisaMhArakArakam || 158||
ekachakro ratho yasya divyaH kanakabhUShitaH |
sa me bhavatu suprItaH padmahasto divAkaraH || 159||
AdityaH prathamaM nAma dvitIyaM tu divAkaraH |
tR^itIyaM bhAskaraH proktaM chaturthaM tu prabhAkaraH || 160||
pa~nchamaM tu sahasrAMshuH ShaShThaM chaiva trilochanaH |
saptamaM haridashvashcha aShTamaM tu vibhAvasuH || 161||
navamaM dinakR^itproktaM dashamaM dvAdashAtmakam |
ekAdashaM trayImurtirdvAdashaM sUrya eva cha || 162||
dvAdashAdityanAmAni prAtaHkAle paThennaraH |
duHsvapnanAshanaM chaiva sarvaduHkhaM cha nashyati || 163||
dadrukuShThaharaM chaiva dAridryaM harate dhruvam |
sarvatIrthapradaM chaiva sarvakAmapravardhanam || 164||
yaH paThetmAtarutthAya bhaktyA nityamidaM naraH |
saukhyamAyustathA.a.arogyaM labhate mokShameva cha || 15||
agnimIDe namastubhyamiShetvorjesvarUpiNe |
agra AyAhi pItastvaM namaste jyotiShAM pate || 166||
shanno devi namastubhyaM jagachchakShurnamo.astu te |
pa~nchamAyopavedAya namastubhyaM namonamaH || 167||
padmAsanaH padmakaraH padmagarbhasamadyutiH |
saptAshvarathasaMyukto dvibhujaH syAtsadA raviH || 168||
Adityasya namaskAraM ye kurvanti dinedine |
janmAntarasahasreShu dAridryaM nopajAyate || 169||
(namo dharmanidhAnAya namaH sukR^itasAkShiNe |
namaH pratyakShadevAya bhAskarAya namonamaH ||
aparaH sharaNaM nAsti tvameva sharaNaM mama |
tasmAtkAruNyabhAvena rakSha rakSha divAkara ||
paurohityaM rajanicharaNaM grAmaNItvaM niH yogo
     mAThApatyaM vitathavachanaM sAkShivAdaH parAnnam |
brahmadveSha khalajanaratiH prANiShu nirdayatvaM
     mAbhUdetanmama dinapate janmajanmAntare.api ||
udayaMstu mahAbhAnustejasA chAbhaya~NkaraH |
sahasrarashmidIptashchatvAdityaH prIyatAM mama ||)
udayagirimupetaM bhAskaraM padmahastaM
    nikhilabhuvananetraM ratnaMratnopameyam |
timirakarimR^igendraM bodhakaM padminInAM
    suravaramabhivande sundaraM vishvavandyam || 170||

iti shrIbhaviShyottarapurANe shrIkR^iShNArjunasaMvAde
AdityahR^idayastotraM sampUrNam ||

##
Proofread by Nat Natarajan, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}