% Text title            : bRihatpArAsharahorAshAstram.h 41-45
% File name             : par4145.itx
% Category              : jyotisha, sociology\_astrology, bRihatpArAshara
% Location              : doc\_z\_misc\_sociology\_astrology
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve ajarve at fms30.cca.rockwell.com
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bRihatpArAsharahorAshAstram.h 41-45 ..}##
\itxtitle{.. bR^ihatpArAsharahorAshAstram.h 41\-45 ..}##\endtitles ##

\medskip\hrule\medskip
        atha visheShadhanayogA.adhyAyaH || 41||
\smallskip
athA.ataH sampravaxyAmi dhanayogaM visheShataH |
yasmin.h yoge samutpanno nishchito dhanavAn.h bhavet.h || 1||
paNchame bhR^igujaxetre tasmin.h shukreNa saMyute |
lAbhe bhaumena saMyukte bahudravyasya nAyakaH || 2||
paMchame tu budhaxetre tasmin.h budhayuto sati |
chandre bhaume gurau lAbhe bahudravyasya nAyakaH || 3||
paNchame cha ravixetre tasmin.h raviyute sati |
lAbhe shanIndujIvADh.hye bahudravyasya nAyakaH || 4||
paMchame tu shanixetre tasmin.h shaniyute sati |
lAbhe ravIndusaMyukte bahudravyasya nAyakaH || 5||
paMchame tu guruxetre tasmin.h guruyute sati |
lAbhe chandrasute jAto bahudravyasya nAyakaH || 6||
paMchame tu kujaxetre tasmin.h kujayute sati |
lAbhasthe bhR^iguputre tu bahudravyasya nAyakaH || 7||
paMchame tu shashixetre tasmin.h shashiyute sati |
shanau lAbhasthite jAto bahudravyasya nAyakaH || 8||
bhAnuxetragate lagne tasmin.h bhAnuyute punaH |
bhaumena guruNA yukte dR^iShTe jAto yuto dhanaiH || 9||
chandraxetragate lagne tasmin.h chandrayute sati |
budhena guruNA yukte dR^iShTe jAto dhanI bhavet.h || 10||
bhaumaxetre gate lagne tasmin.h bhaumena saMyute |
saumyashukrArkajairyukte dR^iShTe shrImAnnaro bhavet.h || 11||
budhaxetragate lagne tasmin.h budhayute sati |
shanijIvayute dR^iShTe jAto dhanayuto bhavet.h || 12||
guruxetragate lagne tasmin.h guruyute sati |
budhabhaumayute dR^iShTe jAyate dhanavAnnaraH || 13||
bhR^iguxetragate lagne tasmin.h bhR^iguyute sati |
shanisaumyayute dR^iShTe yo jAtaH sa dhanI bhavet.h || 14||
shanixetragate lagne tasmin.h shaniyute sati |
bhaumena guruNA yukte dR^iShTe jAto dhanairyutaH || 15||
dhanadau dharmadhInAthau ye vA tAbhyAM yutA grahAH |
te.api svasvadashAkAle dhanadA nA.atra saMshayaH || 16||
grahANAmuktayogeShu krUrasaumyavibhAgataH |
balAbalavivekena phalamUhyaM vichaxaNaiH || 17||
kendreshaH pArijAtasthastadA dAtA bhavennaraH |
uttame hyuttamo dAtA gopure puruShatvayuk.h || 18||
siMhAsane bhavenmAnyaH shUraH pArAvatAMshake |
sabhAdhyaxo devaloke brahmaloke munirmata |
airAvatAMshake tR^iShTo dig.hyogo naiva jAyate || 19||
pArijAte sutAdhIshe vidyA chaiva kulochitA |
uttame chottamA j~neyA gopure bhuvanAMkitA || 20||
siMhAsane tathA vAchyA sAchivyena samanvitA |
pArAvate cha vij~neyA brahmavidyA dvijottama || 21||
suteshe devalokasthe karmayogashcha jAyate |
upAsanA brahmaloke bhaktistvarAvatAMshake || 22||
dharmeshe pArijAtasthe tIrthakR^ittvatra janmani |
pUrvajanmanyapi j~neyastIrthakR^ichchottamAMshake || 23||
gaupure makhakartA cha pare chaivA.atra janmani |
siMhAsane bhavedvIraH satyavAdI jitendriyaH || 24||
sarvadharmAn.h parityajya brahmaikapadamAshritaH |
pAravate cha paramo haMashchaivAtra janmani || 25||
laguDI vA tridaNDI syAddevaloke na saMshayaH |
brahmaloke shakratadaM yAti kR^itvA.ashvamedhakam.h || 26||
airAvate tu dharmAtmA svayaM dharmo bhaviShyati |
shrIrAmaH kuntiputrAdyo yathA jAto dvijottama || 27||
viShNusthAnaM cha kendraM syAllaxmIsthAnaM trikoNakam.h |
tadIshayoshcha sambandhAdrAjayogaH puroditaH || 28||
pArijAte sthitau tau chen.hnR^ipo lokAnuraxakaH |
uttame chottamo bhUpo gajavAjirathAdimAn.h || 29||
gopure nR^ipashArdUlaH pUjitAMdhrirnR^ipairbhavet.h |
siMhAsane chakravartI sarvabhUmiprapAlakaH || 30||
asmin.h yoge harishchandro manushchaivottamastathA |
balirvaishvAnaro jAtastathAnye chakravartinaH || 31||
vartamAnayuge jAtastathA rAjA yudhiShThiraH |
bhavitA shAlivAhAdyastathaiva dvijasattama || 32||
pArAvatAMshake.apyevaM jAtA manvAdayastathA |
viShNoH sarve.avatArAshcha jAyante devalokake || 33||
brahmalokake tu brahmAdyA jAyante vishvapAlakAH |
airAvatAMshake jAtaH pUrva svAyaMbhuvo manuH || 34||
\medskip\hrule\medskip
            atha dAridryayogAdhyAyaH || 42||
\smallskip
bahavo dhanadA yogA shrutAstvatto mayA mune |
daridrajanmadAn.h yogAn.h kR^ipayA kathaya prabho || 1||
lagneshe cha vyayasthAne vyayeshe lagnamAgate |
mArakeshayute dR^iShTe nirdhano jAyate naraH || 2||
lagneshe ShaShThabhAvasthe ShaShTheshe lagnamAgate |
mArakeshena yug.hdR^iShTe dhanahInaH prajAyate || 3||
lagnendU ketusaMyuktau lagnape nidhanaM gate |
mArakeshayute dR^iShTe jAto vai nirdhano bhavet.h || 4||
ShaShThAShTamavyayagate lagnape pApasaMyute |
dhaneshe ripubhe nIche rAjavaMshyo.api nirdhanaH || 5||
trikeshena samAyukte pApadR^iShTe vilagnape |
shaniyukte.adhavA saumyairadR^iShTe nirdhano naraH || 6||
mantresho dharmanAthashcha kramAt.h ShaShThavyayasthitau |
dR^iShTau chenmArakeshena nirdhano jAyate naraH || 7||
pApagrahe lagnagate rAjyadharmAdhipau vinA |
mArakeshayute dR^iShTe jAtaH syannirdhano bhavet.h || 8||
trikeshA yatra bhAvasthA tad.hbhAveshAstrikasthitAH |
pApadR^iShTayuta bAlo duHkhAkrAntashcha nirdhanaH || 9||
chandrAkrAntanavaMshesho mArakeshayuto yadi |
mArakasthAnago vA.api jAto.atra nirdhano naraH || 10||
lagneshalagnabhAgeshau rishpharandhrArigau yadi |
mArakeshayutau dR^iShTau jAto.asau nirdhano naraH || 11||
shubhasthAnagatAH pApAH pApasthAnagatAH shubhAH |
nirdhano jAyate bAlo bhojanena prapIDitaH || 12||
koNeshadR^iShTihInA ye trikeshaiH saMyutA grahAH |
te sarve svadashAkAle dhanahAnikarAH smR^itAH || 13||
kArakAd.h vA vilagnAd.h vA randhreriShphe dvijottama |
kArakA~NgapayodR^iShTyA dhanahInaH prajAyate || 14||
kArakesho vyayaM svasmAt.h lagnesho lagnato vyayam.h |
vIxate chet.h tadA bAlo vyayashIlo bhaved.hdhruvam.h || 15||
atha dAridryayogAMst.h kathayAmi sabha~NgakAn.h |
dhanasaMsthau tu bhaumArkI kathitau dhananAshakau || 16||
budhexitau mahAvittaM kuruto nAtra saMshayaH |
niHsvatAM kurute tatra ravirnityaM yamexitaH || 17||
mahAdhanayutaM khyAtaM shanyadR^iShTaH karotyasau |
shanishchApi raverdR^iShTyA phalamevaM prayachChati || 18||
\medskip\hrule\medskip
            athAyurdAyAdhyAyaH || 43||
\smallskip
dhanAdhnAkhyayogau cha kathitau bhavatA mune |
narANAmAyuSho j~nAnaM kathayasva mahAmate || 1||
sAdhu pR^iShTaM tvayA vipra janAnAM cha hitechChayA |
kathayAmyAyuSho j~nAnaM durj~neyaM yat.h surairapi || 2||
Ayurj~nAnavibhedAstu bahubhirbahudhoditAH |
teShAM sArAMshamAdAya prvadAmi tavA.agrataH || 3||
svochchanIchAdisaMsthityA grahA AyuHpradAyakAH |
svasvavIryavashairnaivaM naxatrAN cha rAshayaH || 4||
piNDAyuH prathamaM tatra grahasthitivashAdaham.h |
kathayAmi dvijashreShTha shraNuShvekAgramAnasaH || 5||
kramAt.h sUryAdikheTeShu svasvochchasthAnageShviha |
nandendavastachvamitAstithayo.arkAH sharendavaH || 6||
prakR^iyato viMshatishchAbdA AyuHpiNDAH prakIrtitAH |
nIchageShvetadardha~ncha j~neyaM madhye.anupAtataH || 7||
svachchashuddhau grahaH shodhyaH ShaD.hbhAdUno bhamaNDlAt.h |
svapiNDaguNito bhakto bhAdimAnena vatsarAH || 8||
astagastu haretsvArdha vinA shukrashanaishcharau |
vakrachAraM vinA tryAMshAM shaj~nurAshau hared.h grahaH || 9||
sarvArdhatrichatuHpa~nchaShaShThabhAgaM kramAd.h grahaH |
vyayAdvAmaM sthitaH pApo haret.h saumyashcha taddalam.h || 10||
ekabhe tu bahuShveko haretsvAMshAM balI grahaH |
nA.atra xINasya chandrasya pApatvaM munibhiH smR^itam.h || 11||
lagnAMshaliptikA hatvA pratyekaM vihagAyuShA |
bhAjyA maNDalaliptAbhirlabdhaM varShAdi shodhayet.h || 12||
svAyuSho lagnage sUrye ma~Ngale cha shanaishchare |
tadardhaM shubhasaMdR^iShTe pAtayed.h dvijasattama || 13||
lagnarAshisamAshchAbdA bhAgAdyairanupAtataH |
mAsAdikA itIchChanti lagnAyuH ke.api kovidAH || 14||
lagnAdAyoM.ashatulyaH syAdantare chA.anupAtataH |
tatpatau balasaMyukte rAshitulyaM cha bhAghipe || 15||
atha vipra nisargAyuH kheTAnAM kathayAmyaham.h |
chandrAraj~nasitejyArkashanInAM kramashobdakA || 16||
ekadvayaMkanakhA dhR^ityaH kR^itiH paMchAshadeva hi |
janmakAlAt.h kramAj.h j~neyA dashAshchaitA nisargajAH || 17||
athAM.hshAyu salagnAnAM kheTAnAM kathayAmyaham.h |
navAMshrAshitulyAni kheTo varShANi yachChati || 18||
bhAdiM khagaM khagaiH sUryairhatvA tad.hbhagaNAdikam.h |
kR^itvA.arkrasheShitaM j~neyamabdAdyaMshAyuShaH sphuTam.h || 19||
piNDAyuriva tatrApi hAniM kuryAd.h vichaxaNaH |
atrA.aparo visheSho.api kai~nchid.h vij~nairudAhR^itaH || 20||
sAdhitAyuH khage svochche svarxe vA triguNaM smR^itam.h |
dviguNaM svanavAMshasthe svadreShkANe tathottame || 21||
ubhayatra gate kheTe kAryaM triguNameva hi |
hAnidvaye.ardhahAniH syAdityAyuH prasphuTaM nR^iNAm.h || 22||
evaM saMsAdhya chAnyeShAM hanyAt.h svasvaparAyuShA |
nR^iNAM parAyuShA bhaktvA teShAmAyuH sphuTaM bhavet.h || 23||
athAyuH paramaM vaxye nAnAjAtisamud.hbhavam.h |
anantasaMkhyaM devAnAmR^iShINAM cha dvijottama || 24||
gR^idhrolUk.hshukadhvAMxasarpANAM cha sahasrakam.h |
shyenavAnarabhallukamaNDUkAnAM shatatrayam.h || 25||
paMchashaduttarashataM rAxasAnAM prakIrtitam.h |
nagaNAM ku~njarANAM cha viMshottarashataM tathA || 26||
dvAtriMshad.h ghoTakAnA~ncha paMchaviMshat.h kharoShTrayoH |
vR^iShANAM mahiShANAM cha chaturviMshativatsaram.h || 27||
viMshatyAyurmayUrANAM ChAgAdInAM cha ShoDasha |
haMsAnAM paMchanava cha pikAnAM dvAdashAbdakAH || 28||
shunAM pArAvatAnAM cha kukkuTAnAM dvAdashAbdakAH |
bud.hbudAdyaNDajAnAM cha parAyuH saptavatsarAH || 29||
yadetadadhunA proktaM tridhAyudvijasattama |
teShu ki~ncha kadA grAhyamiti te kathayAmyaham.h || 30||
vilagnape balopete shubhadR^iShTeMshshasambhavabh.h |
ravau piMDod.hbhavaM grAhyaM chandre naisargikaM tathA || 31||
balasAmye dvayoryogadalamAyuH prakIrtitam.h |
trayANAM triyutestryaMshasamaM j~neyaM dvijottama || 32||
athA.anyadapi vaxyAmi shrriNu tvaM dvijasattama |
kaishchillagnAShTameshAbhyAM mandendubhyAM tathaiva cha || 33||
lagnahorAvilagnAbhyAM sphuTamAyuH prakIrtitam.h |
Adau lagnAShTameshAbhyAM yogamekaM vichintayet.h || 34||
dvitIyaM mandachandrAbhyAM yogaM pashyed.h dvijottama |
lagnahorAvilagnAbhyAM tR^itIyaM parichintayet.h || 35||
chararAshau sthitau dvau chit.h tadA dIrghamudAhR^itam.h |
ekaH sthire.aparo dvandve dIrghamAyustathApi hi || 36||
ekashchare sthire.anyashchet.h tadAmadhyamudAhR^itam.h |
dvau vA dvandve sthitau vipra madhyamAyustathApi cha || 37||
ekashchare.aparo dvandve dvau vA sthiragatau tadA |
jAtakasya tadA.alpAyurj~neyamevaM dvijottama || 38||
yogatrayeNa yogAbhyAM siddhaM yad.h grAhyameva tat.h |
yogatrayavisaMvAde lagnahorAvilagnataH || 39||
lagne vA saptame chandre grAhyaM mandendutastadA |
hrAso vR^iddhishcha kaxyAyA vichintyA sarvadA budhaiH || 40||
dIrghe yogatrayeNaivaM nakhachandrasamAbdakAH |
yogadvayena vasvAshA yogaikena rasAMkakAH || 41||
madhye yogatrayeNaivaM khAShTatulyAbdakAH smR^itAH |
dvyagA yogadvayenA.atrayogaikenAbdhiShaNmitAH || 42||
alpe yogatrayeNA.atradvAtriMshanmitavatsarAH |
yogadvayena ShaT.htriMshAt.h yogaikena cha khAbdhayaH || 43||
evaM dIrghasamAlpeShu khAbdhayo rasavahnayaH |
khaNDA dantamitAstebhyaH sphuTamAyuH prasAdhayet.h || 44||
pUrNa rAshyAdige chAnte hAnirmadhye.anupAtataH |
yogakArakakheTAMshayogastatsaMkhyayA hR^itaH || 45||
labdhAMshAstu yathAprAptakhaNDaghnAstriMshatod.hdhR^itAH |
labdhavarShAdibhirhInaM prAptAyuH prasphuTaM bhavet.h || 46||
yogahetau shanau kaxyAhrAso.anyairvR^iddhiruchyate |
na svarxatu~Ngage no vA pApamAtrayutexite || 47||
lagnasaptamage jIve shubhamAtrayutexite |
kathitasyAyuSho vipra kaxyAvR^iddhiH prajAyate || 48||
anAyushched.h bhavedalpamalpAnmadhyaM prajAyate |
madhyamAjjAyate dIrghaM dIrghAyushchettato.adhikam.h || 49||
yogahetau guravevaM kaxyAvR^iddheshcha laxaNam.h |
etasmAd.h vaiparItyena kaxyAhrAsaH shanau bhavet.h || 50||
AyuSho bahudhA bhedAH kathitA bhavatA.adhunA |
katidhA sA kadA.anAyuramitAyuH kadA bhavet.h || 51||
bAlAriShTaM yogAriShTamalpaM madhya~ncha dIrghakam.h |
divyaM chaivA.amitaM chaivaM saptadhAyuH prakIrtitam.h || 52||
bAlAriShTe samA aShTau yogAriShTe cha viMshatiH |
dvAtriMshad.h vatrarA alpe chatuShShaShTistu madhyame || 53||
viMshAdhikashtaM dIrghe divye varShasahasrakam.h |
tadUrdhvamamitaM puNyairamitairApyate janaiH || 54||
chandrejyau cha kulIrAMge jn!asiatu kendrasaMsthitau |
anye tryAyArigAH kheTA amitAyustadA bhavet.h || 55||
saumyAH kendratrikoNasthAH pApAstryAyArigAstathA |
shubharAshau sthite randhre divyamAyustadA bhavet.h || 56||
gopurAMshe gurau kendre shukre pArAvatAMshake |
trikoNe karkaTe lagne yugAntAyustadA dvija || 57||
devalokAMshake mande kuje pArAvatAMshake |
gurau siMhAsanAMshe.a~Nge jAto munisamo bhavet.h || 58||
suyogairvardhyate hyAyuH kuyogairhIyate tathA |
ato yogAnahaM vaxye pUrNamadhyAlpakArakAn.h || 59||
kendre shubhagrahairyukte lagneshe cha shubhAnvite |
sandR^iShTe guruNA vA.api pUrNamAyuyustadA bhavet.h || 60||
kendrasthite vilagneshe gurushukrasamanvite |
tAbhyAM nirIxite vA.api pUrNamAyurvinirdishet.h || 61||
uchchasthitaistribhiH kheTairlagnarandhrashasaMyutaiH |
aShTame pApahIne cha pUrNamAyurvinirdishet.h || 62||
aShTamasthaistribhi kheTaiH svochchamitrasvavargagaiH |
lagneshe balasaMyukte dIrghamAyustadA bhavet.h || 63||
svabhochchasthena kenApi nabhaugena samanvitaH |
aShTameshaH shanirvApi dIrghamAyurvinirdishet.h || 64||
triShaDAyagataiH pApaiH shubhaiH kendratrikoNagaiH |
lagneshe balasaMyukte dIrghamAyurvinirdishet.h || 65||
ShaT.hsaptarandhrabhaveShu shubhakheTayuteShu cha |
tribhaveShu cha pApeShu pUrNamAyurvinirdishet.h || 66||
shatruvyayagatAH pApA lagnesho yadi kendragaH |
ravimitraM cha randhreshaH pUrNamAyustathApi hi || 67||
AyuH sthAnasthitAH pApAH karmeshaH svochchago yadA |
tathApi dIrghamAyu syAt.h vij~neyaM dvijasattama || 68||
dvisvabhAvagR^ihe lagne lagneshe kendrasaMsthite |
svochcharAshitrikoNe vA dIrghamAyurvinirdishet.h || 69||
dvisvabhAvagR^ihe lagne lagneshAd.h balasaMyutAt.h |
dvau pApau yadi kendrasthau dIrghamAyustadA bhavet.h || 70||
lagnAShTameshayormadhye yaH kheTaH prabalo bhavet.h |
tasmin.h kendragate dIrgha madhyaM paNapharasthite || 71||
Apoklime sthite svalpamAyurbhavati nishchitam.h |
lagneshe cha ravermitre dIrghaMmAyuH same samam.h || 72||
shatrau svalpaM vadeditthamaShTameshAdapi smR^itam.h |
mitramadhyA.aribhAvasthe tasminnevaM phalaM vadet.h || 73||
sahajAdhIshabhUputrau dvau randhreshashanaishcharau |
astau vA pApadR^ig.hyuktau svalpamAyuH prayachChataH || 74||
ShaShThe.aShTame vyaye vA.api lagneshe pApasaMyute |
sva pAyuranapatyo vA shubhadR^ig.hyogavarjite || 75||
chatuShTyagate pApe shubhadR^iShTivivarjite |
balahIne viglaneshe svalpamAyurvinirdishet.h || 76||
vyayArthau pApasaMyuktau shubhadR^ig.hyogavarjitau |
svalpamAyustadA j~neyaM nirvishaMkaM dvijottama || 77||
lagnarandhreshayorevaM duHsthayorbalahInayoH |
svalpamAyurbudhairj~neyaM mishrayogAchcha madhyamam.h || 78||
\medskip\hrule\medskip
            atha mArakabhedAdhyAyaH || 44||
\smallskip
bahudhA.a.ayurbhavA yogAH kathitA bhavatA.adhunA |
nR^iNAM mArakabhedAshcha kathyantAM kR^ipayA mune || 1||
tR^itIyamaShTamasthAnamAyuHsthAnAM dvayaM dvija |
mArakaM tad.hvyayasthAnaM dvitIyaM saptamaM tathA || 2||
tatrApi saptamasthAnAd.h dvitIyaM balavattaram.h |
tayorIshau tatra gatAH pApinastena saMyutAH || 3||
ye kheTAH pApinaste cha sarve mArakasaMj~nakAH |
teShAM dashAvipAkeShu sambhave nidhanaM nR^iNAm.h || 4||
alpamadhyamapUrNAyuH pramANamiha yogajam.h |
vij~nAya prathamaM puMsAM mArakaM parichintayet.h || 5||
alAbhe punareteShAM sambandhena vyayeshituH |
kvachichChubhAnAM cha dashasvaShTameshadashAsu cha || 6||
kevalAnAM cha pApAnAM dashAsu nidhanaM kvachit.h |
alpanIyaM budhairnR^iNAM mArakANAmadarshane || 7||
satyapi svena sambandhe na hanti shubhabhuktiShu |
hanti satyapyasambandhe mArakaH pApabhuktiShu || 8||
mArakagrahasambandhAnnihantA pApakR^ichChaniH |
atikramyetarAn.h sarvAn.h bhavatyatra na saMshayaH || 9||
athA.anyadapi vaxyAmi dvija mArakalaxaNam |
trividhAshchAyuSho yogAH svalpAyurmadhyamottamAH || 10||
dvAviMshAt.h pUrvamalpAyurmadhyamAyustataH param.h |
chatuShShaShTyAH purastAt.h tu tato dIrghamudAhR^itam.h || 11||
uttamAyuH shatAdUrdhvaM j~nAtavyaM dvijasattama |
janairviMshativarShAntyamAyurj~nAtaM na shakyate || 12||
japahomachikitsAdyairbAlaraxAM hi kArayet.h |
mriyante pitR^idoShaishcha kechinmAtR^igrahairapi || 13||
kechit.h svAriShTyogAchcha trividhA bAlamR^ityavaH |
tataH paraM nR^iNAmAyurgaNayed.h dvijasattama || 14||
athA.anyadapi vaxyAmi nR^iNAM mArakalaxaNam.h |
alpAyuryogajAtasya vip.hbhe cha mR^itirbhavet.h || 15||
madhyAyuryogajasyaivaM pratyarau cha mR^itirbhavet.h |
dIrghAyuryogajAtasya vadhabhe tu mR^itirbhavet.h || 16||
dvAviMshatryaMshapashchaiva tathA vainAshikAdhipaH |
vipattArApratyarIshA vadhabheshaMstathaiva cha || 17||
AdyAntapau cha vij~neyau chandrAkrAntagR^ihAd.h dvija |
mArakau pApakheTau tau shubhau chedrogadau smR^itau || 18||
ShaShThAdhipadashAyAM cha nR^iNAM nidhanasambhavaH |
ShaShThAShTariShphanAthAnAmapahAre mR^itirbhavet.h || 19||
mArakA bahavaH kheTA yadi vIryasamanvitAH |
tattaddashAntare vipra rogakaShTAdisaMbhavaH || 20||
uktA ye mArakAsteShu prabalo mukhyamArakaH |
tadavasthAnusAreNa mR^itiM vA kaShTamAdishet.h || 21||
rahushchedathavA keturlagne kAme.aShTame vyaye |
mArakeshAnmade vA.api mArakeshena saMyutaH || 22||
mArakaH sa cha vij~neyaH svadashAntardashAsvapi |
makare vR^ishchike janma rAhustasya mR^itipradaH || 23||
ShaShThA.aShTariShphago rAhustaddaye kaShTado bhavet.h |
shubhagrahayuto dR^iShTo na tadA kaShTakR^inmataH || 24||
lagnAt.h tR^itIyabhAve tu balinA raviNA yute |
rAjahetushcha maraNaM tasya j~neyaM dvijottama || 25||
tritIye chendunA yukte dR^iShTe vA yaxmaNA mR^itiH |
kujena vraNashastrAgnidAhAdyairmaraNaM bhavet.h || 26||
tR^itIye shanirAhubhyAM yukte dR^iShTe.api vA dvija |
viShArtito mR^itirvAchyA jalAdvA vahnipIDanAt.h || 27||
gartAduchchAt.h prapatanAd.h bandhanAd.h vA mR^itirbhavet.h |
tR^itIye chandramAndibhyAM yukte vA vIxite dvija || 28||
kR^imikuShThAdinA tasya maraNaM bhavati dhruvam.h |
tR^itIye budhasaMyukte vIxite vApi tena cha || 29||
jvareNa maraNaM tasya vij~neyaM dvijasattama |
tR^itIye guruNA yukte dR^iShTe shophAdinA mR^itiH || 30||
tR^itIye bhR^iguyug.hdR^iShTe meharogeNa tanmR^itiH |
bahukheTayute tasmin.h bahurogabhavA mR^itiH || 31||
tR^itIye cha shubhairyukte shubhadeshe mR^itirbhavet.h |
pApaishcha kIkaTe deshe mishrairmishrasthale mR^itiH || 32||
tR^itIye gurushukrAbhyAM yukte j~nAnana vai mR^itiH |
aj~nAnenA.anyakheTaishcha mR^itirj~neyA dvijottama || 33||
chararAshau tR^itIyasthe paradeshe mR^itirbhavet.h |
sthirarAshau svagehe cha dvisvabhAve pathi dvija || 34||
lagnAdaShTamabhAvAchcha nimittaM kathitaM budhaiH |
sUrye.aShTame.agnito mR^ityushchandre mR^ityurjalena cha || 35||
shAstrAd.h bhaume jvarAj.h j~ne cha gurau rogAt.h xudhA bhR^igau |
pipAsayA shanau mR^ityurvij~neyo dvijasattama || 36||
aShTame shubhadR^ig.hyukte dharmape cha shubhairyute |
tIrthe mR^itistadA j~neyA pApAkhyairanyathA mR^itiH || 37||
agnyambumishratryaMshairj~neyo mR^ityurgR^ihAshritaiH |
pariNAmaH shavasyA.atra bhasmasaMkledashoShakaiH || 38||
vyAlavargadR^ikANaistu viDambo bhavati dhruvam.h |
shavasya shvashR^igAlAdyairgR^idhrakAkAdipaxibhiH || 39||
karkaTe madhyamo.antyashcha vR^ishchikAdyadvitIyakau |
mIne.antimastribhAgashcha vyAlavargAH prakIrtitAH || 40||
ravishchandrabalAkrAntatryaMshanAthe gurau janaH |
devalokAt.h samAyAto vij~neyo dvijasattama || 41||
shukrendvoH pitR^ilokAttu martyAchcha ravibhaumayoH |
budhA.a.arkyornarakAdevaM janmakAlAd.h vadet.h sudhiH || 42||
gurushchandrasitau sUryabhaumau j~nArkI yathAkramam.h |
devendubhUmyadholokAn.h nayantyastArirandhragAH || 43||
atha tatra grahabhAve randhrAritryaMshanAthayoH |
yo balI sa nijaM lokaM nayatyante dvijottama || 44||
tasya svochchAdi saMsthityA varamadhyA.adhamAH kramAt.h |
tattalloke.api sa~njAtA vij~neyA dvijasattama || 45||
anyAn.h mArakabhedAMshcha rAshigrahakR^itAn.h dvija |
dashAdhyAyaprasaMgeShu kathayiShyAmi suvrata || 46||
\medskip\hrule\medskip
          atha grahAvasthAdhyAyaH || 45||
\smallskip
avasthAvashataH proktaM grahANAM yat.h phalaM mune |
kA sA.avasthA munishreShTha katidhA cheti kathyayAm.h || 1||
avasthA vividhAH santi grahANAM divajasattama |
sArabhUtAshcha yAstAsu bAlAdyAstA vadAmyaham.h || 2||
kramAd.h bAlaH kumAro.atha yuvA vR^iddhastathA mR^itaH |
ShaDaMshairasame kheTaH same j~neyo viparyayAt.h || 3||
phalaM pAdamitaM bAle phalArdhaM cha kumArake |
yUni pUrNaM phalaM j~neyaM vR^iddhe ki~nchit.h mR^ite cha kham.h || 4||
svabhochchayoH samasuhR^id.hbhayoH shatrubhanIchayoH |
jAgratsvapnasuShuptyAkhyA avasthA nAmadR^ik.hphalAH || 5||
jAgare cha phalaM pUrNaM svapne madhyaphalaM tathA |
suShuptau tu phalaM shUnyaM vij~neyaM dvijasattama || 6||
dIptaH svasthaH pramuditaH shAnto dIno.atha duHkhitaH |
vikalashcha khalaH ko.apItyavasthA navadhA.aparAH || 7||
svochchasthaH khecharo dIptaH svarxe svastho.adhimitrabhe |
mudito mitrabhe shAntaH samabhe dIna uchyate || 8||
shatrubhe duHkhitaH prokto vikalaH pApasaMyutaH |
khalaH khalagR^ihe j~neyaH kopI syAdarkasaMyutaH || 9||
yAdR^isho janmakAle yaH kheTo yad.hbhAvago bhavet.h |
tAdR^ishaM tasya bhAvasya phalamuhyaM dvijottama || 10||
lajjito garvitashchaiva xudhitastR^iShitastathA |
muditaH xobhitashchaiva grahabhAvAH prakIrtitAH || 11||
putragehagataH kheTo rAhuketuyuto.athavA |
ravimandakujairyukto lajjito graha uchyate || 12||
tu~NgasthAnagato vA.api trikoNe.api bhavetpunaH |
garvitaH so.api gadito nirvishaMkaM dvijottama || 13||
shatrugehI shatruyukto ripudR^iShTo bhavedyadi |
xudhitaH sa cha vij~neyaH shaniyukto yathA tathA || 14||
jalarAshau sthitaH kheTaH shatruNA chA.avalokitaH |
shubhagrahA na pashyanti tR^iShitaH sa udAhR^itaH || 15||
mitragehI mitrayukto mitreNa cha vilokitaH |
guruNA sahito yashcha muditaH sa prakIrtitaH || 16||
raviNA sahito yashcha pApA pashyanti sarvathA |
xobhitaM taM vijAnIyAchChatruNA yadi vIxitaH || 17||
yeShu yeShu cha bhAveShu grahAstiShThanti sarvathA |
xudhitaH xobhito vApi tad.hbhAvaphalanAshanaH || 18||
evaM krameNa boddhavyaM sarvabhAveShu paNDitaiH |
balA.abalavichAreNa vaktavyaH phalanirNayaH || 19||
anyonyaM cha mudA yuktaM phalaM mishraM vadetpunaH |
balahIne tadA hAniH sabale cha mahAphalam.h || 20||
karmasthAne sthito yasya lajjitastR^iShitastathA |
xudhitaH xobhito vApi sa naro duHkhabhAjanam.h || 21||
sutasthAne bhavedyasya lajjito graha eva cha |
sutanAsho bhavettasya ekastiShThati sarvadA || 22||
xobhitastR^iShitashchaiva saptame yasya vA bhavet.h |
mriyate tasya nArI cha satyamAhurdvijottama || 23||
navAlayArAmasukhaM nR^ipatvaM kalApaTutvaM vidadhAti puMsAm.h |
sadArthalAbhaM vyavahAravR^iddhiM phalaM visheShAdiha garvitasya || 24||
bhavati muditayoge vAsashAlAvishAlA |
vimalavasanabhUShAbhUmiyoShAsu saukhyam.h |
svajanajanavilAso bhUmipAgAravAso |
ripunivahavinAsho buddhividyAvikAshaH || 25||
dishati lajjitabhAvavashAdratiM vigatarAmamatiM vimatixayam.h |
sutagadAgamanaM gamanaM vR^ithA kalikathAbhiruchiM na ruchiM shubhe || 26||
saMxobhitasyApi phalaM visheShAddridrajAtaM kumatiM cha kaShTam.h |
karoti vittaxayamaMdhribAdhAM dhanAptibAdhAmavanIshakopAt.h || 27||
xudhitakhagavashAdvai shokamohAdipAtaH |
parijanaparitApAdAdhibhItyA kR^ishatvam.h |
kalirapi ripulokairarthabAdhA narANA |
makhilabbalanirodho buddhirodho viShAdAt.h || 28||
tR^iShitakhagabhave svAdaMganAsaMgamadhye |
bhavati gadavikAro dR^iShTakAryAdhikAraH |
nijajanaparivAdAdarthahAniH kR^ishatvam |
khalakR^itaparitApo mAnahAniH sadaiva || 29||
shayanaM chopaveshaM cha netrapANiprakAshanam.h |
gamanAgamanaM chA.atha sabhAyAM vasatiM tathA || 30||
AgamaM bhojanaM chaiva nR^ityaM lipsAM cha kautukam.h |
nidrAM grahANAM cheShTAM cha kathayAmi tavAgritaH || 31||
yasminnR^ixe bhavetkheTastena taM paripUrayet.h |
punaraMshena sampUrya svanaxatraM niyojayet.h || 32||
yAtadaNDaM tathA lagnamekIkR^itya sadA budhaH |
ravibhistu hared.h bhAgaM sheShaM kArye niyojayet.h || 33||
nAxatrikadashArItyA punaH pUraNamAcharet.h |
nAmAdyasvarasaMkhyADh.hyaM hartavyaM ravibhistataH || 34||
ravau pa~ncha tathA deyAshchandre dadyAd.hdvayaM tathA |
kuje dvayaM cha saMyktaM budhe trItri niyojayet.h || 35||
gurau bANAH pradeyAshcha trayaM dadyAchcha bhArgave |
shanau trayamatho deyaM rAhau dadyAchchatuShTayam.h || 36||
tribhirbhaktaM cha sheShAMkaiH sA punastribidhA smR^itA |
daShTishcheShTA vicheShTA cha tatphalaM tathayAmyaham.h || 37||
dR^iShTau madhyaphalaM j~neyaM cheShTAyAM vipulaM phalam.h |
vicheShTAyAM phalaM svalpamevaM dR^iShTiphalaM viduH || 38||
shubhA.ashubhaM grahANAM cha samIxyA.atha balA.abalam.h |
tu~NgasthAne visheSheNa balaM j~neyaM tathA budhaiH || 39||
mandAgnirogo bahudhA narANAM sthUlatvaman~N.h ghrerapipittakopaH |
vraNaM gude shUlamuraHpradeshe yadoShNabhAnuH shayanaM prayAtaH || 40||
daridratAbhAravihArAshAlI vivAdavidyAbhirato naraH syAt.h |
kathorachittaH khalu naShTavittaH sUryo yadA chedupaveshanasthaH || 41||
naraH sadAnandadharo vivekI paropakArI balavittayuktaH |
mahAmukhI rAjakR^ipAbhimAnI divAdhinAtho yadi netrapAnau || 42||
udArachittaH paripUrNavittaH sabhAsu vaktA bahupuNyakarttA |
mahAbalI sundarararUpashAlI prakAshane janmani padimanIshe || 43||
pravAsashAlI kila duHkhamAlI sadAlasI dhIdhanavarjitashcha |
bhayAturaH kopaparo visheShAddivAdhinAthe gamane manuShyaH || 44||
paradArarato janatArahito bahudhAgamane gamanAbhiruchiH |
khalatAkushalo malino divasAdhipatau manujaH kumatiH kR^ipaNaH || 45||
sabhAgate hite naraH paropakAratatparaH |
sadArtharatnapUrito divAkare guNAkaraH |
vasundharAnavAMbarAlayAnvito mahAbalI |
vichitramitravatsalaH kR^ipAkalAdharaH paraH || 46||
xobhito ripugaNaiH sadA narashcha~nchalaH khalamatiH kR^ishastathA |
dharmakarmarahito madoddhatashchAgame dinapatau tadA tadA || 47||
sadA~NgasandhivedanAparA~NganAdhanaxayo |
balaxayaH pade pade yadA yadA hi bhojane |
asatyatA shirovyathA tathA vR^ithAnnabhojanam |
ravAvasattathAratiH kumArgagAminI mati || 48||
vij~nalokaiH sdA maNDitaH paNDitaH kAvyavidyAnavadyapralApAnvitaH |
rAjapUjyo dharAmaNDale sarvadA nR^ityalipsAgate pad.hminInAyake || 49||
sarvadAnandadhartA jano j~nAnavAn.h yaj~nakartA dharAdhIshasad.hmasthitaH |
padmabandhAvarAterbhayaM svAnanaH kAvyavidyApralApI mudA kautuke || 50||
nidrAbharAraktanibhe bhavetAM nidrAgate lochanapadmayugme |
ravau videshe vasatirjanasya kalatrahAniH kAtidhArthanAshaH || 51||
jAnuHkAle xapAnAthe shayanaM chedupAgate |
mAnI shItapradhAnashcha kAmI vittavinAshakaH || 52||
rogArdito mandamatirvisheShAdvittena hIno manujaH kaThoraH |
akAryakArI paravittahArI xapAkare chedupaveshanasthe || 53||
netrapANau xapAnAthe mahArogI naro bhavet.h |
analpajalpako dhUrtaH kukarmanirataH sadA || 54||
yadA rAkAnAthe gatavati vikAshaM cha janane |
vikAshaH saMsAre vimalaguNarAsheravanipAt.h |
navAshAmAlA syAtkarituragalaxmyA parivR^itA |
vibhUShA yoShAbhiH sukhamanudinaM tIrthagamanam.h || 55||
sitetare pAparato nishAkare  visheShataH krUrakaro naro bhavet.h |
sadAxirogaiH paripIDyamAno valaxapaxe gamane bhayAturaH || 56||
vidhAvAgamage mAnI pAdarogI naro bhavet.h |
guptapAparato dIno matitoShavivarjitaH || 57||
sakalajanavadAnyo rAjarAjendramAnyo |
ratipatisamAkAntiH shAntikR^itkAminInAm.h |
sapadi sadasi yAte chArubimbe shashaMke |
bhavati paramarItiprItivij~no guNaj~naH || 58||
vidhAvAgamake matyoM vAvAlo dharmapUritaH |
kR^iShNapaxe dvibhAryaH syAdrogI duShTataro haThI || 59||
bhojane januShi pUrNachandramA mAnayAnajanatAsukhaM nR^iNAm.h |
Atanoti vanitAsutAsukhaM sarvameva na sitetare shubham.h || 60||
nR^ityalipsAgate chandre sabale balavAnnaraH |
gItaj~no hi rasaj~nashcha kR^iShNe pApakaro bhavet.h || 61||
kautakabhavanaM gatavati chandre bhavati nR^ipatvaM vA dhanapatvam.h |
kAmakalAsu sadA kushalatvaM vAravadhUratitamaNapaTutvam.h || 62||
nidrAgate janmani mAnavAnAM kalAdhare jIvayute mahattvam.h |
hIne.a~NganAsa~nchitavittanAshaH shivAlaye rauti vichitramuchchaiH || 63||
shayane vasudhAputre vraNayukto jano bhavet.h |
bahunA kaNDunA yukto dadruNA cha visheShataH || 64||
balI sadA pAparato naraH syAdasatyavAdI nitarAM pragalbhaH |
dhanena pUrNo nijadharmahIno dharAsutashchedupaveshanasthaH || 65||
yadA bhUmisuto lagne netrapANimupAgataH |
daridratA tadA puMsAmanyabhe nagareshatA || 66||
prakAsho guNasyApi vAsaH prakAshe dharAdhIshabhratuH sadA mAnavR^iddhiH |
sute bhUsute putrakAntAviyogo bhavedrAhuNA dAruNo vA nipAtaH || 67||
gamane gamanaM kurute.anudinaM vraNajAlabhayaM vanitAkalahaH |
bahudadrukakaNDubhayaM bahudhA vasudhAtanayo vasuhAnikaraH || 68||
Agamane guNashAlI maNimAlIvA karAlakaravAlI |
gajahantA ripuhantA parijanasantApahArako bhaume || 69||
tu~Nge yuddhakalAkalApakushalo dharmadhvajo vittapaH |
koNe bhUmisute sabhAmupagate vidyAvihInaH pumAn.h |
ante.apatyakalatramitrarahitaH proktetarasthAnage |
.avashyaM rAjasabhAbudho bahudhanI mAnI cha dAnI janaH || 70||
Agame bhavati bhUmije jano dharmakarmarahito gadAturaH |
karNamUlagurushUlarogavAneva kAtaramatiH kusa~NgamI || 71||
bhojane miShTabhojI cha janane sabale kuje |
nIchakarmakaro nityaM manujo mAnavarjitaH || 72||
nR^ityalipsAgate bhUsute janminAmindirArAshirAyAti bhUmIpateH |
svarnaratnapravAlaiH sadA maNDitA vAsashAlA narANAM bhavetsarvadA || 73||
kautukI bhavti kautuke kuje mitraputraparipUrito janaH |
uchchage nR^ipatigehamaNDitaH pUjito guNavarairguNAkaraiH || 74||
nidrAvasthAM gate bhaume krodhI dhIdhanavarjitaH |
dhUrto dharmaparibhraShTo manuShyo gadapIDitaH || 75||
xudhAturo bhavedaMge kha~njo gu~njAnibhexaNaH |
anyabhe lampaTo dhUrto manujaH shayane budhe || 76||
shashAMkaputre janura~Ngagehe yadopaveshe guNarAshipUrNaH |
pApexite pApayute daridro hite shubhe vittasukhI manuShyaH || 77||
vidyAvivekarahito hitatoShahIno manI |
janobhavati chandrasute.axi pANau |
putrAlaye sutakalatrasukhena hInaH kanyA |
prajA nR^ipatigehabudho varArthaH || 78||
dAtA dayAluH khalu puNyakartA vikAshane chandrasute manuShyaH |
anekavidyArNavapAra~NgatA vivekapUrNaH khalavargahantA || 79||
gamanAgamane bhavato gamane bahudhA vasudhAdhipaterbhavane |
bhavanaM cha vichitramalaM ramayA vidi nushcha januHsamaye nitarAm.h || 80||
sapadi vidi janAnAmuchchage janmakAle |
sadasi dhanasamR^iddhiH sarvadA puNyavR^iddhiH |
dhanapatisamatA vA bhUpatA maMtritA vA |
hariharapadabhaktiH sAttvikI muktilabdhiH || 81||
Agame januShi janminAM yadA chandraje bhavati hInasevayA |
arthasiddhirapi putrayugmatA bAlikA bhavati mAnadAyikA || 82||
bhojane chandraje janmakAle yadA janminAnarthahAniH sadA vAdataH |
rAjabhItyA kR^ishatvaMchalatvaM matera~Ngasa~Ngo na jAyA na jAyAsukham.h || 83||
nR^ityalipsAgate chandraje mAnavo mAnayAnapravAlavrajaiH saMyutaH |
mitraputrapratApaiH sabhApaNDitaH pApabhe vAravAmArato lampaTaH || 84||
kautuke chandraje janmakAle nR^iNAmaMgabhe gItavidyA.anavadyA bhavet.h |
saptame naidhane vAravadhvA ratiH puNyabhe puNyayuktA matiH sad.hgatiH || 85||
nidrAshrite chandrasute na nidrAsukhaM sadA vyAdhisamAdhiyogaH |
sahotthavaikalyamanalpatApo nijena vAdo dhanamAnanAshaH || 86||
vachasAmadhipe tu januHsamaye shayane balavAnapi hInaravaH |
atigauratanuH khaludIrghahanuH sutarAmaribhItiyuto manujaH || 87||
upaveshaM gatavati yadi jIve vAchAlo bahugarvaparItaH |
xoNIpatiripujanapatirtaptaH padajaMghAsyakaravraNayuktaH || 88||
netrapANiM gate devarAjArchite rogayukto viyukto varArthashriyA |
gItanR^ityapriyaH kAmukaH sarvadA gauravarNo vivarNod.hbhavaprItiyuk.h || 89||
guNAnAmAnandaM vimalasukhakandaM vitanute |
sadA tejaHpu~njaM vrajapatiniku~njaM pratigamam.h |
prakAshaM cheduchche drutamupagato vAsavaguru |
rgurutvaM lokAnAM dhanapatisamatvaM tanubhR^itAm.h || 90||
sAhasI bhavati mAnavaH sadA mitravargasukhapUrito mudA |
paNDito vividhavittamaNDito devavidyadi gurau gamaM gate || 91||
Agamane janatA varajAyA yasya januHsamaye harimAyA |
mu~nchati nAlamihAlayamaddhA devagurau paritaH paribaddhA || 92||
suragurusamavaktA shubhramuktAphalADhyaH |
sadasi sapadi pUrNo vittamANikyamAnaiH |
gajaturagarathADhyo devatAdhIshapUjyo |
januShi vividhavidyAgarvito mAnavaH syAt.h || 93||
nAnAvAhanamAnayAnapaTalIsaukhyaM gurAvAgame |
bhR^ityApatyakalatramitrajasukhaM vidyA.anavadyA bhavet.h |
xoNIpAlasamAnatAnavarataM chA.atIva hR^idyA matiH |
kAvyAnandaratiH sadA hinagatiH sarvatra mAnonnatiH || 94||
bhojane bhavati devatAgurau yasya tasya satataM subhojanam.h |
naiva mu~nchati ramAlayaM tadA vAjivAraNarathaishcha maNDitam.h || 95||
nR^ityalipsAgate rAjamAnI dhanI devatAdhIshavandyaH sadA dharmavit.h |
tantravij~no budhairmaNDitaH paMDitaH shabdavidyAnavidyo hi sadyo janaH || 96||
kutUhalI sakautuke mAhAdhanI janaH sadA |
nijAnvaye cha bhAskaraH kR^ipAkalAdharaH sukhI |
nilimparAjapUjite sutena bhUnayena vA |
yuto mahAbalI dharAdhipendrasad.hmapaNDitaH || 97||
gurau nidrAgate yasya mUrkhatA sarvakarmaNi |
daridratAparikrantaM bhavaneM puNyavarjitam.h || 98||
jano balIyAnapidantarogI bhR^igau mahAroShasamanvitaH syAt.h |
dhanena hInaH shayanaM prayAte vArAMganAsaMgamalampaTashcha || 99||
yadi bhavedushanA upaveshane navamaNivrajakA~nchanabhUShaNaiH |
sukhamajasramarixaya AdarAdavanipAdapi mAnasamunnatiH || 100||
netrapANiMgate lagnagehe kavau saptame mAnabhe yasya tasya dhruvam.h |
netrapAte nipAto dhanAnAmalaM chAnyabhe vAsashAlA vishAlA bhavet.h || 101||
svAlaye tuMgabhe mitrabhe bhArgave tuMgamAtaMgalIlAkalApI janaH |
bhUpatestulya eva prakAshaM gate kAvyavidyAkalAkaitukI gItavit.h || 102||
gamane janane shukre tasya mAtA na jIvati |
Adhiyogo viyogashcha janAnAmaribhItitaH || 103||
AgamanaM bhR^iguputre gatavati vitteshvaro manujaH |
satterthabhramashAlI nityotsAhI karAMghrirogI cha || 104||
anAyAsenAlaM sapadi mahasA yAti sahasA |
pragalbhatvaMrAj~naH sadasi guNavij~naH kila kavau |
sabhAyAmAyAte ripunivahahantA dhanapateH |
samatvaM vA dAtA balaturagagantA naravaraH || 105||
Agame bhArgave mAgamo janminAmartharAsherarAteratIva xatiH |
putrapAto nipAto janAnAmapivyAdhibhItiH priyAbhogahAnirbhavet.h || 106||
xudhAturo vyAdhinipIDitaH syAdanekadhArAtibhayardditashcha |
kavau yadA bhojanage yuvatyA mahAdhanI paNDitamaNDitashcha || 107||
kAvyavidyAnavadyA cha hR^idyA matiH sarvadA nR^ityalipsAgate bhArgave |
shaMkhavINAmR^idaMgAdigAnadhvanivrAtanaipuNyametasya vittonnatiH || 108||
kautukabhavanaM gatavati shukre shakreshatvaM sadasi mahattvam.h |
hR^idyA vidyA bhaviti cha puMsaH padamA nivasati sadamArataH || 109||
parasevArato nityaM nidrAmupagate kavau |
paranindAparo vIro vAchAlo bhramate mahIm.h || 110||
xutpipAsAparikrAnto vishrAntaH shayane shanau |
vayasi prathame rogI tato bhAgyavatAM varaH || 111||
bhAnaoH sute chedupaveshanasthe karAlakArAtijanAnutaptAH |
apAyushAlI khalu dadrumAlI narobhimAnI nR^ipadaNDayuktaH || 112||
nayanapANigate ravinandane paramayA ramayA ramayAyutaH |
nR^ipatito hitato mahitoShakR^id.hbahukalAkalito vimaloktikR^it.h || 113||
nAnAguNaprAmadhanAdhishAlI sadA naro buddhivinodamAlI |
prakAshane bhAnusute subhAnuH kR^ipAnutakto harapAdabhaktaH || 114||
mahAdhanI nandanananditaH syAdapAyakArI ripubhUmihArI |
game shanau paNDitarAjAbhAvaM dharApaterAyAtane prayAti || 115||
Agamane gardabhapadayuktaH putrakalatrasukhena vimuktaH |
bhAnusute bhramate bhuvi nityaM dInamanA vijanAshrayabhAvam.h || 116||
ratnAvalIkA~nchanamauktikAnAM vrAtena nityaM vrajati pramodam.h |
sabhAgate bhAnusute nitAntaM nayena pUrNo manujo mahaujAH || 117||
Agame gadasamAgamo nR^iNAmabjabandhutanaye yadA tadA |
mandameva gamanaM dharApateryAchanAvirahitA matiH sadA || 118||
saMgate januShi bhAnunandane bhojanaM bhavati bhojanaM rasaiH |
saMyutaM nayanamandatA tatA mohatApaparitApitA matiH || 119||
nR^ityalipsAgate mande dharmAtmA vittapUritaH |
rAjapUjyo naro dhIro mahAvIro raNA~NgaNe || 120||
bhavati kautakabhAvamupAgate ravisute vasudhAvasupUritaH |
atisukhI sumukhIsukhapUritaH kavitayAmalayA kalayAnaraH || 121||
nidrAgate vAsaranAthaputre dhanI sadA chAruguNairupetaH |
parAkramI chaNDavipaxahantA suvArakAntAratirItivij~naH || 122||
yadAgamo janmani yasya rAhau kleshAdhikatvaM shayanaM prayAte |
vR^iShe.atha yugme.api cha kanyakAyAmaje samAjo dhanadhAnyarAsheH || 123||
upaveshanamiha gatavati rAhau dadrugadena janaH paritaptaH |
rAjasamAjayuto bahumAnI vittasukhena sadA rahitaH syAt.h || 124||
netrapANAvagau netre bhavato rogapIDite |
duShTavyAlArichaurANAM bhayaM tasya dhanaxayaH || 125||
prakAshane shubhAsane sthitiH kR^itiH shubhA nR^iNAm |
dhanonnatirguNonnatiH sadA vidAmagAviha |
dharAdhipAdhikAritA yasholatA tatA bhave |
nnavInanIradAkR^itirvideshato mahonnatiH || 126||
gamane cha yadA rAhau bahusantAnavAnnaraH |
paNDito dhanavAn.h dAtA rAjapUjyo naro bhavet.h || 127||
rAhAvAgamane krodhI sadA dhIdhanavarjitaH |
kuTilaH kR^ipaNaH kAmI naro bhavati sarvathA || 128||
sabhAgato yadA rAhuH paNDitaH kR^ipaNo naraH |
nAnAguNaparikrAnto vitta saukhyasamanvitaH || 129||
chedagAvAgamaM yasya yAte tadA vyAkulatvaM sadArAtibhItyA bhayam.h |
mahad.hbandhuvAdo janAnAM nipAto bhavedvittahAniH shaThatvaM kR^ishatvam || 130||
bhojane bhojanenAlaM vikalo manujo bhavet.h |
mandabuddhiH kriyAbhIruH strIputrasukhavarjitaH || 131||
nR^ityalipsAgate rAhau mahAvyAdhivivarddhanam.h |
netrarogI riporbhItirdhanadharmaxayo nR^iNAm.h || 132||
kautuke cha yadA rAhau sthAnahIno naro bhavet.h |
paradArarato nityaM paravittApahArakaH || 133||
nidrAvasthAM gate rAhau guNagrAmayuto naraH |
kAntAsantAnavAn.h dhIro garvito bahuvittavAn.h || 134||
meShe vR^iShe.atha vA yugme kanyayAM shayanaM gate |
ketau dhanasamR^iddhiH syAdanyabhe rogavardhanam.h || 135||
upaveshaM gatau ketau dadrurogavivarddhanam.h |
arivAtanR^ipavyAlachairashaMkA samantataH || 136||
netrapANiM gate ketau netrarogaH prajAyate |
duShTasarpAdibhItishcha ripurAjakulAdapi || 137||
ketau prakAshane saMj~ne dhanavAn.h dhArmikaH sadA |
nityaM pravAsI chotsAhI sAttviko rAjasevakaH || 138||
gamechChAyAM bhavetketurbahuputro mahAdhanaH |
paNDito guNavAn.h dAtA jAyate cha narottamaH || 139||
Agamane cha yadA keturnAnArogo dhanaxayaH |
dantaghAtI mahArogI pishunaH paranindakaH || 140||
sabhAvasthAM gate ketau vAchAlo bahugarvitaH |
kR^ipaNo lampaTashchaiva dhUrtaviddyAvishAradaH || 141||
yadAgame bhavetketuH ketuH syAtpApakarmaNAm.h |
bandhuvAdarato duShTo ripuroganipIDitaH || 142||
bhojane tu jano nityaM xudhayA paripIDitaH |
daridro rogasaMtaptaH ketau bhrAmati medinIm.h || 143||
nR^ityalipsA~Ngate ketau vyAdhinA vikalo bhavet.h |
bud.hbudAxo durAgharSho dhUrto.anarthakaro naraH || 144||
kautukI kautuke ketau naTavAmAratipriyaH |
sthAnabhraShTo durAchArI daridro bhramate mahIm.h || 145||
nidrAvasthAM gate ketau dhanadhAnyasukhaM mahat.h |
nAnAguNavinodena kAlo gachChati janminAm.h || 146||
shayane dvija bhAveShu yatra tiShThanti sad.hgrahAH |
nityaM tasya shubhaj~nAnaM nirvishaMkaM vadet.h budhaH || 147||
bhojane yeShu bhAveShu pApAstiShThanti sarvathA |
tadA sarvavinAshe.api nA.atra kAryA vichAraNA || 148||
nidrAyAM cha yadA pApo jAyAsthAne shubhaM vadet.h |
yadi pApagrahairdR^iShTo na shubhaM cha kadAchana || 149||
sutasthAne sthitaH pApo nidrAyAM shayane.api vA |
tadA shubhaM vadettasya nA.atra kAryA vichAraNA || 150||
mR^ityusthAnasthitaH pApo nidrAyAM shayane.api vA |
tadA tasyA.apamR^ityuH syAdrAjataH paratastathA || 151||
shubhagrahairyadA yuktaH shubhairvA yadi vIxitaH |
tadA tu maraNaM tasya ga~NgAdau cha visheShataH || 152||
karmasthAne yadA pApaH shayane bhojane.api vA |
tadA karmavipAkaH syAnnAnAduHkhapradAyakaH || 153||
dashamastho nishAnAthaH kautuke cha prakAshane |
tadaiva rAjayogaH syAnnirvishakaM dvijottama || 154||
balA.abalavichAreNa j~nAtavya~ncha shubhA.ashubham.h |
evaM krameNa boddhavyaM sarvAbhAveShu buddhiman.h || 155||
\medskip\hrule
##
Encoded and proofread by ajarve at fms30.cca.rockwell.com (Ahto Jarve)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}