% Text title            : vivekachUDAmaNiH
% File name             : viveknew.itx
% Category              : shankarAchArya
% Location              : doc\_z\_misc\_shankara
% Author                : Shankaracharya
% Transliterated by     : NA
% Proofread by          : NA, Kalyana Krrit kalyanakrrit at gmail.com, PSA Easwaran
% Description-comments  : Vivekachudamani, Advaita Ashram, (Swami Madhavananda)
% Latest update         : November 21, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vivekachUDAmaNiH ..}##
\itxtitle{.. vivekachUDAmaNiH ..}##\endtitles ##

sarvavedAntasid.hdhAntagocharaM tamagocharam .
govindaM paramAnandaM sad.hguruM praNato.asmyaham .. 1..
jantUnAM narajanma durlabhamataH pu.nstvaM tato vipratA
tasmAdvaidikadharmamArgaparatA vidvattvamasmAtparam .
AtmAnAtmavivechanaM svanubhavo brahmAtmanA sa.nsthitiH
muktirno shatajanmakoTisukR^itaiH puNyairvinA labhyate .. 2.. ##var ## shatakoTijanmasu kR^itaiH

durlabhaM trayamevaitaddevAnugrahahetukam .
manuShyatvaM mumukShutvaM mahApuruShasa.nshrayaH .. 3..
labdhvA katha~nchinnarajanma durlabhaM ##var ## katha~nchin
    tatrApi pu.nstvaM shrutipAradarshanam .
yastvAtmamuktau na yateta mUDhadhIH
    sa hyAtmahA svaM vinihantyasad.hgrahAt .. 4.. ##var ## AtmahA svaM

itaH ko nvasti mUDhAtmA yastu svArthe pramAdyati .
durlabhaM mAnuShaM dehaM prApya tatrApi pauruSham .. 5..
vadantu shAstrANi yajantu devAn.h ##var ## paThantu
    kurvantu karmANi bhajantu devatAH .
Atmaikyabodhena vinApi mukti\- ##var ## vinA vimuktiH na
    rna sidhyati brahmashatAntare.api .. 6..
amR^itattvasya nAshAsti vittenetyeva hi shrutiH .
bravIti karmaNo mukterahetutvaM sphuTaM yataH .. 7..
ato vimuktyai prayateta vidvAn.h
    sannyastabAhyArthasukhaspR^ihaH san .
santaM mahAntaM samupetya deshikaM
    tenopadiShTArthasamAhitAtmA .. 8..
ud.hdharedAtmanA.a.atmAnaM magnaM sa.nsAravAridhau .
yogArUDhatvamAsAdya samyagdarshananiShThayA .. 9..
sannyasya sarvakarmANi bhavabandhavimuktaye .
yatyatAM paNDitairdhIrairAtmAbhyAsa upasthitaiH .. 10..
chittasya shud.hdhaye karma na tu vastUpalabdhaye .
vastusid.hdhirvichAreNa na ki~nchitkarmakoTibhiH .. 11..
samyagvichArataH sid.hdhA rajjutattvAvadhAraNA .
bhrAntoditamahAsarpabhayaduHkhavinAshinI .. 12.. bhrAntyo
arthasya nishchayo dR^iShTo vichAreNa hitoktitaH .
na snAnena na dAnena prANAyAmashatena vA .. 13..
adhikAriNamAshAste phalasid.hdhirvisheShataH .
upAyA deshakAlAdyAH santyasminsahakAriNaH .. 14.. santyasyAM
ato vichAraH kartavyo jij~nAsorAtmavastunaH ..
samAsAdya dayAsindhuM guruM brahmaviduttamam .. 15..
medhAvI puruSho vidvAnUhApohavichakShaNaH .
adhikAryAtmavidyAyAmuktalakShaNalakShitaH .. 16..
vivekino viraktasya shamAdiguNashAlinaH .
mumukShoreva hi brahmajij~nAsAyogyatA matA .. 17..
sAdhanAnyatra chatvAri kathitAni manIShibhiH .
yeShu satsveva sanniShThA yadabhAve na sidhyati .. 18..
Adau nityAnityavastuvivekaH parigaNyate .
ihAmutraphalabhogavirAgastadanantaram .
shamAdiShaT.hkasampattirmumukShutvamiti sphuTam .. 19..
brahma satyaM jaganmithyetyevaMrUpo vinishchayaH .
so.ayaM nityAnityavastuvivekaH samudAhR^itaH .. 20..
tadvairAgyaM jihAsA yA darshanashravaNAdibhiH . jugupsA yA
dehAdibrahmaparyante hyanitye bhogavastuni .. 21.. bhogyavastuni
virajya viShayavrAtAddoShadR^iShTyA muhurmuhuH .
svalakShye niyatAvasthA manasaH shama uchyate .. 22..
viShayebhyaH parAvartya sthApanaM svasvagolake .
ubhayeShAmindriyANAM sa damaH parikIrtitaH .
bAhyAnAlambanaM vR^ittereShoparatiruttamA .. 23..
sahanaM sarvaduHkhAnAmapratIkArapUrvakam .
chintAvilAparahitaM sA titikShA nigadyate .. 24..
shAstrasya guruvAkyasya satyabud.hdhyavadhAraNam . satyabud.hdhyAvadhAraNA
sA shrad.hdhA kathitA sad.hbhiryayA vastUpalabhyate .. 25..
sarvadA sthApanaM bud.hdheH shud.hdhe brahmaNi sarvadA . samyagAsthApanaM
tatsamAdhAnamityuktaM na tu chittasya lAlanam .. 26..
aha~NkArAdidehAntAn bandhAnaj~nAnakalpitAn .
svasvarUpAvabodhena moktumichChA mumukShutA .. 27..
mandamadhyamarUpApi vairAgyeNa shamAdinA .
prasAdena guroH seyaM pravR^id.hdhA sUyate phalam .. 28..
vairAgyaM cha mumukShutvaM tIvraM yasya tu vidyate .
tasminnevArthavantaH syuH phalavantaH shamAdayaH .. 29..
etayormandatA yatra viraktatvamumukShayoH .
marau salilavattatra shamAderbhAnamAtratA .. 30..
mokShakAraNasAmagr.hyAM bhaktireva garIyasI .
svasvarUpAnusandhAnaM bhaktirityabhidhIyate .. 31..
svAtmatattvAnusandhAnaM bhaktirityapare jaguH .
uktasAdhanasampannastattvajij~nAsurAtmanaH .
upasIded.hguruM prAj~naM yasmAd.hbandhavimokShaNam .. 32..
shrotriyo.avR^ijino.akAmahato yo brahmavittamaH .
brahmaNyuparataH shAnto nirindhana ivAnalaH .
ahetukadayAsindhurbandhurAnamatAM satAm .. 33..
tamArAdhya guruM bhaktyA prahvaprashrayasevanaiH . prahvaH
prasannaM tamanuprApya pR^ichChejj~nAtavyamAtmanaH .. 34..
svAminnamaste natalokabandho
    kAruNyasindho patitaM bhavAbdhau .
mAmud.hdharAtmIyakaTAkShadR^iShTyA
    R^ijvyAtikAruNyasudhAbhivR^iShTyA .. 35..
durvArasa.nsAradavAgnitaptaM
    dodhUyamAnaM duradR^iShTavAtaiH .
bhItaM prapannaM paripAhi mR^ityoH
    sharaNyamanyadyadahaM na jAne .. 36.. anyaM
shAntA mahAnto nivasanti santo
    vasantavallokahitaM charantaH .
tIrNAH svayaM bhImabhavArNavaM janA\-
    nahetunAnyAnapi tArayantaH .. 37..
ayaM svabhAvaH svata eva yatpara\-
    shramApanodapravaNaM mahAtmanAm .
sudhA.nshureSha svayamarkakarkasha\-
    prabhAbhitaptAmavati kShitiM kila .. 38..
brahmAnandarasAnubhUtikalitaiH pUtaiH sushItairyutai\- ## var ## sushItaiH sitaiH
ryuShmadvAkkalashojjhitaiH shrutisukhairvAkyAmR^itaiH sechaya .
santaptaM bhavatApadAvadahanajvAlAbhirenaM prabho
dhanyAste bhavadIkShaNakShaNagateH pAtrIkR^itAH svIkR^itAH .. 39..
kathaM tareyaM bhavasindhumetaM
    kA vA gatirme katamo.astyupAyaH .
jAne na ki~nchitkR^ipayA.ava mAM prabho
    sa.nsAraduHkhakShatimAtanuShva .. 40..
tathA vadantaM sharaNAgataM svaM
    sa.nsAradAvAnalatApataptam .
nirIkShya kAruNyarasArdradR^iShTyA
    dadyAdabhItiM sahasA mahAtmA .. 41..
vidvAn sa tasmA upasattimIyuShe
    mumukShave sAdhu yathoktakAriNe .
prashAntachittAya shamAnvitAya
    tattvopadeshaM kR^ipayaiva kuryAt .. 42..
mA bhaiShTa vidva.nstava nAstyapAyaH
    sa.nsArasindhostaraNe.astyupAyaH .
yenaiva yAtA yatayo.asya pAraM
    tameva mArgaM tava nirdishAmi .. 43..
astyupAyo mahAnkashchitsa.nsArabhayanAshanaH .
tena tIrtvA bhavAmbhodhiM paramAnandamApsyasi .. 44..
vedAntArthavichAreNa jAyate j~nAnamuttamam .
tenAtyantikasa.nsAraduHkhanAsho bhavatyanu .. 45..
shrad.hdhAbhaktidhyAnayogAnmumukShoH
    mukterhetUnvakti sAkShAchChrutergIH .
yo vA eteShveva tiShThatyamuShya
    mokSho.avidyAkalpitAddehabandhAt .. 46..
aj~nAnayogAtparamAtmanastava
    hyanAtmabandhastata eva sa.nsR^itiH .
tayorvivekoditabodhavahniH
    aj~nAnakAryaM pradahetsamUlam .. 47..
          shiShya uvAcha .
kR^ipayA shrUyatAM svAminprashno.ayaM kriyate mayA .
yaduttaramahaM shrutvA kR^itArthaH syAM bhavanmukhAt .. 48..
ko nAma bandhaH kathameSha AgataH
    kathaM pratiShThAsya kathaM vimokShaH .
ko.asAvanAtmA paramaH ka AtmA
    tayorvivekaH kathametaduchyatAm .. 49..
          shrIguruvAcha .
dhanyo.asi kR^itakR^ityo.asi pAvitaM te kulaM tvayA . pAvitaM
yadavidyAbandhamuktyA brahmIbhavitumichChasi .. 50..
R^iNamochanakartAraH pituH santi sutAdayaH .
bandhamochanakartA tu svasmAdanyo na kashchana .. 51..
mastakanyastabhArAderduHkhamanyairnivAryate .
kShudhAdikR^itaduHkhaM tu vinA svena na kenachit .. 52..
pathyamauShadhasevA cha kriyate yena rogiNA .
Arogyasid.hdhirdR^iShTA.asya nAnyAnuShThitakarmaNA .. 53..
vastusvarUpaM sphuTabodhachakShuShA
    svenaiva vedyaM na tu paNDitena .
chandrasvarUpaM nijachakShuShaiva
    j~nAtavyamanyairavagamyate kim .. 54..
avidyAkAmakarmAdipAshabandhaM vimochitum .
kaH shaknuyAdvinA.a.atmAnaM kalpakoTishatairapi .. 55..
na yogena na sA~Nkhyena karmaNA no na vidyayA .
brahmAtmaikatvabodhena mokShaH sidhyati nAnyathA .. 56..
vINAyA rUpasaundaryaM tantrIvAdanasauShThavam .
prajAra~njanamAtraM tanna sAmrAjyAya kalpate .. 57..
vAgvaikharI shabdajharI shAstravyAkhyAnakaushalam .
vaiduShyaM viduShAM tadvad.hbhuktaye na tu muktaye .. 58..
avij~nAte pare tattve shAstrAdhItistu niShphalA .
vij~nAte.api pare tattve shAstrAdhItistu niShphalA .. 59..
shabdajAlaM mahAraNyaM chittabhramaNakAraNam .
ataH prayatnAjj~nAtavyaM tattvaj~naistattvamAtmanaH .. 60.. tattvaj~nAttattva
aj~nAnasarpadaShTasya brahmaj~nAnauShadhaM vinA .
kimu vedaishcha shAstraishcha kimu mantraiH kimauShadhaiH .. 61..
na gachChati vinA pAnaM vyAdhirauShadhashabdataH .
vinA.aparokShAnubhavaM brahmashabdairna muchyate .. 62..
akR^itvA dR^ishyavilayamaj~nAtvA tattvamAtmanaH .
brahmashabdaiH kuto muktiruktimAtraphalairnR^iNAm .. 63.. bAhyashabdaiH
akR^itvA shatrusa.nhAramagatvAkhilabhUshriyam .
rAjAhamiti shabdAnno rAjA bhavitumarhati .. 64..
AptoktiM khananaM tathoparishilAdyutkarShaNaM svIkR^itiM ## var ## parishilApAkarShaNaM
nikShepaH samapekShate na hi bahiHshabdaistu nirgachChati .
tadvad.hbrahmavidopadeshamananadhyAnAdibhirlabhyate
mAyAkAryatirohitaM svamamalaM tattvaM na duryuktibhiH .. 65..
tasmAtsarvaprayatnena bhavabandhavimuktaye .
svaireva yatnaH kartavyo rogAdAviva paNDitaiH .. 66.. rogAderiva
yastvayAdya kR^itaH prashno varIyA~nChAstravinmataH . sammataH
sUtraprAyo nigUDhArtho j~nAtavyashcha mumukShubhiH .. 67..
shR^iNuShvAvahito vidvanyanmayA samudIryate .
tadetachChravaNAtsadyo bhavabandhAdvimokShyase .. 68..
mokShasya hetuH prathamo nigadyate
    vairAgyamatyantamanityavastuShu .
tataH shamashchApi damastitikShA
    nyAsaH prasaktAkhilakarmaNAM bhR^isham .. 69..
tataH shrutistanmananaM satattva\-
    dhyAnaM chiraM nityanirantaraM muneH .
tato.avikalpaM parametya vidvAn.h
    ihaiva nirvANasukhaM samR^ichChati .. 70..
yad.hbod.hdhavyaM tavedAnImAtmAnAtmavivechanam .
taduchyate mayA samyak shrutvAtmanyavadhAraya .. 71..
majjAsthimedaHpalaraktacharma\-
    tvagAhvayairdhAtubhirebhiranvitam .
pAdoruvakShobhujapR^iShThamastakaiH
    a~NgairupA~Ngairupayuktametat .. 72..
ahammameti prathitaM sharIraM
    mohAspadaM sthUlamitIryate budhaiH .
nabhonabhasvaddahanAmbubhUmayaH
    sUkShmANi bhUtAni bhavanti tAni .. 73..
parasparAMshairmilitAni bhUtvA
    sthUlAni cha sthUlasharIrahetavaH .
mAtrAstadIyA viShayA bhavanti
    shabdAdayaH pa~ncha sukhAya bhoktuH .. 74..
ya eShu mUDhA viShayeShu bad.hdhA
    rAgorupAshena sudurdamena .
AyAnti niryAntyadha UrdhvamuchchaiH
    svakarmadUtena javena nItAH .. 75..
shabdAdibhiH pa~nchabhireva pa~ncha
    pa~nchatvamApuH svaguNena bad.hdhAH .
kura~NgamAta~Ngapata~NgamIna\-
    bhR^i~NgA naraH pa~nchabhira~nchitaH kim .. 76..
doSheNa tIvro viShayaH kR^iShNasarpaviShAdapi .
viShaM nihanti bhoktAraM draShTAraM chakShuShApyayam .. 77..
viShayAshAmahApAshAdyo vimuktaH sudustyajAt .
sa eva kalpate muktyai nAnyaH ShaT.hshAstravedyapi .. 78..
ApAtavairAgyavato mumukShUn.h
    bhavAbdhipAraM pratiyAtumudyatAn .
AshAgraho majjayate.antarAle
    nigR^ihya kaNThe vinivartya vegAt .. 79..
viShayAkhyagraho yena suviraktyasinA hataH .
sa gachChati bhavAmbhodheH pAraM pratyUhavarjitaH .. 80..
viShamaviShayamArgairgachChato.anachChabud.hdheH ## var ## viShayamArge gachChato
    pratipadamabhiyAto mR^ityurapyeSha vid.hdhi .  ## var ## pratipadamabhighAto mR^ityurapyeSha sid.hdhaH
hitasujanagurUktyA gachChataH svasya yuktyA
    prabhavati phalasid.hdhiH satyamityeva vid.hdhi .. 81..
mokShasya kA~NkShA yadi vai tavAsti
    tyajAtidUrAdviShayAnviShaM yathA .
pIyUShavattoShadayAkShamArjava\-
    prashAntidAntIrbhaja nityamAdarAt .. 82..
anukShaNaM yatparihR^itya kR^ityaM
    anAdyavidyAkR^itabandhamokShaNam .
dehaH parArtho.ayamamuShya poShaNe
    yaH sajjate sa svamanena hanti .. 83..
sharIrapoShaNArthI san ya AtmAnaM didR^ikShati . didR^ikShate
grAhaM dArudhiyA dhR^itvA nadIM tartuM sa gachChati .. 84.. sa ichChati
moha eva mahAmR^ityurmumukShorvapurAdiShu .
moho vinirjito yena sa muktipadamarhati .. 85..
mohaM jahi mahAmR^ityuM dehadArasutAdiShu .
yaM jitvA munayo yAnti tadviShNoH paramaM padam .. 86..
tva~N.hmAMsarudhirasnAyumedomajjAsthisa~Nkulam .
pUrNaM mUtrapurIShAbhyAM sthUlaM nindyamidaM vapuH .. 87..
pa~nchIkR^itebhyo bhUtebhyaH sthUlebhyaH pUrvakarmaNA .
samutpannamidaM sthUlaM bhogAyatanamAtmanaH .
avasthA jAgarastasya sthUlArthAnubhavo yataH .. 88..
bAhyendriyaiH sthUlapadArthasevAM
    srak.hchandanastryAdivichitrarUpAm .
karoti jIvaH svayametadAtmanA
    tasmAtprashastirvapuSho.asya jAgare .. 89..
sarvo.api bAhyasa.nsAraH puruShasya yadAshrayaH .
vid.hdhi dehamidaM sthUlaM gR^ihavad.hgR^ihamedhinaH .. 90..
sthUlasya sambhavajarAmaraNAni dharmAH
    sthaulyAdayo bahuvidhAH shishutAdyavasthAH .
varNAshramAdiniyamA bahudhA.a.amayAH syuH
    pUjAvamAnabahumAnamukhA visheShAH .. 91..
bud.hdhIndriyANi shravaNaM tvagakShi
    ghrANaM cha jihvA viShayAvabodhanAt .
vAk.hpANipAdA gudamapyupasthaH ## var ## upasthaM
    karmendriyANi pravaNena karmasu .. 92.. pravaNAni
nigadyate.antaHkaraNaM manodhIH
    aha~NkR^itishchittamiti svavR^ittibhiH .
manastu sa~NkalpavikalpanAdibhiH
    bud.hdhiH padArthAdhyavasAyadharmataH .. 93..
atrAbhimAnAdahamityaha~NkR^itiH .
    svArthAnusandhAnaguNena chittam .. 94..
prANApAnavyAnodAnasamAnA bhavatyasau prANaH .
svayameva vR^ittibhedAdvikR^itibhedAtsuvarNasalilAdivat .. 95.. vikR^iterbhedAtsuvarNasalilamiva
vAgAdi pa~ncha shravaNAdi pa~ncha
    prANAdi pa~nchAbhramukhAni pa~ncha .
bud.hdhyAdyavidyApi cha kAmakarmaNI
    puryaShTakaM sUkShmasharIramAhuH .. 96..
idaM sharIraM shR^iNu sUkShmasaMj~nitaM
    li~NgaM tvapa~nchIkR^itabhUtasambhavam .
savAsanaM karmaphalAnubhAvakaM
    svAj~nAnato.anAdirupAdhirAtmanaH .. 97..
svapno bhavatyasya vibhaktyavasthA
    svamAtrasheSheNa vibhAti yatra .
svapne tu bud.hdhiH svayameva jAgrat.h
    kAlInanAnAvidhavAsanAbhiH .. 98..
kartrAdibhAvaM pratipadya rAjate
    yatra svayaM bhAti hyayaM parAtmA . svaya~njyotirayaM
dhImAtrakopAdhirasheShasAkShI
    na lipyate tatkR^itakarmaleshaiH . karmalepaiH
yasmAdasa~Ngastata eva karmabhiH
    na lipyate ki~nchidupAdhinA kR^itaiH .. 99..
sarvavyApR^itikaraNaM li~NgamidaM syAchchidAtmanaH puMsaH .
vAsyAdikamiva takShNastenaivAtmA bhavatyasa~Ngo.ayam .. 100..
andhatvamandatvapaTutvadharmAH
    sauguNyavaiguNyavashAd.hdhi chakShuShaH .
bAdhiryamUkatvamukhAstathaiva
    shrotrAdidharmA na tu vetturAtmanaH .. 101..
uchCh.hvAsaniHshvAsavijR^imbhaNakShu\-
    tprasyandanAdyutkramaNAdikAH kriyAH . praspandanAdy
prANAdikarmANi vadanti taj~nAH ## var ## tajj~nAH
    prANasya dharmAvashanApipAse .. 102..
antaHkaraNameteShu chakShurAdiShu varShmaNi .
ahamityabhimAnena tiShThatyAbhAsatejasA .. 103..
aha~NkAraH sa vij~neyaH kartA bhoktAbhimAnyayam .
sattvAdiguNayogena chAvasthAtrayamashnute .. 104.. yogenAvasthAtritayamshnute
viShayANAmAnukUlye sukhI duHkhI viparyaye .
sukhaM duHkhaM cha tad.hdharmaH sadAnandasya nAtmanaH .. 105..
AtmArthatvena hi preyAnviShayo na svataH priyaH .
svata eva hi sarveShAmAtmA priyatamo yataH .
tata AtmA sadAnando nAsya duHkhaM kadAchana .. 106..
yatsuShuptau nirviShaya AtmAnando.anubhUyate .
shrutiH pratyakShamaitihyamanumAnaM cha jAgrati .. 107..
avyaktanAmnI parameshashaktiH
    anAdyavidyA triguNAtmikA parA .
kAryAnumeyA sudhiyaiva mAyA
    yayA jagatsarvamidaM prasUyate .. 108..
sannApyasannApyubhayAtmikA no
    bhinnApyabhinnApyubhayAtmikA no .
sA~NgApyana~NgA hyubhayAtmikA no ## var ## ana~NgApyubhayAtmikA
    mahAd.hbhutA.anirvachanIyarUpA .. 109..
shud.hdhAdvayabrahmavibodhanAshyA
    sarpabhramo rajjuvivekato yathA .
rajastamaHsattvamiti prasid.hdhA
    guNAstadIyAH prathitaiH svakAryaiH .. 110..
vikShepashaktI rajasaH kriyAtmikA
    yataH pravR^ittiH prasR^itA purANI .
rAgAdayo.asyAH prabhavanti nityaM
    duHkhAdayo ye manaso vikArAH .. 111..
kAmaH krodho lobhadambhAdyasUyA ## var ## lobhadambhAbhyasUyA
    aha~NkArerShyAmatsarAdyAstu ghorAH .
dharmA ete rAjasAH pumpravR^itti\-
    ryasmAdeShA tadrajo bandhahetuH .. 112.. yasmAdetattadrajo
eShA.a.avR^itirnAma tamoguNasya
    shaktirmayA vastvavabhAsate.anyathA . shaktiryayA
saiShA nidAnaM puruShasya sa.nsR^iteH
    vikShepashakteH pravaNasya hetuH .. 113.. prasarasya
praj~nAvAnapi paNDito.api chaturo.apyatyantasUkShmAtmadR^ig.h\- ## var ## sUkShmArthadR^ig
vyAlIDhastamasA na vetti bahudhA sambodhito.api sphuTam .
bhrAntyAropitameva sAdhu kalayatyAlambate tad.hguNAn.h
hantAsau prabalA durantatamasaH shaktirmahatyAvR^itiH .. 114..
abhAvanA vA viparItabhAvanA.a\- ## var ## viparItabhAvanA
    sambhAvanA vipratipattirasyAH .
sa.nsargayuktaM na vimu~nchati dhruvaM
    vikShepashaktiH kShapayatyajasram .. 115..
aj~nAnamAlasyajaDatvanidrA\-
    pramAdamUDhatvamukhAstamoguNAH .
etaiH prayukto na hi vetti ki~nchit
    nidrAluvatstambhavadeva tiShThati .. 116..
sattvaM vishud.hdhaM jalavattathApi
    tAbhyAM militvA saraNAya kalpate .
yatrAtmabimbaH pratibimbitaH san.h
    prakAshayatyarka ivAkhilaM jaDam .. 117..
mishrasya sattvasya bhavanti dharmAH
    tvamAnitAdyA niyamA yamAdyAH .
shrad.hdhA cha bhaktishcha mumukShutA cha
    daivI cha sampattirasannivR^ittiH .. 118..
vishud.hdhasattvasya guNAH prasAdaH
    svAtmAnubhUtiH paramA prashAntiH .
tR^iptiH praharShaH paramAtmaniShThA
    yayA sadAnandarasaM samR^ichChati .. 119..
avyaktametattriguNairniruktaM
    tatkAraNaM nAma sharIramAtmanaH .
suShuptiretasya vibhaktyavasthA
    pralInasarvendriyabud.hdhivR^ittiH .. 120..
sarvaprakArapramitiprashAntiH
    bIjAtmanAvasthitireva bud.hdheH .
suShuptiretasya kila pratItiH ## var ## suShuptiratrAsya
    ki~nchinna vedmIti jagatprasid.hdheH .. 121..
dehendriyaprANamano.ahamAdayaH
    sarve vikArA viShayAH sukhAdayaH .
vyomAdibhUtAnyakhilaM cha vishvaM
    avyaktaparyantamidaM hyanAtmA .. 122..
mAyA mAyAkAryaM sarvaM mahadAdidehaparyantam .
asadidamanAtmatattvaM vid.hdhi tvaM marumarIchikAkalpam .. 123..
atha te sampravakShyAmi svarUpaM paramAtmanaH .
yadvij~nAya naro bandhAnmuktaH kaivalyamashnute .. 124..
asti kashchitsvayaM nityamahampratyayalambanaH .
avasthAtrayasAkShI sanpa~nchakoshavilakShaNaH .. 125..
yo vijAnAti sakalaM jAgratsvapnasuShuptiShu .
bud.hdhitad.hvR^ittisad.hbhAvamabhAvamahamityayam .. 126..
yaH pashyati svayaM sarvaM yaM na pashyati kashchana . ki~nchana
yashchetayati bud.hdhyAdi na tadyaM chetayatyayam .. 127..
yena vishvamidaM vyAptaM yaM na vyApnoti ki~nchana .
AbhArUpamidaM sarvaM yaM bhAntamanubhAtyayam .. 128..
yasya sannidhimAtreNa dehendriyamanodhiyaH .
viShayeShu svakIyeShu vartante preritA iva .. 129..
aha~NkArAdidehAntA viShayAshcha sukhAdayaH .
vedyante ghaTavadyena nityabodhasvarUpiNA .. 130..
eSho.antarAtmA puruShaH purANo
    nirantarAkhaNDasukhAnubhUtiH .
sadaikarUpaH pratibodhamAtro
    yeneShitA vAgasavashcharanti .. 131..
atraiva sattvAtmani dhIguhAyAM
    avyAkR^itAkAsha ushatprakAshaH . uruprakAshaH
AkAsha uchchai ravivatprakAshate
    svatejasA vishvamidaM prakAshayan .. 132..
j~nAtA mano.aha~NkR^itivikriyANAM
    dehendriyaprANakR^itakriyANAm .
ayo.agnivattAnanuvartamAno
    na cheShTate no vikaroti ki~nchana .. 133..
na jAyate no mriyate na vardhate
    na kShIyate no vikaroti nityaH .
vilIyamAne.api vapuShyamuShmi\-
    nna lIyate kumbha ivAmbaraM svayam .. 134..
prakR^itivikR^itibhinnaH shud.hdhabodhasvabhAvaH
    sadasadidamasheShaM bhAsayannirvisheShaH .
vilasati paramAtmA jAgradAdiShvavasthA\-
    svahamahamiti sAkShAtsAkShirUpeNa bud.hdheH .. 135..
niyamitamanasAmuM tvaM svamAtmAnamAtma\-
    nyayamahamiti sAkShAdvid.hdhi bud.hdhiprasAdAt .
janimaraNatara~NgApArasa.nsArasindhuM
    pratara bhava kR^itArtho brahmarUpeNa sa.nsthaH .. 136..
atrAnAtmanyahamiti matirbandha eSho.asya puMsaH
    prApto.aj~nAnAjjananamaraNakleshasampAtahetuH .
yenaivAyaM vapuridamasatsatyamityAtmabud.hdhyA
    puShyatyukShatyavati viShayaistantubhiH koshakR^idvat .. 137..
atasmi.nstad.hbud.hdhiH prabhavati vimUDhasya tamasA
vivekAbhAvAdvai sphurati bhujage rajjudhiShaNA .
tato.anarthavrAto nipatati samAdAturadhikaH
tato yo.asad.hgrAhaH sa hi bhavati bandhaH shR^iNu sakhe .. 138..
akhaNDanityAdvayabodhashaktyA
    sphurantamAtmAnamanantavaibhavam .
samAvR^iNotyAvR^itishaktireShA
    tamomayI rAhurivArkabimbam .. 139..
tirobhUte svAtmanyamalataratejovati pumAn.h
    anAtmAnaM mohAdahamiti sharIraM kalayati .
tataH kAmakrodhaprabhR^itibhiramuM bandhanaguNaiH ## var ## bandhakaguNaiH
    paraM vikShepAkhyA rajasa urushaktirvyathayati .. 140..
mahAmohagrAhagrasanagalitAtmAvagamano
    dhiyo nAnAvasthAM svayamabhinayaMstad.hguNatayA . nAnAvasthAH
apAre sa.nsAre viShayaviShapUre jalanidhau
    nimajyonmajyAyaM bhramati kumatiH kutsitagatiH .. 141..
bhAnuprabhAsa~njanitAbhrapa~N.hktiH
    bhAnuM tirodhAya vijR^imbhate yathA .
AtmoditAha~NkR^itirAtmatattvaM
    tathA tirodhAya vijR^imbhate svayam .. 142..
kavalitadinanAthe durdine sAndrameghaiH
    vyathayati himajha~njhAvAyurugro yathaitAn .
aviratatamasA.a.atmanyAvR^ite mUDhabud.hdhiM
    kShapayati bahuduHkhaistIvravikShepashaktiH .. 143..
etAbhyAmeva shaktibhyAM bandhaH puMsaH samAgataH .
yAbhyAM vimohito dehaM matvA.a.atmAnaM bhramatyayam .. 144..
bIjaM  sa.nsR^itibhUmijasya tu tamo dehAtmadhIra~Nkuro
rAgaH pallavamambu karma tu vapuH skandho.asavaH shAkhikAH .
agrANIndriyasa.nhatishcha viShayAH puShpANi duHkhaM phalaM
nAnAkarmasamud.hbhavaM bahuvidhaM bhoktAtra jIvaH khagaH .. 145..
aj~nAnamUlo.ayamanAtmabandho
    naisargiko.anAdirananta IritaH .
janmApyayavyAdhijarAdiduHkha\-
    pravAhapAtaM janayatyamuShya .. 146..
nAstrairna shastrairanilena vahninA
    ChettuM na shakyo na cha karmakoTibhiH .
vivekavij~nAnamahAsinA vinA
    dhAtuH prasAdena shitena ma~njunA .. 147..
shrutipramANaikamateH svadharma
    niShThA tayaivAtmavishud.hdhirasya .
vishud.hdhabud.hdheH paramAtmavedanaM
    tenaiva sa.nsArasamUlanAshaH .. 148..
koshairannamayAdyaiH pa~nchabhirAtmA na sa.nvR^ito bhAti .
nijashaktisamutpannaiH shaivAlapaTalairivAmbu vApIstham .. 149..
tachChaivAlApanaye samyak salilaM pratIyate shud.hdham .
tR^iShNAsantApaharaM sadyaH saukhyapradaM paraM puMsaH .. 150..
pa~nchAnAmapi koshAnAmapavAde vibhAtyayaM shud.hdhaH .
nityAnandaikarasaH pratyagrUpaH paraH svaya~njyotiH .. 151..
AtmAnAtmavivekaH kartavyo bandhamuktaye viduShA .
tenaivAnandI bhavati svaM vij~nAya sachchidAnandam .. 152..
mu~njAdiShIkAmiva dR^ishyavargAt.h
    pratya~nchamAtmAnamasa~Ngamakriyam .
vivichya tatra pravilApya sarvaM
    tadAtmanA tiShThati yaH sa muktaH .. 153..
deho.ayamannabhavano.annamayastu kosha\- ## var ## kosho
    shchAnnena jIvati vinashyati tadvihInaH . hyannena
tvak.hcharmamA.nsarudhirAsthipurISharAshi\-
    rnAyaM svayaM bhavitumarhati nityashud.hdhaH .. 154..
pUrvaM janeradhimR^iterapi nAyamasti ## var ## janerapimR^iteratha
    jAtakShaNaH kShaNaguNo.aniyatasvabhAvaH .
naiko jaDashcha ghaTavatparidR^ishyamAnaH
svAtmA kathaM bhavati bhAvavikAravettA .. 155..
pANipAdAdimAndeho nAtmA vya~Nge.api jIvanAt .
tattachChakteranAshAchcha na niyamyo niyAmakaH .. 156..
dehatad.hdharmatatkarmatadavasthAdisAkShiNaH .
sata eva svataHsid.hdhaM tadvailakShaNyamAtmanaH .. 157..
shalyarAshirmAMsalipto malapUrNo.atikashmalaH .
kathaM bhavedayaM vettA svayametadvilakShaNaH .. 158..
tva~N.hmA.nsamedo.asthipurISharAshA\-
    vahammatiM mUDhajanaH karoti .
vilakShaNaM vetti vichArashIlo
    nijasvarUpaM paramArthabhUtam .. 159..
deho.ahamityeva jaDasya bud.hdhiH
    dehe cha jIve viduShastvahandhIH .
vivekavij~nAnavato mahAtmano
    brahmAhamityeva matiH sadAtmani .. 160..
atrAtmabud.hdhiM tyaja mUDhabud.hdhe
    tva~N.hmA.nsamedo.asthipurISharAshau .
sarvAtmani brahmaNi nirvikalpe
    kuruShva shAntiM paramAM bhajasva .. 161..
dehendriyAdAvasati bhramoditAM
    vidvAnahantAM na jahAti yAvat .
tAvanna tasyAsti vimuktivArtA\-
    pyastveSha vedAntanayAntadarshI .. 162..
ChAyAsharIre pratibimbagAtre
    yatsvapnadehe hR^idi kalpitA~Nge .
yathAtmabud.hdhistava nAsti kAchi\-
    jjIvachCharIre cha tathaiva mA.astu .. 163..
dehAtmadhIreva nR^iNAmasad.hdhiyAM
    janmAdiduHkhaprabhavasya bIjam .
yatastatastvaM jahi tAM prayatnAt.h
    tyakte tu chitte na punarbhavAshA .. 164..
karmendriyaiH pa~nchabhira~nchito.ayaM
    prANo bhavetprANamayastu koshaH ..
yenAtmavAnannamayo.anupUrNaH
    pravartate.asau sakalakriyAsu .. 165..
naivAtmApi prANamayo vAyuvikAro ## var ## naivAtmAyaM
    gantA.a.agantA vAyuvadantarbahireShaH .
yasmAtki~nchitkvApi na vettIShTamaniShTaM
    svaM vAnyaM vA ki~nchana nityaM paratantraH .. 166..
j~nAnendriyANi cha manashcha manomayaH syAt.h
    kosho mamAhamiti vastuvikalpahetuH .
saMj~nAdibhedakalanAkalito balIyAM\-
    statpUrvakoshamabhipUrya vijR^imbhate yaH .. 167.. anupUrya
pa~nchendriyaiH pa~nchabhireva hotR^ibhiH
    prachIyamAno viShayAjyadhArayA .
jAjvalyamAno bahuvAsanendhanaiH
    manomayAgnirdahati prapa~ncham .. 168.. manomayo.agnirdahati
na hyastyavidyA manaso.atiriktA
    mano hyavidyA bhavabandhahetuH .
tasminvinaShTe sakalaM vinaShTaM
    vijR^imbhite.asminsakalaM vijR^imbhate .. 169..
svapne.arthashUnye sR^ijati svashaktyA
    bhoktrAdivishvaM mana eva sarvam .
tathaiva jAgratyapi no visheShaH
    tatsarvametanmanaso vijR^imbhaNam .. 170..
suShuptikAle manasi pralIne
    naivAsti ki~nchitsakalaprasid.hdheH .
ato manaHkalpita eva puMsaH
    sa.nsAra etasya na vastuto.asti .. 171..
vAyunA.a.anIyate meghaH punastenaiva nIyate .  ## var ## vAyunA nIyate meghaH punastenaiva lIyate
manasA kalpyate bandho mokShastenaiva kalpyate .. 172..
dehAdisarvaviShaye parikalpya rAgaM
    badhnAti tena puruShaM pashuvad.hguNena .
vairasyamatra viShavat suvidhAya pashchAd.h
    enaM vimochayati tanmana eva bandhAt .. 173..
tasmAnmanaH kAraNamasya jantoH
    bandhasya mokShasya cha vA vidhAne .
bandhasya heturmalinaM rajoguNaiH
    mokShasya shud.hdhaM virajastamaskam .. 174..
vivekavairAgyaguNAtirekA\-
    chChud.hdhatvamAsAdya mano vimuktyai .
bhavatyato bud.hdhimato mumukSho\-
    stAbhyAM dR^iDhAbhyAM bhavitavyamagre .. 175..
mano nAma mahAvyAghro viShayAraNyabhUmiShu .
charatyatra na gachChantu sAdhavo ye mumukShavaH .. 176..
manaH prasUte viShayAnasheShAn.h
    sthUlAtmanA sUkShmatayA cha bhoktuH .
sharIravarNAshramajAtibhedAn.h
    guNakriyAhetuphalAni nityam .. 177..
asa~NgachidrUpamamuM vimohya
    dehendriyaprANaguNairnibad.hdhya .
ahammameti bhramayatyajasraM
    manaH svakR^ityeShu phalopabhuktiShu .. 178..
adhyAsadoShAtpuruShasya sa.nsR^itiH ## var ## adhyAsayogAt
    adhyAsabandhastvamunaiva kalpitaH .
rajastamodoShavato.avivekino
    janmAdiduHkhasya nidAnametat .. 179..
ataH prAhurmano.avidyAM paNDitAstattvadarshinaH .
yenaiva bhrAmyate vishvaM vAyunevAbhramaNDalam .. 180..
tanmanaHshodhanaM kAryaM prayatnena mumukShuNA .
vishud.hdhe sati chaitasminmuktiH karaphalAyate .. 181..
mokShaikasaktyA viShayeShu rAgaM
    nirmUlya sannyasya cha sarvakarma .
sachChrad.hdhayA yaH shravaNAdiniShTho
    rajaHsvabhAvaM sa dhunoti bud.hdheH .. 182..
manomayo nApi bhavetparAtmA
    hyAdyantavattvAtpariNAmibhAvAt .
duHkhAtmakatvAdviShayatvahetoH
    draShTA hi dR^ishyAtmatayA na dR^iShTaH .. 183..
bud.hdhirbud.hdhIndriyaiH sArdhaM savR^ittiH kartR^ilakShaNaH .
vij~nAnamayakoshaH syAtpuMsaH sa.nsArakAraNam .. 184..
anuvrajachchitpratibimbashaktiH
    vij~nAnasaMj~naH prakR^itervikAraH .
j~nAnakriyAvAnahamityajasraM
    dehendriyAdiShvabhimanyate bhR^isham .. 185..
anAdikAlo.ayamahaMsvabhAvo
    jIvaH samastavyavahAravoDhA .
karoti karmANyapi pUrvavAsanaH ## var ## karmANyanu
    puNyAnyapuNyAni cha tatphalAni .. 186..
bhu~N.hkte vichitrAsvapi yoniShu vraja\-
    nnAyAti niryAtyadha UrdhvameShaH .
asyaiva vij~nAnamayasya jAgrat.h\-
    svapnAdyavasthAH sukhaduHkhabhogaH .. 187..
dehAdiniShThAshramadharmakarma\-
    guNAbhimAnaH satataM mameti .
vij~nAnakosho.ayamatiprakAshaH
    prakR^iShTasAnnidhyavashAtparAtmanaH .
ato bhavatyeSha upAdhirasya
    yadAtmadhIH sa.nsarati bhrameNa .. 188..
yo.ayaM vij~nAnamayaH prANeShu hR^idi sphuratyayaM jyotiH . sphuratsvaya~njyotiH
kUTasthaH sannAtmA kartA bhoktA bhavatyupAdhisthaH .. 189..
svayaM parichChedamupetya bud.hdheH
    tAdAtmyadoSheNa paraM mR^iShAtmanaH .
sarvAtmakaH sannapi vIkShate svayaM
    svataH pR^ithak.htvena mR^ido ghaTAniva .. 190..
upAdhisambandhavashAtparAtmA
    hyupAdhidharmAnanubhAti tad.hguNaH . .apyupAdhi
ayovikArAnavikArivahnivat.h
    sadaikarUpo.api paraH svabhAvAt .. 191..
          shiShya uvAcha .
bhrameNApyanyathA vA.astu jIvabhAvaH parAtmanaH .
tadupAdheranAditvAnnAnAdernAsha iShyate .. 192..
ato.asya jIvabhAvo.api nityA bhavati sa.nsR^itiH .
na nivarteta tanmokShaH kathaM me shrIguro vada .. 193..
          shrIgururuvAcha .
samyak.hpR^iShTaM tvayA vidvansAvadhAnena tachChR^iNu .
prAmANikI na bhavati bhrAntyA mohitakalpanA .. 194..
bhrAntiM vinA tvasa~Ngasya niShkriyasya nirAkR^iteH .
na ghaTetArthasambandho nabhaso nIlatAdivat .. 195..
svasya draShTurnirguNasyAkriyasya
    pratyagbodhAnandarUpasya bud.hdheH .
bhrAntyA prApto jIvabhAvo na satyo
    mohApAye nAstyavastusvabhAvAt .. 196..
yAvad.hbhrAntistAvadevAsya sattA
    mithyAj~nAnojjR^imbhitasya pramAdAt .
rajjvAM sarpo bhrAntikAlIna eva
    bhrAnternAshe naiva sarpo.api tadvat .. 197.. sarpo.asti
anAditvamavidyAyAH kAryasyApi tatheShyate .
utpannAyAM tu vidyAyAmAvidyakamanAdyapi .. 198..
prabodhe svapnavatsarvaM sahamUlaM vinashyati .
anAdyapIdaM no nityaM prAgabhAva iva sphuTam .. 199..
anAderapi vidhvaMsaH prAgabhAvasya vIkShitaH .
yad.hbud.hdhyupAdhisambandhAtparikalpitamAtmani .. 200..
jIvatvaM na tato.anyastu svarUpeNa vilakShaNaH . tato.anyattu
sambandhastvAtmano bud.hdhyA mithyAj~nAnapuraHsaraH .. 201.. sambandhaH svAtmano
vinivR^ittirbhavettasya samyagj~nAnena nAnyathA .
brahmAtmaikatvavij~nAnaM samyagj~nAnaM shrutermatam .. 202..
tadAtmAnAtmanoH samyagvivekenaiva sidhyati .
tato vivekaH kartavyaH pratyagAtmasadAtmanoH .. 203.. pratyagAtmAsadAtmanoH
jalaM pa~NkavadatyantaM pa~NkApAye jalaM sphuTam . pa~NkavadaspaShTaM
yathA bhAti tathAtmApi doShAbhAve sphuTaprabhaH .. 204..
asannivR^ittau tu sadAtmanA sphuTaM
    pratItiretasya bhavetpratIchaH .
tato nirAsaH karaNIya eva
    sadAtmanaH sAdhvahamAdivastunaH .. 205.. asadAtmanaH
ato nAyaM parAtmA syAdvij~nAnamayashabdabhAk .
vikAritvAjjaDatvAchcha parichChinnatvahetutaH .
dR^ishyatvAd.hvyabhichAritvAnnAnityo nitya iShyate .. 206..
AnandapratibimbachumbitatanurvR^ittistamojR^imbhitA
syAdAnandamayaH priyAdiguNakaH sveShTArthalAbhodayaH .
puNyasyAnubhave vibhAti kR^itinAmAnandarUpaH svayaM
sarvo nandati yatra sAdhu tanubhR^inmAtraH prayatnaM vinA .. 207.. bhUtvA nandati
Anandamayakoshasya suShuptau sphUrtirutkaTA .
svapnajAgarayorIShadiShTasandarshanAdinA .. 208..
naivAyamAnandamayaH parAtmA
    sopAdhikatvAtprakR^itervikArAt .
kAryatvahetoH sukR^itakriyAyA
    vikArasa~NghAtasamAhitatvAt .. 209..
pa~nchAnAmapi koshAnAM niShedhe yuktitaH shruteH . yuktitaH kR^ite
tanniShedhAvadhi sAkShI bodharUpo.avashiShyate .. 210.. tanniShedhAvadhiH
yo.ayamAtmA svaya~njyotiH pa~nchakoshavilakShaNaH .
avasthAtrayasAkShI sannirvikAro nira~njanaH .
sadAnandaH sa vij~neyaH svAtmatvena vipashchitA .. 211..
          shiShya uvAcha .
mithyAtvena niShid.hdheShu kosheShveteShu pa~nchasu .
sarvAbhAvaM vinA ki~nchinna pashyAmyatra he guro .
vij~neyaM kimu vastvasti svAtmanA.a.atmavipashchitA .. 212.. svAtmanAtra vipashchitA
          shrIgururuvAcha .
satyamuktaM tvayA vidvannipuNo.asi vichAraNe .
ahamAdivikArAste tadabhAvo.ayamapyanu .. 213.. .ayamapyatha
sarve yenAnubhUyante yaH svayaM nAnubhUyate .
tamAtmAnaM veditAraM vid.hdhi bud.hdhyA susUkShmayA .. 214..
tatsAkShikaM bhavettattadyadyadyenAnubhUyate .
kasyApyananubhUtArthe sAkShitvaM nopayujyate .. 215.. nopapadyate
asau svasAkShiko bhAvo yataH svenAnubhUyate .
ataH paraM svayaM sAkShAtpratyagAtmA na chetaraH .. 216..
jAgratsvapnasuShuptiShu sphuTataraM yo.asau samujjR^imbhate
pratyagrUpatayA sadAhamahamityantaH sphurannaikadhA . sphurannekadhA
nAnAkAravikArabhAgina imAn pashyannahandhImukhAn.h ## var ## bhAjina
nityAnandachidAtmanA sphurati taM vid.hdhi svametaM hR^idi .. 217..
ghaTodake bimbitamarkabimba\-
    mAlokya mUDho ravimeva manyate .
tathA chidAbhAsamupAdhisa.nsthaM
    bhrAntyAhamityeva jaDo.abhimanyate .. 218..
ghaTaM jalaM tad.hgatamarkabimbaM
    vihAya sarvaM vinirIkShyate.arkaH . divi vIkShyate.arkaH
taTastha etattritayAvabhAsakaH ## var ## taTasthitaH tattri
    svayamprakAsho viduShA yathA tathA .. 219..
dehaM dhiyaM chitpratibimbamevaM ## var ## chitpratibimbametaM
    visR^ijya bud.hdhau nihitaM guhAyAm .
draShTAramAtmAnamakhaNDabodhaM
    sarvaprakAshaM sadasadvilakShaNam .. 220..
nityaM vibhuM sarvagataM susUkShmaM
    antarbahiHshUnyamananyamAtmanaH .
vij~nAya samya~N.hnijarUpametat.h
    pumAn vipApmA virajo vimR^ityuH .. 221..
vishoka Anandaghano vipashchit.h
    svayaM kutashchinna bibheti kashchit .
nAnyo.asti panthA bhavabandhamukteH
    vinA svatattvAvagamaM mumukShoH .. 222..
brahmAbhinnatvavij~nAnaM bhavamokShasya kAraNam .
yenAdvitIyamAnandaM brahma sampadyate budhaiH .. 223.. sampadyate budhaH
brahmabhUtastu sa.nsR^ityai vidvAnnAvartate punaH .
vij~nAtavyamataH samyagbrahmAbhinnatvamAtmanaH .. 224..
satyaM j~nAnamanantaM brahma vishud.hdhaM paraM svataHsid.hdham .
nityAnandaikarasaM pratyagabhinnaM nirantaraM jayati .. 225..
sadidaM paramAdvaitaM svasmAdanyasya vastuno.abhAvAt .
na hyanyadasti ki~nchit samyak paramArthatattvabodhadashAyAm .. 226.. paratattvabodhasudashAyAm
yadidaM sakalaM vishvaM nAnArUpaM pratItamaj~nAnAt .
tatsarvaM brahmaiva pratyastAsheShabhAvanAdoSham .. 227..
mR^itkAryabhUto.api mR^ido na bhinnaH
    kumbho.asti sarvatra tu mR^itsvarUpAt .
na kumbharUpaM pR^ithagasti kumbhaH
    kuto mR^iShA kalpitanAmamAtraH .. 228..
kenApi mR^id.hbhinnatayA svarUpaM
    ghaTasya sandarshayituM na shakyate .
ato ghaTaH kalpita eva mohA\-
    nmR^ideva satyaM paramArthabhUtam .. 229..
sad.hbrahmakAryaM sakalaM sadevaM ## var ## sadaiva
    tanmAtrametanna tato.anyadasti . sanmAtrametanna
astIti yo vakti na tasya moho
    vinirgato nidritavatprajalpaH .. 230..
brahmaivedaM vishvamityeva vANI
    shrautI brUte.atharvaniShThA variShThA .
tasmAdetad.hbrahmamAtraM hi vishvaM
    nAdhiShThAnAd.hbhinnatA.a.aropitasya .. 231..
satyaM yadi syAjjagadetadAtmano.a
    nantattvahAnirnigamApramANatA .
asatyavAditvamapIshituH syA\-
    nnaitattrayaM sAdhu hitaM mahAtmanAm .. 232..
Ishvaro vastutattvaj~no na chAhaM teShvavasthitaH .
na cha matsthAni bhUtAnItyevameva vyachIklR^ipat .. 233.. vyachIkathat
yadi satyaM bhavedvishvaM suShuptAvupalabhyatAm .
yannopalabhyate ki~nchidato.asatsvapnavanmR^iShA .. 234..
ataH pR^itha~N.hnAsti jagatparAtmanaH
    pR^ithak.hpratItistu mR^iShA guNAdivat . guNAhivat
AropitasyAsti kimarthavattA.a\-
    dhiShThAnamAbhAti tathA bhrameNa .. 235..
bhrAntasya yadyad.hbhramataH pratItaM
    brahmaiva tattadrajataM hi shuktiH .
idantayA brahma sadaiva rUpyate ## var ## sadeva
    tvAropitaM brahmaNi nAmamAtram .. 236..
ataH paraM brahma sadadvitIyaM
    vishud.hdhavij~nAnaghanaM nira~njanam .
prashAntamAdyantavihInamakriyaM
    nirantarAnandarasasvarUpam .. 237..
nirastamAyAkR^itasarvabhedaM
    nityaM sukhaM niShkalamaprameyam . nityaM dhruvaM
arUpamavyaktamanAkhyamavyayaM
    jyotiH svayaM ki~nchididaM chakAsti .. 238..
j~nAtR^ij~neyaj~nAnashUnyamanantaM nirvikalpakam .
kevalAkhaNDachinmAtraM paraM tattvaM vidurbudhAH .. 239..
aheyamanupAdeyaM manovAchAmagocharam .
aprameyamanAdyantaM brahma pUrNamahaM mahaH .. 240.. pUrNaM mahanmahaH
tattvampadAbhyAmabhidhIyamAnayoH
    brahmAtmanoH shodhitayoryadIttham . shodhitayoryadittham
shrutyA tayostattvamasIti samyag.h
    ekatvameva pratipAdyate muhuH .. 241##-##
ekyaM tayorlakShitayorna vAchyayoH
    nigadyate.anyonyavirud.hdhadharmiNoH .
khadyotabhAnvoriva rAjabhR^ityayoH
    kUpAmburAshyoH paramANumervoH .. 242..
tayorvirodho.ayamupAdhikalpito
    na vAstavaH kashchidupAdhireShaH .
Ishasya mAyA mahadAdikAraNaM
    jIvasya kAryaM shR^iNu pa~nchakosham .. 243.. pa~nchakoshAH
etAvupAdhI parajIvayostayoH
    samya~N.hnirAse na paro na jIvaH .
rAjyaM narendrasya bhaTasya kheTak\-
    stayorapohe na bhaTo na rAjA .. 244..
athAta Adesha iti shrutiH svayaM
    niShedhati brahmaNi kalpitaM dvayam .
shrutipramANAnugR^ihItabodhA\- ## var ## pramANAnugR^ihItayuktyA
    ttayornirAsaH karaNIya eva .. 245..
nedaM nedaM kalpitatvAnna satyaM
    rajjudR^iShTavyAlavatsvapnavachcha . rajjau
itthaM dR^ishyaM sAdhuyuktyA vyapohya
    j~neyaH pashchAdekabhAvastayoryaH .. 246..
tatastu tau lakShaNayA sulakShyau
    tayorakhaNDaikarasatvasid.hdhaye .
nAlaM jahatyA na tathA.ajahatyA
    kintUbhayArthAtmikayaiva bhAvyam .. 247.. bhayArthaikatayaiva
sa devadatto.ayamitIha chaikatA
    virud.hdhadharmA.nshamapAsya kathyate .
yathA tathA tattvamasItivAkye
    virud.hdhadharmAnubhayatra hitvA .. 248..
saMlakShya chinmAtratayA sadAtmanoH
    akhaNDabhAvaH parichIyate budhaiH .
evaM mahAvAkyashatena kathyate
    brahmAtmanoraikyamakhaNDabhAvaH .. 249..
asthUlamityetadasannirasya
    sid.hdhaM svato vyomavadapratarkyam .
ato mR^iShAmAtramidaM pratItaM
    jahIhi yatsvAtmatayA gR^ihItam .
brahmAhamityeva vishud.hdhabud.hdhyA
    vid.hdhi svamAtmAnamakhaNDabodham .. 250..
mR^itkAryaM sakalaM ghaTAdi satataM mR^inmAtramevAhitaM ## var ## mR^inmAtramevAbhitaH
tadvatsajjanitaM sadAtmakamidaM sanmAtramevAkhilam .
yasmAnnAsti sataH paraM kimapi tatsatyaM sa AtmA svayaM
tasmAttattvamasi prashAntamamalaM brahmAdvayaM yatparam .. 251..
nidrAkalpitadeshakAlaviShayaj~nAtrAdi sarvaM yathA
mithyA tadvadihApi jAgrati jagatsvAj~nAnakAryatvataH .
yasmAdevamidaM sharIrakaraNaprANAhamAdyapyasat.h
tasmAttattvamasi prashAntamamalaM brahmAdvayaM yatparam .. 252..
yatra bhrAntyA kalpitaM tadviveke ## var ## yadviveke
    tattanmAtraM naiva tasmAdvibhinnam .
svapne naShTaM svapnavishvaM vichitraM
    svasmAdbhinnaM kinnu dR^iShTaM prabodhe .. 253..
jAtinItikulagotradUragaM
    nAmarUpaguNadoShavarjitam .
deshakAlaviShayAtivarti yad.h
    brahma tattvamasi bhAvayAtmani .. 254..
yatparaM sakalavAgagocharaM
    gocharaM vimalabodhachakShuShaH .
shud.hdhachid.hghanamanAdi vastu yad.h
    brahma tattvamasi bhAvayAtmani .. 255..
ShaD.hbhirUrmibhirayogi yogihR^id.h\-
    bhAvitaM na karaNairvibhAvitam .
bud.hdhyavedyamanavadyamasti yad.h ## var ## bhUti yad
    brahma tattvamasi bhAvayAtmani .. 256..
bhrAntikalpitajagatkalAshrayaM
    svAshrayaM cha sadasadvilakShaNam .
niShkalaM nirupamAnavad.hdhi yad.h ## var ## nirupamAnamR^id.hdhimat
    brahma tattvamasi bhAvayAtmani .. 257..
janmavR^id.hdhipariNatyapakShaya\-
    vyAdhinAshanavihInamavyayam .
vishvasR^iShTyavavighAtakAraNaM ## var ## vanaghAtakAraNaM
    brahma tattvamasi bhAvayAtmani .. 258..
astabhedamanapAstalakShaNaM
    nistara~NgajalarAshinishchalam .
nityamuktamavibhaktamUrti yad.h
    brahma tattvamasi bhAvayAtmani .. 259..
ekameva sadanekakAraNaM
    kAraNAntaranirAsyakAraNam . sakAraNam
kAryakAraNavilakShaNaM svayaM
    brahma tattvamasi bhAvayAtmani .. 260..
nirvikalpakamanalpamakSharaM
    yatkSharAkSharavilakShaNaM param .
nityamavyayasukhaM nira~njanaM
    brahma tattvamasi bhAvayAtmani .. 261..
yadvibhAti sadanekadhA bhramA\-
    nnAmarUpaguNavikriyAtmanA .
hemavatsvayamavikriyaM sadA
    brahma tattvamasi bhAvayAtmani .. 262..
yachchakAstyanaparaM parAtparaM
    pratyagekarasamAtmalakShaNam .
satyachitsukhamanantamavyayaM
    brahma tattvamasi bhAvayAtmani .. 263..
uktamarthamimamAtmani svayaM
    bhAvayetprathitayuktibhirdhiyA . bhAvaya prathita
sa.nshayAdirahitaM karAmbuvat.h
    tena tattvanigamo bhaviShyati .. 264..
sambodhamAtraM parishud.hdhatattvaM ## var ## svaM bodhamAtraM
    vij~nAya sa~Nghe nR^ipavachcha sainye .
tadAshrayaH svAtmani sarvadA sthito ## var ## tadAtmanaivAtmani
    vilApaya brahmaNi vishvajAtam .. 265.. dR^ishyajAtam
bud.hdhau guhAyAM sadasadvilakShaNaM
    brahmAsti satyaM paramadvitIyam .
tadAtmanA yo.atra vased.hguhAyAM
    punarna tasyA~NgaguhApraveshaH .. 266..
j~nAte vastunyapi balavatI vAsanA.anAdireShA
kartA bhoktApyahamiti dR^iDhA yA.asya sa.nsArahetuH .
pratyag.hdR^iShTyA.a.atmani nivasatA sApaneyA prayatnA\-
nmuktiM prAhustadiha munayo vAsanAtAnavaM yat .. 267..
ahaM mameti yo bhAvo dehAkShAdAvanAtmani .
adhyAso.ayaM nirastavyo viduShA svAtmaniShThayA .. 268..
j~nAtvA svaM pratyagAtmAnaM bud.hdhitad.hvR^ittisAkShiNam .
so.ahamityeva sad.hvR^ittyA.anAtmanyAtmamatiM jahi .. 269..
lokAnuvartanaM tyaktvA tyaktvA dehAnuvartanam .
shAstrAnuvartanaM tyaktvA svAdhyAsApanayaM kuru .. 270..
lokavAsanayA jantoH shAstravAsanayApi cha .
dehavAsanayA j~nAnaM yathAvannaiva jAyate .. 271
sa.nsArakArAgR^ihamokShamichCho\-
    rayomayaM pAdanibandhashR^i~Nkhalam . nibad.hdha
vadanti tajj~nAH paTu vAsanAtrayaM
    yo.asmAdvimuktaH samupaiti muktim .. 272..
jalAdisa.nsargavashAtprabhUta\- ## var ## jalAdisamparkavashAt
    durgandhadhUtA.agarudivyavAsanA .
sa~NgharShaNenaiva vibhAti samya\-
    gvidhUyamAne sati bAhyagandhe .. 273..
antaHshritAnantadurantavAsanA\-
    dhUlIviliptA paramAtmavAsanA .
praj~nAtisa~NgharShaNato vishud.hdhA
    pratIyate chandanagandhavat sphuTam .. 274.. sphuTA
anAtmavAsanAjAlaistirobhUtAtmavAsanA .
nityAtmaniShThayA teShAM nAshe bhAti svayaM sphuTam .. 275.. sphuTA
yathA yathA pratyagavasthitaM manaH
    tathA tathA mu~nchati bAhyavAsanAm . bAhyavAsanAH
niHsheShamokShe sati vAsanAnAM
    AtmAnubhUtiH pratibandhashUnyA .. 276..
svAtmanyeva sadA sthitvA mano nashyati yoginaH . sthityA
vAsanAnAM kShayashchAtaH svAdhyAsApanayaM kuru .. 277..
tamo dvAbhyAM rajaH sattvAtsattvaM shud.hdhena nashyati .
tasmAtsattvamavaShTabhya svAdhyAsApanayaM kuru .. 278..
prArabdhaM puShyati vapuriti nishchitya nishchalaH .
dhairyamAlambya yatnena svAdhyAsApanayaM kuru .. 279..
nAhaM jIvaH paraM brahmetyatad.hvyAvR^ittipUrvakam .
vAsanAvegataH prAptasvAdhyAsApanayaM kuru .. 280..
shrutyA yuktyA svAnubhUtyA j~nAtvA sArvAtmyamAtmanaH .
kvachidAbhAsataH prAptasvAdhyAsApanayaM kuru .. 281..
anAdAnavisargAbhyAmIShannAsti kriyA muneH . annAdAnavisargA
tadekaniShThayA nityaM svAdhyAsApanayaM kuru .. 282..
tattvamasyAdivAkyotthabrahmAtmaikatvabodhataH .
brahmaNyAtmatvadArDhyAya svAdhyAsApanayaM kuru .. 283..
ahambhAvasya dehe.asminniHsheShavilayAvadhi .
sAvadhAnena yuktAtmA svAdhyAsApanayaM kuru .. 284..
pratItirjIvajagatoH svapnavad.hbhAti yAvatA .
tAvannirantaraM vidvansvAdhyAsApanayaM kuru .. 285..
nidrAyA lokavArtAyAH shabdAderapi vismR^iteH .
kvachinnAvasaraM dattvA chintayAtmAnamAtmani .. 286..
mAtApitrormalod.hbhUtaM malamAMsamayaM vapuH .
tyaktvA chANDAlavad.hdUraM brahmIbhUya kR^itI bhava .. 287..
ghaTAkAshaM mahAkAsha ivAtmAnaM parAtmani .
vilApyAkhaNDabhAvena tUShNI bhava sadA mune .. 288.. tUShNIM
svaprakAshamadhiShThAnaM svayambhUya sadAtmanA .
brahmANDamapi piNDANDaM tyajyatAM malabhANDavat .. 289..
chidAtmani sadAnande dehArUDhAmahandhiyam .
niveshya li~NgamutsR^ijya kevalo bhava sarvadA .. 290..
yatraiSha jagadAbhAso darpaNAntaH puraM yathA .
tad.hbrahmAhamiti j~nAtvA kR^itakR^ityo bhaviShyasi .. 291..
yatsatyabhUtaM nijarUpamAdyaM
    chidadvayAnandamarUpamakriyam .
tadetya mithyAvapurutsR^ijeta ## var ## sR^ijaita
    shailUShavadveShamupAttamAtmanaH .. 292..
sarvAtmanA dR^ishyamidaM mR^iShaiva
    naivAhamarthaH kShaNikatvadarshanAt .
jAnAmyahaM sarvamiti pratItiH
    kuto.ahamAdeH kShaNikasya sidhyet .. 293..
ahampadArthastvahamAdisAkShI
    nityaM suShuptAvapi bhAvadarshanAt .
brUte hyajo nitya iti shrutiH svayaM
    tatpratyagAtmA sadasadvilakShaNaH .. 294..
vikAriNAM sarvavikAravettA
    nityAvikAro bhavituM samarhati . nityo.avikAro
manorathasvapnasuShuptiShu sphuTaM
    punaH punardR^iShTamasattvametayoH .. 295..
ato.abhimAnaM tyaja mA.nsapiNDe
    piNDAbhimAninyapi bud.hdhikalpite .
kAlatrayAbAdhyamakhaNDabodhaM
    j~nAtvA svamAtmAnamupaihi shAntim .. 296..
tyajAbhimAnaM kulagotranAma\-
    rUpAshrameShvArdrashavAshriteShu .
li~Ngasya dharmAnapi kartR^itAdIM\-
    styaktvA bhavAkhaNDasukhasvarUpaH .. 297..
santyanye pratibandhAH puMsaH sa.nsArahetavo dR^iShTAH .
teShAmevaM mUlaM prathamavikAro bhavatyaha~NkAraH .. 298.. teShAmeShAM
yAvatsyAtsvasya sambandho.aha~NkAreNa durAtmanA .
tAvanna leshamAtrApi muktivArtA vilakShaNA .. 299..
aha~NkAragrahAnmuktaH svarUpamupapadyate .
chandravadvimalaH pUrNaH sadAnandaH svayamprabhaH .. 300..
yo vA pure so.ahamiti pratIto ## var ## puraiSho.ahamiti
    bud.hdhyA praklR^iptastamasA.atimUDhayA . bud.hdhyA.aviviktastamasA
tasyaiva niHsheShatayA vinAshe
    brahmAtmabhAvaH pratibandhashUnyaH .. 301..
brahmAnandanidhirmahAbalavatA.aha~NkAraghorAhinA
saMveShTyAtmani rakShyate guNamayaishchaNDestribhirmastakaiH ## var ## chaNDai
vij~nAnAkhyamahAsinA shrutimatA vichChidya shIrShatrayaM ## var ## dyutimatA
nirmUlyAhimimaM nidhiM sukhakaraM dhIro.anubhoktu~NkShamaH .. 302..
yAvadvA yatki~nchidviShadoShasphUrtirasti cheddehe .
kathamArogyAya bhavettadvadahantApi yogino muktyai .. 303..
ahamo.atyantanivR^ittyA tatkR^itanAnAvikalpasa.nhR^ityA .
pratyaktattvavivekAdidamahamasmIti vindate tattvam .. 304.. vivekAdayam
aha~NkAre kartaryahamiti matiM mu~ncha sahasA ## var ## aha~Nkartaryasminnahamiti
vikArAtmanyAtmapratiphalajuShi svasthitimuShi .
yadadhyAsAtprAptA janimR^itijarAduHkhabahulA
pratIchashchinmUrtestava sukhatanoH sa.nsR^itiriyam .. 305..
sadaikarUpasya chidAtmano vibho\-
    rAnandamUrteranavadyakIrteH .
naivAnyathA kvApyavikAriNaste
    vinAhamadhyAsamamuShya sa.nsR^itiH .. 306..
tasmAdaha~NkAramimaM svashatruM
    bhokturgale kaNTakavatpratItam .
vichChidya vij~nAnamahAsinA sphuTaM
    bhu~N.hkShvAtmasAmrAjyasukhaM yatheShTam .. 307..
tato.ahamAdervinivartya vR^ittiM
    santyaktarAgaH paramArthalAbhAt .
tUShNIM samAssvAtmasukhAnubhUtyA
    pUrNAtmanA brahmaNi nirvikalpaH .. 308..
samUlakR^itto.api mahAnahaM punaH
    vyullekhitaH syAdyadi chetasA kShaNam .
sa~njIvya vikShepashataM karoti
    nabhasvatA prAvR^iShi vArido yathA .. 309..
nigR^ihya shatrorahamo.avakAshaH
    kvachinna deyo viShayAnuchintayA .
sa eva sa~njIvanaheturasya
    prakShINajambIratarorivAmbu .. 310..
dehAtmanA sa.nsthita eva kAmI
    vilakShaNaH kAmayitA kathaM syAt .
ato.arthasandhAnaparatvameva
    bhedaprasaktyA bhavabandhahetuH .. 311..
kAryapravardhanAd.hbIjapravR^id.hdhiH paridR^ishyate .
kAryanAshAd.hbIjanAshastasmAtkAryaM nirodhayet .. 312..
vAsanAvR^id.hdhitaH kAryaM kAryavR^id.hdhyA cha vAsanA .
vardhate sarvathA puMsaH sa.nsAro na nivartate .. 313..
sa.nsArabandhavichChittyai tad dvayaM pradahedyatiH .
vAsanAvR^id.hdhiretAbhyAM chintayA kriyayA bahiH .. 314.. vAsanA preryate hyantaH
tAbhyAM pravardhamAnA sA sUte sa.nsR^itimAtmanaH .
trayANAM cha kShayopAyaH sarvAvasthAsu sarvadA .. 315..
sarvatra sarvataH sarvabrahmamAtrAvalokanaiH . mAtrAvalokanam
sad.hbhAvavAsanAdArDhyAttat.htrayaM layamashnute .. 316..
kriyAnAshe bhavechchintAnAsho.asmAdvAsanAkShayaH .
vAsanAprakShayo mokShaH sA jIvanmuktiriShyate .. 317.. sa
sadvAsanAsphUrtivijR^imbhaNe sati
    hyasau vilInApyahamAdivAsanA . vilInA tvahamAdivAsanA
atiprakR^iShTApyaruNaprabhAyAM
    vilIyate sAdhu yathA tamisrA .. 318..
tamastamaHkAryamanarthajAlaM
    na dR^ishyate satyudite dineshe .
tathA.advayAnandarasAnubhUtau
    naivAsti bandho na cha duHkhagandhaH .. 319..
dR^ishyaM pratItaM pravilApayansan.h ## var ## pravilApayansvayaM
    sanmAtramAnandaghanaM vibhAvayan .
samAhitaH sanbahirantaraM vA
    kAlaM nayethAH sati karmabandhe .. 320..
pramAdo brahmaniShThAyAM na kartavyaH kadAchana .
pramAdo mR^ityurityAha bhagavAnbrahmaNaH sutaH .. 321..
na pramAdAdanartho.anyo j~nAninaH svasvarUpataH .
tato mohastato.ahandhIstato bandhastato vyathA .. 322..
viShayAbhimukhaM dR^iShTvA vidvA.nsamapi vismR^itiH .
vikShepayati dhIdoShairyoShA jAramiva priyam .. 323..
yathApakR^iShTaM shaivAlaM kShaNamAtraM na tiShThati .
AvR^iNoti tathA mAyA prAj~naM vApi parA~N.hmukham .. 324..
lakShyachyutaM chedyadi chittamIShad.h
    bahirmukhaM sannipatettatastataH .
pramAdataH prachyutakelikandukaH
    sopAnapa~N.hktau patito yathA tathA .. 325..
viShayeShvAvishachchetaH sa~Nkalpayati tad.hguNAn .
samyaksa~NkalpanAtkAmaH kAmAtpuMsaH pravartanam .. 326..
ataH pramAdAnna paro.asti mR^ityuH
    vivekino brahmavidaH samAdhau .
samAhitaH sid.hdhimupaiti samyak.h
    samAhitAtmA bhava sAvadhAnaH .. 327..
tataH svarUpavibhra.nsho vibhraShTastu patatyadhaH .
patitasya vinA nAshaM punarnAroha IkShyate .. 328..
sa~NkalpaM varjayettasmAtsarvAnarthasya kAraNam .
apathyAni hi vastUni vyAdhigrasto yathotsR^ije . ## extra verse number variation##
jIvato yasya kaivalyaM videhe sa cha kevalaH .
yatki~nchit pashyato bhedaM bhayaM brUte yajuHshrutiH .. 329..
yadA kadA vApi vipashchideSha
    brahmaNyanante.apyaNumAtrabhedam .
pashyatyathAmuShya bhayaM tadaiva
    yadvIkShitaM bhinnatayA pramAdAt .. 330.. yadIkShitaM
shrutismR^itinyAyashatairniShid.hdhe
    dR^ishye.atra yaH svAtmamatiM karoti .
upaiti duHkhopari duHkhajAtaM
    niShid.hdhakartA sa malimlucho yathA .. 331..
satyAbhisandhAnarato vimukto
    mahattvamAtmIyamupaiti nityam .
mithyAbhisandhAnaratastu nashyed.h
    dR^iShTaM tadetadyadachaurachaurayoH .. 332.. chorachorayoH
yatirasadanusandhiM bandhahetuM vihAya
    svayamayamahamasmItyAtmadR^iShTyaiva tiShThet.h
sukhayati nanu niShThA brahmaNi svAnubhUtyA
    harati paramavidyAkAryaduHkhaM pratItam .. 333..
bAhyAnusandhiH parivardhayetphalaM ## var ## bAhyAbhisandhiH
    durvAsanAmeva tatastato.adhikAm .
j~nAtvA vivekaiH parihR^itya bAhyaM
    svAtmAnusandhiM vidadhIta nityam .. 334..
bAhye nirud.hdhe manasaH prasannatA
    manaHprasAde paramAtmadarshanam .
tasminsudR^iShTe bhavabandhanAsho
    bahirnirodhaH padavI vimukteH .. 335..
kaH paNDitaH sansadasadvivekI
    shrutipramANaH paramArthadarshI .
jAnanhi kuryAdasato.avalambaM
    svapAtahetoH shishuvanmumukShuH .. 336..
dehAdisa.nsaktimato na muktiH
    muktasya dehAdyabhimatyabhAvaH .
suptasya no jAgaraNaM na jAgrataH
    svapnastayorbhinnaguNAshrayatvAt .. 337..
antarbahiH svaM sthiraja~NgameShu
    j~nAtvA.a.atmanAdhAratayA vilokya . j~nAnAtman
tyaktAkhilopAdhirakhaNDarUpaH
    pUrNAtmanA yaH sthita eSha muktaH .. 338..
sarvAtmanA bandhavimuktihetuH
    sarvAtmabhAvAnna paro.asti kashchit .
dR^ishyAgrahe satyupapadyate.asau
    sarvAtmabhAvo.asya sadAtmaniShThayA .. 339..
dR^ishyasyAgrahaNaM kathaM nu ghaTate dehAtmanA tiShThato
bAhyArthAnubhavaprasaktamanasastattatkriyAM kurvataH .
sannyastAkhiladharmakarmaviShayairnityAtmaniShThAparaiH
tattvaj~naiH karaNIyamAtmani sadAnandechChubhiryatnataH .. 340..
sarvAtmasid.hdhaye bhikShoH kR^itashravaNakarmaNaH . sArvAtmya
samAdhiM vidadhAtyeShA shAnto dAnta iti shrutiH .. 341..
ArUDhashakterahamo vinAshaH
    kartunna shakya sahasApi paNDitaiH . kartuM na
ye nirvikalpAkhyasamAdhinishchalAH
    tAnantarA.anantabhavA hi vAsanAH .. 342..
ahambud.hdhyaiva mohinyA yojayitvA.a.avR^iterbalAt .
vikShepashaktiH puruShaM vikShepayati tad.hguNaiH .. 343..
vikShepashaktivijayo viShamo vidhAtuM
    niHsheShamAvaraNashaktinivR^ittyabhAve .
dR^igdR^ishyayoH sphuTapayojalavadvibhAge
    nashyettadAvaraNamAtmani cha svabhAvAt .
niHsa.nshayena bhavati pratibandhashUnyo
    vikShepaNaM na hi tadA yadi chenmR^iShArthe .. 344.. nikShepaNaM
samyagvivekaH sphuTabodhajanyo
    vibhajya dR^igdR^ishyapadArthatattvam .
Chinatti mAyAkR^itamohabandhaM
    yasmAdvimuktastu punarna sa.nsR^itiH .. 345.. vimuktasya
parAvaraikatvavivekavahniH
    dahatyavidyAgahanaM hyasheSham .
kiM syAtpunaH sa.nsaraNasya bIjaM
    advaitabhAvaM samupeyuSho.asya .. 346..
AvaraNasya nivR^ittirbhavati hi samyak.hpadArthadarshanataH .
mithyAj~nAnavinAshastadvikShepajanitaduHkhanivR^ittiH .. 347..
etattritayaM dR^iShTaM samyagrajjusvarUpavij~nAnAt .
tasmAdvastusatattvaM j~nAtavyaM bandhamuktaye viduShA .. 348..
ayo.agniyogAdiva satsamanvayAn.h
    mAtrAdirUpeNa vijR^imbhate dhIH .
tatkAryametad.hdvitayaM yato mR^iShA ## var ## tatkAryameva tritayaM
    dR^iShTaM bhramasvapnamanoratheShu .. 349..
tato vikArAH prakR^iterahammukhA
    dehAvasAnA viShayAshcha sarve .
kShaNe.anyathAbhAvitayA hyamIShA\- ## var ## bhAvina eSha AtmA
    masattvamAtmA tu kadApi nAnyathA .. 350.. masattvamAtmA tu kadApi
nityAdvayAkhaNDachidekarUpo
    bud.hdhyAdisAkShI sadasadvilakShaNaH .
ahampadapratyayalakShitArthaH
    pratyak sadAnandaghanaH parAtmA .. 351..
itthaM vipashchitsadasadvibhajya
    nishchitya tattvaM nijabodhadR^iShTyA .
j~nAtvA svamAtmAnamakhaNDabodhaM
    tebhyo vimuktaH svayameva shAmyati .. 352..
aj~nAnahR^idayagrantherniHsheShavilayastadA .
samAdhinA.avikalpena yadA.advaitAtmadarshanam .. 353..
tvamahamidamitIyaM kalpanA bud.hdhidoShAt.h
    prabhavati paramAtmanyadvaye nirvisheShe .
pravilasati samAdhAvasya sarvo vikalpo
    vilayanamupagachChedvastutattvAvadhR^ityA .. 354..
shAnto dAntaH paramuparataH kShAntiyuktaH samAdhiM
kurvannityaM kalayati yatiH svasya sarvAtmabhAvam .
tenAvidyAtimirajanitAnsAdhu dagdhvA vikalpAn.h
brahmAkR^ityA nivasati sukhaM niShkriyo nirvikalpaH .. 355..
samAhitA ye pravilApya bAhyaM
    shrotrAdi chetaH svamahaM chidAtmani .
ta eva muktA bhavapAshabandhaiH
    nAnye tu pArokShyakathAbhidhAyinaH .. 356..
upAdhibhedAtsvayameva bhidyate ## var ## yogAtsvayameva
    chopAdhyapohe svayameva kevalaH .
tasmAdupAdhervilayAya vidvAn.h
    vasetsadA.akalpasamAdhiniShThayA .. 357..
sati sakto naro yAti sadbhAvaM hyekaniShThayA .
kITako bhramaraM dhyAyan bhramaratvAya kalpate .. 358..
kriyAntarAsaktimapAsya kITako
    dhyAyannalitvaM hyalibhAvamR^ichChati . dhyAyanyathAliM
tathaiva yogI paramAtmatattvaM
    dhyAtvA samAyAti tadekaniShThayA .. 359..
atIva sUkShmaM paramAtmatattvaM
    na sthUladR^iShTyA pratipattumarhati .
samAdhinAtyantasusUkShmavR^ittyA
    j~nAtavyamAryairatishud.hdhabud.hdhibhiH .. 360..
yathA suvarNaM puTapAkashodhitaM
    tyaktvA malaM svAtmaguNaM samR^ichChati .
tathA manaH sattvarajastamomalaM
    dhyAnena santyajya sameti tattvam .. 361..
nirantarAbhyAsavashAttaditthaM
    pakvaM mano brahmaNi lIyate yadA .
tadA samAdhiH savikalpavarjitaH ## var ## sa vikalpavarjitaH
    svato.advayAnandarasAnubhAvakaH .. 362..
samAdhinA.anena samastavAsanA\-
    granthervinAsho.akhilakarmanAshaH .
antarbahiH sarvata eva sarvadA
    svarUpavisphUrtirayatnataH syAt .. 363..
shruteH  shataguNaM vidyAnmananaM mananAdapi .
nididhyAsaM lakShaguNamanantaM nirvikalpakam .. 364..
nirvikalpakasamAdhinA sphuTaM
    brahmatattvamavagamyate dhruvam .
nAnyathA chalatayA manogateH
    pratyayAntaravimishritaM bhavet .. 365..
ataH samAdhatsva yatendriyaH san.h
    nirantaraM shAntamanAH pratIchi .
vidhvaMsaya dhvAntamanAdyavidyayA
    kR^itaM sadekatvavilokanena .. 366..
yogasya prathamadvAraM vA~N.hnirodho.aparigrahaH . prathamaM dvAraM
nirAshA cha nirIhA cha nityamekAntashIlatA .. 367..
ekAntasthitirindriyoparamaNe heturdamashchetasaH
saMrodhe karaNaM shamena vilayaM yAyAdahaMvAsanA .
tenAnandarasAnubhUtirachalA brAhmI sadA yoginaH
tasmAchchittanirodha eva satataM kAryaH prayatno muneH .. 368.. prayatnAnmuneH
vAchaM niyachChAtmani taM niyachCha
    bud.hdhau dhiyaM yachCha cha bud.hdhisAkShiNi .
taM chApi pUrNAtmani nirvikalpe
    vilApya shAntiM paramAM bhajasva .. 369..
dehaprANendriyamanobud.hdhyAdibhirupAdhibhiH .
yairyairvR^itteHsamAyogastattadbhAvo.asya yoginaH .. 370..
tannivR^ittyA muneH samyak sarvoparamaNaM sukham .
sandR^ishyate sadAnandarasAnubhavaviplavaH .. 371..
antastyAgo bahistyAgo viraktasyaiva yujyate .
tyajatyantarbahiHsa~NgaM viraktastu mumukShayA .. 372..
bahistu viShayaiH sa~NgaM tathAntarahamAdibhiH . sa~NgaH
virakta eva shaknoti tyaktuM brahmaNi niShThitaH .. 373..
vairAgyabodhau puruShasya pakShivat.h
    pakShau vijAnIhi vichakShaNa tvam .
vimuktisaudhAgralatAdhirohaNaM
    tAbhyAM vinA nAnyatareNa sidhyati .. 374..
atyantavairAgyavataH samAdhiH
    samAhitasyaiva dR^iDhaprabodhaH .
prabud.hdhatattvasya hi bandhamuktiH
    muktAtmano nityasukhAnubhUtiH .. 375..
vairAgyAnna paraM sukhasya janakaM pashyAmi vashyAtmanaH
tachchechChud.hdhatarAtmabodhasahitaM svArAjyasAmrAjyadhuk .
etad.hdvAramajasramuktiyuvateryasmAttvamasmAtparaM
sarvatrAspR^ihayA sadAtmani sadA praj~nAM kuru shreyase .. 376..
AshAM Chind.hdhi viShopameShu viShayeShveShaiva mR^ityoH kR^iti\- ## var ## mR^ityoH sR^iti
styaktvA jAtikulAshrameShvabhimatiM mu~nchAtidUrAtkriyAH .
dehAdAvasati tyajAtmadhiShaNAM praj~nAM kuruShvAtmani
tvaM draShTAsyamano.asi nirdvayaparaM brahmAsi yadvastutaH .. 377.. draShTAsyamalo
lakShye brahmaNi mAnasaM dR^iDhataraM sa.nsthApya bAhyendriyaM
svasthAne viniveshya nishchalatanushchopekShya dehasthitim .
brahmAtmaikyamupetya tanmayatayA chAkhaNDavR^ittyA.anishaM
brahmAnandarasaM pibAtmani mudA shUnyaiH kimanyairbhR^isham .. 378.. kimanyairbhramaiH
anAtmachintanaM tyaktvA kashmalaM duHkhakAraNam .
chintayAtmAnamAnandarUpaM yanmuktikAraNam .. 379..
eSha svaya~njyotirasheShasAkShI
    vij~nAnakosho vilasatyajasram . vij~nAnakoshe
lakShyaM vidhAyainamasadvilakShaNa\-
    makhaNDavR^ittyA.a.atmatayA.anubhAvaya .. 380..
etamachChinnayA vR^ittyA pratyayAntarashUnyayA .
ullekhayanvijAnIyAtsvasvarUpatayA sphuTam .. 381..
atrAtmatvaM dR^iDhIkurvannahamAdiShu santyajan .
udAsInatayA teShu tiShThetsphuTaghaTAdivat .. 382.. tiShThedghaTapaTAdivat
vishud.hdhamantaHkaraNaM svarUpe
    niveshya sAkShiNyavabodhamAtre .
shanaiH shanairnishchalatAmupAnayan.h
    pUrNaM svamevAnuvilokayettataH .. 383.. pUrNatvamevAnu
dehendriyaprANamano.ahamAdibhiH
    svAj~nAnaklR^iptairakhilairupAdhibhiH .
vimuktamAtmAnamakhaNDarUpaM
    pUrNaM mahAkAshamivAvalokayet .. 384..
ghaTakalashakusUlasUchimukhyaiH
    gaganamupAdhishatairvimuktamekam .
bhavati na vividhaM tathaiva shud.hdhaM
    paramahamAdivimuktamekameva .. 385..
brahmAdistambaparyantA mR^iShAmAtrA upAdhayaH . brahmAdyAH stamba
tataH pUrNaM svamAtmAnaM pashyedekAtmanA sthitam .. 386..
yatra bhrAntyA kalpitaM tadviveke ## var ## yadviveke
    tattanmAtraM naiva tasmAdvibhinnam .
bhrAnternAshe bhAti dR^iShTAhitattvaM ## var ## bhrAntidR^iShTA
    rajjustadvadvishvamAtmasvarUpam .. 387..
svayaM brahmA svayaM viShNuH svayamindraH svayaM shivaH .
svayaM vishvamidaM sarvaM svasmAdanyanna ki~nchana .. 388..
antaH svayaM chApi bahiH svayaM cha
    svayaM purastAt svayameva pashchAt .
svayaM hyAvAchyAM svayamapyudIchyAM ## var ## hyavAchyAM
    tathopariShTAtsvayamapyadhastAt .. 389..
tara~Ngaphenabhramabud.hbudAdi
    sarvaM svarUpeNa jalaM yathA tathA .
chideva dehAdyahamantametat.h
    sarvaM chidevaikarasaM vishud.hdham .. 390..
sadevedaM sarvaM jagadavagataM vA~N.hmanasayoH
sato.anyannAstyeva prakR^itiparasImni sthitavataH .
pR^ithak kiM mR^itsnAyAH kalashaghaTakumbhAdyavagataM
vadatyeSha bhrAntastvamahamiti mAyAmadirayA .. 391..
kriyAsamabhihAreNa yatra nAnyaditi shrutiH .
bravIti dvaitarAhityaM mithyAdhyAsanivR^ittaye .. 392..
AkAshavannirmalanirvikalpaM ## var ## nirvikalpa
    niHsImaniHspandananirvikAram .
antarbahiHshUnyamananyamadvayaM
    svayaM paraM brahma kimasti bodhyam .. 393..
vaktavyaM kimu vidyate.atra bahudhA brahmaiva jIvaH svayaM
brahmaitajjagadAtataM nu sakalaM brahmAdvitIyaM shrutiH . jagadAparANu sakalaM
brahmaivAhamiti prabud.hdhamatayaH santyaktabAhyAH sphuTaM
brahmIbhUya vasanti santatachidAnandAtmanaitad.hdhruvam .. 394.. AnandAtmanaiva dhruvam
jahi malamayakoshe.ahandhiyotthApitAshAM
    prasabhamanilakalpe li~Ngadehe.api pashchAt .
nigamagaditakIrtiM nityamAnandamUrtiM
    svayamiti parichIya brahmarUpeNa tiShTha .. 395..
shavAkAraM yAvadbhajati manujastAvadashuchiH
parebhyaH syAtklesho jananamaraNavyAdhinilayaH . vyAdhinirayAH
yadAtmAnaM shud.hdhaM kalayati shivAkAramachalam.h
tadA tebhyo mukto bhavati hi tadAha shrutirapi .. 396..
svAtmanyAropitAsheShAbhAsavastunirAsataH .
svayameva paraM brahma pUrNamadvayamakriyam .. 397..
samAhitAyAM sati chittavR^ittau
    parAtmani brahmaNi nirvikalpe .
na dR^ishyate kashchidayaM vikalpaH
    prajalpamAtraH parishiShyate yataH .. 398.. tataH
asatkalpo vikalpo.ayaM vishvamityekavastuni .
nirvikAre nirAkAre nirvisheShe bhidA kutaH .. 399..
draShTudarshanadR^ishyAdibhAvashUnyaikavastuni . draShTR^idarshana
nirvikAre nirAkAre nirvisheShe bhidA kutaH .. 400..
kalpArNava ivAtyantaparipUrNaikavastuni .
nirvikAre nirAkAre nirvisheShe bhidA kutaH .. 401..
tejasIva tamo yatra pralInaM bhrAntikAraNam . yatra vilInaM
advitIye pare tattve nirvisheShe bhidA kutaH .. 402..
ekAtmake pare tattve bhedavArtA kathaM vaset . kathaM bhavet
suShuptau sukhamAtrAyAM bhedaH kenAvalokitaH .. 403..
na hyasti vishvaM paratattvabodhAt.h
    sadAtmani brahmaNi nirvikalpe .
kAlatraye nApyahirIkShito guNe
    na hyambubindurmR^igatR^iShNikAyAm .. 404..
mAyAmAtramidaM dvaitamadvaitaM paramArthataH .
iti brUte shrutiH sAkShAtsuShuptAvanubhUyate .. 405..
ananyatvamadhiShThAnAdAropyasya nirIkShitam .
paNDitai rajjusarpAdau vikalpo bhrAntijIvanaH .. 406..
chittamUlo vikalpo.ayaM chittAbhAve na kashchana .
atashchittaM samAdhehi pratyagrUpe parAtmani .. 407..
kimapi satatabodhaM kevalAnandarUpaM
    nirupamamativelaM nityamuktaM nirIham .
niravadhigaganAbhaM niShkalaM nirvikalpaM
    hR^idi kalayati vidvAn brahma pUrNaM samAdhau .. 408..
prakR^itivikR^itishUnyaM bhAvanAtItabhAvaM
    samarasamasamAnaM mAnasambandhadUram .
nigamavachanasid.hdhaM nityamasmatprasid.hdhaM
    hR^idi kalayati vidvAn brahma pUrNaM samAdhau .. 409..
ajaramamaramastAbhAvavastusvarUpaM ## var ## bhAsavastu
    stimitasalilarAshiprakhyamAkhyAvihInam .
shamitaguNavikAraM shAshvataM shAntamekaM
    hR^idi kalayati vidvAn brahma pUrNaM samAdhau .. 410..
samAhitAntaHkaraNaH svarUpe
    vilokayAtmAnamakhaNDavaibhavam .
vichChind.hdhi bandhaM bhavagandhagandhitaM ## var ## gandhagandhilaM
    yatnena puMstvaM saphalIkuruShva .. 411##-##
sarvopAdhivinirmuktaM sachchidAnandamadvayam .
bhAvayAtmAnamAtmasthaM na bhUyaH kalpase.adhvane .. 412..
ChAyeva puMsaH paridR^ishyamAna\-
    mAbhAsarUpeNa phalAnubhUtyA .
sharIramArAchChavavannirastaM
    punarna sandhatta idaM mahAtmA .. 413..
satatavimalabodhAnandarUpaM sametya ## var ## svametya
    tyaja jaDamalarUpopAdhimetaM sudUre .
atha punarapi naiSha smaryatAM vAntavastu ## var ## punarapi naiva
    smaraNaviShayabhUtaM kalpate kutsanAya .. 414..
samUlametatparidAhya vahnau ## var ## paridahya
    sadAtmani brahmaNi nirvikalpe .
tataH svayaM nityavishud.hdhabodhA\-
    nandAtmanA tiShThati vidvariShThaH .. 415..
prArabdhasUtragrathitaM sharIraM
    prayAtu vA tiShThatu goriva srak .
na tatpunaH pashyati tattvavettA\-
    .a.anandAtmani brahmaNi lInavR^ittiH .. 416..
akhaNDAnandamAtmAnaM vij~nAya svasvarUpataH .
kimichChan kasya vA hetordehaM puShNAti tattvavit .. 417..
sa.nsid.hdhasya phalaM tvetajjIvanmuktasya yoginaH .
bahirantaH sadAnandarasAsvAdanamAtmani .. 418..
vairAgyasya phalaM bodho bodhasyoparatiH phalam .
svAnandAnubhavAchChAntireShaivoparateH phalam .. 419..
yadyuttarottarAbhAvaH pUrvapUrvantu niShphalam .
nivR^ittiH paramA tR^iptirAnando.anupamaH svataH .. 420..
dR^iShTaduHkheShvanudvego vidyAyAH prastutaM phalam .
yatkR^itaM bhrAntivelAyAM nAnA karma jugupsitam .
pashchAnnaro vivekena tatkathaM kartumarhati .. 421..
vidyAphalaM syAdasato nivR^ittiH
    pravR^ittiraj~nAnaphalaM tadIkShitam .
tajj~nAj~nayoryanmR^igatR^iShNikAdau
    nochedvidAM dR^iShTaphalaM kimasmAt .. 422.. nochedvido
aj~nAnahR^idayagranthervinAsho yadyasheShataH .
anichChorviShayaH kiM nu pravR^itteH kAraNaM svataH .. 423.. viduShaH kiM
vAsanAnudayo bhogye vairAgyasya tadAvadhiH .
ahambhAvodayAbhAvo bodhasya paramAvadhiH .
lInavR^ittairanutpattirmaryAdoparatestu sA .. 424.. vR^ittera
brahmAkAratayA sadA sthitatayA nirmuktabAhyArthadhI\-
ranyAveditabhogyabhogakalano nidrAluvad.hbAlavat .
svapnAlokitalokavajjagadidaM pashyankvachillabdhadhI\-
rAste kashchidanantapuNyaphalabhugdhanyaH sa mAnyo bhuvi .. 425..
sthitapraj~no yatirayaM yaH sadAnandamashnute .
brahmaNyeva vilInAtmA nirvikAro viniShkriyaH .. 426..
brahmAtmanoH shodhitayorekabhAvAvagAhinI .
nirvikalpA cha chinmAtrA vR^ittiH praj~neti kathyate .
susthitA.asau bhavedyasya sthitapraj~naH sa uchyate .. 427..
yasya sthitA bhavetpraj~nA yasyAnando nirantaraH .
prapa~ncho vismR^itaprAyaH sa jIvanmukta iShyate .. 428..
lInadhIrapi jAgarti jAgrad.hdharmavivarjitaH .
bodho nirvAsano yasya sa jIvanmukta iShyate .. 429..
shAntasa.nsArakalanaH kalAvAnapi niShkalaH .
yasya chittaM vinishchintaM sa jIvanmukta iShyate .. 430.. yaH sachitto.api nishchittaH
vartamAne.api dehe.asmi~nChAyAvadanuvartini .
ahantAmamatA.abhAvo jIvanmuktasya lakShaNam .. 431..
atItAnanusandhAnaM bhaviShyadavichAraNam .
audAsInyamapi prAptaM jIvanmuktasya lakShaNam .. 432.. prApte
guNadoShavishiShTe.asminsvabhAvena vilakShaNe .
sarvatra samadarshitvaM jIvanmuktasya lakShaNam .. 433..
iShTAniShTArthasamprAptau samadarshitayA.a.atmani .
ubhayatrAvikAritvaM jIvanmuktasya lakShaNam .. 434..
brahmAnandarasAsvAdAsaktachittatayA yateH .
antarbahiravij~nAnaM jIvanmuktasya lakShaNam .. 435..
dehendriyAdau kartavye mamAhambhAvavarjitaH .
audAsInyena yastiShThetsa jIvanmuktalakShaNaH .. 436.. sa jIvanmukta iShyate
vij~nAta Atmano yasya brahmabhAvaH shruterbalAt .
bhavabandhavinirmuktaH sa jIvanmuktalakShaNaH .. 437.. sa jIvanmukta iShyate
dehendriyeShvahambhAva idambhAvastadanyake .
yasya no bhavataH kvApi sa jIvanmukta iShyate .. 438..
jIveshobhayasaMsArarUpadurvAsanojjhitA .
sA sarvadA bhavedyasya sa jIvanmukta iShyate ..
na pratyagbrahmaNorbhedaM kadApi brahmasargayoH .
praj~nayA yo vijAniti sa jIvanmuktalakShaNaH .. 439.. sa jIvanmukta iShyate
sAdhubhiH pUjyamAne.asminpIDyamAne.api durjanaiH .
samabhAvo bhavedyasya sa jIvanmuktalakShaNaH .. 440.. sa jIvanmukta iShyate
yatra praviShTA viShayAH pareritA
    nadIpravAhA iva vArirAshau .
linanti sanmAtratayA na vikriyAM
    utpAdayantyeSha yatirvimuktaH .. 441..
vij~nAtabrahmatattvasya yathApUrvaM na sa.nsR^itiH .
asti chenna sa vij~nAtabrahmabhAvo bahirmukhaH .. 442..
prAchInavAsanAvegAdasau sa.nsaratIti chet .
na sadekatvavij~nAnAnmandI bhavati vAsanA .. 443..
atyantakAmukasyApi vR^ittiH kuNThati mAtari .
tathaiva brahmaNi j~nAte pUrNAnande manIShiNaH .. 444..
nididhyAsanashIlasya bAhyapratyaya IkShyate .
bravIti shrutiretasya prArabdhaM phaladarshanAt .. 445..
sukhAdyanubhavo yAvattAvatprArabdhamiShyate .
phalodayaH kriyApUrvo niShkriyo na hi kutrachit .. 446..
ahaM brahmeti vij~nAnAtkalpakoTishatArjitam .
sa~nchitaM vilayaM yAti prabodhAtsvapnakarmavat .. 447..
yatkR^itaM svapnavelAyAM puNyaM vA pApamulbaNam .
suptotthitasya kintatsyAtsvargAya narakAya vA .. 448..
svamasa~NgamudAsInaM parij~nAya nabho yathA .
na shliShyati cha yatki~nchitkadAchid.hbhAvikarmabhiH .. 449.. shliShyate yatiH ki~nchit
na nabho ghaTayogena surAgandhena lipyate .
tathAtmopAdhiyogena tad.hdharmairnaiva lipyate .. 450..
j~nAnodayAtpurArabdhaM karmaj~nAnAnna nashyati .
adatvA svaphalaM lakShyamuddishyotsR^iShTabANavat .. 451..
vyAghrabud.hdhyA vinirmukto bANaH pashchAttu gomatau .
na tiShThati Chinatyeva lakShyaM vegena nirbharam .. 452..
prArabdhaM balavattaraM khalu vidAM bhogena tasya kShayaH
samyagj~nAnahutAshanena vilayaH prAksa~nchitAgAminAm .
brahmAtmaikyamavekShya tanmayatayA ye sarvadA sa.nsthitAH
teShAM tattritayaM nahi kvachidapi brahmaiva te nirguNam .. 453..
upAdhitAdAtmyavihInakevala\-
    brahmAtmanaivAtmani tiShThato muneH .
prArabdhasad.hbhAvakathA na yuktA
    svapnArthasambandhakatheva jAgrataH .. 454..
na hi prabud.hdhaH pratibhAsadehe
    dehopayoginyapi cha prapa~nche .
karotyahantAM mamatAmidantAM
    kintu svayaM tiShThati jAgareNa .. 455..
na tasya mithyArthasamarthanechChA
    na sa~Ngrahastajjagato.api dR^iShTaH .
tatrAnuvR^ittiryadi chenmR^iShArthe
    na nidrayA mukta itIShyate dhruvam .. 456..
tadvatpare brahmaNi vartamAnaH
    sadAtmanA tiShThati nAnyadIkShate .
smR^itiryathA svapnavilokitArthe
    tathA vidaH prAshanamochanAdau .. 457..
karmaNA nirmito dehaH prArabdhaM tasya kalpyatAm .
nAnAderAtmano yuktaM naivAtmA karmanirmitaH .. 458..
ajo nityaH shAshvata iti brUte shrutiramoghavAk . ajo nitya iti brUte shrutireShA tvamoghavAk
tadAtmanA tiShThato.asya kutaH prArabdhakalpanA .. 459..
prArabdhaM sidhyati tadA yadA dehAtmanA sthitiH .
dehAtmabhAvo naiveShTaH prArabdhaM tyajyatAmataH .. 460..
sharIrasyApi prArabdhakalpanA bhrAntireva hi .
adhyastasya kutaH sattvamasatyasya kuto janiH . sattvamasattvasya
ajAtasya kuto nAshaH prArabdhamasataH kutaH .. 461..
j~nAnenAj~nAnakAryasya samUlasya layo yadi .
tiShThatyayaM kathaM deha iti sha~NkAvato jaDAn .. 462..
samAdhAtuM bAhyadR^iShTyA prArabdhaM vadati shrutiH .
na tu dehAdisatyatvabodhanAya vipashchitAm .
yataH shruterabhiprAyaH paramArthaikagocharaH .. 463.. ## extra ##

paripUrNamanAdyantamaprameyamavikriyam .
ekamevAdvayaM brahma neha nAnAsti ki~nchana .. 464..
sad.hghanaM chid.hghanaM nityamAnandaghanamakriyam .
ekamevAdvayaM brahma neha nAnAsti ki~nchana .. 465..
pratyagekarasaM pUrNamanantaM sarvatomukham .
ekamevAdvayaM brahma neha nAnAsti ki~nchana .. 466..
aheyamanupAdeyamanAdeyamanAshrayam . manAdheyamanA
ekamevAdvayaM brahma neha nAnAsti ki~nchana .. 467..
nirguNaM niShkalaM sUkShmaM nirvikalpaM nira~njanam .
ekamevAdvayaM brahma neha nAnAsti ki~nchana .. 468..
anirUpya svarUpaM yanmanovAchAmagocharam .
ekamevAdvayaM brahma neha nAnAsti ki~nchana .. 469..
satsamR^id.hdhaM svataHsid.hdhaM shud.hdhaM bud.hdhamanIdR^isham .
ekamevAdvayaM brahma neha nAnAsti ki~nchana .. 470..
nirastarAgA vinirastabhogAH ## var ## nirapAstabhogAH
    shAntAH sudAntA yatayo mahAntaH .
vij~nAya tattvaM parametadante
    prAptAH parAM nirvR^itimAtmayogAt .. 471..
bhavAnapIdaM paratattvamAtmanaH
    svarUpamAnandaghanaM vichArya . nichAyya
vidhUya mohaM svamanaHprakalpitaM
    muktaH kR^itArtho bhavatu prabud.hdhaH .. 472..
samAdhinA sAdhuvinishchalAtmanA ## var ## sunishchalAtmanA
    pashyAtmatattvaM sphuTabodhachakShuShA .
niHsa.nshayaM samyagavekShitashche\-
    chChrutaH padArtho na punarvikalpyate .. 473.. punarvikalpate
svasyAvidyAbandhasambandhamokShA\-
    tsatyaj~nAnAnandarUpAtmalabdhau .
shAstraM yuktirdeshikoktiH pramANaM
    chAntaHsid.hdhA svAnubhUtiH pramANam .. 474..
bandho mokShashcha tR^iptishcha chintA.a.arogyakShudhAdayaH .
svenaiva vedyA yajj~nAnaM pareShAmAnumAnikam .. 475..
taTasthitA bodhayanti guravaH shrutayo yathA .
praj~nayaiva taredvidvAnIshvarAnugR^ihItayA .. 476..
svAnubhUtyA svayaM j~nAtvA svamAtmAnamakhaNDitam .
sa.nsid.hdhaH sammukhaM tiShThennirvikalpAtmanA.a.atmani .. 477.. susukhaM tiShThen
vedAntasid.hdhAntaniruktireShA
    brahmaiva jIvaH sakalaM jagachcha .
akhaNDarUpasthitireva mokSho
    brahmAdvitIye shrutayaH pramANam .. 478.. brahmAdvitIyaM
iti guruvachanAchChrutipramANAt.h
    paramavagamya satattvamAtmayuktyA .
prashamitakaraNaH samAhitAtmA
    kvachidachalAkR^itirAtmaniShThato.abhUt .. 479.. AtmaniShThito
ki~nchitkAlaM samAdhAya pare brahmaNi mAnasam . ka~nchitkAlaM
utthAya paramAnandAdidaM vachanamabravIt .. 480.. vyutthAya
bud.hdhirvinaShTA galitA pravR^ittiH
    brahmAtmanorekatayA.adhigatyA .
idaM na jAne.apyanidaM na jAne
    kiM vA kiyadvA sukhamastyapAram .. 481.. sukhamasya pAram
vAchA vaktumashakyameva manasA mantuM na vA shakyate
svAnandAmR^itapUrapUritaparabrahmAmbudhervaibhavam .
ambhorAshivishIrNavArShikashilAbhAvaM bhajanme mano
yasyAMshAMshalave vilInamadhunA.a.anandAtmanA nirvR^itam .. 482..
kva gataM kena vA nItaM kutra lInamidaM jagat .
adhunaiva mayA dR^iShTaM nAsti kiM mahadadbhutam .. 483..
kiM heyaM kimupAdeyaM kimanyatkiM vilakShaNam .
akhaNDAnandapIyUShapUrNe brahmamahArNave .. 484..
na ki~nchidatra pashyAmi na shR^iNomi na ved.hmyaham .
svAtmanaiva sadAnandarUpeNAsmi vilakShaNaH .. 485..
namo namaste gurave mahAtmane
    vimuktasa~NgAya saduttamAya .
nityAdvayAnandarasasvarUpiNe
    bhUmne sadA.apAradayAmbudhAmne .. 486..
yatkaTAkShashashisAndrachandrikA\-
    pAtadhUtabhavatApajashramaH .
prAptavAnahamakhaNDavaibhavA\-
    nandamAtmapadamakShayaM kShaNAt .. 487..
dhanyo.ahaM kR^itakR^ityo.ahaM vimukto.ahaM bhavagrahAt .
nityAnandasvarUpo.ahaM pUrNo.ahaM tvadanugrahAt .. 488..
asa~Ngo.ahamana~Ngo.ahamali~Ngo.ahamabha~NguraH .
prashAnto.ahamananto.ahamamalo.ahaM chirantanaH .. 489.. .ahamatAnto.ahaM
akartAhamabhoktAhamavikAro.ahamakriyaH .
shud.hdhabodhasvarUpo.ahaM kevalo.ahaM sadAshivaH .. 490..
draShTuH shroturvaktuH karturbhokturvibhinna evAham .
nityanirantaraniShkriyaniHsImAsa~NgapUrNabodhAtmA .. 491..
nAhamidaM nAhamado.apyubhayoravabhAsakaM paraM shud.hdham .
bAhyAbhyantarashUnyaM pUrNaM brahmAdvitIyamevAham .. 492..
nirupamamanAditattvaM tvamahamidamada iti kalpanAdUram .
nityAnandaikarasaM satyaM brahmAdvitIyamevAham .. 493..
nArAyaNo.ahaM narakAntako.ahaM
    purAntako.ahaM puruSho.ahamIshaH .
akhaNDabodho.ahamasheShasAkShI
    nirIshvaro.ahaM nirahaM cha nirmamaH .. 494..
sarveShu bhUteShvahameva sa.nsthito
    j~nAnAtmanA.antarbahirAshrayaH san .
bhoktA cha bhogyaM svayameva sarvaM
    yadyatpR^ithagdR^iShTamidantayA purA .. 495..
mayyakhaNDasukhAmbhodhau bahudhA vishvavIchayaH .
utpadyante vilIyante mAyAmArutavibhramAt .. 496..
sthulAdibhAvA mayi kalpitA bhramA\-
    dAropitAnusphuraNena lokaiH .
kAle yathA kalpakavatsarAya\-
    NartvAdayo niShkalanirvikalpe .. 497..
AropitaM nAshrayadUShakaM bhavet.h
    kadApi mUDhairatidoShadUShitaiH . mUDhairmati
nArdrIkarotyUSharabhUmibhAgaM
    marIchikAvAri mahApravAhaH .. 498..
AkAshavallepavidUrago.ahaM ## var ## AkAshavat kalpavi
    Adityavad.hbhAsyavilakShaNo.aham .
ahAryavannityavinishchalo.ahaM
    ambhodhivatpAravivarjito.aham .. 499..
na me dehena sambandho megheneva vihAyasaH .
ataH kuto me tad.hdharmA jAgratsvapnasuShuptayaH .. 500..
upAdhirAyAti sa eva gachChati
    sa eva karmANi karoti bhu~N.hkte .
sa eva jIryan mriyate sadAhaM ## var ## eva jIvan 
    kulAdrivannishchala eva sa.nsthitaH .. 501..
na me  pravR^ittirna cha me nivR^ittiH
    sadaikarUpasya nira.nshakasya .
ekAtmako yo niviDo nirantaro ## var ## nibiDo 
    vyomeva pUrNaH sa kathaM nu cheShTate .. 502..
puNyAni pApAni nirindriyasya
    nishchetaso nirvikR^iternirAkR^iteH .
kuto mamAkhaNDasukhAnubhUteH
    brUte hyananvAgatamityapi shrutiH .. 503..
ChAyayA spR^iShTamuShNaM vA shItaM vA suShThu duHShThu vA .
na spR^ishatyeva yatki~nchitpuruShaM tadvilakShaNam .. 504..
na sAkShiNaM sAkShyadharmAH sa.nspR^ishanti vilakShaNam .
avikAramudAsInaM gR^ihadharmAH pradIpavat .
dehendriyamanodharmA naivAtmAnaM spR^ishantyaho .. 505.. ## extra ##

raveryathA karmaNi sAkShibhAvo
    vahneryathA dAhaniyAmakatvam . vA.ayasi dAhakatvam
rajjoryathA.a.aropitavastusa~NgaH
    tathaiva kUTasthachidAtmano me .. 506..
kartApi vA kArayitApi nAhaM
    bhoktApi vA bhojayitApi nAham .
draShTApi vA darshayitApi nAhaM
    so.ahaM svaya~njyotiranIdR^igAtmA .. 507..
chalatyupAdhau pratibimbalaulya\-
    maupAdhikaM mUDhadhiyo nayanti .
svabimbabhUtaM ravivadviniShkriyaM
    kartAsmi bhoktAsmi hato.asmi heti .. 508..
jale vApi sthale vApi luThatveSha jaDAtmakaH .
nAhaM vilipye tad.hdharmairghaTadharmairnabho yathA .. 509..
kartR^itvabhoktR^itvakhalatvamattatA\-
    jaDatvabad.hdhatvavimuktatAdayaH .
bud.hdhervikalpA na tu santi vastutaH
    svasminpare brahmaNi kevale.advaye .. 510..
santu vikArAH prakR^iterdashadhA shatadhA sahasradhA vApi .
kiM me.asa~Ngachitastairna ghanaH kvachidambaraM spR^ishati .. 511.. taiH kiM me.asa~Ngachiterna hyambudaDambaro.ambaraM
avyaktAdisthUlaparyantametat.h
    vishvaM yatrAbhAsamAtraM pratItam .
vyomaprakhyaM sUkShmamAdyantahInaM
    brahmAdvaitaM yattadevAhamasmi .. 512..
sarvAdhAraM sarvavastuprakAshaM
    sarvAkAraM sarvagaM sarvashUnyam .
nityaM shud.hdhaM nishchalaM nirvikalpaM ## var ## niShkalaM 
    brahmAdvaitaM yattadevAhamasmi .. 513..
yatpratyastAsheShamAyAvisheShaM
    pratyagrUpaM pratyayAgamyamAnam .
satyaj~nAnAnantamAnandarUpaM
    brahmAdvaitaM yattadevAhamasmi .. 514..
niShkriyo.asmyavikAro.asmi
    niShkalo.asmi nirAkR^itiH .
nirvikalpo.asmi nityo.asmi
    nirAlambo.asmi nirdvayaH .. 515..
sarvAtmako.ahaM sarvo.ahaM sarvAtIto.ahamadvayaH .
kevalAkhaNDabodho.ahamAnando.ahaM nirantaraH .. 516..
svArAjyasAmrAjyavibhUtireShA
    bhavatkR^ipAshrImahimaprasAdAt .
prAptA mayA shrIgurave mahAtmane
    namo namaste.astu punarnamo.astu .. 517..
mahAsvapne mAyAkR^itajanijarAmR^ityugahane
bhramantaM klishyantaM bahulataratApairanudinam . ranukalam
aha~NkAravyAghravyathitamimamatyantakR^ipayA
prabodhya prasvApAtparamavitavAnmAmasi guro .. 518..
namastasmai sadaikasmai kasmaichinmahase namaH . sadekasmai namashchinmahase muhuH
yadetadvishvarUpeNa rAjate gururAja te .. 519..
iti natamavalokya shiShyavaryaM
    samadhigatAtmasukhaM prabud.hdhatattvam .
pramuditahR^idayaM sa deshikendraH ## var ## hR^idayaH
    punaridamAha vachaH paraM mahAtmA .. 520..
brahmapratyayasantatirjagadato brahmaiva tatsarvataH ## var ## satsarvataH
pashyAdhyAtmadR^ishA prashAntamanasA sarvAsvavasthAsvapi .
rUpAdanyadavekShitaM kimabhitashchakShuShmatAM dR^ishyate ## var ## vidyate
tadvad.hbrahmavidaH sataH kimaparaM bud.hdhervihArAspadam .. 521..
kastAM parAnandarasAnubhUti\-
    mR^itsR^ijya shUnyeShu rameta vidvAn . mutsR^ijya
chandre mahAhlAdini dIpyamAne
    chitrendumAlokayituM ka ichChet .. 522..
asatpadArthAnubhavena ki~nchin.h
    na hyasti tR^iptirna cha duHkhahAniH .
tadadvayAnandarasAnubhUtyA
    tR^iptaH sukhaM tiShTha sadAtmaniShThayA .. 523..
svameva sarvathA pashyanmanyamAnaH svamadvayam . sarvataH
svAnandamanubhu~njAnaH kAlaM naya mahAmate .. 524..
akhaNDabodhAtmani nirvikalpe
    vikalpanaM vyomni puraprakalpanam .
tadadvayAnandamayAtmanA sadA
    shAntiM parAmetya bhajasva maunam .. 525..
tUShNImavasthA paramopashAntiH
    bud.hdherasatkalpavikalpahetoH .
brahmAtmano brahmavido mahAtmano
    yatrAdvayAnandasukhaM nirantaram .. 526..
nAsti nirvAsanAnmaunAtparaM sukhakR^iduttamam .
vij~nAtAtmasvarUpasya svAnandarasapAyinaH .. 527..
gachCha.nstiShThannupavisha~nChayAno vA.anyathApi vA .
yathechChayA vasedvidvAnAtmArAmaH sadA muniH .. 528..
na deshakAlAsanadigyamAdi\-
    lakShyAdyapekShA.apratibad.hdhavR^itteH . pratibad.hdha
sa.nsid.hdhatattvasya mahAtmano.asti
    svavedane kA niyamAdyavasthA .. 529..
ghaTo.ayamiti vij~nAtuM niyamaH ko.anvavekShate . apekShyate
vinA pramANasuShThutvaM yasminsati padArthadhIH .. 530..
ayamAtmA nityasid.hdhaH pramANe sati bhAsate .
na deshaM nApi vA kAlaM na shud.hdhiM vApyapekShate .. 531..
devadatto.ahamityetadvij~nAnaM nirapekShakam .
tadvad.hbrahmavido.apyasya brahmAhamiti vedanam .. 532..
bhAnuneva jagatsarvaM bhAsate yasya tejasA .
anAtmakamasattuchChaM kiM nu tasyAvabhAsakam .. 533..
vedashAstrapurANAni bhUtAni sakalAnyapi .
yenArthavanti taM kinnu vij~nAtAraM prakAshayet .. 534..
eSha svaya~njyotiranantashaktiH
    AtmA.aprameyaH sakalAnubhUtiH .
yameva vij~nAya vimuktabandho
    jayatyayaM brahmaviduttamottamaH .. 535..
na khidyate no viShayaiH pramodate
    na sajjate nApi virajyate cha .
svasminsadA krIDati nandati svayaM
    nirantarAnandarasena tR^iptaH .. 536..
kShudhAM dehavyathAM tyaktvA bAlaH krIDati vastuniH . vastuni
tathaiva vidvAn ramate nirmamo nirahaM sukhI .. 537..
chintAshUnyamadainyabhaikShamashanaM pAnaM saridvAriShu
svAtantryeNa nira~NkushA sthitirabhIrnidrA shmashAne vane .
vastraM kShAlanashoShaNAdirahitaM digvAstu shayyA mahI
sa~nchAro nigamAntavIthiShu vidAM krIDA pare brahmaNi .. 538..
vimAnamAlambya sharIrametad.h
    bhunaktyasheShAnviShayAnupasthitAn .
parechChayA bAlavadAtmavettA
    yo.avyaktali~Ngo.ananuShaktabAhyaH .. 539..
digambaro vApi cha sAmbaro vA
    tvagambaro vApi chidambarasthaH .
unmattavadvApi cha bAlavadvA
    pishAchavadvApi charatyavanyAm .. 540..
kAmAnniShkAmarUpI sa.nshcharatyekacharo muniH . kAmAnnI kAmarUpI
svAtmanaiva sadA tuShTaH svayaM sarvAtmanA sthitaH .. 541..
kvachinmUDho vidvAn kvachidapi mahArAjavibhavaH
kvachid.hbhrAntaH saumyaH kvachidajagarAchArakalitaH .
kvachitpAtrIbhUtaH kvachidavamataH kvApyaviditaH
charatyevaM prAj~naH satataparamAnandasukhitaH .. 542..
nirdhano.api sadA tuShTo.apyasahAyo mahAbalaH .
nityatR^ipto.apyabhu~njAno.apyasamaH samadarshanaH .. 543..
api kurvannakurvANashchAbhoktA phalabhogyapi .
sharIryapyasharIryeSha parichChinno.api sarvagaH .. 544..
asharIraM sadA santamimaM brahmavidaM kvachit .
priyApriye na spR^ishatastathaiva cha shubhAshubhe .. 545..
sthUlAdisambandhavato.abhimAninaH
    sukhaM cha duHkhaM cha shubhAshubhe cha .
vidhvastabandhasya sadAtmano muneH
    kutaH shubhaM vA.apyashubhaM phalaM vA .. 546..
tamasA grastavadbhAnAdagrasto.api ravirjanaiH .
grasta ityuchyate bhrAntyAM hyaj~nAtvA vastulakShaNam .. 547.. bhrAntyA
tadvaddehAdibandhebhyo vimuktaM brahmavittamam .
pashyanti dehivanmUDhAH sharIrAbhAsadarshanAt .. 548..
ahirnirlvayanIM vAyaM muktvA dehaM tu tiShThati . ahini
itastatashchAlyamAno yatki~nchitprANavAyunA .. 549..
strotasA nIyate dAru yathA nimnonnatasthalam .
daivena nIyate deho yathAkAlopabhuktiShu .. 550..
prArabdhakarmaparikalpitavAsanAbhiH
    sa.nsArivachcharati bhuktiShu muktadehaH .
sid.hdhaH svayaM vasati sAkShivadatra tUShNIM
    chakrasya mUlamiva kalpavikalpashUnyaH .. 551..
naivendriyANi viShayeShu niyu~Nkta eSha
    naivApayu~Nkta upadarshanalakShaNasthaH .
naiva kriyAphalamapIShadavekShate sa ## var ## apIShadapekShate saH
    svAnandasAndrarasapAnasumattachittaH .. 552..
lakShyAlakShyagatiM tyaktvA yastiShThetkevalAtmanA .
shiva eva svayaM sAkShAdayaM brahmaviduttamaH .. 553..
jIvanneva sadA muktaH kR^itArtho brahmavittamaH .
upAdhinAshAd.hbrahmaiva san brahmApyeti nirdvayam .. 554..
shailUSho veShasad.hbhAvAbhAvayoshcha yathA pumAn .
tathaiva brahmavichChreShThaH sadA brahmaiva nAparaH .. 555..
yatra kvApi vishIrNaM satparNamiva tarorvapuH patatAt . vishIrNaM parNamiva
brahmIbhUtasya yateH prAgeva tachchidagninA dagdham .. 556..
sadAtmani brahmaNi tiShThato muneH
    pUrNA.advayAnandamayAtmanA sadA .
na deshakAlAdyuchitapratIkShA
    tva~N.hmA.nsaviT.hpiNDavisarjanAya .. 557..
dehasya mokSho no mokSho na daNDasya kamaNDaloH .
avidyAhR^idayagranthimokSho mokSho yatastataH .. 558..
kulyAyAmatha nadyAM vA shivakShetre.api chatvare .
parNaM patati chettena taroH kiM nu shubhAshubham .. 559..
patrasya puShpasya phalasya nAshavad.h\-
    dehendriyaprANadhiyAM vinAshaH .
naivAtmanaH svasya sadAtmakasyA\-
    nandAkR^itervR^ikShavadasti chaiShaH .. 560.. vadAsta eShaH
praj~nAnaghana ityAtmalakShaNaM satyasUchakam .
anUdyaupAdhikasyaiva kathayanti vinAshanam .. 561..
avinAshI vA are.ayamAtmeti shrutirAtmanaH .
prabravItyavinAshitvaM vinashyatsu vikAriShu .. 562..
pAShANavR^ikShatR^iNadhAnyakaDa~NkarAdyA ## var ## kaTAmbarAdyA
    dagdhA bhavanti hi mR^ideva yathA tathaiva .
dehendriyAsumana Adi samastadR^ishyaM
    j~nAnAgnidagdhamupayAti parAtmabhAvam .. 563..
vilakShaNaM yathA dhvAntaM lIyate bhAnutejasi .
tathaiva sakalaM dR^ishyaM brahmaNi pravilIyate .. 564..
ghaTe naShTe yathA vyoma vyomaiva bhavati sphuTam .
tathaivopAdhivilaye brahmaiva brahmavitsvayam .. 565..
kShIraM kShIre yathA kShiptaM tailaM taile jalaM jale .
sa.nyuktamekatAM yAti tathA.a.atmanyAtmavinmuniH .. 566..
evaM videhakaivalyaM sanmAtratvamakhaNDitam .
brahmabhAvaM prapadyaiSha yatirnAvartate punaH .. 567..
sadAtmaikatvavij~nAnadagdhAvidyAdivarShmaNaH .
amuShya brahmabhUtatvAd brahmaNaH kuta udbhavaH .. 568..
mAyAklR^iptau bandhamokShau na staH svAtmani vastutaH .
yathA rajjau niShkriyAyAM sarpAbhAsavinirgamau .. 569..
AvR^iteH sadasattvAbhyAM vaktavye bandhamokShaNe .
nAvR^itirbrahmaNaH kAchidanyAbhAvAdanAvR^itam .
yadyastyadvaitahAniH syAd dvaitaM no sahate shrutiH .. 570..
bandha~ncha mokSha~ncha mR^iShaiva mUDhA
    bud.hdherguNaM vastuni kalpayanti .
dR^igAvR^itiM meghakR^itAM yathA ravau
    yato.advayA.asa~NgachidetadakSharam .. 571.. chidekamakSharam
astIti pratyayo yashcha yashcha nAstIti vastuni .
bud.hdhereva guNAvetau na tu nityasya vastunaH .. 572..
atastau mAyayA klR^iptau bandhamokShau na chAtmani .
niShkale niShkriye shAnte niravadye nira~njane .
advitIye pare tattve vyomavatkalpanA kutaH .. 573..
na nirodho na chotpattirna bad.hdho na cha sAdhakaH .
na mumukShurna vai mukta ityeShA paramArthatA .. 574..
sakalanigamachUDAsvAntasid.hdhAntarUpaM
    paramidamatiguhyaM darshitaM te mayAdya .
apagatakalidoShaM kAmanirmuktabud.hdhiM ## var ## bud.hdhiH
    svasutavadasakR^ittvAM bhAvayitvA mumukShum .. 575..
iti shrutvA gurorvAkyaM prashrayeNa kR^itAnatiH .
sa tena samanuj~nAto yayau nirmuktabandhanaH .. 576..
gurureva sadAnandasindhau nirmagnamAnasaH . gurureSha
pAvayanvasudhAM sarvA.n vichachAra nirantaraH .. 577..
ityAchAryasya shiShyasya sa.nvAdenAtmalakShaNam .
nirUpitaM mumukShUNAM sukhabodhopapattaye .. 578..
hitamidamupadeshamAdriyantAM
    vihitanirastasamastachittadoShAH .
bhavasukhaviratAH prashAntachittAH ## var ## sukhavimukhAH
    shrutirasikA yatayo mumukShavo ye .. 579..
sa.nsArAdhvani tApabhAnukiraNaprodbhUtadAhavyathA\-
khinnAnAM jalakA~NkShayA marubhuvi bhrAntyA paribhrAmyatAm .
atyAsannasudhAmbudhiM sukhakaraM brahmAdvayaM darshaya\-
tyeShA sha~NkarabhAratI vijayate nirvANasandAyinI .. 580..
    .. iti sha~NkarAchAryavirachitaM vivekachUDAmaNiH ..
	
              .. AUM tatsat ..
##
Encoded NA
Proofread by NA, Kalyana Krrit kalyanakrrit at gmail.com,
PSA Easwaran

Main text is as per Vivekashudamani, Advaita Ashram , Calcutta.
(translated by Swami Madhavananda),

Some variations on the right of verse lines are added from vyAkhyA by
Sringeri Jagadguru ShriChandrasekhara Bharati Mahaswami, published
by Abhinava Vidyatirtha Educational Trust, Sringeri, Karnataka.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}