% %
%%Transliterated by Kedar Naphade (ksn2@lehigh.edu) % define a function that loads in the font.. /devn22 { 22 normalfont % get the normal devnagri font, at 22 point size } def #hindiifm=dvnc.ifm #hindifont=devn22 #hindi na gR^iha.n gR^ihamityAhurgR^ihiNI gR^ihamuchyate | gR^iha.n tu gR^ihiNIhIna.n kAntArAdatirichyati ||21|| na devo vidyate kAshhThe na pAshhANe na mR^inmaye | bhAve hi vidyate devastasmAdbhAvo hi kAraNam.h ||22|| na vidyayA naiva kulena gaurava.n janAnurAgo dhanikeshhu sarvadA | kapAlinA maulidhR^itApi jAhnavI prayAti ratnAkarameva sarvadA ||23|| nindantu nItinipuNA yadi vA stuvantu laxmIH sthirA bhavatu gachchhatu vA yatheshhTam.h | adyaiva vA maraNamastu yugAntare vA nyAyyAtpathaH pravichalanti pada.n na dhIrAH ||24|| na bhIto maraNAdasmi kevala.n dUshhita.n yashaH | vishuddhasya hi me mR^ityuH putrajanmasama.n kila ||25|| namo dIpashikhe tubhyamandhakAra.n nirasyasi | prayachchhasi dhana.n svAsthya.n kalyANAya cha jAyase ||26|| nAbhishheko na sa.nskAraH si.nhasya kriyate vane | vikramArjitasattvasya svayameva mR^igendratA ||27|| na vitta.n darshayetprAGYaH kasyachitsvalpamapyaho | munerapi yatastasya darshanAchchalate manaH ||28|| na bhUpradAna.n na suvarNadAna.n na gopradAna.n na tathAnnadAnam.h | yathA vadantIha mahApradAna.n sarveshhu dAneshhvabhayapradAnam.h ||29|| na paNDitAH sAhasikA bhavanti shrutvApi te santulayanti tattvam.h | tattva.n samAdAya samAcharanti svArtha.n prakurvanti parasya chArtham.h||30|| naina.n chhindanti shastrANi naina.n dahati pAvakaH | nachaina.n kledayatyApo na shoshhayati mArutaH ||31|| nAnAdharmanigUDhatattvanichitA yatsa.nskR^itI rAjate seya.n bhAratabhUrnitAntaruchirA mAtaiva naH sarvadA | tasyA unnatihetave hi bhavatA.n GYAna.n tathA me balam.h sampannA balashAlinI vijayatAm.h me mAtR^ibhUH sarvadA ||32|| narapatihitakartA dveshhyatA.n yAti loke janapadahitakartA tyajyate pArthivena | iti mahati virodhe vidyamAne samAne nR^ipatijanapadAnA.n durlabhaH kAryakartA ||33|| nAya.n prayAti vikR^iti.n viraso na yaH syAt.h na kshIyate bahujanairnitarA.n nipItaH | jADya.n nihanti ruchimeti karoti tR^ipti.n nUna.n subhAshitaraso.anyarasAtishAyI ||34|| nivR^itto yastu madyebhyaH jitAtmA buddhipUrvakaH | vikAraiH spR^ishyate jAtu na sa shArIramAnasaiH ||35|| niHsvo vashhTi shata.n shatI dashashata.n laxa.n sahasrAdhipaH laxeshaH xitipAlatA.n xitipatiH chakreshatA.n vAJNchhati | chakreshhaH punarindratA.n surapatiH brAhma.n pada.n vAJNchhati brahmA shaivapada.n shivo haripada.n chAshAvadhi.n ko gataH ||36|| na vyAdhirna vishha.n nApattathA nAdhishcha bhUtale | khedAya svasharIrastha.n maukhryameka.n yathA nR^iNAm.h ||37|| na tena sthaviro bhavati yenAsya palita.n shiraH | sa vai yuvApyadhIyAno devAsta.n sthavira.n viduH ||38|| nirguNeshvapi sattveshhu dayA.n kurvanti sAdhavaH | na hi sa.nharate jyotsnA.n chandrashchANDAlaveshmanaH ||39|| nR^itya.n mayUrAH kusumAni vR^ixAH darbhAnupAttAnvijahurhariNyaH | tasyAH prapanne samaduHkhabhAvamatyantamAsIdrudita.n vane.api ||40|| nR^ipasya varNAshramapAlana.n yatsa eva dharmo manunA praNItaH nirvAsitApyevamatastvayAha.n tapasvisAmAnyamavexaNIyA | tatheti tasyA pratigR^ihya vAcha.n rAmAnuje dR^ishhTipatha.n vyatIte sA muktakaNTha.n vyasanAtibhArAchchakranda vignA kurarIva bhUyaH ||41|| nakshatrabhUshhaNa.n chandro nArINA.n bhUshhaNa.n patiH | pR^ithivIbhUshhaNa.n rAjA vidyA sarvasya bhUshhaNa.n ||42|| namo.astu te vyAsa vishAlabuddhe phullAravindAyatapatranetra | yena tvayA bhAratatailapUrNaH prajvAlito GYAnamayaH pradIpaH ||43|| namaH sarvavide tasmai vyAsAya kavivedhase | chakre puNya.n sarasvatyA yo varshhamiva bhAratam.h ||44|| #endhindi