% Text title            : Vishvakarmakritam Suryastavanam
% File name             : vishvakarmakRRitaMsUryastavanam.itx
% Category              : navagraha, mArkaNDeyapurANa, stava
% Location              : doc\_z\_misc\_navagraha
% Proofread by          : PSA Easwaran
% Description/comments  : mArkaNDeyapurANa | adhyAya 104/2-11||
% Latest update         : October 22, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishvakarmakritam Suryastavanam ..}##
\itxtitle{.. vishvakarmakR^itaM sUryastavanam ..}##\endtitles ##
mArkaNDeya uvAcha |
likhyamAne tato bhAnau vishvakarmA prajApatiH |
udbhUtapulakaH stotramidaM chakre vivasvataH || 1||
vishvakarmA uvAcha |
vivasvate praNatahitAnukampine mahAtmane samajavasaptasaptaye |
sutejase kamalakulAvabodhine namastamaH paTalapaTAvapATine || 2||
pAvanAtishayapuNyakarmaNe naikakAmaviShayapradAyine |
bhAsvarAnalamayUkhashAyine sarvalokahitakAriNe namaH || 3||
ajAya lokatrayakAraNAya bhUtAtmane gopataye vR^iShAya |
namo mahAkAruNikottamAya sUryAya chakShuHprabhavAlayAya || 4||
vivasvate j~nAnamR^ite.antarAtmane jagatpratiShThAya jagaddhitaiShiNe |
svayambhuve lokasamastachakShuShe surottamAyAmitatejase namaH || 5||
kShaNamudayAchalamaulimaNiH suragaNamahitahito jagataH |
tvamu mayUkhasahasravapurjagati vibhAsi tamAMsi nudan || 6||
bhavatimirAsavapAnamadAdbhavati vilohitavigrahatA |
mihira vibhAsi yataH sutarAM tribhuvanabhAvanabhAnikaraiH || 7||
rathamadhiruhya samAvayavaM chAruvikampitamururuchiram |
satatamakhinnahayairbhagavaMshcharasi jagaddhitAya vitatam || 8||
amR^itamayena rasena samaM vibudhapitR^Inapi tarpayase |
arigaNasUdana tena tava praNatimupetya likhAmi vapuH || 9||
shukasamavarNahyaprathitaM tava padapAMsupavitratamam |
natajanavatsala mAM praNataM tribhuvanapAvana pAhi rave || 10||
iti sakalajagaprasUtibhUtaM tribhuvanabhAvanadhAmahetumekam |
ravimakhilajagatpradIpabhUtaM tridashavara praNato.asmi sarvadA tvAm || 11||

iti shrImArkaNDeyapurANe chaturadhikashatatamAdhyAyAntargataM
         vishvakarmakR^itaM sUryastavanaM samAptam |

mArkaNDeyapurANa | adhyAya 104/2\-11||
##
mArkaNDeyapurANa . adhyAya 104/2-11..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}