%
%
%Sanskrit Subhaashita
%
%
%
%Transliterated by Kedar Naphade (ksn2@lehigh.edu)
% define a function that loads in the font..
/devn22 {
22 normalfont % get the normal devnagri font, at 22 point size
} def
#hindiifm=dvnc.ifm
#hindifont=devn22
#hindi
rUpayauvanasampannA vishAlakulasambhavAH |
vidyAhInA na shobhante nirgandhAH ki.nshukA yathA ||1||
rAshhTradhvajo rAshhTrabhAshhA rAshhTragIta.n tathaiva cha |
etAni mAnachihnAni sarvadA hR^idi dhAryatAm.h ||2||
ratnairmahAhai.rstutushhurna devAH na bhejire bhImavishheNa bhItim.h |
sudhA.n vinA na prayayurvirAma.n na nishchidArthAdviramanti dhIrAH ||3||
rAtrirgamishhyati bhavishhyati suprabhAta.n
bhAsvAnudeshhyati hasishhyati pa.nkajashrIH |
ittha.n vichintayati koshhagate dvirephe
hA hanta hanta nalinI.n gaja ujjahAra ||4||
re re chAtaka sAvadhAnamanasA mitra kshaNa.n shrUyatAm.h
ambhodA bahavo vasanti gagane sarvepi naikAdR^ishAH |
kechidvR^ishhTIbhirArdayanti dharaNI.n garjanti kechidvR^ithA
ya.n ya.n pashyasi tasya tasya purato mA brUhi dIna.n vachaH ||5||
rAtrau jAnu divA bhAnu kR^ishAnuH sandhyayodrvayoH |
pashya shIta.n mayA nIta.n jAnubhAnukR^ishAnubhiH ||6||
rAmAyaNam.h mahAkAvyam.h mahAbhAratameva cha |
ubhe cha vishvavikhyAte sa.nskR^itasya mahAnidhI ||7||
rathasyaika.n chakra.n bhujagayAmitA saptaturagAH
nirAlambo mArgashcharaNavikalaH sArathirapi |
raviryAtyanta.n pratidinamapArasya nabhasaH
kriyAsidhiH sattve bhavati mahatA.n nopakaraNe ||8||
rajakashcharmakArashcha naTo varuDa eva cha |
kaivartabhedabhillAshcha saptaite chAntyajAH smR^itAH ||9||
re re rAsabha vastrabhAravahanAtkugrAsamashnAsi ki.n
rAjAshvAvasatha.n prayAhi chaNakAbhyUshhAn.h sukha.n bhaxaya |
sarvAn.h pR^ichchhavato hayAniti vadantyatrAdhikAre sthitA
rAjA tairupdishhTameva manute satya.n taTasthAH pare ||10||
rAmAdyAchaya medinI.n dhanapaterbIja.n balAllA.ngalam.h
preteshAnmahishha.n tavAsti vR^ishhabhaH phAla.n trishUlAdapi |
shaktAha.n tava chAnnadAnakaraNe skando.api goraxaNe
khinnAha.n tava yAchanAt.h kuru kR^ishhi.n bhikshATana.n mA kR^ithAH ||11||
rAmAbhishheke madavihvalAyAH hastAchchyuto hemaghaTastaruNyAH |
sopAnamAsAdya karoti shabda.n ThA Tha.n Tha Tha.n Tha.n Tha Tha Tha.n Tha Tha.n ThaH ||12||
labdhvA tIkshNa.n ravestejaH shAnta.n shItakaro vahan.h |
sarvAn.h santoshhayan.h somaH oshhadhIsho virAjate ||13||
lAlayet.h pa.nchavarshhANi dashavarshhANi tADayet.h |
prApte tu shhoDashe varshhe putre mitravadAcharet.h ||14||
lobhamUlAni pApAni sa.nkaTAni tathaiva cha |
lobhAtpravartate vaira.n atilobhAtvinashyati ||15||
lakshmIH kaustubhapArijAtakasurAdhanvantarIchandramAH
gAvaH kAmaduhaH sureshvaragajo rambhAdi devA.nganAH |
ashvaH saptamukhaH vishha.n haridhanu sha.nkho.amR^ita.n chAmbudheH
ratnAnIha chaturdasha.n pratidina.n kurvantu vo ma.ngalam.h ||16||
lAlane bahavo doshhAstADane bahavo guNAH |
atashchhAtrashcha putrashcha tADayenna tu lAlayet.h ||17||
lobhAvishhTo naro vittam.h vIkshyate na tu sa.nkaTam.h |
dugdha.n pashyati mArjArI na tathA laguDAhatim.h ||18||
lAghava.n karmasAmathrya.n sthairyam.h kleshasahishhNutA |
doshhakshayo.agnivR^iddhishcha vyAyAmAdupajAyate ||19||
laxmIvanto na jAnanti prAyeNa paravedanAH |
sheshhe dharAbharAkrAnte shete nArAyaNaH sukham.h ||20||
#endhindi