% Text title            : sUryastotram 5
% File name             : sUryastotram5.itx
% Category              : navagraha
% Location              : doc\_z\_misc\_navagraha
% Proofread by          : Pallasena Narayanaswami ppnswami at gmail.com
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Source                : mahAbhArata
% Latest update         : February 20, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sUryastotram 5 ..}##
\itxtitle{.. sUryastotram 5 ..}##\endtitles ##

shrIgaNeshAya namaH ||
tvaM bhAno jagatashchakShustvamAtmA sarvadehinAm |
tvaM yoniH sarvabhUtAnAM tvamAchAraH kriyAvatAm || 1||
tvaM gatiH sarvasA~NkhyAnAM yoginAM tvaM parAyaNam |
anAvR^itArgaladvAraM tvaM gatistvaM mumukShatAm || 2||
tvayA sandhAryate lokastvayA lokaH prakAshyate |
tvayA pavitrIkriyate nirvyAjaM pAlyate tvayA || 3||
tvAmupasthAya kAle tu brAhmaNA vedapAragAH |
svashAkhAvihitairmantrairarchatyR^iShigaNArchita || 4||
tava divyaM rathaM yAntamanuyAnti varArthinaH |
siddhachAraNagadharvA yakShaguhyakapannagAH || 5||
trayastriMshachcha vai devAstathA vaimAnikA gaNAH |
sopendrAH samahendrAshcha tvAmiShTvA siddhimAgatAH || 6||
upayAntyarchayitvA tu tvAM vai prAptamanorathAH |
divyamandAramAlAbhistUrNaM vidyAdharottamAH || 7||
guhyAH pitR^igaNAH sapta ye divyA ye cha mAnuShAH |
te pUjayitvA tvAmeva gachChantyAshu pradhAnatAm || 8||
vasavo maruto rudrA ye cha sAdhyA marIchipAH |
vAlakhilyAdayaH siddhAH shreShThatvaM prANinAM gatAH || 9||
sabrahmakeShu lokeShu saptasvapyakhileShu cha |
na tadbhUtamahaM manye yadarkAdatirichyate || 10||
santi chAnyAni sattvAni vIryavanti mahAnti cha |
na tu teShAM tathA dIptiH prabhavo vA yathA tava || 11||
jyotIMShi tvayi sarvANi tvaM sarvajyotiShAM patiH |
tvayi satyaM cha sattvaM cha sarve bhAvAshcha sAttvikAH || 12||
tvattejasA kR^itaM chakraM sunAbhaM vishvakarmaNA |
devArINAM mado yena nAshitaH shAr~NgadhanvanA || 13||
tvamAdAyAMshubhistejo nidAghe sarvadehinAm |
sarvauShadhirasAnAM cha punarvarShAsu mu~nchasi || 14||
tapantyanye dahantyanye garjantyanye yathA ghanAH |
vidyotante pravarShanti tava prAvR^iShi rashmayaH || 15||
na tathA sukhayatyagnirna prAvArA na kambalAH |
shItavAtArditaM lokaM yathA tava marIchayaH || 16||
trayodashadvIpavatIM gobhirbhAsayase mahIm |
trayANAmapi lokAnAM hitAyaikaH pravartase || 17||
tava yadyudayo na syAdandhaM jagadidaM bhavet |
na cha dharmArthakAmeShu pravarteranmanIShiNaH || 18||
AdhAnapashubandheShTimantrayaj~natapakriyAH |
tvatprasAdAdavApyante brahmakShatravishAM gaNaiH || 19||
yadaharbrahmaNaH proktaM sahasrayugasammitam |
tasya tvanAdirantashcha kAlaj~naiH parikIrtitaH || 20||
manUnAM manuputrANAM jagato.amAnavasya cha |
manvantarANAM sarveShAmIshvarANAM tvamIshvaraH || 21||
saMhArakAle samprApte tava krodhaviniHsR^itaH |
saMvartakAgnistrailokyaM bhasmIkR^ityAvatiShThate || 22||
tvaddIdhitisamutpannA nAnAvarNA mahAdhanAH |
sairAvatAH sAshanayaH kurvantyAbhUtasamplavam || 23||
kR^itvA dvAdashadhAtmAnaM dvAdashAdityatAM gataH |
saMhR^ityaikArNavaM sarvaM tvaM shoShayasi rashmibhiH || 24||
tvAmindramAhustvaM rudrastvaM viShNustvaM prajApatiH |
tvamagnistvaM manaH sUkShmaM prabhustvaM brahma shAshvatam || 25||
tvaM haMsaH savitA bhAnuraMshumAlI vR^iShAkapiH |
vivasvAnmihiraH pUShA mitro dharmastathaiva cha || 26||
sahasrarashmirAdityastapanastvaM gavAM patiH |
mArtaNDo.arko raviH sUryaH sharaNyo dinakR^ittathA || 27||
divAkaraH saptasaptirdhAmakeshI virochanaH |
AshugAmI tamoghnashcha haritAshvashcha kIrtyase || 28||
saptamyAmathavA ShaShTyAM bhaktyA pUjAM karoti yaH |
anirviNNo.anaha~NkArI taM lakShmIrbhajate naram || 29||
na teShAmApadaH santi nAdhayo vyAdhayastathA |
ye tavAnanyamanasA kurvatyarchanavandanam || 30||
sarvarogairvirahitAH sarvapApavivarjitAH |
tvadbhAvabhaktAH sukhino bhavanti chirajIvinaH || 31||
tvaM mamApannakAmasya sarvAtithyaM chikIrShataH |
annamannapate dAtumamitaH shraddhayArhasi || 32||
ye cha te.anucharAH sarve pAdopAntaM samAshritAH |
mATharAruNadaNDAdyAstAMstAnvande.ashanikShubhAn || 33||
kShubhayA sahito maitrI yAshchAnyA bhUtamAtaraH |
tAshcha sarvA namasyAmi pAntu mAM sharaNAgatam || 34||
evaM stuto mahArAja bhAskaro lokabhAvanaH |
tato divAkaraH prIto darshayAmAsa pANDavam || 35||
dIpyamAnaH svavapuShA jvalanniva hutAshanaH |
vivasvAnuvAcha ||
yatte.abhilaShitaM ki~nchittattvaM sarvamavApsyasi || 36||
ahamannaM pradAsyAmi sapta pa~ncha cha te samAH |
gR^ihNIShva piTharaM tAmraM mayA dattaM narAdhipa || 37||
yAvadvartsyati pA~nchAlI pAtreNAnena suvrata |
phalamUlAmiShaM shAkaM saMskR^itaM yanmahAnase || 38||
chaturvidhaM tadannAdyamakShayyaM te bhaviShyati |
itashchaturdashe varShe bhUyo rAjyamavApsyasi || 39||
vaishampAyana uvAcha ||
evamuktvA tu bhagavAMstatraivAntaradhIyata |
imaM stavaM prayatamanAH samAdhinA paThedihAnyo.api varaM samarthayan || 40||
tattasya dadyAchcha rabirmanIShitaM tadApnuyAdyadyapi tatsudurlabham |
yashchedaM dhArayennityaM shR^iNuyAdvApyabhIkShNashaH || 41||
putrArthI labhate putraM dhanArthI labhate dhanam |
vidyArthI labhate bridyA puruSho.apyathavA striyaH || 42||
ubhe sandhye japennityaM nArI vA puruSho yadi |
ApadaM prApya muchyeta baddho muchyeta bandhanAt || 43||

iti shrImahAbhAratoktaM yudhiShThiravirachitaM sUryastotraM sampUrNam ||
##
Proofread by Pallasena Narayanaswami ppnswami at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}