% Text title            : Gitarahasyam According to Shankaracharya by S. B. Warnekar
% File name             : gItArahasyamshankarAchAryAbhimatam.itx
% Category              : shankarAchArya, gItA, giitaa
% Location              : doc\_z\_misc\_shankara
% Author                : Shri S. B. Warnekar
% Transliterated by     : Mandar Mali aryavrutta at gmail.com
% Proofread by          : Mandar Mali aryavrutta at gmail.com
% Description/comments  : Sarawati Sushma 1986, 87 Shankaracharya 12th Birth Centennary Issue Sampurnanada University
% Latest update         : April 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gitarahasyam According to Shri Shankaracharya ..}##
\itxtitle{.. jagadgurushrIsha~NkarAchAryAbhimataM gItArahasyam ..}##\endtitles ##
lekhakaH \- DA.c shrIdharabhAskaravarNekaraH, nAgapuram
jagadgurushrIsha~NkarAchAryacharaNaiH
shrImadbhagavadgItopaniShadbhAShyasya prathamAdhyAyArambhe tathA
dvitIyAdhyAyasya \ldq{}ashochyAnanvashochastvam\rdq{} ityasmAn shlokAt prAk
svAbhimataM gItArahasyaM yuktiyuktairvachobhiH pratipAditam | \ldq{}tasmAd
gItAsu kevalAd eva tattvaj~nAnAt mokShaprAptiH, na karmasamuchitAditi
nishchito.arthaH |\rdq{} (adhyAya 2) \ldq{}tasmAt kevalAdeva j~nAnAnmokSha
ityeSho.artho nishchito gItAsu sarvopaniShatsu cha |\rdq{} (adhyAya 3)
ityetad gItArahasyaM sunishchitaM pratipAdya tadeva sarvatra gItAsu
prakaraNasho vibhajya tatra tatra darshitam |

tadidaM jagadgurusammataM gItArahasyamasmAbhiH 44 kArikAsu saMkShepata
upanibaddham | jagadgurusammataM gItArahasyaM samyak smR^itigataM
kartumimAH kArikA atIvopakAriNyo bhaveyurityAshAsmahe ||

vedokto dvividho dharmo gItAsu pratipAditaH |
pravR^ittilakShaNo hyekashchAnyo nirvR^ittilakShaNaH || 1||
dharmasya dvividho heturjagataH saMsthitistathA |
prANino.abhyudayashchAnyo niHshreyasasamanvitaH || 2||
kShINe vivekavij~nAne viduShAM kAmavardhane |
glAnimApadyate dharmo hyadharmaH kAmavardhane || 3||
brAhmaNyAdhInameveha varNAshramavibhAjanam |
brAhmaNye rakShite dharmo vaidikaH syAt surakShitaH || 4||
brAhmaNatvaM vijAnIyAd bhaumaM brahma sanAtanam |
tadrakShaNArthaM kR^iShNatvaM prApa nArAyaNaH svayam || 5||
shokamohAbdhinirmagnaM pArthaM pratyAha keshavaH |
dvividhaM vaidikaM dharmaM sarvalokAddidhIrShayA |
prachIyate hi dharmo.asau pAlyate yo guNAdhikaiH || 6||
sa~NgrahaH sarvavedArthasArANAmIshvaroditaH |
vyAsaH saptashatashlokaistamevopanibaddhavAn || 7||
niHshreyasaM paraM j~neyaM gItAshAstraprayojanam |
sahetukasya saMsArasyAtyantoparamo hi tat || 8||
niHshreyasaM tadAdhyAtmaj~nAnaniShThAsvarUpiNaH |
prApyate dharmataH sarvakarmasa.nnyAsaapUrvakAt || 9||
bhagavAnanugItAsu gItAdharmaprayojanam |
samastakarma sa.nnyAsaaparamityabravIt svayam || 10||
varNAnAmAshramANAM yo.abhyudayaikaprayojanaH |
pravR^ittilakShaNo dharmaH sa svargaprAptisAdhanam || 11||
phalAbhisandhirahito brahmArpaNadhiyA tathA |
pravR^ittilakShaNo dharmo.anuShTheyaH satvashuddhaye || 12||
sattvashuddhatayA j~nAnaniShThApAtratvamAptavAn |
vindate parama j~nAnaM niHshreyasaphalapradam || 13||
pravR^ittilakShaNo dharmo gItAsu pratipAditaH |
j~nAnotpattinidAnatvAnniHshreyasaparo hi saH || 14||
yoginaH karma kurvanti sa~NgaM tyaktvA.a.atmashuddhaye |
hetuH pravR^ittidharmasya gItAvAkye.atra dR^ishyate || 15||
taM shAshvataM vaidikameva dharma
dvidhA hi niHshreyasamAtrahetum |
tathA paraM brahma cha keshavAkhyaM
gItAmahAshAstramabhivyanakti || 16||
yo hi samyaga vijAnIte gItAshAstrArthamAntaram ||
samastapuruShArthAnAM sa siddhimadhigachChati || 17||
(gItA\-dvitIyAdhyAyaprAstAvikam)
shokamohAdayo doShAH saMsArotpattihetavaH |
viShAdayogo boddhavyastadutpattiprabuddhaye || 18||
vivekaH shokamohAbhyAM vij~nAnaM chAbhibhUyate |
tataH svadharmaM santyajya pratiShiddhe pravartate || 19||
yathA svayaM pravR^itto.api kShAtradharma nije.arjunaH |
uparamya tato mene paradharmaM  hitAvaham || 20||
svadharme.api pravR^ittAnAM pravR^ittiH prAyasho nR^iNAm |
phalAbhisandhisahitA sAha~NkArA cha dR^ishyate |
phalAbhilAShA.aha~NkArau dharmadoShakarAvubhau || 21||
sakAmakarmato buddhirjAyate pApapuNyayoH |
tata eva hi saMsAre jIvo.ayaM parivartate || 22||
iShTajanmasukhAniShTajanmaduHkhAptilakShaNaH
saMsAraH parihartavyaH shokamohasamudbhavaH || 23||
samastakarmasa.nnyAsaapUrvakAdatinirmalAt |
Atmaj~nAnAdR^ite naiva nivR^ittiH shokamohayoH || 24||
nimittIkR^itya tat pArthaM shokamohasamAkulam |
bhagavAnadishad gItAM sarvAnugrahahetave || 25||
(pUrvapakShaH)
kuru karmeti bruvato.abhiprAyaH shrIhareH sphuTo nUnam |
j~nAnAddhi karmasahitAt kaivalyaprAptiriti vadantyeke || 26||
dharmyaM yuddhamakR^itvA pApaM syAditi nivedayan kR^iShNaH |
shrautaM smArtaM hiMsAkrUraM  karmApi muktaye prAha || 27||
(uttarapakShaH)
kaivalyaprAptaye j~nAna\-karmayogasamuchchayam |
ye darshayanti gItAsu teShAM hi tadsanmatam || 28||
sA~Nkhya\-yogAbhidhaM buddhidvayaM lokeShu vartate |
j~nAna\-karmAbhidhA dvedhA niShThA gItoditA tataH || 29||
ShaDvikriyAvihInatvAdakartAtmaiti yA matiH |
sA sA~NkhyabuddhiH sA~NkhyAkhyaj~nAninAmuchitA mama || 30||
prAyeNa sA~NkhyabuddheH prAg yogabuddhiH prajAyate |
yayAtmA dehasambhinnaH kartA bhokteti bhAsate || 31||
dharmAdharmavivekena mokShasAdhanakarmaNAm |
nirantaramanuShThAnaM tad yoga iti kathyate || 32||
yogabuddhi samAshritya ye.antaHkaraNashuddhaye ||
yogAkhyaM karma kurvanti te yogina iti smR^itAH || 33||
j~nAna\-karmAmidhaM niShThAdvayaM prAheshvaraH pR^ithak |
pashyannekatra puruShe vR^iddhidvayamasambhavam || 34||
bR^ihadAraNyake.apyetad niShThAdvayamudIritam |
yatrAkAmasya sa.nnyAsaaH proktaM karma cha kAmyataH || 35||
yadi syAt sammataH shrautakarmaj~nAnasamuchchayaH |
gItAsu nopapadyeta vibhAgavachanaM tadA |
jyAyasI chediti prashnaH pArthasyApi na yujyate || 36||
asambhavamanuShThAnamekena j~nAnakarmaNoH |
na chedidaM hareruktaM shR^iNuyAdarjunaH katham || 37||
ashrutaM cha kathaM buddherjyAyastvaM karmaNo.arjunaH |
jyAyasItyAdibhirvAkyairmR^iShA.adhyAropayet prabhau || 38||
uktaH syAd yadi sarveShAM j~nAnakarmasamuchchayaH |
pArthasyApi kR^ite tarhi sa eva hi niveditaH || 39||
ubhayorupadeshe.api prashnottarasamAshritaH ||
'yachChreya etayoreka\rdq{}miti naivopapadyate || 40||
shItaM cha madhuraM chAnnaM bhoktavyaM pittashAntaye |
ityukte.anyatarashreyojij~nAsA nopapadyate || 41||
pArthaprashno.atha kalpyeta kR^iShNoktAnavadhAraNAt |
taduttare kathaM nokto buddhi\-karma\-samuchchayaH || 42||
loke.asmin dvividhA niShThA purA prokteti chottaram |
pR^iShTAdananurUpaM tanneshvarasyopapadyate || 43||
samuchchayastathA buddheH shrautavat smArtakarmaNA |
nAbhipreto.anyathA sarva vibhAgavachanaM vR^ithA || 44||
yuddha karma kShatriyasya smArta mityapi jAnanaH |
upAlambho vR^ithA 'ghore karmaNI'tyarjunasya cha || 45||
 tasmAd gItAsu naiveShanmAtreNApi pradarshyatAm |
karmaNA dvividhenAtmaj~nAnasya hi samuchchayaH || 46||
karmaNyabhipravR^ittasyAj~nAnarAgAdidoShataH |
satvashuddhatayA j~nAnaM sarvaM brahmeti jAyate || 47||
nivR^ittaM j~nAnnato yasya karma vA tatprayojanam |
sa hi karma pravR^ittashchellokasa~Ngrahahetave |
tasminnapi na sambhAvyo j~nAnakarmasamuchchayaH || 48||
yathA bhagavati kShAtrakarmaj~nAnasamuchchayaH |
na sambhavati niShkAme tathA tAdR^ishi paNDite || 49||
na karomIti tattvaj~no manyate bhagavatsamaH |
phalaM cha nAbhisandhatte kriyamANasya karmaNaH || 50||
kAmye yaj~ne pravR^ittasya kAme sAmikR^ite hate |
kriyamANaH punaryaj~no niShkAmaH khalu jAyate |
pramANaM bhagavadvAkya\- \ldq{}kurvannapi na lipyate\rdq{} || 51||
\ldq{}karmaNaiva hi saMsiddhimAsthitA janakAdayaH\rdq{} |
vAkyamevaMvidhaM j~neyaM pravibhajyaiva tattvataH || 52||
atha chejjanakAdyAste naiva tattvavido matAH |
karmaNA chittashuddhiM te prAptA ityavagamyatAm || 53||
\ldq{}yoginaH karma kurvanti sa~NgaM tyaktvA.a.atmashuddhaye\rdq{} |
ityasmin bhagavadvAkye j~neyaM karmaprayojanam || 54||
na hi niHshreyasaprAptirj~nAna\-karmasamuchchayAt |
abhiprAyeNa gItAyAstattvaj~nAnAttu kevalAt || 55||

iti shrIshrIdharabhAskaravarNekaraH virachitaM
jagadgurushrIsha~NkarAchAryAbhimataM gItArahasyaM sampUrNam |

##
Encoded and proofread by Mandar Mali

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}