% Text title            : ShaTpanchashikA
% File name             : ShaTpanchAshikA.itx
% Category              : jyotisha, sociology\_astrology
% Location              : doc\_z\_misc\_sociology\_astrology
% Author                : Prithuyashas
% Transliterated by     : Radu Canahai clradu at yahoo.com
% Proofread by          : Radu Canahai clradu at yahoo.com
% Latest update         : January 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shatpanchashika ..}##
\itxtitle{.. ShaTpa~nchAshikA ..}##\endtitles ##
shrIvarAhamihirAtmajapR^ithuyashasA virachitA
1\. atha horAdhyAya ##(7)##
2\. gamAgamAdhyAyaH ##(17)##
3\. jayaparAjayo.adhyAyaH ##(5)##
4\. shubhAshubhalaxaNAdhyAyaH ##(5)##
5\. pravAsachintAdhyAya ##(5)##
6\. atha naShTaprAptyAdhyAya ##(6)##
7\. atha mishrakAdhyAya ##(11)##
\section{adhyAya 1}
atha horAdhyAya
praNipatya raviM mUrdhnA varAhamihirAtmajena pR^ithuyashasA |
prashne kR^itArthagahanA parArthamuddishya sadhyashasA || 1||
chyutirvilagnAddhibukAchcha vR^iddhirmadhyAtpravAso.astamayAnnivR^ittiH |
vAchyaH grahaiH prashnavilagrakAlAdR^ihaM praviShTo hibuke pravAsI || 2||
yo yo bhAvaH svAmidR^iShTo yuto vA saumyairvA syAttasya tasyAsti vR^iddhiH |
pApairevaM tasya bhAvasya dAni nirdeShTavyA pR^ichChatAM janmato vA || 3||
saumye vilagre yadi vAsya varge shIrShodaye siddhimupaiti kAryam |
ato viparyastamasiddhihetuH kR^ichChneNa saMsiddhikaraM vimishram || 4||
horAsthitaH pUrNyatanuH shashA~Nko jIvena dR^iShto yadi vA sitena |
dhipraM pranaShTasya karoti labdhiM lAbhopaya to balavA~nChubhashcha || 5||
svAMshe vilagne yadi vA trikoNe svAM she sthitaH pashyati dhAtuchintAm |
parAMshakasthashcha karoti jIvaM mUlaM parAMshopagataH paraMsham || 6||
dhAtuM mUlaM jIvaM trayo jarAshau yugme vindhyAdetadeva pratIpam |
lagne yoMshastatkramAxagaya eva sandhepo.ayaM vistarAtatprabhedaH || 7 ||
iti shrIvarAhamihirAtmajapR^ithuyashovirachitAyAM ShaTpa~nchAshikAyAM
horAdhyAyaH prathamaH sampUrNaH |
\section{adhyAya 2}
gamAgamAdhyAyaH
vR^iShasiMhavR^ishchikaghaTairviddhi sthAnaM gamAgamau na staH |
na nR^itaM chApi naShTaM na rogashAntirna chAbhibhavaH || 1||
tadviparItaM tu charairdvisharIrairmishritaM phalaM bhavati |
lagnendvorvaktavyaM shubhadR^iShTyA shobhanamato.anyat || 2||
sutashatrugataiH pApaiH shatrumArgArnnivartate |
chaturthagairapi prAptaH shatrurbhagno nivartate || 3||
bhraShTAlikunbhakarkaTA rasAtale yadA sthitaH |
ripoH parAjayastadAchatuShpadaiH palAyanam || 4||
charodaye shubhaH sthitaH shubhaM karoti yAyinAm |
ashobhanairashobhanaM sthirodaye.api vA shubham || 5||
sthire shashIcharodaye na chAgamo riporyadA |
tadAgamaM riporvadviparyaye viparyayam || 6||
sthire tu lagnamAgate dvirAtmake tu chandramAH |
nivartate ripustadA sudUramAgato.api san || 7||
chare shashI lagnagato dvidehaH patho.arddhamAgatya nivartate ripuH |
vipraryate chAgamanaM dvidhA syAtparAjayaH syAdashubhedhite || 8||
arkArkiGYsitAnAmeko.api charodaye yadA bhavati |
pravavadettadAshugamanaM vakragatairneti vaktavyam || 9||
sthirodaye jIvashanaishcharedhite gamAgamau naiva vadetta pR^ichChtaH |
tripa~nchaShaShTha ripusa~NgamAya pApAshchaturthA vinivartanAya || 10||
nAgachChAti parachakre yadArkachandrau chaturthabhavanasthau
budhagurushukrA hibuke yadA shIghramAyAti || 11||
meShadhanuH siMhavavavR^iShA yatyudayasthA bhavanti hibuke vA |
shatrurnivartati tadA grahasahitA vA viyuktA vA || 12||
sthirarAshau yadyudaye shanigururvA sthitastadA shatruH |
udaye ravirgururvA chararAshau syAttadAgamanam || 13||
grahaH sarvottamabalo lagnadyasmin gR^ihe sthitaH |
mAsaistattulyasa~NkhyAkairnivR^ittiM yAturAdishet || 14||
charAMshasthe grahe tasmin kAlamevA vinirdishet |
dviguNaM sthirabhAgasthe triguNaM hyAtmakAMshake || 15||
yAturvilagnAjjAmitrabhavanAdhipatiryadA |
karoti vakramAvR^iteH kAlAntaM bruvate pare || 16||
udayarxachchandrarxaM bhavati cha yAvAdinAni tAvadbhiH |
AgamanaM syAchCannoryadi madhye na grahaH kashchit || 17||
iti varAhamihirAtmajapR^ithuyashovirachitAyAM ShaTpa~nchAshikAyAM
gamAgamAdhyAyo dvitIyaH sampUrNaH |
\section{adhyAya 3}
jayaparAjayo.adhyAyaH
dashamodayasaptamagAH saumyA nagarAdhipasya vijayakarAH |
ArArki GyagurusitAH prabha~Ngadau vijayadA navame || 1||
paurAstR^itIyabhavanAddharmadvA yAyinaH shubheH shubhadAH |
vyayadashamAye pApAH purasya neShTAH shubhA yAbhA yAtuH || 2||
nR^irAshisaMsthA hyudaye shubhAH syurvyayAyasaMsthAshcha yadA bhavanti |
tadAshu sandhiM pravadennR^ipANAM pApairdvidehahopagatairvirodham || 3||
kendropagatAH saumyAH saumyairdR^iShTA nR^ilagnagAH prItim |
kurvAnti pApadR^iShTAH pApAsteShveva viparItam || 4||
dvitIye vA tR^itIye vA gurushukrau yadA tadA |
ashvevAgachChate senA pravAso cha na saMshayaH || 5||
iti varAhamihirAtmajapR^ithuyashovirachitAyAM ShaTpa~nchAshikAyAM
jayaparAjayo nAma tR^itIyo.adhyAyaH sampUrNaH |
\section{adhyAya 4}
shubhAshubhalaxaNAdhyAyaH
kendratrikoNeShu shubhasthiteShu pApeShu kendrAShTamavarjiteShu |
sarvArthasiddhiM pravadennarANAM viparyavastheShu viparyayaH syAt || 1||
tripa~nchalAbhastamayeShu saumyA lAbhapradA neShTaphalashcha pApAH |
tulAtha kanyA mithunaM ghaTashcha nR^irAshayasteShu shubhaM vadanti || 2||
sthAnapradA dashamasaptamagAshcha saumyA pAnArthadAH svasutalagnagatA bhavanti |
pApA vyayAyasahitAH syurlagne shashI na shubhado dashame shubhashcha || 3||
induM dvisaptadashamAyariputrisaMstha pashyedruruH shubhaphalaM pramAdakR^itaM syAt |
lagnatridharmasutanairdhanagAshcha pApAH kAryArthanAshabhayadA shubhada shubhashcha || 4||
shubhagrahAH saumyanirodhitAshcha vilagnasaptAShTama~nchamasthaH |
triShaTdashAye cha nishAkaraH syAchChubhaM bhavedroganipIDitAnAm || 5||
iti varAhamihirAtmajapR^ithuyashovirachitAyAM ShaTpa~nchAshikAyAM
chaturtho.adhyAyaH sampUrNaH  |
\section{adhyAya 5}
pravAsachintAdhyAya
duragatasyAgamanaM sutadhanasahajasthitairgrahairlagnAt |
saumyairnaShTaprAptiM laghvAgamana gurulitAbhyAm || 1||
jAmitre tvathavA ShaShThe grahaH kendre.atha vAkpatiH |
proShitAgamanaM vidyAt trikoNe Gye site.api vA || 2||
aShTamasthe nishAnAthe karATakai pAyavarjitaiH |
pravAsI sukhamAyAti saumyairlAbhasamavitaH || 3||
pR^iShThodaye pApastR^itIye ripukendrage vA |
saumyairadR^iShTA vadhabandhadAH syurnaShTA muShitAshcha vAchyAH || 4||
graho vilagnAdyatame gR^ihe tu tenAhatA dvAdasha rAshayaH syuH |
tAvaddinAnyAgamanasya vidyAnivarttanaM vakragatairgrahairstu || 5||
iti varAhamihirAtmajapR^ithuyashovirachitAyAM ShaTpa~nchAshikAyAM
pravAsachintAdhyAyaH pa~nchamaH sampUrNaH |
\section{adhyAya 6}
atha naShTaprAptyAdhyAya
sthirodaye sthirAMshe vA vargottamagate.api vA |
sthita tatraiva taddravyaM svakiyenaiva choritam || 1||
AdimadhyAvasAneShu drekkANeShu vilagnataH |
dvAradeshe tathA madhye gR^ihante cha vadeddhanam || 2||
pUrNaH shashI lagnagataH shubho vA shIrShodaye saumyanirIdhitashcha |
taShTasya lAbha kurute tadAshu lAbhodayAto balavA~nChyabhashcha || 3||
digvAchyA kendragatairasambhave vA vadedvilagnardhAt |
madhyAchchyutairvilagnAnnavAMshaikaryojanA vAchyA || 4||
aMshakAjGYAyate dravyaM dreShkANaistaskarAH smR^itAH |
rAshibhyaH kAladigdeshA vayo jAtishcha lagnapAt || 5||
iti varAhamihirAtmajapR^ithuyashovirachitAyAM ShaTpa~nchAshikAyAM
naShTaprAptyAdhyAya ShaShThaH sampUrNaH |
\section{adhyAya 7}
atha mishrakAdhyAya
viShamasthite.arkaputre sutasya janmAnyathA~NganAyashcha |
labhyA varasya narI samasthite.ato.anyathA vAman || 1||
gururAvisaumyairdR^iShTastrisutamadAyArigaH shashI lagnAt |
bhavati cha vivAhakartA trikoNakendreShu vA saumyAH || 2||
chandrArkayoH saptamagau sitArkI sukhe.aShTame vApi tathA vilagnAt |
dvitIyadushchikyagatau tathA cha varShasu vR^iShTiM pravadennarANam || 3||
saumyA jalarAshisthAstR^itIyadhanakendragAH site padhe |
chandre vApyudayagate jalarAshisthe vadedvarSham || 4||
puMvarge lagnagate pu.ngrahadR^iShTe balanvite puruShaH |
yugme strIgrahadR^iShTe strIbudhayukte tu garbhayutA || 5||
kumArikAM bAlashashI budhashcha vR^iddhAM shanIH sUryagurU prasUtAm |
strIM karkashAM bhaumasitau vighatta evaM vayaH syAtpuruSheShu chaivam || 6||
AtmasamaMlagnagatairbhrAtA sahajasthitaiH sutA sutagaiH |
mAtA vA bhAginI vA chaturthagaiH shatrugai shatruH || 7||
bhAryA saptamasaMsthairnavame dharmAshrito gurudashame |
svAMshapatimitrashatruShu tathaiva vAchyaM balayuteShu || 8||
charalagne charabhAge madhyAdbhraShTe pravAsAchintA syAt |
bhraShTaH saptamabhavanAtpurnanivR^itto yadi va vakrI || 9||
aste rAvisitavakraiH parajAyAM svAM gurau budhe veshyAm |
chandre cha vayaH shashivatpravadetsaure.ashubhairyutadR^iShTaH || 10||
mandaH papasameto lagnannavame ashubhairyutadR^iShTaH |
rogArtaH paradeshe chAShTamago mR^ityukara eva || 11||
saumyayuto.arkaH saumyaiH sandR^iShTashchAShTamardhasaMsthashcha
tasmAddeshAdanyaM gataH sa vAchyaH pitA tasya || 12||
iti varAhamihirAtmajapR^ithuyashovirachitAyAM ShaTpa~nchAshikAyAM
mishrakAdhyAyaH saptamaH sampUrNaH |

iti ShaTpa~nchAshikA samAptA |
##
Encoded and proofread by Radu Canahai clradu at yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}