% Text title            : bRihatpArAsharahorAshAstram.h 11-20
% File name             : par1120.itx
% Category              : jyotisha, sociology\_astrology, bRihatpArAshara
% Location              : doc\_z\_misc\_sociology\_astrology
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve, Ginda Lass
% Latest update         : December 30, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bRihatpArAsharahorAshAstram 11-20 ..}##
\itxtitle{.. bR^ihatpArAsharahorAshAstram 11\-20 ..}##\endtitles ##


\section{atha bhAvavivekAdhyAyaH || 11||}

ariShTaM tatprabha~NgaM cha shrutaM tvatto mayA mune |
kasmAd bhAvAt phalaM kiM kiM vichAryamiti me vada || 1||
dehaM rUpaM cha j~nAnaM cha varNaM chaiva balAbalam |
sukhaM duHkhaM svabhAva~ncha lagnabhAvAnnirIkShayet || 2||
dhanadhAnyaM kuTumbAMshcha mR^ityujAlamamitrakam |
dhAturatnAdikaM sarvaM dhanasthAnAnnirIkShayet || 3||
vikramaM bhR^ityabhrAtrAdi chopadeshaprayANakam |
pitrorvai maraNaM vij~no dushchikyAchcha nirIkShayet || 4||
vAhanAnyatha bandhUMshcha mAtR^isaukhyAdikAnyapi |
nidhi kShetraM gR^ihaM chApi chaturthAt parichintayet || 5||
yantramantrau tathA vidyAM buddheshchaiva prabandhakam |
putrarAjyApabhrAMshAdIn pashyet putrAlayAd budhaH || 6||
mAtulAntakasha~NkAnAM shatrUMshchaiva vraNAdikAn |
sapatnImAtaraM chApi ShaShThabhAvAnnirIkShayet || 7||
jAyAmadhvaprayANaM cha vANijyaM naShTavIkShaNam |
maraNaM cha svadehasya jAyAbhAvAnnirIkShayet || 8||
Ayu raNaM ripuM chApi durgaM mR^itadhanaM tathA |
gatyanukAdikaM sarvaM pashyedrandhrAdvichakShaNaH || 9||
bhAgyaM shyAlaM cha dharmaM cha bhrAtR^ipatnyAdikAMstathA |
tIrthayAtrAdikaM sarvaM dharmasthAnAnnirIkShayet || 10||
rAjyaM chAkAshaMvR^ittiM cha mAnaM chaiva pitustathA |
pravAsasya R^iNasyApi vyomasthAnAnnirIkShaNam || 11||
nAnAvastubhavasyApi putrajAyAdikasya cha |
AyaM vR^iddhiM pashUnAM cha bhavasthAnAnnirIkShaNam || 12||
vyayaM cha vairivR^ittAntariHphamantyAdikaM tathA |
vyayAchchaiSha hi j~nAtavyamini sarvatra dhImatA || 13||
yo yo shubhairyuto dR^iShTo bhAvo vA patidR^iShTayuk |
yuvA pravR^iddho rAjyasthaH kumAro vA.api yatpatiH || 14||
tadIkShaNavashAt tattad.hbhAvasaukhyaM vaded budhaH |
yadyad bhAvapatirnaShTastrikeshAdyaishcha saMyutaH || 15||
bhAvaM na vIkShate samyak supto vR^iddhomR^ito.athavA |
pIDito vA.asya  bhAvasya phalaM naShTaM vaded dhruvam || 16||

\section{atha tanubhAvaphalAdhyAyaH || 12||}

sapApo dehapo.aShTArivyayago dehasaukhyahR^it |
kendre koNe sthito.a~NgeshaH sadA dehasukhaM dishet || 1||
lagnapo.asta~Ngato nIche shatrubhe rogakR^id bhavet |
shubhaH kendratrikoNasthA sarvarogaharAH smR^itAH || 2||
lagne chandre.athava krUragrahairdR^iShTe.athavA yute |
shubhadR^iShTivihIne cha jantordehasukhaM na hi || 3||
lagne saumye surUpaH syAt krUrerUpavivarjitaH |
saumyakheTairyute dR^iShTe lagne dehasukhAnvitaH || 4||
lagnesho j~nA gururvA.api shukro vA kendrakoNagaH |
dIrghAyurdhanavAn jAto buddhimAn rAjavallabhaH || 5||
lagneshe chararAshisthe shubhagrahanirIkShite |
kIrtishrImAn mahAbhogI dehasaukhyasamanvitaH || 6||
budho jIvo.athavA shukro lagne chandrasamanvitaH |
lagnAt kendragato vA.api rAjalakShaNasaMyutaH || 7||
sasaure sakuje vApi lagne meShe vR^iShe harau |
rAshyaMshasadR^ishau gAtre sa jAto nAlaviShTitaH || 8||
chatuShpadagato bhAnuH pare vIryasamanvitAH |
dvisvabhAvagatA jAtau yamalAviti nirdishet || 9||
ravaundU ekabhAvasthAvekaMshakasamanvitau |
trimAtrA cha tribhirmAsaiH pitrA bhrAtrA cha poShitaH || 10||
evameva phalaM vAchyaM chandrAdapi sadA budhaiH |
atha jAtanarasyA~Nge vraNachihnAdikaM bruve || 11||
shiro netre tathA karNau nAsike cha kapolakau |
hanUrmukhaM cha lagnAdyA tanAvAdyadR^ikANake || 12||
madhyadreShkANage lagne kaNThoM.asau cha bhujau tathA |
pArshve cha hR^idaye kroDe nAbhishcheti yathAkramam || 13||
vastirli~Ngagude muShkAvUrU jAnU cha ja~Nghake |
pAdashchetyuditairvAmama~NgaM j~neyaM tR^itIyake || 14||
yasminna~Nge sthitaH pApo vraNaM tatra samAdishet |
niyataM sabudhaiH krUraiH saumyairlakShma vaded budhaH || 15||

\section{atha dhanabhAvaphalAdhyAyaH || 13||}

dhanabhAvaphalaM vachmi shR^iNu tvaM dvijasattama |
dhanesho dhanabhAvasthaH kendrakoNagato.api vA || 1||
dhanavR^iddhikaro j~neyastrikastho dhanahAnikR^it |
dhanadashcha dhane saumyaH pApo dhanavinAshakR^it || 2||
dhanAdhipo gururyasya dhanabhAvagato bhavet |
bhaumena sahito vA.api dhanavAn sa naro bhavet || 3||
dhaneshe lAbhabhAvasthe lAbheshe vA dhanaM gate |
tAvubhau kendrakoNasthau dhanavAn sa naro bhavet || 4||
dhaneshe kendrarAshisthe lAbheshe tattrikoNage |
gurushukrayute dR^iShTe dhanalAbhamudIrayet || 5||
dhanesho ripubhAvastho lAbheshastad.hgato yadi |
dhanAyau pApayuktau vA dR^iShTau nirdhana eva saH || 6||
dhanalAbhAdhipAvastau pApagrahasamanvitau |
janmaprabhR^itidAridraM bhikShAnnaM labhate naraH || 7||
ShaShThe.aShTame vyaye vA.api dhanalAbhAdhipau yadi |
lAbhe kujodhane rAhU rAjadaNDAd dhanakShayaH || 8||
lAbhe jIve dhane shukre dhaneshe shubhasaMyute |
vyaye cha shubhasaMyukte dharmakArye dhanavyayaH || 9||
svabhochchasthe dhanAdhIshe jAtako janapoShakaH |
paropakArI khyAtashcha vij~neyo dvijasattama || 10||
sthite pArAvatAMshAdau dhaneshe shubhasaMyute |
tad.hgR^ihe sarvasampattirvinA.ayAsena jAyate || 11||
netreshe balasaMyukte shobhanAkSho bhavennaraH |
ShaShThAShTamavyayasthe cha netravaikalyavAn bhavet || 12||
dhaneshe pApasaMyukte dhane pApasamanvite |
pishuno.asatyavAdI cha vAtavyAdhisamanvitaH || 13||

\section{atha sahajabhAvaphalAdhyAyaH || 14||}

atha vikramabhAvasya phalaM vakShyAmi bho dvija |
sahaje saumyayug.hdR^iShTe bhrAtR^imAn vikramI naraH || 1||
sabhaumo bhrAtR^ibhAvesho bhrAtR^ibhAvaM prapashyati |
bhrAtR^ikShetragato vA.api bhrAtR^ibhAvaM vinirdishet || 2||
pApayogena tau pApakShetrayogena vA punaH |
utpATya sahajAn sadyo nihantarau na saMshayaH || 3||
strIgraho bhrAtR^ibhAveshaH strIgraho bhrAtR^ibhAvagaH |
bhaginI syAt tathA bhrAtA pu~NgR^ihe pu~Ngraho yadi || 4||
mishre mishraphalaM vAchyaM balAbalavinirNayAt |
mR^itau kujatR^itIyeshau sahodaravinAshakau || 5||
kendratrikoNage vA.api svochchamitrasvavargage |
kArake sahajeshe yA bhrAtR^isaukhyaM vinirdishet || 6||
bhrAtR^ibhe budhasaMyukte tadIshe chandrasaMyute |
kArake mandasaMyukte bhaginyekAgrato bhavet || 7||
pashchAt sahodaro.apyekastR^itIyastu mR^ito bhavet |
kArake rAhusaMyukte sahajeshe tu nIchage || 8||
pashchAt sahodarAbhAvaM pUrvaM tu tattrayaM vadet |
bhrAtR^isthAnAdhipe kendre kArake tat.htrikoNage || 9||
jIvena sahite chochche j~neyA dvAdasha sodarAH |
tatra jyeShThadviyaM tadvajjAtakAchcha tR^itIyakam || 10||
saptamaM navamaM chaiva dvAdashaM cha mR^itaM vadet |
sheShAH sahodarAH ShaD vai bhaveyurdIrghajIvanAH || 11||
vyayeshena yuto bhaumo guruNA sahito.api vA |
bhrAtR^ibhAve sthite chandre saptasa~NkhyAstu sodarAH || 12||
bhrAtR^isthAne shashiyute kevalaM pu~N.hgrahekShite |
sahajA bhrAtaro j~neyAH shukrayuktekShite.anyathA || 13||
agre jAtaM ravirhanti pR^iShThe jAtaM shanaishcharaH |
agrajaM pR^iShThajaM hanti sahajastho dharAsutaH || 14||
eteShAM vipra yogAnAM balAbalavinirNayAt |
bhrAtR^iNAM bhaginInAM vA jAtakasya phalaM vadet || 15||

\section{atha sukhabhAvaphalAdhyAyaH || 15||}

uktaM tR^itIyabhAvasya phalaM sa~NkShepato mayA |
sukhabhAvaphalaM chA.atha kathayAmi dvijottama || 1||
sukheshe sukhabhAvasthe lagneshe tad.hgate.api vA |
shubhadR^iShTe cha jAtasya pUrNaM gR^ihasukhaM vadet || 2||
svagehe svAMshake svochche sukhasthAnAdhipo yadi |
bhUmiyAnagR^ihAdInAM sukhaM vAdyabhavaM tathA || 3||
karmAdhipena saMyukte kendre koNe gR^ihAdhipe |
vichitrasaudhaprAkArairmaNDitaM tad.hgR^ihaM vadet || 4||
bandhusthAneshvare saumye shubhagrahayutekShite |
shashije lagnasaMyukte bandhupUjyo bhavennaraH || 5||
mAtuHsthAne shubhayute tadIshe svochcharAshige |
kArake balasaMyukte mAturdIrghAyurAdishet || 6||
sukheshe kendrabhAvasthe tathA kendrasthito bhR^iguH |
shashije svochcharAshisthe mAtuH pUrNaM sukhaM vadet || 7||
sukhe raviyute mande chandre bhAgyagate sati |
lAbhasthAnagato bhaumo gomahiShyAdilAbhakR^it || 8||
charagehasamAyukto sukhe tadrAshinAyake |
ShaShThe vyaye sthite bhaume naraH prApnoti mUkatAm || 9||
lagnasthAnAdhipe saumye sukheshe nIcharAshige |
kArake vyayabhAvasthe sukheshe lAbhasa~Ngate || 10||
dvadashe vatsare prApte vAhanasya sukhaM vadet |
vAhane sUryasaMyukte svochche tad.hbhAvanAyake || 11||
shukreNa saMyute varShe dvAtriMshe vAhanaM bhavet |
karmeshena yute bandhunAthe tu~NgAMshasaMyute || 12||
dvichatvAriMshake varShe naro vAhanabhAg bhavet |
lAbheshe sukharAshisthe sukheshe lAbhasaMyute || 13||
dvAdashe vastare prApte jAto vAhanabhAg bhavet |
shubhaM shubhatve bhAvasya pApatve phalamanyathA || 14||

\section{atha pa~nchamabhAvaphalAdhyAyaH || 16||}

atha pa~nchamabhAvasya kathayAmi phalaM dvija |
lagnape sutabhAvasthe sutape cha sute sthite || 1||
kendratrikoNasaMsthe vA pUrNaM putrasukhaM vadet |
ShaShThAShTamavyayasthe tu sutAdhIshe tvaputratA || 2||
suteshesta~Ngate vA.api pApAkrAnte cha nirbale |
tadA na jAyate putro jAto vA mriyate dhruvam || 3||
ShaShThasthAne sutAdhIshe lagneshe kujasaMyute |
mriyate prathamApatyaM kAkabandhyA cha gehinI || 4||
sutAdhIsho hi nIchastho vyayaShaShThAShTamasthitaH |
kAkabandhyA bhavennArI sute ketubudhau yadi || 5||
sutesho nIchago yatra sutasthAnaM na pashyati |
tatra sauribudhau syAtAM kAkabandhyAtvamApnuyAt || 6||
bhAgyesho mUrtivartI chet sutesho nIchago yadi |
sute ketubudhau syAtAM sutaM kaShTAd vinirdishet || 7||
ShaShThAShTamavyayastho vA nIcho vA shatrurAshigaH |
suteshashcha sute tasya kaShTAd putraM vinirdishet || 8||
putrabhAve budhakShetre mandakShetre.athavA punaH |
mande mAndiyutau dR^iShTe tadA dattAdayaH sutAH || 9||
ravichandrau yadaikasthAvekAMshakasamanvitau |
trimAtR^ibhirasau yAdvA dvipitrA.api cha poShitaH || 10||
pa~nchame ShaD.hgrahairyukte tadIshe vyayarAshige |
lagneshendU balADhayau chet tadA dattasutod.hbhavaH || 11||
sute j~najIvashukraishcha sabalairavalokite |
bhavanti bahavaH putrAH suteshe hi balAnvite || 12||
suteshe chandrasaMyukte tad.hdreShkANagate.api vA |
tadA hi kanyakotpattiH pravaded daivachintakaH || 13||
suteshe chararAshisthe rAhuNA sahite vidhau |
putrasthAnaH gate mande parajAtaM vadechChishum || 14||
lagnAdaShTamage chandre chandrAdaShTamage gurau |
pApagrahairyute dR^iShTe parajAto na saMshayaH || 15||
putrasthAnAdhipe svochche lagnAdvA dvitrikoNage |
guruNA saMyute dR^iShTe putrabhAgyamupaiti saH || 16||
trichatuHpApasaMyukte sute saumyavivarjite |
suteshe nIcharAshisthe nIchasaMsthau bhavechChishuH || 17||
putrasthAnaM gate jIve tadIshe bhR^igusaMyute |
dvAtriMshe cha trayastriMshe vatsare putrasambhavaH || 18||
suteshe kendrabhAvasthe kArakeNa samanvite |
ShaD.htriMshe triMshadabde cha putrotpattiM vinirdishet || 19||
lagnAd bhAgyagate jIve jIvAd bhAgyagate bhR^igau |
lagneshe bhR^iguyukte vA chatvAriMshe sutaM vadet || 20||
putrasthAnaM gate rAhau tadIshe pApasaMyute |
nIcharAshigato jIvo dvAtriMshe putramR^ityudaH || 21||
jIvAt pa~nchamage pApe lagnAt pa~nchamage.api cha |
ShaD.htriMshe cha trayastriMshe chatvAriMshe sutakShayaH || 22||
lagne mAnditamAyukte lagneshe nIcharAshige |
ShaD.hpa~nchAshattame.abde cha putrashokasamAkulaH || 23||
chaturthe pApasaMyukte ShaShThabhAve tathaiva hi |
suteshe paramochchasthe lagneshena samanvite || 24||
kArake shubhasaMyukte dashasa~NkhyAstu sUnavaH |
paramochchagate jIve dhaneshe rAhusaMyute || 25||
bhAgyeshe bhAgyasaMyukte sa~NkhyAtA nava sUnavaH |
putrabhAgyagate jIve suteshe balasaMyute || 26||
dhaneshe karmabhAvasthe vasusa~NkhyAstu sUnavaH |
pa~nchamAt pa~nchame mande sutasthe cha tadIshvare || 27||
sUnavaH saptasa~Nkhyashcha dvigarbhe yamalau vadet |
vitteshe pa~nchamasthAne sutasthe cha sutAdhipe || 28||
jAyante ShaT sutAstasya  teShAM cha triprajAmR^itiH |
mandAt pa~nchamage jIve jIvAt pa~nchamage shanau || 29||
sutabhe pApasaMyukte putramekaM vinirdishet |
pa~nchame pApayukte vA jIvAt pa~nchamage shanau || 30||
patnyantare putralAbhaM kalatratrayabhAg bhavet |
pa~nchame pApasaMyukte jIvAt pa~nchamage shanau || 31||
lagneshe dhanabhAvasthe sutesho bhaumasaMyutaH |
jAtaM jAtaM shishuMhanti dIrghAyushcha svayaM bhavet || 32||

\section{atha ShaShThabhAvaphalAdhyAyaH || 17||}

atha vipra phalaM vakShye ShaShThabhAvasamud.hbhavam |
dehe rogavraNAdyaM tat shrUyatAmekachetasA || 1||
ShaShThAdhipaH svagehe vA dehe vA.apyaShTame sthitaH |
tadA vraNA bhaveddehe ShaShTharAshisamAshrite || 2||
evaM pitrAdibhAveshAstattatkArakasaMyutAH |
vraNAdhipayutAshchApi ShaShThAShTamayutA yadi || 3||
teShAmapi vraNaM vAchyamAdityena shirovraNam |
indunA cha mukhe kaNThe bhaumena j~nena nAbhiShu || 4||
guruNA nAsikAyAM cha bhR^iguNA nayane pade |
shaninA rAhuNA kukShau ketunA cha tathA bhavet || 5||
lagnAdhipaH kujakShetre budhabhe yadi saMsthitaH |
yatra kutra sthito j~nena vIkShito mukharukpradaH || 6||
lagnAdhipau kujabudhau chandreNa yadi saMyutau |
rAhuNA shaninA sArddhaM kuShThaM tatra vinirdishet || 7||
lagnAdhipaM vinA lagne sthitashchettamasA shashI |
svetakuShThaM tadA kR^iShNakuShThaM cha shaninA saha || 8||
kujena raktakuShThaM syAttattadevaM vichArayet |
lagne ShaShThAShTamAdhIshau raviNA yadi saMyutau || 9||
jvaragaNDaH kuje granthiH shastravraNamathApi vA |
budhena pittaM guruNA rogAbhAvaM vinirdishet || 10||
strIbhiH shukreNa shashinA vAyunA saMyuto yadi |
gaNDashchANDAlato nAbhau tamaHketuyute bhayam || 11||
chandreNa gaNDaH salilaiH kaphashleShmAdinA bhavet |
evaM pitrAdibhAvAnAM tattatkArakayogataH || 12||
gaNDaM teShAM vadedevamUhyamatra manIShibhiH |
rogasthAnagate pApe tadIshe pApasaMyute || 13||
rAhuNA saMyute mande sarvadA rogasaMyutaH |
rogasthAnagate bhaume tadIshe raMdhrasaMyute || 14||
ShaD.hvarShe dvAdashe varShe jvararogI bhavennaraH |
ShaShThasthAnagate jIve tad.hgR^ihe chandrasaMyute || 15||
dvAviMshaukonaviMshe.abde kuShTharogaM vinirdishet |
rogasthAnaM gato rAhuH kendre mAndisamanvite || 16||
lagneshe nAsharAshisthe ShaD.hviMshe kShayarogatA |
vyayeshe rogarAshisthe tadIshe vyayarAshige || 17||
triMshadvarShaikonavarShe gulmarogaM vinirdishet |
ripusthAnagate chandre shashinA saMyute sati || 18||
pa~nchapa~nchAshadabdeShu raktakuShThaM vinirdishet |
lagneshe lagnarAshisthe mande shatrusamanvite || 19||
ekonaShaShTivarShe tu vAtarogArdito bhavet |
raMdhreshe ripurAshisthe vyayeshe lagnasaMsthite || 20||
chandre ShaShTheshsaMyukte vasuvarShe mR^igAd.hbhayam |
ShaShThAShTamagato rahustasmAdaShTagate shanau || 21||
jAtasya janmato vipra prathame cha dvitIyake |
vatsare.agnibhayaM tasya trivarShe pakShidoShabhAk || 22||
ShaShThAShTamagate sUrye tad.hvyaye chandrasaMyutaH |
pa~nchame navame.abde tu jalabhItiM vinirdishet || 23||
aShTame mandasaMyukte tasmAdvA dvAdashe kujaH |
triMshAbde dashame.abde tu sphoTakAdi vinirdishet || 24||
raMdhreshe rAhusaMyukte tadaMshe raMdhrakoNage |
dvAviMshe.aShTAdashe varShe granthimehAdipIDanam || 25||
lAbheshe ripubhAvasthe rogeshe lAbharAshige |
ekatriMshatsame varShe shatrumUlAddhanavyayaH || 26||
suteshe ripubhAvasthe ShaShTheshe gurusaMyute |
vyayeshe lagnabhAvasthe tasya putro ripurbhavet || 27||
lagneshe ShaShTharAshisthe tadIshe ShaShTharAshige |
dashamaikonaviMshe.abde shunakAd.hbhItiruchyate || 28||

\section{atha jAyAbhAvaphalAdhyAyaH || 18||}

jAyAbhAvaphalaM vakShye shR^iNu tvaM dvijasattama |
jAyAdhipe svabhe svochche strIsukhaM pUrNamAdishet || 1||
kalatrapo vinA svarkShaM vyayaShaShThAShTamasthitaH |
rogiNIM kurute nArIM tathA tu~NgAdikaM vinA || 2||
saptame tu sthite shukre.atIvakAmI bhavennaraH |
yatrakutrasthite pApayute strImaraNaM bhavet || 3||
jAyAdhIshaH shubhairyukto dR^iShTo vA balasaMyutaH |
tadA jAto dhanI mAnI sukhasaubhAgyasaMyutaH || 4||
nIche shatrugR^ihe.aste vA nirbale cha kalatrape |
tasyApi rogiNI bhAryA bahubhAryo naro bhavet || 5||
mandabhe shukragehe vA jAyAdhIshe shubhekShite |
svochchage tu visheSheNa bahubhAryo naro bhavet || 6||
vandhyAsa~Ngo made bhAnau chandre rAshisamastriyaH |
kuje rajasvalAsa~Ngo vandhyAsa~Ngashcha kIrtitaH || 7||
budhe veshyA cha hInA cha vaNik strI vA prakIrtitA |
gurau brAhmaNabhAryA syAd.hgarbhiNIsa~Nga eva cha || 8||
hInA cha puShpiNI vAchyA mandarAhuphaNIshvaraiH |
kuje.atha sustanI mande vyAdhidaurbalyasaMyutA || 9||
kaThinordhvakuchArye cha shukre sthUlottamastanI |
pApe dvAdashakAmasthe kShINachandrastu pa~nchame || 10||
jAtashcha bhAryAvashyaH syAditi jAtivirodhakR^it |
jAmitre mandabhaume cha tadIshe mandabhUmije || 11||
veshyA vA jAriNI vA.api tasya bhAryA na saMshayaH |
bhaumAMshakagate shukre bhaumakShetragate.athavA || 12||
bhaumayukte cha dR^iShTe vA bhagachumbanabhAg bhavet |
mandAMshakagate shukre mandakShetragate.api cha || 13||
mandayukte cha dR^iShTe cha shishnachumbanatatparaH |
dAreshe svochcharAshisthe made shubhasamanvite || 14||
lagnesho balasaMyuktaH kalatrasthAnasaMyutaH |
tad.hbhAryA sad.hguNopetA putrapautrapravardhinI || 15||
kalatre tatpatau vApi pApagrahasamanvite |
bhAryAhAniM vadet tasya nirbale cha visheShataH || 16||
ShaShThAShTamavyayasthAne madesho durbalo yadi |
nIcharAshigato vApi dAranAshaM vinirdishet || 17||
kalatrasthAnage chandre tadIshe vyayarAshige |
kArako balahInashcha dArasaukhyaM na vidyate || 18||
saptameshe svanIchasthe pAparkShe pApasaMyute |
saptame klIvarAshyaMshe dvibhAryo jAtako bhavet || 19||
kalatrsthAnage bhaume shukre jAmitrage shanau |
lagneshe randhrarAshisthe kalatratrayavAn bhavet || 20||
dvisvabhAvagate shukre svochche tadrAshinAyake |
dAreshe balasaMyukte bahudArasamanvitaH || 21||
dAreshe shubharAshisthe svochchasvarkShagato bhR^iguH |
pa~nchame navame.abde tu vivAhaH prAyasho bhavet || 22||
dArastAnaM gate sUrye tadIshe bhR^igusaMyute |
saptamaikAdashe varShe vivAhaH prAyasho bhavet || 23||
kuTumbasthAnage shukre dAreshe lAbharAshige |
dashame ShoDashA.abde cha vivAhaH prAyasho bhavet || 24||
lagnakendragate shukre lagneshe mandarAshige |
vatsaraikAdashe prApte vivAhaM labhate naraH || 25||
lagnAt kendragate shukre tasmAt kAmagate shanau |
dvAdashaikonaviMshe cha vivAhaH prAyasho bhavet || 26||
chandrAjjAmitrage shukre shukrAjjAmitrage shanau |
vatsare.aShTAdashe prApte vivAhaM labhate naraH || 27||
dhaneshe lAbharAshisthe lagneshe karmarAshige |
abde pa~nchadashe prApte vivAhaM labhate naraH || 28||
dhaneshe lAbharAshiste lAbheshe dhanarAshige |
abde trayodashe prApte vivAhaM labhate naraH || 29||
randhrAjjAmitrage shukre tadIshe bhaumasaMyute |
dvAviMshe saptaviMshe.abde vivAhaM labhate naraH || 30||
dArAMshakagate lagnanAthe dAreshvare vyaye |
trayoviMshe cha ShaD.hviMshe vivAhaM labhate naraH || 31||
randhreshe dArarAshisthe lagnAMshe bhR^igusaMyute |
pa~nchaviMshe trayastriMshe vivAhaM labhate naraH || 32||
bhAgyAd.hbhAgyagate shukre tad.hdvaye rAhusaMyute |
ekatriMshAstrayastriMshe dAralAbhaM vinirdishet || 33||
bhAgyAjjAmitrage shukre taddyUne dAranAyake |
triMshe vA saptaviMshAbde vivAhaM labhate naraH || 34||
dAreshe nIcharAshisthe shukre randhrArisaMyute |
aShTAdashe trayastriMshe vatsare dAranAshanam || 35||
madeshe nAsharAshisthe vyayeshe madarAshige |
tasya chaikonaviMshAbde dAranAshaM vinirdishet || 36||
kuTumbasthAnago rAhuH kalatre bhaumasaMyute |
pANigrahe cha tridine sarpadaShTe vadhUmR^itiH || 37||
randhrasthAnagate shukre tadIshe saurirAshige |
dvAdashaikonaviMshAbde dAranAshaM vinirdishet || 38||
lagneshe nIcharAshisthe dhaneshe nidhanaM gate |
trayodashe tu samprApte kalatrasya mR^itirbhavet || 39||
shukrAjjAmitrage chandre chandrAjjAmitrage budhe |
randhreshe sutabhAvasthe prathamaM dashamAbdikam || 40||
dvAviMshe cha dvitIyaM cha trayastriMshe tR^itIyakam |
vivAhaM labhate martyo nA.atra kAryA vichAraNA || 41||
ShaShThe cha bhavane bhaumaH saptame rAhusaMsthitiH |
aShTame cha yadA sauristasya bhAryA na jIvati || 42||

\section{atha AyurbhAvaphalAdhyAyaH || 19||}

AyurbhAvaphalaM chA.atha kathayAmi dvijottama |
AyuHsthAnAdhipaH kendre dIrghamAyuH prayachChati || 1||
AyusthAnAdhipaH pApaiH saha tatraiva saMsthitaH |
karotyalpAyuShaM jAtaM lagnesho.apyatra saMsthitaH || 2||
evaM hi shaninA chintA kAryA tarkairvichakShaNaiH |
karmAdhipena cha tathA chintanaM kAryamAyuShaH || 3||
ShaShThe vyaye.api ShaShThesho vyayAdhIsho ripau vyaye |
lagne.aShTame sthito vA.api dIrghamAyuH prayachChati || 4||
svasthAne svAMshake vA.api mitreshe mitramandire |
dIrghAyuShaM karotyeva lagnesho.aShTamapaH punaH || 5||
lagnAShTamapakarmeshamandAH kendratrikoNayoH |
lAbhe vA saMsthitAstadvad disheyurdIrghamAyuSham || 6||
evaM bahuvidhA vidvannAyuryogAH prakIrtitAH |
eShu yo balavAMstasyA.anusArAdAyurAdishet || 7||
aShTamAdhipatau kendre lagneshe balavarjate |
viMshadvarShANyasau jIved dvAtriMshatparamAyuSham || 8||
randhreshe nIcharAshisthe randhre pApagrahairyute |
lagneshe durbale janturalpAyurbhavati dhruvam || 9||
randhreshe pApasaMyukte randhre pApagrahairyute |
vyaye krUragrahAkrAnte jAtamAtraM mR^itirbhavet || 10||
kendratrikoNagAH pApAH shubhAH ShaShThAShTagA yadi |
lagne nIchastharandhresho jAtaH sadyo mR^ito bhavet || 11||
pa~nchame pApasaMyukte randhreshe pApasaMyute |
randhre pApagrahairyukte svalpamAyuH prajAyate || 12||
randhreshe randhrarAshisthe chandre pApasamanvite |
shubhadR^iShTivihIne cha mAsAnte cha mR^itirbhavet || 13||
lagneshe svochcharAshisthe chandre lAbhasamanvite |
randhrasthAnagate jIve dIrghamAyurna saMshayaH || 14||
lagnesho.atibalI dR^iShTaH kendrasaMsthaiH shubhagrahaiH |
dhanaiH sarvaguNaiH sArdhaM dIrghamAyuH prayachChati || 15||

\section{atha bhAgyabhAvaphalAdhyAyaH || 20||}

atha bhAgyabhAvaM vipra phalaM vakShye tavA.agrataH |
sabalo bhAgyape bhAgye jAto bhAgyayuto bhavet || 1||
bhAgyasthAnagate jIve yadIshe kendrasaMsthite |
lagneshe balasaMyukte bahubhAgyayuto bhavet || 2||
bhAgyeshe balasaMyukte bhAgye bhR^igusamanvite |
lagnAt kendragate jIve pitA bhAgyasamanvitaH || 3||
bhAgyasthAnAd dvitIye vA sukhe bhaumasamanvite |
bhAgyeshe nIcharAshisthe pitA nirdhana eva hi || 4||
bhAgyeshe paramochchasthe bhAgyAMshe jIvasaMyute |
lagnAchchatuShTaye shukre tatpitA dIrghajIvanaH || 5||
bhAgyeshe kendrabhAvasthe guruNA cha nirIkShite |
tat.hpitA vAhanairyukto rAjA vA tatsamo bhavet || 6||
bhAgyeshe karmabhAvasthe karmeshe bhAgyarAshige |
shubhadR^iShTe dhanADh.hyashcha kIrtimAMstatpitA bhavet || 7||
paramochchAMshage sUrye bhAgyeshe lAbhasaMsthite |
dharmiShTho nR^ipavAtsalyaH pitR^ibhakto bhavennaraH || 8||
lagnAttrikoNage sUrye bhAgyeshe saptamasthite |
guruNA sahite dR^iShTe pitR^ibhaktisamanvitaH || 9||
bhAgyeshe dhanabhAvasthe dhaneshe bhAgyarAshige |
dvAtriMshAtparato bhAgyaM vAhanaM kIrtisambhavaH || 10||
lagneshe bhAgyarAshisthe ShaShTheshena samanvite |
anyonyavairaM bruvate janakaH kutsito bhavet || 11||
karmAdhipena sahito vikramesho.api nirbalaH |
bhAgyapo nIchamUDhastho yogo bhikShAshanapradaH || 12||
ShaShThAShTamavyaye bhAnU randhreshe bhAgyasaMyute |
vyayeshe lagnarAshisthe ShaShTheshe pa~nchame sthite || 13||
jAtasya jananAtpUrvaM janakasya mR^itirbhavet |
randhrasthAnagate sUrye randhreshe bhAgyabhAvage || 14||
jAtasya prathamAbde tu piturmaraNamAdishet |
vyayeshe bhAgyarAshisthe nIchAMshe bhAgyanAyake || 15||
tR^itIye ShoDashe varShe janakasya mR^itirbhavet |
lagneshe nAsharAshisthe randhreshe bhAnusaMyute || 16||
dvitIye dvAdashe varShe piturmaraNamAdishet |
bhAgyAdrandhragate rAhau bhAgyAd.hbhAgyagate ravau || 17||
ShoDashe.aShTAdashe varShe janakasya mR^itirbhavet |
rAhuNA sahite sUrye chandrAd.hbhAgyagate shanau || 18||
saptamaikonaviMshAbde tAtasya maraNaM dhruvam |
bhAgyeshe vyayarAshisthe vyayeshe bhAgyarAshige || 19||
vadAbdhimitavarShAchcha piturmaraNamAdishet |
ravyaMshe cha sthite chandre lagneshe randhrasaMyute || 20||
pa~nchatriMshaikachatvAriMshadvarShe maraNaM pituH |
pitR^isthAnAdhipe sUrye mandabhaumasamanvite || 21||
pa~nchAshadvatsare prApte janakasya mR^itirbhavet |
bhAgyAt saptamage sUrye bhrAtR^isaptamagastamaH || 22||
ShaShThe.abde pa~nchaviMshAbde piturmaraNamAdishet |
randhrajAmitrage mande mandAjjAmitrage ravau || 23||
triMshaikaviMshe ShaD.hviMshe janakasya mR^itirbhavet |
bhAgyeshe nIcharAshisthe tadIshe bhAgyarAshige || 24||
ShaD.hviMshe.abde trayastriMshe piturmaraNamAdishet |
evaM jAtasya daivaj~no phalaM j~nAtvA vinirdishet || 25||
paramochchAMshage shukre bhAgyeshena samanvite |
bhrAtR^isthAne shaniyute bahubhAgyAdhipo bhavet || 26||
guruNA saMyute bhAgye tadIshe kendrarAshige |
viMshadvarShAt paraM chaiva bahubhAgyaM vinirdishet || 27||
paramochchAMshage saumye bhAgyeshe bhAgyarAshige |
ShaT.htriMshAchcha paraM chaiva bahubhAgyaM vinirdishet || 28||
lagneshe bhAgyarAshisthe bhAgyeshe lagnasaMyute |
guruNA saMyute dyUne dhanavAhanalAbhakR^it || 29||
bhAgyAd.hbhAgyavato rAhustadIshe nidhanaM gate |
bhAgyeshe nIcharAshisthe bhAgyahIno bhavennaraH || 30||
bhAgyasthAnagate mande shashinA cha samanvite |
lagneshe nIcharAshisthe bhikShAshI cha naro bhavet || 31||
evaM bhAgyaphalaM vipra sa~NkShepAt kathitaM mayA |
lagneshabhAgyabhAveshasthityA.anyadapi nirdishet || 32||

##
Encoded by ajarve at fms30.cca.rockwell.com (Ahto Jarve)
Proofread by Ahto Jarve, Ginda Lass

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}