% Text title            : bRihatpArAsharahorAshAstram.h 81-90
% File name             : par8190.itx
% Category              : jyotisha, sociology\_astrology, bRihatpArAshara
% Location              : doc\_z\_misc\_sociology\_astrology
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve ajarve at fms30.cca.rockwell.com
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bRihatpArAsharahorAshAstram.h 81-90 ..}##
\itxtitle{.. bR^ihatpArAsharahorAshAstram.h 81\-90 ..}##\endtitles ##

\medskip\hrule\medskip
          atha aMgalaxaNaphalAdhyAyaH || 81||
\smallskip
bahudhA bhavtA proktaM janmakAlAt.h shubhAshubham.h |
shrotumichChAmi nAroNAma~NgachihnaiH phala mune || 1||
shR^iNu vipra pravaxyAmi nArINAma~NgalaxaNam.h |
phalaM yathA.aha pArvatyai bhagavAn.h sha~NkarastathA || 2||
snigdhaM pAdatalaM strINAM mR^idulaM mAMsalaM samam.h |
raktamasvedamuShNaM cha bahubhogapradAyakam.h || 3||
vivarNaM puruShaM rUxaM khaNDitaM viShamaM tathA |
sUrpAkAra~ncha shuShkaM cha duHkhadaurbhAgyadAyakam.h || 4||
sha~NkhasvastikachakrA.abjadhvajamInA.atapatravat.h |
yasyAH pAdatale chihnaM sA j~neyA xitipA~NganA || 5||
bhavet.h samastabhogAya tathA dIrghordhvarekhikA |
rekhAH sarpA.akhukAkAbhA duHkhadAridryasUchikAH || 6||
raktAH samunnatAH snig.hdhA vR^ittAH pAdanakhAH shubhAH |
sphuTitAH kR^iShNavarNAshcha j~neyA ashubhasUchakAH || 7||
unnato mAMsalo.a~N.hguShTho vartulo.atulabhogadaH |
vakro hrasvashcha chipiTo duHkhadAridryasUchakaH || 8||
mR^idavo.a~N.hgulayaH shastA ghanA vR^ittAshcha mAMsalAH |
dIrghA~N.hgulIbhiH kulaTA kR^ishAbhirdhanavarjitA || 9||
bhaved.hdhrasvAbhiralpAyurviShamAbhishcha kuTTanI |
chipaTAbhirbhaveddAsI viralAbhashcha nirdhanA || 10||
yasya mithaH samArUDhAH pAdA~N.hgulyo bhavanti hi |
bahunapi patIn.h hitvA parapreShyA cha sA bhavet.h || 11||
yasyA pathi chalantyAshcha rajo bhUmeH samuchChalet.h |
sA pAMsulI bahvennArI kulatrayavighAtinI || 12||
yasyAH kaniShThikA bhUmiM gachChantyA na parispR^ishet.h |
sA hi pUrvapatiM hatvA dvitIyaM kurute patim.h || 13||
madhyamA.anAmikA chApi yasyA bhUmiM na saMspR^ishet.h |
patihInA cha sA nArI vij~neyA dvijasattama || 14||
pradeshinI bhavedyasyA aMguShThAd.hvyatirekiNI |
kanyaiva dUShitA sA syAt.h kulaTA cha tadagrataH || 15||
unnataM pAdapR^iShThaM chet.h tadA rAj~nI bhaved.hdhruvam.h |
asvedamashirADhya~ncha mAMsalaM masR^iNaM mR^idu || 16||
anyathA dhanahInA cha shirAlaM chettadA.adhvagA |
romADhyaM ched.h bhaveddAsI nirmAsaM yadi durbhagA || 17||
subhagA samapArShNiH strI pR^ithupArShNishcha durbhagA |
kulaTonnatapArShNishcha dIrghapArShNishcha duHkhitA || 18||
arome cha same snigdhe yasyA jaMgha suvartule |
visire cha suramye sA rAjapatnI bhaved.hdhruvam.h || 19||
vartulaM mAMsalaM snigdhaM jAnuyugmaM shubhapradam.h |
nirmAsaM svairachAriNyA nirdhanAyAshcha vishlatham.h || 20||
ghanau karikarAkArau vartulau mR^idulau shubhau |
yasyA UrU shirAhInau sA rAj~nI bhavati dhruvam.h || 21||
chipiTau romashau yasyA vidhavA durbhagA cha sA |
chaturbhirvishatiyutairaMgulaishcha samA kaTiH |
samunnatanitambADhyA prashastA syAt.h mR^igIdR^ishAm.h || 22||
vinatA chipaTA dIrghA nirmAMsA saMkaTA kaTiH |
hrasvA romaiH samAyuktA duHkhavaidhavyasUchikA || 23||
natimbaH shubhadaH strINAmunnato mAMsalaH pR^ithuH |
sukhasaubhAgyadaH prokto j~neyo duHkhaprado.anyathA || 24||
strINAM gUDhamaNistu~Ngo raktAbho mR^iduromakaH |
bhagaH kamaThapR^iShThAbhaH shubho.ashvatthagalAkR^itiH || 25||
kura~NgakhurarUpo yashchullikodarasaMnibhiH |
romasho dR^ishyanAsashcha vivR^ittAsyo.ashubhapradaH || 26||
vAmonnatastu kanyAjaH putrojo daxiNonnataH |
sha~NkhAvarto bhago yasyAH sA vigarbhA.a~NganA matA || 27||
mR^idvI vastiH prashastA syAd.h vipulAlpasamunnatA |
romADhyA cha shirAlA cha rekhA~NkA na shubhapradA || 28||
gambhIrA daxiNAvartA nAbhiH sarvasukhapradA |
vyaktagranthiH samuttAnA vAmAvartA na shobhanA || 29||
pR^ithukuxiH shubhA nArI sUte sA cha bahUn.h sutAn.h |
bhUpatiM janayet.h putraM maNDUkAbhena kuxiNA || 30||
unnatena valIbhAjA sAvartena cha kuxiNA |
vandhyA saMnyAsinI dAsI jAyate kramado.abalA || 31||
same samAMshe mR^idule pArshve strINAM shubhaprade |
unnate romasaMyukte shirAle chA.ashubhaprade || 32||
nirlobhaM hR^idayaM strINAM same sarvasukhapradam.h |
vistIrNaM cha salomaM cha vij~neyamashubhapradam.h || 33||
samau pInau ghanau vR^ittau dR^iDhau shastau payodhrau |
sthUlAgrau viralau shuShkau strINAM naiva shubhapradau || 34||
daxiNonnatavaxojA nArI putravatI matA |
vAmonnatastanI kanyAprajA proktA purAtanaiH || 35||
nArINAM chUchuke shaste shyAmavarNe suvartule |
antarbhagne cha dIrghe cha kR^ishe chApi na shobhane || 36||
strINAM skandhau samau puShTau gUDhasandhI shubhapradau |
romADhyAvunnatau vakrau nirmAsAvashubhau smR^itau || 37||
susUxmarome nArINAM puShTe snigdhe shubhaprade |
kaxe shirAle gambhIre na shubhe svedamedure || 38||
gUDhAsthI komalagranthI vishirau cha biromakau |
saralau suvartulau chaiva bhujau shastau mR^igIdR^ishAm.h || 39||
nirmAMsau sthUlaromANau hrasvau chaiva shirAtatau |
vakrau bhujau cha nArINAM kleshAya parikIrtitau || 40||
sarojamukulAkAro karAMguShThau mR^igIdR^ishAm.h |
sarvasaukhyapradau proktau kR^ishau vakrau cha duHkhadau || 41||
strINAM karatalaM raktaM madhyonnatamarandhrakam.h |
mR^idulaM chAlparekhADhyaM j~neyaM sarvasukhapradam.h || 42||
vidhavA bahurekheNa rekhAhInena nirdhane |
bhixukA cha shiroDhyena nArI karatalena hi || 43||
pANipR^iShThaM shubhaM strINAM puShTaM mR^iduviromakam.h |
shirAlaM romashaM nimnAM dukhadAridryasUchakam.h || 44||
yasyAH karatale rekhA vyaktA raktA cha vartulA |
snigdhA pUrNA cha gambhIrA sA sarvasukhabhAginI || 45||
matsyena subhagA j~neyA svastikena dhanAnvitA |
rAjapatnI sarojena jananI pR^ithivIpateH || 46||
sArvabhaumapriyA pANau nadyAvarte pradaxiNe |
sha~NkhAtapatrakamaThairbhUpasya jananI bhavet.h || 47||
rekhA tulAkR^itiH pANau yasyAH sA hi baNig.hvadhUH |
gajavAjivR^iShAbhA vA kare vAme mR^igIdR^ishaH || 48||
rekhA prasAdavajrAbhA sUte tIrthakaraM sutam.h |
kR^iShIvalasya patnI syAchChakaTena yugena vA || 49||
chAmarA~N.hkushachApaishcha rAjapatnI pativratA |
trishUlA.asigadAshaktidundubhyAkR^itirekhayA || 50||
a~N.hguShThamUlAnnirgatyA rekhA yAti kaniShThikAm.h |
sA nAri patihantrI syAd.h dUratastAM parityajet.h || 51||
kAkamaNDUkajambUkavR^ikavR^ishchikabhoginaH |
rAsabhoShTraviDAlAbhA rekhA duHkhapradAH striyAH || 52||
mR^idulAshcha suparvANo dIrghA vR^ittAH kramAt.h kR^ishAH |
aromakAH shubhAH strINAma~N.hgulyaH parikIrtitAH || 53||
atihrasvAH kR^ishA vakrA viralA romasaMyutAH |
bahuparvayutA vA.api parvahInAshcha duHkhadAH || 54||
raktavarNA nakhAstu~NgA sashikhAshcha shubhapradAH |
nimnA vivarNA pItA vA puShpitA duHkhadAyakAH || 55||
antarnimagnavaMshAsthi pR^iShThaM syAnmAMsalaM shubham.h |
sashiraM romayuktaM vA vakraM chA.ashubhadAyakam.h || 56||
strINAM kaNthastrirekhA~NkastvavyaktAsthishcha vartulaH |
mAMsalo mR^idulaishchaiva prashastaphaladAyakAH || 57||
sthUlagrIvaH cha vidhavA vakragrIva cha ki~NkarI |
bandhyA cha chipiTagrIvA laghugrIvA cha niHsutA || 58||
shreShThA kR^ikATikA R^ijvI samAMsA cha samunnatA |
shuShkA shirAlA romADhyA vishAlA kuTilA.asubhA || 59||
aruNaM mR^idulaM puShTaM prashastaM chibukaM striyAH |
AyataM romashaM sthUlaM dvidhAbhaktamashobhanam.h || 60||
kapolAvunnatau strINAM pInau vR^ittau shubhapradau |
romashau puruShau nimnau nirmAMsau chA.ashubhapradau || 61||
strINAM mukhaM samaM pR^iShThaM vartulaM cha sugandhimat.h |
susnigdhaM cha manohAri sukhasaubhAgyasUchakam.h || 62||
vartulaH pATalaH snigdhArekhAbhUShitamadhyabhUH |
manoharo.adharo yasyAH sA bhaved.h rAjavallabhA || 63||
nirmAMsaH sphuTito lambo rUxo vA shyAmavarNakaH |
sthUlo.adharashcha nArINAM vaidhavyakleshasUchakaH || 64||
raktotpalanibhaH snigdha uttaroShTho mR^igIdR^ishAm.h |
ki~nchinmadhyaunnato.aromA sukhasaubhAgyago bhavet.h || 65||
snigdhAgugdhanibhAH strINAM dvAtriMshad.hdashanAH shubhAH |
adhastAdupariShThAchcha samAH stokasamunnatAH || 66||
adhastAdadhikAH pItAH shyAmA dIrghA dvipa~N.hktayaH |
vikaTA viralAshchApi dashanA na shubhAH smR^itAH || 67||
shoNA mR^idvI shubhA jihvA strINAmatulabhogadA |
duHkhadA madhyasa~NkIrNA purobhAge.ativistarA || 68||
sitayA maraNaM toye shyAmayA kalahapriyA |
mAMsalayA dhanairhInA lambayA.abhaxyabhaxiNI || 69||
pramAdasahitA nArI jihvayA cha vishAlayA |
susnigdhaM pATalaM strINAM komalaM tAlushobhanam.h || 70||
shvete tAluni vaidhavyaM pIte pravrajitA bhavet.h |
kR^iShNe santatihInA syAd.hrUxe bhUrikuTumbinI || 71||
alaxitaradaM strINAM ki~nchit.hphullakapolakam.h |
smitaM shubhapradaM j~neyamanyathA tvashubhapradam.h || 72||
samavR^ittapuTA nAsA laghuchChidrA shubhapradA |
sthUlAgrA madhyanimnA vA na prashastA mR^igIdR^ishAm.h || 73||
raktAgrA.aku~nchitAgrA vA nAsA vaidhavyakAriNI |
dAsI sA chipiTA yasyA hrasvA dIrghA kalipriyA || 74||
shubhe vilochane strINAM raktAnte kR^iShNatArake |
goxIravarNe vishade susnigdhe kR^iShNapaxmiNI || 75||
unnatAxI na dIrghAyurvR^ittAxI kulaTA bhavet.h |
ramaNI madhupi~NgAxI sukhasaubhAgyabhAginI || 76||
puMshchalI vAmakANAxI vandhyA daxiNakANikA |
pArAvatAxI duHshIlA gajAxI naiva shobhanA || 77||
mR^idubhiH paxmabhiH kR^iShNairghanaiH sUxmaiH subhAgyayuk.h |
viralaiH kapilaiH sthUlairbhAminI dukhabhAginI || 78||
vartulau kArmukAkArau snigdhe kR^iShNe asaMhate |
subhruvau mR^iduromANau subhruvAM sukhakIrtidau || 79||
karNau dIrghau shubhAvartau sutasaubhAgyadAyakau |
shaShkulIrahitau nindyau shirAlau kuTilau kR^ishau || 80||
shirAvirahito bhAlaH nirlomA.ardhashashiprabhaH |
animnastrya~N.hgulastroNAM sutasaubhAgyasaukhyadaH || 81||
spaShTasvastikachihnashcha bhAlo rAjyapradaH striyAH |
pralambo romashashchaiva prAMshushcha duHkhadaH smR^itaH || 82||
unnato gajakumbhAbho vR^itto mUrdhA shubhaH striyAH |
sthUlo gIrgho.athavA vakro duHkhadaurbhAgyasUchakaH || 83||
kuntalAH komalAH kR^iShNAH sUxmA dIrghashcha shobhanA |
pi~NgalAH puruShA rUxA viralA laghavo.ashubhAH || 84||
pi~NgalA gauravarNAyA shyAmAyAH shyAmalAH shubhAH |
nArIlaxaNatashchaivaM narANAmapi chintayet.h || 85||
\medskip\hrule\medskip
       atha tilAdilAMChanaphalAdhyAyaH || 82||
\smallskip
athA.ahaM dehajAtAnAM lAMChanAnAM phalaM bruve |
AvartAnAM tilAnAM cha mashakAnAM visheShataH || 1||
a~NganAnAM cha vAmAMge daxiNA~Nge nR^iNAM shubham.h |
raktAbhaM tilakAbhaM vA lomnAM chakramathApi vA || 2||
tilAdilAMChanaM strINAM hR^idi saubhAgyasUchakam.h |
yasyA daxiNavaxoje rakte tilakalAMChane || 3||
sA santatitatiM sUte sukhasaubhAgyasaMyutAm.h |
raktAbhaM tilakaM yasyAH striyA vAme stane bhavet.h || 4||
eka eva sutastasyA bhavatIta vido viduH |
putrIputrayutA j~neyA tilake daxiNe stane || 5||
bhruvormadhye lalATe vA lAMChanaM rAjasUchakam.h |
kapole mashako rakto nityaM miShThAnnadAyakam || 6||
bhagasya daxiNe bhAge lAMChanaM yadi yoShitaH |
sA hi pR^ithvIpateH patnI sUte vA bhUpatiM sutam.h || 7||
nAsAgre lA~nChane raktaM rAjapatnyAH prajAyate |
kR^iShNavarNaM tu yasyAH sA puMshchali vidhavA.atha vA || 8||
nAbheradho nR^iNAM strINAM lA~nChanaM cha shubhapradam.h |
karNe gaNDe kare vA.api kaNThe vA.apyatha lA~nChanam || 9||
prAg.hgarbhe putradaM j~neyaM sukhasaubhAgyadaM tathA |
tilAdi lA~nChanaM vipra gulphageshe cha duHkhadam.h || 10||
trishUlAkR^iti chihna cha lalATe yadi jAyate |
nArI rAjapriyA j~neyA bhUpatishcha naro bhavet.h || 11||
lomnAM pradaxiNAvarto hR^idi nAbhau kare shrutau |
daxapR^iShThe shubho vastau vAmAvarto.ashubhapradaH || 12||
kaT.hyAM guhye.athavA.avarto strINAM daurbhAgyasUchakaH |
udare hanti bhartAraM madhyapR^iShThe cha puMshchalI || 13||
kaNThe lalATe sImante madhyabhAge cha mUrdhani |
Avarto na shubhaH strINAM pusAM vA.api dvijottama || 14||
sulaxaNA sucharitA api mandAyuShaM patim.h |
dIrghAyuShaM prakurvanti pramadAshcha mudAspadam.h || 15||
\medskip\hrule\medskip
         atha pUrvajanmashApadyotanAdhyAyaH || 83||
\smallskip
maharShe bhavatA proktaM phalaM strINAM nR^iNAM pR^ithak.h |
adhunA shrotumichChAmi tvatto vedavidAMvara || 1||
aputrasya gatirnAsti shAstreShu shrUyate mune |
aputraH kena pApena bhavatIti vada prabho || 2||
janmalagnAchcha taj.hj~nAnaM kathaM daivavidAM bhavet.h |
aputrasya sutaprApterupAyaM kR^ipayochyatAm.h || 3||
sAdhu pR^iShTaM tvayA vipra kathyate hi tathA mayA |
yathomayA hi pR^iShTena shivena kathitaM purA || 4||
kena yogena pApena j~nAyate.apatyanAshanam.h |
teShAM cha raxaNopAyaM kR^ipayA nAtha me vada || 5||
sAdhu pR^iShTaM tvayA devi kathayAmi tavA.adhunA |
santAnahAniyogAMshcha tadraxopAyasaMyutAn.h || 6||
gurulagnesha dAreshaputrasthAnAdhipeShu cha |
sarveShu balahIneShu vaktavyA tvanapatyatA || 7||
ravyArarAhushanayaH sabalAH putrabhAvagAH |
tadA.anapatyatA chet.h syurabalAH putrakArakAH || 8||
putrasthAnagate rAhau kujena cha nirIxite |
kujaxetragate vA.api sarpashApAt.h sutaxayaH || 9||
putrashe rAhusaMyukte putrasthe bhAnunandane |
chandreNa saMyute dR^iShTe sarpashApAt.h sutaxayaH || 10||
kArake rAhusaMyukte putreshe balavarjite |
lagneshe kujasaMyukte sarpashApAt.h sutaxayaH || 11||
kArake bhaumasaMyukte lagne cha rAhusaMyute |
putrasthAnAdhipe duHsthe sarpashApAt.h sutaxayaH || 12||
bhaumAMshe bhaumasaMyukte putreshe somanandane |
rAhumAndiyute lagne sarpashApAt.h sutaxayaH || 13||
putrabhAve kujaxetre putreshe rAhusaMyute |
saumyadR^iShTe yute vA.api sarpashApAt.h sutaxayaH || 14||
putrasthA bhAnumandArAH svabhAnuH shashijo.a~NgirAH |
nirbalau putralagneshau sarpashApAt.h sutaxayaH || 15||
lagneshe rAhusaMyukte putreshe bhomasaMyute |
kArake rAhuyukte vA sarpashApAt.h sutaxayaH || 16||
grahayogavashenaivaM nR^iNAM j~nAtvA.anapatyatA |
taddoShaparihArArthaM nAgapUjAM samArabhet.h || 17||
svagR^ihyoktavidhAnena pratiShThAM kArayet.h sudhIH |
nAgamUrti suvarNena kR^itvA pUjAM samAcharet.h || 18||
gobhUtilahiraNyAdi dadyAd.h vittAnusArataH |
evaM kR^ite tu nAgendraprasAdAt.h vardhate kulam.h || 19||
putrasthAnaM gate bhAnau nIche mandAMshakasthite |
pArshvayoH krUrasambandhe pitR^ishApAt.h sutaxayaH || 20||
putrasthAnAdhipe bhAnau trikoNe pApasaMyute |
krUrAntare pApadR^iShTe pitR^ishApAt.h sutaxayaH || 21||
bhAnurAshisthite jIve putreshe bhAnusaMyute |
putre lagne cha pApADhye pitR^ishApAt.h sutaxayaH || 22||
lagneshe durbale putre putreshe bhAnusaMyute |
putre lagne pApayute pitR^ishApAt.h sutaxayaH || 23||
pitR^isthAnAdhipe putre putreshe vApi karmage |
putre lagne cha pApADhye pitR^ishApAt.h sutaxayaH || 24||
pitR^isthAnAdhipe bhaumaH putreshena samanvitaH |
lagne putre pitR^isthAne pApe santatinAshanam.h || 25||
pitR^isthAnAdhipe duHsthe kArake pAparAshige |
sapApau putralagneshau pitR^ishApAt.h sutaxayaH || 26||
lagnapa~nchamabhAvasthA bhAnubhaumashanaishcharAH |
randhre riShphe rAhujIvau pitR^ishApAt.h sutaxayaH || 27||
lagnAdaShTamage bhAnau putrasthe bhAnunandane |
putreshe rAhusaMyukte lagne pApe sutaxayaH || 28||
vyayeshe lagnabhAvasthe randhreshe putrarAshige |
pitR^isthAnAdhipe randhre pitR^ishApAt.h sutaxayaH || 29||
rogeshe putrabhAvasthe pitR^isthAnAdhipe ripau |
kArake rAhusaMyukte pitR^ishApAt.h sutaxayaH || 30||
taddoShaparihArArthaM gayAshrAddhaM cha kArayet.h |
brAhmaNAn.h bhojayedatra ayutaM vA sahasrakam.h || 31||
athavA kanyakAdAnaM godAnaM cha samAcharet.h |
evaM kR^ite pituH shApAnmuchyate nA.atra saMshayaH || 32||
vardhate cha kulaM tasya putrapautradibhiH sadA |
grahayogavashAdevaM phalaM brUyAt.h vichaxaNaH || 33||
putrasthAnAdhipe chandre nIche vA pApamadhyage |
hibuke pa~nchame pApe mAtR^ishApAt.h sutaxayaH || 34||
lAbhe mandasamAyukte mAtR^isthAne shubhetare |
nIche pa~nchamage chandre mAtR^ishApAt.h sutaxayaH || 35||
putrasthAnAdhipe duHsthe lagneshe nIcharAshige |
chandre cha pApasaMyukte mAtR^ishApAt.h sutaxayaH || 36||
putreshe.aShTAririShphesthe chandre pApAMshasaMgate |
lagne putre cha pApADhye mAtR^ishApAt.h sutaxayaH || 37||
putrasthAnAdhipe chandre mandarAhvArasaMyute |
bhAgye vA putrabhAve vA mAtR^ishApAt.h sutaxayaH || 38||
mAtR^isthAnAdhipe bhaume shanirAhusamanvite |
chandrabhAnuyute putre lagne vA santatixayaH || 39||
lagnAtmajeshau shatrusthau randhre mAtradhipaH sthitaH |
pitR^inAshAdhipau lagne mAtR^ishApAt.h sutaxayaH || 40||
ShaShThAShTameshau lagnasthau vyaye mAtradhipaH sute |
chandrajIvau pApayuktau mAtR^ishApAt.h sutaxayaH || 41||
pApamadhyagate lagne xINe chandre cha saptama |
mAtR^iputre rAhumandau mAtR^ishApAt.h sutaxayaH || 42||
nAshasthAnAdhipe putre putreshe nAsharAshige |
chandramAtR^ipatau duHsthe mAtR^ishApAt.h sutaxayaH || 43||
chandraxetre yadA lagne kujarAhusamanvite |
chandramandau putrasaMsthau mAtR^ishApAt.h sutaxayaH || 44||
lagne putre mR^itau riShphe kujo rAhU raviH shaniH |
mAtR^ilagnAdhipau duHsthau mAtR^ishApAt.h sutaxayaH || 45||
nAshasthAnaM gate jIve kujarAhusamanvite |
putrasthAnau mandachandrau mAtR^ishApAt.h sutaxayaH || 46||
evaM yogaM budhaidR^iShT.hvA vij~neyA tvanapatyatA |
tataH santAnaraxArthaM karttavyA shAntiruttamA || 47||
setusnAnaM prakartavyaM gAyatrIlaxasaMkhyakA |
raupyamAtraM payaH pItvA grahadAnaM prayatnataH || 48||
brAhmaNAn.h bhojayettadvadashvatthasya pradaxiNam.h |
kartavyaM bhaktiyuktena chAShTottarasahasrakam.h || 49||
evaM kR^ite mahAdevi shApAnmoxo bhaviShyati |
suputraM labhate pashchAt.h kulavR^iddhishcha jAyate || 50||
atho yogAn.h pravaxyAmi bhrAtR^ishApasamud.hbhavAn.h |
yajj~nAtvA.apatyaraxArthaM yatnaM kuryAd.h vichaxaNaH || 51||
bhrAtR^isthAnAdhipe putre kujarAhusamanvite |
putralagneshvarau randhre bhrAtR^ishApAt.h sutaxayaH || 52||
lagne sute kuje mande bhrAtR^ipe bhAgyarAshige |
kArake nAshabhAvasthe bhrAtR^ishApAt.h sutaxayaH || 53||
bhrAtR^isthAne gururnIche mandaH pa~nchamagate yadi |
nAshasthAne tu chandrArau bhrAtR^ishApAt.h sutaxayaH || 54||
tanusthAnAdhipe riShphe bhaumaH pa~nchamago yadi |
randhre sapApaputreshe bhrAtR^ishApAt.h sutaxayaH || 55||
pApamadhyagate lagne pApamadhye sute.api cha |
lagneshaputrapau duHsthau bhrAtR^ishApAt.h sutaxayaH || 56||
karmeshe bhrAtR^ibhAvasthe pApayukte tathA shubhe |
putrage kujasaMyukte bhrAtR^ishApAt.h sutaxayaH || 57||
putrasthAne budhaxetre shamirAhusamanvite |
riShphe vidArau vij~neyo bhrAtR^ishApAt.h sutaxayaH || 58||
lagneshe bhrAtR^ibhAvasthe bhrAtR^isthAnAdhipe sute |
lagnabhrAtR^isute pApe bhrAtR^ishApAt.h sutaxayaH || 59||
bhrAtrIshe mR^ityubhAvasthe putrasthe kArake tathA |
rAhumandeyute dR^iShTe bhrAtR^ishApAt.h sutaxayaH || 60||
nAshasthAnAdhipe putre bhrAtR^inAthena saMyute |
randhre ArArkisaMyukte bhrAtR^ishApAt.h sutaxayaH || 61||
bhrAtR^ishApavimoxArthaM vaMshasya shravaNaM hareH |
chAndrAyaNsM charet.h pashchAt.h kAveryyA viShNusannidhau || 62||
ashvatthasthApanaM kuryAd.h dashadhenUshcha dApayet.h |
patnIhastena putrechChurbhUmiM dadyAt.h phalAnvitAm.h || 63||
evaM yaH kurute bhaktyA dharmapatnyA samanvitaH |
dhruvaM tasya bhavet.h putraH kulavR^iddhishcha jAyate || 64||
putrasthAne budhe jIve kujarAhusamanvite |
lagne mande sutabhAvo j~neyo mAtulashApataH || 65||
lagneputreshvarau putre budhabhaumArkisaMyutau |
j~neyaM mAtulashApatvAjjanasya santatixayaH || 66||
lupte putrAdhipe lagne saptame bhAnunandane |
lagneshe budhasaMyukte tasyApi santatixayaH || 67||
j~nAtisthAnAdhipe lagne vyayeshena samanvite |
shashisaumyakuje putre vij~neyaH santatixayaH || 68||
taddoShaparihArArthaM viShNusthAparamAcharet.h |
vApIkUpataDAgAdikhananaM sutabandhunam.h || 69||
putravR^iddhirbhavettasya sampad.hvR^iddhiH prajAyate |
iti yogavashAdevaM shAntiM kuryAd.h vichaxaNaH || 70||
balagarvva yo martyo brAhmaNAnavamanyate |
taddoShAd.h brahmashApAchcha tasya syAt.h santatixayaH || 71||
guruxetre yadA rAhuH putre jIvArabhAnujAH |
dharmasthAnAdhipe nAshe brahmashApAt.h sutaxayaH || 72||
dharmeshe putrabhAvasthe putreshe nAsharAshige |
jIvArarAhubhiryukte brahmashApAt.h sutaxayaH || 73||
dharmabhAvAdhipe nIche vyayeshe putrabhAvage |
rAhuyutexite vApi brahmashApAt.h sutaxayaH || 74||
jIve nIchagate rAhau lagne vA putrarAshige |
putrasthAnAdhipe duHsthe brahmashApAt.h sutaxayaH || 75||
putrabhAvAdhipe jIve randhre pApasamanvite |
putreshe sArkachandre vA brahmashApAt.h sutaxayaH || 76||
mandAMshe mandasaMyukte jIve bhaumasamanvite |
putreshe vyayarAshisthe brahmashApAt.h sutaxayaH || 77||
lagne guruyute mande bhAgye rAhusamanvite |
vyaya vA gurusaMyukte brahmashApAt.h sutaxayaH || 78||
tasya doShasya shAntyarthaM kuryAchchAndrAyaNaM naraH |
brahmakR^ichChratryaM kR^itvA dhanuM dadyAt.h sadaxiNAm.h || 79||
pa~ncharatnAni deyAni suvarNasahitAni cha |
brAhmaNAn.h bhojayet.h pashchAdyathAshakti dvijottama || 80||
evaM kR^ite tu satputraM labhate nA.atra saMshayaH |
muktashApo vishuddhAtmA sa naraH sukhamedhate || 81||
dAreshe putrabhAvasthe dAreshasyAMshape shanau |
putreshe nAsharAshisthe patnIshApAt.h sutaxayaH || 82||
nAshasaMsthe kalatreshe putreshe nAsharAshige |
kArake pApasaMyukte patnIshApAt.h sutaxayaH || 83||
putrasthAnagate shukre kAmape randhramAshrite |
kArake pApasaMyukte patnIshApAt.h sutaxayaH || 84||
kuTumbe pApasaMyukte kAmape nAsharAshige |
putre pApagrahairyukte patnIshApAt.h sutaxayaH || 85||
bhAgyasthAnagate shukre dAreshe nAsharAshige |
lagne sute cha pApaDhye patnIshApAt.h sutaxayaH || 86||
bhAgyasthAnAdhipe shukre putreshe shatrurAshige |
gurulagneshadAreshA duHsthAshchet.h santatixayaH || 87||
putrasthAne bhR^iguxetre rAhuchandrasamanvite |
vyaye lagne dhane pApe patnIshApAt.h sutaxayaH || 88||
saptame mandashukrau cha randhreshe putrabhe ravau |
lagne rAhusamAyukte patnIshApAt.h sutaxayaH || 89||
dhane kuje vyaye jIve putrasthe bhR^igunandane |
shanirAhuyute dR^iShTe patnIshApAt.h sutaxayaH || 90||
nAshasthau vittadAreshau putre lagne kuje shanau |
kArake pApasaMyukte patnIshApAt.h sutaxayaH || 91||
lagnapa~nchamabhAgyasthA rAhumandakujAH kramAt.h |
randhrasthau putradAreshau patnIshApAt.h sutaxayaH || 92||
shApamuktyai cha kanyAyAM satyAM taddAnamAcharet.h |
kanyAbhAve cha shrIviShNormUrti laxmIsamanvitAm.h || 93||
dadyAt.h svarNamayIM vipra dashadenusamanvitAm.h |
shayyAM cha bhUShaNaM vastraM dampatibhyAM dvijanmanAm.h || 94||
dhruvaM tasya bhavet.h putro bhAgyavR^iddhishcha jAyate |
karmalope pitR^iNAM cha pretatvaM tasya jAyate || 95||
tasya pretasya shApAchcha putrAbhAvaH prajAyate |
ato.atra tAdR^ishAn.h yogAt.h janmalagnAt.h pravachmyaham.h || 96||
putrasthAnau mandasUryau xINachandrashcha saptame |
lagne vyaye rAhujIvau pretashApAt.h sutaxayaH || 97||
putrasthAnAdhipe mande nAshasthe lagnage kuje |
kArake nAshabhAve cha pretashApAt.h sutaxayaH || 98||
lagne pApe vyaye bhAnau sute chArArkisomajAH |
putreshe randhrabhAvasthe pretashApAt.h sutaxayaH || 99||
lagne svarbhAnunA yukte putrasthe bhAnunandane |
gurau cha nAsharAshisthe pretashApAt.h sutaxayaH || 100||
lagne rAhau sashukrejye chandre mandayute tathA |
lagneshe mR^ityurAshisthe pretashApAt.h sutaxayaH || 101||
putrasthAnAdhipe nIche kArake nIcharAshige |
nIchasthagrahadR^iShTe cha pretashApAt.h sutaxayaH || 102||
lagne mande sute rAhau randhre bhAnusamanvite |
vyaye bhaumena saMyukte pretashApAt.h sutaxayaH || 103||
kAmasthAnAdhipe duHsthe putre chandrasamanvite |
mandamAndiyute lagne pretashApAt.h sutaxayaH || 104||
vadhasthAnAdhipe putre shanishukrasamanvite |
kArake nAsharAshisthe pretashApAt.h sutaxayaH || 105||
asya doShasya shAntyarthaM gayAshrAddhaM samAcharet.h |
kuryAMdrudrAbhiSheka~ncha brahmamUrti pradApayet.h || 106||
dhenuM rajatapAtraM cha tathA nIlamaNiM dvija |
brAhmaNAn.h bhojayet.h pashchAt.h tebhyashcha daxiNAM dishet.h || 107||
evaM kR^ite manuShyasya shApamoxA prajAyate |
putrotpattirbhavettasya kulavR^iddhishcha jAyate || 108||
tathA j~nashukraje doShe putrAptiH shambhupUjanAt.h |
jIvachandrakR^ite vipra mantrayantrauShadhAditaH || 109||
rAhuje kanyakAdAnAt.h sUryaje harikIrtanAt.h |
godAnAt.h ketuje doShe rudrajApAt.h kujA.arkije || 110||
sarvadoShavinAshAya shubhasantAnalabdhaye |
harivaMshakathA bhaktyA shrotavyA vidhinA dvija || 111||
\medskip\hrule\medskip
          atha grahashAntyadhyAyaH || 84||
\smallskip
grahANAM doShashAntyarthaM teShAM pUjAvidhiM vada |
mAnavAnAM hitArthAya saMxepAt.h kR^ipayA mune || 1||
grahA sUryAdayaH pUrvaM mayA proktA dvijottama |
jagatyAM sarvajantUnAM tadadhInaM sukhA.asukham.h || 2||
tasmAt.h sushAntikAmo vA shrIkAmo vA suchetasA |
vR^iShTAyAyuH puShTikAmo vA teShAM yaj~naM samAcharet.h || 3||
tAbhrAchcha sphaTikAdraktachandanAt.h svarNakAdubhau |
rajatAdayasaH sIsAt.h kAMsyAt.h kAryAH krAmad.h grahAH || 4||
pUrvoktaiH svasvavarNairvA paTe lekhyA dvijottamaiH |
svasvoktadigvibhAgeShu gandyAdyairmaNDaneShu vA || 5||
pad.hmAsanaH pad.hmahastaH pad.hmapatrasamadyutiH |
saptAshvarathasaMsthashcha dvibhujashcha divAkaraH || 6||
shvetaH shvetAmbaro devo dashAshvaH shvetabhUShaNaH |
gadAhasto dvibAhushcha vidhAtavyo vidhurdvija || 7||
raktamAlyAmbaradharo shaktishUlagadAdharaH |
varadastu chaturbAhurma~Ngalo meShavAhanaH || 8||
pItamAlyAmbaradharaH karNikArasamadyutiH |
khaD.hgacharmagadApANiH siMhastho varado budhaH || 9||
gurushukrau kramAt.h pItashvetavarNau chaturbhujau |
daNDinau varadau kAryau sAxasUtrakamaNDalU || 10||
indranIladyutiH shUlI varado gR^idhravAhanaH |
vANavANAsanadharo vij~neyo.arkasuto dvija || 11||
karAlavadanaH khaD.hgacharmashUlI varapradaH |
siMhastho nIlavarNashcha rAhurevaM prakalpyate || 12||
dhUmrA dvibAhavaH sarve gadino vikR^itAnanAH |
gR^idhrAsanA nityaM ketavaH syurvarapradA || 13||
sarve kirITinaH kAryA grahA lokahitapradAH |
svAMgulenochChritA vij~naiH shatamaShTottaraM sadA || 14||
yathAvarNaM pradeyAni sudShpANi vasanAni cha |
gandho dIpo balishchaiva dhUpo deyashcha gugguluH || 15||
yasya grahasya yad.hdravyamannaM yasya cha yat.h priyam.h |
tachcha tasyai pradAtavyaM bhaktiyuktena chetasA || 16||
AkR^iShNena imaM devA agnirmUrdhA divaH kakut.h |
ud.hbudhyasveti mantrAMshcha japedatha bR^ihaspate || 17||
annAt.h parishrutashcheti shanno devIrabhIShTaye |
kayA nashchitra ityevaM ketu kR^iNvannimAMstathA || 18||
sapta rudrA disho nandA navachandrA nR^ipAstathA |
tripaxA aShTachandrAshcha saptachandrAstathaiva cha || 19||
imAH saMkhyAH sahasraghnA japasaMkhyAH prakIrtitAH |
kramAdarkAdikheTAnAM prItyarthaM dvijapu~Ngava || 20||
arkaH palAshaH khadirastvapAmArgastu pippalaH |
udumbaraH shamI durvA kushAshcha samidhaH kramAt.h || 21||
hotavyA madhusarpibhyAM dadhnA xIreNa vA yutAH |
ekaikasya tvaShTa shatamaShTAviMshatireva vA || 22||
guDaidanaM pAyasaM cha haviShyaM xIraShAShTikam.h |
dadhyodanaM havishchUrNaM mAMsaM chitrAnnameva cha || 23||
dadyAd.h grahakramAdevaM viprebhyo bhojanaM dvija |
shaktito vA yathAlAbhaM deyaM satkArapUrvakam.h || 24||
dhenuH sha~NkhastathA.anaD.hvAn.h hema vAso hayaH kramAt.h |
kR^iShNA gaurAyasaM ChAga etA ravyAdidaxiNAH || 25||
yasya yashcha yadA duHsthaH sa taM yatnena pUjayet.h |
eShAM dhAtrA varo dattaH pUjitAH pUjayiShyatha || 26||
mAnavAnAM grahAdhInA u~nChrAyAH patanAni cha |
bhAvA.abhAvau cha jagatAM tasmAt.h pUjyatamA grahAH || 27||
\medskip\hrule\medskip
        atha.ashubhajanmakathanAdhyAyaH || 85||
\smallskip
athA.anyat.h sampravaxyAmi sulagne sugraheShvapi |
yadanyakAraNenApi bhavejjanmA.ashubhapradam.h || 1||
darshe kR^iShNAchaturdashyAM viShTyAM sodarabhe tathA |
pitR^ibhe sUryasaMkrAntau pAte.arkendugrahe tathA || 2||
vyatIpAtAdiduryoge gaNDAnte trividhe.api vA |
yamaghaNTe.avabhe dagdhayoge trItarajanma cha || 3||
prasavasya trikAre.api j~neyaM janmA.ashubhapradam.h |
shAntyA bhavati kalyANaM tadupAyaM cha vachmyaham.h || 4||
\medskip\hrule\medskip
       atha darshajanmashAntyadhyAyaH || 86||
\smallskip
maitreya darshajAtAnAM mAtApitrordaridratA |
taddoShaparihArAya shAntiM kuryAd.h vichaxaNaH || 1||
kalashasthApanaM kR^itvA prathamaM vidhipUrvakam.h |
udumbaraTAshvatthachUtAnAM pallavAMstathA || 2||
sanimbAnAM cha mUlani tvachastatra vinixipet.h |
paMcharatnAni nixipya vastrayugmena cheShTayet.h || 3||
sarve samudra iti chA.apohiShThAditryR^ichena cha |
Amantrya kalashe tachcha sthApayed.h vahnikoNake || 4||
darshasya devayoshchA.atha chandrabhAskarayoH kramAt.h |
pratimAM svarNajAM nityaM rAjatIM tAmrajAM tathA || 5||
ApyAyasveti mantrena.a savitA pashchAttameva cha |
upachAraiH samArAdhya tato homaM samAcharet.h || 6||
samidhashcha charuM vidvAn.h krameNa juhuyAt.h vratI |
bhaktyA savitR^imantreNa somo dhenushcha mantrataH || 7||
aShTottarashataM vApi aShTaviMshatireva vA |
abhiShekaM tathA kuryAt.h dampatyoshcha suputrayoH || 8||
hiraNyaM rajataM chaiva kR^iShNadhenushcha daxiNA |
brAhmaNAn.h bhojayet.h shaktyA tataH xemamavApnuyAt.h || 9||
\medskip\hrule\medskip
       atha kR^iShNachaturdashIjanma shAntyadhyAyaH || 87||
\smallskip
kR^iShNapaxachaturdashyAH ShaD.hbhAgeShu phalaM kramAt.h |
janma chet.h prathame bhAge tadA j~neyaM shubhaM dvija || 1||
dvitIye pitaraM hanti mAtaraM cha tR^itIyake |
chaturthe mAtulaM chaiva pa~nchame vaMshanAshanam.h || 2||
ShaShThe tu dhananAshaH syAdAtmano nAsha eva vA |
taddoShaparihArArthaM shAntiM kuryAd.h prayatnataH || 3||
shivasya pratimAM kuryAt.h sauvarNIM karShasammitAm.h |
tadardhArdhamitAM vA.api yathAvittaM manoharAm.h || 4||
bAlachandrakirITA~ncha shvetamAlyAmbarAnvitAm.h |
trinetrAM cha vR^iShAsInAM varAbhayakarAmatha || 5||
trayambakaM cheti mantreNa pUjAM kuryAdatandritaH |
AvAhya vAruNairmantrairAchAryo mantratattvavit.h || 6||
imaM me varuNe tyevaM tattvA yAmI tyR^ichA punaH |
ttvanna agne ityanayA satvaM no ityR^ichApi cha || 7||
AgneyaM kumbhamArabhya pUjayed.h bhaktitaH kramAt.h |
A nobhadreti sUktaM cha bhadrA agneshcha sUktakam.h || 8||
japtvA puruShasUktaM cha kandrudreti tathA japet.h |
sha~NkarasyA.abhiShekaM cha grahapUjAM cha kArayet.h || 9||
samidAjyacharUMshchaiva tilamAShAMshcha sarpapAn.h |
ashvasthalpaxapAlAsakhAdirAH samidhaH shubhAH || 10||
aShTottarashataM vahnau juhuyAd.h vidhipUrvakam.h |
aShTaviMshatisaMkhyA vA homaM kuryAt.h pR^ithak.h pR^ithak.h || 11||
mantreNa tryambakenAtha tilAn.h vyAhR^itibhistathA |
grahahomaM cha vidhivat.h kuryAd.h xemaM tato bhavet.h || 12||
abhiShekaM cha jAtasya tatpitroshchApi mantravit.h |
kuryAt.h tato yathAshakti brAhmaNAn.h bhojayet.h sudhIH || 13||
\medskip\hrule\medskip
         atha bhardAvamaduryogashAntyadhyAyaH || 88||
\smallskip
athA.ahaM sampravaxyAmi bhadrAyAmavame tathA |
vyAtoopAtAdiduryoge yamaghaNTAdike cha yat.h || 1||
janmAshubhaphalaM proktaM tasya shAntividhiM dvija |
prApte prasUtiduryoge shAntiM kuryAd.h vichaxaNaH || 2||
daivaj~nairdarshite vA.api sulagne sudine gR^ihI |
pUjanaM devatAnAM cha grahANAM yajanaM tathA || 3||
sha~NkarasyA.abhiShekaM cha ghR^itadIpaM shivAlaye |
AyurvR^iddhikaraM kuryAdashvatthasya pradaxiNam.h || 4||
havanaM viShNumantreNa sa/tamaShTottaraM sudhIH |
brAhmaNAn.h bhojayet.h shaktyA tataH kalyANamApnuyAt.h || 5||
\medskip\hrule\medskip
       athaika naxatra jAtashAntyadhyAyaH || 89||
\smallskip
atha yadyekanaxatre bhrAtrorvA pitR^iputrayoH |
prasUtishcha tayormR^iturathaivakasya nishchayaH || 1||
tatra shAntiM pravaxyAmi gargAdimunibhAShitam.h |
sudine shubhanaxatre chandratArAbalAnvite || 2||
riktAvaviShTivivarjye cha samaya shAntimAcharet.h |
shanerIshAnadig.hbhAge naxatrapratimAM shubhAm.h || 3||
tannaxatroktamantreNa pUjayet.h kalashopari |
raktavastreNa saMChAdya vastrayugmena veShTayet.h || 4||
svasvashAkhoktamArgeNa kuryAdagnimukhaM tathA |
punastenaiva mantreNa hunadaShTottaraM shatam.h || 5||
pratyekaM samidannAjyaiH prAyashchittAntameva hi |
abhiShekaM tataH kuryAdAchAryashcha dvayorapi || 6||
R^itvigbhyo daxiNAM dadyAdAchAryAya visheShataH |
brAhmaNAn.h bhojayed.h bhaktyA vittashAThyavivarjitaH || 7||
\medskip\hrule\medskip
        atha saMkrAntijanmashAntyadhyAyaH || 90||
\smallskip
ghorAdhvAMxImahodaryo mandA mandAkinI tathA |
mishrA cha rAxasI sUryasaMkrAntiH sUryavAsarAt.h || 1||
saMkrAntau cha naro jAto bhaved.h dAridrya duHkhabhAk.h |
shAntyA sukhamavApnoti tataH shAntividhi bruve || 2||
navagrahamakhaM kuryAt.h tasya doShopashAntaye |
gR^ihasya pUrvadig.hbhAge gomayenopalipya cha || 3||
svalaMkR^itapradeshe tu brIhirAshiM prakalpayet.h |
pa~nchadroNamitaM dhAnyaistadardhaM taNDulaistathA || 4||
tadardhaM cha tilaiH kuryAdrAshiM cha dvijasattama |
pR^ithak.h tritayarAshau tu likhedaShTadalaM budhaiH || 5||
puNyAhaM vAchayitvA tu AchAryaM vR^iNuyAt.h purA |
dharmaj~naM mantratattvaj~naM shAntikarmaNi kovidam.h || 6||
rAshiShu sthApayet.h kumbhAnavraNAn.h sumanoharAn.h |
tIrthodakena sampUrya samR^idauShadhapallavam.h || 7||
paMchagavyaM xipettatra vastrayugmena veShTayet.h |
kumbhopari nyaset.h pAtraM sUxmavastreNa veShTitam.h || 8||
pratimAM sthApayet.h tatra sAdhipratyadhidaivatAm.h |
adhidaivaM bhavet.h sUryashchandraH pratyadhidaivatam.h || 9||
chandrAdityAkR^itI pArshve madhye saMkrAntimarchayet.h |
pratimAM pUjane pUrvaM vastrayugmaM nivedayet.h || 10||
tato vyAhR^itipUrrveNa tattanmantreNa pUjayet.h |
traiyambakeNa mantreNa pradhAnapratibhAM pUjayet.h || 11||
utsUrya iti mantreNa sUryapUjAM samAcharet.h |
ApyAyasveti mantreNa chandrapUjAM samAcharet.h || 12||
upachAraiH ShoDashabhiryadvA pa~nchopachArakaiH |
mR^ityuMjayana mantreNa pradhAnapratimAM spR^ishan.h || 13||
aShTottarasahasraM chA.apyaShTottarashataM japet.h |
athA.aShTAviMshatiM vApi japenmantraM svashaktitaH || 14||
kumbhebhyaH pashchime deshe sthaNDile.agniM prakalpayet.h |
svagR^ihyoktavidhAnena kArayet.h saMskR^itAnalam.h || 15||
trayambakena mantreNa samidAjyacharUn.h hunet.h |
aShTottarasahasraM vA aShTottarashataM yathA || 16||
aShTaviMshatimevApi kuryAd.h homaM svashaktitaH |
mR^ityuMjayena mantreNa tilahomashcha kArayet.h || 17||
tataH sviShTakR^itaM hutvAbhiShekaM cha kArayet.h |
brahmaNAn.h bhojayet.h pashchAdevaM shAntimavApnuyAt.h || 18||
\medskip\hrule\medskip
\medskip\hrule
##
Encoded and proofread by ajarve at fms30.cca.rockwell.com (Ahto Jarve)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}