% Text title            : Sambakritam Surya Stotram 33
% File name             : sAmbakRRitaMsUryastotram.itx
% Category              : navagraha, bhaviShyapurANa, stotra
% Location              : doc\_z\_misc\_navagraha
% Proofread by          : PSA Easwaran
% Description/comments  : bhaviShyapurANa | brAhmaparva | adhyAya 127/9-23||
% Latest update         : October 7, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sambakritam Surya Stotram ..}##
\itxtitle{.. sAmbakR^itaM sUryastotram ..}##\endtitles ##
sAmba uvAcha |
yadetanmaNDalaM shuklaM divyaM hyajaramavyayam |
yuktaM manojavairashvairhArItairbrahmavAdibhiH || 9||
AdireSha hi bhUtAnAmAditya iti sa.nj~nitaH |
trailokyachakShurevAtra paramAtmA prajApatiH || 10||
eSha vai maNDale hyasminpuruSho dIpyate mahAn |
eSha viShNurachintyAtmA brahmA chaiSha pitAmahaH || 11||
rudro mahendro varuNa AkAshaM pR^ithivI jalam |
vAyuH shashA~NkaH parjanyo dhanAdhyakSho vibhAvasuH || 12||
ya eSha maNDale hyasmin puruSho dIpyate mahAn |
ekaH sAkShAnmahAdevo vR^itramaNDanibhaH sadA || 13||
kAlo hyeSha mahAbAhurnibodhotpattilakShaNaH |
ya eSha maNDale hyasmiMstejobhiH pUrayanmahIm || 14||
bhrAmyate hyavyavachChinno vAtairyo.amR^italakShaNaH |
nAtaH parataraM ki~nchittejasA vidyate kvachit || 15||
puShNAti sarvabhUtAni eSha eva sudhAmR^itaiH |
antasthAnmlechChajAtIyAMstiryagyonigatAnapi || 16||
kAruNyAtsarvabhUtAni pAsi tvaM cha vibhAvaso |
shvitrakuShThyandhabadhirAnpa~NgUMshchApi tathA vibho || 17||
prapannavatsalo deva kurute nIrujo bhavAn |
chakramaNDalamagnAMshcha nirdhanAlpAyuShastathA || 18||
pratyakShadarshI tvaM deva samuddharasi lIlayA |
kA me shaktiH stavaiH stotumArto.ahaM rogapIDitaH || 19||
stUyase tvaM sadA devairbrahmaviShNushivAdibhiH |
mahendrasiddhagandharvairapsarobhiH saguhyakaiH || 20||
stutibhiH kiM pavitrairvA tava deva samIritaiH |
yasya te R^igyajuH sAmnAM tritayaM maNDalasthitam || 21||
dhyAninAM tvaM paraM dhyAnaM mokShadvAraM cha mokShiNAm |
anantatejasAkShobhyo hyachintyAvyaktaniShkalaH || 22||
yadayaM vyAhR^itaH ki~nchitstotre.asmi~njagataH patiH |
ArtiM bhaktiM cha vij~nAya tatsarvaM j~nAtumarhasi || 23||

iti bhaviShyapurANe brAhme parvaNi saptaviMshAdhikashatatamAdhyAyAntargataM
         sAmbakR^itaM sUryastotraM samAptam |

bhaviShyapurANa | brAhmaparva | adhyAya 127/9\-23||
##
bhaviShyapurANa . brAhmaparva . adhyAya 127/9-23..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}