%
%
%Sanskrit Subhaashita
%
%
%
%Transliterated by Kedar Naphade (ksn2@lehigh.edu)
% define a function that loads in the font..
/devn22 {
22 normalfont % get the normal devnagri font, at 22 point size
} def
#hindiifm=dvnc.ifm
#hindifont=devn22
#hindi
mAtA mitraM pitA cheti svabhAvAt.h tritayaM hitaM |
kAryakAraNatashchAnye bhavanti hitabuddhayaH ||1||
mano madhukaro megho madyapo matkuNo marut.h |
mA mado markaTo matsyo makArA dasha cha.nchalAH ||2||
mAtrA samaM nAsti sharIraposhhaNa.n
chintAsamaM nAsti sharIrashoshhaNa.n |
mitraM vinA nAsti sharIra toshhaNa.n
vidyAM vinA nAsti sharIrabhUshhaNa.n ||3||
mukha.n padmadalAkAra.n vANI chandanashItalA |
hR^idaya.n krodhasa.nrakta.n trividha.n dhUrtalaxaNam.h ||4||
mayUro vihago ramyaH Anandayati mAnavAn.h |
pR^ishhThe sarasvatI tasya upavishhTeti manyate ||5||
mUrkhasya pa.ncha chihnAni garvo durvachana.n tathA |
krodhashcha dR^iDhavAdashcha paravAkyeshhvanAdaraH ||6||
mUka.n karoti vAchAla.n pa.nguM la.nghayate girim.h |
yatkR^ipA tamaha.n vande paramAnandamAdhavam.h ||7||
maNinA valaya.n valayena maNiH maNinA valayena vibhAti karaH |
payasA kamala.n kamalena payaH payasA kamalena vibhAti saraH ||8||
mR^igamInasajjanAnA.n tR^iNajalasantoshhavihitavR^ittInAm.h |
lubdhakadhIvarapishunaH nishhkAraNavairaNo jagati ||9||
markaTasya surApAna.n tasya vR^ishchikada.nshanam.h |
tanmadhye bhUtasa.nchAro yadvA tadvA bhavishhyati ||10||
mR^igA mR^igaiH sa.ngamupavrajanti gAvashcha gobhisturagAstura.ngaiH |
mUrkhAshcha mUrkhaiH sudhayaH sudhIbhiH samAnashIlavyasaneshhu sakhyaM ||11||
mahAjanasya sa.nsargaH kasya nonnatikArakaH |
padmapatrasthita.n toya.n dhatte muktAphalashriyam.h ||12||
mahaanubhaavasa.nsargaH kasya nonnatikaarakaH |
ratyaambu jaahnaviisa.ngaat tridashairapi vandyate ||13||
mA nishAda pratishhThA.n tva.n agamaH shAshvatIH samAH |
yatkrau.nchamithunAdekamavadhIH kAmamohitam.h ||14||
malinairalakairetaiH shuklatva.n prakaTIkR^itam.h |
tadroshhAdiva niryAtA vadanAdradanAvaliH ||15||
mR^idurityavajAnanti tIkshNa ityudvijanti cha |
tIkshNakAle bhavettIkshNo mR^idukAle mR^idurbhavet.h ||16||
mArAtparaH shUrataro na kashchit.h parAbhavaH strIharaNAnna chAnyaH |
tathApi nAbdhi.n pravivesha rAmo babandha setu.n vijayI sahishhNuH ||17||
maunAnmUrkhaH pravachanapaTurvAtulo jalpako vA
kshAntyA bhIruryadi na sahate prAyasho nAbhijAtaH |
dhR^ishhTaH pAshrve vasati niyata.n dUratashchApragalbhaH
sevAdharmaH paramagahano yoginAmapyagamyaH ||18||