% Text title : Sadacharanausandhanam % File name : sadacharanusandhanam.itx % Category : vedanta, upadesha, shankarAchArya % Location : doc\_z\_misc\_shankara % Author : Adi Shankaracharya % Transliterated by : Sunder Hattangadi % Proofread by : Sunder Hattangadi % Description-comments : In 55 verses, PDF pages 121-130 in Works of Shankaracharya Vol 16, 1910 by Sri Vani Vilas Press % Latest update : Nov. 9, 2009, August 6, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sadacharanusandhanami ..}## \itxtitle{.. sadAchArAnusandhAnam ..}##\endtitles ## || shrIH || sachchidAnandakandAya jagada~Nkurahetave | sadoditAya pUrNAya namo.anantAya viShNave || 1|| sarvavedAntasiddhAntairgrathitaM nirmalaM shivam | sadAchAraM pravakShyAmi yoginAM j~nAnasiddhaye || 2|| prAtaHsmarAmi devasya saviturbharga AtmanaH | vareNyaM taddhiyo yo nashchidAnande prachodayAt || 3|| anvayavyatirekAbhyAM jAgratsvapnasuShuptiShu | yadekaM kevalaM j~nAnaM tadevAsmi paraM bR^ihat || 4|| j~nAnAj~nAnavilAso.ayaM j~nAnAjj~nAne cha shAmyati | j~nAnAj~nAne parityajya j~nAnamevAvashiShyate || 5|| atyantamalino deho dehI chAtyantanirmalaH | asa~Ngo.ahamiti j~nAtvA shauchametatprachakShate || 6|| manmano mInavannityaM krIDatyAnandavAridhau | susnAtastena pUtAtmA samyagvij~nAnavAriNA || 7|| athAghamarShaNaM kuryAtprANApAnanirodhataH | manaH pUrNe samAdhAya magnakumbho yathArNave || 8|| layavikShepayoH sandhau manastatra nirAmiSham | sa sandhiH sAdhito yena sa mukto nAtra saMshayaH || 9|| sarvatra prANinAM dehe japo bhavati sarvadA | haMsaH so.ahamiti j~nAtvA sarvabandhairvimuchyate || 10|| tarpaNaM svasukhenaiva svendriyANAM pratarpaNam | manasA mana Alokya svayamAtmA prakAshate || 11|| Atmani svaprakAshAgnau chittamekAhutiM kShipet | agnihotrI sa vij~neyashchetarA nAmadhArakAH || 12|| deho devAlayaH prokto dehI devo nira~njanaH | architaH sarvabhAvena svAnubhUtyA virAjate || 13|| maunaM svAdhyayanaM dhyAnaM dhyeyaM brahmAnuchintanam | j~nAneneti tayoH samya~NniShedhAttattvadarshanam || 14|| atItAnAgataM ki~nchinna smarAmi na chintaye | rAgadveShaM vinA prAptaM bhu~njAmyatra shubhAshubham || 15|| dehAbhyAso hi sa.nnyAso naiva kAShAyavAsasA | nAhaM deho.ahamAtmeti nishchayo nyAsalakShaNam || 16|| abhayaM sarvabhUtAnAM dAnamAhurmanIShiNaH | nijAnande spR^ihA nAnye vairAgyasyAvadhirmatA || 17|| vedAntashravaNaM kuryAnmananaM chopapattibhiH | yogenAbhyasanaM nityaM tato darshanamAtmanaH || 18|| shabdashakterachintyatvAchChabdAdevAparokShadhIH | prasuptaH puruSho yadvachChabdenaivAvabuddhyate || 19|| AtmAnAtmavivekena j~nAnaM bhavati nishchalam | guruNA bodhitaH shiShyaH shabdabrahmAtivartate || 20|| na tvaM deho nendriyANi na prANo na mano na dhIH | vikAritvAdvinAshitvAddR^ishyatvAchcha ghaTo yathA || 21|| vishuddhaM kevalaM j~nAnaM nirvisheShaM nira~njanam | yadekaM paramAnandaM tattvamasyadvayaM param || 22|| shabdasyAdyantayoH siddhaM manaso.api tathaiva cha | madhye sAkShitayA nityaM tadeva tvaM bhramaM jahi || 23|| sthUlavairAjayoraikyaM sUkShmahairaNyagarbhayoH | aj~nAnamAyayoraikyaM pratyagvij~nAnapUrNayoH || 24|| chinmAtraikarase viShNau brahmAtmaikyasvarUpake | bhrameNaiva jagajjAtaM rajjvAM sarpabhramo yathA || 25|| tArkikANAM tu jIveshau vAchyAvetau vidurbudhAH | lakShyau cha sA~NkhyayogAbhyAM vedAntairaikyatA tayoH || 26|| kAryakAraNavAchyAMshau jIveshau yau jahachcha tau | ajahachcha tayorlakShyau chidaMshAvekarUpiNau || 27|| karmashAstre kuto j~nAnaM tarke naivAsti nishchayaH | sA~Nkhyayogau bhidApannau shAbdikAH shabdatatparAH || 28|| anye pAShaNDinaH sarve j~nAnavArtAsudurlabhAH | ekaM vedAntavij~nAnaM svAnubhUtyA virAjate || 29|| ahaM mametyayaM bandho mamAhaM neti muktatA | bandhamokShau guNairbhAti guNAH prakR^itisambhavAH || 30|| j~nAnamekaM sadA bhAti sarvAvasthAsu nirmalam | mandabhAgyA na jAnanti svarUpaM kevalaM bR^ihat || 31|| sa~NkalpasAkShi yajj~nAnaM sarvalokaikajIvanam | tadevAsmIti yo veda sa mukto nAtra saMshayaH || 32|| pramAtA cha pramANaM cha prameyaM pramitistathA | yasya bhAsAvabhAsante mAnaM j~nAnAya tasya kim || 33|| arthAkArA bhavedvR^ittiH phalenArthaH prakAshate | arthaj~nAnaM vijAnAti sa evArthaH prakAshate || 34|| vR^ittivyApyatvamevAstu phalavyAptiH kathaM bhavet | svaprakAshasvarUpatvAtsiddhatvAchcha chidAtmanaH || 35|| chittaM chaitanyamAtreNa saMyogAchchetanA bhavet | arthAdarthAntare vR^ittirgantuM chalati chAntare || 36|| nirAdhArA nirvikArA yA dashA sonmanI smR^itA | chittaM chiditi jAnIyAttakArarahitaM yadA || 37|| takAro viShayAdhyAso japArAgo yathA maNau | j~neyavastu parityAgAjj~nAnaM tiShThati kevalam || 38|| tripuTI kShINatAmeti brahmanirvANamR^ichChati | manomAtramidaM sarvaM tanmano j~nAnamAtrakam || 39|| aj~nAnaM bhrama ityAhurvij~nAnaM paramaM padam | aj~nAnaM chAnyathAj~nAnaM mAyAmetAM vadanti te || 40|| IshvaraM mAyinaM vidyAnmAyAtItaM nira~njanam | sadAnande chidAkAshe mAyAmeghastaTinmanaH || 41|| ahantA garjanaM tatra dhArAsArA hi vR^ittayaH | mahAmohAndhakAre.asmindevo varShati lIlayA || 42|| tasyA vR^iShTervirAmAya prabodhaikasamIraNaH | j~nAnaM dR^igdR^ishyayorbhAvaM vij~nAnaM dR^ishyashUnyatA || 43|| ekamevAdvayaM brahma neha nAnAsti ki~nchana | kShetrakShetraj~nayorj~nAnaM tajj~nAnaM j~nAnamuchyate || 44|| vij~nAnaM chobhayoraikyaM kShetraj~naparamAtmanoH | parokShaM shAstrajaM j~nAnaM vij~nAnaM chAtmadarshanam || 45|| Atmano brahmaNaH samyagupAdhidvayavarjitam | tvamarthaviShayaM j~nAnaM vij~nAnaM tatpadAshrayam || 46|| padayoraikyabodhastu j~nAnavij~nAnasa.nj~nitam | AtmAnAtmavivekasya j~nAnamAhurmanIShiNaH || 47|| aj~nAnaM chAnyatA loke vij~nAnaM tanmayaM jagat | anvayavyatirekAbhyAM sarvatraikaM prapashyati || 48|| yattattu vR^ittijaM j~nAnaM vij~nAnaM j~nAnamAtrakam | aj~nAnadhvaMsakaM j~nAnaM vij~nAnaM chobhayAtmakam || 49|| j~nAnavij~nAnaniShTho.ayaM tatsadbrahmaNi chArpaNam | bhoktA sattvaguNaH shuddho bhogAnAM sAdhanaM rajaH || 50|| bhogyaM tamoguNaH prAhurAtmA chaiShAM prakAshakaH | brahmAdhyayanasaMyukto brahmacharyArataH sadA || 51|| sarvaM brahmeti yo veda brahmachArI sa uchyate | gR^ihastho guNamadhyasthaH sharIraM gR^ihamuchyate || 52|| guNAH kurvanti karmANi nAhaM karteti buddhimAn | kimugraishcha tapobhishcha yasya j~nAnamayaM tapaH || 53|| harShAmarShavinirmukto vAnaprasthaH sa uchyate | sa gR^ihI yo gR^ihAtItaH sharIraM gR^ihamuchyate || 54|| sadAchAramimaM nityaM yo.anusa.ndadhate budhaH | saMsArasAgarAchChIghraM sa mukto nAtra saMshayaH || 55|| iti shrImatparamahaMsaparivrAjakAchAryasya shrIgovindabhagavatpUjyapAdashiShyasya shrImachCha~NkarabhagavataH kR^itau sadAchArAnusandhAnaM sampUrNam || ## Encoded and proofread by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}