%
%
%Sanskrit Subhaashita
%
%
%
%Transliterated by Kedar Naphade (ksn2@lehigh.edu)
% define a function that loads in the font..
/devn22 {
22 normalfont % get the normal devnagri font, at 22 point size
} def
#hindiifm=dvnc.ifm
#hindifont=devn22
#hindi
svaya.n maheshhaH shvashuraH nageshaH sakhaH dhaneshaH tanayo gaNeshaH |
tathApi bhiikshaaTanameva shambhoH baliiyasii kevalamiishvarechchhaa ||21||
santaptaayasi sa.nsthitasya payaso naamaapi na GYaayate
muktaakaaratayaa tadeva naliniipatrasthita.n raajate |
svaatyaa.n saagarashuktimadhyapatita.n sanmauktika.n GYaayate
praayeNottamamadhyamaadhamadashaa sa.nsargato jaayate ||22||
sajjanasya hR^idaya.n navaniita.n yadvadanti kavayastadaliika.n |
anyadehavilasatparitaapaat.h sajjano dravati no navaniitam.h ||23||
sukha.n hi duHkhaanyanubhuuya shobhate
ghanaandhakaareshviva diipadarshanam.h |
sukhaattu yo yaati naro daridrataa.n
dhR^itaH shariireNa mR^itaH sa jiivati ||24||
saaraN^gaaH suhR^ido gR^iha.n giriguhaa shaantiH priyaa gehinii
vR^ittirvanyaphalairnivasana.n shreshhTha.n taruuNaa.n tvachaH |
taddhyaanaamR^itapuuramagnamanasaa.n yeshhaamiya.n nivR^itiH
teshhaamindukalaavata.nsayaminaa.n mokshe.api no na spR^ihaa ||25||
svasti shriibhojaraajan.h tvamakhilabhuvane dhaarmikaH satyavaktaa
pitraa te saN^gR^ihiitaa navanavatimitaa ratnakoTyo madiiyAH |
taastva.n dehiiti raajan.h sakalabudhajanairGYaayate satyametad.h
no vaa jaananti yattanmama kR^itimapi no dehi laksha.n tato me ||26||
sulabhaaH purushhaa loke satata.n priyavaadinaH |
apriyasya cha shabdasya vaktaa shrotaa cha durlabhaH ||27||
saptaitaani na puuryante puuryamaaNaanyanekashaH |
svaamii payodhirudara.n kR^ipaNo.agniryamo gR^iham.h ||28||
suuto vaa suutaputro vaa yo vaa ko vaa bhavaamyaham.h |
daivaayatta.n kule janma madaayatta.n tu paurushham.h ||29||
subhaashhitena giitena yuvatiinaa.n cha liilayaa |
yasya na dravate chitta.n sa vai mukto.athavaa pashuH ||30||
si.nhaH shishurapi nipatati madamalinakapolabhittishhu gajeshhu |
prakR^itiriya.n sattvavataa.n tejasaa.n hi na vayaH samiikshyate ||31||
saahitya saN^giitakalaavihiinaH saakshaat.h pashuH puchchhavishhaaNahiinaH |
tR^iNa.n na khaadannapi jiivamaanastadbhaagadheya.n parama.n pashhuuNaam.h ||32||
sarasvatii.n namasyaami chetanaanaa.n hR^idi sthitaam.h |
matidaa.n varadaa.n shuddhaa.n viiNaahastavarapradaam.h ||33||
sarpaa pibanti pavana.n na cha durbalaaste
shushhkaistR^iNairvanagajaa balino bhavanti |
kandaiH phalairmunivaraaH kshapayanti kaalaam.h
santoshha eva purushhasya para.n nidhaanam.h ||34||
sa.nskR^ita.n devabhaashhaasti vedabhaashhaasti sa.nskR^itam.h |
praachiinaGYaanabhaashhaa cha sa.nskR^ita.n bhadramaNDanam.h ||35||
suhR^inmitraaryudaasiinamadhyasthadveshhyabandhushhu |
saadhushhvapi cha paapeshhu paNDitaaH samadarshanaaH ||36||
svaayattamekaantahita.n vidhaatraa vinirmita.n chhaadanamaGYataayaaH |
visheshhataH sarvavidaa.n samaaje vibhuushhaNa.n maunamapaNDitaanaam.h ||37||
saaksharaaH vipariitaashchedraakshasaa eva kevalam.h |
saraso vipariitashchetsarasattva.n na muJNchati ||38||
svaatantryo hi manushhyaaNaamadhikaaro svabhaavajaH |
tamaha.n praarthaye nitya.n lokamaanyavachastvidam.h ||39||
satya.n bruuyaat.h priya.n bruuyat.h na bruuyaat.h satyamapriya.n |
priya.n cha naanR^ita.n bruuyaat.h eshha dharmaH sanaatanaH ||40||
#endhindi