% Text title            : Shivavishnukritam Surya Stotram 16
% File name             : shivaviShNukRRitaMsUryastotram16.itx
% Category              : navagraha, bhaviShyapurANa, stotra
% Location              : doc\_z\_misc\_navagraha
% Proofread by          : PSA Easwaran
% Description/comments  : bhaviShyapurANa | brAhmaparva | adhyAya 153/50-80||
% Latest update         : October 7, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivavishnukritam Surya Stotram 16 ..}##
\itxtitle{.. shivaviShNUkR^itaM sUryastotram 16 ..}##\endtitles ##
mahAdeva uvAcha |
jaya bhAva jayAjeya jaya haMsa divAkara |
jaya shambho mahAbAho khaga gochara bhUdhara || 60||
jaya lokapradIpena jaya bhAno jagatpate |
jaya kAla jayAnanta saMvatsara shubhAnana || 61||
jaya devAditeH putra kashyapAnandavardhana |
tamoghna jaya saptesha jaya saptAshvavAhana || 62||
mahesha jaya kAntIsha jaya kAlesha sha~Nkara |
arthakAmesha dharmesha jaya mokShesha sharmada || 63||
jaya vedA~NgarUpAya graharUpAya vai namaH |
satyAya satyarUpAya surUpAya shubhAya cha || 64||
krodhalobhavinAshAya kAmanAshAya vai jaya |
kalmAShapakShirUpAya yatirUpAya shambhave || 65||
vishvAya vishvarUpAya vishvakarmAya vai jaya |
jayo~NkAra vaShaTkAra svAhAkAra svadhAmaya || 66||
jayAshvamedharUpAya chAgnirUpAryamAya cha |
saMsArArNavapItAya mokShadvArapradAya cha || 67||
saMsArArNavamagnasya mama deva jagatpate |
hastAvalambano deva bhava tvaM gopate.adbhuta || 68||
Isho.apyevamahInA~NgaM stutvA bhAnuM prayatnataH |
virarAma mahArAja praNamya shirasA ravim || 69||
atha viShNurmahAtejAH kR^itA~njalipuTo ravim |
uvAcha rAjashArdUla bhaktyA shraddhAsamanvitaH || 70||
viShNuruvAcha |
namAmi devadeveshaM bhUtabhAvanamavyayam |
divAkaraM raviM bhAnuM mArtaNDaM bhAskaraM bhagam || 71||
indraM viShNuM hariM haMsamarkaM lokaguruM vibhum |
trinetraM tryakSharaM trya~NgaM trimUrtiM trigatiM shubham || 72||
ShaNmukhAya namo nityaM trinetrAya namo namaH |
chaturviMshatipAdAya namo dvAdashapANaye || 73||
namaste bhUtapataye lokAnAM pataye namaH |
devAnAM pataye nityaM varNAnAM pataye namaH || 74||
tvaM brahmA tvaM jagannAtho rudrastvaM cha prajApatiH |
tvaM somastvaM tathA.a.adityastvamo~NkAraka eva hi || 75||
bR^ihaspatirbudhastvaM hi tvaM shukrastvaM vibhAvasuH |
yamastvaM varuNastvaM hi namaste kashyapAtmaja || 76||
tvayA tatamidaM sarvaM jagatsthAvaraja~Ngamam |
tvatta eva samutpannaM sadevAsuramAnuSham || 77||
brahmA chAhaM cha rudrashcha samutpannA jagatpate |
kalpAdau tu purA deva sthitaye jagato.anagha || 78||
namaste vedarUpAya ahorUpAya vai namaH |
namaste j~nAnarUpAya yaj~nAya cha namo namaH || 79||
prasIdAsmAsu devesha bhUtesha kiraNojjvala |
saMsArArNavamagnAnAM prasAdaM kuru gopate || 80||
vedAntAya namo nityaM namo yaj~nakalAya cha |

iti bhaviShyapurANe brAhme parvaNi trayaHpa~nchAshadadhikashatatamAdhyAyAntargataM
         shiva\-viShNukR^itaM sUryastotraM samAptam |

bhaviShyapurANa | brAhmaparva | adhyAya 153/50\-80||
##
bhaviShyapurANa . brAhmaparva . adhyAya 153/50-80..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}