% Text title            : Brahmadibhih Kritam Surya Stotram 10
% File name             : brahmAdibhiHkRRitaMsUryastotram10.itx
% Category              : navagraha, brahmapurANa, stotra
% Location              : doc\_z\_misc\_navagraha
% Proofread by          : PSA Easwaran
% Description/comments  : brahmapurANa | adhyAya 33/9-23||
% Latest update         : October 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmadibhih Kritam Surya Stotram 10 ..}##
\itxtitle{.. brahmAdibhiH kR^itaM sUryastotram 10 ..}##\endtitles ##
j~nAtvA cha paramAtmAnaM sarva eva pR^ithak pR^ithak |
divyAbhiH stutibhirdevaH stuto.a.asmAbhistadeshvaraH || 8||
brahmAdaya UchuH |
Adidevo.asi devAnAmaishvaryAchcha tvamIshvaraH |
AdikarttA.asi bhUtAnAM devadevo divAkaraH || 9||
jIvanaH sarvabhUtAnAM devagandharvarakShasAm |
munikinnarasiddhAnAM tathaivoragapakShiNAm || 10||
tvaM brahmA tvaM mahAdevastvaM viShNustvaM prajApatiH |
vAyurindrashcha somashcha vivasvAnvaruNastathA || 11||
tvaM kAlaH suShTikarttA cha hartA bhartA tathA prabhuH |
saritaH sAgarAH shailA vidyudindradhanUMShi cha || 12||
pralayaH prabhavashchaiva vyaktAvyaktaH sanAtanaH |
IshvarAtparato vidyA vidyAyAH parataH shivaH || 13||
shivAtparataro devastvameva parameshvaraH |
sarvataH pANipAdAntaH sarvato.akShishiromukhaH || 14||
sahasrAMshuH sahasrAsyaH sahasracharaNekShaNaH |
bhUtAdirbhUrbhuvaHsvashcha mahaH satyaM tapo janaH || 15||
pradIptaM dIpanaM divyaM sarvalokaprakAshakam |
durnirIkShaM surendrANAM yadrUpaM tasya te namaH || 16||
surasiddhagaNairjuShTaM bhR^igvatripulahAdibhiH |
stutaM paramamavyaktaM yadrUpaM tasya te namaH || 17||
vedyaM vedavidAM nityaM sarvaj~nAnasamanvitam |
sarvadevAtidevasya yadrUpaM tasya te namaH || 18||
vishvakR^idvishvabhUtaM cha vaishvAnarasurArchitam |
vishvasthitamachintyaM cha yadrUpaM tasya te namaH || 19||
paraM yaj~nAt paraM vedAt paraM lokAt paraM divaH |
paramAtmetyabhikhyAtaM yadrUpaM tasya te namaH || 20||
avij~neyamanAlakShyamadhyAnagatamavyayam |
anAdinidhanaM chaiva yadrUpaM tasya te namaH || 21||
namo namaH kAraNakAraNAya namo namaH pApavimochanAya |
namo namaste ditijArdanAya namo namo rogavimochanAya || 22||
namo namaH sarvavarapradAya namo namaH sarvasukhapradAya |
namo namaH sarvadhanapradAya namo namaH sarvamatipradAya || 23||
stutaH sa bhagavAnevaM taijasaM rUpamAsthitaH |
uvAcha vAchA kalyANyA ko varo vaH pradIyatAm || 24||

iti brahmapurANe trayastriMshAdhyAyAntargataM
         brahmAdibhiH kR^itaM sUryastotraM samAptam |

brahmapurANa | adhyAya 33/9\-23||
##
brahmapurANa . adhyAya 33/9-23..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}