% Text title : Shankaracharya Shatakam by Shivadatta Sharma Chaturveda % File name : shankarAchAryashatakam.itx % Category : shankarAchArya, gurudev % Location : doc\_z\_misc\_shankara % Author : shrIshivadattasharmAchaturvedaH % Transliterated by : Mandar Mali aryavrutta at gmail.com % Proofread by : Mandar Mali aryavrutta at gmail.com % Description/comments : Sarawati Sushma 1986, 87 Shankaracharya 12th Birth Centennary Issue Sampurnanada University % Latest update : April 23, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Shankaracharya Shatakam ..}## \itxtitle{.. shrIsha~NkarAchAryashatakam ..}##\endtitles ## shrIshivadattasharmAchaturvedaH sAhityavibhAgAdhyakShaH kAshIhindUvishvavidyAlayasya saMskR^itasa~NkAye sha~NkarabhagavatpAdaM shivA.avatAraM samAshraye sukhadam | kalyANAya janAnAM j~nAnAmR^itavarShiNaM megham || 1|| mAnavateyaM dhanyA sa~njAtA yatkR^ipAleshaiH | AvirbhUtaH prathamaH sa shrImAn sha~NkarAchAryaH || 2|| bhUvalaye dhanyatamaH sarvo.ayaM kAlaTIbhAgaH | yatratyadhUlikaNikA sha~NkarapadasaurabhaM vahati || 3|| sA mAtA dhanyatamA yasyAH kukShau samavatIrNam | nikhilAgamasvatantraM satyaM sachchinmayaM jyotiH || 4|| praNamAmo govindaM bhagavantaM sadguruM nityam | yasya cha shikShA phalitA jagadgurutve svayaMvR^itA kAchit || 5|| vanditadivyacharitraH paramapavitraH prabhAsphuradgAtraH | bhUtabhaviShyanmadhye vibhUtiriva vartamAno.ayam || 6|| jyotiH ki~nchana sAkShAd bhAsitamAsIttu bhUvalaye | yachchA.anantaM kAlaM samyak saMstambhayAmAsa || 7|| kAlo.ayaM kalirUpaH satyayugAdapi samunnato jAtaH | yasmin sha~NkarabhagavatpAdairAviShkR^itiH klR^iptA || 8|| dhanyA mAnavateyaM sa~njAtA sha~NkarAchAryaH | svayamavatIrya samasyAH sarvAH saMsAdhayAmAsa || 9|| vedAnAmatha mananaM vidhAya sadyaH samunnataM tattvam | vyAptaM paramanigUDhaM vaishadyenAtha ghoShayAmAsa || 10|| upaniShadAM vyAkhyAnaM vihitavatA dhImatA yena | bhAShyANAM sA saraNiH praNamya bhAvaM samAnItA || 11|| tAsAmatha sarvAsAmupaniShadAmupari bhAShyasaMrachanA | yA vihitA.a.achAryavaraiH sudheva sA jIvanonnataye || 12|| tadanantaramupaniShadAM mahattvamagre parisphuritam | advaitatattvamayatA sarvAsAM susphuTA jAtA || 13|| tadidaM ki~nchana tAvadvilakShaNaM divyatAbharitam | vij~nAnaM vidyotitamabhavachChrIsha~NkarAchAryaiH || 14|| vyAkhyA tAvadiyaM sA garIyasI sha~NkarAchAryaiH | upaniShadAM yA rachitA saMsAre nidhirayaM kashchit || 15|| pa~nchamavedavivarte divye tasmin mahattvasampUrNe | gItA sa~NgrathitA.a.asInmahitamahAbhArate granthe || 16|| vedavyAsavirachanA seyaM kroDIchakAra tatsarvam | mAnavajIvanamadhye samunnataM yat prakAmyaM vA || 17|| tatra cha gItA divyA shrIkR^iShNenArjunAya sandiShTA | sha~NkarabhagavatpAdavyAkhyAnaM sa.npratIkShamANA.a.asIt || 18|| tadupari bhAShyavirachanA kR^itA samAsIttu sha~NkarAchAryaiH | tadavadhi gItA gItA jAtA sarvAsu janatAsu || 19|| advaitasya samudraM tara~NgitaM vA na pashyantaH | digbhrAntA iva mUDhA janmani janmani bhajanti duHkhachayam || 20|| advaitAkhyaM tattvaM gItAyAM gItameva kR^iShNena | tatsandeshaM labdhvA pArtho vijayI babhUva sa~NgrAme || 21|| pArthatvaM nanu jAtiH kAchana sarveShu deheShu | kAle kAle svIyaM rUpaM samyak prakAshayatyeva || 22|| adyApi saiva gItA shrIkR^iShNasyaiva mukhakamalasa~njAtA | sarvavidhaM pArthatvaM pade pade sandishatyeva || 23|| sarvamapIdaM tattvaM gItAbhAShyasya rachanAyAm | sha~NkarabhagavatpAdaiH prakAshitaM sarvadA jayati || 24|| yadyapyAsId gItA mahati mahAbhArate vimalA | kintu mahattvaM tasyAH prAthamyena prakAshitaM jAtam || 25|| tAvatprabhR^iti sameShAmAchAryANAM cha viduShAM cha | dR^iShTau gItA kAchid vipulaj~nAne gabhIranadI || 26|| yadyapi sha~NkarabhagavatpAdairvyAkhyAyitA gItA | tatraiva pUrvabhAShyANAmapi sa~Nketa ullasati || 27|| kintu na militAnyetAnyadyAvadhi bhAShyarUpANi | sha~NkarabhagavatpAdairArachitaM bhAShyamevA.a.adyam || 28|| agre tu prasthAnatrayamadhye supratiShThitA gItA | nAnAvyAkhyAnAnAM kendrIbhUtaiva sa~njAtA || 29|| advaitavAdavimatairapyAchAryairmatA gItA | sarvA samparipItA karmamaye jIvane sarvaiH || 30|| gItA.amR^itamidamatulaM sUkShmekShikayA vichArayanvAchA | nUnaM nikhilaM tejo sambhR^itavAMstad vichAreShu || 31|| yo.ayaM maryAdAyA garimA kashchit samuchChalati | sarvo.ayaM sandeshaH karuNApUrNasya sha~NkarAchAryasya || 32|| shrIvyAsena virachitaM divyatamaM brahmasUtraM tat | shArIrikeNa bhAShyeNA.asau svachChaM prakalpayAmAsa || 33|| vedAntaDiNDimAnAM ghoShashchAsIt samuchChalitaH | vaichArikasa~NgharShANAmapyeShA vilakShaNA saraNiH || 34|| upaniShadAmatigahane j~nAnavane sa~ncharannityam | divyaphalAnAmanveShaNamatha dAnashrIgururvidadhe || 35|| darshanasAraiH sarvairotaprotAni bhikShusUtrANi | shrobAdarAyaNakR^itAni vyAkhyA ratnaivibhUShayAmAsa || 36|| sarveShAmatha teShAM teShAM vikhyAtadarshanAnAM vA | sugabhIrANi matAni tu nUnaM vishleShayAmAsa || 37|| j~nAnasyAdyAkAshe nUtanasUryAyitaM yena | prAtaHsmaraNIyo.asau puNyashloko.asti sha~NkarAchAryaH || 38|| svayameva shrIvyAsashChannatayA yatsamIpamAgatya | shAstrArthaM cha vitanvan svAtmAnaM toShayAmAsa || 39|| vidyAraNyavirachitaM sha~NkaradigvijayamAlochya | sha~NkarabhagavatpAde jAtaM vinayojjvalaM chetaH || 40|| itihAsAnAM madhye vibhUtisArairvibhUShitasvAntaH | buddhAdUrdhvaM puruSho na dR^iShTipathago vibhAtyadya || 41|| vimatA yena dhvastA vaidikamArgAH prakAshitAH samyak | sarvo loko nUnaM nityaM sachChiShyatAM nItaH || 42|| divyaM jagadgurupadaM svayamevopAyanIkR^itya | bhAratajanatA tuShTA mAnavatA chApi sampuShTA || 43|| poShitachAritrachitrairvibhUShitaM vA charAchara~nchaitat | sha~NkarabhagavatpAdadhyAnairAnanditaM jAtam || 44|| sarveShAmapi tAvaddevAnAM chA.atha devInAm | divyAH stutayo rachitA vinirmalaishChandasAM nichayaiH || 45|| sarveShAmatha teShAM stutirUpashchChandasAM mahimA | satyaM satyamanantaM sukhasaMsAraM samAnayati || 46|| saundaryalaharikAyAH pravAhamAlA nimagnAnAm | bhaktAnAM hR^idayAnAM yA bhAShA sA.asti mantramayI || 47|| bhajagovindastotre janajanamAnasavirAjite divye | kalyANAnAM karuNAM dhArAM vistArayA~nchakre || 48|| vArANasInivAse lIlAnAM divyachitrANi | sampashyan vichachAra svachChandaM sha~NkarAchAryaH || 49|| shrIvishvanAthapUjanajagadambArchananivedanena vishvesham | koTInapi tAndevAnAvAhitavAn vibhAvanA bharitaH || 50|| sarveShAmatha teShAM devAnAM tuShTimAtanvan | gA~NgaM payaH pibannatha virajorUpe virAjito jAtaH || 51|| nAstikatAsiddhAntAn vivAdamadhye samAhutya | j~nAnA.agnikuNDamadhye yaj~ne svAhAchakAra vikShiptAn || 52|| buddho yo.asau jAto.avatArarUpastadupadeshAn | dhUrtA viparItatayA kAle vistArayAmAsuH || 53|| AsId dhUrtairebhistAdR^ishamAchChAditaM sarvam | j~nAnasya gaganametat kAlA.a.avaraNairyathA meghaiH || 54|| vedAntapavanavegairvichChinnA bauddhameghA ye | bhAratavarShA.a.akAshaM vihAya dUraM prayAtAste || 55|| vAgyuddhAni vitanvan bauddhAchAryaiH sahaiva sahasaiva | teShAM parAjayAnAmitihAse lekhanaM chakre || 56|| mImAMsakAn vivAde samyak sachChiShyatAM nItvA | nAnAshAstrArthAnAM janatAyAM sa.npravartanaM chakre || 57|| AseturAhimAchalamathATakAt kaTakaparyantam | padabhyAM vicharan nityaM janajanasandarshanaM chakre || 58|| divyAnatha tAndevAndikkoNeShu pratiShThitAnapi vA | sampUjayannikAmaM santuShTaH sha~NkarasvAmI || 59|| yatra hi jagAma janatA koTishataiH prApa taM draShTum | darshanavandanabhAShaNavinimayarUpeNa dhanyatAM bheje || 60|| rAjAno ye.apyAsaMstasmin kAle.atha saMsAre | vaibhavamatulaM svIyaM tachcharaNe prArpayAmAsuH || 61|| stotrANAM yA kAchiddivyA rachanAvalirjayati | tasyA udbhavasaMsthA AchAryastotramAleyam || 62|| jIveshvarayormilane bindutvaM sa.nprayAtAni | stotrAkSharANi shAshvatabhAvairnityaM prapUrNAni || 63|| yatrA.asmAkaM shraddhAdhArA.asau sa.npravahannAste | tatraiva stutikAle cheto nityaM nibaddhattAM yAti || 64|| advaitadarshanasyA.a.avirbhAve yanmanolagnam | tena kathaM devAnAM stotrANImAni rachitAni || 65|| dvaite tvetatsarva stotraM prakramyatAM nAma | kathamadvaite stotraM tatra dvaitatvamAyAtam || 66|| sandeho.ayaM tAvadadvaite naiva sAdhutAM yAti | aj~nAne tu dvaitA.avasthaivA.atrAnubhUyamAnA.a.aste || 67|| aj~nAnAvasthato j~nAnAvasthaM mano yathA bhUyAt | tasyArthe sAttvikatA sa~NgatirAvashyakI kathitA || 68|| aj~nAnAvasthAyAM dvaite buddhau prajAtAyAm | advaitabhAvanArthaM stotrANImAni rachitAni || 69|| advaite tu tadekaM dR^ishyaM draShTA cha no ki~nchit | rUpaM mR^igyaM jAtaM kevalamekaM hi tattvaM tat || 70|| nUnaM tasyA evochchAyA bhUmeravAptyartham | nAnAjanma gR^ihItaM nAnArUpANi chAptAni || 71|| nAnA\-bhAva\-vilopo.api cha nAnAtvenaiva sambhAvyaH | etattattvaM matvA stotrANAM paddhatiH seyam || 72|| dvaitA.avasthAsthitirapyeShA nirmalatAM yAyAt | tasminnarthe chaite devA evopakurvanti || 73|| advaitA.avasthAyAM yadA sthitirjAyate nAma | nUnaM tadA na saMstutirapyeShA chAdR^itA bhavati || 74|| yA sAhitye sevA vihitA shrIsha~NkarAchAryaiH | naikashatAbdIM yAvatsA.adyApyAyAtyavichChinnA || 75|| punaH samAjadR^iShTiryAtA shrIsha~NkarAchAryANAm | vaidikamArgavilopasteShAM kShaNamapi na sahyatAM yAtaH || 76|| vaichArikasa~NgharShe bauddhAn samyak parAjitya | vaidikavishvAsAnAM dIptiH sthAnaM paraM lebhe || 77|| AstikatAyA ghoSho nUnaM taireva tAdR^isho vihitaH | bhUmaNDalamidamakhilaM divyairbhAvairvimaNDitaM yena || 78|| nAnAvatAracharchA parameshvararUpachitreShu | janatAyAM hR^inmandiramadhyastheyaM punarjAtA || 79|| varNAshramamaryAdA deshe saMsthApitA jAtA | shAntiH kA.apyavatIrNA samR^iddhimayatA samAyAtA || 80|| vairAgyAviShkAre nUnaM tairyanmano dattam | sa.nnyAsAshramadhArA navAvatArA sthitiM prApa || 81|| dashanAmnAM sa.nnyAsAshramaniShThAnAM vibhUtirUpANAm | AvirbhAve jAte loko vairAgyamApede || 82|| vairAgyamayI dhArA natamAM sAdhAraNI kAchit | naiveyaM sa~NgharShAtpalAyane kApi saraNiH syAt || 83|| jIvanasaphalIkaraNe vairAgyasyaiva dhAreyam | pUrNatamaM svArAjyaM jIvanamadhye samAdishati || 84|| sarvAsAM siddhInAM sAmrAjye saMsthito bhUtvA | dUre saMsthita AsInmukto muktipradAtA.ayam || 85|| deshasya chatuShkoNe pIThAnAM sthApanAM kR^itvA | dhArmikamaryAdAnAM paripAlanabhAvamAtene || 86|| adyApi teShu pITheShvAsInAH sha~NkarAchAryAH | dhArmikasadbhAvAnAM prachArakAryeShu sajjante || 87|| sha~NkarabhagavatpAdairyA yA saraNiH pravartitA divyA | sA saivA.adya samaste deshe paripAlyate sakalaiH || 88|| so.ayaM bhAratadesho.adyatve taddiShTamArgANAm | avalambanamatha kR^itvA jagadgurutvaM vahan jayati || 89|| itihAse svarNamaye likhitaM kAlena karuNAramyam | nAnA.asa~NkhyaishcharitaistadidaM vibhrAjate jyotiH || 90|| darshana\-vichAra\-saraNau shA~NkarasiddhAntamujjhitvA | ko.api vichAraH kartunnatamAmadyA.asti shakyasampAdaH || 91|| stotrANAM sAhitye sha~NkaravAkyAvaliH seyam | santarpayati nitAntaM mAnasamadyApi sahR^idayAvalyAH || 92|| sha~NkaracharitasamarchanavidhayA nUnaM mahAkavayaH | ChandovitAnamasamaM nUnaM vistArayantyadya || 93|| shAstravichArAvasare shIrShasthaH sha~NkarAchAryaH | sarvairevoddhriyate nAstikahAstikapa~nchAnanaH sadyaH || 94|| khaNDanamaNDanasaraNiH kA.api samAyojyatAM nAma | sha~NkarabhagavatpAdA no vismaraNIyatAM yAnti || 95|| sa.nnyAsaimaNDalAnAM sarvasvaM sha~NkarAchAryAH | sa.nnyAsainAM samAje shreShThatvaM sarvasammataM chA.aste || 96|| granthA.agAre tAvad vilokyate granthanichayeShu | shA~NkarasiddhAntAnAM granthAnAM sA mahIyasI sa~NkhyA 97|| uttaradakShiNabhedaM vilopayannUnamAchAryaH | dakShiNadeshotpannashchottaradesheShu babhrAma || 98|| jaDaja~NgamajagatAmatha siddhAnte.advaitamAsthAya | nanu deshakAlabhede kA bhAShA sha~NkarAchArye || 99|| ga~NgA\-revAmajjanavyatyantenAdareNa saMsAdhya | nUnaM pUtacharitro netA.a.asIchCha~NkarAchAryaH || 100|| iti tAvachChIgiridharasharmachaturvedatanujanmA | shivadattachaturvedaH sha~NkarashatakaM nivedayati || 101|| ## Encoded and proofread by Mandar Mali \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}