% Text title            : Brahmavishnurudrakritam Surya Stotram 13
% File name             : brahmaviShNurudrakRRitaMsUryastotram13.itx
% Category              : navagraha, bhaviShyapurANa, stotra
% Location              : doc\_z\_misc\_navagraha
% Proofread by          : PSA Easwaran
% Description/comments  : bhaviShyapurANa | brAhmaparva | adhyAya 123/11-24||
% Latest update         : October 7, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmavishnurudrakritam Surya Stotram 13 ..}##
\itxtitle{.. brahmaviShNurudrakR^itaM sUryastotram 13 ..}##\endtitles ##
(brahmaviShNurudrA UchuH)
Adidevo.asi devAnAmIshvarANAM tvamIshvaraH |
AdikartAsi bhUtAnAM devadeva sanAtana || 11||
jIvanaM sarvasattvAnAM devagandharvarakShasAm |
munikinnarasiddhAnAM tathaivoragapakShiNAm || 12||
tvaM brahmA tvaM mahAdevastvaM viShNustvaM prajApatiH |
vAyurindrashcha somashcha vivasvAnvaruNastathA || 13||
tvaM kAlaH sR^iShTikartA cha hartA trAtA prabhustathA |
saritaH sAgarAH shailA vidyudindradhanUMShi cha |
pralayaH prabhavashchaiva vyaktAvyaktaH sanAtanaH || 14||
IshvarAtparato vidyA vidyAyAH parataH shivaH |
shivAtparataro devastvameva parameshvara || 15||
sarvataH pANipAdastvaM sarvato.akShishiromukhaH |
sahasrAMshustvaM tu deva sahasrakiraNastathA || 16||
bhUrAdibhUrbhuvaH svashcha maharjanastapastathA |
pradIptaM dIptimannityaM sarvalokaprakAshakam |
durnirIkShyaM surendrANAM yadrUpaM tasya te namaH || 17||
surasiddhagaNairjuShTaM bhR^igvatripulahAdibhiH |
shubhaM paramamavyagraM yadrUpaM tasya te namaH || 18||
pa~nchAtItasthitaM tadvai dashaikAdasha eva cha |
ardhamAsamatikramya sthitaM tatsUryamaNDale |
tasmai rUpAya te deva praNatAH sarvadevatAH || 19||
vishvakR^idvishvabhUtaM cha vishvAnarasurArchitam |
vishvasthitamachintyaM cha yadrUpaM tasya te namaH || 20||
paraM yaj~nAtparaM devAtparaM lokAtparaM divaH |
duratikrameti yaH khyAtastasmAdapi paraM parAt |
paramAtmeti vikhyAtaM yadrUpaM tasya te namaH || 21||
avij~neyamachityaM cha adhyAtmagatamavyayam |
anAdinidhanaM devaM yadrUpaM tasya te namaH || 22||
namo namaH kAraNakAraNAya namo namaH pApavinAshanAya |
namo namo vanditavandanAya namo namo rogavinAshanAya || 23||
namo namaH sarvavarapradAya namo namaH sarvabalapradAya |
namo namo j~nAnanidhe sadaiva namo namaH pa~nchadashAtmakAya || 24||

iti bhaviShyapurANe brAhme parvaNi trayoviMshAdhikashatatamAdhyAyAntargataM
         brahmaviShNurudrAdikR^itaM sUryastotraM samAptam |

bhaviShyapurANa | brAhmaparva | adhyAya 123/11\-24||
##
bhaviShyapurANa . brAhmaparva . adhyAya 123/11-24..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}