% Text title            : Jivanmuktanandalahari
% File name             : Jivanmuktanandalahari.itx
% Category              : laharI, shankarAchArya
% Location              : doc\_z\_misc\_shankara
% Transliterated by     : Sunder Hattangadi
% Latest update         : April 15, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jivanmuktanandalahari ..}##
\itxtitle{.. jIvanmuktAnandalaharI ..}##\endtitles ##
pure paurAnpashyannarayuvatinAmAkR^itimayAn
suveShAnsvarNAla~NkaraNakalitAMshchitrasadR^ishAn |
svayaM sAkShAddraShTetyapi cha kalayaMstaiH saha raman
munirna vyAmohaM bhajati gurudIkShAkShatatamAH || 1||
vane vR^ikShAnpashyandalaphalabharAnnamrasushikhAn
ghanachChAyAchChannAnbahulakalakUjaddvijagaNAn |
bhajanghasrerAtrAvavanitalakalpaikashayano
munirna vyAmohaM bhajati gurudIkShAkShatatamAH || 2||
kadAchitprAsAde kvachidapi cha saudheShu dhaninAM
kadA kAle shaile kvachidapi cha kUleShu saritAm |
kuTIre dAntAnAM munijanavarANAmapi vasan
munirna vyAmohaM bhajati gurudIkShAkShatatamAH || 3||
kvachidbAlaiH sArdhaM karatalajatAlaiH sahasitaiH
kvachittAruNyAla~NkR^itanaravadhUbhiH saha raman |
kvachidvR^iddhaishchintAkulita hR^idayaishchApi vilapan
munirna vyAmohaM bhajati gurudIkShAkShatatamAH || 4||
kadAchidvidvadbhirvividiShubhiratyantanirataiH
kadAchitkAvyAla~NkR^itirasarasAlaiH kavivaraiH |
kadAchitsattarkairanumitiparaistArkikavarai\-
rmunirna vyAmohaM bhajati gurudIkShAkShatatamAH || 5||
kadA dhyAnAbhyAsaiH kvachidapi saparyAM vikasitaiH
sugandhaiH satpuShpaiH kvachidapi dalaireva vimalaiH |
prakurvandevasya pramuditamanAH sannatiparo
munirna vyAmohaM bhajati gurudIkShAkShatatamAH || 6||
shivAyAH shambhorvA kvachidapi cha viShNorapi kadA
gaNAdhyakShasyApi prakaTitavarasyApi cha kadA |
paThanvai nAmAliM nayanarachitAnandasalilo
munirna vyAmohaM bhajati gurudIkShAkShatatamAH || 7||
kadA ga~NgAmbhobhiH kvachidapi cha kUpotthasalilaiH
kvachitkAsArotthaiH kvachidapi saduShNaishcha shishiraiH |
bhajansnAnaM bhUtyA kvachidapi cha karpUranibhayA
munirna vyAmohaM bhajati gurudIkShAkShatatamAH || 8||
kadAchijjAgartyAM viShayakaraNaiH saMvyavaharan
kadAchitsvapnasthAnapi cha viShayAneva cha bhajan |
kadAchitsauShuptaM sukhamanubhavanneva satataM
munirna vyAmohaM bhajati gurudIkShAkShatatamAH || 9||
kadApyAshAvAsAH kvachidapi cha divyAmbaradharaH
kvachitpa~nchAsyotthAM tvachamapi dadhAnaH kaTitaTe |
manasvI niHsa~NgaH sujanahR^idayAnandajanako
munirna vyAmohaM bhajati gurudIkShAkShatatamAH || 10||
kadAchitsattvasthaH kvachidapi rajovR^ittisugata\-
stamovR^ittiH kvApi tritayarahitaH kvApi cha punaH |
kadAchitsaMsArI shrutipathavihArI kvachidaho
munirna vyAmohaM bhajati gurudIkShAkShatatamAH || 11||
kadAchinmaunasthaH kvachidapi cha vAgvAdanirataH
kadAchitsvAnandaM hasitarabhasastyaktavachanaH  | (kadAchitsAnandaM)
kadAchillokAnAM vyavahR^itisamAlokanaparo
munirna vyAmohaM bhajati gurudIkShAkShatatamAH || 12||
kadAchichChaktInAM vikachamukhapadmeShu kamalaM
kShipaMstAsAM kvApi svayamapi cha gR^ihNansvamukhataH |
tadadvaitaM rUpaM nijaparavihInaM prakaTayan
munirna vyAmohaM bhajati gurudIkShAkShatatamAH || 13||
kvachichChaivaiH sArthaM kvachidapi cha shAktaiH saha vasan
kadA viShNorbhaktaiH kvachidapi cha sauraiH saha vasan |
kadA gANApatyairgatasakalabhedo.advayatayA
munirna vyAmohaM bhajati gurudIkShAkShatatamAH || 14||
nirAkAraM kvApi kvachidapi cha sAkAramamalaM
nijaM shaiva rUpaM vividhaguNabhedena bahudhA |
kadAshcharyaM pashyankimidamiti hR^iShyannapi kadA
munirna vyAmohaM bhajati gurudIkShAkShatatamAH || 15||
kadA.advaitaM pashyannakhilamapi satyaM shivamayaM
mahAvAkyArthAnAmavagatisamabhyAsavashataH |
gatadvaitAbhAsaH shiva shiva shivetyeva vilapan
munirna vyAmohaM bhajati gurudIkShAkShatatamAH || 16||
imAM muktAvasthAM paramashivasaMsthAM gurukR^ipA\-
sudhApA~NgAvyApyAM sahajasukhavyApyAmanudinam |
muhurmajjanmajjanbhajati sukR^itaishchennaravaraH
tadA tyAgI yogI kaviriti vadantIha kavayaH || 17||

iti shrImatparamahaMsaparivrAjakAchAryasya
shrIgovindabhagavatpUjyapAdashiShyasya
shrImachCha~NkarabhagavataH kR^itau
jIvanmuktAnandalaharI sampUrNA ||

##
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}