% Text title            : panchIkaraNam
% File name             : paJNchi.itx
% Category              : vedanta, shankarAchArya
% Location              : doc\_z\_misc\_shankara
% Author                : machchha.nkarAchArya
% Transliterated by     : Dhrup Chand
% Proofread by          : Dhrup Chand, Sunder Hattangadi and David Lyttle dhlyttle at hotmail.com
% Description-comments  : Commentary by Sureshwaracharya
% Latest update         : April 30, 2009, September 19, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panchikaranam or Panchikarana Varttikam  ..}##
\itxtitle{.. pa~nchIkaraNaM athavA pa~nchIkaraNavArttikam ..}##\endtitles ##
            OM
shrImachCha~NkarAchAryavirachitam pa~nchIkaraNam
OM pa~nchIkR^itampa~nchamahAbhUtAni tatkAryaM
      cha sarvaM virADityuchyate |
etatsthulashariramAtmanaH |
      IndriyairarthopalabdhirjAgaritam |
      tadubhayAbhimAnyAtmA vishvaH |
etat trayamakAraH || 1||
apa~nchIkR^itapa~nchamahAbhUtAni pa~nchatanmAtraNi
     tatkAryaM cha pa~ncha prANAH dashendriyANi
     manobuddhishcheti saptadashakaM li~Nkam bhautikaM
     hiraNyagarbha ityuchyate |
etatsUkShmashariramAtmanaH || 2||
karaNeShUpasa.nhR^iteShu jAgaritasa.nskArajaH pratyayaH
     saviShayaH svapna ityuchyate |
yadubhayAbhimAnyAtmA taijasaH |
etat trayamukAraH || 3||
sharIradvayakAraNamAtmAj~nAnaM
sAbhAsamavyAkR^itamityuchyate |
     etat kAraNasharIramAtmanaH |
tachcha na sannAsannApi sadasanna bhinnaM nAbhinnaM
     nApi bhinnAbhinnaM kutashchit
na niravayavaM na sAvayavaM
     nobhayaM kintu
kevalabrahmAtmaikatvaj~nAnApanodyam || 4||
sarvaprakAraj~nAnopasa.nhAre buddheH
     kAraNAtmanA.avasthAnaM suShuptiH |
     tadubhayAmimAnyAtmA prAj~naH |
etat trayam makAraH || 5||
akAra ukAre ukAro makAre makAra o~NkAre
o~NkAro.ahamyeva |
ahamAtmA sAkShI kevalashchinmAtrasvarUpaH
     nAj~nAnaM nApi tatkAryaM kintu
     nityashuddhabuddhamuktasatyasbhAvaM
     paramAnandAdvayaM pratyagbhUtachaitanyaM brahmai
     vAhamasmItyabhedenAvasthAnaM samAdhiH || 6||
tattvamasi brahmahamasmi praj~nAnamAnandaM brahma
     ayamAtmA brahma ityAdishrutibhyaH || 7||
            iti pa~nchIkaraNaM bhavati ||
            iti shrIsha~NkarAchAryavirachitaM pa~nchIkaraNam ||
\medskip\hrule\medskip
            pa~nchIkaraNavArttikam
            shrIsureshvarAchAryakR^ita
OMkAraH sarvavedAnAM sArastattvaprakAshakaH |
tena chittasamAdhAnaM mumukShUNAM prakAshyate || 1||
AsIdekaM paraM brahma nityamuktamavIkriyam |
tatsvamAyAsamAveshAd bIjamavyAkR^itAtmakam || 2||
tasmAdAkAshamutpannaM shabdatanmAtrarUpakam |
sparshAtmakastato vAyustejorUpAtmakaM tataH || 3||
Apo rasAtmikAstasmAttAbhyo gandhAtmikA mahi |
shabdaikaguNamAkAshaM shabdasparshaguNo marUt || 4||
shabdasparsharUpaguNaistriguNaM teja uchyate |
shabdasparsharUparasaguNairApashchaturguNAH || 5||
shabdasparsharUparasagandhaiH pa~nchaguNA mahI |
tebhyaH samabhavatsUtraM bhUtaM sarvAtmakaM mahat || 6||
tataH sthUlAni bhUtAni pa~ncha tebhyo virADabhUt |
pa~nchIkR^itAni bhUtAni sthUlAnItyuchyate budhaiH || 7||
pR^ithivyAdIni bhUtAni pratyekaM vibhajed dvidhA |
ekaikaM bhAgamAdAya chaturdhA vibhajetpunaH || 8||
ekaikaM bhAgamekasmin bhUte sa.nveshayetkramAt |
tatashchAkAshabhUtasya bhAgAH pa~ncha bhavanti hi || 9||
vAyvAdibhAgAshchtvAro vAyvAdiShvevamAdishet |
pa~nchIkaraNametatsyAdityahustattvavedinaH || 10||
pa~nchakR^itAni bhUtAni tatkAryaM cha virAD bhavet |
sthUlaM sharIrametatsyAdasharIrasya chAtmanaH || 11||
adhidaivatamadhyAtmamadhibhUtamiti tridhA |
ekaM brahma vibhAgena bhramAdmAti na tattvattaH || 12||
indriyairarthavij~nAnaM devatAnugrahAntivataiH |
shabdAdiviShayaM j~nAnaM tajjAgaritamuchyate || 13||
shrotramadhyAtmamityuktaM shrotavyaM shabdalakShaNam |
adhibhUtaM tadityuktaM dishastatrAdhidaivatam || 14||
tvagadhyAtmamiti proktaM spraShTavyaM sparshalakShaNam
adhibhUtaM tadityuktaM vAyustatradhidaivatam || 15||
chakShuradhyAtmamityuktaM draShTavyaM rUpalakShaNam |
adhibhUtaM tadityuktamAdityo.atrAdhidaivatam || 16||
jihvA.adhyAtmaM tayA.asvAdyamAdhibhUtaM rasAtmakam |
varUNo devatA tatra jihvAyAmadhidaivatam || 17||
dhrANamadhyAtmamityuktaM dhrAtavyaM gandhalakShaNam |
adhibhUtaM tadityuktaM pR^ithivyatrAdhidaivatam || 18||
vAgadhyAtmamiti proktaM vaktvayaM shabdalakShaNam |
adhibhUtaM tadityuktamagnistatrAdhidaivatam || 19||
hastAvadhyAtmamityuktamAdAtavyaM cha yadmavet |
adhibhUtaM tadityyuktamindrastatrAdhidaichatam || 20||
pAdAvadhyAtmamityuktaM gantavyaM tatra yadmavet |
adhibhUtaM tadityuktaM viShNustatrAdhidaivatam || 21||
pAyurindriyamadhyAtmaM visargastatra yo bhavet |
adhibhUtaM tadityuktamM mR^ityustatrAdhidaivatam || 22||
upasthendriyamadhyAtmaM stryAdyAnandasya kAraNam
adibhUtaM tadityuktamadhidaivaM prajApatiH || 23||
mano.adhyAtmamiti proktaM mantavyaM tatra yadmavet |
adhibhUtaM tadityuktaM chandrastatrAdhidaivatam || 24||
buddhiradhyAtmamityuktaM boddhavyaM tatra yadmavet |
adhibhUtaM tadityuktamadhidaivaM bR^ihaspatiH || 25||
aha~NkArastathA.adhyAtmamaha~Nkartavyameva cha |
adhibhUtaM tadityuktaM rudrastatrAdhidaivatam || 26||
chitamadhyAtmamityuktaM chetavyaM tatra yadmavet |
adhibhUtaM tadityuktaM kShetraj~no.atrAdhidaivatam || 27||
tamo.adhyAtmamatmiti proktaM vikArastatra yo bhavet |
adhibhUtaM tadityuktamIshvaro.atrAdhidaivatam || 28||
bAhyAntaHkaraNairevaM devatAnugrahAnvitaiH |
svaM svaM cha viShyaj~nAnaM tajjAgaritamuchyate || 29
yeyaM jAgaritAvasthA sharIraM karaNAshrayam |
yastayorabhimAnI syadvishva ityabhidhIyate || 30||
vishvaM vairAjarUpeNa pashyedmedanivR^ittaye |
j~nAnendriyANi pa~nchaiva pa~ncha karmendriyANi cha || 31||
shrotratva~NnayanaghrANajihvA dhIndriyapa~nchakam |
vAk.hpANipAdapAyUpasthAH karmendriyapa~nchakam || 32||
manobuddhiraha~NkArashchittaM cheti chatuShTayam |
sa~NkalpAravyaM manorUpaM buddhirnishchayarUpiNI || 33||
abhimAnAtmakastadvadaha~NkAraH prakIrtitaH |
anusandhAnarUpamM cha chittamityabhidhIyate || 34||
prANo.apAnastathA vyAna udAnAravyastathaiva cha |
samAnashcheti pa~nchaitAH kirtitAH praNavR^ittayaH || 35||
khavAvyagnyambukShitayo bhUtasUkShmANi pa~ncha cha |
avidyAkAmakarmANi li~NgaM puyeShTakaM viduH || 36||
etatsUkShmasharIraM syAnmAyikaM prAtyagAtmanaH |
karaNoparame jAgratsa~NkArotthaM prabodhavat || 37||
grAhyagrAhakarUpeNa sphuraNaM svapna uchyate |
abhimAnI tayoryastu taijasaH parikIrtitaH || 38||
hiraNyagarbharUpeNa taijasaM chintayed budhaH |
chaitanyAbhAsakhachitaM sharIradvayakAraNam || 39||
AtmAj~nAnaM tadavyaktamavyAkR^itamitIryate |
na sannAsanna sadasadminnAbhinnaM na chAtmanaH || 40||
na sabhAgaM na nirbhAgaM na chApyubhayarUpakam |
brahmAtmaikatvavij~nAnaheyaM mithyAtvakAraNAt || 41||
j~nAnAnAmupasa.nhAro budveH karaNatAsthitiH |
vaTabIje vaTasyeva suShuptirabhidhIyate || 42||
abhimAnI tayoryastu prAj~na ityabhidhIyate |
jagatkAraNarUpeNa prAj~nAtmAnaM vichintayet || 43||
vishvataijasasauShupta virAT sUtrAkSharAtmabhiH |
vibhinnamiva sa.nmohAdekaM tattvaM chidAtmakam || 44||
vishvAdikatrayaM yasmAdvairAjAditrayAtmakam |
ekatvenaiva sampashyedanyAbhAvaprasiddhaye || 45||
OMkAramAtramakhilaM vishvaprAj~nAdilakShaNam |
vAchyavAchakatAbhedAdbhedenAnupalAbdhitaH || 46||
akAramAtraM vishvaH syAdukArastaijasaH smR^itaH |
prAj~no makAra ityevaM paripashyetkrameNa tu || 47||
samAdhikAlAtpragevaM vichintyAtiprayatnataH |
sthUlasUkShmakramAtsarvaM chidAtmani vilApayet || 48||
akAraM purUShaM vishvamukAre pravilApayet |
ukAraM taijasaM sUkShmaM makAre pravilApayet || 49||
makAraM karaNaM prAj~naM chidAtmani vilApayet |
chidAtmA.ahaM nityashuddhabuddhamuktasadadvayaH || 50||
paramAnandasandohavAsudevo.ahamomiti |
j~nAtvA vivechakaM chittaM tatsAkShiNi vilApayet || 51||
chidAtmani vilInaM chettachchittaM naiva chAlayet |
pUrNabodhAtmanA.asIta pUrNAchalasamudravat || 52||
evaM samAhito yogI shraddhabhaktisamanvitaH |
jitendriyo jitakrodhaH pashyedAtmAnamadvayam || 53||
AdimadhyAvasAneShu duHkhaM sarvamidaM yataH |
tasmAtsarvaM parityajya tattvaniShTho bhavetsadA || 54||
yaH pashyetsarvagaM shAntamAnandAtmAnamadvayam |
na tena ki.nchidAptatyaM j~nAtavyaM vAvashiShyate || 55||
kR^itakR^ityo bhavedvidvA~njIvanmukto bhavetsadA |
AtmanyevArUDhabhAvo jagadetanna vIkShate || 56||
kadAchidavyavahAre tu dvaitaM yadyapi pashyati |
bodhAtmavyatirekeNa na pashyati chidanvayAt || 57||
kintu pashyati mithayaiva di~N mohenduvibhAgavat |
pratibhAsaH sharIrasya tadA.aprArabdhasa~NkShayAt || 58||
tasya tAvadeva chiramityAdi shrutirabravIt |
prArabdhasyAnuvR^ittistu muktasyAbhAsamAtrataH || 59||
sarvadA mukta eva syAjj~nAtatattvaH pumAnasau |
prArabdhabhogasheShasya  sa~NkShaye tadanantaram || 60||
avidyAtimirAtItaM sarvAbhAsavivarjitam |
chitanyamamalaM shuddhaM manovAchAmagocharam || 61||
vAchyavAchakanirmuktaM heyopAdeyavarjitam |
praj~nAnaghanamAnandaM vaiShNavaM padamashnute || 62||
idaM prakaraNaM yatnAjj~nAtavyaM bhagavattamaiH |
amAnitvAdiniyamairgurUbhaktiprasAdatah || 63||
imAM vidyAM prayatnena yogI sandhyAsu sarvadA |
samabhyasedihAmutrabhogAnAsaktadhIH sudhIH || 64||

iti shrImatsureshvarAchAryavirachitaM pa~nchIkaraNavArttikaM sampUrNam ||
##
Encoded and proofread by Dhrup Chand
Proofread by Sunder Hattangadi and David Lyttle

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}