% Text title            : bRihatpArAsharahorAshAstram.h 91-97
% File name             : par9197.itx
% Category              : jyotisha, sociology\_astrology, bRihatpArAshara
% Location              : doc\_z\_misc\_sociology\_astrology
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve ajarve at fms30.cca.rockwell.com
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bRihatpArAsharahorAshAstram.h 91-97 ..}##
\itxtitle{.. bR^ihatpArAsharahorAshAstram.h 91\-97 ..}##\endtitles ##

\medskip\hrule\medskip
             atha grahaNajAtashAntyadhyAyaH || 91||
\smallskip
sUryendugrahaNe kAle yeShAM janma bhaved.h dvija |
vyAdhiH kaShTaM cha dAridryaM teShAM mR^ityubhayaM bhavet.h || 1||
ataH shAntiM pravaxyAmi janAnAM hitakA~N.hxayA |
sUryasyendoshcha graheNaM yasminR^ixe prajAyate || 2||
tannaxatrapate rUpaM suvarNena prakalpayet.h |
sUryagrahe sUryarUpaM suvarNena svashaktitaH || 3||
chandragrahe chandrarUpaM rajatena tathaiva cha |
rAhurUpaM prakurvIta sIsakena vichaxaNaH || 4||
shuchau deshe samaM sthAnaM gomayena pralepayet.h |
tatra cha sthApayed.h vastraM nUtanaM sumanoharam.h || 5||
trayANAmeva rUpANAM sthApanaM tatra kArayet.h |
sUryagrahe pradAtavyaM sUryaprItikaraM cha yat.h || 6||
raktAxataM raktagandhaM raktamAlyAmbarAdikam.h |
chandragrahe pradAtavyaM chandraprItikaraM cha yat.h || 7||
shvetagandhaM shvetapuShpaM shvetamAlyAmbarAdikam.h |
rAhave cha pradAtavyaM kR^iShNapuShpAmbarAdikam.h || 8||
dadyAnnaxatranAthAya shvetagandhAdikaM tathA |
sUryaM sampUjayeddhImAnAkR^iShNeti cha mantrataH || 9||
athA chandraM ime devA iti mantreNa bhaktitaH |
dUrvAbhi pUjayedrAhuM kayA na iti mantrataH || 10||
sUryendvorarkapAlAshamid.hbhirjuhuyAt.h kramAt.h |
tathA cha rAhoH prItyarthaM dUrvAbhirdvijasattama || 11||
brahmavR^ixasamid.hbhishcha bheshAya juhuyAt.h punaH |
abhiShekaM tataH kuryAt.h jAtasya kalahodakaiH || 12||
AchAryaM pUjayed.hbhaktyA sushAnto vijitendriyaH |
brAhmaNAn.h bhojayetvA tu yathAshakti visarjayet.h || 13||
evaM grahaNajAtasya shAntiM kR^itvA vidhAnataH |
sarvavighnaM vinirjitvA saubhAgyaM labhate naraH || 14||
\medskip\hrule\medskip
         atha gaNDAntajAtashAntyadhyAyaH || 92||
\smallskip
tithinaxatralagnAnAM gaNDAntaM trividhaM smR^itam.h |
janmayAtrAvivAhAdau bhavettannidhanapradam.h || 1||
pUrNAnandAkhyayostithyoH sandhau nADIchatuShTayam.h |
adha UrdhvaM cha maitreya tithigaNDAntamuchyate || 2||
revatIdAsrayoH sApramaghayoH shAkramUlayoH |
sandhau naxatragaNDAntamevaM nADIchatuShTayam.h || 3||
mInAjayoH karkiharyorlagnayoralichApayoH |
sandhau cha lagnagaNDAntamadhaUrdhva ghaTImitam.h || 4||
eShu chAbhuktamUlAkhyaM mahAvighnapadaM smR^itam.h |
indrarAxasayoH sandhau pa~nchAShTaghaTikAH kramAt.h || 5||
atha gaNDAntajAtasya shishoH shAntividhiM bruve |
gaNDAntakAlajAtasya sUtakAntyadine pitA || 6||
shAntiMshubhe.ahni vA kuryAt.h pashyet.h tAvanna taM shishum.h |
vR^iShabhaM tithigaNDAnte naxatre dhanumeva cha || 7||
kA~nchanaM lagnagaNDAnte dadyAttaddoShaprashAntaye |
AdyabhAge prajAtasya pitushchApyabhiShechanam.h || 8||
dvitIye tu shishormAturabhiShekaM cha kArayet.h |
suvarNena tadardheNa yathAvittaM dvijottama |
tithibheShAdirUpaM cha kR^itvA vastrasamanvitam.h || 9||
upachArairyathAshakti kalahopari pUjayet.h |
pUjAnte samidannajyairhoma. kuryAdyathAvidhi || 10||
brAhmaNAn.h bhojayet.h pashchAdevaM doShAtpramuchyate |
AyurArogyamaishvaryaM samprApnoti dine dine || 11||
\medskip\hrule\medskip
       atha abhuktamUlashAntyadhyAyaH || 93||
\smallskip
jyeShThAmUlamayoryasmAdadhipAvindrarAxasau |
mahAvairAt.h tayoH sandhirmahAdoShapradaH smR^itaH || 1||
abhuktamUlajaM putraM putrIM vA.api parityajet.h |
athavA.abdAShTakaM tAtastanmukhaM na vilokayet.h || 2||
taddoShaparihArArthamatha shAntividhiM bruve |
tatrA.adau doShabahulyAn.h mUlashAntirnigadyate || 3||
janmato dvAdashAhe vA tadR^ixe vA shubhe dine |
jAtasya vA.aShTame varShe shAntiM kuryAd.h vidhAnataH || 4||
susame cha shubhe sthAne gomayenopalepite |
maNDapaM svagR^ihAt.h prAchyAmudIchyAM vA prakalpayet.h || 5||
chaturdvArasamAyuktaM toraNAdyairala~N.hkR^itam.h |
kuNDaM grahAdiyaj~nArthaM tad.hbahishcha prakalpayet.h || 6||
suvarNena tadardhena tadardhArdhena vA punaH |
naxatradevatArUpaM kuryAd.h vittAnusArataH || 7||
shyAmavarNaM mahograM cha dvishiraskaM vR^ikAnanam.h |
khaD.hgacharmadharaM tadvad.h dhyeyaM kuNapavAhanam.h || 8||
suvarNasya cha mUlyaM vA sthApayitvA prapUjayet.h |
suvarNaM sarvadaivatyaM yataH shAstreShu nishchitam.h || 9||
AchAryaM varayet.h pashchAt.h svastivAchanupUrvakam.h |
kalashasthApanaM kuryAt.h svagR^ihyoktavidhAnataH || 10||
pa~nchagavyAdikaM xepyaM kalashe tIrthavAri cha |
shatauShadhyAdikaM tatra shatachChidraghaTe xipet.h || 11||
vaMshapAtraM cha saMsthApya tatra vai pashchimAmukham.h |
archeyennirR^itiM devaM shuklavastrAxatAdibhiH || 12||
indraM tadadhidevaM cha jalaM pratyadhidaivatam.h |
svasvashAkhoktamantreNa pradhAnAdIn.hprapUjayet.h || 13||
devAdhidevaprItyarthaM homaM kuryAdyathAvidhi |
aShTottaraM sahasraM vA shataM vA niyatendriyaH || 14||
mR^ityuprashamanArthaM cha mantraM trayambakaM japet.h |
prArthayechcha tato devamabhiShekArthamAdarAt.h || 15||
bhadrAsanopaviShTasya sastrIputrasya mantravit.h |
AchAryo yajamAnasya kuryAt.h prItyAbhiShechanam.h || 16||
vastrAntaritakumbhAbhyAM snApayettadanantaram.h |
shuklAmbaradharastadvat.h shvetagandhAnulepanaH || 17||
dhenuM payasvinIM dadyAdAchAryAya cha shaktitaH |
R^itvig.hbhyo daxiNAM dadyAd.h brAhmaNAMshchApi bhojayet.h || 18||
yatpApaM yachcha me dauHsthyaM sarvagAtreShvavasthitam.h |
tatsarvaM bhaxayAjya tvaM laxmIM puShTiM cha vardhaya || 19||
anenaiva tu mantreNa samyagAjyaM vilokayet.h |
mUlagaNDod.hbhavastaivaM sarpapApaM praNashyati || 20||
\medskip\hrule\medskip
        atha jyeShThAdi gaNDashAntyadhyAyaH || 94||
\smallskip
jyeShThAgaNDAntajAtastu pituH svasya cha nAshakaH |
tasya shAntividhiM vaxye sarvavighnopashAntaye || 1||
mUlashAntisamaM sarvamAtrApi maNDapAdikam.h |
indro.atra devatA tadvadadhidevo.analastathA || 2||
vij~neyaM cha tathA vipra raxaH pratyadhidaivatam.h |
yathAshakti suvarNena kuryAdindrasvarUpakam.h || 3||
vajrA~N.hkushadharaM divyaM gajarAjoparisthitam.h |
shAlitaNDulasaMyuktakumbhasyopari pUjayet.h || 4||
svasvagR^ihyoktamantreNa gandhapuShpAxatAdibhiH |
abhiShekaM cha homaM cha kuryAd.h brAhmaNabhojanam.h || 5||
indrasUktaM japed.h bhaktyA mantraM mR^ityu~njayaM tathA |
prArthayedindradevaM cha tataH shAntimavApnuyAt.h || 6||
atha vA shaktyabhAve tu kuryAd.h godAnameva hi |
yataH samastabhUdAnAd.h godAnamatirichyate || 7||
mUlendrAhimaghAgaNDajAte dadyAd.h gavAM trayam.h |
goyugmaM pauShNadAsrotthe gaNDAnte cha dvijanmane || 8||
anyagaNDe cha duryoge gAmekAM hi pradApayet.h |
gorabhAve cha viprAya dadyAt.h tanmUlyameva hi || 9||
jyeShThanaxatrajA kanyA vinihanti dhavAgrajam.h |
vishAkhAntyapadotpannA kanyA devaraghAtinI || 10||
tasyAH pradAnakAle.ato godAnamapi kArayet.h |
AshleShAntyatripAdotthau mUlAdyatripadod.hbhavau || 11||
kanyAsutau hataH shvashrUM shvashura~ncha yathAkramam.h |
tayorvivAhakAle.ataH shAntiM kuryAd.h vichaxaNaH || 12||
tattadoShavinAshAya yathAvittAnusArataH |
dhavAgrajadyabhAve tu na doShAya prajAyate || 13||
\medskip\hrule\medskip
        atha trItarajanmashAntyadhyAyaH || 95||
\smallskip
athA.anyat.h sampravaxyAmi janmadoShapradaM dvija |
sutatrye sutAjanma tat.htraye sutajanma chet.h || 1||
tadA.ariShTabhayaM j~neyaM pitR^imAtR^ikuladvaye |
tatra shAntividhiM kuryAd.h vittashAThyavivarjitaH || 2||
sUtakAnte.atha vA shuddhe samaye cha shubhe dine |
AchAryamR^itvijo vR^itvA grahayaj~napurassaram.h || 3||
brahmaviShNu maheshendrapratimAH svarNajAH shubhAH |
pUjayed.h dhAnyarAshisthakalashopari bhaktitaH || 4||
chatvAri rudrasUktAni shAntisUktAni sarvashaH |
vipra eko japed.h homakAle cha suchisaMyataH || 5||
AchAryo juhuyAttatra samidAjyatilAMshcharum.h |
aShTottaraM sahasraM vA shataM vA.aShTau cha viMshatim.h || 6||
brahmAdisarvadevebhyaH svasvagR^ihyoktamantrataH |
tataH sviShTakR^itaM hutvA baliM pUrNAhutiM punaH || 7||
abhiShekaM cha jAtasya sakuTumbasya kArayet.h |
R^itvig.hbhyo daxiNAM dadyAd.h brAhmaNAMshchApi bhojayet.h || 8||
kAMsyAjyavIxaNaM kR^itvA dInAnAthAMshcha tarpayet.h |
evaM shAntyA cha maitreya sarvAriShTaM vilIyate || 9||
\medskip\hrule\medskip
       atha prasavavikArashAntyadhyAyaH || 96||
\smallskip
athA.ahaM sampravaxyAmi vikAraM prasavod.hbhavam.h |
yenA.ariShTaM samastasya grAmasya cha kulasya cha || 1||
atyalpe vA.adhike kAle prasavo yadi jAyate |
hInA~NgovA.adhikA~Ngo vA vishirA dvishirAstathA || 2||
nAryA pashvAkR^itirvApi pashuShvapi narAkR^itiH |
prasavasya vikAro.ayaM vinAshAyopajAyate || 3||
yasya striyAH pashunAM vA vikArAH prasavod.hbhavaH |
aniShTaM bhavane tasya kule.api cha mahad.h bhavet.h || 4||
taddoShaparihArArthaM shAntiH kAryA prayatnataH |
strI vA gauvaMDavA vApi parityAjyA hitArthinA || 5||
nAryAH pa~nchadashe varShe janmataH ShoDasho.api vA |
garbho vA prasavo vA.api na shubhAya prajAyate || 6||
siMharAshisthite.arka gaunakrasthe mahiShI tathA |
prasUtA svAminaM hanti svayaM chApi vinashyati || 7||
brAhmaNAya pradadyAt.h tAM shAntiM vApi samAcharet.h |
brahmaviShNumaheshAnAM grahANAM chaiva pUjanam.h || 8||
sarvaM homAdikaM karma kuryAt.h tritarashAntivat.h |
tato gR^iho sukhI bhUtvA sarvapApaiH pramuchyate || 9||
evaM tvariShTe samprApte naraH shAntiM karoti yaH |
sarvAn.h kAmAnavApnoti chirajIvI sukhI cha saH || 10||
\medskip\hrule\medskip
           athopasaMhArAdhyAyaH || 97||
\smallskip
yachChAstraM brahmaNA proktaM nAradAya mahAtmane |
tadeva shaunakAdibhyo nAradaH prAha sAdaram.h || 1||
tato mayA yathA j~nAtaM tubhyamuktaM tathA dvija |
nAsUyakAya dAtavyaM paranindAratAya vA || 2||
jaDAya durvinItAya nAj~nAtAya kadAchana |
deyametatsurilAya bhaktAya satyavAdine || 3||
medhAvine vinItAya samyag.h j~nAtakulAya cha |
puNyadaM jyautiShaM shAstramagryaM vedA~Ngamuttamam.h || 4||
jAnAti kAlamAnaM yo graharxANAM cha saMsthitim.h |
horAshAstramidaM samyak.h sa vijAnAti nA.aparaH || 5||
horAshAstrArthatattvaj~naH satyavAg.h vijitendriyaH |
shubhA.ashubhaM phalaM vakti satyaM tadvachanaM bhavet.h || 6||
ye sushAstraM paThantIdaM ye vA shR^iNvanti bhaktitaH |
teShAMmAyurbalaM vittaM vR^iddhimeti yashaH sadA || 7||
itthaM parAshareNoktaM horAshAstraM chamatkR^itam.h |
navaM navajanaprItyai vividhAdhyAyasaMyutam.h || 8||
shreShThaM jagaddhitAyedaM maitreyAya dvijanmane |
tataH pracharitaM pR^ithvyAmAdR^itaM sAdaraM janaiH || 9||
granthe.asmin.h pR^ithagadhyAyairviShayA viniveshitAH |
sR^iShTikramo.avatArAshcha guNAH kheTasya bhasya cha || 10||
visheShalagnaM vargAshcha tadvivekashcha rAshidR^ik.h |
ariShTaM tadvibha~Ngashcha viveko bhAvajastathA || 11||
bhAvAnAM cha phalAdhyAyo bhAveshotthaphalaM tathA |
aprakAshaphalaM spaShTakheTadR^iShTiprasAdhanam.h || 12||
tataH spaShTabalAdhyAyaH iShTakaShTaprasAdhanam.h |
padaM chopapadaM tadvadargalA tvatha kArakAH || 13||
kArakAMshaphalaM yogakArakAdhyAya eva cha |
nAbhasA vividhA yogAshchandrayogo.arkayogakaH || 14||
rAjayogastataH prokto rAjasambandhayogakaH |
visheShadhanayogAshcha yogA dAridryakArakAH || 15||
AyurmArakabhedAshcha grahAvasthAH phalAnvitAH |
nAnAvidhadashAdhyAyAstatphalAdhyAyaH saMyutAH || 16||
antaHpratyantaraprANasUxmasaMj~nAshcha tad.hbhidAH |
sUryAdyaShTakavargashcha trikoNaparishodhanam.h || 17||
ekAdhipatyasaMshuddhistataH piNDaprasAdhanam.h |
tatashchA.aShTakavargANAM prasphuTAni phalAni cha || 18||
tato.apyaShTakavargAyuHsAdhanaM cha tataH param.h |
samudAyAShTavargotthaphalAdhyAyaH parisphuTaH || 19||
graharashmiphalAdhyAyaH sudarshanaphalaM tathA |
mahApuruShachihnAni mahAbhUtaphalAni cha || 20||
guNatrayaphalAdhyAyastato.apyaj~nAtajanmanAm.h |
janmalagnAdivij~nAnaM pravrajyAlaxaNAni cha || 21||
strINAM cha phalavaiShTyama~NgalaxmaphalAni cha |
pUrvapApotthashApotthayogA vaiputryakArakAH || 22||
satputraprAptyupAyAshcha sahaiva pratipAditAH |
janmanyaniShTalagnarxatithyAdipratipAdanam.h || 23||
tattachChAntividhishchaiva saMxepeNa pradarshitaH |
prasavasya vikArAshcha kathitAH shAntisaMyutAH || 24||
evaM jAtakavarye.atra niviShTA viShayAH shatam.h |
vij~nAya vibudhAstvetAn.h prApnuvantu yashaH shriyam.h || 25||
\medskip\hrule\medskip
##
Encoded and proofread by ajarve at fms30.cca.rockwell.com (Ahto Jarve)

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}