% Text title            : maniratnamala (aka Prashnottari-maniratnamala)
% File name             : maniratnamala.itx
% Category              : stotra, shankarAchArya, advice
% Location              : doc\_z\_misc\_shankara
% Author                : Attributed to Adi Shankaracharya
% Transliterated by     : sunder hattangadi
% Proofread by          : sunder hattangadi
% Description-comments  : 32 verses on conduct conducive to liberation
% Latest update         : Jan. 2, 2014
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prashnottara Maniratnamala ..}##
\itxtitle{.. prashnottara maNiratnamAlA ..}##\endtitles ##
apArasaMsArasamudramadhye
     nimajjato me sharaNaM kimasti .
guro kR^ipAlo kR^ipayA vadaita\-
     dvishveshapAdAmbujadIrghanaukA .. 1..
baddho hi ko yo viShayAnurAgI
     ko vA vimukto viShaye viraktaH . viShayairvimuktaH
ko vA.asti ghoro narakaH svadeha\-
     stR^iShNAkShayaH svargapadaM kimasti .. 2..
saMsArahR^itkastu nijAtmabodhaH
     ko mokShahetuH prathitaH sa eva .
dvAraM kimekaM narakasya nArI
     kA svargadA prANabhR^itAmahiMsA .. 3..
shete sukhaM kastu samAdhiniShTho
     jAgarti ko vA sadasadvivekI .
ke shatravaH santi nijendriyANi
     tAnyeva mitrANi jitAni kAni .. 4..
ko vA daridro hi vishAlatR^iShNaH
     shrImAMshcha ko yasya samastatoShaH .
jIvanmR^ito kastu nirudyamo yaH
     kovA.amR^itaH syAtsukhadA nirAshA .. 5..
pAsho hi ko yo mamatAbhidhAnaH
     saMmohayatyeva sureva kA strI .
ko vA mahAndho madanAturo yo
     mR^ityushcha ko vApayashaH svakIyam .. 6..
ko vA gururyo hi hitopadeShTA
     shiShyastu ko yo guru bhakta eva .
ko dIrgha rogo bhava eva sAdho
     kimauShadhiM tasya vichAra eva .. 7..
kiM bhUShaNAdbhUShaNamasti shIlaM
     tIrthaM paraM kiM svamano vishuddham .
kimatra heyaM kanakaM cha kAntA
     shrAvyaM sadA kiM guruvedavAkyam .. 8..
ke hetavo brahmagatestu santi
     satsa~NgatirdAnavichAratoShAH . shAntivichAratoShAH
ke santi santo.akhilavItarAgAH
     apAstamohAH shivatattvaniShThAH .. 9..
ko vA jvaraH prANabhR^itAM hi chintA
     mUrkho.asti ko yastu vivekahInaH .
kAryA mayA kA shivaviShNubhaktiH
     kiM jIvanaM doShavivarjitaM yat .. 10..
vidyA hi kA brahmagatipradA yA
     bodho hi ko yastu vimukti hetuH . bodho.asti
ko lAbha AtmAvagamo hi yo vai
     jitaM jagatkena mano hi yena .. 11..
shUrAnmahAshUratamo.asti ko vA
     manojabANairvyathito na yastu .
prAj~no.atidhIrashcha samo.asti ko vA
     prApto na mohaM lalanAkaTAkShaiH .. 12..
viShAdviShaM kiM viShayAH samastA
     duHkhI sadA ko viShayAnurAgI .
dhanyo.asti ko yastu paropakArI
     kaH pUjanIyo nanu tattvaniShThaH .. 13..
sarvAsvavasthAsvapi kiM na kAryaM
     kiMvA vidheyaM viduShAM prayatnAt .
snehashcha pApaM paThanaM cha dharmaH
     saMsAramUlaM hi kimasti chintA .. 14..
vij~nAnmahAvij~natamo.asti ko vA
     nAryA pishAchyA na cha va~nchito yaH .
kA shR^i~NkhalA prANabhR^itAM cha nArI
     divyaM vrataM kiM cha nirastadainyam .. 15..
j~nAtuM na shakyaM hi kimasti sarvai\-
     ryoShinmano yachcharitaM tadIyam .
kA dustyajA sarvajanairdurAshA
     vidyAvihInaH pashurasti ko vA .. 16..
vAso na sa~NgaH saha kairvidheyo
     mUrkhaishcha nIchaishcha khalaishcha pApaiH .
mumukShuNA kiM tvaritaM vidheyaM
     satsa~Ngatirnirmamatesha bhaktiH .. 17..
laghutvamUlaM cha kimarthitaiva
     gurutvabIjaM yadayAchanaM kim .
jAto.asti ko yasya punarna janma
     ko vA.amR^ito yasya punarna mR^ityuH .. 18..
mUko.asti ko vA badhirashcha ko vA
     vaktuM na yuktaM samaye samarthaH .
tathyaM supathyaM na shR^iNoti vAkyaM
     vishvAsapAtraM na kimasti nArI .. 19..
tattvaM kimekaM shivamadvitIyaM
     kimuttamaM sachcharitaM yadasti .
kiM karma kR^itvA na cha shochanIyaH
     kAmArikaMsArisamarchanAkhyam .. 20..
shatrormahAshatru tamo.asti ko vA
     kAmaHsakopAnR^italobhatR^iShNaH .
na pUryate ko viShayaiH sa eva
     kiM duHkhamUlaM mamatAbhidhAnam .. 21..
kiM maNDanaM sAkSharatA mukhasya
     satyaM cha kiM bhUtahitaM tadeva .
tyaktvA sukhaM kiM striyameva samyak
     deyaM paraM kiM tvabhayaM sadaiva .. 22..
kasyAsti nAshe manaso hi mokShaH
     kva sarvathA nAsti bhayaM vimuktau .
shalyaM paraM kiM nijamUrkhataiva
     ke ke hyupAsyA guruvashcha vR^iddhAH .. 23..
upasthite prANahare kR^itAnte
     kimAshu kAryaM sudhiyA prayatnAt .
vAkkAyachittaiH sukhadaM yamaghnaM  ##var ## hR^idbuddhichittaiH
     murAripAdAmbujameva chintyam .. 24..
ke dasyavaH santi kuvAsanAkhyAH
     kaH shobhate yaH sadasi pravidyaH .
mAteva kA yA sukhadA suvidyA
     kimedhate dAna vashAtsuvidyA .. 25..
kuto hi bhItiH satataM vidheyA
     lokApavAdAdbhavakAnanAchcha .
ko vAsti bandhuH pitarau cha kau vA
     vipatsahAyaH paripAlakau yau .. 26..
buddhyA na bodhyaM parishiShyate kiM
     shiva prashAntaM sukha bodha rUpam .
j~nAte tu kasmin viditaM jagatsyA\-
     tsarvAtmake brahmaNi pUrNa rUpe .. 27..
kiM durlabhaM sadgururasti loke
     satsa~NgatirbrahmavichAraNA cha .
tyAgo hi sarvasya nijAtmabodhaH ##var ## shivAtmabodhaH
     kiM durjayaM sarvajanairmanojaH .. 28..
pashoH pashuH ko na karoti dharma
     prAdhItashAstro.api na chAtmabodhaH .
kiM tadviShaM bhAti sudhopamaM strI
     ke shatravo mitravadAtmajAdyAH .. 29..
vidyuchchalaM kiM dhana yauvanAyu\-
     rdAnaM paraM kiM cha supAtra dattam .
kaNThe gaterapyasubhirna kAryaM
     kiMvA vidheyaM malinaM shivArchA .. 30..
kiM karma yatprItikaraM murAreH
     kvAsthA na kAryA satataM bhavAbdhau .
aharnishaM kiM parichintanIyaM
     saMsAramithyAtvashivAtmatattvam .. 31..
kaNThaM gatA vA shravaNaM gatA vA
     prashnottarAkhyA maNiratnamAlA .
tanotu modaM viduShAM prayatnAt
     rameshagaurIshapadau susevyau .. 32..

iti shrImuktIndrasha~NkaramishravirachitA maNiratnamAlA samAptA |
##
Encoded and proofread by Sunder Hattangadi
Thirtytwo Catechetical Verses on Morals and Religion
by Shankaracharya
Maynot be correctly attributed to Shankaracharya

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}